രുദ്രദൃഷ്ടി ഭാഗം 23 ഇന്ദ്രജിത്തിന്റെയും രുദ്രാവതിയുടെയും ജീവിതം ഒരു പുതിയ തലമുറയിലേക്ക് മാറുകയാണ്.. കാലം അതിന്റെ പ്രയാണം തുടർന്നു. ഇന്ദ്രജിത്തും രുദ്രാവതിയും കാശിയുടെ നിഗൂഢമായ കാവൽക്കാരായി ജീവിക്കുമ്പോൾ അവർക്കൊരു പുത്രൻ ജനിച്ചു. ധനുഷ്.. ധനുഷ് ജനിച്ച നിമിഷം കാശിയിലെ വിശ്വനാഥ ക്ഷേത്രത്തിലെ മണികൾ തനിയെ മുഴങ്ങുകയും ഗംഗയിലെ ജലം ഇരട്ടിക്കുകയും ചെയ്തു…. ധനുഷ് മറ്റുള്ള കുട്ടികളെപ്പോലെ അല്ലായിരുന്നു... അവന്റെ കണ്ണുകൾക്ക് നീലനിറമായിരുന്നു, അത് ഇരുട്ടിൽ ജ്വലിക്കുമായിരുന്നു…. ഇന്ദ്രജിത്ത് പഴയ ശത്രുക്കളെ തോൽപ്പിച്ചുവെങ്കിലും, കലിയുഗത്തിന്റെ വളർച്ചയിൽ മനുഷ്യരുടെ നെഗറ്റീവ് ചിന്തകളിൽ നിന്ന് ഒരു പുതിയ ഭീകരൻ രൂപംകൊണ്ടു… ഛായാപുരുഷൻ. ഇയാൾക്ക് സ്വന്തമായി രൂപമില്ല. മനുഷ്യരുടെ ആഗ്രഹങ്ങളെയും ഭയങ്ങളെയും ഉപയോഗിച്ച് അവർക്കിടയിൽ വിള്ളലുണ്ടാക്കുകയാണ് ഇയാളുടെ രീതി…. ഛായാപുരുഷൻ തന്റെ ആദ്യത്തെ ഇരയായി തിരഞ്ഞെടുത്തത് വളർന്നുവരുന്ന ധനുഷിനെ ആയിരുന്നു …. "നിന്റെ അച്ഛൻ അന്ധനാണ് അമ്മ വെറുമൊരു ഭക്തയും. നിനക്കുള്ള ശക്തി ഉപയോഗിച്ച് നീ ലോകം ഭരിക്കേണ്ടവനാണ്" ഛായാപുരുഷൻ ധനുഷിന്റെ സ്വപ്നങ്ങളിൽ വന്ന് മന്ത്രിക്കാൻ തുടങ്ങി….. ഒരു അമാവാസി രാത്രിയിൽ കാശിയിലെ തെരുവുകളിൽ നിഴലുകൾക്ക് ജീവൻ വെച്ചു. ആളുകളുടെ നിഴലുകൾ അവരിൽ നിന്ന് വേർപെട്ട് അവരെത്തന്നെ ആക്രമിക്കാൻ തുടങ്ങി. ധനുഷ് തന്റെ മുറിയിൽ ഇരിക്കുമ്പോൾ അവന്റെ നിഴൽ ചുവരിൽ നിന്ന് പുറത്തുവന്ന് അവന്റെ കഴുത്തിനു നേരെ ആഞ്ഞു….. " ധനൂ.. കണ്ണുകൾ അടയ്ക്കൂ"...ഇന്ദ്രജിത്തിന്റെ ശബ്ദം മുഴങ്ങി….. കാഴ്ചയില്ലാത്ത ഇന്ദ്രജിത്ത് തന്റെ ജ്ഞാനദൃഷ്ടിയാൽ മുറിയിലെ കറുത്ത ഊർജ്ജത്തെ തിരിച്ചറിഞ്ഞു. ഇന്ദ്രജിത്ത് തന്റെ ശൂലം നിലത്ത് കുത്തി…. "ഈ നിഴലുകൾ വെളിച്ചത്തെയല്ല സത്യത്തെയാണ് ഭയപ്പെടുന്നത്".... പക്ഷേ ധനുഷ് ഭയപ്പെട്ടില്ല…. അവന്റെ നീലക്കണ്ണുകളിൽ നിന്ന് ഒരു വജ്രശോഭ പുറപ്പെട്ടു. ആ വെളിച്ചം തട്ടിയ നിമിഷം ഛായാപുരുഷന്റെ നിഴൽരൂപം കരിഞ്ഞുപോയി…… "അച്ഛാ എനിക്ക് അച്ഛനെപ്പോലെ ഒളിച്ചിരിക്കാൻ വയ്യ.. എന്റെ ശക്തി കൊണ്ട് ഈ ലോകത്തെ മാറ്റാൻ എനിക്ക് കഴിയും" ധനുഷ് ക്രോധത്തോടെ പറഞ്ഞു…. "ശക്തി എന്നത് ലോകത്തെ മാറ്റാനല്ല ധനു.. ലോകത്തെ തകരാതെ കാക്കാനാണ്. നിന്റെ ഉള്ളിലെ ഈ അഹങ്കാരമാണ് ഛായാപുരുഷന് വേണ്ടത്…. "ഇന്ദ്രജിത്ത് നെടുവീർപ്പിട്ടു…. രുദ്രാവതി ധനുഷിനെ ചേർത്തുപിടിച്ചു…. "ധനൂ.. നിന്റെ അച്ഛന്റെ കണ്ണുകൾ നഷ്ടപ്പെട്ടത് ഈ പ്രപഞ്ചത്തിന് വേണ്ടിയാണ്. ആ ത്യാഗത്തെ നീ വിലകുറച്ചു കാണരുത്.".... ഛായാപുരുഷൻ തന്റെ അടുത്ത തന്ത്രം പ്രയോഗിച്ചു. അവൻ കാശിയിലെ ജനങ്ങളെ ഇന്ദ്രജിത്തിനും കുടുംബത്തിനും എതിരെ തിരിച്ചു…. "ഇവർ മാന്ത്രികന്മാരാണ് ഇവരാണ് നഗരത്തിലെ മരണങ്ങൾക്ക് കാരണം" എന്ന വാർത്ത നഗരത്തിൽ പരന്നു… ജനക്കൂട്ടം കല്ലുകളുമായി ഇന്ദ്രജിത്തിന്റെ മഠത്തിന് നേരെ അടുത്തു. ധനുഷിനു ഇത് സഹിക്കാനായില്ല. അവൻ തന്റെ ശക്തി ഉപയോഗിച്ച് ജനക്കൂട്ടത്തെ നശിപ്പിക്കാൻ ഒരുങ്ങി….. "ധനൂ.. വേണ്ട.. അവർ നമ്മുടെ ശത്രുക്കളല്ല അവർ വഴിതെറ്റിക്കപ്പെട്ടവരാണ്" ഇന്ദ്രജിത്ത് മകനെ തടഞ്ഞു….. ഈ സമയം ഛായാപുരുഷൻ ധനുഷിന്റെ പുറകിൽ പ്രത്യക്ഷപ്പെട്ടു. "നിന്റെ അച്ഛനെ തടയൂ ധനുഷ്.. എങ്കിൽ മാത്രമേ നിനക്ക് ഈ ലോകത്തെ രക്ഷിക്കാനാവൂ".... അവൻ ധനുഷിന്റെ കാതിൽ മന്ത്രിച്ചു… തുടരും…. ✍️സന്തോഷ്‌ ശശി…. #📔 കഥ #✍ തുടർക്കഥ #💞 പ്രണയകഥകൾ #കഥ,ത്രില്ലെർ,ഹൊറർ #📙 നോവൽ