ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aqDkPVb?d=n&ui=v64j8rk&e1=cമന്ത്രകോടി :പാർട്ട്‌ -27🌺💚 കുളിയൊക്കെ കഴിഞ്ഞ് മുടിയൊന്ന് കുളിർപ്പിന്നൽ തെറ്റി ഒരു കറുത്ത നിറത്തിലുള്ള കോട്ടൺ സാരി ചുറ്റി നെറ്റിയിലൊരു ഭസ്മക്കുറിയുമിട്ട് ഹാളിലേക്ക് വരുകയായിരുന്നു ഭാമ ....... അപ്പോഴാണ് ഹാളിൽ നവ്യക്കരികിലിരുന്ന് അവൾക്ക് ടെക്സ്റ്റ്‌ നോക്കി ഓരോന്ന് പറഞ്ഞു നൽകുന്ന നന്ദനെ അവൾ കാണുന്നത്....... നന്ദന്റെ ശ്രദ്ധ മുഴുവൻ പറഞ്ഞു കൊടുക്കുന്നതിൽ ആണെങ്കിൽ അവന്റെ കണ്ണ് തെറ്റുമ്പോൾ അവനെ അടിമുടി അളക്കുന്ന നവ്യയിൽ ഒറ്റ നിമിഷം കൊണ്ട് ഭാമയുടെ കണ്ണുകളുടക്കി....... അവളുടെ നെറ്റി പതിയെ ചുളിഞ്ഞു..... നന്ദനെ കണ്ണിമക്കാതെ നോക്കുന്ന നവ്യയുടെ മിഴികളിൽ മറ്റെന്തോ ഭാവമാണെന്ന് മനസ്സിലായതും എന്തുകൊണ്ടോ ഭാമയുടെ മനസ്സൊന്നു പിടഞ്ഞു....... ആ നിമിഷം തന്നെയാണ് കാവ്യയും കിച്ചണിൽ നിന്ന് ഹാളിലേക്ക് വന്നത്.... അടുക്കള വാതിൽക്കൽ നിന്ന് അനങ്ങാതെ നിൽക്കുന്ന ഭാമയെ കണ്ടതും കാവ്യ അവൾക്ക് പിന്നിൽ വന്നുനിന്നു. ശേഷം അവൾ നോക്കുന്നിടത്തേക്കൊന്നു നോക്കി.... നന്ദനരികിലിരുന്ന് പഠിക്കുന്ന നവ്യയേ കണ്ടതും അവളുടേയും നെറ്റിയൊന്ന് ചുളിഞ്ഞു. ടഫ് ആയ ശബ്ജക്ട് പഠിപ്പിച്ചു കൊടുക്കാനായി അവളെ എപ്പോഴും വിളിക്കുന്നയാളാണ് താൻ എന്നാൽ തന്നെയൊന്ന് മൈൻഡ് പോലും ചെയ്യാറില്ലവൾ. ആ അവളാണിപ്പോ നന്ദേട്ടനടുത്തിരുന്ന് പഠിക്കുന്നത്.... ഭാമ മെല്ലെ ഒന്ന് തിരിഞ്ഞതും തനിക്കരികിൽ നിൽക്കുന്ന കാവ്യയേ കണ്ടു. അവളും ഈ കാഴ്ച നോക്കി നിൽക്കുകയാണെന്നു മനസ്സിലായി...... ഭാമേച്ചി..... കാവ്യ മെല്ലെ വിളിച്ചു..... ഹ്മ്മ്മ്....... ഇവളിങ്ങനെ സാധാരണ ആരുടെയടുത്തും പഠിക്കാൻ ഇരിക്കാത്തതാണല്ലോ പിന്നിതെന്ത് പറ്റി...... അവൾ മെല്ലെ ഭാമയുടെ കാതരികിനിൽ വന്നു ചോദിച്ചു.... എനിക്ക് മനസ്സിലാകുന്നില്ല ഇവളുടെ സ്വഭാവം. ഭാമയൊന്നും പറഞ്ഞില്ല ...... ആ ഭാഗത്തേക്ക്‌ തന്നെ നോക്കി നിൽക്കുകയായിരുന്നു. കുറച്ച് നിമിഷങ്ങളെങ്ങനെ നിന്നശേഷം കാവ്യ ഭാമയേയും കടന്ന് നേരെ ഫ്രണ്ടിലേക്ക് പോയി....... ഭാമ നിൽക്കുന്നിടത്ത് നിന്നും ഇരുവരെയും നോക്കിക്കൊണ്ട് തന്നെ ഹാളിലെ സോഫയ്ക്ക് എതിർവശത്തായി കിടന്ന ഡൈനിങ്ടേബിളിനരികിൽ വന്ന് ഒരു കസേര നീക്കി അതിലേക്കവൾ ഇരുന്നു. ആ കസേര പിന്നിലേക്ക് നീക്കുന്ന ശബ്ദം കേട്ടതും നന്ദനും നവ്യയും ഒരുപോലെ മുഖമുയർത്തി നോക്കി. ഭാമയെ കണ്ടതും നന്ദന്റെ മിഴികളൊന്നു തിളങ്ങി...... അവൻ അവളെ നോക്കി ചെറുതായൊന്ന് ചിരിച്ചു ശേഷം പുസ്‌തകത്തിലേക്ക് തന്നെ നോക്കി...... പക്ഷേ ഭാമ വന്നിരിക്കുന്നത് കണ്ടതും നവ്യയുടെ മുഖമൊന്നുമാറി....... ഭാമ ചായ കപ്പ് ചുണ്ടോട് മുട്ടിച്ച് നവ്യയേ നോക്കി...... താനിവിടെയിരിക്കുന്നത് ഒട്ടും ഇഷ്ടമായില്ലെന്ന് അവളുടെ മുഖഭാവങ്ങൾ വിളിച്ചു പറയുന്നുണ്ട്...... നേരത്തേ നന്ദനെ നോക്കിയിരുന്നത് പോലെ നോക്കാൻ കഴിയാത്തതും അവൾ പുസ്തകത്തിലേക്ക് മുഖംകുമ്പിട്ട് നോക്കിയിരുന്നു..... ഭാമ അവിടെ ഇരിക്കുന്നത് കൊണ്ട് നന്ദന്റെ മിഴികൾ ഇടകിടക്ക് അവളിലേക്ക്‌ പാളുന്നുണ്ട്..... അവന്റെ ആ നോട്ടം കണ്ടതും അവളിലൊരു കുഞ്ഞ് പുഞ്ചിരി മൊട്ടിട്ടു..... കുളിച്ച് ഭംഗിയായി....ഒരു കോട്ടൺ സാരിയും അലസമായുടുത്ത് നെറ്റിയിലൊരു ഭസ്‌മക്കുറിയുമായി ഇരിക്കുന്നവളെ കണ്ടിട്ടും കണ്ടിട്ടും മതിയാകാത്തപോലെ....... നന്ദന്റെയാ നോട്ടം എപ്പോഴോ നവ്യ ശ്രെദ്ധിച്ചതും നേരത്തേ ഉണ്ടായിരുന്ന ഭാവമെല്ലാം മാറി വല്ലാത്തൊരമർഷമവളിൽ നിറഞ്ഞു. കുറച്ച് നേരം കൂടി അങ്ങനെ ഇരുന്നു നന്ദൻ ഭാമയെ നോക്കുന്നതാവർത്തിക്കുന്നത് കണ്ടതും അവൾ മുഖമുയർത്തി ഏട്ടാ..... മതിയാക്കാം..... എനിക്ക് മനസ്സിലായി...... ഈ ചാപ്റ്റർ കൂടി ഇല്ലേ.... അവളുടെ പെട്ടന്നുള്ള മറുപടിയിൽ അവൻ ചോദിച്ചു. ഹേയ്.... അതില്ല ഇതുവരെ മതി.... അത് പറഞ്ഞുകൊണ്ട് അവൾ എഴുന്നേറ്റു.... അവന്റെ കൈയിലിരുന്ന ബുക്കും പുസ്തകങ്ങളുമെല്ലാമെടുത്തുകൊണ്ട് അവനെ നോക്കി ഒരു താങ്ക്സ് പറഞ്ഞ് ചുണ്ടിലൊരു ചിരി വരുത്തി നവ്യ അകത്തേക്ക് നടന്നു. തനിക്കരികിലൂടെ കടന്നുപോയവളെയൊന്ന് ഇടം കണ്ണിട്ട് നോക്കിക്കൊണ്ട് ഭാമയും കുടിച്ചു കഴിഞ്ഞ ചായക്കപ്പുമായി അവിടെ നിന്ന് എഴുന്നേറ്റു. 🌼🌼🌼🌼🌼🌼🌼🌼🌼🌼🌼🌼🌼🌼 മെറിൻ ഈ പറഞ്ഞ ഡീലിന് നീ ഓക്കേ യാണോ...... ഒന്നല്ല രണ്ടല്ല പത്ത് ലക്ഷമാണ് നിനക്ക് ഓഫർ ചെയ്യുന്നത്.......... മെറിൻ വല്ലാത്തൊരു ടെൻഷനിൽ ഗൗതമിന്റെ മുഖത്തേക്ക് നോക്കി..... എടാ..... എനിക്ക് നീ പറഞ്ഞതൊക്കെ കേട്ടിട്ട് പേടിയാകുന്നുണ്ട് ....... അന്ന് നിങ്ങളുടെ കൂടെ നിന്നെന്നുള്ളത് ശെരിയാ.... അന്ന് ഞാൻ ഒറ്റക്കല്ലായിരുന്നു കൂടെ കെവിനും ഉണ്ടായിരുന്നു...... പക്ഷേ ഇന്നിപ്പോ അവൻ കൂടെയില്ല. ഞാൻ ഒറ്റക്കാണ്. ഇത്രയും വലിയ റിസ്ക്കുള്ളൊരു കാര്യം ഞാൻ എങ്ങനെയാണ് ഒറ്റക്ക് ചെയ്യുന്നത്.... മെറിനൊരു പേടിയോടെ ചോദിച്ചു കൂടാതെ ഞാനിപ്പോ പ്രെഗ്നന്റ് ആണ്... മഹി എന്നെവിട്ട് ഒരു നിമിഷം മാറി നിൽക്കുന്നില്ല. അവനിതറിഞ്ഞാൽ........ അത് കേട്ടതും അവനൊന്നു ചിരിച്ചു. അതോർത്തു നീ വിഷമിക്കണ്ട. അവനിനി നിന്റെയടുത്ത് അധികനേരമിരിക്കില്ല. അതിനവന് സമയവുമുണ്ടാകില്ല. ഗൗതം പറഞ്ഞത് കേട്ട് അവളുടെ നെറ്റിയൊന്ന് ചുളിഞ്ഞു... കാരണം അവനെന്തായാലും ഈ ജോലി കിട്ടിയിരിക്കും പിന്നെ അവന് നിന്റെ അടുത്തിരിക്കാനുള്ള ടൈം കുറയും ഫുൾ എൻകെജ്ട് ആകും..... നിനക്ക് ആ സമയം തന്നെ മതിയല്ലോ ഞാൻ പറഞ്ഞ കാര്യങ്ങൾ ചെയ്യാൻ..... അവനൊരു വിശദീകരണത്തോടെ പറഞ്ഞു. എടാ എന്നാലും...... എനിക്ക്........ നീ കൂടുതലൊന്നും ചിന്തിക്കണ്ട ഞാൻ മുന്നോട്ട് വച്ച ഈ അഞ്ചു ലക്ഷത്തിന്റെ ചെക്ക് തിരിച്ചെടുക്കണോ വേണ്ടയോ എന്ന് നീ പറയ്...? അവൻ നേരത്തേ മുന്നോട്ട് വച്ച ചെക്ക് പതിയെ പിന്നിലേക്ക് വലിച്ചു കൊണ്ട് അവൻ ചോദിച്ചതും കുറച്ചൊന്ന് ആലോചനയോടെ ഇരുന്നവൾ അതിന്റെ ഒരു ഭാഗത്തേക്ക്‌ കൈവച്ച് അത് തടഞ്ഞു. ഞാൻ...... ഞാൻ ശ്രമിക്കാം.... ശ്രമിക്കാമെന്ന് പറഞ്ഞാൽ പോര മെറിൻ ചെയ്യണം. എങ്കിൽ മാത്രം....... അവനാ ചെക്കിലേക്ക് നോക്കി..... ഞാൻ...ഓക്കേ യാ...... അവളിൽ നിന്ന് ഒറ്റവാക്കിലൊരു മറുപടി വന്നതും അവനൊന്നു ചിരിച്ചു. ഹ്മ്മ് ഗുഡ്...... എന്നാൽ ഈ ചെക് പിടിക്ക്. ബാക്കി നീ അത് ചെയ്തു കഴിഞ്ഞ ശേഷം. ഹ്മ്മ്...... അവളൊന്നു മൂളി... എന്നാലും അവളിൽ ഒരു വല്ലായ്മ ബാക്കിയായിരുന്നു. മെറിൻ ഇതിൽ കൂടുതൽ ചിന്തിക്കാനോ പശ്ചാത്തപിക്കാനോ ഒന്നുമില്ല. നമ്മൾ ജോലി ചെയ്യുന്നു കൂലി വാങ്ങുന്നു അത്രയും വിചാരിച്ചാൽ മതി.... ഒക്കെ....... അവളുടെ മുഖഭാവം കണ്ടതും ഗൗതം പറഞ്ഞു. ഹ്മ്മ്മ്മ്....... ശെരിയെന്നാ ഞാൻ പോകുവാ.... ബാക്കി പ്ലാനൊക്കെ വഴിയേ നിന്നോട് പറയാം. ഹ്മ്മ് ഒക്കെ.... അവൾ അത് പറഞ്ഞതും ഗൗതം തലയിലിരുന്ന ക്യാപ് ഒന്ന് ശെരിയാക്കി വച് പോകാനേഴുന്നേറ്റു പെട്ടന്ന് ഫോൺ ബെൽ അടിച്ചതും മെറിൻ കിടക്കയിൽ നിന്ന് ഞെട്ടി ഉണർന്നു...... ഇന്ന് ഗൗതമിനെ കണ്ടിട്ട് വന്നത് മുതൽ മനസ്സ് മുഴുവൻ അതാണ്...... മെറിന് വല്ലാത്തൊരു അസ്വസ്ഥതയോടെ ഓർത്തു. അവൾ ബെഡിൽ നിന്ന് പതിയെ എഴുന്നേറ്റു ശേഷം ഫോണിലേക്ക് നോക്കി മഹിയാണ് വിളിച്ചിരിക്കുന്നത്. തിരിച്ചു വിളിക്കാൻ തോന്നാത്തത് കൊണ്ട് എഴുന്നേറ്റ് ഫോൺ തിരികെ ബെഡിലേക്ക് ഇട്ട് അവൾ ബാൽക്കണിയിലേക്ക് വന്നിരുന്നു....... ഗൗതം രാവിലെ പറഞ്ഞത് പോലെ ഇന്റർവ്യൂവിൽ മഹിയെ സെലക്ട്‌ ചെയ്തിരുന്നു. മറ്റെന്തോ ഒരാവശ്യത്തിനായി പുറത്തേക്ക് പോയിരിക്കുകയാണവൻ. ഇന്ന് ഗൗതം പറഞ്ഞ കാര്യങ്ങളോർത്ത് വല്ലാത്തൊരു ടെൻഷൻ മനസ്സിലുണ്ട്. പക്ഷേ ജോലിക്ക് പോകാതെ മഹിയെ ഡിപെൻഡ് ചെയ്യാതെ കയ്യിലേക്ക് വരുന്ന പണമാണ്. അതുകൊണ്ട് അതിനെ തട്ടിക്കളയാനും കഴിയില്ല. എന്തായാലും ഇറങ്ങി പുറപ്പെട്ടു. വരുന്നത് വരുന്നിടത്തു വച്ചു കാണാം. എന്ത് ചെയ്താലും മഹി അറിയാതെ നോക്കിയാൽ പോരേ.... അവൾ മനസ്സിൽ കണക്കുകൂട്ടി 🦋🦋🦋🦋🦋🦋🦋🦋🦋🦋🦋🦋 പുറത്ത് മഴ തകർത്ത് പെയ്തു തുടങ്ങിയതും ഭാമ ഉമ്മറത്തേക്കിറങ്ങി........ നല്ല കാറ്റും മഴയുമാണ് പുറത്ത്...... ഉമ്മറത്തെ ലൈറ്റിന്റെ വെട്ടത്തിൽ മണ്ണിലേക്കിറങ്ങി വരുന്ന ഓരോ മഴനൂലുകളേയും വ്യക്തമായ് കാണാം..... അതങ്ങനെ നോക്കി നിൽക്കുമ്പോഴായിരുന്നു പിന്നിലൂടെയൊരു കൈ വന്ന് വയറിനെ പൊതിഞ്ഞത്..... ആദ്യമൊന്ന് ഞെട്ടിയവൾ..... പിന്തിരിയാൻ തുടങ്ങുന്നതിനു മുൻപാ കൈകളിലേക്ക് നോക്കിയതും പുറകിലാരാണെന്ന് മനസ്സിലായിരുന്നു ആ നിമിഷം അവളിലൊരു കുഞ്ഞു പുഞ്ചിരി മൊട്ടിട്ടു. ശേഷം മെല്ലെയാ നെഞ്ചോരം ചേർന്ന് നിന്നു.......... പരസ്പരം പറയാതെ പറയുന്ന പ്രണയമാണ് ഇരുവരുടെ ഉള്ളിലും....... അത്രമേൽ സ്നേഹിക്കുന്നുണ്ട്, ശരീരം കൊണ്ട് ഒന്നായില്ലെങ്കിലും മനസ്സുകൊണ്ട് ഏറെ അടുത്തിട്ടുണ്ടിരുവരും. ഇങ്ങനെ ഓരോ നിമിഷങ്ങളിലൂടെ അതവർക്ക് മനസ്സിലാകുന്നുമുണ്ട്... നന്ദൻ വയറിനെ ചുറ്റിപ്പിടിച്ച കൈകൾ വീണ്ടുമൊന്ന് അമർത്തി തന്നിലേക്ക് അവളെ ചേർത്ത് പിടിച്ചു..... ഭാമയൊന്ന് കുറുകി സുഖമുള്ളൊരനുഭൂതിയിൽ അവനോടാങ്ങനെ ചേർന്നുനിന്നു..... ഇരുവർക്കും മാത്രമായ് ആ ലോകം ചുരുങ്ങിയതുപോലെ........... ❤️❤️❤️ ആ സമയം തന്നെയാണ് പുറത്തേക്ക് എന്തിനോ വന്ന നവ്യ ഈ കാഴ്ച കാണുന്നത്. പിന്നിൽ നിന്നും ഭാമയെ പുണർന്ന് മഴ കണ്ടു നിൽക്കുന്ന നന്ദൻ അവളിൽ വല്ലാത്തൊരു അമർഷം നിറഞ്ഞു പെട്ടന്ന് തിരിഞ്ഞവൾ അകത്തേക്ക് നടന്നു. 🌼🌼🌼🌼🌼 താനെന്താ ഇങ്ങനെ ആലോചിച്ചിരിക്കുന്നെ..... ബെൻഡിൽ ഈ ലോകത്തെങ്ങും അല്ലാത്തതുപോലുള്ള മെറിന്റെ ഇരുപ്പ് കണ്ട് മഹി ചോദിച്ചു. ഹേയ്...... ഒന്നുമില്ല മഹി.... അവന്റെ ചോദ്യത്തിൽ മറ്റേതോ ചിന്തയിൽ നിന്നൊന്ന് ഞെട്ടിക്കൊണ്ട് അവൾ ഉത്തരം പറഞ്ഞു. അവൻ പതിയെ ലൈറ്റ് ഓഫ്‌ ചെയ്ത് ഡിം ലൈറ്റ് ഓൺ ചെയ്ത് അവൾക്കരിലായ് വന്നുകിടന്നു മഹീ..... തനിക്കരികിൽ കിടക്കുന്നവനെ അവൾ വിളിച്ചു . അവനൊന്നു മുഖമുയർത്തി നോക്കി....... നാളെ മഹിക്ക് എവിടേക്കെങ്കിലും പോണോ? ഹേയ് നാളെ പോകണ്ട. മറ്റന്നാൾ മുതലാണ് ജോലിക്ക് ജോയിൻ ചെയ്യാൻ പറഞ്ഞിരിക്കുന്നത് അന്ന് പോയാൽ മതി...... ഹ്മ്മ്മ്...... എന്നാ നാളെ നമുക്ക് പുറത്തോട്ടൊക്കെ ഒന്ന് പോകാം.... എനിക്കിവിടുള്ള സ്ഥലങ്ങളെല്ലാം കാണണം എന്നുണ്ട്...... അതിനെന്താ പോകാം...... ഹ്മ്മ്മ്....... അവൻ അത് പറഞ്ഞുകൊണ്ട് അവൽക്കരികിലേക്ക് ചേർന്നുകിടന്ന് കണ്ണടച്ചു. എന്നാൽ മെറിന്റെ മനസ്സിൽ മറ്റുപല കണക്കുകൂട്ടലുകളായിരുന്നു. തുടരും....💚🌺 കണ്ണൂർകാരൻ ❤️❤️❤️❤️ #📔 കഥ #💞 പ്രണയകഥകൾ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ