ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aq6p7K4?d=n&ui=v64j8rk&e1=cബൊമ്മലാട്ടം ((6)) കരണിന്‍റെ തിരിച്ചു വരവ് വിവേകിൽ നിന്നുമറിഞ്ഞ നിരഞ്ജനെ വല്ലാതെ ചൊടിപ്പിച്ചു. ഡിപ്പാര്‍ട്ടുമെന്‍റില്‍ ഉണ്ടായിരുന്നപ്പോള്‍ തനിക്ക് അവനൊരു തീരാ തല വേദനയായിരുന്നു. ശല്യം ഒഴിഞ്ഞു പോയി എന്നാശ്വസിച്ച് ഇത്രയും നാള്‍ കഴിഞ്ഞതാണ്. ഇപ്പോഴിതാ അവന്‍ വീണ്ടും എത്തിയേക്കുന്നു. അതും പട്ടേല്‍ സാബിന്‍റെ ഒത്താശയും നിര്‍ബന്ധവുമോടെ. ഇനി അവന്‍റെ അഹന്ത നേരില്‍ കാണണം. നിരഞ്ജന്‍റെ കൈ തരിച്ചു. ഡല്‍ഹി റോ ഹെഡ്കോര്‍ട്ടേഴ്സിലെ പ്രധാന ഓഫീസര്‍സ് കരണിന്‍റെ വരവിനായി പുറത്ത് കാത്തു നില്‍ക്കുകയാണ്. പട്ടേലിനൊപ്പം സഞ്ജനയുമുണ്ട്. കോട്ടിലെ കൈ മുകളിലേക്ക് ഉയര്‍ത്തി പട്ടേല്‍ വാച്ചില്‍ നോക്കി. കരണ്‍ വരാനുള്ള സമയം അടുക്കുന്നു. തന്‍റെ സ്വന്തം കാര്‍ ഡ്രൈവറെയടക്കം എയര്‍ പോര്‍ട്ടില്‍ അയച്ചതാണ്. ഏതൊരു സാധാരണക്കാരനേയും കലി കയറ്റാന്‍ തക്ക ശേഷിയുള്ള ഡല്‍ഹിയിലെ ട്രാഫിക് ജാമിനെ കുറിച്ചും ഈ അവസരത്തില്‍ ഓര്‍ക്കാതിരിക്കാന്‍ പട്ടേലിനായില്ല. പിന്നെയും ഏതാനും നിമിഷം കഴിഞ്ഞപ്പോഴാണ് ഹോണടിയുടെ ശബ്ദം എല്ലാവരുടേയും കാതുകളില്‍ രണ്ടു തവണ മുഴങ്ങിയത്. തന്‍റെ ബ്ലാക്ക് ബെന്‍സ് എസ് ക്ലാസ്സ് പൂന്തോട്ടം കടന്ന് വരുന്നു. നിശ്ചയം, അതിനകത്ത് കരണ്‍ ഉണ്ടാവും. സഞ്ജനയും പട്ടേലും ഒരുപോലെ ദീര്‍ഘനിശ്വാസം പുറത്തേക്കു തള്ളി. അവര്‍ക്കു മുന്നിലെത്തി നിശ്ചലമായ ബെന്‍സിനകത്തു നിന്നും ആദ്യം ഓടിയിറങ്ങിയത് ശിവാനിയായിരുന്നു. "Hi Sweety.." പട്ടേല്‍ പുഞ്ചിരിച്ച് അവളെയൊന്നു തലോടി. "Hi Uncle.." പട്ടേല്‍ താന്‍ കരുതിയ റോസാ പുഷ്പം ശിവാനിക്ക് നീട്ടി. തൊട്ടു പുറകെ അശ്വിനിയിറങ്ങി. "ഹായ് മാം. യാത്രയൊക്കെ സുഖമായിരുന്നോ?" സഞ്ജന അവളെ സ്വീകരിച്ചു. ഒടുവില്‍ അവരെല്ലാം കാത്തു നിന്ന കരണും പുറത്തേക്കിറങ്ങുകയായിരുന്നു. ജീന്‍സും ഷര്‍ട്ടുമായിരുന്നു കരണിന്‍റെ വേഷം. "Welcome back Karan..." ബൊക്ക കൈമാറി പട്ടേല്‍ കരണിനെ സ്വീകരിച്ചു. "താങ്ക്സ് സര്‍. വരൂ.. നമുക്ക് അധികം സമയമില്ല. വൈകുംതോറും അത് കൂടുതല്‍ അപകടമാണ്..." കരണ്‍ നിര്‍ദേശിച്ചതിന് പട്ടേലും സഞ്ജനയും ഒരുപോലെ തലയാട്ടി. അവരെല്ലാം അകത്തേക്ക് പ്രവേശിച്ചു. "സര്‍, നിരഞ്ജന്‍റെ ഓഫീസ്?!" കയറിയപാടേ കരണിന്‍റെ ആദ്യ അന്വേഷണം. "അതാ അവിടെ വലതു ഭാഗത്താണ്." പട്ടേല്‍ കൈ ചൂണ്ടിയിടത്തേക്ക് അവന്‍ നോട്ടമെറിഞ്ഞു. "അശ്വിനി, നീ ഗസ്റ്റ് റൂമിലേക്ക് ചെല്ലൂ. അതെവിടെയാണെന്ന് സഞ്ജന കാണിച്ചു തരും. ശിവാനി, നീ കുസൃതിയൊന്നും ഒപ്പിക്കരുത്. മമ്മയെ വിട്ട് എവിടേക്കും പോകരുത്." "നോ ഡാഡ്." അവള്‍ തലയാട്ടി. മൂവരും രണ്ടു ദിശയിലേക്കായി തിരിഞ്ഞു. ********************************************************************************** ****************** കതകില്‍ മൂന്നു പ്രാവശ്യം തട്ട് മുഴങ്ങിയതിനു ശേഷമാണ് സുഡോക്കു കളിക്കുകയായിരുന്ന നിരഞ്ജന്‍ തല ഉയര്‍ത്തി നോക്കിയത്. ഇനിയും ചില അക്കങ്ങള്‍ കൃത്യമാക്കാനുണ്ട്. അവയെ ഒത്തുകൂട്ടാന്‍ കഴിഞ്ഞിട്ടില്ല. അതിനിടയിലെ ഈ കടന്നു കയറ്റം അയാളെ അലോസരപ്പെടുത്തി. "യെസ്, കമിംഗ്." കൈ വിരലുകള്‍ ഞെരടി നിരഞ്ജന്‍ അനുവാദം കൊടുത്തു. കതക് തുറന്ന് കടന്നു വരുന്ന തന്‍റെ പഴയ ശത്രു (സുഹൃത്ത്) വിനെ കണ്ട് നിരഞ്ജന്‍ അറിയാതെ എഴുന്നേറ്റ് പറഞ്ഞു : "കരണ്‍.!" "𝐇𝐚𝐢 𝐍𝐢𝐫𝐚𝐧𝐣𝐚𝐧... 𝐇𝐨𝐰 𝐀𝐫𝐞 𝐘𝐨𝐮 𝐌𝐚𝐧...??" വന്നപാടെ കരണ്‍ ചോദിച്ചു. "വിശേഷമൊക്കെ നിനക്കല്ലേ കരണ്‍. സമര്‍ത്ഥമായി ഈ കേസ് നിന്‍റെ കൈയ്യില്‍ തന്നെ വന്നു ചേര്‍ന്നല്ലോ! Thank God! And Congratulations!!" "Thanks Hero! ഞാനിത് ഒട്ടും ആഗ്രഹിച്ചതല്ല. പിന്നെ മനസാക്ഷി സമ്മതിക്കുന്നില്ലെന്ന് കണ്ടപ്പോള്‍ ഏറ്റു പോയി. അല്ലേലും ഇത്രയും വലിയ ദുരന്തം സ്വന്തം രാജ്യത്ത് അരങ്ങേറി എന്നറിയുമ്പോള്‍ ആര്‍ക്കാ ഇരിക്ക പൊറുതി കിട്ടുക?! പ്രത്യേകിച്ച് നമ്മളെ പോലെയുള്ളവര്‍ക്ക്." മേശയോട് ചേര്‍ന്നു നിന്ന് കരണ്‍ പറഞ്ഞു. അപ്പോഴും ഇരുവരും തങ്ങളുടെ കസേരകളില്‍ ഇരിക്കാന്‍ കൂട്ടാക്കിയിരുന്നില്ല. "ഇത് ഞാന്‍ അന്വേഷിക്കേണ്ടിയിരുന്ന കേസാണ് കരണ്‍. പട്ടേല്‍ സാബാണ് ഇടയ്ക്കു കയറി എല്ലാം നശിപ്പിച്ചത്. അദ്ധേഹം നിന്‍റെ പേര് പരാമര്‍ശിച്ചില്ലായിരുന്നെങ്കില്‍ ഇന്ന് ഈ കേസ് പാതിയും കഴിഞ്ഞ് ഞാന്‍ കൊണ്ടു പോയെനെ." നിരഞ്ജന്‍ പറഞ്ഞതില്‍ കരണ്‍ അര്‍ത്ഥമില്ലാതെ ചിരിച്ചു. "What?! What funny? എന്തിനാ നീ ചിരിച്ചത് കരണ്‍?!" "No, Nothing Man.. ഇപ്പോഴും എന്നോടുള്ള നിന്‍റെ വിദ്വേഷം ഒഴിഞ്ഞു പോയിട്ടില്ല എന്ന് പട്ടേല്‍ സര്‍ പറഞ്ഞപ്പോള്‍ ഞാന്‍ ഇത്രയും പ്രതീക്ഷിച്ചില്ല." "ഓ.! കിഴവന്‍ അതും നിന്‍റയടുത്ത് എത്തിച്ചു തന്നോ?! സീ കരണ്‍, എനിക്ക് അങ്ങേര് തന്ന ഓഫര്‍ എന്താണെന്നറിയുമോ?! ഈ കേസില്‍ നിന്നെ ഞാന്‍ അസിസ്റ്റ് ചെയ്യണമെന്ന്. F**k My Foot.! Why Me?! നമ്മള്‍ ഒരേ റാങ്കിലുള്ളവരാണ്. എന്നിട്ടും നിന്നെ അസിസ്റ്റു ചെയ്യാന്‍ ആവശ്യപ്പെട്ട അങ്ങേരുടെ നാവിനെ സമ്മതിക്കണം." നിരഞ്ജന്‍ പല്ലു ഞെരിച്ച ശബ്ദം കരണ്‍ നേരിട്ടു കേട്ടു. "അത് വിട്ടേക്കൂ നിരഞ്ജന്‍. അദ്ധേഹത്തിന് എന്‍റെമേല്‍ അത്ര വിശ്വാസം ഉള്ളതുകൊണ്ടാവാം അങ്ങനെയൊരു തീരുമാനത്തില്‍ എത്തിയത്. എന്നെ അസിസ്റ്റ് ചെയ്യണമെന്ന അദ്ധേഹത്തിന്‍റെ ഉദ്ധേശം നമ്മള്‍ ഒരുമിച്ച് വര്‍ക്ക് ചെയ്യണമെന്നല്ലാതെ അതിനപ്പുറത്തേക്ക് ഒന്നുമുണ്ടാകാന്‍ സാധ്യതയില്ല. അല്ലേലും കാര്യങ്ങള്‍ തെറ്റായി ഗണിക്കുന്ന സ്വഭാവം നിനക്ക് പണ്ടേ ഉള്ളതാണല്ലോ." "കരണ്‍, നീയൊരു തര്‍ക്കത്തിന് വന്നതാണോ?!" നിരഞ്ജന്‍റെ മുഖം വിറച്ചു. "അല്ല, നിന്നോട് റിക്വസ്റ്റ് ചെയ്യാന്‍." "എന്തിന്?!" "പട്ടേല്‍ സാബ് പറഞ്ഞതു പോലെ നമുക്ക് ഈ കേസ് ഒരുമിച്ച് കൈകാര്യം ചെയ്താലെന്താ?! ശത്രുക്കള്‍ക്ക് കിട്ടാന്‍ പോകുന്ന ഏറ്റവും വലിയ തിരിച്ചടിയായിരിക്കും അത്. എന്തു പറയുന്നു നീ?!" "No, I can't Karan. നിന്‍റെ അന്വേഷണവുമായി നീ മുന്നോട്ട് പോകൂ. എനിക്ക് ചെയ്തു തീര്‍ക്കാന്‍ മറ്റു പലതുമുണ്ട്." നിഷേധത്തിൽ നിരഞ്ജൻ തലയാട്ടി. "ശരി, നിന്‍റെയിഷ്ടം പോലെ! പക്ഷേ പഴയ വിദ്വേഷങ്ങള്‍ കൂട്ടിയും കിഴച്ചും പകരം തരാന്‍ ഈ കേസ് നീ തിരഞ്ഞെടുക്കരുതെന്ന് എനിക്കപേക്ഷയുണ്ട് നിരഞ്ജന്‍." "എന്തിന് ഞാന്‍ അങ്ങനെ ചെയ്യണം കരണ്‍?! എനിക്കതിന്‍റെ ആവശ്യമില്ല." കരണിനെ നേരിട്ടു നോക്കി നിരഞ്ജന്‍ പറഞ്ഞു. "Alright! ഞാന്‍ നിന്നെ വിശ്വസിക്കുന്നു നിരഞ്ജന്‍." "ആ വിശ്വാസം തകര്‍ക്കാന്‍ ഞാന്‍ ഒരുക്കമല്ല കരൺ." "എങ്കില്‍ പിന്നെ സന്ധിക്കാം." "Alright! And all the best Karan. ഈ മിഷന്‍ വിജയത്തിലേക്കെത്തിക്കാന്‍ നിനക്ക് കഴിയട്ടെ." നിരഞ്ജന്‍ തന്‍റെ വലതുകൈ നീട്ടി. ഇരുവരും ഹസ്തദാനം ചെയ്തു. കരണ്‍ മുറിയില്‍ നിന്നും ഇറങ്ങി അകലുമ്പോഴും വല്ലാത്തൊരു നോട്ടം നിരഞ്ജന്‍റെ കണ്ണുകളില്‍ തെളിഞ്ഞു. തിരികെ മേശയിലേക്കൊന്നു നോക്കിയ അയാളൊന്നു ഞെട്ടിപ്പോയി. താന്‍ സോള്‍വ് ചെയ്യാന്‍ ശ്രമിച്ച സുഡോക്കുവിതാ പൂര്‍ത്തിയായിരിക്കുന്നു. സൗഹൃദ സംഭാഷണത്തിനിടയിലെ കരണിന്‍റെ മാജിക് കണ്‍കെട്ട് പ്രവര്‍ത്തി.! എന്തുകൊണ്ടാണ് പട്ടേല്‍ സാബ് തന്നേക്കാള്‍ കൂടുതല്‍ വിശ്വാസം കരണിനോട് പുലര്‍ത്തുന്നതെന്ന ഏകദേശ ധാരണ നിരഞ്ജന് പിടികിട്ടി. ഒരേ സമയം ഒന്നില്‍ കൂടുതല്‍ തവണ ചിന്തിക്കാനും പ്രവര്‍ത്തിക്കാനും അതിനെ ശരിയാക്കുവാനും കരണിനു കഴിയും. "റാസ്കല്‍..!" പല്ലുകള്‍ ബലമായി കടിച്ച് നിരഞ്ജന്‍ പിറുപിറുത്തു. ********************************************************************************** ******************** ഡിപ്പാര്‍ട്ടുമെന്‍റിലെ പ്രത്യേകം തയ്യാറാക്കിയ വലിയൊരു മുറിയിലേക്കായിരുന്നു ശേഷം കരണിനെ പട്ടേല്‍ കൊണ്ടു പോയത്. നാലു പാടും ചില്ലില്‍ തീര്‍ത്ത ഹൈ സെക്യൂരിറ്റി റൂം ആയിരുന്നുവത്. അശ്വിനിക്കും ശിവാനിക്കും തങ്ങളുടെ ഇരിപ്പിടത്തില്‍ നിന്നും വലിഞ്ഞു നോക്കിയാല്‍ കരണ്‍ നില്‍ക്കുന്ന റൂം വ്യക്തമായി കാണുവാന്‍ സാധിക്കും. "ഡാഡി വരാന്‍ വൈകുമോ മമ്മാ?!" ശിവാനിയുടെ ക്ഷമ നശിച്ചു തുടങ്ങി. എന്തെങ്കിലുമൊക്കെ കുരുത്തക്കേട് ഒപ്പിക്കാതെ അവള്‍ ഇത്ര നേരം എങ്ങനെ പിടിച്ചു നിന്നു.?! ഉടനേയെത്തുമെന്ന അശ്വിനിയുടെ മറുപടിയില്‍ ശിവാനി അടങ്ങിയിരുന്നു. റൂമിനകത്ത് മൂന്നു പേര്‍ അറ്റന്‍ഷനായി നില്‍ക്കുന്നത് കരണ്‍ ശ്രദ്ധിച്ചു. "ഇവരെയാണ് തന്റെ ടീമിലേക്ക് ഞാൻ നിർദ്ദേശിക്കുന്നത്. സഞ്ജനയെ പരിചയപ്പെടുത്തേണ്ട ആവശ്യമില്ലല്ലോ കരണ്‍." പട്ടേലിന്‍റെ ചോദ്യത്തിന് വേണ്ടെന്നര്‍ത്ഥത്തില്‍ കരണ്‍ തലയാട്ടി. പട്ടേൽ തുടർന്നു : "ഇത് റസാഖ് അഹമ്മദ്. പാക്കിസ്ഥാന്‍ സേനകളുമായി വാഗാ ബോര്‍ഡറില്‍ വച്ചുണ്ടായ ഏറ്റുമുട്ടലില്‍ റസാഖിന്‍റെ തന്ത്രപരമായ നീക്കം ഏറെ പ്രശംസനീയമായിരുന്നു. ഷാര്‍പ്പ് ഷൂട്ടിങില്‍ തന്‍റേതായ മികച്ച പ്രടകനം കാഴ്ച വെച്ച ഓഫീസര്‍." ഉറച്ച ശരീര പ്രകൃതി. കഴുകന്‍റേതു പോലെ കൂര്‍ത്ത കണ്ണുകള്‍. ഒരുപോലെ മൂന്നുപേര്‍ വന്നാലും അവരെയൊക്കെ നിഷ്പ്രയാസ്സം മലര്‍ത്തിയടിക്കാന്‍ തക്ക ആരോഗ്യമുള്ള തന്നോളം പോന്ന ഒരു പോരാളിയാണ് റസാഖെന്ന് കരണ്‍ കണക്കിരുത്തി. "റസാഖ് അഹമദ് സര്‍!" വീര്യത്തോടെ റസാഖ് ഉറക്കെ പറഞ്ഞതില്‍ കരണ്‍ ചെറുതായി തലയനക്കി. "ഇത് ഹിമേഷ്. ഡാപോറിജോയിലെ മാവോയിസ്റ്റ് അറ്റാക്കില്‍ ഇന്ത്യന്‍ സേനയില്‍ നിന്നും നേതൃത്വം കൊടുത്ത ദി യങ് ബ്രേവ് മാന്‍.!" "സര്‍.!" കരണിനെ നോക്കി ഹിമേഷ് നിവര്‍ന്നു നിന്നു. "ഓക്കെ ഗയ്സ്. ഒരു മുഖവുരയുമില്ലാതെ കാര്യത്തിലേക്ക് പെട്ടെന്നു കടക്കാം. Now please relax." കരണിന്‍റെ മുഖം ഗൗരവത്തിലേക്ക് കടന്നു. "Yes Sir..." മൂവരും തങ്ങളുടെ അറ്റന്‍ഷന്‍ ഒരുപോലെ ഒഴിവാക്കി. കരണ്‍ തുടര്‍ന്നു : "ഇതൊരു അണ്ടര്‍കവര്‍ ഓപ്പറേഷനാണ്. മിഷന്‍റെ അവസാനം വരെ നമ്മുടെ രഹസ്യങ്ങള്‍ രഹസ്യമായി തന്നെ തുടരണം. പബ്ലിക്കിനോ മീഡിയക്കോ മറ്റു ഇന്‍വസ്റ്റിഗേഷന്‍ ഡിപ്പാര്‍ട്ടുമെന്‍റിനോ ഇങ്ങനെയൊരു ടീം രംഗത്തിറങ്ങിയ കാര്യം അറിയാന്‍ പാടില്ല. നമ്മുടെയെല്ലാം റിയല്‍ ഐഡന്‍റിറ്റി പോലും മറച്ചു വെക്കണം. മിഷന്‍റെ യാത്രയില്‍ പല തരത്തിലുള്ള അപകടങ്ങളെ നമുക്ക് ഫേസ് ചെയ്യേണ്ടി വരും. അതൊക്കെ ധൈര്യ പൂര്‍വ്വം തരണം ചെയ്യണം. പ്രധാനമായും പറയാനുള്ളത്, പബ്ലിക്കിന് യാതൊരുവിധ ബുദ്ധിമുട്ടുകള്‍ നമ്മുടെ സൈഡില്‍ നിന്നും ഉണ്ടാവാന്‍ പാടില്ല. ശത്രുക്കള്‍ പബ്ലിക്കിനെ മുന്‍ നിരത്തി ചില കളികള്‍ കളിക്കുമ്പോള്‍ പബ്ലിക് പാനിക് ആവാതെ ശ്രദ്ധിക്കണം. ഉചിതമായ തീരുമാനത്തില്‍ പെട്ടെന്ന് എത്തണം. പിന്നെ, ഒരു കാരണവശാലും ലോക്കല്‍ പോലീസ് സ്റ്റേഷനുകളില്‍ നമുക്കെതിരെയുള്ള ചെറിയ കേസുകള്‍ പോലും റിപ്പോര്‍ട്ട് ചെയ്യാതെ ശ്രദ്ധിക്കണം. അത് നമ്മുടെ മിഷനെ സാരമായി ബാധിക്കും. ആന്‍ഡ് ഫൈനലി, എന്‍റെ ഓര്‍ഡര്‍ കിട്ടാതെ ഒന്നും നിങ്ങള്‍ ചെയ്യരുത്. അതൊരു ഗണ്‍ ഷോട്ട് ആണെങ്കില്‍ പോലും! All of You get that?!" "Yes Sir..." മൂവരും ഉച്ചത്തില്‍ പറഞ്ഞു. കരണിന്‍റെ അടുത്ത ശ്രദ്ധ പട്ടേലിലേക്ക് തിരിച്ചു. "ഈ മിഷനില്‍ എന്നെ നിയന്ത്രിക്കാനും ശാസിക്കാനുമുള്ള പൂര്‍ണ്ണാധികാരം സറിനും മിസ്റ്റര്‍ പ്രസിഡന്‍റിനും മാത്രമേ ഉണ്ടാകുവാന്‍ പാടുള്ളൂ. മറ്റാരും അതില്‍ കൈ കടത്തരുത്." "No Karan, അതില്‍ യാതൊരു സംശയവുമില്ല. തന്‍റെ നീക്കങ്ങളില്‍ ഞാനും പ്രസിഡന്‍റും മാത്രമേ ഇടപെടുകയുള്ളൂ." പട്ടേൽ ഉറപ്പ് കൊടുത്തു. "Alright... ഇനി നമുക്ക് കരുക്കള്‍ നീക്കാം." തന്നെ അസിസ്റ്റ് ചെയ്യാന്‍ തയ്യാറെടുത്തിരിക്കുന്നവരെ നോക്കി കരണ്‍ പറഞ്ഞു. ********************************************************************************** ******************** പട്ടേലും നാല്‍വര്‍ സംഘവും പ്രത്യേകം തയ്യാറാക്കിയ മറ്റൊരു മുറിയില്‍. ബോംബ് സ്ഫോടനത്തിന് മുമ്പും ശേഷവുമുള്ള സിസിടിവി ഫൂട്ടേജസ് സൂക്ഷ്മമായി പരിശോധിക്കുകയായിരുന്നു കരണ്‍. ക്രിസ്റ്റല്‍ മാളിനകവും കരണിന്‍റെ കണ്ണുകള്‍ വല്ലാതെ അന്വേഷിച്ചു. ഒറ്റ പൊട്ടിത്തെറിയില്‍ എല്ലാം ഛിന്നഭിന്നമാകുന്ന കാഴ്ച. "സഞ്ജനാ?!" കരണിന്‍റെ വിളിയില്‍ കമ്പ്യൂട്ടറിന് മുന്നിലിരിക്കുന്ന സഞ്ജന വിളി കേട്ടു. "ക്രിസ്റ്റല്‍ മാളിന്‍റെ ചുറ്റളവില്‍ ഏതൊക്കെ വഴിയില്‍ സിസിടിവി ഘടിപ്പിച്ചിട്ടുണ്ടെന്ന് ഉടനെ അറിയണം. Within 10 Minutes." "Roger Sir." സഞ്ജനയുടെ തലച്ചോര്‍ സാറ്റ്ലൈറ്റ് വിശ്വലിലേക്കും അവിടെ നിന്നും ക്രിസ്റ്റല്‍ മാളിന്‍റെ ചുറ്റളവിലും പാഞ്ഞു. തന്‍റെ മികച്ച ഹാക്കിങിലൂടെ സഞ്ജനയ്ക്കാകെ ആവശ്യമായത് വെറും എട്ടു മിനുറ്റുകള്‍. "സര്‍ ക്രിസ്റ്റല്‍ മാളിന്‍റെ ഇടതു ഭാഗം റോഡ് രണ്ടായി തിരിയുന്നു. അത് പോകുന്നത് കോര്‍ട്ടിലേക്കാണ്. ഏകദേശം എട്ടു കിലോമീറ്റര്‍. ഇരുവഴികളിലുടെനീളം ആറോളം സിസി ക്യാമറ ലഭ്യമാണ്. കോര്‍ട്ടില്‍ നിന്നും വഴി നാലായി തിരിഞ്ഞ് പിന്നെയും മുന്നോട്ട് പോകുന്നുണ്ട്........ മാളിന്‍റെ വലതു ഭാഗം പോകുന്നത് ലക്കി ഹോസ്പിറ്റലിലേക്കാണ്. ഒണ്‍പതു കിലോമീറ്റര്‍. ലോക്കല്‍ പോലീസിന്‍റെ ക്യാമറകള്‍ അഞ്ചെണ്ണം." "Good job Sanjana. ഇനി നമുക്ക് വേണ്ടത് പ്രീവിയസ് ഫൂട്ടേജസ് ആണ്. അതായത് റോബര്‍ട്ടിനെ പിന്നോട്ട് പിന്തുടരുക. അയാള്‍ സഞ്ചരിച്ച വഴികള്‍ പിന്നോട്ട് പിന്നോട്ട് നമ്മള്‍ തിരഞ്ഞാല്‍ എവിടെ നിന്നുമാണ് അയാള്‍ പുറപ്പെട്ടുവെന്നതിനെ കുറിച്ച് സൂചന ലഭിക്കും. സോ സഞ്ജനയുടെ എല്ലാ ഫൂട്ടേജും, അതായത് ഡിസംബർ 31 രാത്രിയിലെ ഫൂട്ടേജ്സ് എല്ലാം ഹാക്ക് ചെയ്യുക. എനിക്കത് സ്ക്രീനില്‍ കാണണം." "With Your permission Sir." സഞ്ജന തന്‍റെ അടുത്ത കരുക്കള്‍ നീക്കി. പോലീസിന്‍റെ എല്ലാ സിസിടിവിയും ഏതാനും മിനുറ്റുകള്‍കൊണ്ട് ഹാക്ക് ചെയ്ത് കരണിന്‍റെ മുന്നിലെ വലിയ സ്ക്രീനിലേക്ക് അവള്‍ വിശ്വല്‍ അയച്ചു. "ഗോഡ് മുപ്പത്തിരണ്ടോളം ഫൂട്ടേജ്സ്!" കരണിന്‍റെ കണ്ണുകളില്‍ അമ്പരപ്പ്! പട്ടേല്‍ ഉള്‍പ്പെടെ എല്ലാ കണ്ണുകളും സ്ക്രീനിലെ ഫൂട്ടേജുകളില്‍ നിശ്ചലമായി. "There Sir..!" ഹിമേഷ് വിളിച്ചു പറഞ്ഞു. ക്രിസ്റ്റല്‍ മാളിന് തൊട്ടു മുമ്പുള്ള വഴിയിലൂടെ റോബര്‍ട്ട് നടന്നു വരുന്ന കാഴ്ച. "സര്‍ അവിടെ.!" റസാഖായിരുന്നു അടുത്തത്. അതിനു മുമ്പുള്ള വഴിയില്‍ * തുടരും കണ്ണൂർകാരൻ 🌹🌹🌹🌹🌹🌹 #📔 കഥ #📙 നോവൽ #✍ തുടർക്കഥ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ!