*స్వయం సహాయక సంఘాల మహిళలకు వడ్డీలేని రుణాల పంపిణీ కార్యక్రమంలో ఎమ్మెల్యే జారె* *25.11.2025 – మంగళవారం* *మహిళల సాధికారతకు కాంగ్రెస్ పార్టీ కట్టుబడి పనిచేస్తోంది — ఎమ్మెల్యే జారె ఆదినారాయణ* దమ్మపేట మండలం పట్వారిగూడెం గ్రామంలోని *చెలికాని ఆదెమ్మ ఫంక్షన్ హాల్‌లో ఇందిర మహిళా శక్తి* కార్యక్రమం ఆధ్వర్యంలో స్వయం సహాయక సంఘాల (డ్వాక్రా) మహిళలకు వడ్డీలేని రుణాల చెక్కుల పంపిణీ కార్యక్రమం విజయవంతంగా జరిగింది. ఈ కార్యక్రమానికి ముఖ్య అతిథిగా హాజరైన అశ్వారావుపేట నియోజకవర్గ *ఎమ్మెల్యే జారె ఆదినారాయణ* గారు మహిళలకు చెక్కులను అందజేస్తూ మాట్లాడుతూ— మహిళల ఆర్థిక సాధికారత కోసం రాష్ట్ర ప్రభుత్వం కీలక నిర్ణయాలు తీసుకుంటోందని, వడ్డీలేని రుణాలు గ్రామీణ మహిళలకు చిన్న వ్యాపారాలు, స్వయం ఉపాధి రంగాలలో ముందడుగు వేయడానికి ఎంతో దోహదం చేస్తాయని పేర్కొన్నారు. అలాగే ఆయన మాట్లాడుతూ, త్వరలో జరగనున్న స్థానిక సంస్థల ఎన్నికల్లో మహిళలకు మరింత ప్రాధాన్యత కల్పించేందుకు కాంగ్రెస్ పార్టీ ముందడుగు వేసిందని చెప్పారు. నియోజకవర్గంలో *60కి పైగా సర్పంచ్ పదవులను మహిళలకు* కేటాయించడం మహిళా సాధికారత పట్ల పార్టీ భాధ్యతను నిరూపిస్తోందన్నారు. గ్రామీణ మహిళలు ప్రభుత్వ సహకారాన్ని సద్వినియోగం చేసుకొని కుటుంబ అభివృద్ధికి, ఆర్థికంగా స్థిరపడటానికి ముందుకు రావాలన్నారు. వచ్చే ఎన్నికల్లో కాంగ్రెస్ పార్టీ అభ్యర్థులను గెలిపించాలని ఆయన మహిళలకు, నాయకులకు పిలుపునిచ్చారు. కార్యక్రమంలో ప్రజాప్రతినిధులు, అధికారులు, మహిళా సంఘాల సభ్యులు, కాంగ్రెస్ పార్టీ నాయకులు భారీగా పాల్గొన్నారు. #🏛️రాజకీయాలు #🌍నా తెలంగాణ #🔹కాంగ్రెస్ #కాంగ్రెస్ #కాంగ్రెస్ పార్టీ తెలంగాణ