ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aNNBpnx?d=n&ui=v64j8rk&e1=cമന്ത്രകോടി പാർട്ട്‌ :39💚🌺 ഗൗതം മനസ്സിലെന്തോ കണക്ക് കൂട്ടിയത് പോലെ മഹിയേയും സഞ്ചു വിനേയും നോക്കി...... ശേഷം രക്ഷപ്പെടാനുള്ള തുമ്പ് കിട്ടിയത്പോലെ നിൽക്കുന്ന മെറിനേയും..... മിസ്റ്റർ മഹി...... ഗൗതം തിരിഞ്ഞു നിൽക്കുന്നവനെ നോക്കി വിളിച്ചു. മഹി പെട്ടന്ന് തിരിഞ്ഞു നോക്കി കൂടെ സഞ്ചുവും മറ്റുള്ളവരും...... മെറിന്റ വയറ്റിലൊരു കുഞ്ഞുള്ളത് കൊണ്ട് മാത്രമല്ലെ താൻ അവളെ രക്ഷിക്കാൻ ശ്രമിക്കുന്നത് ....... എന്നാൽ.... അത് തന്റെ കുഞ്ഞല്ലെന്ന് ഞാൻ പറഞ്ഞാൽ താനിവളെ രക്ഷിക്കുമോ??? ഗൗതം പറയുന്നത് കേട്ട് മഹി നെറ്റി ചുളിച്ചു. അവന്റെ യാ നോട്ടം കണ്ടപ്പോഴേ പറഞ്ഞതെന്തെന്ന് മഹിക്ക് മനസ്സിലായില്ലെന്ന് ഗൗതമിന് തോന്നി...... എന്താ....... മഹി ഗൗതമിനെ സംശയത്തോടെ നോക്കി..... ഈ നിൽക്കുന്നവളുടെ വയറ്റിൽ വളരുന്നത് നിങ്ങളുടെ കുഞ്ഞല്ല എന്ന് ഞാൻ പറഞ്ഞാൽ നിങ്ങൾ വിശ്വസിക്കുമോയെന്ന്? ഗൗതം വീണ്ടും ചോദ്യം ആവർത്തിച്ചു. അവൻ പറയുന്നത് കേട്ടതും മഹി ഞെട്ടിത്തരിച്ചു പോയി...... മെറിന്റ അവസ്ഥയും വിഭിന്നമല്ല. ഗൗതം പറഞ്ഞതെന്തെന്ന് കേട്ടതും ശ്വാസം പോലും നിലച്ച അവസ്ഥയിലാണവൾ. ഇപ്പോഴോ ഒരിക്കൽ.....ഒരു ഫോൺ സംഭാഷണത്തിനിടയിൽ മഹിയോടുള്ള അനിഷ്ടത്തിൽ തന്റെ വായിൽ നിന്ന് അറിയാതെ വീണുപോയ ഒന്ന്...... പലതവണ നാവിനെ പഴിച്ചിട്ടുണ്ട് ഈ ലോകത്തിൽ തനിക്ക് മാത്രമറിയുന്ന രഹസ്യം അറിയാതെ ഗൗതമിനോട് പറഞ്ഞുപോയതിൽ. എന്നാൽ നിസാരമായി സംസാരിച്ച് കളഞ്ഞ അവൻ ഇത് ഓർത്തു വച്ച് തന്നെ കുരുക്കുമെന്ന് സ്വപ്നത്തിൽ പോലും ചിന്തിച്ചില്ല. ഒരു നിമിഷം പേടിയും ഭയവും കൊണ്ടവളുടെ ശരീരം കിടുങ്ങി കൈകൾ വിറച്ചു...... ചെന്നിയിൽ നിന്ന് വിയർപ്പ് കണങ്ങൾ താഴേക്ക് പാഞ്ഞൊഴുകി..... അവൾ പെട്ടന്ന് മഹിയെ നോക്കി....... കേട്ട വാർത്തയിൽ ഹൃദയം നിലച്ച് നിൽക്കുകയാണവൻ...... ഗൗതമിൽ നിന്ന് നോട്ടം മാറ്റി തന്നെ ഉറ്റുനോക്കി നിൽക്കുകയാണവൻ. അടുത്ത് നിൽക്കുന്ന സഞ്ചു നെഞ്ചിൽ കൈ കെട്ടി കാഴ്ചക്കാരനായി നിൽക്കുകയാണ്. എന്താ മഹി ഞാൻ പറഞ്ഞത് വിശ്വാസമായില്ലേ...... ഗൗതം ഒരു പരിഹാസച്ചുവയോടെ ചോദിച്ചു? ഭാര്യയുടെ ഞെട്ടി നിൽക്കുന്ന മുഖം കണ്ടാലേ അറിയില്ലേ ഞാൻ പറഞ്ഞത് സത്യമാണെന്ന്..... ഗൗതം അത്‌ പറഞ്ഞതും മഹി അവളെ തന്നെ ഉറ്റുനോക്കുകയാണ്..... അവന്റ മനസ്സിൽ എന്താണെന്ന് അവിടെ നിൽക്കുന്ന ആർക്കും മനസ്സിലാകുന്നുണ്ടായിരുന്നില്ല. മഹ്..... മഹീ....... കള്ളമാണ്......... പച്ചക്കള്ളമാണ്....... മഹി എന്നെ ഈ കേസിൽ നിന്ന് രക്ഷപ്പെടുത്തുമെന്ന് മനസ്സിലായപ്പോൾ അവൻ കള്ളങ്ങൾ മെനയുകയാണ്..... ഉള്ളിലെ വിറയലും പേടിയും മാറ്റിവച്ച് മെറിൻ വീറോടെ വിളിച്ച് പറഞ്ഞതും ഗൗതമൊന്ന് പുച്ഛത്തോടെ ചുണ്ട് കോട്ടി..... കള്ളാമോ? ഞാൻ കള്ളം പറയുകയാണെന്ന് തോന്നുന്നുണ്ടോ മഹി....... അവൻ മഹിക്ക് നേരെ തിരിഞ്ഞു..... മെറിനെ ഒരു തരിമ്പു പോലും വിശ്വാസമില്ല. അതുകൊണ്ട് തന്നെ മഹിയുടെ ഉള്ളം ഒരു നടുക്കത്തോടെ മാറി ചിന്തിച്ചു. പക്ഷേ ഉള്ളിലെ നെരിപ്പോട് മുഖത്ത് കാണിക്കാതെ അവൻ മെറിനെ നോക്കി...... അവൾക്ക് നേരെ വന്ന ആരോപണത്തെ ശക്തമായി എതിർക്കുകയാണവൾ. ഗൗതം ആവശ്യമില്ലാതെ എന്റെ വയറ്റിൽ വളരുന്ന കുഞ്ഞിനെക്കുറിച്ച് പറയരുത്. തെളിവില്ലാതെ ഇങ്ങനെ ഒരു കാര്യം പറയാൻ മാത്രം ഞാൻ മണ്ടനല്ല മെറിൻ. അവളെ നോക്കി അവൻ പറഞ്ഞതും മെറിനൊന്ന് നെറ്റി ചുളിച്ചു..... എന്ത് തെളിവാണവൻ കാണിക്കാൻ പോകുന്നത് .... മഹി ഗൗതമിനെ തന്നെ നോക്കുകയാണ്...... സർ എന്റെ ഫോൺ ഒന്ന് തരാമോ? സഞ്ചുവിനെ നോക്കി അവൻ ചോദിച്ചു? സഞ്ചു പിസി യെ വിളിപ്പിച്ച് ഗൗതമിന്റെ ഫോൺ എടുപ്പിച്ചു..... ശേഷം അവന്റെ കൈയിലേക്ക് കൊടുത്തു..... ഗൗതം ഫോൺ ഓപ്പൺ ചെയ്ത് കോൾ റെക്കോഡിലേക്ക് കയറി..... അവനെ നോക്കി നിന്ന മഹിയുടെ ഉള്ളം കേൾക്കാൻ പാടില്ലാത്തതെന്തോ കേൾക്കാൻ പോകുകയാണെന്ന് പറയുമ്പോൾ മെറിന്റ ഹൃദയം എല്ലാം അവസാനിക്കാൻ പോകുകയാണെന്ന് അലറി വിളിക്കുക യായിരുന്നു. ആ നിമിഷം തന്നെ ഗൗതം ഒരു ഓഡിയോ പ്ലേ ചെയ്തു. കുറച്ച് സ്കിപ് ചെയ്ത് കളഞ്ഞതിന് ശേഷം അവൾ ആ രഹസ്യം പറയുന്ന കറക്റ്റ് പോർഷൻ അവരെ കേൾപ്പിച്ചു....... ""'''ഇത് മഹിയുടെ കുഞ്ഞല്ല. എന്റെ കെവിന്റ കുഞ്ഞാണ്...... കെവിൻ ഇന്നീ ലോകത്തില്ലെങ്കിലും ...... ഈ കുഞ്ഞ് മാത്രമാണ് അവന്റെ ഓർമ്മകൾ തരുന്നത്."""" മെറിന്റെ ശബ്ദം അവസാനിച്ചതും. ഗൗതം ഫോൺ കോൺസ്റ്റബിളിന് തിരികെ നൽകി അവിടെ കാഴ്ചക്കാരായി നിന്ന എല്ലാവരേയും നോക്കി. തന്റെ കുഞ്ഞല്ല അവളുടെ വയറ്റിൽ വളരുന്നതെന്ന് അവൾ തന്നെ പറയുന്നത് കേട്ടതും മഹിയുടെ ഹൃദയം തകർന്നു. കണ്ണുകൾ നിമിഷനേരം കൊണ്ട് നിറഞ്ഞു..... അവന്റെ ഉള്ളം അലറി വിളിച്ചു..... മെറിൻ എല്ലാം നഷ്ടപ്പെട്ടവളെ പ്പോലെ നിന്നു. ഇനി ഒന്ന് മിണ്ടാനോ തർക്കിക്കാനൊ കഴിയാത്ത രീതിയിൽ ഗൗതം അവസാനത്തെ ആണിയാണടിച്ചത്. സഞ്ചു എല്ലാം കണ്ടു നിന്നതേ യുള്ളൂ...... കേസുമായി ബന്ധപ്പെട്ട കാര്യം അല്ലെങ്കിലും ഇങ്ങനെ ഒന്ന് മഹിയുടെ ജീവിതത്തിൽ പ്രധീക്ഷിച്ചതേയില്ല. മഹി ഒരു നിമിഷം മെറിന്റെ അരികിലേക്ക് വന്നു...... അവന്റെ ഓർമ്മകൾ കുറച്ച് പിന്നിലേക്ക് ചലിച്ചു. മുംബൈയിൽ ഒരു പ്രമുഖ കമ്പിനിയിൽ വർക്ക്‌ ചെയ്തിരുന്ന സമയമാണ് മെറിനെ പരിചയപ്പെടുന്നത്. ആരോടും വലിയ ഫ്രണ്ട്‌ഷിപ് ഒന്നുംഇല്ലായിരുന്നു. ആ സമയമാണ് മെറിൻ ഇങ്ങോട്ട് വന്ന് പരിജയപ്പെടുകയും ഒരു ഫ്രണ്ട്‌ഷിപ് ഉണ്ടാക്കുകയും ചെയ്തത്. പരമാവധി ഒഴിഞ്ഞു നിൽക്കാൻ ശ്രമിച്ചെങ്കിലും അവൾ വിടാതെ പിടിക്കുകയായിരുന്നു. പതിയെ താനും അവളിലേക്ക് അടുത്തു...... ആദ്യം സൗഹൃദം പിന്നെ പ്രണയം... പതിയെ ഒരു ഫ്ലാറ്റിലായി ജീവിതം. അത് മെറിന്റെ വാശിയായിരുന്നു...... പ്രണയത്തിൽ കുടുങ്ങിപ്പോയത് കൊണ്ട് തന്നെ എല്ലാം സമ്മതിച്ചു കൊടുത്തു. എത്രയൊക്കെ അടുത്ത് ജീവിച്ചിട്ടും ശരീരം പങ്ക് വച്ചുള്ളൊരു ജീവിതത്തിൽ നിന്ന് മാറി നിന്നിട്ടേ ഉണ്ടായിരുന്നുള്ളൂ...... അങ്ങനൊരു സന്ദർഭം എപ്പോൾ വന്നാലും നമുക്ക് കല്യാണം കഴിക്കാം മെറിൻ എന്നിട്ടാകാം എന്ന് മാത്രമേ അവളോട് പറഞ്ഞിട്ടുള്ളൂ. പക്ഷേ അവൾക്ക് അവനെ അറിയണമെന്നുള്ള മോഹമായിരുന്നു. എപ്പോഴോ ഒരിക്കൽ അതും സംഭവിച്ചു. അതോടെ മെറിനെ വിവാഹം കഴിക്കാനുള്ള ആഗ്രഹം വീട്ടിൽ പറയാൻ ഒരുങ്ങുകയായിരുന്നു മഹി....... എന്നാൽ മെറിൻ സമ്മതിക്കുന്നുണ്ടായിരുന്നില്ല. ഇപ്പോൾ വേണ്ട മഹി കുറച്ച് കഴിയട്ടെ...... എന്റെ വീട്ടിൽ ഞാൻ ഒന്ന് സംസാരിക്കട്ടെ എന്നായിരുന്നു അവളുടെ മറുപടി. താനത് സമ്മതിച്ചു കൊടുത്തു. കുറച്ച് നാൾ കഴിഞ്ഞപ്പോൾ അന്നുവരെ ഇല്ലാതിരുന്ന കുറച്ച് പ്രശ്നങ്ങൾ ഞങ്ങൾക്കിടയിൽ ഉണ്ടായിതുടങ്ങി. ഓരോന്നിനും തുടക്കം കുടിക്കുന്നത് അവൾ തന്നെയാണ്.... പതിയെ പതിയെ അത്‌ മുറുകി...... ഒരിക്കൽ വലിയൊരു പൊട്ടിത്തെറിയോടെ ഫ്ലാറ്റിൽ നിന്ന് ഇറങ്ങിപ്പോയവൾ.... അന്ന് എല്ലാം അവസാനിപ്പിച്ചു പോകുകയാണ് ഇനി നമ്മൾ പരസ്പരം കാണില്ല എന്നായിരുന്നു അവളുടെ മറുപടി..... പക്ഷെ അത്രയും ആത്മാർത്ഥയോടെ പ്രണയിച്ചത് കൊണ്ടാകണം അത്രയും വേദനയോടെ അവളുടെ പിന്നാലെ ചെന്നു. പക്ഷേ അവൾ നിന്നില്ല. പ്രശ്നങ്ങൾ പറഞ്ഞു തീർക്കാൻ ഒരവസരം തന്നില്ല. ദിവസങ്ങൾ കഴിഞ്ഞു. തന്റെ നമ്പർ ബ്ലോക്ക്‌ ചെയ്തു അവളെ കോണ്ടാക്ട് ചെയ്യാൻ ഒരു വഴിയില്ലാതായി.... നാട്ടിൽ നിന്ന് വിവാഹകാര്യം പറഞ്ഞ് അമ്മയുടെ കാൾ നിരന്തരമായി തുടങ്ങി.... മെറിനുമായുള്ള കല്യാണം നടത്തണമെന്ന ആഗ്രഹമായിരുന്നു ഉള്ളിൽ..... പക്ഷേ എന്നെന്നേക്കുമായി ഇട്ടെറിഞ്ഞു പോയതാണവളെന്നു മനസ്സിലായപ്പോൾ..... താനെന്തിന് സ്നേഹമില്ലാതെ തന്നെ ഉപേക്ഷിച്ചു പോയവളെ കാത്തിരിക്കണം എന്ന് തോന്നി. അവൾക്ക് വേണ്ടത് കുറച്ച് നാളത്തേക്ക് ഒരു ലിവിങ് റിലേഷൻ ആയിരുന്നു എന്നും തോന്നി . അതോടെ അമ്മ ഉറപ്പിച്ച കല്യാണത്തിന് സമ്മതം മൂളി കല്യാണത്തിന്റെ തലേ ദിവസം നാട്ടിലെത്തി. എന്നാൽ അന്ന് തന്നെയാണ് അവളുടെ കാൾ തന്നെ തേടി എത്തുന്നത്. അവൾ പ്രെഗ്നന്റ് ആണ്...... ഒന്നര മാസത്തോളം കുഞ്ഞിന് വളർച്ചയുണ്ട്. വീട്ടിൽ അറിഞ്ഞു..... പിടിച്ചു നിൽക്കാൻ കഴിയുന്നില്ല.... നമ്മുടെ കുഞ്ഞാണ്..... നശിപ്പിക്കാൻ കഴിയുന്നില്ല..... അതോടെ എന്ത് ചെയ്യണമെന്നറിയതായി. അവളുടെ കരച്ചിൽ തന്നെ വല്ലാതെ വീർപ്പു മുട്ടിച്ചു..... പിന്നെ തീരുമാനിച്ചുറപ്പിച്ചപോലെ ഭാമയുമായുള്ള കല്യാണത്തിൻ നിന്നും പിന്മാറിയുള്ള രക്ഷപ്പെൽ...... അവനൊരു നിശ്വാസത്താലേ ഓർത്തു..... കുറച്ച് നിമിഷങ്ങൾ കൊണ്ട് ഒരു ചിത്രം പോലെ ഓരോ നിമിഷങ്ങളും മഹിയുടെ മനസ്സിലൂടെ കടന്നുപോയി. മഹി...... സഞ്ചു പിന്നിൽ നിന്ന് വിളിച്ചതും മഹി ഞെട്ടി ഒന്നവനെ നോക്കി ശേഷം തനിക്ക് മുന്നിൽ മുഖം കുനിച്ചു നിൽക്കുന്നവളേയും. ഇനി മഹിയെന്താണ് ചെയ്യാൻ പോകുന്നതെന്ന് അറിയാതെ അവളുടെ മുഖം ഭയം കൊണ്ട് വിളറിപ്പോയിരുന്നു. ഇതുവരെ അവനെ പറ്റിച്ചത് പോലെയല്ല. ഇക്കാര്യത്തിൽ അവൻ തന്നോട് ഒരിക്കലും ക്ഷമിക്കില്ല. വന്റെ മുറുകിയ മുഖത്തേക്ക് നോക്കാൻ അവൾക്ക് പേടി തോന്നി..... കൈ വിരലുകൾ പരസ്പരം പിണച്ച് കുരുക്കിട്ട് നിലത്തേക്ക് നോക്കി നിന്നവൾ തുടരും. 💚🌺 കസിന്റെ കല്യാണമായിരുന്നു അതാ ലേറ്റ് ആയെ. നെക്സ്റ്റ് പാർട്ട്‌ നാളെ തരാം. കണ്ണൂർകാരൻ 🌹🌹🌹🌹🌹 #✍ തുടർക്കഥ #📔 കഥ #💞 പ്രണയകഥകൾ #📙 നോവൽ #📚 ട്വിസ്റ്റ് കഥകൾ