*గ్రామీణ ఆరోగ్యం – పోషణకు అంగన్వాడీ సిబ్బందే బలమైన అస్తంభం… ఎమ్మెల్యే జారె* 10.04.2026 – శుక్రవారం కొత్తగూడెం జిల్లా కలెక్టర్ కార్యాలయంలో రాష్ట్ర పంచాయతీ రాజ్ & గ్రామీణ అభివృద్ధి, గ్రామీణ నీటి సరఫరా, మహిళా శిశు సంక్షేమ శాఖల *మంత్రివర్యులు శ్రీమతి ధనసరి సీతక్క (అనసూయ)* గారి సమక్షంలో, జిల్లా కలెక్టర్ అంకిత్ గారి అధ్యక్షతన అంగన్వాడీ టీచర్లకు ప్రభుత్వం ఉచితంగా అందజేస్తున్న స్మార్ట్ ఫోన్ల పంపిణీ కార్యక్రమం ఘనంగా జరిగింది. ఈ కార్యక్రమానికి అశ్వారావుపేట నియోజకవర్గ గౌరవ *ఎమ్మెల్యే జారె ఆదినారాయణ గారు, పినపాక ఎమ్మెల్యే పాయం వెంకటేశ్వర్లు* గారితో కలిసి ముఖ్య అతిథులుగా హాజరయ్యారు. ఈ సందర్భంగా ఎమ్మెల్యే జారె మాట్లాడుతూ— గ్రామాల్లో చిన్నారులు, గర్భిణీలు, బాలింతల ఆరోగ్యం మరియు పోషణ పరిరక్షణలో అంగన్వాడీ సిబ్బంది చేస్తున్న సేవలు అమూల్యమని తెలిపారు. ప్రభుత్వం అందజేస్తున్న స్మార్ట్ ఫోన్లు వారి సేవలకు టెక్నాలజీతో కూడిన కొత్త బలం ఇస్తాయని పేర్కొన్నారు. పిల్లల ఆరోగ్యం, పోషణ, విద్యకు సంబంధించిన వివరాలను వేగంగా నమోదు చేసి ప్రభుత్వానికి చేరవేయడం ద్వారా సేవల నాణ్యత మరింత మెరుగుపడుతుందని అన్నారు. గ్రామీణ మహిళా శిశు సంక్షేమంపై ప్రభుత్వం ప్రత్యేక దృష్టి సారిస్తూ పలు సంక్షేమ పథకాలను అమలు చేస్తోందని, వాటి విజయవంతమైన అమలులో అంగన్వాడీ సిబ్బంది కీలక పాత్ర పోషిస్తున్నారని కొనియాడారు. అందజేసిన స్మార్ట్ ఫోన్లను సమర్థంగా వినియోగించి ప్రజలకు మరింత మెరుగైన సేవలు అందించాలని సూచించారు. #🏛️రాజకీయాలు #🌍నా తెలంగాణ #🔹కాంగ్రెస్ #కాంగ్రెస్ పార్టీ తెలంగాణ #కాంగ్రెస్