ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mRXg0Jv?d=n&ui=v64j8rk&e1=cUNDER WORLD = CHAPTER - 20 ============================ "അറിയില്ല കിരൺ... പക്ഷെ അതല്ല പ്രശനം ഇന്നലെ രാത്രിയിൽ കൊല്ലപ്പെട്ട ഗബ്രിയേലിന്റെ ശരീരത്തിലും ഇതുപോലെ തന്നെ 666 ഉണ്ടായിരുന്നു, മാത്രമല്ല അയാളുടെ കണ്ണുകളിൽ തന്നെ ആയിരുന്നു കത്തി കുത്തിയിരുന്നതും, അതുപോലെ തന്നെ ബോബിയുടെ ബോഡിയിൽ കണ്ട വിരലടയാളങ്ങൾ ഗബ്രിയേലിന്റെ ശരീരത്തിൽ കണ്ടത് പോലെ തന്നെ ഇസ്രയുടെ തന്നെ ആണ്." THE CONCLUSION ================= "ഒരെത്തും പിടിയും കിട്ടുന്നില്ലല്ലോ ഇക്ക." "എന്നാൽ ശെരി മോളെ... നാളെ നേരിൽ സംസാരിക്കാം." "ഓക്കേ ഇക്ക... ബൈ ഗുഡ് നൈറ്റ്‌." "ബൈ." കോൾ കട്ട് ആക്കിയതും കിരണിനെ ജുവൽ സൂക്ഷിച്ചു നോക്കി...! "എന്താടി പെണ്ണെ ഇങ്ങനെ നോക്കുന്നത്...?" "സത്യം പറ ചേച്ചി... മുന്ന ആരാണെന്ന് ചേച്ചിക്ക് അറിയില്ലേ...?" ജുവലിന്റെ ചോദ്യം കേട്ട് കിരൺ ഉറക്കെ ചിരിച്ചു...! "നീ ഇത് തന്നെ ആയിരിക്കും ചോദിക്കാൻ വരുന്നത് എന്ന് ഞാൻ ഊഹിച്ചിരുന്നു." "എന്നാൽ പറ... ചേച്ചിക്ക് അറിയില്ലേ മുന്ന ആരാണെന്ന്...?" "ഇല്ല ജുവൽ... സത്യമായും എനിക്ക് അറിയില്ല, പക്ഷെ അയാളും, അയാളുടെ പുസ്തകവും നമ്മളെ ഒരുപാട് സഹായിച്ചിട്ടുണ്ട്. അതുകൊണ്ട് മാത്രമാണ് ഇങ്ങനെ ഒരു പ്ലാൻ നടത്താനും യഥാർത്ഥ പ്രതികളെ തെളിവോട് കൂടി അറസ്റ്റ് ചെയ്യാനും എനിക്ക് പ്രേരണ ആയത്." "ചേച്ചി എന്താ പറഞ്ഞു വരുന്നത്...? എനിക്കൊന്നും മനസിലായില്ല." "ഞാൻ കൃത്യമായി പറഞ്ഞു തരാം... അതിന് മുൻപ് നീ കണ്ട സ്വപ്നത്തിലെ വിട്ടുപോയ ഒന്ന് രണ്ട് കാര്യങ്ങൾ ആ പുസ്തകത്തിൽ ഉണ്ട് അതൊന്ന് നോക്കിക്കേ." "ഏത് ഭാഗം ആണ് നോക്കേണ്ടത്...?" പുസ്തകം തുറന്ന ശേഷമുള്ള ജുവലിന്റെ ചോദ്യം കേട്ട് കിരൺ ഒന്ന് ആലോചിച്ചു...! "അല്ലെങ്കിൽ വേണ്ടാ... ഞാൻ പറയുന്നത് ശ്രദ്ധിച്ചിട്ട് അത് ശെരിയാണോ എന്ന് പറഞ്ഞാലും മതി." "ഓക്കേ ചേച്ചി പറ." """നമ്മളെ രക്ഷിക്കാനായി ഫഹദിന്റെ കൂടെ വന്ന ഒരാൾ, അവർ വീട്ടിൽ വരുന്ന ആ നേരത്ത് ഫഹദിന്റെ കയ്യിൽ തോക്ക് കൊടുത്ത് വെളിയിലേക്ക് ഞാൻ വിടുന്നുണ്ട്, അതിന് ശേഷം നിന്നെ കിണറ്റിലേക്ക് ഇട്ട് കഴിയുമ്പോൾ ഇരുളിൽ നിന്നും വേറെ ഒരാൾ അവരുടെ ഇടയിലേക്ക് വന്നു എന്ന് എഴുതിയ ശേഷം പിന്നീട് പുസ്തകത്തിൽ കാണുന്നത് നീ താഴേക്ക് താഴേക്ക് വീഴുന്നത് ആണ്, എന്താ ശെരിയല്ലേ...?" "ആ ശെരിയാണ്." "ഓക്കേ... ആ പോയിന്റ് മറക്കണ്ടാ." "മം." ഒന്നും മനസിലാകാതെ ജുവൽ ഒന്ന് മൂളി...! "ഇനി അടുത്തത്... ഫ്ലൈറ്റിൽ നിന്നും നിന്റെ പിടി വിട്ട് വെള്ളത്തിൽ പോകുന്നതിന് മുൻപ് സാത്താൻ ആരാധന നടക്കുന്ന സ്ഥലത്തേക്ക് റോൾസ് റോയ്സിൽ വരുന്ന ആളെപ്പറ്റി ചെറുതായൊന്ന് പുസ്തകത്തിൽ പരാമർശിച്ചിട്ടുണ്ട്, പക്ഷെ അതിന് ശേഷം ഒന്നും തന്നെ അയാളെപ്പറ്റി പറഞ്ഞിട്ടില്ല. അതും ശെരിയല്ലേ...?" അത്ഭുതത്തോടെ ജുവൽ കിരണിനെ നോക്കി...! "ശെരിയാണ് ചേച്ചി... ചേച്ചി ഇതെല്ലാം ഇത്ര കൃത്യമായി ശ്രദ്ധിച്ചിരുന്നോ...?" "ശ്രദ്ധിക്കാതെ കാര്യമില്ലല്ലോ കുട്ടി... അപ്പോ ആ പോയിന്റും കൂടെ മറക്കണ്ടാ." "മം." ഇത്തവണ ഒന്ന് കാര്യമായി തന്നെ ജുവൽ മൂളി...! "ഇനി അവസാനമായി നമ്മൾ രണ്ട് പേരും ശ്രദ്ധിക്കാതിരുന്ന കാര്യം... അച്ഛനെയും അമ്മയെയും കണ്ടിട്ട് നീ ബോധം കേട്ട് വീഴുമ്പോൾ കറുത്ത കുർബ്ബാന നടത്തിക്കൊണ്ടിരുന്ന ഫാദർ വിളിക്കുന്ന പേര് കഥയിൽ എഴുതിയിരിക്കുന്നത് 'മിഖായേൽ' എന്നും, നമ്മൾ ഇരുവരും സ്വപ്നത്തിൽ കണ്ടത് 'ഗബ്രിയേൽ എന്നും ആണ്." "അപ്പോ കൊല്ലപ്പെട്ട ഗബ്രിയേൽ...?" "ഒന്ന് തിടുക്കം കാണിക്കാതിരിക്ക് പെണ്ണെ... ഞാൻ അതിലേക്ക് ആണ് വരുന്നത്." "ഓഹ്... ആകാംഷ കൊണ്ടല്ലേ... അങ്ങ് ക്ഷമിക്ക്." ജുവലിന്റെ മറുപടി കേട്ട് ഒന്ന് ചിരിച്ചുകൊണ്ട് കിരൺ തുടർന്നു...! "സ്വപ്നത്തിൽ കണ്ട കാര്യങ്ങൾ വിശകലനം ചെയ്യുന്ന വേളയിൽ മുകളിൽ പറഞ്ഞ കാര്യങ്ങൾ നീ വിട്ട് പോയിരുന്നു, പക്ഷെ എനിക്ക് പ്രതിക്ഷ നൽകിയതും നിന്നോട് അതേപ്പറ്റി ചോദിക്കാതിരുന്നതും മറ്റൊന്നും കൊണ്ടല്ല, ഈ പുസ്തകത്തിൽ എഴുതിയിരിക്കുന്ന അതേപടി തന്നെയാണ് നീ സ്വപ്നം കണ്ടത്, പക്ഷെ ഞാൻ കണ്ടത് അതിൽ ഇല്ലാത്ത ഭാഗങ്ങളും ചേർത്താണ്." "മനസിലായില്ല ചേച്ചി." "എന്ന് വെച്ചാൽ... ആദ്യം പറഞ്ഞ ഇരുളിൽ നിന്നും ഫഹദിന്റെയും സന്ദീപിന്റെയും അടുത്തേക്ക് വന്ന ആളും... റോൾസ് റോയ്സിൽ വന്ന് ഇറങ്ങിയ ആളും ഒരേ ആളായിട്ടാണ് ഞാൻ സ്വപ്നത്തിൽ കണ്ടത്. ആ ആൾ നമ്മളെ ഉപദ്രവിക്കാൻ അല്ല നേരെ മറിച് സഹായിക്കാൻ വന്നതായിരുന്നു എന്ന് ഞാൻ വിശ്വസിച്ചു." "അതെങ്ങനെ...?" "അത്... എന്റെ ഒരു ഊഹം ആയിരുന്നു, ആ ഊഹം ശെരിയായത് ആശുപത്രിയിലെ CCTV നോക്കിയപ്പോൾ ആണ്." "ചേച്ചി പറഞ്ഞു വരുന്നത്... അത് മുന്ന ആയിരുന്നു എന്നാണോ...?" "മുന്നയാണോ എന്ന് അറിയില്ല പക്ഷെ... CCTV യിൽ കണ്ട തലമുടി നരച്ച ആ വ്യക്തിയും, റോൾസ് റോയ്സിൽ വന്നിറങ്ങിയ വ്യക്തിയും, ഇരുളിൽ നിന്ന് വെളിയിലേക്ക് വന്ന വ്യക്തിയും ഒന്ന് തന്നെ ആയിരുന്നു. പക്ഷെ എത്ര ആലോചിച്ചിട്ടും മനസിലാകാത്തത് വൃദ്ധൻ എങ്ങനെ യുവാവ് ആയി എന്നതാണ്." "അത് പിന്നെ ആലോചിക്കാം... ചേച്ചി ഇപ്പോ ബാക്കി പറ." "CCTV യിൽ അയാളെ കണ്ടപ്പോൾ മുതൽ എനിക്ക് ഉറപ്പായിരുന്നു, നമ്മളെ രക്ഷിച്ച് ആ ആശുപത്രിയിലേക്ക് കൊണ്ടുവന്നതിന് പിന്നിലും എന്തോ നിഗൂഢത ഉണ്ടെന്ന്, അപ്പോഴാണ് അലക്സ് എന്ന ഡോക്ടറെ അവിടെ കാണുന്നതും, മൂസാക്ക മുന്നയുടെ കാർ നമ്പറും... മൊബൈൽ നമ്പറും ട്രേസ് ചെയ്ത് അഡ്രെസ്സിലുള്ള ആളുകളെ പറ്റി പറയുന്നതും. അലക്സിന്റെ പേരിലുള്ള സിം ആണ് മുന്ന ഉപയോഗിച്ചിരുന്നത് എന്നറിഞ്ഞതോടെ ന്യൂറോ സർജൻ അലക്സ് തന്നെ ആയിരിക്കും ആ വില്ലൻ എന്ന് ഞാൻ ഉറപ്പിച്ചു, പക്ഷെ അപ്പോഴും ഉണ്ടായിരുന്ന ഒരു പ്രശ്നം അയാൾ വന്ന കാർ നമ്പറിലെ ഉടമസ്ഥൻ ബോബി ആരായിരുന്നു എന്നതായിരുന്നു. അവിടെ വെച്ചാണ് ടീച്ചർ എനിക്ക് അവരിലേക്ക് വിരൽ ചൂണ്ടുന്ന ക്ലൂ നൽകിയത്, മുന്ന വന്ന കാർ ബോബി എന്ന ആളുടെ പേരിൽ ആണെന്ന് പറഞ്ഞതോടെ അയാളെ പറ്റി അൽപനേരം ആലോചിച്ച ശേഷം അങ്ങനെ ഒരാളെ അറിയില്ലെന്നും ഞാൻ ചോദിക്കാതെ തന്നെ പറഞ്ഞുകൊണ്ട് ഫോണിൽ നോക്കി ടീച്ചർ വെളിയിലേക്ക് പോയി, അപ്പോൾ തന്നെ ഞാൻ ഉറപ്പിച്ചു ബോബിയെ ടീച്ചറിന് അറിയാം എന്ന്, അതുകൊണ്ടാണ് ടീച്ചറിന്റെ കോളും, അലക്സിന്റെ കോളും ട്രേസ് ചെയ്യാൻ മൂസാക്കയോട് പറഞ്ഞത്." "ഓഹോ... എന്നിട്ടാണോ ഇതൊക്കെ എന്നോട് പറയാതിരുന്നത്...?" "അതിനും കാരണം ഉണ്ട് പെണ്ണെ... ടീച്ചറിനെ എനിക്ക് സംശയം തോന്നി തുടങ്ങിയപ്പോൾ ആണ് മൂസാക്കയെ വിളിച്ച് ഡിസ്ചാർജ് വാങ്ങുകയാണ്, സഹായത്തിന് രണ്ട് പൊലീസുകാരെ വീട്ടിൽ നിർത്തണം എന്ന് ഞാൻ പറഞ്ഞത്, അത് പറഞ്ഞു ഞാൻ ഫോൺ വെച്ചതും ടീച്ചർ വന്ന് നമ്മൾ ഡിസ്ചാർജ് ചോദിക്കാതെ തന്നെ പറഞ്ഞു വേറെ കുഴപ്പം ഒന്നുമില്ല ഡിസ്ചാർജ് ചെയ്യാം എന്നാണ് ഡോക്ടർ പറഞ്ഞതെന്ന്. അതോടെ നമ്മൾ റൂമിൽ പറയുന്ന കാര്യങ്ങൾ ടീച്ചറും അലക്‌സും കേൾകുന്നുണ്ടെന്ന് ഞാൻ ഉറപ്പിച്ചു. അതാണ് പിന്നീട് ഒന്നും പറയാതിരുന്നത് നിന്നോട്." ആശുപത്രിയിൽ നടന്ന കാര്യങ്ങൾ ഒന്നുകൂടി ആലോചിച്ച ശേഷം ജുവൽ ഒന്ന് ചിരിച്ചു...! "അത് ശെരിയാണ്... എന്നാലും നമ്മൾ ആ കാറിൽ വന്നപ്പോൾ എങ്കിലും." പറഞ്ഞു വന്നത് മുഴുവിപ്പിക്കാതെ ജുവൽ ഒന്ന് നിർത്തി...! "എന്തെ പകുതിക്ക് നിർത്തിയത്...?" ചിരിച്ചുകൊണ്ടുള്ള കിരണിന്റെ ചോദ്യം കേട്ട് ജൂവലും ഒന്ന് ചിരിച്ചു...! "വേണ്ടാ അതിന്റെ ഉത്തരം എനിക്ക് കിട്ടി." "എന്താ...?" "അല്ല നമുക്ക് കാർ റെഡിയാക്കി തന്നത് ടീച്ചർ അല്ലെ...? അപ്പോ നമ്മൾ എന്ത് പറഞ്ഞാലും ടീച്ചറും അറിയാനുള്ള സാഹചര്യം ഉണ്ടായിരുന്നല്ലോ എന്നല്ലേ." "ആ... കുട്ടിത്തലയിൽ ആൾ താമസം ഉണ്ടല്ലോ... എന്നാലും വക്കീൽ ബുദ്ധി മൊത്തത്തിൽ പുകയുന്നില്ല." "അല്ല ചേച്ചി... അലൻ എങ്ങനെ ആണ് അലക്സ് ആയതെന്ന് മനസിലായില്ലല്ലോ... അത് മാത്രമല്ല മൂസാക്ക ആണ് ചതിച്ചതെന്ന് ചേച്ചി പറഞ്ഞത് എന്തിനാണ്...?" "അലൻ ഡോക്ടറെ എനിക്ക് ഒരു സംശയവും ഇല്ലായിരുന്നു ജുവൽ... പക്ഷെ നമ്മൾ ഡിസ്ചാർജ് ചെയ്ത് ലിഫ്റ്റിലേക്ക് കൊണ്ടുവരുന്ന വേളയിൽ അലൻ ഡോക്ടറുടെ റൂമിന്റെ മുന്നിൽ ഒരു ബോർഡ് ഞാൻ കണ്ടു 'അലൻ അലക്സ്' എന്ന്, അലൻ എന്ന് വലുതായും... അലക്സ് എന്ന് ചെറുതായും എഴുതിയിരിക്കുന്നത് കണ്ടാണ് ലിഫ്റ്റിൽ വെച്ച് സെക്യൂരിറ്റിയോട് അലക്സ് ഡോക്ടറുടെ കാര്യം ചോദിച്ചത്. അപ്പോ അയാൾ തിരിച്ചു ചോദിച്ച കാര്യം 'ഇപ്പോ റൂമിൽ വന്ന അലക്സ് ഡോക്ടർ ആണോ...?' എന്നായിരുന്നു. അതോടെ എനിക്ക് ഉറപ്പായി നമ്മൾ തേടുന്ന അലക്‌സും ടീച്ചറിന്റെ ഭർത്താവ് അലനും ഒരേ ആൾ തന്നെ ആണെന്ന്, അപ്പോഴാണ് മുകളിൽ പറഞ്ഞ സ്വപ്നങ്ങളുടെ കാര്യം കൂട്ടി യോജിപ്പിച്ച ശേഷം വിജയിക്കാൻ സാധ്യത ഇല്ലാത്ത ചെറിയൊരു പ്ലാൻ ഞാൻ ഒരുക്കിയത്." "എന്തായിരുന്നു ആ പ്ലാൻ...?" ലിഫ്റ്റിൽ വെച്ച് സെക്യൂരിറ്റിയോട് കിരൺ അലക്സിന്റെ കാര്യം ചോദിച്ചതും... അയാളുടെ കയ്യിൽ നിന്ന് അലക്സിന്റെ നമ്പർ വാങ്ങിയതും ജുവൽ ആലോചിച്ചു...! "ആശുപത്രിയിൽ നിന്നും കാറിൽ കയറിയ ഉടനെ മൂസാക്കക്ക് മെസ്സേജ് അയച്ച് അലന്റെയും ഫോൺ ട്രേസ് ഞാൻ പറഞ്ഞു. ശേഷം ടീച്ചറും, അലനും ആണ് ഇസ്രയെ ഇല്ലാതാക്കിയത് എന്നും അതിനുള്ള തെളിവുകൾ ലഭിക്കണം എങ്കിൽ ഒരു പ്ലാൻ ഉണ്ട് അത് നടപ്പിലാക്കാൻ സഹായിക്കണം എന്നും മൂസാക്കയോട് ഞാൻ ആവശ്യപ്പെട്ടു. എന്താണ് പ്ലാൻ എന്നുള്ള മൂസാക്കയുടെ ചോദ്യം വന്നപ്പോൾ ആണ് പുസ്തകത്തിൽ ഉണ്ടായിരുന്ന ഫഹദ് മൂസാക്കയുടെ മകൻ ആണെന്നുള്ള കാര്യം ഞാൻ ശ്രദ്ധിച്ചത്, അപ്പോൾ തന്നെ മൂസാക്കയോട് ഞാൻ ചോദിച്ചു... 'സൂര്യ നാരായണന്റെ കാര്യവും, FIR കളുടെ കാര്യവും ഇക്കയെ വിളിച്ചു ചോദിക്കുമ്പോൾ ഫഹദ് കൂടെ ഉണ്ടായിരുന്നോ...?' എന്ന്. ഫഹദ് ഉണ്ടായിരുന്നു എന്നും ഞങ്ങളുടെ സംസാരം എല്ലാം അവൻ കേട്ടിരുന്നു എന്നുമുള്ള ഇക്കയുടെ മറുപടിയിൽ നിന്നും ഒറ്റുകാരൻ ഫഹദ് ആണെന്ന് എനിക്ക് മനസിലായി, പക്ഷെ പുസ്തകത്തിൽ നമ്മളെ സഹായിക്കാൻ ആണ് ഫഹദ് വരുന്നത് എന്നുള്ള കാര്യം കണക്കിലെടുത്ത് ബോബിയെ പറ്റി ചോദിച്ചറിയാനും, ഫഹദ് ആണ് ചതിച്ചതെന്നും പറഞ്ഞതോടെ നല്ല വൃത്തിയായി മൂസാക്ക കാര്യങ്ങൾ ചോദിച്ചറിഞ്ഞ ശേഷം എന്നെ വീണ്ടും കോൺടാക്ട് ചെയ്തു. അങ്ങനെ കൂടെ നിന്ന ടീച്ചർ ഇസ്രയേയും എന്നെയും ചതിച്ചതുപോലെ ഫഹദിനെ വെച്ച് അവർക്കും പണി കൊടുക്കാൻ ഞങ്ങൾ പ്ലാൻ ചെയ്തു... അതിനെ തുടർന്ന് അലന്റെ ഫോണിലേക്ക് ടീച്ചറിനെയും അലക്സിനെയും എനിക്ക് സംശയം ഉണ്ടെന്ന് മെസ്സേജ് അയച്ചതിന്റെ കൂടെ തന്നെ നമ്മുടെ വീടിനുള്ളിൽ രഹസ്യ കാമറയും ഫിറ്റ് ചെയ്യാൻ മൂസാക്കയോട് ഞാൻ പറഞ്ഞത്, നമ്മൾ വീട്ടിൽ എത്തുന്നതിന് മുൻപ് തന്നെ അവിടെ ഉണ്ടായിരുന്ന പോലീസുകാരും മൂസാക്കയും ചേർന്ന് പ്ലാനുകൾ എല്ലാം ഭംഗിയായി തയ്യാറാക്കിയിരുന്നു. അപ്പോഴും എനിക്കൊരു സംശയം ബാക്കിയായിരുന്നു, ഹോസ്പിറ്റലിൽ നമ്മൾ പറയുന്നത് അവർ കേൾക്കുന്നത് പോലെ നമ്മുടെ വീട്ടിലും അവർ മൈക്ക് വല്ലതും ഫിറ്റ്‌ ചെയ്തിട്ടുണ്ടോ എന്ന്, അതുകൊണ്ട് എന്ത് ചെയ്താലും വീടിന് അകത്തു വെച്ചുള്ള സംസാരം വേണ്ടെന്ന് മൂസാക്കക്ക് നിർദ്ദേശം നൽകിയ ശേഷം, എനിക്ക് മൂസാക്കയെ സംശയം ഉള്ളതുപോലെ തന്നെ നിന്നോട് പറയാൻ ഞാൻ പ്ലാനിൽ ഉൾപ്പെടുത്തിയത്. അങ്ങനെ ടീച്ചറിന്റെയും, അലന്റെയും ഉള്ളിൽ എനിക്ക് ടീച്ചറിനെയും, അലക്സിനെയും ആണ് സംശയം എന്ന് വരുത്തി തീർത്ത ശേഷം അലൻ ഡോക്ടറെ തന്ത്രപരമായി നമ്മുടെ വീട്ടിലേക്ക് വരുത്തി. നമ്മളെ ആക്സിഡന്റ് ആക്കാനായി ബോബിയുടെ കൂടെ ഫഹദ് ഉണ്ടായിരുന്നത് കൊണ്ട്, രാത്രി നമ്മുടെ വീട്ടിലും അവർ രണ്ട് പേര് തന്നെ ഉണ്ടാകും എന്ന് അവരുടെ ഫോൺ കോൾ ട്രേസ് ചെയ്തതിൽ നിന്നും മൂസാക്ക മനസിലാക്കി എനിക്ക് വിവരം നൽകി. അങ്ങനെ മുൻകൂട്ടി പ്ലാൻ ചെയ്ത പ്രകാരം ഒരു പോലീസുകാരനെ വെളിയിൽ വിട്ട്, ബോബിക്ക് അനുകൂലമായ സാഹചര്യം ഉണ്ടാക്കി കൊടുത്ത് അപകടം ആണെന്ന് പോലീസുകാർക്ക് നേരത്തെ ബോധ്യപ്പെടുത്തി അവരുടെ സമ്മതത്തോടെ തന്നെ പ്ലാൻ എല്ലാം ഗംഭീരമായി അരങ്ങേറി, ഫഹദ് വളരെ പതുക്കെ തന്നെ തലയ്ക്കടിച്ചതും ബോധം നഷ്ടപ്പെടാതെ തന്നെ ബോധം പോയ പോലെ അഭിനയിച്ച അവരെ കിണറിന് പുറകിൽ നിന്നും സന്ദീപ് തൽക്ഷണം ആശുപത്രിയിൽ എത്തിച്ചിരുന്നു. അവിടം വരെ എന്റെ പ്ലാൻ പോലെ നടന്ന കാര്യങ്ങൾ അലക്സ് ഡോക്ടറുടെ ഒരു മെസ്സേജിലൂടെ കീഴ്മേൽ മറിഞ്ഞു, കാര്യങ്ങളുടെ നിജസ്ഥിതി മനസിലാക്കി സഹായിക്കാൻ ശ്രമിക്കാം എന്ന് വാക്ക് തന്ന അലക്സ് ഡോക്ടറിന് പക്ഷെ ബോബി നമ്മുടെ അടുത്ത് എത്തിയപ്പോഴേക്കും ആശുപത്രിയിൽ നിന്നും തെളിവുകൾ ശേഖരിക്കാൻ കഴിയാതെ വന്നതുകൊണ്ടാണ് നിന്റെ കാലിന് പരിക്ക് പറ്റിയതും, സയനേഡ് കടിച്ചു പിടിക്കേണ്ട അവസ്ഥ വരെയും കാര്യങ്ങൾ കൊണ്ടെത്തിക്കേണ്ടി വന്നത്. മരണം മുന്നിൽ കണ്ട... പ്ലാനുകൾ എല്ലാം വെറുതെ ആയല്ലോ എന്ന് കരുതിയ ആ ചെറിയ നിമിഷത്തിൽ ദൈവം സഹായിച്ച് അലക്സ് ഡോക്ടറിന് ആശുപത്രിയിൽ നിന്നും തെളിവുകൾ കണ്ടെത്താൻ കഴിയുകയും, മുൻ നിർദ്ദേശപ്രകാരം IG രാഹുൽ മാധവ് സാറിനും, ലീല കൃഷ്ണൻ മാഡത്തിനും തെളിവുകൾ അയച്ചാൽ ഉടനെ... നമ്മുടെ വീട്ടിലെ കറണ്ട് ഓഫ്‌ ചെയ്യാനും, ആ സമയം ബോബിയെ കുത്തണം എന്നും നേരത്തെ നിശ്ചയിച്ചിരുന്നു, പിന്നീടുള്ള കാര്യങ്ങൾ നിനക്കറിയാവുന്നതല്ലേ...?" എല്ലാം കേട്ട് കണ്ണുകൾ മിഴിച്ച് ജുവൽ ഒന്ന് തല ആട്ടുക മാത്രം ചെയ്തു...! "എന്ത് പറ്റി...?" "അല്ല... ഇത്രേം അധികം പ്ലാനുകൾ ഇവിടെ നടന്നിട്ടും, കൂടെ ഉണ്ടായിരുന്ന ഞാൻ അറിഞ്ഞില്ലെന്നു മാത്രമല്ല... എന്നെയും നന്നായി തെറ്റിദ്ധരിപ്പിച്ചു അല്ലെ...?" "സാരമില്ല കുട്ടി... നിനക്ക് പ്രായം ആകുന്നെ ഒള്ളു, വലിയ വലിയ കേസുകൾ വന്നാൽ എന്ത്, എങ്ങനെ, ചെയ്യണമെന്നൊക്കെ ഇപ്പോ ചെറിയ ഐഡിയ കിട്ടിയില്ലേ...?" "ഉവ്വെയ്... നമ്മൾ പാവം." "എന്നാൽ മോള് പോയി ഉറങ്ങാൻ നോക്ക്. ഞാൻ നാളത്തേക്ക് വേണ്ട FIR തയ്യാറാക്കട്ടെ." "അപ്പോ ഓക്കേ ചേച്ചീ... ഗുഡ് നൈറ്റ്‌." "ഓക്കേ... ഗുഡ് നൈറ്റ്‌." "അപ്പോ ചേച്ചി... ഒരു സംശയം." "ഇനി എന്താ...?" "അപ്പോ മുന്നയും, സൂര്യ നാരായണന്റെ മിസ്സിങ്ങും, ഫിദ, ഷാക്കിർ, ഷാരോൺ എന്നിവരുടെ കൊലപാതകവും, ഈ ഇസ്രയുടെ കേസും തമ്മിൽ എന്തെങ്കിലും ബന്ധം ഉണ്ടോ...?" "അതിനെപ്പറ്റി ഒന്നും ഒരു പിടിയും ഇല്ല കുട്ടീ... പക്ഷെ ഗബ്രിയേലിന്റെ കൊലപാതകവും, ഇപ്പോ ബോബിയുടെ ശരീരത്തിൽ കണ്ട മാറ്റങ്ങളുടെയും അന്വേഷണം മിക്കവാറും ഞാൻ തന്നെ ആകും, എന്തെങ്കിലും ബന്ധം ഉണ്ടെങ്കിൽ അപ്പോ കണ്ടെത്താൻ കഴിയും എന്ന് തന്നെയാണ് വിശ്വാസം." "ങേ... അതെങ്ങനെ ചേച്ചീ...? ഗബ്രിയേലും, ബോബിയും, മറ്റുള്ളവരും തമ്മിൽ എന്താ ബന്ധം...? അതൊക്കെ വർഷങ്ങൾക്ക് മുൻപ് നടന്ന സംഭവങ്ങളും, ഇത് ഇപ്പോൾ നടന്നതും അല്ലെ...?" "അതിനെപ്പറ്റി കൂടുതൽ ഒന്നും അറിയില്ല, എന്നാലും എന്റെ ഊഹം തുടരും 🌹🌹🌹🌹 കണ്ണൂർകാരൻ 🌹🌹🌹🌹🌹 #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ #✍ തുടർക്കഥ #📙 നോവൽ #📔 കഥ