ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6B8wxzx?d=n&ui=v64j8rk&e1=cദേവനന്ദിനി... Part 71 "ദേവേട്ടാ..... ഇന്ന് രാത്രി ദേവേട്ടന്റെ കൂടെയെനിക്ക് വൈൻ കുടിക്കണം"....ഗൗരിയൊന്ന് കണ്ണിറുക്കിക്കൊണ്ട് രുദ്രനോട് മൊഴിഞ്ഞു... ഗൗരിയുടെ ആവശ്യം കേട്ട രുദ്രൻ അന്തം വിട്ടിരുന്നു പോയി.... "നന്ദു... എന്താ താൻ പറഞ്ഞത് "...? രുദ്രൻ ഗൗരി പറഞ്ഞത് വിശ്വസിക്കുവാൻ കഴിയാതെ വീണ്ടും ചോദിച്ചു... "ഇന്ന് രാത്രി നമുക്ക് രണ്ട് പേർക്കും കൂടി വൈൻ അടിക്കണമെന്ന്... വൈനെന്ന് ദേവേട്ടനിത് വരെ കേട്ടിട്ടില്ലേ"... ഗൗരിയൊരു ചെറുചിരിയോടെ മറുപടി നൽകി... "അതെന്തിനാ... ഇന്ന് വൈൻ എടുക്കുന്നത്"...? രുദ്രന്റെ സംശയം വിട്ടു മാറിയിരുന്നില്ല... "അതൊക്കെയുണ്ട്... ഇന്നത്തെ രാത്രി കുറച്ച് പ്രണയഭരിതമാക്കണം...അതിന് ഒരോളം കിട്ടുവാനാണ് വൈനിന്റെ കാര്യം പറഞ്ഞത്"....ഗൗരിയൊരു പുഞ്ചിരിയോടെ മറുപടി നൽകി... "നന്ദു... എന്നാൽ പിന്നെ വൈൻ എടുക്കണോ.. ബിയർ ആക്കിയാൽ പോരേ"..? രുദ്രനൊന്ന് കണ്ണിറുക്കിച്ചിരിച്ചു കൊണ്ട് ചോദിച്ചു... "അയ്യെടാ... ബിയർ അടിച്ച് ദേവേട്ടന് കുന്തം മറിയാനല്ലേ.. അങ്ങനെയിപ്പോൾ സുഖിക്കാനായി ആക്കാര്യത്തെ പറ്റി ചിന്തിക്കേണ്ട... ഇനിയങ്ങോട്ട് ദേവേട്ടൻ എപ്പോൾ കുടിക്കണമെന്നൊക്കെ ഈ ഗൗരി തീരുമാനിക്കും. പണ്ടത്തെ പോലെ കുന്തം മറിയാൻ ഞാൻ സമ്മതിക്കില്ല"...ഗൗരിയൊരു പുച്ഛഭാവത്തോടെ മൊഴിഞ്ഞു... "നന്ദു... നല്ല വൈൻ ഇപ്പോൾ ഇവിടെ കിട്ടുമോന്ന് അറിയില്ല.. വേറെ എന്തെങ്കിലും ആണെങ്കിൽ നോക്കാമായിരുന്നു"...രുദ്രനൊരു നെടുവീർപ്പോട് കൂടി മൊഴിഞ്ഞു... "അതിന് ദേവേട്ടനോട് വൈൻ വാങ്ങാൻ ഞാൻ പറഞ്ഞോ.... അതൊക്കെ ഈ നന്ദു സെറ്റ് ആക്കിയിട്ടുണ്ട്. ഇന്നത്തെ രാത്രി ഭക്ഷണം പുറത്ത് നിന്നും വാങ്ങി നമുക്ക് സ്റ്റേയിലേക്ക് കൊണ്ട് പോകാം"... ഗൗരി പുഞ്ചിരി വിടാതെ രുദ്രന് മറുപടി നൽകി... "നന്ദു...വൈനൊക്കെ താൻ സെറ്റാക്കിയിട്ടുണ്ടെന്നോ...? "അതൊക്കെ എപ്പോ "...? രുദ്രനൊരു അന്താളിപ്പോടെ ചോദിച്ചു.. "ഞാനാരാ മോൾ"... ഗൗരി ചിരിച്ചു കൊണ്ടൊന്നു സ്വയം പുകഴ്ത്തി... "ശരി ശരി... നന്ദുമോളൊരു സംഭവം തന്നെ..എന്നാൽ നമുക്ക് ഇവിടെ നിന്നും പതിയെ ചലിക്കാം"... രുദ്രൻ ഗൗരിയോട് മൊഴിഞ്ഞു... ഗൗരിയും അത് ശരി വച്ചു.... 🌸🌸🌸🌸🌸🌸🌸🌸🌸🌸🌸🌸🌸🌸🌸 അനസാഗർ തടാകത്തിൻ കരയിൽ നിന്നും രുദ്രനും ഗൗരിയും പുറപ്പെടുമ്പോഴേക്കും ഏഴ് മണി കഴിഞ്ഞിരുന്നു... പോകുന്ന വഴിയിൽ രുദ്രനെ കൊണ്ട് വണ്ടി പലയിടത്തും നിർത്തിച്ചു. ഒരു കൊള്ളാവുന്ന ഹോട്ടലിൽ നിർത്തി അവിടെ നിന്നും അവൾ ചിലത് വാങ്ങുന്നത് രുദ്രൻ ശ്രദ്ധിച്ചെങ്കിലും എന്താവും അവളുടെ ഉദ്ദേശ്യമെന്നറിയാതെ രുദ്രൻ കുഴങ്ങി... ഒരു പിസ്സ ഹട്ട് കണ്ടപ്പോൾ രുദ്രനെക്കൊണ്ട് അവിടെയും നിർത്തിച്ചു ഗൗരി. പിസ്സ ഓർഡർ ചെയ്യാനായി ഗൗരി അകത്തേക്ക് പോയപ്പോൾ രുദ്രൻ പുറത്ത് കാത്ത് നിന്നു... എന്താവും നന്ദു ഉദ്ദേശിക്കുന്നത്...കാൻഡിൽ ലൈറ്റ് ഡിന്നർ വല്ലതുമായിരിക്കുമോ... രുദ്രൻ ചിന്തിച്ചു കൊണ്ടിരുന്നു... അപ്പോഴേക്കും ഗൗരി പിസ്സ ഹട്ടിൽ നിന്നും പിസ്സയടങ്ങിയ പാക്കുമായി എത്തിച്ചേർന്നിരുന്നു.... അവൾ ഞൊടിയിട കൊണ്ട് രുദ്രന്റെ പുറകിൽ കയറിയിരുന്നു നേരത്തെ വാങ്ങിയതും ഇപ്പോൾ വാങ്ങിയതുമെല്ലാമടങ്ങിയ പാക്കറ്റുകൾ ബാലൻസ് ചെയ്തു... "ദേവേട്ടാ... പോകാം"... ഗൗരി രുദ്രനോട് വണ്ടിയെടുക്കാൻ പറഞ്ഞു... "നന്ദു മോളെ... എന്താ ഭവതിയുടെ ഉദ്ദേശ്യം"..? രുദ്രൻ ഗൗരിയോട് ചോദിച്ചു... "അതൊക്കെ സർപ്രൈസ്... ഈ രാത്രിഒരിക്കലും മറക്കുവാൻ കഴിയാത്ത രാത്രിയാക്കി മാറ്റണം നമുക്ക് "...ഗൗരിയുടെ വാക്കുകളിൽ അവളൊരുപാട് ആഗ്രഹിച്ച എന്തോ നടപ്പിലാകുവാൻ പോകുന്നതിന്റെ ആനന്ദനിർവൃതി നിറഞ്ഞ് നിന്നിരുന്നു... ഗൗരിയുടെ ആനന്ദഭരിതമായ സംഭാഷണത്തിൽ മനസ്സ് നിറഞ്ഞ രുദ്രൻ പിന്നെ അവളോടൊന്നും ചോദിക്കുവാ പോയില്ല.... രുദ്രൻ ദ്രുതഗതിയിൽ വണ്ടിയും ഓടിച്ചു കൊണ്ട് സ്റ്റേയിലേക്ക് നീങ്ങിക്കൊണ്ടിരുന്നു.... സ്റ്റേയിലെ തങ്ങളുടെ മുറിയിൽ കയറുമ്പോഴേക്കും എട്ട് മണി കഴിഞ്ഞിരുന്നു... വാങ്ങിയ എല്ലാ സാധനങ്ങളും ക്യാമറയും മറ്റും ബെഡിലേക്ക് ഗൗരി വച്ചു.... "ദേവേട്ടാ... വേഗം പോയി ഫ്രഷ് ആയി വാ"...ഗൗരിയൊന്ന് പുഞ്ചിരിച്ചു കൊണ്ട് രുദ്രനോട്‌ ആവശ്യപ്പെട്ടു... "നന്ദു.... താനാദ്യം പോയി ഫ്രഷായിക്കോ...ലേഡി ഫസ്റ്റ്...അതല്ലേ അതിന്റെ ശരി"...? രുദ്രനൊരു ചെറുചിരിയോടെ ഗൗരിയോട് ചോദിച്ചു... "ഇന്ന് എല്ലാ തീരുമാനങ്ങളും എന്റെയാ.. അത് കൊണ്ട് എന്റെ പഞ്ചാര കവി പോയി ഫ്രഷ് ആയി വന്നേ"... അതും പറഞ്ഞു ഗൗരി രുദ്രനെ ഫ്രഷ് റൂമിലേക്ക് തള്ളിപ്പറഞ്ഞയച്ചു... കുളിച്ചു ഫ്രഷായി വന്ന രുദ്രനെയും കാത്തെന്നവണ്ണം ഗൗരി കട്ടിലിൽ ഇരിപ്പുണ്ടായിരുന്നു. അവനെ നോക്കിയവളൊന്ന് പുഞ്ചിരിച്ചു.... "ദേവേട്ടാ... എന്റെ കലിപ്പൻ ഈ ഡ്രസ്സ്‌ ധരിക്ക്"... രുദ്രന് നേർക്ക് അവന് ധരിക്കുവാനുള്ളത് നീട്ടിക്കൊണ്ട് ഗൗരി മൊഴിഞ്ഞു.... രുദ്രനത് വാങ്ങി നോക്കി... താൻ ബേങ്കിൽ പോകുമ്പോൾ ഇടാറുള്ള എക്സിക്യൂട്ടീവ് ഡ്രസ്സ്‌. ഇതൊക്കെ ഇവളെപ്പോൾ വച്ചു. ഇത് വയ്ക്കേണ്ട ആവശ്യവുമെന്താ... രുദ്രനത്ഭുതത്തോടെ ഗൗരി കൊടുത്തതിലേക്ക് നോട്ടമയച്ചു കൊണ്ട് ചിന്തിച്ചു... "നന്ദു... താനിതൊക്കെ എപ്പോൾ വച്ചു ഇതിൽ"..? "ഈ ഡ്രെസ്സൊക്കെ എടുക്കേണ്ട ആവശ്യമെന്താ"...? രുദ്രൻ ഗൗരിയോട് ഒരമ്പരപ്പോടെ ചോദിച്ചു... "അതൊക്കെ ദേവേട്ടനറിയാതെ ഞാൻ വച്ചു...ഇതൊക്കെ ഇട്ടു എന്റെ കലിപ്പൻ ഈ ഹോട്ടലിന്റെ ലോബിയിലൊക്കെ ഒന്ന് കറങ്ങ്. എനിക്ക് ഫ്രഷായിട്ട് കുറച്ച് കാര്യങ്ങൾ സെറ്റ് ചെയ്യാനുണ്ട്. അതൊക്കെ കഴിയുമ്പോൾ ഞാൻ വിളിക്കും. അപ്പോൾ ഇങ്ങോട്ട് വന്നാൽ മതി"... നിറഞ്ഞൊരു പുഞ്ചിരിയോടെ ഗൗരി രുദ്രനെ നോക്കിക്കൊണ്ട് പറഞ്ഞു... "ഈ ഡ്രെസ്സൊക്കെ ഇട്ടിട്ടെന്തിനാ... എന്റെ നന്ദുമോളുടെ ഉദ്ദേശ്യമെന്താ"...? രുദ്രൻ അവളോട് ആകാംഷ നിറഞ്ഞ സ്വരത്തിൽ ചോദിച്ചു... "ദേവേട്ടാ.... ഞാൻ പറഞ്ഞല്ലോ... ഇന്നത്തെ കാര്യം ഞാൻ തീരുമാനിക്കും. ദേവേട്ടൻ ഇപ്പോൾ പോ. എല്ലാം സെറ്റാവുമ്പോൾ ഞാൻ വിളിക്കാം. ഞാൻ പോയി ഫ്രഷാവട്ടെ" ...ഗൗരി പുഞ്ചിരി വിടാതെ രുദ്രനോട് പറഞ്ഞു.... രുദ്രൻ പിന്നെയൊന്നും ചോദിക്കുവാൻ നിൽക്കാതെ ഗൗരി കൊടുത്ത വസ്ത്രങ്ങളണിയുവാൻ തുടങ്ങി...അതിനിടയിൽ അവൾ ഫ്രഷാവാനായി കയറി.... ഡ്രസ്സ്‌ ചെയ്തു ചെറുതായി ഒന്നൊരുങ്ങിയിട്ട് രുദ്രൻ പുറത്തേക്ക് ഇറങ്ങി. അര മണിക്കൂറിനടുത്ത് ഹോട്ടലിന്റെ ലോബിയിലും മറ്റും കറങ്ങി രുദ്രൻ സമയം കളഞ്ഞു കൊണ്ടിരുന്നു.... എന്താണാവോ പെണ്ണ് തനിക്കായി ഒരുക്കിയിരിക്കുന്ന സർപ്രൈസ്... ഈ ഡ്രെസ്സൊക്കെ ഇടീപ്പിച്ചത് എന്തിനാണാവോ...രുദ്രൻ മനസ്സിൽ ചിന്തിച്ചു കൊണ്ടിരുന്നു.... കുറച്ച് സമയം കഴിഞ്ഞപ്പോൾ രുദ്രന്റെ വാട്സാപ്പിൽ റൂമിലേക്ക് വരാൻ പറഞ്ഞു കൊണ്ട് ഗൗരിയുടെ മെസ്സേജ് വന്നു. രുദ്രൻ മുറിയിലേക്ക് നടന്നു.... മുറിയുടെ ഡോർ തുറന്ന് അകത്തേക്ക് കയറിയ രുദ്രൻ അമ്പരന്നു നിന്നു.... 🌸🌸🌸🌸🌸🌸🌸🌸🌸🌸🌸🌸🌸🌸🌸 റൂമിലേക്ക് കയറിയ രുദ്രൻ കണ്ടത് ലൈറ്റ് ഒക്കെ ഓഫ്‌ ചെയ്തു ഒരു കളർ മെഴുകുതിരി കത്തിച്ചു വച്ചു കൊണ്ട് നീണ്ട വൈറ്റ് സ്ലീവ്ലെസ് ഗൗൺ അണിഞ്ഞു വശ്യമനോഹരമായൊരു പുഞ്ചിരിയോടെ തന്നെയും കാത്ത് നിൽക്കുന്ന ഗൗരിയെയാണ്. റൂമിലെ മെയിൻ ടേബിൾ കുറച്ച് നീക്കിയിട്ട് അതിൽ ഒരു വൈൻ കുപ്പിയും വൈൻ ഗ്ലാസും വച്ചിരിക്കുന്നു. കൊണ്ട് വന്ന ഭക്ഷണ സാധനങ്ങളൊക്കെ ഡിസ്പോസിബിൾ പ്ളേറ്റുകളിലാക്കി നിരത്തി വച്ചിട്ടുണ്ട്. റൂമിലെ രണ്ട് കസേരകൾ ടേബിളിന്റെ ഇരു വശത്തുമായി വച്ചിട്ടുണ്ട്.... കാൻഡിൽ ലൈറ്റ് ഡിന്നർ ആയിരുന്നു അപ്പോൾ ഇവളുദേശിച്ചത്. പറ്റുന്ന രീതിയിൽ ഭംഗിയായി ഇവൾ ഒരുക്കിയിരിക്കുന്നു...അമ്പരപ്പോടെ മനസ്സിൽ ചിന്തിച്ചു കൊണ്ട് രുദ്രൻ ഗൗരിയുടെ മുഖത്തേക്ക് നോക്കി... തന്റെ നീണ്ട മുടിയൊരു പ്രത്യേക രീതിയിൽ കെട്ടിവെച്ചു വെള്ള ഗൗണിൽ അവളെ കണ്ടപ്പോൾ ഒരു മാലാഖയേ പോലെ തോന്നലുളവാക്കി രുദ്രന്റെ മനസ്സിൽ...ഏതു കോസ്റ്റുമിലും തന്റെ പെണ്ണിന് ഒടുക്കത്തെ ഗ്ലാമർ ആണ്...ചുണ്ടിൽ ഒരു മന്ദഹാസം വിടർത്തിക്കൊണ്ട് രുദ്രൻ ചിന്തിച്ചു... അപ്പോഴേക്കും ഗൗരിയവന്റെ അടുത്തേക്ക് വന്നു അവന്റെ ഇരു കൈകളിലും പിടിച്ചു... "എങ്ങനുണ്ട് ദേവേട്ടാ നന്ദുവിന്റെ സർപ്രൈസ്"...? അവന്റെ മുഖത്തേക്ക് നോക്കിയൊരു പുഞ്ചിരിയോടെ ഗൗരി ചോദിച്ചു... മറുപടിയായി രുദ്രനവളുടെ ഇടുപ്പിൽ പിടിച്ചു കൊണ്ട് തന്നിലേക്കടുപ്പിച്ചു അവളുടെ നെറ്റിയിലൊരു ചുംബനമർപ്പിച്ചു.... "ദേവേട്ടാ... അപ്പോൾ നമുക്ക് തുടങ്ങാം"...രുദ്രന്റെ കവിളുകളിൽ അരുമയായി തഴുകിക്കൊണ്ട് അവന്റെ മിഴികളിലേക്ക് പ്രണയപുരസരം നോട്ടമയച്ചു കൊണ്ട് ഗൗരി മൊഴിഞ്ഞു.... അവളുടെ സരസിജനയനങ്ങളിൽ പകർന്ന ചുംബനങ്ങളായിരുന്നു അവന്റെ മറുപടി.... രുദ്രനെയും കൊണ്ട് ഗൗരി ടേബിളിന്റെ അടുത്തേക്ക് നീങ്ങി. ടേബിളിന്റെ ഇരുവശത്തുമായി അവരിരുന്നു.... രുദ്രൻ വൈൻ ബോട്ടിലിന്റെ മുകളിലേക്ക് ഒന്നു നോക്കി... ഇന്ത്യയിൽ കിട്ടുന്ന അത്യാവശ്യം മികച്ച ഒരു ഫോറിൻ ബ്രാൻഡ്. ഇവളിതെവിടുന്ന് ഒപ്പിച്ചു കൂടാതെ ഈ ഗ്ലാസും... രുദ്രൻ അത്ഭുതത്തോടെ ചിന്തിച്ചു.. അപ്പോഴേക്കും ഗൗരി വൈൻ ബോട്ടിൽ തുറന്ന് ഗ്ലാസുകളിലേക്ക് വൈൻ പകർന്നു കൊണ്ടിരുന്നു... വൈൻ ഗ്ലാസുകളിലേക്ക് പകർന്നു കഴിഞ്ഞപ്പോൾ ഗൗരി ഒരെണ്ണമെടുത്ത് രുദ്രന് നേരെ നീട്ടി. രുദ്രനത് വാങ്ങി.... ഗൗരിയൊന്നു മന്ദഹസിച്ചു കൊണ്ട് തന്റെ ഗ്ലാസുയർത്തി രുദ്രൻ തന്റെയും ഗ്ലാസുയർത്തി. ഇരുവരും ഗ്ലാസുകൾ പരസ്പരം മുട്ടിച്ചു കൊണ്ട് ഒരേ സ്വരത്തിൽ പറഞ്ഞു.... "ചിയേർസ്...." ഇരുവരും പതിയെ വൈൻ സിപ് ചെയ്തു തുടങ്ങി.... മുമ്പ് പലപ്പോഴും ചിലരുടെ കൂടെ പരിപാടികളിലും മറ്റും വൈൻ കുടിച്ചിട്ടുണ്ടെങ്കിലും തന്റെ പെണ്ണിന്റെ കൂടെ പ്രണയാർദ്രമായൊരു അന്തരീക്ഷത്തിൽ വൈൻ സിപ് ചെയ്യുമ്പോൾ രുദ്രന് മനസ്സിൽ പറഞ്ഞറിയിക്കുവാൻ കഴിയാത്ത ഒരനുഭൂതി അനുഭവപ്പെട്ടു. അതവന്റെ മുഖത്തും പ്രകടമായിരുന്നു.... "ദേവേട്ടാ... ദേവേട്ടൻ ഇപ്പോൾ ബിയർ ആണ് കുടിക്കുന്നതെങ്കിൽ ഈ ആമ്പിയൻസ് കിട്ടുമായിരുന്നോ"...? വൈൻ സിപ് ചെയ്തു കൊണ്ടിരിക്കെ ഗൗരി രുദ്രനോട് ചോദിച്ചു... "ഇല്ലെടോ... ഇത് പൊളിച്ചു.... താനീ വൈനെവിടുന്ന് ഒപ്പിച്ചു"... രുദ്രന്റെ ഉത്തരത്തിന്റെ അവസാനം ഒരു മറു ചോദ്യമായിരുന്നു..... "വൈൻ ഞാൻ ദേവേട്ടന്റെ അടുത്തേക്ക് വരുമ്പോൾ തന്നെ കൊണ്ട് വന്നിരുന്നു. ഈ ഗ്ലാസും. യാത്ര തുടങ്ങുമ്പോൾ ദേവേട്ടൻ കാണാതെ അടിയിലായി ഞാൻ പൂഴ്ത്തി. ബാഗിൽ നിന്നും ദേവേട്ടന് ആവശ്യമുള്ളത് എന്തെങ്കിലും എടുക്കാനുണ്ടെങ്കിൽ ഞാനല്ലേ എടുത്ത് തന്നു കൊണ്ടിരുന്നത്. അത് കൊണ്ട് എന്റെ കലിപ്പന് ഇത് കണ്ടു പിടിക്കാനും കഴിഞ്ഞില്ല"..... ഗൗരി ഒന്നു കണ്ണിറുക്കിച്ചിരിച്ചു കൊണ്ട് മറുപടി നൽകി... ശരിയാണ്.... തന്നെ ബാഗിനുള്ളിൽ നിന്നും കൂടുതലായൊന്നുമെടുക്കാൻ യാത്ര തുടങ്ങിയപ്പോൾ തൊട്ട് ഇത് വരെ ഇവൾ സമ്മതിച്ചിട്ടില്ല. എപ്പോഴും ഇവളുടെ നോട്ടമുണ്ടാകുമായിരുന്നു ആ സമയങ്ങളിൽ ഒക്കെ... രുദ്രൻ ഓർത്തു... "അത് ശരി.... നന്ദുമോള് അപ്പോൾ എല്ലാ സെറ്റപ്പും കൊണ്ടാണല്ലേ ഈയുള്ളവനെ കാണാൻ വന്നത് "....? രുദ്രൻ ചിരിച്ചു കൊണ്ട് ഗൗരിയോട് ചോദിച്ചു... "ദേവേട്ടന്റെ ഇൻസ്റ്റഗ്രാം ഐഡി കിട്ടിയപ്പോൾ വാങ്ങി വച്ചതാ ഇത്. ദേവേട്ടന്റെ കൂടെ ഇവിടെ വരുമ്പോൾ ഇത് പോലെയൊരു ഡിന്നർ അന്നേ പ്ലാൻ ചെയ്തതാ ഞാനെന്റെ മനസ്സിൽ".... ഗൗരിയുടെ മിഴികളിൽ കാത്തിരുന്നത് സാധിച്ചതിന്റെ ആനന്തനിർവൃതി പ്രകടമായിരുന്നു.... വൈനും സ്റ്റാർട്ടറും കഴിച്ചു കൊണ്ടിരിക്കുമ്പോൾ രുദ്രൻ മുമ്പ് അജ്മീറിൽ വന്നപ്പോഴുണ്ടായ അനുഭവങ്ങളും മറ്റും ഗൗരിയോട് പറഞ്ഞു കൊണ്ടിരുന്നു.... ഭക്ഷണം കഴിച്ചതിനു ശേഷം കൈ കഴുകി ലൈറ്റ് ഓൺ ചെയ്യാൻ പോയ രുദ്രനെ ഗൗരി വിലക്കി.... "ഇന്നിനി ഉറങ്ങുന്നത് വരെ ഈ മെഴുകുതിരി വെളിച്ചം മതി ദേവേട്ടാ"... ഗൗരി പ്രണയാർദ്രമായവനോട് മൊഴിഞ്ഞു.... "ശരി... എന്റെ നന്ദു മോളുടെ ആഗ്രഹം പോലെ നടക്കട്ടെ"... രുദ്രന്റെ മറുപടിയിൽ ഗൗരിയോടുള്ള അവന്റെ പ്രണയവും വാത്സല്യവും നിറഞ്ഞ് നിന്നു.... കൈ കഴുകിയതിനു ശേഷം മുറിയിലെ സോഫയിൽ രുദ്രൻ വാഷ് റൂമിലേക്ക് പോയ ഗൗരിയെയും കാത്തിരുന്നു.... പറഞ്ഞറിയിക്കുവാൻ പറ്റാത്ത ഒരനുഭവം തന്റെ പെണ്ണ് ഈ ദിവസം തനിക്കായി പകർന്നു തന്നിരിക്കുന്നു. ആ സുന്ദര നിമിഷങ്ങൾ സമ്മാനിച്ച ഗൗരിയോടുള്ള പ്രണയം അവന്റെ മനസ്സിൽ അലയടിച്ചു കൊണ്ടിരുന്നു. അതിന്റെ പ്രതിഫലനം ഒരു മൃദുമന്ദസ്മേരമായി അവന്റെ ചൊടികളിൽ വിരിഞ്ഞു... വാഷ് റൂം തുറന്ന് ഗൗരി ഒരു നിരപുഞ്ചിരിയോടെ തന്റെ നേരെ നടന്നു വരുന്നത് രുദ്രൻ നോക്കി ഇരുന്നു... അവനവൾക്ക് ഒരു പുഞ്ചിരി സമ്മാനിച്ചു... നിമിഷങ്ങൾ കൊണ്ട് അവന്റെ മുമ്പിൽ എത്തിയ ഗൗരി പ്രണയകല്ലോലിനികൾ നിറഞ്ഞ് തുളുമ്പുന്ന സരസീരുഹനയനങ്ങളുമായി അവന്റെ നേരെ തന്റെ വലത് കൈ നീട്ടി.... ഒരു നിമിഷമമ്പരന്ന രുദ്രനെ നോക്കിയൊരു പുഞ്ചിരിയോടെ ഗൗരി ചോദിച്ചു... "ദേവേട്ടാ.... ഷാൽ വി ഡാൻസ്...." തുടരും ഷാൻ മാലാഖ ❤️❤️❤️❤️ #📔 കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ