ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6a8PEqm6?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ❤️ ഭാഗം: 8 ***** മനസ്സിൽ നിറയെ ആയിശുവിനെ നിറച്ചുകൊണ്ടവൻ ബെഡിലേക്ക് ചാഞ്ഞു. തലയിണയും കെട്ടിപിടിച്ചവൻ വലത്തേ ഭാഗം തിരിഞ്ഞു കിടന്നു...യാത്ര ക്ഷീണം അവനെ നിദ്രയിലേക്ക് കൂട്ടികൊണ്ട്പോയ്.. 🤍 അമാന പാട്ടൊക്കെ പാടി വീടൊക്കെ ചുറ്റി കണ്ട് ആർമാദിചങ്ങിനെ നടന്നു. കിടന്നിട്ട് ഉറക്കം വരുന്നില്ല. താഴെ പോയി തൊടിയൊക്കെ ഒന്ന് പോയ്‌ ചുറ്റികാണാം.. കുറുമ്പിയും,കുറുമ്പനും സ്കൂൾ വിട്ട് വന്നോയെന്ന് നോക്കട്ടെ...അവരെയും കൂട്ടാം... അവൾ..പുറം കാഴ്ച്ചകളൊക്കെ കണ്ടുകൊണ്ട് മുകളിൽ ഉള്ള വരാന്തയിലൂടെ അങ്ങിനെ നടന്നു... ഇനി താഴേക്ക് ഇറങ്ങാം അവൾ ഉമ്മിയുടെ റൂമിൽ വന്ന് എത്തി നോക്കി ഉമ്മ നല്ല ഉറക്കം ആണ്.. അത് എപ്പോഴും അങ്ങനെയാണല്ലോ... ഉപ്പ പറയാറുള്ളത് പോലെ.. " വെട്ട് പോത്ത് കുത്താൻ വന്നാൽ പോലും നീ അറിയില്ലെന്ന്.. "അപ്പൊൾ ഉമ്മാന്റെ മുഖത്തെ ദേഷ്യം കാണാൻ നല്ല ചേലാണ്..പതിയെ ഉമ്മയുടെ വാതിൽ ചാരി...ശബ്ദം ഉണ്ടാക്കാതെ അമീറിന്റെ റൂമിലും പതിയെ എത്തി നോക്കി അമാന... ഓഹ്.... ഇവനും നല്ല മയക്കത്തിലാണല്ലോ.. ഒരു പണി കൊടുക്കണോ.. ഇക്കുവിന്... അല്ലേൽ വേണ്ട പാവം ഉറങ്ങട്ടെ.. പാട്ടുകൾ മൂളി... തുള്ളി ചാടികൊണ്ട് അവൾ കോണിസ്റ്റെപ്പുകൾ ഇറങ്ങി.. "ഇത്തൂസെ...." രണ്ട് പെരും ഓടിവന്ന് അമാനയെ വന്ന് കെട്ടിപുണർന്നു. അല്ലാഹ്... ആര് ഇത് മോനുസും മോളുസോ...എപ്പൊ വന്നു ഇത്താടെ മക്കൾ... ഞങ്ങൾ വന്നിട്ട് ഇത്തിരി സമയമേ..ആയൊള്ളു.. മിട്ടായിഉണ്ടോ..ഞങ്ങൾക്ക്. രണ്ടാൾക്കും പിന്നെ...എന്തല്ലാം കൊടുന്നിട്ടുണ്ട് എന്നറിയാമോ...? എന്റെ കാന്താരി കുട്ടിക്ക്..അവരുടെ രണ്ട് പേരുടെ കവിളിലും മാറി മാറി മുത്തികൊണ്ട് അമാന..പറഞ്ഞു.. വാ...ടാ...രണ്ട് പെരും വാ.. അവൾ ഉമ്മാമടെ റൂമിൽ കയറി ബാഗ് തുറന്ന് അവർക്ക് രണ്ട് പേർക്കും ചോക്ലറ്റ് എടുത്തു കൊടുത്ത്.. ബാക്കിയിനി മാമി വന്നിട്ട് തരുട്ടൊ...ചായ..കുടിച്ചോ രണ്ടാളും... മ്.... എന്നവർ തലയാട്ടി.. ഇത്തു.... ഉമ്മിക്ക് എവിടെ...? ഉമ്മിക്കില്ലല്ലോ... ഉമ്മി വലിയ ആളല്ലേ..മിട്ടായി തിന്നണ്ട. അവളുടെ കുഞുമുഖം വാടുന്നത് അവൾ ശ്രദ്ധിച്ചു.. ഉമ്മിക്ക് ഞാൻ കൊടുക്കാട്ടോ... ഇത് മോള് കഴിച്ചോ..ട്ടൊ... ഇക്കു... എവിടെ...? ഇക്കു നല്ല ഉറക്കാ... കുറച്ച് കഴിഞ്ഞാ വരുട്ടൊ.... മ്...... വാടാ... നമുക്ക് കളിക്കാം... അവർ രണ്ട് പേരും മുറ്റത്തേയ്ക്കിറങ്ങി ഓടി .. അമാന അവരുടെ കളി കണ്ട് ഉമ്മറത്തെ പടിയിൽ കയറിയിരുന്ന് അത്‌ ആസ്വദിച്ചുകൊണ്ടിരുന്നു... ഇവരുടെ ജീവിതം തന്നെയാണ് അടിപൊളി.... കുളം,പാടം..മീൻ പിടുത്തം ഹൈവ...എന്തല്ലാം വിനോദങ്ങളാ..നമ്മുടെയൊക്ക ആസ്വദിച്ചു ജീവിക്കേണ്ട കുട്ടിക്കാലം ഗൾഫിൽ ഒറ്റമുറിയിൽ തളച്ചിട്ടു.. മക്കളുടെ ഒരോ കളിയും കുസൃതിയും... അവളെങ്ങിനെ നോക്കിയിരുന്നു.. 🤍 രണ്ട് മൂന്ന് ദിവസങ്ങൾ കടന്ന് പോയി...അമാനയെ കോളേജിൽ ചേർക്കാനുള്ള ചർച്ചയാണ്...ഹോസ്റ്റലിൽ നിന്നുള്ള പഠിത്തം ഉമ്മാമക്ക് അത്ര പിടിക്കുന്നില്ല... ലൈല... ഇവിടുന്ന് പോയിവരാൻ പറ്റുന്ന കോളേജിലോ..മറ്റോ ചേർത്താൽ മതി...വലിയ പഠിപ്പൊന്നും പഠിച്ചിട്ട് ഒരു കാര്യവുമില്ല... പെൺകുട്ടികൾ അല്ലെ... ഉമ്മൂമ... നിങ്ങൾ നമ്മൾ പെണ്ണുങ്ങളെ അപമാനിക്കല്ലിട്ടൊ... പെണ്ണുങ്ങൾ പഠിച്ചാൽ എന്താ കുഴപ്പം... അമാന വിട്ട് കൊടുത്തില്ല... നിനക്ക് പത്തിനെട്ടു കഴിഞ്ഞു രണ്ട് വർഷം കൂടി കഴിഞ്ഞാൽ ഇരുപതായി കല്ലിയാണം നോക്കണം...അതന്നെ കൊഴപ്പം.... ആയിക്കോട്ടെ... അതൊക്കെ നോക്കാം.. ഇപ്പൊ പഠനം...എനിക്ക് bac നേഴ്സിങിന് പഠിക്കണം അതിന് പറ്റിയ കോളേജിൽ ചേരണം...എന്നിട്ട് മതി കല്ലിയാണമൊക്കെ എന്താ... ഉമ്മൂമ നിങ്ങളിങ്ങനെ.. അമാന സങ്കടത്തോടെ ചോദിച്ചു... എഡി........ ഉമ്മൂമ്മ പറഞ്ഞതിനപ്പുറം ഇവിടയൊന്നും നടക്കില്ല...അമീർ വിട്ട് കൊടുത്തില്ല...ഇവിടെ അടുത്തുള്ള കോളേജിൽ വല്ല ഡിഗ്രിക്കോ മറ്റോ ചേർന്നാൽ മതി. ഉമ്മൂമ്മ ഇവളുടെ ഒരു തീരുമാനവും അംഗീകരിച്ച് കൊടുക്കല്ലേ... ഇപ്പഴേ ഇളക്കം ഇത്തിരി കൂടുതലാ...പെണ്ണിന്. ആരുടെയും കണ്ണ്തട്ടാത്തിടം ആവുമ്പോ..എന്തും ആവാല്ലോ പെണ്ണിന്.. ഇവളെയൊന്നും പിന്നെ പിടിച്ചാ കിട്ടില്ല..പറഞ്ഞേക്കാം. അമീർ അവളെ ചൂടാക്കി കൊണ്ടിരുന്നു.. അമാന കരഞ്ഞു കൊണ്ട് ഉപ്പാപ്പാടെ അരികിലോട്ട് ഓടി ചെന്ന്... കണ്ടോ...ഉപ്പാപ്പ അവൻ പറയുന്നത്...ഞാൻ അങ്ങിനെയൊക്കെ ചെയ്യോ....? എനിക്ക് പഠിക്കണം..ഒരു ജോലി നേടണം എന്നിട്ടൊക്കെ മതി വിവാഹം.. "ഹയ്യോ... കരയല്ലേ.." അവൻ വെറുതെ നിന്നെ ശുണ്ഠി പിടിപ്പിക്കുന്നത് അല്ലെ... മോൾക്ക് എന്തിനാണോ... പഠിക്കാൻ താൽപ്പര്യം അതിന് ചേർന്നാൽ മതി...ട്ടൊ... നിന്റെ കൂടെ ഞാൻ ഉണ്ടാകും ഉപ്പാപ്പാന്റെ കുട്ടി കരയണ്ട." തോളിൽ തട്ടിക്കൊണ്ട്... ഉപ്പൂപ്പ അവളെ സമാധാനിപ്പിച്ചു ലൈല...നമുക്ക് ഇവനെകൊണ്ടൊരു പെണ്ണ് കെട്ടിക്കണ്ടെ...ഇരുപത്തി അഞ്ച് കഴിഞ്ഞില്ലേ...ഉമ്മൂമ അത്‌ പറഞ്ഞതും അമീറൊന്നു ചെറുതായി ഞെട്ടി... എന്ത് ഉമ്മൂമ.... ചർച്ച മാറിയോ...ഞാൻ ഇപ്പോഴും കൊച്ചു കുട്ടിയല്ലെ.. കെട്ടാൻ പ്രായം ഒന്നും ആയില്ല...ആവുമ്പോ ഞാൻ തന്നെ പറയും.. ഒരു വർഷം കൂടി കഴിയട്ടെ ഉമ്മാ... അടുത്തവരവിൽ നോക്കാം.. ഇൻഷാ അല്ലാഹ്.. അമീർ... ഉമ്മൂമ്മയുടെ കൈപിടിച്ചുകൊണ്ട് മൊഴിഞ്ഞു... "അത്‌ പറ്റില്ല... " കുറച്ച് മുന്നേവരെ നല്ല ഡയലോഗ് ആയിരുന്നല്ലോ.. എന്ത് പറ്റി....? ഉമ്മൂമയുടെ തീരുമാനത്തിന് മേലെ ഇവിടെ ഒന്നും നടക്കില്ല. ഇക്ക വിവാഹത്തിന് സമ്മതിച്ചെ പറ്റു...ഇവനി പറഞ്ഞ കാര്യങ്ങളൊന്നും ആരും വിട്ട് കൊടുക്കണ്ട.. അമാന എല്ലാവരോടും കൂടി പറഞ്ഞു... "എഡി...പെണ്ണെ... നിന്നെ ഞാൻ ഉണ്ടല്ലോ..." കുറച്ച് മുൻപ് പറഞ്ഞതൊക്കെ ഞാനങ്ങു പിൻവലിച്ച് നീയായി..നിന്റെ പാടായി...എവിടേലും ചെന്ന് പഠിക്കെ...കളിക്കെ..എന്താന്ന് വെച്ചാ ചെയ്യ്...പാരതെണ്ടി... അവൻ മുഷ്ടി ചുരുട്ടി നോക്കി അവളെ.... അങ്ങിനെ വഴിക്ക് വാ.... ഇന്റെ ഇക്കൂ... ഇപ്പോഴാണ് നീ നല്ല കുട്ടിയായെ.. പോടി..മാക്രി... അവളെ നീ കണ്ണുരുട്ടി പേടിപ്പിച്ചിട്ടൊന്നും ഒരു കാര്യവും...ഇല്ല.. എന്റെ ഗാന്ധിജി കുട്ടാ.. നിന്നെ പിടിച്ച് പെണ്ണ് കെട്ടിക്കും...കെട്ടിക്കും എന്ന് പറഞ്ഞാൽ...അത്‌ നടത്തിയിരിക്കും... ജാസിയാ...പറയുന്നേ... അമ്മായി ഇത് തമാശയല്ല... സത്യമായിട്ട്.. പറഞ്ഞതാ. ഞാനിപ്പോ...അതിന് ഒരുങ്ങിയിട്ടില്ല...മനസ്സ് കൊണ്ട്... അമീറെ... അങ്ങിനെയൊന്നും പറഞ്ഞു ഒഴിയണ്ട എന്തായാലും നാട്ടിൽ നിന്ന് തിരിച്ച് പോകും മുൻപ് നിന്റെ നിക്കാഹ് എങ്കിലും കഴിപ്പിക്കണം എന്ന് ഞാനും ഉപ്പയും തീരുമാനിച്ചിട്ടുണ്ട്.. ഉമ്മാ.... എന്റെ കാര്യം ഞാനല്ലേ തീരുമാനിക്കേണ്ടത്... എന്നോട് ഒരു വാക്ക് പോലും പറയാതെ...നിങ്ങൾ രണ്ടുപേരും കൂടി ആ.. തീരുമാനം എടുത്തത് ശെരിയായില്ല.... എന്റെ കൂട്ടുക്കാരിയുടെ മകൾ ഡോക്ടർ വിഭാഗത്തിന് പഠിക്കുവാ...നല്ല കൊച്ചാ ഞാൻ കണ്ടിട്ടുണ്ട്..അവരി മാസം അവസാനം നാട്ടിലേക്ക് വരുന്നുണ്ട്.. ഇവനും കണ്ടിട്ടുള്ളതാ. എന്നാൽ പിന്നെ അവര് വരട്ടെ എന്നിട്ട് തീരുമാനിക്കാം.. അല്ലേ...അമീറെ.. ഉമ്മൂമ്മ അവനെ നോക്കി കൊണ്ട് പറഞ്ഞു... ഇവരൊക്കെകൂടി ഒറ്റകെട്ടാണല്ലോ..ഈ കാര്യത്തിൽ... പെണ്ണ് കെട്ടി...എന്ന് പറഞ്ഞാൽ കാൽ കെട്ടും പോലയാ....ഇവരൊക്കെ കൂടി...എന്നെ...ഇനി. ന്റെ...അള്ളോഹ്.. ഇവിടെ നിന്നും തൽക്കാലം തടിതപ്പാ...അതാകും നല്ലത്. അവൻ ഉമ്മറം വഴി പുറത്തേക്കിറങ്ങിപ്പോയി. (തുടരും) കണ്ണൂർകാരൻ ❤️❤️ #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ