ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6QkXlDG?d=n&ui=v64j8rk&e1=cPart 12ഇവിടെ നിന്നും പുറത്തു കടക്കാനൊരു വഴിയേ ഉള്ളൂ... എന്താ...??അവൾ ചോദിച്ചു ഏകദേശം നാല് മണിയാകുമ്പോഴേക്കും തന്റെ അച്ഛനോട് പറയണം, വല്ലാത്ത തലവേദനയാണ്.അതുകൊണ്ട് കിടന്നുറങ്ങാൻ പോകുന്നുവെന്ന്. മൈഗ്രേന്റെ തലവേദനയാണ്, ഇടയ്ക്കിടെ ഉണ്ടാവാറുണ്ട് ഉറങ്ങിയാൽ മാറിക്കോളും. അതുകൊണ്ട് ശല്യപ്പെടുത്തരുത് എന്ന് പറയണം. ജോലിക്കാരിയോടും കാര്യങ്ങൾ ധരിപ്പിക്കണം. ഉറക്കത്തിനിടക്ക് വിളിക്കരുത്, ഒച്ചയും ബഹളവും ഉണ്ടാക്കരുത് എന്നും പറയണം എന്നിട്ട്...??അവൾ ആകാംക്ഷയോടെ ചോദിച്ചു ബാക്കി ഞാൻപിന്നെ പറയാം. ഇപ്പോൾ തലവേദന അഭിനയിച്ചു തുടങ്ങിക്കോ, വൈകുന്നേരം ആകുമ്പോഴേക്കും തലവേദന കലശലാണെന്ന് അവർക്ക് തോന്നണം. അതൊക്കെ ഞാൻ ഏറ്റു... അവൾ പറഞ്ഞു. നിതാര ഡാനി പറഞ്ഞതിൻ പ്രകാരം തലവേദന അഭിനയിച്ചു വൈകുന്നേരത്തോടു കൂടി തലവേദന കലശലാണ് അതുകൊണ്ട് കിടന്നുറങ്ങാൻ പോകുന്നു വിളിക്കരുതെന്ന് പ്രത്യേകം പറഞ്ഞു. നാളെ രാവിലെ വിളിച്ചാൽ മതി. ഇല്ലെങ്കിൽ പിന്നെ എനിക്ക് ഉറങ്ങാൻ കഴിയാതെ വരും തലവേദന സഹിക്കാൻ പറ്റാതെയാകുമെന്ന് അച്ഛനോടും ജോലിക്കാരിയോടും പറഞ്ഞിട്ട്അവൾ മുറിയിലെലേക്ക് പോയി. ഡാനി അവളെ കാത്തിരിക്കുകയായിരുന്നു. ഡാനി പറഞ്ഞതുപോലെയൊക്കെ ഞാൻ പറഞ്ഞിട്ടുണ്ട്.അവൾ പറഞ്ഞു നമ്മൾ ഇനി എങ്ങനെ പുറത്തുചാടും?? അവൾ ചോദിച്ചു ആരുടേയും കണ്ണിൽ പെടാതെ പുറത്തെത്തിക്കുന്ന കാര്യം ഞാനേറ്റു. അയാൾ ആത്മവിശ്വാസത്തോടെ പറഞ്ഞു. ശരി. അവർ പതിയെ പതിയെ ആരും കാണാതെ പടികൾ ഇറങ്ങി താഴെത്തി. അച്ഛൻ മുറിയിലാണ്. അവർ പതിയെ അടുക്കളയുടെ അടുത്തേക്ക് ചെന്നു. ജോലിക്കാരി സിങ്കിൽ കിടക്കുന്ന പാത്രങ്ങൾ കഴുകി വെയ്ക്കുകയാണ്. ഇവരുടെ കഴുക്ക് ഇനിയും തീർന്നില്ലേ?? ഡാനി ചോദിച്ചു പറച്ചിൽ കേട്ടാൽ തോന്നുമല്ലോ അവർ പാത്രം കഴുകി കൊണ്ട് നിൽക്കുന്നത് ഇയാൾ ഒരുപാട് വട്ടം കണ്ടിട്ടുണ്ടെന്ന്.. ശ്... ശ്...മിണ്ടാതിരിക്ക്.അയാൾ ചുണ്ടിൽ വിരലമർത്തി ഞാൻ പോകുമ്പോൾ എന്റെ പിറകെ പോന്നോളണം അയാൾ പറഞ്ഞു. ശരി. പാത്രം കഴുകി കഴിഞ്ഞതിനു ശേഷം ജോലിക്കാരി ഹാളിലേക്ക് പ്രവേശിക്കാനായി തിരിഞ്ഞതും അവർ തൊട്ടടുത്തുള്ള മുറിയിലേക്ക് മാറിനിന്നു ജോലിക്കാരി ഡൈനിങ് ടേബിളിന് അരികിലേക്കാണ് പോകുന്നത്. അവർ വേഗം മുറിയിൽ നിന്ന് ഇറങ്ങിഅടുക്കളയിലൂടെ വർക്ക് ഏരിയയിലേക്ക് ഇറങ്ങി. അവിടെ വച്ച വാഷിംഗ് മെഷീന് പിന്നിലായി ഒളിച്ചിരുന്നു. കാവലിനായി നിൽക്കുന്ന ആളുകൾ വീടിനു ചുറ്റിലും നടക്കുന്നുണ്ട്. ഇനി അവരുടെ കണ്ണു വെട്ടിച്ച് വേണം പുറത്തേക്ക്ഇറങ്ങാൻ. വീടിനു ചുറ്റും നടന്നവർ മുൻവശത്തേക്ക് പോയ നിമിഷം നോക്കി അവർ പിന്നിലുള്ള മതിൽ ചാടി പുറത്തു കടന്നു എന്നാലും പ്രശ്നങ്ങളൊഴിയുന്നില്ലല്ലോ. ആരുടെയെങ്കിലും കണ്ണിൽ പെട്ടാൽ അതോടെയെല്ലാം തീർന്നു. താൻ ആ ചുരിദാറിന്റെ ഷോൾ എടുത്ത് തലയിലൂടെ ഇട്. പെട്ടെന്ന് ആരെങ്കിലും കണ്ടാലും മനസ്സിലാക്കാൻ പാടില്ലാത്ത വിധം മുഖം അല്പം മറച്ചിട്ടോ. ശരി. ഈ റോഡിലൂടെ പോയാൽ ആരെങ്കിലും ശ്രദ്ധിക്കും, അതുകൊണ്ട് നമുക്ക് ഏതെങ്കിലുമൊക്കെ പറമ്പിലൂടെ കയറി പോകാം. എതിലെ പോയാലും വേണ്ടില്ല.നമുക്ക് വിഷ്ണുവിന്റെ വീട് കണ്ടെത്തണം അത്രേ ഉള്ളൂ വിഷ്ണുവിന്റെ വീടിനെക്കുറിച്ച് ആരോടാണ് ഒന്ന് ചോദിക്കുക ?? ബാക്കിൽ പോയി ചോദിക്കാം ഡാനി പറഞ്ഞു. ബാങ്കിലൊക്കെ പോയി ചോദിച്ചാൽ അവർ പറയുമോ?? അവൾ സംശയം പ്രകടിപ്പിച്ചു. തനിക്ക് ബാങ്കിലുള്ള ആരെങ്കിലുമായി പരിചയമുണ്ടോ ?? ഇല്ല.എനിക്ക് ആരെയും പരിചയമില്ല.അവൾ പറഞ്ഞു. ഒരു കാര്യം ചെയ്യ്. നേരെ ബാങ്കിലേക്ക് കയറിച്ചെല്ല്. എന്നിട്ട് ഇവിടെ ജോലി ചെയ്യുന്ന വിഷ്ണുവിനെ കാണണം എന്ന് പറ. അങ്ങനെ ചോദിക്കുമ്പോൾ തീർച്ചയായും അവിടുത്തെ സ്റ്റാഫ് പറയും അയാൾ മരണപ്പെട്ടു പോയി എന്ന് അയ്യോ...ഇപ്പോഴാണ് അറിയുന്നത് വിഷ്ണുവിന്റെ വീട് എവിടെയാണെന്ന് നിതാരയപ്പോൾ ചോദിക്കണം . അയാൾ പറഞ്ഞു ശരി. അവൾ ധൈര്യം സംഭരിച്ച് ബാങ്കിലേക്ക് കയറി. ആദ്യം ഇരിക്കുന്നത് ഒരു ലേഡിയാണ്. ആ ലേഡിയുടെ ക്യാമ്പിനരികിലേക്കവൾ ചെന്നു. ഇവിടെ ജോലി ചെയ്തുകൊണ്ടിരുന്ന വിഷ്ണുവില്ലേ, അയാളെ ഒന്ന് വിളിക്കാമോ?? നിതാര ചോദിച്ചു. ആ സ്ത്രീ പകപ്പോടെ അവളെ നോക്കി. വിഷ്ണു മരിച്ചിട്ട് കുറേ ദിവസങ്ങളായി ആ സ്ത്രീ പറഞ്ഞു അയ്യോ...ഞാൻ അറിഞ്ഞില്ല വിഷ്ണുവിന്റെ വീട് എവിടെയാണെന്ന് ഒന്ന് പറഞ്ഞു തരാമോ?? ഇവിടെനിന്ന് ആറ് കിലോമീറ്റർ പോകണം. നേരെ മുന്നിലുള്ള വഴിയിലൂടെ പോയാൽ ഒരു പാലം ഉണ്ട് പാലം കടന്നു കഴിഞ്ഞ് കാണുന്ന വീടാണ് വിഷ്ണുവിന്റെ ഒക്കെ താങ്ക്യൂ. അവൾ ബാങ്കിൽ നിന്ന് ഇറങ്ങി. വിഷ്ണുവിന്റെ വീട്ടിലേക്കുള്ള വഴി കിട്ടി. അവൾ ഡാനിയോട് പറഞ്ഞു നമുക്കൊരു ഓട്ടോ വിളിച്ച് പോകാം. ഡാനി പറഞ്ഞു. അയ്യോ അത് കുഴപ്പമാകില്ലേ?? എന്തു കുഴപ്പം ?? എല്ലാത്തിനും ഇങ്ങനെ പേടിക്കാൻ തുടങ്ങിയാൽ എന്ത് ചെയ്യും?? അയാൾ വഴിയരികിൽ കിടന്ന ഓട്ടോ വിളിച്ചു. രണ്ടാളും അതിൽ കയറി. നമുക്ക് പാലത്തിന്റെ ഇപ്പുറത്തിറങ്ങാം അതാണ് സേഫ്. അയാൾ അവളുടെ കാതിൽ പറഞ്ഞു. ഓട്ടോ പാലത്തിനരികിൽ നിർത്തിച്ച് അവർ ഇറങ്ങി. അവർ ഓട്ടോക്കാരന് പണം കൊടുത്തിട്ട് അവർ മുന്നോട്ടു നടക്കുന്നത് നോക്കി ഓട്ടോക്കാരന്‍ നിന്നു. കണ്ടിട്ട് കാമുകിയും കാമുകനും ആണെന്ന് തോന്നുന്നു. ഇനി രണ്ടും കൂടെ പാലത്തിൽ നിന്നും ചാടാനുള്ള പുറപ്പാട് വല്ലതുമാണോ?? അയാൾ സംശയത്തോടെ നോക്കി. ദേ.. ഡാനി, ഓട്ടോക്കാരൻ പോയിട്ടില്ല കേട്ടോ. നമ്മളെ തന്നെ ശ്രദ്ധിക്കുന്നുണ്ട് നിതാരാ പറഞ്ഞു അത് പിന്നെ പാലത്തിന്റെയടുത്ത് ഇറങ്ങിയാൽ ആർക്കായാലും സംശയം തോന്നില്ലേ. എന്ത് സംശയം ? ചാടി ചാ.കാ.നാണോ എന്ന സംശയം. ഓഹ് അങ്ങനെ... അവർ മുന്നോട്ടു നടന്നു. പാലം കഴിഞ്ഞു മുന്നോട്ട് നടന്നപ്പോൾ ഓട്ടോ സ്റ്റാർട്ട് ആക്കി തിരിച്ചു പോകുന്ന ശബ്ദം കേട്ടു. ആ കാണുന്ന വീടാണെന്ന് തോന്നുന്നു. അതെ, അത് തന്നെയാണ്. അവർ വീട്ടുമുറ്റത്തേക്ക് കയറി. കോളിംഗ് ബെൽ അടിച്ചു കാത്തു നിന്നു മെലിഞ്ഞ ഒരു സ്ത്രീയാണ് വാതിൽ തുറന്നത്. ആരാ?? അവർ ചോദിച്ചു. ഞങ്ങൾ വിഷ്ണുവിന്റെ കൂട്ടുകാരാണ് ഡാനി പറഞ്ഞു. അകത്തേക്ക് കയറി വരൂ... അവർ അകത്തേക്ക് കയറി ഇരിക്കൂ... അവർ ഇരുന്നു. നിങ്ങൾ വിഷ്ണുവിന്റെ കൂടെ ജോലി ചെയ്തിരുന്നവരാണോ ആ സ്ത്രീ ചോദിച്ചു. അതെ. പെട്ടെന്ന് ആ സ്ത്രീയുടെ കണ്ണുകൾ നിറഞ്ഞു. മിടുക്കനായിരുന്നു എന്റെ മോൻ. പഠനം കഴിഞ്ഞ ഉടനെ ജോലിയും കരസ്ഥമാക്കി. പക്ഷേ ആ ആക്സിഡന്റ് എന്റെ മകനെ എന്നിൽ നിന്നും പറിച്ചു കൊണ്ടുപോയി. അന്ന് ഞങ്ങൾക്ക് വരാൻ കഴിഞ്ഞില്ല അമ്മയെ വന്നൊന്ന് കാണണമെന്ന് തോന്നി അതാഇപ്പോൾ വന്നത്. നിതാരാ അവരുടെ അരികിലിരുന്നു. ഞാനൊരു കാര്യം ചോദിച്ചാൽ അമ്മ സത്യം പറയുമോ?? എന്താ കുട്ടി?? വിഷ്ണു മ.രിക്കുന്നതിനു മുൻപ് അമ്മയോഎന്തെങ്കിലും പറഞ്ഞിരുന്നോ? എന്തു പറയാൻ?? അല്ല! നിങ്ങൾ ശരിക്കും ആരാ?? എന്താ ഇങ്ങനെയൊക്കെ ചോദിക്കുന്നത്?? വിഷ്ണുവിന്റെ മരണത്തിൽ ഞങ്ങൾക്ക് ഒരു സംശയം.അതാ ചോദിച്ചത് ഡാനി പെട്ടെന്ന് ചാടി പറഞ്ഞു അമ്മ ഞെട്ടലോടെ അവരുടെ മുഖത്തേക്ക് നോക്കി അതെന്താ അങ്ങനെ തോന്നാൻ?? വിഷ്ണു നന്നായിട്ടു ഡ്രൈവ് ചെയ്യുമായിരുന്നല്ലോ, സ്പീഡിൽ ഒന്നും വാഹനമോടിക്കുന്നത് ഒരിക്കലും ഞങ്ങൾകണ്ടിട്ടില്ല. അതാ അവൻ സ്പീഡിലൊന്നും വാഹനം ഓടിക്കുന്ന ആളല്ല. പക്ഷേ മറ്റുള്ളവർ അങ്ങനെയാവണമെന്നില്ലല്ലോ, അവർ ഇങ്ങോട്ട് വന്നി.ടി.ച്ചാൽ എന്ത് ചെയ്യാൻ പറ്റും?? വിഷ്ണുവിന്റെ അച്ഛൻ ?? അദ്ദേഹം മരിച്ചിട്ട് കുറെ വർഷങ്ങളായി വിഷ്ണുവിന് സഹോദരങ്ങളൊന്നും ഇല്ലേ ?? നിങ്ങൾ സുഹൃത്തുക്കളാണെന്നല്ലേ പറഞ്ഞത്. എന്നിട്ട് ഇക്കാര്യങ്ങൾ ഒന്നുമറിയില്ലേ?? അമ്മ സംശയത്തോടെ അവരെ നോക്കി ഞങ്ങൾ വീട്ടിലെ കാര്യങ്ങൾ ചോദിച്ചിട്ടുമില്ല.അവൻ പറഞ്ഞിട്ടുമില്ല എനിക്ക് വിഷ്ണുവിനെ കൂടാതെ ഒരു മകളുണ്ട്.അവളെ വിവാഹം കഴിപ്പിച്ചയച്ചു. ഞങ്ങൾക്ക് വിഷ്ണുവിന്റെ മുറി ഒന്ന് കാണാൻ പറ്റുമോ?? അതിനെന്താ,ആ വലതുവശത്ത് മുറിയാണ്. അവർ അങ്ങോട്ട് നടന്നു. വളരെ വൃത്തിയായി സൂക്ഷിച്ചിരിക്കുന്ന ചെറിയ മുറിയാണ്. ഒരു അലമാരയും ഒരു ടേബിളും കിടപ്പുണ്ട്. ടേബിളിൽ ഒരു ലാപ്ടോപ്പും മൊബൈൽ ചാർജറും ഇരിപ്പുണ്ട്. എന്തെങ്കിലും സംശയം തോന്നുന്ന തരത്തിൽ ഒന്നും അവിടെയില്ല. അമ്മ അവിടേക്ക് കയറി വന്നു. നിങ്ങൾക്ക് കുടിക്കാൻ എന്തെങ്കിലും എടുക്കട്ടെ കുട്ടികളെ?? അമ്മ ചോദിച്ചു ഒന്നും വേണ്ടമ്മേ, ഇതുവഴി വന്നപ്പോൾ കയറിയെന്നേ ഉള്ളൂ.. ഞങ്ങളിറങ്ങട്ടെ ഡാനി പറഞ്ഞു. ശരി.. അവർ പുറത്തേക്കിറങ്ങി. അവർ പോകുന്നതും നോക്കി അമ്മ വാതിൽക്കൽ തന്നെ നിന്നു. എന്നാലും നമ്മൾ കഷ്ടപ്പെട്ടവരുടെ കണ്ണുവെട്ടിച്ച് ഇറങ്ങിവന്നത് വെറുതെയായി പോയല്ലോ. നമുക്ക് ഒന്നും കണ്ടെത്താനായില്ലല്ലോ. ആ അമ്മയ്ക്കാണെങ്കിൽ ഒന്നും അറിയത്തില്ല. വിഷ്ണുവിന്റെ മരണം അപകടമരണം തന്നെയാണെന്നാണ് ആ അമ്മ കരുതിയിരിക്കുന്നത്. എന്തെങ്കിലുമൊന്ന് കണ്ടെത്താനാകുമെന്നായിരുന്നു ഞാൻ വിചാരിച്ചത്. ആകെ നിരാശയായി പോയിയല്ലേ?? അവൾ ചോദിച്ചു. എന്നാരു പറഞ്ഞു. ഞാൻ കണ്ടെത്താനുള്ളത് കണ്ടെത്തിയിട്ടുണ്ട് അവൻ പറഞ്ഞു. എന്താ..?? അവൾ ചോദിച്ചു. ഇത് തന്നെ. അയാൾ പോക്കറ്റിൽ നിന്ന് ഒരു ഫോണെടുത്തു. ഇത് ആരുടെ ഫോണാ??. വിഷ്ണുവിന്റെ. ബെഡ്‌ഡിന്റെ അടിയിൽ നിന്നുംകിട്ടിയതാണ്. അതിൽ ഡാനി ബെഡ് പൊക്കുന്നത് ഞാൻ കണ്ടില്ലല്ലോ?? ചുമ്മാ മിഴിച്ചു നോക്കി നിന്നാൽ പോരാ. പോയ കാര്യത്തിന് എന്തെങ്കിലും തീരുമാനം ഉണ്ടാക്കാൻ പഠിക്കണം. ഡാനി പറഞ്ഞു എനിക്ക് ഇതൊന്നും അത്ര വശമില്ല. ഗുണ്ടകൾക്ക് സകല തരികിടയും അറിയാമല്ലോ.അതുപോലെയാണോ ഞാൻ?? ഓഹോ...സഹായിക്കാൻ വന്ന ഞാനിപ്പോൾ ആരായി.. അയ്യോ എന്റെ പൊന്നു സാറേ..ഞാൻ വെറുതെ പറഞ്ഞതാ. ഈ ഫോൺ മോഷണം പോയത് അമ്മ അറിയില്ലേ ??അവൾ ചോദിച്ചു. ഇല്ലല്ലോ.. അതെന്താ മകന്റെ സാധനങ്ങൾ ഒക്കെ അത്രയേറെ കരുതലോടെ സൂക്ഷിച്ചുവെച്ച അമ്മ ഈ ഫോൺ കാണാതെയാകുമ്പോൾ അറിയാതിരിക്കില്ലല്ലോ. അതിന് ഈ ഫോൺ അവർ കണ്ടിട്ടുണ്ടാവില്ല. വിഷ്ണു ഇത് ആരും കാണാതെ ബെഡിനടിയിൽ കയറ്റി വെച്ചിരുന്നതാണ്. അമ്മ മുറിയൊക്കെ അടിച്ചുവാരി വൃത്തിയാക്കി ഇടുന്നുണ്ടെങ്കിലും അടിയിലൊന്നും നോക്കില്ലല്ലോ. അങ്ങനെ ഉറപ്പിക്കാൻ കഴിയില്ലല്ലോ?? ബെഡ്ഷീറ്റ് മാറ്റുമ്പോ അവർക്ക് തീർച്ചയായും ഫോൺ കണ്ടിട്ടുണ്ടാകാം. നിതാര പറഞ്ഞു. ഒരിക്കലുമില്ല. ബെഡ്ഡ് പൂർണമായും ഞാൻ പൊക്കി നോക്കിയപ്പോഴാണ് കട്ടിലിന്റെ സെന്ററിലായി ഈ ഫോണിരിക്കുന്നത് കണ്ടത്. ആ അമ്മ ബെഡ്ഷീറ്റ് മാറ്റി ഇടാനായി ബെഡ് പൊക്കിയാലും സൈഡ് വശം മാത്രമല്ലേ പൊക്കൂ.. അല്ലാതെ ബെഡ് മുഴുവനായി പൊക്കില്ലല്ലോ. അതുകൊണ്ട് ഈ ഫോൺ കണ്ടിട്ടുണ്ടാവില്ല. ഇനി അഥവാ കണ്ടാലും കുഴപ്പമൊന്നുമില്ല. അതെന്താ ?? അമ്മ വല്ല പരാതിയും കൊടുത്താലോ?? അങ്ങനെ കൊടുക്കില്ല. അതെന്താ അങ്ങനെ തോന്നാൻ?? ആ അമ്മ നമ്മളോട് എന്തോ ഒളിക്കുന്നുണ്ട്. എനിക്കത് ഫീൽ ചെയ്തിരുന്നു. അവർ ആരെയോ ഭയക്കുന്നുണ്ട്.ഡാനി പറഞ്ഞു എന്തോ എനിക്കൊന്നും അറിയില്ല. നിതാരാ പറഞ്ഞു. അവർ അതുവഴി വന്ന ഓട്ടോയ്ക്ക് കൈ കാണിച്ചതിൽ കയറി. അവർ പോയി കഴിഞ്ഞതും അമ്മ വാതിൽ അടച്ചു. തന്റെ മകനെ തനിക്ക് നഷ്ടമായി. ഇനി മകളെ കൂടി നഷ്ടപ്പെടാൻ വയ്യ. പക്ഷേ താൻ ഒരമ്മയാണ്. താൻ വെറുതെയിരിക്കില്ല. അടുത്തമാസം തന്റെ മകൾ ഭർത്താവിനൊപ്പം വിദേശത്തേക്ക് പോകും. അതിനുശേഷം ഞാൻ ഇറങ്ങും. എന്റെ മകന് നീതി കിട്ടണം. അതുവരെ ഒരു കഴിവുമില്ലാത്ത കണ്ണീരും കൈയ്യുമായി കഴിയുന്ന ഒരു അമ്മയായി തന്നെ തുടരണം. തനിക്കറിയാം തന്റെ മകന്റേത് അപ.ക.ട.മ.ര.ണമല്ലെന്ന്. നിന്റെ മ.ര.ണത്തിന് കാരണമായവരെ ഞാൻ വെറുതെ വിടില്ല മോനെ...അമ്മയുടെ ശബ്ദം വിറച്ചു. 🍀🍀🍀🍀 നിതാരയും ഡാനിയും വീടിനടുത്ത് എത്തി. നേരം നന്നായി ഇരുണ്ടു തുടങ്ങിയിരുന്നു. എല്ലായിടത്തും ലൈറ്റ് തെളിച്ചിട്ടിട്ടുണ്ട്. അവർ മതിൽ കടന്നു എല്ലാവരുടെയും കണ്ണുവെട്ടിച്ചകത്ത് കടക്കാൻ അവർ നന്നായി ബുദ്ധിമുട്ടി. എങ്കിലും അവരുടെ കണ്ണ് തെറ്റിയ നിമിഷം രണ്ടാളും ഒരുതരത്തിൽ അകത്തു കയറി. നേരെ മുകളിൽ നിലയിലെ മുറിയിലേക്ക് എത്തി മുറിയിലെത്തിയതും ഡാനി വിഷ്ണുവിന്റെ ഫോൺ ഓൺ ചെയ്യാൻ നോക്കി. ഓണാക്കുന്നില്ല. ചാർജ് തീർന്നതായിരിക്കും അയാൾ ഫോൺ ചാർജ് ചെയ്യാനായി വെച്ചു വിഷ്ണുവിന്റെ അമ്മ എന്തൊക്കെയോ തങ്ങളിൽ നിന്നും മറയ്ക്കുന്നത് പോലെ തനിക്ക് തോന്നിയിരുന്നു. ചിലപ്പോൾ തന്റെ തോന്നലുകൾ ആകാം കുട്ടിക്കാലത്ത് പോലീസ് ആകണമെന്നായിരുന്നു തന്റെ ആഗ്രഹം. അതുകൊണ്ടുതന്നെ ചുറ്റുപാടും ഉള്ളതിനെയൊക്കെ നിരീക്ഷിക്കാനുള്ള ഒരു ത്വര പണ്ടേ ഉണ്ടായിരുന്നു. വളരെ പെട്ടെന്ന് ആളുകളെ മനസ്സിലാക്കാനുള്ള ഒരു കഴിവ് തനിക്ക് ജന്മനാ കിട്ടിയിട്ടുള്ളതാണ്. അയാൾ ഒരു നിമിഷം ആലോചനയോടെ ഇരുന്നു. രണ്ടാളും കുറേ സമയം കാത്തിരുന്നു. അപ്പോഴേക്കും ഫോൺ ചാർജ് ആയി അവർ ഫോൺ എടുത്തു. ഓൺ ചെയ്തു. പ്രതീക്ഷിച്ചതുപോലെതന്നെ ഫോൺ ലോക്ക് ആണ്. അയ്യോ പാസ്‌വേഡ് അറിയാതെ ഇത് എങ്ങനെയാണ് ഓപ്പൺ ആക്കുക?? അവൾ ചോദിച്ചു. ഡാനി കുറച്ചുനേരം എന്തോ ആലോചിച്ചിരുന്നു. എന്നിട്ട് അയാൾ തന്റെ ഫോൺ എടുത്തതി വേഗം ഫേസ്ബുക്ക് ഓണാക്കി നോക്കി. എന്താ ഡാനി??? വിഷ്ണുവിന്റെ ഫേസ്ബുക്ക് അക്കൗണ്ടോ, ഇൻസ്റ്റഗ്രാമോ ഉണ്ടോ എന്ന് നോക്കട്ടെ. അതെന്തിനാ ?? പറയാം ആദ്യം ഉണ്ടോയെന്ന് നോക്കട്ടെ. അയാൾക്ക് സെർച്ച് ചെയ്തു നോക്കി. വിഷ്ണുവിന്റെ ഫുൾ നെയിം അറിയാമായിരുന്നെങ്കിൽ എളുപ്പമായിരുന്നു വിഷ്ണു എന്ന് മാത്രമേ എനിക്കും അറിയൂ.... അയാൾ സെർച്ച് ചെയ്തുകൊണ്ടിരുന്നു. ഡാനിക്ക് വിഷ്ണുവിനെ അറിയില്ലല്ലോ, പിന്നെങ്ങനെ കണ്ടുപിടിക്കും?? ഞാനല്ലേ വിഷ്ണുവിനെ കണ്ടിട്ടുള്ളൂ. നിതാരാ പറഞ്ഞു. എന്റെ പൊന്നു മണ്ടി... നമ്മൾ വിഷ്ണുവിന്റെ വീട്ടിൽ പോയപ്പോൾ അവിടെ വിഷ്ണുവിന്റെ ഫോട്ടോ വച്ചിരുന്നത് കണ്ടില്ലായിരുന്നോ?? ഇല്ല ഞാൻ കണ്ടില്ല. അവൾ പറഞ്ഞു. മത്തങ്ങ പോലെ രണ്ട് കണ്ണ് മുഖത്ത് ഉണ്ടായിട്ട് എന്ത് കാര്യം. കാണണം... അല്പസമയം കഴിഞ്ഞപ്പോൾ അയാൾ ഫോൺ നിതാരയുടെ നേരെ കാണിച്ചു ഇതല്ലേ ആൾ?? അതെ.ഇത് തന്നെ. അല്ല ഫേസ്ബുക്കിൽ കണ്ടിട്ട് എന്ത് കാര്യം?? ഇതിൽ ഡേറ്റ് ഓഫ് ബർത്ത് വല്ലതും കൊടുത്തിട്ടുണ്ടോ എന്ന് നോക്കാം. മിക്കവാറും ഡേറ്റ് ഓഫ് ബർത്ത് ഒക്കെ പാസ്സ്‌വേർഡ് ആക്കിയിടാറുണ്ട് ആളുകൾ അതൊക്കെ പഴയ ആളുകളല്ലേ അങ്ങനെയൊക്കെ ചെയ്യാറുള്ളത്. ന്യൂ ജനറേഷൻസ് ഒക്കെ എളുപ്പം കണ്ടെത്താൻ പറ്റുന്ന പാസ്‌വേഡ് ഒന്നും ഇടില്ല.അവൾ പറഞ്ഞു. നമുക്ക് ശ്രമിച്ചു നോക്കാം എന്നല്ലേ ഞാൻ പറഞ്ഞുള്ളൂ...അല്ലാതെ ഉറപ്പൊന്നും പറഞ്ഞില്ലല്ലോ... അയാൾ ഡേറ്റ് ഓഫ് ബർത്ത് പാസ്‌വേഡ് അടിച്ചുനോക്കി. ഇല്ല ഓപ്പൺ ആകുന്നില്ല. ഇനി എന്ത് ചെയ്യും?? അയാൾ വിഷ്ണുവിന്റെ ഫേസ്ബുക്ക് അക്കൗണ്ടിലൂടെ കണ്ണോടിച്ചു. അയാളുടെ പെങ്ങളുടെ കുഞ്ഞിന്റെ ഒന്നാം പിറന്നാളിന്റെ ആഘോഷത്തിന് എടുത്ത ഫോട്ടോകൾ അപ്‌ലോഡ് ചെയ്തിട്ടുണ്ട്. വ പിറന്നാൾ ആഘോഷിച്ചത് ഇരുപത്തി മൂന്നാം തീയതിയാണ്. കുട്ടി ജനിച്ചത് 2024ൽ ആയിരിക്കും. അയാൾ 23 20 24 എന്ന് പാസ്സ്‌വേർഡ് അടിച്ചു നോക്കി ഫോൺ ഓപ്പൺ ആയി.. നിതാര അത്ഭുതത്തോടെ ഡാനിയേ നോക്കി അയാൾ ഫോണിൽ കാൾ ലിസ്റ്റ് എടുത്തു നോക്കി. അത്ക്ലിയർ ചെയ്തിരിക്കുകയാണ് ഡാനി ഫോണിൽ വൈഫൈ കണക്ട് ചെയ്തു. അയാൾ വാട്സ്ആപ്പ് ഓപ്പൺ ചെയ്തു നോക്കി നന്ദലാലുമായി ചില ചാറ്റുകൾ കിടപ്പുണ്ട്. അയാൾ ഓരോന്നോയി വായിച്ചുനോക്കി ഒപ്പം നിതാരയും. വായിച്ചു വരുംതോറും അവരുടെ മുഖത്ത് വല്ലാത്ത ഭയം നിറഞ്ഞു. ഒന്ന് രണ്ടു വീഡിയോകൾ വന്നു കിടന്നത് അവർ പ്ലേ ചെയ്തു വീഡിയോയിലേക്ക് നോക്കിയതും നിതാരയുടെ മുഖത്ത് ഭയം നിറഞ്ഞു. അവളുടെ മുഖം വിയർപ്പിൽ കുതിർന്നു. അവൾ ബോധരഹിതയായി നിലത്തേക്ക് വീണു.. 💚💚💚💚💚 തുടരും. കണ്ണൂർകാരൻ ❤️❤️❤️❤️❤️ #📔 കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ