ഒന്നാം ഭാഗം ലിങ്കിൽ ഉണ്ട് https://sharechat.com/post/6alKpkkM?d=n&ui=v64j8rk&e1=cമന്ത്രകോടി :പാർട്ട്‌ -2💚🌺 🌼🌼🌼🌼🌼🌼🌼🌼🌼🌼🌼 ഭാമ ടീച്ചറെ ........ കല്യാണത്തിന്റെ ഒരുക്കങ്ങളൊക്കെ കഴിഞ്ഞോ ...... ട്യൂഷൻ സെന്ററിൽ നിന്നും ക്ലാസ്സ്‌ കഴിഞ്ഞ് വീട്ടിലേക്കിറങ്ങാൻ നിന്ന ഭാമയോടായി മായ ചോദിച്ചു . ഹാ കഴിഞ്ഞു മായേച്ചി ..... അവളൊരു പുഞ്ചിരിയോടെ മറുപടി നൽകി... സമയം വൈകിയത് കൊണ്ട് മറ്റൊന്നും സംസാരിക്കാൻ നിൽക്കാതെ ബാഗുമെടുത്തവൾ പെട്ടന്നിറങ്ങി ...... കവലയിലെത്തിയതും പ്രൈവറ്റ് ബസ്സ് വളവ് തിരിഞ്ഞ് ഒരിരപ്പോടെ വന്നുനിന്നതും ഒരുമിച്ചായിരുന്നു . ഇരുപതു മിനിറ്റിനുള്ളിൽ വീടിനടുത്തുള്ള ജങ്ഷനിൽ ബസ്സെത്തി . മുന്നിലേക്ക്‌ പാറി വീണ മുടികളെ പുറകിലേക്ക് ഒന്നായ് ഒതുക്കി വച്ചുകൊണ്ടവൾ ബസ്സിൽ നിന്നിറങ്ങി ...... ഒരാലോചനയോടെ പതിയെ മുന്നോട്ട് നടന്നു . രണ്ടു ദിവസങ്ങൾ കൂടി കഴിഞ്ഞാൽ വിവാഹമാണ് . ഒരു നിശ്വാസത്തോടെയവൾ ഓർത്തു കുഞ്ഞുനാൾ മുതൽ കാണുന്നതാണ് ദേവകി ടീച്ചറെ തന്നെ പണ്ടുമുതൽ പഠിപ്പിച്ചതുമാണ് . അന്നുമുതലേ ഒരു പ്രത്യേക സ്നേഹമാണ് തന്നോട് അങ്ങനെ തന്നെയാണ് തിരിച്ചും അത്രയും സ്നേഹവും ബഹുമാനവുമാണ് ടീച്ചറോട് . പത്ത് വയസ്സിൽ അച്ഛനും അമ്മയും മരിച്ചതുമുതൽ അമ്മായിയും അമ്മാവനുമാണ് നോക്കി വളർത്തിയത് അവർക്കും രണ്ടു പെണ്മക്കളാണ് . അമ്മാവനും മൂത്ത മകൾ കാവ്യക്കും തന്നെ വലിയകാര്യമാണ് എന്നാൽ അമ്മായിയ്ക്കും ഇളയ മകൾ നവ്യക്കും തന്നോട് ചെറിയ ഇഷ്ടക്കേടുണ്ട് . ചില നേരത്തുള്ള സംസാരങ്ങളിൽ അത് പുറത്ത് കാണിക്കാറുമുണ്ട് . പക്ഷെ ആരോടും താനൊരു പരാതിയൊ പരിഭവമോ പറയാറില്ല ഡിഗ്രി കഴിഞ്ഞിട്ടും തന്റെ മക്കളെ പോലെ തന്നെ മുന്നോട്ട് പഠിപ്പിക്കാൻ അമ്മാവൻ തയ്യാറായിരുന്നു പക്ഷേ താനായിട്ടു തന്നെ അത് വേണ്ടന്ന് വച്ചു . ഡിഗ്രി കഴിഞ്ഞപ്പോൾ മുന്നോട്ടു പഠിക്കാതെ psc എഴുതാനായിരുന്നു പ്ലാൻ . ഒരിക്കൽ ടീച്ചറെ കണ്ടപ്പോൾ അതു പറയുകയും ചെയ്തു . അന്നും സ്നേഹത്തോടെ തന്നെ ശാസിച്ചു . Psc എഴുതുമ്പോൾ ഒരുപാട് കാര്യങ്ങൾ ശ്രദ്ധിക്കണം പെട്ടന്നൊന്നുംകിട്ടിയെന്നുവരില്ല . ചിലപ്പോൾ നിയമനങ്ങൾക്ക് വളരെ സമയമെടുക്കും . മോള് പിജി കൂടി ചെയ്യേണ്ടതായിരുന്നു . ഒരു ടീച്ചറിന്റെ ഉപദേശത്തോടെ പറഞ്ഞു തന്നു . പക്ഷെ എന്നെ പഠിപ്പിക്കുന്ന അധികചിലവുകളെപ്പറ്റി അമ്മായി പറഞ്ഞത് ടീച്ചറിനോട് പറഞ്ഞപ്പോ .... തന്റെ അവസ്ഥ മസ്സിലായി ടീച്ചർക്ക് . എന്നാൽ മോള് അതുവരെ എന്റെ ട്യൂഷൻ സെന്ററിലേക്ക് പോര് ഇപ്പോ ഒരു ഒഴിവുണ്ട് . വന്ന് കുട്ടികളെ പഠിപ്പിക്ക് . അപ്പോ കുറച്ച് സ്വയം പഠിക്കുകയും ചെയ്യാം . താൽക്കാലത്തേക്ക് ഒരു ജോലിയുമാകും . അന്നൊരു ചേർത്ത് നിർത്തലോടെ ടീച്ചർ പറഞ്ഞവയായിരുന്നു . രണ്ട് വർഷങ്ങൾ കഴിഞ്ഞു ഇവിടെ തന്നെ ജോലി ചെയ്യുന്നു . ഇതിന്റെ കൂടെ Psc എഴുതുന്നുണ്ട് . ഒരുപാട് കഠിനപ്രകനത്തിലൂടെ ഇപ്പോ രണ്ടു ലിസ്റ്റിൽ പേരും വന്നു . ട്യൂഷൻ സെന്ററിൽ ജോലി കിട്ടിയതിന് ശേഷം അമ്മായിക്ക് മുന്നത്തെ അത്ര മുറുമുറുപ്പില്ല എന്റെ ചിലവിനുള്ള പണം ഞാൻ തന്നെ കണ്ടെത്തുന്നത് കൊണ്ടാകാം . ഇപ്പോൾ സമൂഹ വിവാവത്തിലൂടെ ഈ ആലോചന വന്നപ്പോ ഏറ്റവും സന്തോഷം അമ്മായിക്ക് തന്നെയായിരുന്നു . ഇതോടെ വലിയ ചിലവില്ലാതെ തന്റെ വിവാഹം നടന്നു പോകും സ്വന്തം മക്കൾക്ക്‌ വേണ്ടി കരുതി വയ്ക്കുന്ന പണം എനിയ്ക്കായി എടുക്കേണ്ടിയും വരില്ല . ഇപ്പോഴൊരു കല്യാണം വേണ്ടെങ്കിലും ...നല്ലോരു ആലോചന വന്നാലും കെട്ടിപ്പോകാതെ ഇവിടെ തൂങ്ങിപിടിച്ചോണം എന്ന അമ്മായിയുടെ കുറ്റപ്പെടുത്തൽ കേട്ടപ്പോ... ഇനി താൻ കരണമൊരു പ്രശ്നം വേണ്ടെന്നു കരുതി അമ്മാവനോട് വിവാഹത്തിന് സമ്മതറിയിച്ചു . പിന്നൊരു സമാധാനം ടീച്ചറമ്മയുടെ വീടല്ലേ ആ അമ്മയുടെ മകനല്ലെ ..... ഒരുപാടൊന്നും ആളെക്കുറിച്ച് അറിയില്ല. മഹി എന്നാണ് ആളിന്റെ പേര്‌ എന്നറിയാം ബാംഗ്ലൂർ ജോലി ചെയ്യുന്നു എന്നും അറിയാം . മറ്റൊന്നും അറിയില്ല. കല്യാണം തീരുമാനിച്ച രണ്ട് ദിവസം വിളിച്ചിരുന്നു . കുറച്ച് നേരം സംസാരിച്ചു പഠിച്ച കോഴ്സ് ഫാമിലി ഇതൊക്കെയായിരുന്നു ചോദ്യം . പിന്നെയുള്ള ദിവസങ്ങൾ കഴിച്ചോ കിടന്നോ എനിക്ക് വർക്ക്‌ ലോഡ് കൂടുതലാണ് എന്നൊക്കെയുള്ള മെസ്സേജുകൾ മാത്രം അന്നത്തേതിന് ശേഷം ഇതുവരെ വിളിച്ചിട്ടില്ല. ദേവകി ടീച്ചർ കണ്ടപ്പോ പറഞ്ഞിരുന്നു ഓവർ ഡ്യൂട്ടി ആണ് കുറച്ച് ദിവസത്തിനകം നാട്ടിൽ എത്തും അപ്പോൾ മോളെ കാണാൻ വരുമെന്നും . ഇതുവരെയും വന്നില്ല. ട്യൂഷൻ സെന്ററിൽ പഠിപ്പിക്കുന്നത് കൊണ്ട് നന്ദേട്ടനെ എന്നും കാണുന്നുണ്ട് മുന്നേ കാണുമ്പോൾ ചിരിക്കാറ്മാത്രെ ഉണ്ടായിരുന്നുള്ളു . ഇപ്പോകാണുമ്പോ രണ്ടുവാക്ക് സംസാരിക്കാറുണ്ട് . ഓരോന്ന് ആലോചിച്ചു വീട്ടിൽ എത്തിയതറിഞ്ഞില്ല . ഉമ്മറത്ത് തന്നെ അപ്പ ഇരിപ്പുണ്ട് . അമ്മാവനെ താൻ അപ്പയെന്നാണ് വിളിക്കാറ് . അടുത്ത് തന്നെ നവ്യയും ഇരിപ്പുണ്ട് ചായകുടിക്കുകയാണ് അപ്പ തന്നെ കണ്ടതും ചിരിച്ചു . മോളിന്ന് നേരത്തേ എത്തിയോ ഹാ ഇന്ന് നേരത്തേ കഴിഞ്ഞു ഇനി രണ്ടു ദിവസത്തേക്ക് ക്ലാസ്സില്ല ..... എല്ലാവരും പ്രോഗ്രാമിന്റെ തിരക്കുകളിൽ ഏർപ്പെട്ടു തുടങ്ങി ഇനി അതൊക്കെ കഴിഞ്ഞേ കാണു . മോൾക്ക് ലീവെടുക്കാരുന്നില്ലേ കല്യാണത്തിന് ഇനി രണ്ട് ദിവസമല്ലേ ഉള്ളൂ ലീവ് തന്നതാ അപ്പാ പത്താം ക്ലാസ്സിലെ ക്രിസ്മസ് പരീക്ഷ നടക്കുകയല്ലേ ഇനി ഒരെണ്ണം കൂടെ ഉള്ളൂ കുട്ടികൾക്ക് അതൊന്നു റിവൈൻഡ് ചെയ്യാൻ പോയതാ . ഇനി പ്രോഗ്രാമൊക്കെ കഴിഞ്ഞേ ക്ലാസ്സുണ്ടാകു . അവൾ ബാഗ് തോളിൽ നിന്നും എടുത്ത് അകത്തേക്ക് നടന്നുകൊണ്ട് പറഞ്ഞു . അവളരികിലൂടെ പോയതും നവ്യ മുഖം തിരിച്ചുകളഞ്ഞു . അത് കണ്ടെങ്കിലും ഭാമ അകത്തേക്ക് കയറി പോയിരുന്നു . തന്റെ മുറിയിലേക്ക് ചെന്ന് കതക് ചേർത്തടച്ചു . 🌼🌼🌼🌼🌼🌼🌼🌼🌼🌼🌼🌼 നന്ദൻ മഹി പോകാറുള്ള എല്ലായിടവും അന്വഷിച്ചു .... പക്ഷേ നിരാശയായിരുന്നു ഫലം . ഇപ്പോഴും മഹിയുടെ ഫോൺ സുച് ഓഫ്‌ ആണ് . അന്ന് നന്ദൻ വീട്ടിലേക്കെത്തുമ്പോൾ ഒത്തിരി വൈകിയിരുന്നു ...... പിറ്റേ ദിവസവും അതു തന്നെയായിരുന്നു അവസ്ഥ . മഹി പോകാറുള്ള എല്ലായിടവും അന്വേഷിച്ചു ബാംഗ്ലൂരിൽ നന്ദന്റെ ഒരു ഫ്രണ്ട്‌ ഉണ്ടായിരുന്നു അയാൾ വഴി മഹി അവിടെ വന്നോ എന്ന്‌ അന്വേഷിച്ചു . പക്ഷെ അവനവിടെയും എത്തിയിട്ടില്ല . അതോടെ വിവാഹം കഴിയുന്നവരെ മഹി മാറിനിൽക്കുന്നതാണെന്ന് നന്ദന് മനസ്സിലായി നാളെ കൂടെ കഴിഞ്ഞാൽ വിവാഹമാണ് . എന്ത് ചെയ്യണമെന്ന് അവനൊരു പിടിയും കിട്ടുന്നുണ്ടായിരുന്നില്ല ...... നന്ദൻ ഇക്കാര്യങ്ങളെല്ലാം അമ്മയുമായി സംസാരിച്ചിരുന്നു . അന്ന് രാത്രി ഇതിനൊരു തീരുമാനത്തിനായി നന്ദനുമായി ദേവകി ടീച്ചർ ഭാമയുടെ വീടിലേക്ക്‌ ചെന്നു . 🌼🌼🌼🌼🌼🌼🌼🌼🌼🌼 പിറ്റേദിവസം .... ഓഡിറ്റോറിയമാകെ വിവാഹം കൂടാനെത്തിയവർ നിറഞ്ഞു . ദേവകിയമ്മയടക്കം ഓരോരുത്തരും വിവാഹത്തിന്റെ തിരക്കുകളിൽ പെട്ട് ഓഡിറ്റോറിയത്തിൽ ഓടി നടക്കുന്നുണ്ട് . വേദിയിൽ ബാലചന്ദ്രൻന്റെ അനുസ്മരണ ചടങ്ങാണ് ആദ്യം നടത്തുന്നത് അതിന് ശേഷമാണ് സമൂഹവിവാഹചടങ്ങുകൾ തുടങ്ങുക . അനുസ്മരണ ചടങ്ങ് അവസാന നിമിഷങ്ങളിലാണ് ഒരുപാട് വിശിഷ്ടവ്യക്തികളടക്കം വേദി നിറഞ്ഞിരിക്കുന്നു . അരമണിക്കൂറിനുള്ളിൽ തന്നെ ബാക്കി പരിപാടി അവസാനിച്ചു . പെട്ടന്ന് തന്നെ സങ്കാടകർ വന്ന് കുറച്ച് ക്രമീകരണങ്ങൾ നടത്തി . നാദസ്വരക്കാരും ...പൂജാരി മാരും എല്ലാവരും മണ്ഡപത്തിലേക്കെത്തി . വിവാഹത്തിന്റെ ചടങ്ങുകൾ തുടങ്ങാറായതും ഓരോ വരനും വധുവും സ്റ്റേജിലേക്ക് വന്ന് നിരന്നു നിന്നു തുടങ്ങി .നടുവിലായിരുന്നു ഭാമ ഓരോ വധുക്കളുടെ അടുത്തും അവരവരുടെ വരന്മാരുണ്ട് എന്നാൽ ഭാമയുടെ അരികിൽ മാത്രം വരനില്ല . വേദിയിലേക്ക് കണ്ണും നട്ടിരുന്നവർക്ക്‌ കുറച്ച് നിമിഷങ്ങൾ കൊണ്ട് അത് മനസ്സിലാവുകയും ചെയ്തു . തുടരും ...🌺💚 ലൈക് ചെയ്ത് അഭിപ്രായങ്ങൾ എഴുതണേ .... കണ്ണൂർകാരൻ ❤️❤️❤️❤️❤️ #📚 ട്വിസ്റ്റ് കഥകൾ #✍ തുടർക്കഥ #💞 പ്രണയകഥകൾ #📔 കഥ #📙 നോവൽ