Part 64 " ഗൗരി നന്ദയെ ഇതൊക്കെ ആരാ പഠിപ്പിച്ചേ " : ഒരു സംസാരത്തിന് തുടക്കം കുറിക്കാൻ എന്ന വണ്ണം അവന് നൽകിയ ജോലി ചെയ്ത് കൊണ്ട് തന്നെ തിരക്കി. " എന്ത് പഠിപ്പിച്ചത് എന്ന് " : തേങ്ങ തിരുകി കൊണ്ട് നിന്നവൾ അവന്റെ ചോദ്യം മനസ്സിലാകാത്ത പോലെ അവനെ നോക്കി ചോദിച്ചു. " ഈ പാചകവും മറ്റും ഒക്കെ. ചെയ്യുന്നതിന് എല്ലാം വേഗതയും ഉണ്ട് " : കണ്ണൻ അവന്റെ സ്ഥായി ഗൗരവത്തിൽ വിശദീകരിച്ചു. " സാഹചര്യം " : അവന്റെ ചോദ്യത്തിന് ഒന്ന് ചിരിച്ച് കൊണ്ട് അവൾ പറഞ്ഞു. അത് കേട്ടതും ഒരു നിമിഷം ചെയ്യുന്ന പണി നിർത്തി കണ്ണൻ അവളെ നോക്കി. അവന്റെ നോട്ടം കണ്ടതും അതിനൊന്ന് ചിരിച്ച് കൊടുത്ത് വീണ്ടും തിരിഞ്ഞ് നിന്ന് തേങ്ങ തിരുകാൻ തുടങ്ങി. " അമ്മ പോയതിൽ പിന്നെയാണ് സരസ്വതി ലെച്ചു ചേച്ചിയും അമ്മമ്മയും ഒക്കെ എന്റെയും അച്ഛന്റെയും ജീവിതത്തിൽ അധികാരം ഏൽക്കുന്നത്. ആദ്യം ഒക്കെ കുഴപ്പം ഉണ്ടായിരുന്നില്ല പതിയെ പതിയെ എന്റെ വിശപ്പ് മാറ്റണം എങ്കിൽ ഞാൻ അടുക്കളയിൽ കയറേണ്ട അവസ്ഥ ആയി. ആദ്യം ഒക്കെ എന്താ ചെയ്യേണ്ടേ എന്ന് പറഞ്ഞെങ്കിലും തരുമായിരുന്നു, പിന്നെ അതും ഞാൻ സ്വയം കണ്ടെത്തി ചെയ്യേണ്ടി വന്നു. അടുക്കള ഒന്ന് പരിചയം ആയി വന്നപ്പോഴേക്കും അടുക്കള മുഴുവൻ എന്റെ തലയിലാക്കി അവർ വിശ്രമിക്കാൻ തുടങ്ങി. രാവിലെ എണീക്കുമ്പോ അന്ന് എന്തൊക്കെ ഉണ്ടാകണം എന്നുള്ള ലിസ്റ്റ് പറഞ്ഞിട്ട് പോകും, അതിൽ എന്തെങ്കിലും അറിയാത്തത് ഉണ്ടെങ്കിൽ അതെങ്ങനാ എന്ന് ചോദിച്ചാൽ. കഴിക്കുമ്പോൾ ഉള്ള രുചി ഓർമയിൽ വരുത്തി ഉണ്ടാക്കിയാൽ മതിയെന്ന് പറയും. പിന്നെ ഞാൻ എങ്ങനെ എങ്കിലും അത് തയ്യാറാക്കും, ഇനി അത് കൊള്ളില്ല അല്ലെങ്കിൽ എന്തെങ്കിലും കുറവോ കൂടുതലോ ഉണ്ടെങ്കിൽ അത് ചട്ടിയോടെ എടുത്ത് കളയും എന്നിട്ട് അതിനുള്ള പഴിയും അടിയും തരും. അങ്ങനെ ഒരിക്കൽ ഇത്പോലെ മീൻ കറി ശരിയായില്ല, അങ്ങനെ മീൻ എല്ലാം നശിപ്പിച്ച് എന്നും പറഞ്ഞ് ആ കറി കളയാൻ ചെറിയമ്മ കണ്ട് പിടിച്ച സ്ഥലം എന്റെ ശരീരം ആയിരുന്നു എന്ന് മാത്രം. " : ഗൗരി നിസ്സാരം പോലെ പറഞ്ഞ് തിരുകിയ തേങ്ങയും എടുത്ത് മിക്സിക്ക് അടുത്തേക്ക് ചെന്നു. എന്നാൽ ഇതൊക്കെ കേട്ടിരുന്നവന്റെ മുഖം അപ്പാടെ കടുത്ത് പോയി. ഇതൊക്കെ പ്രദീക്ഷിച്ചതാണ് എങ്കിലും കേൾക്കുമ്പോൾ ഉള്ളിലൊരു കുത്തിവലി പോലെ തോന്നി അവന്. " പിന്നെ വേഗത അത് ആദ്യം മുതലേ ഉള്ളതാ, ഞാൻ പ്ലസ് വണ്ണിൽ ആയപ്പോഴേക്കും അടുക്കള മുഴുവൻ എന്റെ  തലയിൽ ആയിരുന്നു. രാവിലത്തേയും ഉച്ചക്കത്തെയും ഉണ്ടാക്കി വെക്കാതെ സ്കൂളിൽ പോകാൻ അമ്മമ്മ സമ്മതിക്കില്ല അങ്ങനെ രാവിലെ എണീറ്റിട്ട് ആകെ ഒരു ഓട്ടം ആണ്. ഇനി സ്കൂൾ ഇല്ലാത്ത ദിവസം ആണെങ്കിലും നേരത്തെ എല്ലാം തയാറാക്കണം എന്നിട്ട് വേണമല്ലോ അവരുടെ ബാക്കി ജോലി ഒക്കെ ചെയ്ത് തീർക്കാൻ. ഇനി സമയത്ത് തീർത്തില്ലെങ്കിൽ അന്ന് ചിലപ്പോൾ പട്ടിണി ആയെന്നും വരും " : ഗൗരി കേൾക്കാൻ ഒരാളെ കിട്ടിയത് പോലെ എല്ലാം നിസ്സാരം പോലെ പറഞ്ഞു. ഓരോന്ന് കേൾക്കുന്തോറും അവന്റെ ഉള്ളിലെ കടുപ്പം കൂടി വന്നു.  " ഗൗരി നന്ദ പട്ടിണി കിടന്നിട്ടുണ്ടോ...? " : അത്രയും കേട്ടതിൽ അവന് അറിയേണ്ടത് അതായിരുന്നു. " പട്ടിണി കിടന്നിട്ടുണ്ടോ എന്നോ എത്രയോ വെട്ടം. ചില ദിവസങ്ങളിൽ ഒരു നേരം മാത്രമേ കഴിക്കാൻ കിട്ടിയിരുന്നുള്ളു. എല്ലാം ഉണ്ടാകുന്നത് ഞാൻ ആണെങ്കിലും അതിൽ എന്തൊക്കെ കഴിക്കണം എപ്പോ കഴിക്കണം എന്നൊക്കെ തീരുമാനം എടുത്തിരുന്നത് അവരായിരുന്നു. രാവിലെ പിന്നെ ആ തിരക്കിനിടയിൽ പലപ്പോഴും കഴിക്കാറില്ല, രാത്രിയും അവർ കഴിച്ച് കഴിഞ്ഞ് ബാക്കി എന്തെങ്കിലും ഉണ്ടെങ്കിൽ മാത്രം കഴിക്കും. അങ്ങനെ പല ദിവസങ്ങളിൽ ഒരു നേരം മാത്രം ആയിരുന്നു ആഹാരം. ഇനി എന്തെങ്കിലും സ്പെഷ്യൽ ആയിട്ട് ഉണ്ടാക്കിയാലും അതൊന്നും എനിക്ക് തൊടാൻ പോലും തനിക്ക് അവകാശമില്ല. ഇനി അതിൽ എന്തെങ്കിലും കൊതി തോന്നി എടുത്ത് കഴിച്ച അന്ന് പിന്നെ പട്ടിണിയും, പിന്നെ കഴിച്ചത് ഒക്കെ ദഹിക്കാനായി ഉള്ള പണി എടുപ്പിക്കലും ആയിരിക്കും. വിറക് കീറലും, മണ്ണ് വെട്ടലും ഒക്കെ അത് കൊണ്ട് എന്തെങ്കിലും കാര്യം ഉണ്ടോ ഇല്ല വെറുതെ എന്നെ ഇട്ട് പണി എടുപ്പിക്കാൻ അത്ര തന്നെ. ഒരിക്കൽ ഇത് പോലെ ലെച്ചു ചേച്ചി പറഞ്ഞിട്ട് അച്ഛൻ ചെമ്മീൻ വാങ്ങി കൊണ്ട് വന്നു. അത് ഉണ്ടാക്കി അതിന്റെ മണം അടിച്ച് കൊതി കാരണം ഞാൻ ഒരെണ്ണം എടുത്ത് കഴിച്ചു അത് കണ്ടോണ്ട് വന്നതോ ലെച്ചു ചേച്ചിയും പിന്നെ പറയണ്ടല്ലോ ചെറിയമ്മയുടെയും അമ്മമ്മയുടെയും ചെവിയിൽ എത്താൻ അധിക സമയം വേണ്ടി വന്നില്ല. പിന്നെ അവരുടെ ഭക്ഷണത്തെ കൊതി വിട്ട് എന്നും പറഞ്ഞ് അന്ന് മുഴുവനും പട്ടിണി ആയിരുന്നു. രാത്രി അത്രയും വിശന്നിട്ട് ചെന്നപ്പോ ഞാൻ കഴിക്കാതെ ഇരിക്കാൻ വേണ്ടി ബാക്കി വന്നതൊക്കെ എടുത്ത് കളഞ്ഞ് കാലി പാത്രം മാത്രം വെച്ചിരുന്നു. വിശപ്പ് നന്നായി ഉണ്ടായിരുന്നു എങ്കിലും കഴിക്കാൻ ഒന്നും ഇല്ലാഞ്ഞിട്ട് വന്ന് കിടന്നതാ ഞാൻ, രാത്രി ഇടക്ക് എപ്പോഴോ വിശപ്പ് കൂടിയതും എന്തെങ്കിലും കഴിക്കാൻ ഉണ്ടോ എന്ന് നോക്കാൻ വന്നതാണ് അടുക്കളയിൽ. കളയാൻ വെച്ചിരുന്ന തലേന്നത്തെ പുളിച്ച ചോർ മാത്രേ ഉണ്ടായിരുന്നുള്ളു. അവരുടെ സമ്മതം ഇല്ലാതെ ഇനി ചോദിക്കാതെ എന്തെങ്കിലും ഉണ്ടാക്കിയിട്ട് നാളെയും കൂടി പട്ടിണിക്ക് ഇടുമോ എന്ന് പേടിച്ച് മറ്റൊന്നും ചിന്തിക്കാതെ ആ ചോറ് തന്നെ കഴിക്കാനായി എടുത്തു. ചെറിയൊരു നാറ്റം ഉണ്ടായിരുന്നു എങ്കിലും ഞാൻ ഇന്ന് വരെ കഴിച്ചതിൽ രുചിയുള്ള ഭക്ഷണം അതായിരുന്നു എന്ന് പറയും. കഴിക്കുന്നതിന്റെ അളവോ നേരമോ കാലമൊ ഒന്നും നോക്കാതെ അന്ന് ആദ്യമായി ഞാൻ എന്റെ വയർ നിറയുന്ന വരെ കഴിച്ചു. ബാക്കി അവിടെ മാറ്റി വെച്ച് പോയി കിടന്നു. പക്ഷെ പിറ്റേന്ന് കണ്ണ് തുറന്നത് ആശുപത്രിയിൽ ആയിരുന്നു എന്ന് മാത്രം. ഫുഡ്‌ പോയ്സൺ ആയതാണെന്ന് ഡോക്ടർ കാര്യം തിരക്കിയപ്പോൾ ചെറിയമ്മ എന്തൊക്കെയോ കള്ളം തട്ടി വിട്ടിട്ടുണ്ടായിരുന്നു. വീട്ടിൽ വന്നിട്ട് ദേഹോപദ്രവം ഒന്ന് ചെയ്തില്ലെങ്കിലും കണ്ണ് പൊട്ടുന്ന ചീത്ത കേട്ടു എനിക്ക്. പക്ഷെ അത് കൊണ്ട് എന്താ അതിൽ പിന്നെ വയർ നിറഞ്ഞില്ലെങ്കിലും പട്ടിണി കിടക്കേണ്ടി വന്നിട്ടില്ല. " : സ്ലാബിൽ കൈ രണ്ടും ചേർത്ത് നിന്ന് കൊണ്ട് ഒരു ഇളം ചിരിയോടെ അവനോട് അത്രയും പറഞ്ഞ് കൊണ്ട് അവൾ ചമ്മന്തി അരക്കാൻ തിരിഞ്ഞു. എന്നാൽ ഗൗരി പറഞ്ഞ കാര്യങ്ങൾ ഒക്കെ കേട്ട് തറഞ്ഞ് ഇരിക്കുവാണ് കണ്ണൻ. കണ്ണോന്ന് ചിമ്മാൻ പോലും അവന് സാധിച്ചില്ല. കേട്ട കാര്യങ്ങളുടെ പകപ്പിൽ നിന്ന് അവന് മുക്തി നേടാൻ കഴിഞ്ഞില്ല. അവളും കാണുന്നുണ്ടായിരുന്നു അവന്റെ ആ ഇരുപ്പും നോട്ടവും ഒക്കെ. കേട്ട കാര്യങ്ങളുടെ പകപ്പിലാണ് കണ്ണൻ എന്ന് അവളും ഊഹിച്ചു. അതിനും ഒരു ചിരി ആയിരുന്നു അവളിൽ നിന്ന് വന്നത്. ഒപ്പം ആദ്യാമായി ഇതൊക്കെ മനസ്സ് തുറന്ന് ഒരാളോട് പറയാൻ കഴിഞ്ഞ സന്തോഷവും. വീണ്ടും ഏറെ നേരം എടുത്തു അവൻ സ്വബോധത്തിലേക്ക് എത്താൻ. മുന്നിൽ ഓരോ പണിയിൽ ഏർപ്പെട്ട് നിൽക്കുന്നവളോട് ആ നിമിഷം അതിയായ സ്നേഹവും വാത്സല്യവും സഹതാപവും സങ്കടവും ഒക്കെ തോന്നി പോയി അവന്. " ഇതൊന്നും അച്ഛനോട് പറയാഞ്ഞതെന്താ...? " : പിന്നെയും നിമിഷങ്ങൾ കടന്ന് പോയതും അവൻ തിരക്കി. " അങ്ങനെ പറയാൻ കഴിയുമായിരുന്നു എങ്കിൽ ഇന്ന് ഞാൻ ഇവിടെ ഇങ്ങനെ നിൽക്കില്ലായിരുന്നല്ലോ " : ജോലിക്ക് ഇടയിൽ തന്നെ അവനുള്ള മറുപടി നൽകി അവൾ. അതിൽ നിന്ന് തന്നെ അവന് വേണ്ടുന്ന മറുപടി കിട്ടിയിരുന്നു. വീണ്ടും എന്താല്ലാമോ ചിന്തിച്ച് കുറച്ച് സമയം അവളെ മാത്രം നോട്ടം ഇട്ട് നിന്ന്, പതിയെ തലയൊന്ന് കുടഞ്ഞ് ആഞ്ഞ് ശ്വാസം വലിച്ച് വിട്ടു അവൻ. " ഗൗരി നന്ദ എത്ര നാളായിട്ട് നൃത്തം പഠിക്കുന്നുണ്ട്...? " : വിഷയം മാറ്റാൻ എന്നവണ്ണം കണ്ണൻ തിരക്കി. അവന്റെ ആ ചോദ്യം കേട്ടതും അവളുടെ കണ്ണോന്ന് തിളങ്ങി. മുറിച്ച് കൊണ്ട് ഇരുന്ന പച്ചക്ക നിറച്ച പാത്രവുമായി കണ്ണനിൽ നിന്ന് അഞ്ചടി മാറി നിലത്തേക്ക് ഇരുന്നു. " എനിക്ക് അഞ്ചു വയസ്സുള്ളപ്പോഴാണ് അമ്മ എന്നെ നൃത്തം പഠിപ്പിക്കുന്നത്. അമ്മ നന്നായി നൃത്തം ചെയ്യുമായിരുന്നു. ഇവിടെ അടുത്തുള്ള പിള്ളേരെയും ഒക്കെ പഠിപ്പികുമായിരുന്നു. അമ്പലത്തിന് അടുത്തുള്ള സ്റ്റേജ് ഇല്ലേ അവിടെയാ അമ്മ പഠിപ്പിച്ചിരുന്നേ " : അവനോട് ഒരു ചോദ്യം enna പോലെ ചോദിച്ച് കൊണ്ട് അവൾ അവളുടെ പണി തുടർന്നു. അതിന് അറിയാം എന്ന പോലെ അവൻ തലയാട്ടി അവനും അരി നോക്കാൻ തുടങ്ങി. അവളുടെ ആ ഇരിപ്പും സംസാരവും ഒക്കെ അവനും ഇഷ്ടാമാവുന്നുണ്ടായിരുന്നു. ഒപ്പം പറയുമ്പോൾ ഉള്ള അവളുടെ ആവേശവും സന്തോഷവും ഒക്കെ അവന് തിരിച്ചറിയാൻ കഴിഞ്ഞിരുന്നു. " എന്നും വൈകിട്ട് ആണ് അമ്മ ക്ലാസ്സ്‌ എടുക്കുന്നെ. ഞാൻ സ്കൂളിൽ നിന്ന് വന്നിട്ട് ഞങ്ങൾ രണ്ട് പേരും ഒരുമിച്ചാണ് ക്ലാസ്സ്‌ എടുക്കാൻ പോകുന്നെ. അമ്മ പഠിപ്പിക്കുന്നത് കണ്ടിട്ട് ആണോ അതോ അവരൊക്കെ നൃത്തം ചെയ്യുന്നത് കണ്ടിട്ടോ എനിക്ക് ഉള്ളിലും നൃത്തം വർണ്ണം വെച്ച് തുടങ്ങി. അങ്ങനെ എന്റെ നിർബന്ധം കൊണ്ട് അമ്മ തന്നെയാ എന്റെ അഞ്ചാമത്തെ വയസ്സിൽ എനിക്ക് ചിലങ്ക കെട്ടി തന്നത്. അമ്മ പോയതിൽ പിന്നെ ഞാൻ ഉപേക്ഷിച്ചത് ആയിരുന്നു പിന്നെ സ്കൂളിൽ ഡാൻസ് ക്ലാസ്സ്‌ വന്നപ്പോൾ വീണ്ടും തുടങ്ങി. അമ്മക്ക് അറിയപ്പെടുന്ന ഒരു നർത്തകി ആകണം എന്നായിരുന്നു ആഗ്രഹം പക്ഷെ അച്ഛൻ വിട്ടില്ല. കുട്ടികളെ പഠിപ്പിക്കാൻ അല്ലാതെ ഇവുടെ അമ്പലത്തിൽ പോലും അമ്മ നൃത്തം ചെയ്യുന്നത് അച്ഛന് ഇഷ്ടമല്ലായിരുന്നു. പക്ഷെ എന്നെ വിടുമായിരുന്നു. അമ്മ എപ്പോഴും പറയുമായിരുന്നു ഞാൻ വലുതായിട്ട് അറിയപ്പെടുന്ന ഒരു നർത്തകി ആകണം എന്ന് അമ്മയുടെ ആഗ്രഹം ഇനി ഞാൻ വേണം നടത്തി കൊടുക്കാൻ എന്നൊക്കെ. പക്ഷെ ഇനി അതൊക്കെ നടക്കുമോ എന്ന് അറിയില്ലല്ലോ " : ആദ്യം നല്ല ഉത്സാഹത്തോടെ പറഞ്ഞ് വന്നവൾ അവസാനം കണ്ണനെ ഇടങ്കണ്ണിട്ട് നോക്കി ഒരു നിശ്വാസത്തോടെ പറഞ്ഞ് നിർത്തി. പെട്ടെന്നുള്ള അവളുടെ ആ ഭവമാറ്റം അറിഞ്ഞ് അവനും നെറ്റി ചുളിച്ച് സംശയത്തോടെ അവളെ നോക്കി. " അതെന്താ അറിയാത്തെ....? " : കണ്ണൻ അതെ സംശയത്തോടെ തിരക്കി. ഇനി ഇതിനും ഗൗരിയുടെ വീട്ടുകാർ എന്തെങ്കിലും എതിർപ്പ് കാട്ടിയോ എന്ന് അറിയില്ലല്ലോ. അത് ഓർത്തതും അവന്റെ മുഖം ഗൗരവത്തിലായി. തുടരും........ എനിക്ക് ക്ലാസ്സ്‌ തുടങ്ങിയെ അത് കൊണ്ട് ഇനി ഒന്നിടവിട്ട് ഒക്കെ കഥ പ്രദീക്ഷിച്ച മതിയേ ❤️🙂 എങ്കിലും പറ്റുമ്പോൾ ഒക്കെ ഞാൻ എഴുതി ഇടാൻ ശ്രെമിക്കവേ 🫣❤️ പിന്നെ pratilipi ഉള്ളവർ അതിലും കൂടി ഒന്ന് support ചെയ്യണേ 🙂 #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love #trending