രാവിലെ ഉണർന്നു മൊബൈലും നോക്കി കിടക്കുമ്പോൾ അമ്മു ബെഡ്‌കോഫിയും കൊണ്ടുവന്നു കാതിൽ ഒരു രഹസ്യം പറഞ്ഞു.... ഹരിയേട്ടാ രാവിലെ urine ടെസ്റ്റ് ചെയ്തു പോസിറ്റീവ് ആണ് കേട്ടോ... അപ്പോ തന്നെ സിനിമാ സ്റ്റൈലിൽ അവളെ കെട്ടിപ്പിടിച്ചു മുത്തം കൊടുത്തിട്ടു പൊക്കി എടുത്തു വട്ടം കറക്കണം എന്നൊക്കെ തോന്നിയെങ്കിലും മൊബൈൽ പില്ലോയ്‌ക്ക് അടിയിലേക്ക് വെച്ചു പുതപ്പ് മുഖത്തേക്ക് വലിച്ച് ഇട്ട് വീണ്ടും ഹരി കിടന്നു.... പോത്തുപോലെ കിടന്നു ഉറങ്ങാൻ പറ്റില്ലല്ലോ 9.30 ആവുമ്പോളേക്കും ഓഫീസിൽ പോവണം- ഉണർന്നിട്ട്‌ കുറച്ചുനേരം മൊബൈലിൽ ഫേസ്ബുക്കും വാട്ട്സ്ആപ്പും ഒക്കെ നോക്കി കിടക്കുന്നത് ഹരിക്ക് പതിവാണ്.... പ്രണയ വിവാഹം ആയിരുന്നു.... വീട്ടുകാർ എതിർത്തിട്ടും അമ്മുവിനെ വിളിച്ചിറക്കി കൊണ്ടു വന്നു രജിസ്റ്റർ മാര്യേജ് ചെയ്തു... ഒരു വീടു വാടകയ്ക്ക് എടുത്തു താമസിച്ചു ആരും ഒരു ശല്യത്തിനും ഇല്ലായിരുന്നു.... കോഫിയും കൊണ്ടു വരുന്ന അമ്മുവിനെ കാണാൻ നല്ല ചന്തം ആണ്..... രാവിലെ തന്നെ കുളിച്ചു കുറിയും തൊട്ടു നല്ല ശാലീന സൗന്ദര്യം.... എന്നും രാവിലെയുള്ള ആ കാഴ്ച്ച കണ്ണിനു ഒരു ആനന്ദം തന്നെയാണ് അതുപോലെ ഐശ്വര്യവും..... എന്തൊക്കെ പറഞ്ഞാലും ഇത്തിരി കുറുമ്പും കുശുമ്പും ഉണ്ടെന്നെ ഉള്ളൂ ഒരു പാവം നാട്ടിൻപുറത്തുകാരി പൊട്ടിപെണ്ണാ ഹരിയുടെ അമ്മു.... രാവിലത്തെ കോഫി കൊണ്ടുവരുമ്പോൾ ഒരു മുത്തം കൊടുക്കുന്ന പതിവുണ്ട് ഇന്ന് അതു ചെയ്തില്ല... അതിന് മുഖം കുത്തി വീർപ്പിച്ച് എന്തൊക്കെയോ പിറുപിറുത്തുകൊണ്ട് അവള് അടുക്കളയിലേക്ക് പോയി.... ഏട്ടാ ഏട്ടാ എന്ന് കിണങ്ങിക്കൊണ്ടു പല തവണ അടുത്തേക്ക് വന്നിട്ടും ഹരി അവളെ മൈൻഡ് ചെയ്തില്ല.... ബ്രേക്ക്ഫാസ്റ്റ് കഴിക്കാൻ നേരവും ഹരി നല്ല ഗൗരവത്തിൽ ആയിരുന്നു.... അമ്മു: എന്തേ ഒരു ഗൗരവം.... ഒരു സന്തോഷ വാർത്ത പറഞ്ഞിട്ടും എന്തേ ഇങ്ങനെ?? ഹരി: ആരാ ഇൗ ദീപക് ? അമ്മു: ദീപകോ ഏതു ദീപക്? ഹരി: അതു തന്നെയാ ചോദിച്ചത്... ഏതാ ദീപക് എന്ന്....നിന്റെ മൊബൈലിൽ ഞാൻ കുറച്ചു മെസ്സേജ് ഒക്കെ കണ്ടൂ....എന്തൊരു ശൃംഗാരം ആണ്.... നിനക്ക് എങ്ങനെ കഴിയുന്നു എന്നെ ചതിക്കാൻ?? ഹരിയെട്ടൻ എന്തൊക്കെയോ ഇൗ പറയുന്നത്? എനിക്ക് ഒന്നും മനസ്സിലാവുന്നില്ല.... അതെ നിനക്ക് ഒന്നും മനസ്സിലാവില്ല....നീ നന്നായി അഭിനയിക്കുന്നുണ്ട്.... രാവിലെ എന്റെ ചെവിയിൽ നീ വന്നു പറഞ്ഞല്ലോ ടെസ്റ്റ് പോസിറ്റീവ് ആണെന്ന് അതും അവന്റെ തന്നെയാണോ?? ഹരിയെട്ടാ മതി എനിക്ക് ഇതൊന്നും സഹിക്കാൻ പറ്റുന്നില്ല.... ഞാൻ ഒരു തെറ്റും ചെയ്തിട്ടില്ല.... എനിക്കങ്ങനെ ഒരു ദീപക്കിനെ അറിയുകയുമില്ല.... ഹരി വേഗം ലഞ്ച് ബാഗും എടുത്ത് ഓഫീസിലേക്ക് പോവാൻ ഇറങ്ങി..... കല്യാണം കഴിഞ്ഞ പിറ്റേദിവസം മുതൽ അമ്മുവാണ് ഹരിയുടെ എല്ലാ കാര്യങ്ങളും നോക്കുന്നത്..രാവിലെ പല്ലു തേക്കാൻ ബ്രഷും പേസ്ററും എടുത്ത് കൊടുക്കുന്നതും കുളിക്കാൻ ടവ്വൽ എടുത്തു കൊടുക്കുന്നതും ഇടാനുള്ള ഡ്രസ്സ് അയൺ ചെയ്തു വെക്കുന്നതും ഷൂ പോളിഷ് ചെയ്യുന്നതും.... ഉച്ചക്ക് കഴിക്കാനുള്ള ഫുഡ് എടുത്ത് ബാഗിൽ വെക്കുന്നതും ഇറങ്ങാൻ നേരം മൊബൈലും വാച്ചും ബൈക്കിന്റെ കീയും എല്ലാം എടുത്ത് കൊടുക്കുന്നതും.... അങ്ങനെ എല്ലാം.... ഹരിയുടെ ജീവിതത്തിന് ഒരു അടുക്കും ചിട്ടയും വന്നത് അമ്മു അവന്റെ ജീവിതത്തിലേക്ക് വന്നതിന് ശേഷം ആയിരുന്നു.... അന്നു ഓഫീസിലേക്ക് പോകും വഴി അവളെ പറ്റിച്ചത് ഓർത്തു ഹരി ചിരിക്കുകയയിരുന്നു..... രാവിലെ തന്നെ വാട്ട്സ്ആപ്പിൽ വന്ന മെസ്സേജുകൾ കണ്ടാണ് ഏപ്രിൽ ഒന്നു ആണെന്ന് ഹരി ഓർത്ത്തു തന്നെ...അതിന്റെ കൂടെ അമ്മു പ്രഗ്നനന്റ് ആണെന്ന് കൂടി പറഞ്ഞു പറ്റിച്ചപ്പോൾ അവളേയും ഒന്നു പറ്റിക്കാം എന്നു കരുതിയാണ് ദീപക് എന്ന ഒരു സാങ്കൽപ്പിക കഥാപാത്രത്തെ കുറിച്ചു പറഞ്ഞു അവളെ പറ്റിക്കാൻ നോക്കിയത്... എന്തായാലും സംഗതി ഏറ്റൂ..... ഓഫീസിൽ കുറച്ചു ജോലി കൂടുതൽ ഉണ്ടായിരുന്നതുകൊണ്ട് ഇടക്ക്‌ അമ്മുവിനെ വിളിക്കാൻ സമയം കിട്ടിയില്ല.... അവളുടെ കുറെ മിസ്ഡ്കോളും ഉണ്ടായിരുന്നു.... സമയം കിട്ടിയപ്പോൾ ഹരി അമ്മുവിനെ വിളിച്ച് അവള് എടുക്കുന്നില്ല.... ഹും അവള് വാശിയിലായിരിക്കും.... വൈകിട്ടു വീട്ടിലേക്കുള്ള യാത്രയിലും അവളെ പറ്റിച്ചതിന്റെ സന്തോഷവും ചെറു പുഞ്ചിരിയും ഉണ്ടായിരുന്നു ഹരിക്ക്... സാധാരണ ഹരി ഓഫ്‌സിൽ നിന്നു വരുന്ന സമയത്ത് അമ്മു സിറ്റൗട്ടിൽ വന്നിരിക്കുന്ന പതിവുണ്ട്.... ഇന്ന് അതില്ല.... ഡോർ ചാരി ഇട്ടിരിക്കുന്നു... അകത്ത് കയറിയിട്ടും അമ്മുവിന്റെ അനക്കം ഒന്നും ഇല്ല... എവിടെ പോയി ഡോറും തുറന്നിട്ട്.... ആകെ ഒരു നിശ്ശബ്ദത.... ബെഡ്റൂമിലേക്ക് കയറിയ ഹരി കണ്ടത് ഫാനിൽ തൂങ്ങി ആടുന്ന അമ്മുവിനെ ജഡമാണ്... ബെഡിൽ ഒരു കത്തും ഒരു പ്രഗ്നൻസി കാർഡും... കാർഡിൽ റിസൾട്ട് പോസിറ്റീവ് ആണ്...... ആ കത്തിൽ ഇത്രമാത്രം എഴുതിയിരുന്നു " എന്റെ ഹരിയേട്ടന്..... ഞാൻ ഹരിയേട്ടനെ ഒരിക്കലും പറ്റിച്ചിട്ടില്ല.... അതെന്റെ മരണം കൊണ്ടു തെളിയിക്കുന്നു.... ഒത്തിരി ഒത്തിരി ഇഷ്ട്ടത്തോടെ ഒരിക്കലും മറക്കില്ല എന്ന വിശ്വാസത്തോടെ ഹരിയേട്ടന്റെ സ്വന്തം അമ്മു ഹരി ഒരു പാവകണക്കെ നിന്നു..... അവളുടെ സ്നേഹത്തിനു മുന്നിൽ തോറ്റുപോയ ഒരു പമ്പര വിഡ്ഢിയെ പോലെ..... 📝കാർത്തിക സോജു #📔 കഥ #📙 നോവൽ #💞 പ്രണയകഥകൾ #📖 കുട്ടി കഥകൾ #കിസ്സകൾ