ദേവിക തിരിഞ്ഞു നോക്കാതെ ഓടി. ഓടിയണച്ചു വരുന്ന മകളെ കണ്ട് മീര തലയിലിരുന്ന വിറക് കെട്ട് നിലത്തേക്കിട്ടു. കൈയിൽ ഇരുന്ന വാ. ക്കത്തിയിൽ പിടിമുറുക്കി. എന്താടീ..... അമ്മേ അച്ഛൻ വന്നിട്ടുണ്ട്. ദേവിക കിതപ്പോടെപറഞ്ഞു. അതിനാണോ നീ ഇത്ര ഓടിയത് മനുഷ്യരങ്ങ് പേടിച്ചു പോയല്ലോ. ഈ പെണ്ണിന്റെ ഒരു കാര്യം. മീര നിലത്തേക്കിട്ട വിറക് കെട്ട് എടുക്കാനാഞ്ഞു. ഞാനെടുത്തോളാം അമ്മേ.. ദേവിക വിറകെടുത്ത് അവളുടെ തലയിലേക്ക് വെച്ചു. മുന്നോട്ടു കയറി നടക്ക് പെണ്ണേ, മീര പറഞ്ഞു.... അമ്മേ അച്ഛൻ ഇനി എന്നായിരിക്കും മടങ്ങി പോകുന്നത്?? അതെങ്ങനെ എനിക്കറിയാം?? നിന്റെ അപ്പനോട് ചോദിക്ക്. അച്ഛൻ ഇപ്പോഴൊന്നും വരണ്ടായിരുന്നു അല്ലേ അമ്മേ... മീര അതിനു മറുപടി ഒന്നും പറഞ്ഞില്ല. ദേവിക ഡിഗ്രി ഫൈനൽ ഇയർ വിദ്യാർത്ഥിയാണ്. മീര അടുത്തുള്ള വീടുകളിൽ കൂലിപ്പണിക്ക് പോയാണ് കുടുംബം നോക്കുന്നത്. മീരയുടെ ഭർത്താവ് മോഹൻ അലസനായ ഒരു മനുഷ്യനാണ്. സ്വന്തം കാര്യം മാത്രം നോക്കി ജീവിക്കുന്ന ഒരാൾ. ഇടക്കൊക്കെ അയാൾ വീട്ടിൽ നിന്നും എവിടേക്കെങ്കിലും മുങ്ങും. ചിലപ്പോൾ ആഴ്ചകളും മാസങ്ങളും കഴിഞ്ഞു തിരികെ വരും. അതാണ്‌ വർഷങ്ങളായുള്ള പതിവ്. ഭാര്യയുടെയും ഏക മകളുടെയും ഉത്തരവാദിത്തങ്ങളൊന്നും ഏറ്റെടുക്കാൻ അയാൾക്ക് പറ്റില്ല. അതുകൊണ്ടാണ് കൂലിപ്പണി എടുത്ത് മീര കുടുംബം നോക്കുന്നതും,മകളെ പഠിപ്പിക്കുന്നതും. അയാളുടെ പേരിലുള്ളതാണ് വീട്, അതുകൊണ്ട് മീരക്ക് ഒന്നുമയാളോട് പറയാനും പറ്റില്ല. പ്രണയിച്ചു വിവാഹം കഴിച്ചവരാണ് മീ മീരയും മോഹനും. അതുകൊണ്ട് സ്വന്തം വീട്ടിലേക്ക് മകളെയും കൊണ്ട് തിരികെ പോകാൻ കഴിയില്ല. അച്ഛന് പ്രായമായി, അമ്മ നേരത്തെ മരിച്ചു. കൂടാതെ ആ വീട്ടിൽ സഹോദരനും കുടുംബവുമുണ്ട്. അങ്ങോട്ട് എങ്ങനെയാണ് പോകുന്നത്. മോഹൻ ഇങ്ങനെയൊക്കെയാണെങ്കിലും മീരയോടോ മോളോടോ വഴക്കൊന്നും ഉണ്ടാക്കാറില്ല. കുടുംബം നോക്കില്ലെന്നും,എങ്ങോട്ടെങ്കിലും പോയാൽ അയാൾക്ക് തോന്നുമ്പോഴെ തിരികെ വരുകയുള്ളൂ എന്നുള്ളതും മാത്രമാണ് പ്രശ്നം. കാശിന് ബുദ്ധിമുട്ടൊക്കെ ഉണ്ടെങ്കിലും, മകളുടെ എല്ലാക്കാര്യങ്ങളും മീര നടത്തി കൊടുക്കാറുണ്ട്. ദേവികക്കും അച്ഛനോട് വലിയ സ്നേഹമൊന്നുമില്ല. അല്ലെങ്കിൽ തന്നെ ഉത്തരവാദിത്വങ്ങളിൽ നിന്നൊക്കെ ഓടിയൊളിക്കുന്ന മനുഷ്യരെ ആർക്കാണ് സ്നേഹിക്കാനാവുക?? മാത്രമല്ല അച്ഛൻ വീട്ടിലുള്ളപ്പോഴെല്ലാം അവൾക്ക് വല്ലാത്തൊരു വീർപ്പുമുട്ടലാണ്... അവർ വീട്ടിലെത്തി. മോഹൻ ഇറയത്തു തന്നെയിരിപ്പുണ്ട്. നീയെന്തിനാടി കൊച്ചേ എന്നേ കണ്ടപ്പോൾ ഓടിയത്?? അയാൾ മകളോട് ചോദിച്ചു. അവളെങ്ങനെ ഓടാതിരിക്കും?? വല്ല കാലത്തും ഒന്ന് കയറി വന്ന് രണ്ടുമൂന്നു ദിവസം താമസിച്ചിട്ട് പോകുന്നയാളല്ലേ അവൾക്ക് അച്ഛൻ. എന്നുവച്ച് നിങ്ങൾക്ക് തെരുവിലൂടെ തെ..ണ്ടി നടക്കേണ്ട അവസ്ഥയൊന്നും ഞാൻ ഉണ്ടാക്കിയിട്ടില്ലല്ലോ അന്തസായി കയറി കിടക്കാൻ ഒരു വീടില്ലേ ?? പിന്നെ എന്താ കുഴപ്പം?? അയാൾ ചോദിച്ചു. അയാൾ പറഞ്ഞതിന് മറുപടി പറയാതെ മീര അകത്തേക്ക് കയറി. ദേവിക വിറക് മുറ്റത്തിന് സൈഡിലേക്ക് ഒതുക്കി വെച്ചിട്ട്,പിന്നാമ്പുറത്തു കൂടി പെരക്കകത്തേക്ക് കയറി. ആഹ്... ഒരു ഗ്ലാസ്സ് ചൂട് ചായ ഇങ്ങോട്ട് എടുത്തോളൂ കേട്ടോ..മോഹൻ ഉറക്കെ പറഞ്ഞു. മോളെ ചായ ഇട്, മീര പറഞ്ഞു ദേവിക ചായ തിളപ്പിച്ച് ഗ്ലാസ്സിലേക്ക് പകർന്നു. അതുമായി ഉമ്മറത്തേക്ക് പോകാൻ തുടങ്ങിയപ്പോൾ, മീര അവളുടെ കയ്യിൽ നിന്നും ചായ ഗ്ലാസ് വാങ്ങി. ഞാൻ കൊടുത്തോളാം നീ പോയിരുന്ന് പഠിക്കാൻ നോക്ക്. അവൾ മുറിയിലേക്ക് പോയി. മീര ചായയുമായി അയാളുടെ അരികിലെത്തി. ദാ..ചായ. അവൾ ചായ ഗ്ലാസ് അയാൾക്ക് നേരെ നീട്ടി അയാൾ ചായ വാങ്ങി. ഇവിടുത്തെ കാര്യങ്ങൾ എങ്ങനെ പോകുന്നു ??അയാൾ ചോദിച്ചു എങ്ങനെ പോകാൻ, പതിവുപോലെ ഞാൻ കൂലിപ്പണിക്ക് പോകുന്നു എന്റെ മകളുടെ കാര്യങ്ങൾ നോക്കുന്നു. അവളുടെ അച്ഛന് അവളെ കുറിച്ച് യാതൊരു ചിന്തയും ഇല്ലല്ലോ ഉത്തരവാദിത്തങ്ങളും ഇല്ല. അയാൾ ഒന്നും മിണ്ടിയില്ല. 💚💚💚💚💚💚 അതേ... നീയൊന്ന് പെണ്ണ് കെട്ടി കണ്ടിട്ട് വേണം എനിക്കൊന്നു കണ്ണടയ്ക്കാൻ. മേരി എൽദോസിനോട് പറഞ്ഞു. ഉവ്വാ... എന്നാൽ ഞാൻ പെണ്ണ് കെട്ടുന്നില്ല, അങ്ങനെയിപ്പോൾ എന്റെ മേരിപെണ്ണ് കണ്ണടക്കേണ്ട. അവൻ അമ്മച്ചിയുടെ മടിയിലേക്ക് കിടന്നു. പോത്ത് പോലെ വളർന്നു. പ്രായം പത്തിരുപത്തെട്ടായി,എന്നിട്ടും അവനൊരു പെണ്ണ് കെട്ടാൻ മേല. എപ്പോഴും അമ്മച്ചിയുടെ പിറകെ ഇങ്ങനെ നടക്കാൻ നിനക്ക് നാണമില്ലേ ചെറുക്കാ.. നിന്റെ അപ്പച്ചനെങ്ങാനും ഇപ്പോൾ ഉണ്ടായിരുന്നെങ്കിൽ, നിന്റെ തോന്നിവാസമൊന്നും ഇവിടെ നടക്കില്ലായിരുന്നു. എത്രകാലമായി ഞാൻ പറയുന്നു ഒരു പെണ്ണ് കെട്ടാൻ. എന്റെ അമ്മച്ചി... ഞാൻ നോക്കാഞ്ഞിട്ടാണോ?? ഇപ്പോഴത്തെ പെണ്ണുങ്ങൾക്കൊന്നും കല്യാണമേ വേണ്ട എന്ന നിലപാടാണ്, പിന്നെ നിർബന്ധിച്ചു ത ട്ടിക്കൊണ്ടുവന്ന്കെട്ടാൻ പറ്റുമോ?? ഒന്ന് പോടാ... എത്രയെത്ര ആലോചന വന്നതാ, നിനക്കൊന്നും മനസ്സിൽ പിടിക്കാത്തതല്ലേ , നീ ഓരോരോ കുറ്റങ്ങൾ കണ്ടെത്തും,പിന്നെ എന്താ ചെയ്യുക?? മനസ്സിനിഷ്ടപ്പെട്ട ഒരു പെണ്ണിനെ കാണട്ടെ അപ്പോൾ കെട്ടാം... എൽദോസ് പറഞ്ഞു. നീ എന്നോട് മിണ്ടണ്ട മേരി മുഖം വീർപ്പിച്ചു. അയ്യോ ഈ മേരി പെണ്ണ് ഇങ്ങനെയാ, ഏത് നേരവും പിണക്കം... പാവം എന്റെ അപ്പച്ചൻ എങ്ങനെ സഹിച്ചോ ഇതിനെ.. ഒന്ന് പോടാ... മേരി അവന്റെ കവിളിൽ കളിയായി നുള്ളി... ഓഹ്... ഈ അമ്മച്ചിയുടെ ഒരു കാര്യം. പ്രായം പത്തറുപത് ആയില്ലയോ എന്നിട്ടും ഈ നുള്ളലും പിച്ചിപ്പറിക്കലും ഒന്നും മാറിയില്ലേ... അവൻ എഴുന്നേറ്റിരുന്നു. മേരി അവന്റെ മുഖത്തേക്ക് വാത്സല്യത്തോടെ നോക്കി. അവൻ അവന്റെ അപ്പച്ചനെ പോലെ തന്നെയാണ്. ആറടിഉയരമുള്ള, പ്രൗഢി തോന്നുന്ന ഒരുവനാണെങ്കിലും പിഞ്ചുകുഞ്ഞുങ്ങളുടെ മനസ്സാണ്. പക്ഷേ ദേഷ്യം വന്നാൽ പോയി, പിന്നെ മുന്നും പിന്നും നോക്കില്ല... അവന് ബിസിനസ്സാണ്.ഉള്ളത് പറയാമല്ലോ. അവനവന്റെ അപ്പച്ചനെ പോലെ തന്നെ പണമുണ്ടാക്കാൻ മിടുക്കനാ. ആറ് കൊല്ലം മുൻപ് അവന്റെ അപ്പച്ചൻ മരിച്ചതിൽ പിന്നെ അവന്റെ ലോകം അമ്മച്ചിയാണ്. ആരെയും സഹായിക്കാൻ മടിയില്ലാത്ത നിഷ്കളങ്കമായ മനസ്സുള്ള സ്ത്രീയാണ് മേരി. നാട്ടിലെ എല്ലാവർക്കും ഏറെ പ്രിയങ്കരി. ഏക മകൻ എൽദോസിനെ പെണ്ണ് കെട്ടിക്കാൻ ഒന്ന് രണ്ട് കൊല്ലമായി മേരി കിണഞ്ഞു പരിശ്രമിക്കുകയാണ്. എന്നാൽ അവന് പെൺകുട്ടികളെ ഒന്നും ഇഷ്ടപ്പെടുന്നില്ല. അവനാണെങ്കിൽ ഒരു പെണ്ണ് കെട്ടി അവന് ഒരു കുടുംബം ഉണ്ടായി കാണണമെന്ന് മേരിക്ക് വല്ലാത്ത ആഗ്രഹം ആണ്. കഴിഞ്ഞകൊല്ലം ക്രിസ്മസിന്, മേരിക്ക് സൈലന്റ് അറ്റാക്ക് വന്നതോടുകൂടി, എത്രയും വേഗം അവനൊരു പെണ്ണ് കെട്ടി കാണണമെന്ന് വലിയ ആഗ്രഹമാണ്. തനിക്ക് എന്തെങ്കിലും സംഭവിച്ചാൽ മകൻ ഒറ്റയ്ക്കായി പോകുമല്ലോ എന്നുള്ള ഭയം മേരിക്കുണ്ട്. എടാ ചെറുക്കാ...കുന്നേപ്പള്ളിയുടെ അടുത്ത് നമ്മുടെ വിൻസന്റിന്റെ ഒരു ചേട്ടൻ താമസിക്കുന്നുണ്ടെന്നാ പറഞ്ഞത്. അയാൾക്കൊരു മോൾ ഉണ്ടെന്ന്, നീ ഒന്ന് പോയി അവളെ കാണ്. നല്ല പെൺകൊച്ചാന്നാ വിൻസന്റ് പറഞ്ഞത്. അവള് ഓസ്ട്രേലിയയിലോ മറ്റോ ആയിരുന്നെന്ന്. ഇപ്പോൾ അവധിക്ക് വന്നതാ. ഈ സമയത്ത് നീ ഒന്നു പോയി കാണ്, ഇഷ്ടപ്പെട്ടാൽ നമുക്കിതങ്ങ് നടത്താമല്ലോ. ശരി. അമ്മച്ചിക്ക് വേണ്ടി പോയി കാണാം. പിന്നെ ഒരു കാര്യം പറഞ്ഞേക്കാംഎനിക്കിഷ്ടമായില്ലെങ്കിൽ വിവാഹത്തിന് നിർബന്ധിക്കരുത്. ഇല്ലാ... എന്നാൽ പോയേക്കാം അവൻ ചിരിയോടെ സമ്മതിച്ചു. 🍀🍀🍀🍀🍀🍀 മോളെ ഞാൻ ഇറങ്ങുവാ കേട്ടോ. മീര പറഞ്ഞു. ഞാനും പോകുവാ അമ്മേ... അവൾ ബാഗിലേക്ക് ലഞ്ച് എടുത്ത് വച്ചുകൊണ്ട് പറഞ്ഞു. അവൾക്ക് കോളേജിലേക്ക് പോകാനുള്ള ബസ്സ് എട്ടരയ്ക്കാണ് അമ്മ പൊയ്ക്കോ സമയം പോയില്ലേ അവൾ പറഞ്ഞു. ശരി എന്നാൽ അമ്മ ഇറങ്ങുവാ. താമസിച്ചാൽ പിന്നെ അത് മതി ആ വർഗീസ് ചേട്ടന് മുഖം വീർപ്പിക്കാൻ. നീ ബസ്സിനുള്ള കാശ് എടുത്തല്ലോ അല്ലേ?? മീര ചോദിച്ചു ഉവ്വമ്മേ എടുത്തു. മീര ഇറങ്ങി. നീലയിൽ വെള്ള പൂക്കളുള്ള ചുരിദാറാണ് ദേവിക ധരിച്ചത്. നീണ്ട മുടിയിലെ നനവ് ഒന്നുകൂടെ തുടച്ച് കൊണ്ട് അലമാരിയുടെ കണ്ണാടിക്ക് മുന്നിൽ നിന്നപ്പോഴാണ് മോഹനൻ മുറിയുടെ വാതിൽക്കൽ എത്തിയത്. അതീവ സുന്ദരമായ അവളുടെ അംഗലാവണ്യം കണ്ട് അയാൾ ഒരു നിമിഷം നിന്നു. 💛💛💛💛💛 തുടരും. (ബാക്കി വായിക്കാൻ ഒരു കമന്റ് ഇട്ട്, ഫോളോ ചെയ്താൽ മതി ട്ടോ 🥰🥰) കണ്ണൂർകാരൻ 🌹🌹🌹🌹 #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ #📙 നോവൽ #📔 കഥ