ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6XVW0Eb?d=n&ui=v64j8rk&e1=c#MISSIO ((4)) "Is Anybody Here....??!!" തന്റെ ചുറ്റും നോക്കി കരൺ വീണ്ടും ചോദിച്ചു. ആ നിമിഷം അവന്റെ ചെവിക്കരികില്‍ ഒരുതരം നേർത്ത ചൂട് കാറ്റ് തട്ടുന്ന പോലെ അനുഭവം തോന്നി. അത് കാറ്റല്ലെന്നും ആരോ ശ്വാസം വിടുന്നതാണെന്നും കരണ്‍ പെട്ടെന്ന് തിരിച്ചറിഞ്ഞു. തനിക്ക് പുറകിൽ വളരെ അടുത്തായി തന്നോട് ചേർന്ന് ആരോ നില്‍പ്പുണ്ട്..!!!! അല്‍പ്പം പോലും അനങ്ങാതെ അവൻ കണ്ണുകള്‍ രണ്ടും ചലിപ്പിച്ചു. അതെ... തന്‍റെ പിന്നില്‍ ആരോ നില്‍പ്പുണ്ട്. പക്ഷേ കരണിന് ഭയപ്പെടാന്‍ അതൊന്നും പോരായിരുന്നു. "ആരായാലും എന്തായാലും എന്‍റെ പുറകിലല്ല., മുന്നിലാണ് നില്‍ക്കേണ്ടത്... ശത്രുവാണെങ്കിലും മിത്രമാണെങ്കിലും അതാണ് ആണത്തം.." ആ നില്‍പ്പില്‍ തന്നെ കരണ്‍ പറഞ്ഞു. പെട്ടെന്ന് ജനലരികിലുള്ള വാട്ടര്‍ ജഗ് താഴേക്കു വീണു. അതൊരു നിമിത്തമാണെന്നും എന്താണതിനര്‍ത്ഥമെന്നും കരണ്‍ മനസ്സിലാക്കി. "ശരി, എന്‍റെ മുന്നില്‍ വരാന്‍ നിങ്ങള്‍ക്ക് ഇഷ്ടമല്ലായെന്ന് എനിക്ക് മനസ്സിലായി. വേണ്ട നിങ്ങള്‍ എന്‍റെ മുന്നില്‍ വരണ്ട. പക്ഷെ എനിക്ക് നിങ്ങളുടെ നേര്‍ക്ക് തിരിയാമല്ലോ....??" ചോദിച്ചുകൊണ്ട് മറുപടിക്കായി കരണ്‍ കാത്ത് നിന്നു. പക്ഷേ യാതൊരു തരത്തിലുമുള്ള സൂചനയൊന്നും ആ മുറിയില്‍ ഇല്ലാത്തതിനാല്‍ കരണ്‍ സ്വമേധയാ തിരിഞ്ഞു നോക്കി. അവിടെ അവനല്ലാതെ ആരും തന്നെ ഇല്ല. സംശയത്തോടെ കരണ്‍ ചുറ്റും വീക്ഷിച്ചു... ഇല്ല ആരുമില്ല... അത്രയും നേരമുണ്ടായിരുന്ന അരണ്ട വെളിച്ചവും കൂടി ആ മുറിയില്‍ നിന്നും അപ്രത്യക്ഷമായി. രാത്രിയുടെ കണ്ണ് കാണാന്‍ പറ്റാത്തത്ര ഇരുട്ടില്‍ ആ മുറിയില്‍ ഒരാളെ കാണുക എന്നത് അസാധ്യമാണ്. കരണ്‍ നേരെ ചെന്ന് ലൈറ്റിന്‍റെ സ്വിച്ചില്‍ തൊട്ടതും അത് ഓണ്‍ തന്നെയാണെന്ന് അവൻ മനസ്സിലാക്കി!! പക്ഷേ ഫാന്‍ കറങ്ങുന്നുണ്ട്. ഇതെങ്ങനെ...??!! ഇനി ബള്‍ബ് ഫ്യൂസായതാണോ...??! തന്നോടുതന്നെ സംശയങ്ങള്‍ ചോദിച്ച കരണിന്‍റെ ക്ഷമ നശിച്ചു വരികയായിരുന്നു. "മതി... നിര്‍ത്ത് ഈ കളി... നിങ്ങളാരാണ് എന്താണ് എന്നൊന്നും എനിക്കറിയണ്ട. പക്ഷേ ഒന്നറിയണം. എന്തിനാണ് എന്‍റെ പിന്നാലെ നിങ്ങള്‍ പിന്‍തുടരുന്നത്?? എന്താണ് നിങ്ങളുടെ ഉദ്ധേശം?? അതെനിക്ക് അറിഞ്ഞേ പറ്റൂ...." ഉച്ചത്തിൽ പറഞ്ഞ ശേഷം മറുപടിക്കായി കാത്ത് നിന്ന കരണ്‍ കണ്ടത് ജനൽ വാതില്‍ രണ്ടും അങ്ങോട്ടും ഇങ്ങോട്ടും ശക്തമായി ആടുന്നതാണ്. "ഇങ്ങനെയൊക്കെ കാണിച്ചാല്‍ ഞാന്‍ ഭയപ്പെടുമെന്ന് കരുതുന്നെങ്കില്‍ നിങ്ങള്‍ക്ക് തെറ്റി. ഞാനൊരു ഓഫീസറാണ് എന്ന കാര്യം മറക്കരുത്.. ഇനിയെങ്കിലും പറയൂ എന്തിനാണ് നിങ്ങളെന്നെ പിന്‍തുടരുന്നത്..?? ഞാനും നിങ്ങളും തമ്മിൽ എന്താണ് ബന്ധം..." തന്റെ ചുറ്റും നോക്കി കരൺ ഉച്ചത്തിൽ ചോദിച്ചു. "ഇനി... ഇനി.... നിങ്ങളാണോ എന്‍റെ സ്വപ്നത്തില്‍ നിരന്തരമായി വന്നു പോകുന്ന ആ പെണ്‍കുട്ടി...??" അത് കേട്ട മാത്രയില്‍ ജനലിന്‍റെ വാതില്‍ കൂടുതൽ ശക്തിയിൽ അടയാനും തുറക്കാനും തുടങ്ങി. കൂട്ടത്തില്‍ കാതടിപ്പിക്കുന്ന തരത്തിൽ വലിയൊരു അലര്‍ച്ചയും : "𝗡𝗢𝗢𝗢𝗢𝗢𝗢𝗢 𝗜'𝗠 𝗡𝗢𝗧" "ആ പെൺകുട്ടി അല്ല എങ്കില്‍ നിങ്ങള്‍ ആരാണ്??! എന്തിന് എന്നെ പിന്‍തുടരണം...??" മറുപടിക്കായി കരണ്‍ കാത്തു നിന്നത് മിച്ചം. കുറച്ചു നേരത്തിനൊടുവില്‍ മുറിയിലെ ബള്‍ബ് താനേ പ്രകാശിച്ചു. ആ മുറിയില്‍ ആരുമില്ല. ജനല്‍ ശാന്തമായി . കാറ്റ് ശാന്തമായി. ഇത്രയും നേരം തന്നോട് സംസാരിച്ച ആ അദൃശ്യ ശക്തി മുറിയില്‍ നിന്നും പോയി എന്ന് കരണ്‍ മനസ്സിലാക്കി. കിതപ്പോടെ അവൻ കട്ടിലില്‍ വന്നിരുന്ന് ഓരോന്നായി ചിന്തിക്കാന്‍ തുടങ്ങി. ഞാന്‍ സ്വപ്നം കാണുന്ന പെണ്‍കുട്ടിയല്ലാ ഇതെങ്കില്‍ പിന്നെ ആരാണിത്??! ഇനി പട്ടേല്‍ സാബ് പറഞ്ഞതു പോലെ ഇവള്‍ വല്ല പ്രേതമാണോ ?? അല്ല എന്നല്ലേ ഇപ്പോള്‍ ഞാൻ നേരിട്ട ആ അദൃശ്യ വലയം പറഞ്ഞിട്ടു പോയത്?? ശരിയായിരിക്കും , കാരണം ഞാന്‍ കേട്ടത് ഒരു ആൺ ശബ്ദമാണ്. അപ്പോൾ ഒരിക്കലും ഞാന്‍ സ്വപ്നം കാണുന്ന പെണ്‍കുട്ടിയല്ല ഇപ്പോൾ അദൃശ്യ തരത്തിൽ വന്നു പോയത്. കരണ്‍ തല പുകഞ്ഞ് ഒരുപാട് നേരം ആലോചിക്കുകയായിരുന്നു. അടുത്തു കണ്ട മേശക്കരികരില്‍ അവൻ വന്നിരുന്നു. കൂട്ടത്തില്‍ ഒരു പേനയും പേപ്പറും കൈയ്യില്‍ കരുതി ഓരോന്ന് ആലോചിച്ച് എഴുതാന്‍ തുടങ്ങി. ഏതാണ്ട് ഒരു വര്‍ഷത്തോളം ആ പെണ്‍കുട്ടി എന്‍റെ സ്വപ്നങ്ങളില്‍ വരാറുണ്ട്. പക്ഷേ ഒരിക്കല്‍ പോലും ഒരു അദൃശ്യ ശക്തി വന്ന് എന്നെ ശല്യപ്പെടുത്തിയിട്ടില്ല. കാരണം ഈ കഴിഞ്ഞ ഒരു വർഷത്തോളം നാളുകൾ ഞാന്‍ കേരളത്തില്‍ ആയിരുന്നില്ല. എന്തിനേറെ പറയുന്നു ഇന്ത്യയില്‍ പോലും ആയിരുന്നില്ല. ഇപ്പോൾ കുറച്ചു മുമ്പ് വന്ന ഈ അദൃശ്യ ശക്തിയുടെ ആവശ്യമായിരിക്കാം ഒരുപക്ഷെ ഞാന്‍ കേരളത്തിലേക്ക് എത്തിപ്പെടുക എന്നുള്ളത്. അദൃശ്യ ശക്തിയും ആ പെണ്‍കുട്ടിയും രണ്ടും രണ്ട് വ്യക്തികളാണെന്ന് ഇതിലൂടെ അനുമാനിക്കാം. കേരളത്തില്‍ ഞാന്‍ എത്തേണ്ടത് അദൃശ്യ ശക്തിയുടെ ആവശ്യമാണ്. അതുപോലെ തന്നെ യുവതിയെ എന്‍റെ സ്വപ്നങ്ങളിൽ അയച്ച് വേട്ടയാടുന്നതും ഇതേ അദൃശ്യ ശക്തിയുടെ ആവശ്യം തന്നെ. അതായത് ഞാനും ആ പെണ്‍കുട്ടിയും തമ്മിലല്ല ബന്ധം. അത് ഞാനും ഈ അദൃശ്യ ശക്തിയും തമ്മിലാണ്. എങ്കില്‍ ആരാണ് ഈ അദൃശ്യ ശക്തി???!! കരണ്‍ തന്‍റെ നിഗമനത്തിൽ ഒടുവിൽ എത്തുകയായിരുന്നു. ഇത്രയും നാള്‍ എന്നെ ശല്യപ്പെടുത്താതിരുന്ന ഈ അദൃശ്യ ശക്തി എന്തിന് ഇപ്പോൾ എന്നെ ശല്യപ്പെടുത്താന്‍ വന്നു...???!!! കസേരയില്‍ ചാരിയിരുന്ന് കണ്ണുകളടച്ച് കരണ്‍ ചിന്തിക്കുവാൻ തുടങ്ങി. എന്തായിരിക്കും ഈ അദൃശ്യ ശക്തിക്ക് എന്നോട് തുറന്നു പറയാനുള്ളത്...??!! എന്തിനാണ് ഇത് ഇപ്പോൾ എന്നെ വന്ന് ശല്യപ്പെടുത്തിയത്..??!! കുറേ നേരം കരണ്‍ തിരിച്ചും മറിച്ചും തലങ്ങും വിലങ്ങും ആലോചിച്ചു. ഏറെ നേരത്തെ തലച്ചോര്‍ പ്രവര്‍ത്തനം മൂലം അവന്റെ തലയില്‍ ഒരു പ്രകാശം ഉദിച്ചു. കരൺ തന്റെ കണ്ണുകൾ വലിച്ചു തുറന്നു : "YES IT'S 𝗦𝗨𝗡𝗔𝗜𝗡𝗔...!! അതെ അവള്‍ തന്നെ..." കുറച്ചു മണിക്കൂറുകൾ മുമ്പ് നടന്ന സംഭവങ്ങൾ കരണ്‍ ഒന്നുടെ റീവൈൻഡ് ചെയ്യാൻ തുടങ്ങി. മാര്‍ജിന്‍ ഫ്രീ മാര്‍ക്കറ്റ്. ഞാന്‍ അവിടെ ചെല്ലുമ്പോള്‍ അവളെ ബന്ദിയാക്കി നിര്‍ത്തിയിരിക്കുകയായിരുന്നു. കുറച്ചു നേരത്തെ പരിശ്രമത്തിനൊടുവില്‍ അവളെ ഞാന്‍ രക്ഷിച്ചു. ശേഷം പോലീസെത്തി. അതുകഴിഞ്ഞ് ഞാന്‍ അവളുടെ പേരും വിലാസവും ചോദിച്ചറിഞ്ഞു. അവള്‍ സുനൈനയാണെന്നും ആലുവയിലാണ് താമസമെന്നും പറഞ്ഞ് അകത്തു കയറി പര്‍ദ്ദയും ധരിച്ച് പുറത്തേക്ക് പോയി. എന്തുകൊണ്ട് അവള്‍ തിരിച്ച് എന്റെ പേര് ചോദിച്ചില്ല??!! ഞാനെന്ത് ചെയ്യുന്നു എന്ന് ചോദിച്ചറിഞ്ഞില്ല??!! സാധാരണ ഗതിയില്‍ സ്വന്തം ജീവന്‍ രക്ഷിച്ച ആളോട് അറ്റ്ലീസ്റ്റ് അത്രയെങ്കിലും ചോദിക്കില്ലേ?? അതും ഒരു പെൺകുട്ടി!! അപ്പോള്‍ അങ്ങനെയൊന്നും എന്നോട് അവള്‍ ചോദിക്കാത്തതില്‍ ഒരു കാരണമുണ്ട്.. കരണ്‍ വീണ്ടും തല പുകഞ്ഞു . B'coz She Is In A Hurry...!! അതൊരിക്കലും ആലുവയില്‍ എത്താന്‍ വേണ്ടിയായിരുന്നില്ല. മറ്റെന്തോ തിരക്കുണ്ടായിരുന്നു അവള്‍ക്ക്. അതെ , അവള്‍ ആരെയൊക്കെയോ വല്ലാതെ ഭയപ്പെടുന്നുണ്ട്. ചിലപ്പോള്‍ ഈ എന്നെ പോലും....!!! തന്‍റെ ചോദ്യങ്ങള്‍ക്കും സംശയങ്ങള്‍ക്കും തന്റെതായ രീതിയിൽ സ്വയം ഉത്തരം കണ്ടെത്തുകയായിരുന്നു കരണ്‍. ********************************************************************************** പിറ്റേന്ന് രാവിലെ തന്നെ കരണ്‍ പോലീസ് സ്റ്റേഷനിൽ ഹാജരായി. കോൺസ്റ്റബിൾ അറിയിച്ചതിനെ തുടർന്ന് അവൻ എസ് ഐ റൂമിലേക്ക് കയറി. "ഇരിക്കൂ... ആ പെണ്‍കുട്ടിയെവിടെ...??" കരണിനെ കണ്ട പാടെ എസ് ഐ അന്വേഷിച്ചു. "അറിയില്ല സര്‍ , ഞാന്‍ ഇന്നലെ ആദ്യമായാണ് അവളെ കാണുന്നത് തന്നെ..." കരൺ സത്യം പറഞ്ഞു. "ഉം... ശെരി സാരമില്ല. അവള്‍ വന്നോളും. അതിനു മുമ്പ് എനിക്ക് ചിലത് താങ്കളോട് ചോദിച്ചറിയാനുണ്ട്.. താങ്കളെ ഞാന്‍ എവിടെയോ വെച്ച് കണ്ട് നല്ല പരിചയം തോന്നുന്നു? പക്ഷേ എത്ര ആലോചിച്ചിട്ടും എനിക്കത് കിട്ടുന്നില്ല. ശെരിക്കും താങ്കൾ എന്തു ചെയ്യുകയാണ്...??" സാധാരണപോലെ എസ്ഐ ചോദിച്ചു. അയാളുടെ ചോദ്യം കേട്ട് ആദ്യമൊരു സംശയമാണ് കരണിന് തോന്നിയത്. എങ്കിലും അത് പുറത്ത് പ്രകടമാക്കാതെ തന്നെ അവൻ എസ്ഐ'ക്ക് മറുപടി കൊടുത്തു : "എന്നെ സര്‍ കണാന്‍ വഴിയില്ല . ഞാന്‍ മുംബൈയിലാ താമസം . ഇടക്ക് കേരളത്തില്‍ വന്നു പോകുന്നു എന്നു മാത്രം..." സമർത്ഥമായി അവൻ നുണ പറഞ്ഞു. "മുംബൈയില്‍ താങ്കൾ എന്ത് ചെയ്യുന്നു...??" അയാൾ പുരികം ചുളുക്കി. "ഞാനവിടെ സ്പൈസസിന്‍റെ ബിസിനസ്സുമായി മുന്നോട്ട് പോവുകയാണ്.. ഇവിടെ ഈ കേരളത്തിൽ കുരുമുളകും ഏലവും ചരക്കെടുക്കാന്‍ ഞാന്‍ ഇടയ്ക്കിടെ വരാറുണ്ട്. എന്തു പറ്റി സര്‍...?? എനിതിങ് റോങ്...??" "ഏയ് നത്തിംഗ് മാൻ. ഇന്നലത്തെ തന്‍റെ പെര്‍ഫോമന്‍സ് വീഡിയോ കണ്ടിട്ട് താന്‍ ഒരു ബിസിനസ്സുകാരനായി എനിക്ക് തോന്നുന്നില്ല . അതുകൊണ്ട് ചോദിച്ചതാ..." മാര്‍ജിന്‍ ഫ്രീ മാര്‍ക്കറ്റില്‍ നിന്നും ലഭിച്ച സിസിടിവി ഫൂട്ടേജ് എസ് ഐ കരണിന് കാണിച്ചു കൊടുത്തു. എതിരാളിയെ അതി വിദഗ്ദമായി നല്ല മെയ് വഴക്കത്തോടെ നേരിടുന്ന കരണ്‍ എസ്ഐ'യുടെ സംശയത്തിലായിരുന്നു. "ഇതില്‍ ഇത്ര സംശയിക്കാനൊന്നുമില്ല സര്‍ . . എനിക്ക് കുറച്ച് കളരി പ്രയോഗങ്ങൾ അറിയാം . . ആവശ്യം വന്നപ്പോള്‍ ഞാനത് പ്രയോഗിച്ചുന്നേയുള്ളൂ.. അത്രമാത്രം.." നിസ്സാരം പോലെ കരൺ മറുപടി കൊടുത്തു. "ഉം . . ശരി . ശരിക്കും എന്താണ് ഷോപ്പിനകത്ത് സംഭവിച്ചത്...??" "ഞാന്‍ പറയാം സര്‍ . " കരണ്‍ ആ കാര്യങ്ങളൊക്കെ വള്ളി പുള്ളി തെറ്റാതെ എസ്ഐക്ക് വിവരിച്ച് കൊടുത്തു ..... "അപ്പോൾ ഇതൊക്കെയാണ് അവിടെ സംഭവിച്ചത് അല്ലേ...??" താടിയിൽ ഒന്നു ചൊറിഞ്ഞുകൊണ്ട് എസ്ഐ ചോദിച്ചു. "അതേ സര്‍..." കരൺ ശിരസ്സനക്കി. "പിന്നെ താനെന്തിനാ ആ ആക്രമിക്ക് അന്നേരം വാക്ക് കൊടുത്തത്...??" "എന്ത് വാക്കാണ് സര്‍...??" "അയാളുടെ അമ്മയെ താന്‍ രക്ഷിക്കാമെന്നും ഓപ്പറേഷന്‍ നടത്താമെന്നും വാക്ക് കൊടുത്തത്...??" "ഓഹ് അതോ ? അത് ഞാന്‍ ചുമ്മാ അയാളെ സമാധാനിപ്പിക്കാന്‍ പറഞ്ഞതല്ലേ സര്‍... ഒരു നെഗോസിയേഷൻ പോലെ.. അതൊക്കെ അത്ര കാര്യമാക്കാനുണ്ടോ സർ.." നാടകീയമായി കരൺ ഒന്നു ചിരിച്ചെന്നു വരുത്തി. "അങ്ങനെ ആയിരിക്കാം.. ബട്ട് എവിടെയോ എന്തൊക്കെയോ തകരാറുണ്ടല്ലോ കരണ്‍.. ഒന്നും അങ്ങോട്ട് കണക്ട് ആവുന്നില്ല.." "എന്തു പറ്റി സര്‍....,??!!" "അല്ലാ , ഇന്ന് ഞാന്‍ സിറ്റി ഹോസ്പിറ്റലിൽ വിളിച്ച് അന്വേഷിച്ചപ്പോൾ അയാളുടെ അമ്മ രേവതിയെ ഓപ്പറേഷന്‍ ചെയ്യാന്‍ ആരംഭിച്ചു എന്നറിഞ്ഞു. ആരാണ് വന്ന് പണം കെട്ടിയത് എന്ന് അന്വേഷിച്ചപ്പോള്‍ കേന്ദ്രമന്ത്രി അരുണ്‍ സായിയുടെ റിക്വസ്റ്റ് ആണെന്നും അറിയാന്‍ സാധിച്ചു..!! ഒറ്റ രാത്രി കൊണ്ട് ഒരു കേന്ദ്രമന്ത്രിയെ കൊണ്ട് ഹോസ്പിറ്റലില്‍ വിളിപ്പിക്കാന്‍ തക്ക ശേഷിയുള്ള ആരോ ഒരാള്‍ ഈ അക്രമകാരിയുടെ പിന്നിലുണ്ട് എന്നു വേണ്ടേ ഞാന്‍ മനസ്സിലാക്കാന്‍...... ഇവനാണേല്‍ അങ്ങനെയൊരാളെ അറിയില്ലെന്നും , അറിയാമായിരുന്നേല്‍ ഈ പണിക്ക് നില്‍ക്കുമോ എന്നുമൊക്കെയാ തിരിച്ചു ചോദിക്കുന്നത്. എന്നാലും ആരായിരിക്കും അത്...?? ബിസിനസ്സുകാരനായ താങ്കളെകൊണ്ട് അത് സാധ്യമല്ല എന്ന് എനിക്കറിയാം.. എന്നാലും....." "സര്‍ ഇതൊക്കെയെന്തിനാ സര്‍ എന്നോട് പറയുന്നത്....??" അൽപ്പം ഈർഷ്യം പ്രകടിപ്പിച്ചുകൊണ്ട് കരൺ ചോദിച്ചു. "നത്തിങ്... ഞാന്‍ വെറുതേ ഓരോന്നിങ്ങനെ പറഞ്ഞൂന്നേയുള്ളൂ . ഒരു കാര്യം ചോദിക്കാന്‍ വിട്ടു പോയി. സാധാരണ ആദ്യമേ ചോദിക്കേണ്ടതാണ് . എന്താണ് നിങ്ങളുടെ പേര്...??" "കൃഷ്ണ . . അതാണ് സര്‍ എന്‍റെ പേര്..." വീണ്ടും സമർത്ഥമായി കരൺ നുണ പറഞ്ഞു. ഉം..... ഒന്നു മുരണ്ടുകൊണ്ട് എസ്ഐ കരണിനെ അടിമുടിയൊന്നു വല്ലാതെ നോക്കി. "എന്തു പറ്റി സര്‍....??" "ഏയ് ഒന്നുമില്ല. . ഇത്ര നേരമായിട്ടും ആ പെണ്‍കുട്ടി വന്നില്ലല്ലോ കൃഷ്ണാ..." അപ്പോഴാണ് കരണിന് സുനൈനയുടെ കാര്യം ഓര്‍മ്മ വന്നത്. എസ്ഐ'മായുള്ള സംസാരത്തിൽ അത് പാടേ മറന്നു പോയിരിക്കുന്നു. ഇത്ര നേരമായും അവള്‍ വന്നിട്ടില്ല . കരണ്‍എന്തൊക്കെയോ ചിന്തിക്കാൻ തുടങ്ങി. "എന്തുപറ്റി കൃഷ്ണാ, മുഖത്ത് ഒരു ടെന്‍ഷന്‍ പോലെ...??" കൂർത്ത കണ്ണുകളോടെ മുന്നിലിരിക്കുന്ന എസ്ഐ ചോദിച്ചു. "നത്തിങ് സർ.. ഒഫിഷ്യൽ മീറ്റിംഗ് കഴിഞ്ഞെങ്കിൽ എനിക്ക് പോകാമോ സർ...?? ഞാനെന്നാ ഇറങ്ങിക്കോട്ടെ...?" "ഉം.. ശെരി.. പോയ്ക്കോ . പക്ഷേ താന്‍ മുംബൈക്ക് പോകുന്നതിനു മുമ്പ് ഒരിക്കല്‍ കൂടി ഇവിടെ വരണം.." " തീർച്ചയായും സര്‍.... " പറഞ്ഞുകൊണ്ട് കരൺ വേഗം എഴുന്നേറ്റു. സ്റ്റേഷനില്‍ നിന്നുമിറങ്ങി പോകുമ്പോള്‍ അവൻ എന്തൊക്കെയോ ചിന്തിച്ചു കൂട്ടുന്നുണ്ടായിരുന്നു . ഇതേ സമയം സ്റ്റേഷന് അകത്തുള്ള എസ്ഐ ക്രൂരമായ ഒരു ചിരി പാസ്സാക്കിയത് കരൺ അറിഞ്ഞില്ല. ഏതാനും മണിക്കൂറുകള്‍ മുമ്പ്., അതായത് തലേന്ന് രാത്രി. മാര്‍ജിന്‍ ഫ്രീ മാര്‍ക്കറ്റില്‍ നിന്നും സുനൈനയെ ബന്ദിയാക്കിയവനെ അറസ്റ്റ് ചെയ്ത് കൊണ്ടു പോയ എസ് ഐക്ക് സ്റ്റേഷന്‍ എത്തുന്നതിന് മുന്നേ ഫോണിൽ ഒരു വാട്സ്ആപ്പ് മെസ്സേജ് വന്നു . ആ മെസ്സേജ് സുനൈനയുടെ ഫോട്ടോ ആയിരുന്നു . അതിനടിയില്‍ ഇങ്ങനെയൊരു കുറിപ്പും . """ഇവളെ കണ്ടെത്തി എനിക്ക് കൈ മാറിയാല്‍ തനിക്ക് വേണ്ട പ്രതിഫലം ലഭിക്കുന്നതാണ് """ "വണ്ടി തിരിയെടോ...." മെസ്സേജ് കണ്ട ഉടനെ സ്ഐ ഡ്രൈവറോട് അലറി. മിന്നല്‍ വേഗതയില്‍ മാര്‍ജിന്‍ ഫ്രീ മാര്‍ക്കറ്റിലേക്ക് പോലീസ് ജീപ്പ് കുതിച്ചു പാഞ്ഞു . അവിടെ തിരിച്ചെത്തിയ അയാള്‍ ഷോപ്പില്‍ അവളില്ലായെന്ന് തിരിച്ചറിയുകയായിരുന്നു. ശ്ശേ...!! ജീപ്പിന്റെ ബോണറ്റിൽ കൈ കൊണ്ടിടിച്ച് അയാള്‍ ആകാശം നോക്കിയലറി. ℙℝ𝔼𝕊𝔼ℕ𝕋 𝕋𝕀𝕄𝔼 പോലീസ് സ്റ്റേഷനില്‍ നിന്നും ഇറങ്ങിയ കരണിന്‍റെ മനസ്സില്‍ ഒരുപാട് ചോദ്യങ്ങള്‍ തിങ്ങി നിറയുകയായിരുന്നു. എന്തായിരിക്കും സുനൈനയ പോലീസ് സ്റ്റേഷനിൽ വരാതിരിക്കാനുള്ള കാരണം ?? സമയം കളയാതെ കരണ്‍ ആ മാര്‍ജിന്‍ ഫ്രീയിലേക്ക് പാഞ്ഞു. പക്ഷേ സുനൈന അവിടെയില്ലായിരുന്നു . മാനേജരോട് കാര്യം തിരക്കിയ കരണ്‍ അല്പം ഒന്നു ഞെട്ടുകയായിരുന്നു. കാരണം ഒരു മുന്നറിയിപ്പും ഇല്ലാതെ സുനൈന ഈ സ്ഥാപനത്തിലെ ജോലി മതിയാക്കി എന്നതായിരുന്നു ആ വിവരം. നിരാശയോടെ അവൻ അവിടെ നിന്നുമിറങ്ങി . ഇതെന്തൊക്കെയാ എനിക്ക് ചുറ്റും ഈ സംഭവിക്കുന്നത്??!! കരണിന് വട്ട് പിടിക്കുന്നതു പോലെ തോന്നി . . പതിയെ അവൻ തന്‍റെ ലോഡ്ജ് ലക്ഷ്യമാക്കി. മുറി തുറന്ന് അകത്തേക്ക് കയറി ചുറ്റുമൊന്ന് നോക്കി അവൻ അലറി : "ശരി , നിങ്ങള്‍ ആരാണെങ്കിലും പറയൂ , എന്തൊക്കെയാണ് എനിക്ക് ചുറ്റും സംഭവിക്കുന്നത്?? ആരാണ് ഈ സുനൈന ?? ഞാനും നിങ്ങളും തമ്മിലുള്ള ബന്ധം എന്താണ്......??" കോപത്തോടെയുള്ള കരണിന്‍റെ അലറലില്‍ അല്‍പ്പ നേരത്തേക്ക് മറുപടിയൊന്നും വന്നില്ല . പക്ഷേ കുറച്ചു കഴിഞ്ഞപ്പോള്‍ വലിയൊരു ശബ്ദത്തോടെ ആ മുറിയിലെ കതക് തനിയെ വലിച്ചടയ്ക്കപ്പെട്ടു. അതില്‍ നിന്നും ആ അദൃശ്യ ശക്തി അകത്തേക്ക് പ്രവേശിച്ചെന്ന് അവൻ മനസ്സിലാക്കി. "പറയൂ , ആരാണ് സുനൈന ? എന്തിനാണ് അവള്‍ ഒളിച്ചു കളിക്കുന്നത് ? അവളെന്തിന് എന്‍റെ സ്വപ്നങ്ങളില്‍ വരണം....??" മറുപടിക്കായി കാത്തു നിന്ന കരണിനെ തീർത്തും ഞെട്ടിച്ചു കൊണ്ടാണ് അതുണ്ടായത് . തൊട്ടടുത്ത ചുമരില്‍ എന്തൊക്കെയോ എഴുതുന്നു . അതും ചോര കൊണ്ട് . കരണ്‍ ആ എഴുത്ത് വായിച്ചു : "SHE IS NOT SUNAINA" "സുനൈനയല്ലെങ്കില്‍ പിന്നെ ആരാണത്....??" കരണ്‍ ചോദിച്ചു . വീണ്ടും അത് ചുമരിലെഴുതി ; """HER NAME IS ASHWINI""" "അശ്വിനി ??!! " ആകാംക്ഷയോടെ കരണ്‍ തന്നോട് തന്നെ മന്ത്രിച്ചു. വീണ്ടും അത് ചുമരിലെഴുതാന്‍ തുടങ്ങി ; """FIND HER , AND SAVE HER . . BECAUSE HER LIFE IS IN A DANGER""" "DANGER....????!!" സംശയത്തോടെ കരണ്‍ ചോദിച്ചു. """YES . . SAVE ASHWINI""" "എന്താണ് , എന്താണവള്‍ക്ക് സംഭവിക്കാന്‍ പോകുന്നത് ??" കരണിന്‍റെ ചോദ്യത്തിന് മറുപടി ഉണ്ടായിരുന്നില്ല . "ഹലോ , പറയൂ . എന്താണ് അവള്‍ക്ക് സംഭവിക്കാന്‍ പോകുന്നത് ?? " വീണ്ടും മറുപടിയില്ലാതായപ്പോള്‍ അദൃശ്യ ശക്തി മുറിയില്‍ നിന്നും പോയി എന്ന് കരണ്‍ മനസ്സിലാക്കി . ചുവരിലെ എഴുത്ത് അവൻ വീണ്ടും വീണ്ടും വായിച്ചു. "അവളുടെ ജീവന്‍ അപകടത്തിലാണെന്ന് അവള്‍ക്ക് അറിയാമായിരിക്കും. അതുകൊണ്ടാണ് അവള്‍ എന്നോട് പേര് മാറ്റി പറഞ്ഞതും പിറ്റേന്ന് സ്ഥലം കാലിയാക്കിയതും... അശ്വിനി എന്ന സുനൈന നീ എവിടെ പോയി ഒളിച്ചാലും ഞാന്‍ നിന്നെ കണ്ടെത്തും.. ഇതിന്‍റെയൊക്കെ ഉത്തരങ്ങള്‍ നിന്നില്‍ നിന്നു തന്നെ ഞാന്‍ അറിയുകയും ചെയ്യും.. കാത്തിരുന്നോ നീ , എന്‍റെ വരവിനായി...." കരൺ തന്റെ മുഷ്ടി ബലത്തിൽ ചുരുട്ടി. ഇതേ സമയം പോലീസ് സ്റ്റേഷനില്‍ അശ്വിനിയുടെ ഫോട്ടോ നോക്കുകയായിരുന്നു എസ്ഐ : "എടീ പെണ്ണേ , ഇന്നലെ നീയെന്‍റെ കൈയ്യില്‍ നിന്നും വഴുതി പോയി . സാരമില്ല നീ എവിടെ പോയി ഒളിച്ചാലും ഈ എസ്ഐ ചന്ദ്രചൂഡന്‍ നിന്നെ പൊക്കിക്കോളാം . ." ഒരു ഭാഗത്ത് അശ്വിനിയെ രക്ഷിക്കാൻ കരണും മറുഭാഗത്ത് അവളെ കൊല്ലാൻ എസ്ഐ ചന്ദ്രചൂഡനും....!! 🔥🔥 ((തുടരും)) രചന : കണ്ണൂർകാരൻ ❤️❤️❤️❤️ #📙 നോവൽ #💞 പ്രണയകഥകൾ #✍ തുടർക്കഥ #📚 ട്വിസ്റ്റ് കഥകൾ #📔 കഥ