അമ്മമാർ മക്കളെ കൊല്ലുന്ന കാലമാണ്, ആക്‌സിഡന്റ് നല്ല പോലെ അന്വേഷിക്കണമത്രേ..അമ്മ കരഞ്ഞില്ലത്രേ! ഈ ന്യൂസിൽ കാണുന്ന ഒന്നോ രണ്ടോ കേസ് അല്ലാതെ നിങ്ങളുടെ ചുറ്റുമുള്ള എത്ര അമ്മമാർ മക്കളെ കൊന്നതായി നിങ്ങൾക്കറിയാം??? എനിക്കൊരു കാര്യമറിയണം..ഒരു മനുഷ്യൻ മരിച്ചാൽ അയാളുടെ പ്രിയപ്പെട്ടവർ എങ്ങനെയൊക്കെ കരയണം? എങ്ങനെയൊക്കെ പെരുമാറണം? എത്ര കാലം ദുഖാർത്തരായി കഴിയണം? ഏതൊക്കെ ചടങ്ങുകൾ അനുഷ്ഠിക്കണം? എന്തൊക്കെ ചടങ്ങുകളിൽ നിന്ന് മാറി നിൽക്കണം? എന്ത് ധരിക്കണം? എന്ത് കഴിക്കണം? കൃത്യമായി അറിഞ്ഞാൽ എളുപ്പമുണ്ടായിരുന്നു 🙏 Psychology പഠിക്കുബോൾ grief stages പഠിക്കുന്നുണ്ട്.(Grief cycle ) ഒരു നഷ്ടം ആദ്യം ഉൾക്കൊള്ളാൻ വിസമ്മതിക്കുന്ന ഒരാൾ(Denial) പിന്നീട്, anger, bargaining, depression എന്ന. ഘട്ടങ്ങൾ കടന്ന് Acceptance , ലേക്ക് എത്തുന്നു. ഇതിൽ എല്ലാ സ്റ്റേജും എല്ലാവർക്കും ഉണ്ടാകണമെന്നില്ല.. ചിലർ വളരെ വേഗം ആ നഷ്ടത്തെ ഉൾക്കൊള്ളാൻ തയ്യാറാവുന്നു. മുന്നോട്ട് ജീവിച്ചേ മതിയാകൂ എന്ന ബോധ്യമുണ്ടാകുന്നു. ഇവിടെ ഈ അമ്മയും അച്ഛനും വളരെ ഉറച്ച വിശ്വാസത്തോടെ അവരുടെ കുഞ്ഞിന്റെ അവയവങ്ങൾ ദാനം ചെയ്തു. അതിനെക്കുറിച്ച് എഴുതിയ എന്റെ മുൻപത്തെ പോസ്റ്റിൽ ഞാൻ പറഞ്ഞിരുന്നു, ഈ അവസ്ഥയിലൂടെ കടന്ന് പോകുന്ന മാതാപിതാക്കളെ ആശുപത്രിജോലിക്കിടയിൽ പലപ്പോഴും കണ്ടിട്ടുണ്ട്. വളരെ അപൂർവം ചിലരാണ് സമചിത്തതയോടെ അവയവദാനത്തിന് സമ്മതിക്കുക. ആ സമചിത്തത അവരുടെ ഉൾബലമാണ് പ്രകടമാക്കുന്നത്. ആ അമ്മ ആദ്യത്തെ ദിനങ്ങളിൽ വീഡിയോയിൽ കണ്ടപ്പോൾ മരവിച്ചിരിക്കുന്നതയാണ് തോന്നിയത്.. പിന്നീട് ഇടയ്ക്കിടെ കരഞ്ഞും ഒടുവിൽ ആത്മസംയമനം പാലിച്ചു പ്രാർത്ഥനയോടിരിക്കുന്നതും...എന്തൊക്കെ കമെന്റുകളാണ് അതിന്!!!🙄 "അവള് മരിച്ചിട്ട് ഒരു മാസമായില്ല, അവൻ സിനിമ കണ്ട് നടക്കുന്നു!" എന്റെ കൂട്ടുകാരനെപ്പറ്റി അവന്റെ അമ്മായി പറഞ്ഞതാണ്. അതവൻ കേട്ടു. ഒരു മാസം മുൻപ് വിടപറഞ്ഞു പോയവളെ മറന്നിട്ടല്ല, ആ ഓർമകളിൽ വേദനിച്ച് തീരാൻ വയ്യാത്തത് കൊണ്ടൊന്നു പുറത്തേക്കിറങ്ങിയതാണ്. ഇറങ്ങിയത് പോലെ അവൻ തിരിച്ചു കയറി, അമ്മായിയുടെ വാക്കുകൾ എങ്ങനെയോ ചെവിയിൽ വീണപ്പോൾ!!! അച്ഛൻ മരിച്ചു ഒരാഴ്ച കഴിഞ്ഞപ്പോൾ ഫോട്ടോ ഷൂട്ടിനു പോയ മോഡൽ കൂടിയായവളെ അവളുടെ നാട്ടുകാർ കൊന്നില്ലെന്നേ ഉള്ളു.. "എന്റെ അച്ഛന് ഞാൻ ചിരിച്ചു സുന്ദരിയായി ഇരിക്കുന്നത് കാണാനായിരുന്നു ചേച്ചി ഇഷ്ടം.. പക്ഷെ ഇവരെന്നെ സമ്മതിക്കുന്നില്ല" എന്ന് പറഞ്ഞു കരയുന്നവളെ എന്ത് പറഞ്ഞ് ആശ്വാസിപ്പിക്കണം? സ്നേഹിക്കുന്നവർ നഷ്ടപ്പെടുന്നതിന്റെ ഭൗതികവും മാനസികവുമായ സകല വേദനകളും സഹിച്ചു നിൽക്കുന്ന ഒരാൾ, അതിൽ നിന്നൊന്ന് പുറത്തേക്കെത്താൻ സ്വയം പരിശ്രമിച്ചാൽ,ഒന്ന് ചിരിച്ചു പോയാൽ,നിറമുള്ള വസ്ത്രം ധരിച്ചു പോയാൽ, ഒരു സിനിമയ്ക്ക് പോവുകയോ യാത്ര പോവുകയോ ചെയ്‌താൽ അവരതോടെ അവിശ്വസ്തരായി! മരണമെന്ന സത്യത്തെ ഉൾക്കൊണ്ടാണ് ഒരൊ മനുഷ്യനും ലോകത്തേക്ക് ജനിച്ചു വീഴുന്നത്. കാലാകാലങ്ങളോളം കൂടെയുണ്ടാകുമെന്ന് കരുതുന്നവർ ചിലപ്പോൾ ഒരൊറ്റ രാത്രി കൊണ്ട് ഇല്ലാതായേക്കാമെന്ന ഉത്തമധാരണയില്ലത്ത മനുഷ്യരുണ്ടോ? അപ്പോൾ അത്തരം സാഹചര്യമുണ്ടാകുമമ്പോൾ അതിനെ അതിജീവിക്കാനുള്ള കഴിവും മനുഷ്യന്റെയുള്ളിൽ തന്നെയുണ്ട്. അത് തനിയെ സാധിക്കാത്തവർ grief clinic തുടങ്ങി മനസികാരോഗ്യം വീണ്ടെടുക്കാനുള്ള പലതിന്റെയും സഹായമെടുക്കുന്നു. കാരണം ആത്യന്തികമായി, "ജീവിച്ചേ മതിയാകൂ, the show must go on" എന്ന് കൃത്യമായ ഉൾബോധമുണ്ട് മനുഷ്യന്. വായിൽ തോന്നിയത് വിളിച്ചു പറയുമ്പോൾ ഇതൊക്കെയൊന്നു ചിന്തിക്കുക!!!. കണ്ണൂർകാരൻ ❤️❤️ #📔 കഥ #📚 ട്വിസ്റ്റ് കഥകൾ #✍ തുടർക്കഥ #💞 പ്രണയകഥകൾ #📙 നോവൽ