ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aj431q9?d=n&ui=v64j8rk&e1=c20 ഇനി ഇതൊക്കെ തന്റെ വെറും തോന്നൽ മാത്രമായിരിക്കുമോ?? അതോ, സ്വത്തിനു വേണ്ടിയെങ്ങാനുംഅമ്മാവൻ അമ്മയെ ചതിച്ചതാണോ?? വന്നുവന്നിപ്പോൾ ആരെയും വിശ്വാസമില്ലാതായി. മടുത്തു വല്ലാതെ മടുത്തു... ജീവിതത്തോട് വല്ലാത്ത വെറുപ്പ് തോന്നുന്നു. പെട്ടെന്ന് അവളുടെ ഫോൺ ശബ്ദിച്ചു. അവൾ ഫോണെടുത്ത് നോക്കി. ഡാനിയാണ് വിളിക്കുന്നത്. അവൾ എടുത്തു.. ഡാനി ഇപ്പോൾ എവിടെയാണ്? അവൾ ചോദിച്ചു അതൊന്നും ഇപ്പോൾ പറയാൻ പറ്റില്ല. ഓരോ ദിവസം ചെല്ലുന്തോറും പ്രശ്നങ്ങൾ ഏറി വരികയാണല്ലോ ഡാനി. ഒക്കെ ശരിയാകുമെടോ. ഇല്ല.ഒന്നും ഒരിക്കലും ശരിയാവില്ല അതെന്താ?? അയാൾ ചോദിച്ചു. എന്റെ അമ്മ... അമ്മയ്ക്ക് എന്ത് പറ്റി ? അവൾ അമ്മയ്ക്ക് സംഭവിച്ച കാര്യങ്ങളൊക്കെ പറഞ്ഞു. അയാൾക്ക് എന്തുപറഞ്ഞവളെ ആശ്വസിപ്പിക്കണമെന്ന് അറിയില്ലായിരുന്നു. അത്തരം പരീക്ഷണങ്ങളിലൂടെയാണല്ലോ അവൾ കുറെ നാളുകളായി സഞ്ചരിച്ചുകൊണ്ടിരിക്കുന്നത് എല്ലാം ശരിയാകും. അയാൾ പറഞ്ഞു പക്ഷേ, അന്ന് എന്റെ മരണമായിരിക്കും അല്ലേ ഡാനി?? നീ അവളുടെ ശബ്ദം ഇടറി താൻ ധൈര്യമായിരിക്കെടോ,ഞാനില്ലേ കൂടെ? അയാളുടെ ശബ്ദം ആർദ്രമായി. ഞാൻ കൂടെയുണ്ട് എന്റെ ജീവൻ അവസാനിക്കുന്ന നിമിഷം വരെയും ഭയക്കേണ്ട കേട്ടോ. ഡാനി പറഞ്ഞു. ഉം... അവളുടെ നനഞ്ഞ ശബ്ദം കേൾക്കുമ്പോൾ മനസ്സിൽ എന്തോ തിക്കുമുട്ടുന്നത് പോലെയാണ്. പാവം പെണ്ണ് ...അയാൾ കോൾ കട്ടാക്കി. 💜💜💜💜💜 നിതാര രണ്ടുമൂന്നു ദിവസത്തിനുള്ളിൽ തന്നെ,ഒരു പ്രൈവറ്റ് സ്ഥാപനത്തിൽ ജോലിക്ക് കയറി. എത്രയും പെട്ടെന്ന് വാടകയ്ക്ക് ഒരു വീട് എടുക്കണം. അമ്മയെ ഇങ്ങോട്ട് കൊണ്ടുവരണം അച്ഛന്റെ അരികിലേക്ക് അമ്മയെ കൊണ്ടുപോകാൻ ഒക്കില്ലല്ലോ അവർ പണ്ടേ പിരിഞ്ഞവരല്ലേ തനിക്ക് എന്തായാലും അമ്മയെ വേണം. അമ്മാവനാണോ ഈ സകല പ്രശ്നങ്ങൾക്കും കാരണമെന്ന തോന്നൽ ഉള്ളതുകൊണ്ട് അമ്മയെ അവിടെ നിർത്താൻ പറ്റില്ല. അമ്മ അവിടെ നിൽക്കുന്ന ഓരോ നിമിഷവും തനിക്ക് പേടിയാണ് പിന്നെ ആകെയുള്ള ആശ്വാസം അമ്മയുടെ അച്ഛനുമമ്മയും അവിടെയുണ്ട് എന്നുള്ളതാണ് അവർക്ക് ജീവനാണ് തന്റെയമ്മയെ.. പറ്റിയാൽ കുറച്ചു ദിവസങ്ങൾക്കുള്ളിൽ തന്നെ ഒരു വീട് സംഘടിപ്പിച്ച് അമ്മയെ കൊണ്ടുവരണം. അമ്മയെ നോക്കേണ്ടത് തന്റെ മാത്രം ഉത്തരവാദിത്വമാണ്. അമ്മയ്ക്ക് മകളായിട്ടും മകനായിട്ടും താൻ മാത്രമേയുള്ളൂ.. അമ്മയെ പൊന്നുപോലെ നോക്കണം അമ്മ പഴയതുപോലെ എഴുന്നേറ്റ് നടക്കുന്നത് തനിക്ക് കാണണം. കുറച്ചു ദിവസങ്ങൾ കൊണ്ട് തന്നെ അത്യാവശ്യം തരക്കേടില്ലാത്ത ഒരു വീട് അവൾ കണ്ടെത്തി. ഓഫീസിലെ ഒരു സുഹൃത്ത് മുഖേനയാണ് ആ വീട് ലഭിച്ചത് അച്ഛനോട് സമ്മതം വാങ്ങി അവൾ അമ്മയെ കൊണ്ടുവരാനായി പോയി. അമ്മാവൻ സമ്മതിക്കുമോ എന്നറിയില്ല. ഇനി സമ്മതിച്ചില്ലെങ്കിലും അമ്മയെ താൻ കൊണ്ടുവരും അവൾ മനസ്സിൽ ഉറപ്പിച്ചു. 💚💚💚💚 അവൾ അമ്മാവന്റെ വീട്ടിലേക്ക് ചെന്നു. പഴയതുപോലെ അമ്മാവനോട് സ്നേഹം പ്രകടിപ്പിക്കാൻ തനിക്കാവുന്നില്ല. എന്തോ ഒരു അകൽച്ച തോന്നുന്നു അവൾ അകത്തേക്ക് കയറി. മോളെ.... അമ്മാവൻ വാത്സല്യത്തോടെ അവളുടെ തോളിൽ പിടിച്ചു. അവൾ പെട്ടെന്ന് അയാളിൽ നിന്നും മാറിനിന്നു. അവൾ അകത്തേക്ക് ചെന്നു. മുത്തശ്ശനും മുത്തശ്ശിയും അകത്തുണ്ട്. അവരോട് സംസാരിച്ചിട്ട് അവൾ അമ്മ കിടക്കുന്ന മുറിയിലേക്ക് ചെന്നു. അമ്മ എന്തോ വലിയ ആലോചനയിലാണെന്ന് തോന്നുന്നു. അവൾ അമ്മയുടെ അരികിലിരുന്നു അമ്മയെ പരിചരിക്കുന്ന ഹോംനേഴ്സ് അമ്മയ്ക്ക് കഴിക്കാനുള്ള മരുന്നുമായി കയറി വന്നു. വായ തുറക്കാൻ പറയുമ്പോൾ അമ്മ വായ തുറക്കുന്നുണ്ട്, മരുന്നു വായിലിട്ട് കൊടുത്ത് വെള്ളവും ഒഴിച്ച്, ഇറക്കാൻ പറയുമ്പോൾ അതുപോലെ ചെയ്യുന്നുണ്ട്. അതൊക്കെ അമ്മക്ക് മനസ്സിലാകുന്നുണ്ട് അമ്മയ്ക്ക് എന്തൊക്കെയോ പറയണമെന്നുണ്ട് പക്ഷേ പാവത്തിന് അതിനാകുന്നില്ലല്ലോ. ഞാൻ അമ്മയെ കൊണ്ടുപോകാൻ വേണ്ടി വന്നതാണ്.അവൾ പറഞ്ഞു. മോളെ...അതെങ്ങനെ ശരിയാകും?? അതൊക്കെ ശരിയാകും മുത്തശ്ശാ.. അതല്ല മോളെ, നിന്റെ അച്ഛനും അമ്മയും വേർപിരിഞ്ഞതല്ലേ, അപ്പോൾപ്പിന്നെ ഇനിയും അങ്ങോട്ട് കൊണ്ടുപോകുന്നത് ശരിയല്ലല്ലോ അങ്ങോട്ട് അല്ല കൊണ്ടുപോകുന്നത് ഞാനൊരു വീട് വാടകയ്ക്ക് എടുത്തിട്ടുണ്ട്. ഞാനിപ്പോൾ ജോലിക്ക് പോകുന്നുണ്ട്. ഞങ്ങൾക്ക് താമസിക്കാൻ അത് മതിയാകും. കൂടാതെ അമ്മയുടെ ചികിത്സ നടത്തണം അമ്മാവൻ അങ്ങോട്ട് കയറി വന്നു. മോളെ നിതാരെ നീ എന്തൊക്കെയാ ഈ പറയുന്നത്. നിന്റെ അമ്മയെ ഞങ്ങൾ നല്ലതുപോലെ തന്നെയാണ് നോക്കുന്നത് അല്ലെന്ന് ഞാൻ പറഞ്ഞില്ലല്ലോ അമ്മാവാ.. അവളെ ഞങ്ങൾ നോക്കിക്കോളാം മോൾ സമാധാനമായി ഇരിക്ക്. ഇല്ല.. ഞാൻ തീരുമാനിച്ചുറപ്പിച്ചിട്ടാണ് വന്നത്. അമ്മയെ കൊണ്ടുപോയേ പറ്റൂ മോളെ..നീ ഇപ്പോൾ എടുത്ത തീരുമാനം തെറ്റാണ്. അതെങ്ങനെ തെറ്റാവും?? എനിക്ക് അമ്മയെ സംരക്ഷിക്കേണ്ട കടമയുണ്ട്. അതുകൊണ്ട് അമ്മയെ ഞാൻ കൊണ്ടുപോകുന്നു. എന്റെ സഹോദരീ ഇവിടെ സുരക്ഷിതയാണ്. പിന്നെ എന്തിനുവേണ്ടിയാണ് വാടക വീട്ടിലേക്ക് നീ അവളെ കൊണ്ടുപോകുന്നത്?? എന്റെ അമ്മയെ എനിക്ക് ജീവനോടെ കിട്ടണമെന്നുള്ളതുകൊണ്ടാണ് ഞാൻ കൊണ്ടുപോകുന്നത്. അവൾ അയാളുടെ കണ്ണുകളിൽ നോക്കി തറപ്പിച്ചാണ് അത് പറഞ്ഞത്. അതെന്താ കുട്ടി നീ അങ്ങനെ പറഞ്ഞത് അവൾ ഇവിടെ സുരക്ഷിതയല്ല എന്നാണോ.. അമ്മാവന് അങ്ങനെയാണ് മനസ്സിലായതെങ്കിൽ അങ്ങനെ തന്നെ.. അവളുടെ ശബ്ദം ഉറച്ചതായിരുന്നു. അത്രയും പറഞ്ഞതോടെ മുത്തശ്ശനും മുത്തശ്ശിയും , നിന്റെ അമ്മയെ കൊണ്ടുപൊയ്ക്കോളൂ എന്ന് ഒരേ സ്വരത്തിൽ പറഞ്ഞു. അവൾക്ക് അവരുടെ സമ്മതം മതിയായിരുന്നു. അല്പസമയം കഴിഞ്ഞപ്പോൾ ഒരു ആംബുലൻസ് മുറ്റത്ത് വന്നു നിന്നു. അവൾ പുറത്തേക്ക് ഇറങ്ങിച്ചെന്നു. അവർ നിതാരയുടെ അമ്മയെ ആംബുലൻസിൽ കയറ്റി. നിതാരയുടെ കാർ ആംബുലൻസിനു പിന്നാലെ നീങ്ങി. നിതാര അമ്മയെയും കൊണ്ട് നേരെ വാടക വീട്ടിലേക്കാണ് പോയത്. അമ്മയെ നോക്കാൻ, ഏർപ്പാട് ചെയ്തിരിക്കുന്ന ഹോം നേഴ്സ് അപ്പോഴേക്കും എത്തിയിരുന്നു. ആംബുലൻസിനുള്ള പണവും കൊടുത്തിട്ട് അവൾ അകത്തേക്ക് വന്നു. അമ്മയൊന്നുകൊണ്ടും പേടിക്കേണ്ട കേട്ടോ, എല്ലാം ശരിയാകും. എന്റെ അമ്മ പഴയതുപോലെ ആകും, എനിക്ക് ഉറപ്പാണ്. അവൾ പറഞ്ഞു. അവൾ കുക്കറിൽ അല്പം പൊടിയരി കഞ്ഞി ഉണ്ടാക്കി, അമ്മയെ കഴിപ്പിച്ചു. അമ്മയ്ക്കുള്ള മരുന്ന് ഹോംനേഴ്സ് എടുത്തു കൊടുത്തു. അമ്മയെ ശ്രദ്ധിച്ചോളണെ.. ഞാനൊന്നു പുറത്തുപോയിട്ട് വരാം നിതാരാ ഹോം നേഴ്സിനോട് പറഞ്ഞു. ശരി.അവർ തലയാട്ടി. നിതാര നേരെ പോയത് അച്ഛന്റെ അരികിലേക്കാണ്. അച്ചൻ കട്ടിലിൽ കിടക്കുകയാണ്. അവൾ അടുത്തേക്ക് ചെന്നു. അച്ഛാ.. അയാൾ ഒന്നും മിണ്ടിയില്ല എന്താ അച്ഛാ പിണക്കമാണോ? എന്താ പറ്റിയത്?? ഇനിയെന്ത് പറ്റാൻ ! ഞാൻ ആർക്കുവേണ്ടിയാണോ ജീവിച്ചത്, അവൾ എന്നെ ഉപേക്ഷിച്ചു പോയില്ലേ?? ഞാൻ ഉപേക്ഷിച്ച് പോയതൊന്നുമല്ല അച്ഛാ. അമ്മയുടെ അവസ്ഥ അച്ഛനറിയാൻ പാടില്ലാഞ്ഞിട്ടാ.. നീ അമ്മയെ ഓർത്തു, അച്ഛനെ മറന്നു അല്ലേ?? ഇല്ല. അമ്മയ്ക്ക് അല്പം പരിഗണന കൂടുതൽ കൊടുക്കേണ്ട സമയമല്ലേ അച്ഛാ, അതുകൊണ്ടാണ്. അല്ലാതെ എനിക്ക് രണ്ടുപേരോടും യാതൊരു തിരിച്ചു വ്യത്യാസവുമില്ല. രണ്ടാളും എനിക്ക് ജീവനാണ് അച്ഛൻ വല്ലതും കഴിച്ചായിരുന്നോ?? അവൾ ചോദിച്ചു. ഇല്ല വിശപ്പൊക്കെ കെട്ടുപോയി. അതൊന്നും പറഞ്ഞാൽ പറ്റില്ല അച്ഛൻ വന്നേ... അവൾ അയാളുടെ കയ്യിൽ പിടിച്ചു ബലമായി എഴുന്നേൽപ്പിച്ചു. ചേച്ചി...ഞങ്ങൾക്ക് കഴിക്കാൻ എടുക്ക് അവൾ ഉറക്കെ വിളിച്ചുപറഞ്ഞു. ജോലിക്കാരി അവർക്കുള്ള ഭക്ഷണം എടുത്തു കൊണ്ട് വന്നു. നിതാരെയാണ് അച്ഛന് വിളമ്പിക്കൊടുത്തത്, ഒപ്പം അവൾക്കും വിളമ്പി. അവർ ഒരുമിച്ചിരുന്ന് ആഹാരം കഴിച്ചു. അതിനുശേഷം അവൾ മടങ്ങിപ്പോയി. 💚💚💚💚💚💚 അമ്മയ്ക്ക് ഇനി ആയുർവേദ ചികിത്സ നോക്കാമെന്ന് അവൾക്ക് തോന്നി. ആയുർവേദ ചികിത്സയാകുമ്പോൾ പണം കൂടുതൽ വേണ്ടി വന്നേക്കാം. എങ്കിലും സാരമില്ല തന്റെ അക്കൗണ്ടിൽ പണമുണ്ട്. കൂടാതെ അമ്മയുടെ അക്കൗണ്ടിലും കാണുമല്ലോ. പെട്ടെന്നാണ് അവൾ ഓർത്തത് അമ്മയെ ചികിത്സിക്കുന്ന പേരിൽ അമ്മാവൻ അമ്മയുടെ പണം പിൻവലിച്ചിരിക്കാം. അതൊന്നു നോക്കണം. അമ്മ വിദേശത്ത് ജോലി നോക്കുന്ന ആളായിരുന്നത് കൊണ്ട് തന്നെ നല്ലൊരു തുക അമ്മയുടെ അക്കൗണ്ടിൽ കാണേണ്ടതാണ്. ഇന്നിപ്പോൾ ബാങ്കിൽ പോകാൻ ഒക്കില്ല സമയം വൈകുന്നേരം ആയല്ലോ. നാളെ രാവിലെ ബാങ്കിൽ ചെന്ന് നേരിട്ട് അന്വേഷിക്കണം. അമ്മയുടെ അക്കൗണ്ടിൽ കിടന്ന തുക പിൻവലിച്ചിട്ടുണ്ടെങ്കിൽ. അമ്മാവനെ കൂടുതൽ സംശയിക്കാം. അവൾ പിറ്റേന്ന് ബാങ്കിൽ എത്തി. 🍀🍀🍀🍀🍀🍀🍀 തുടരും. പ്രാർത്ഥിക്കുക സുഖമില്ല വായന മുടക്കേണ്ട കരുതി ഇടുന്നത് ആണ് കണ്ണൂർകാരൻ 🥺🥺🥺🥺🥺 #📙 നോവൽ #💞 പ്രണയകഥകൾ #✍ തുടർക്കഥ #📔 കഥ #📚 ട്വിസ്റ്റ് കഥകൾ