ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mA3xBD1?d=n&ui=v64j8rk&e1=cബ്ലൂ ഐസ് (പാർട്ട് 68) ജെയിംസ്, അമറിന്റെ അംഗരക്ഷകരെ വെളിയിലാക്കിയതും പോത്തന്റെ മുഖം അതീവ ഗൗരവമാർജ്ജിച്ചു. “അമർ... ഇനി ഞാൻ പറയാൻ പോകുന്നത് ശ്രദ്ധിച്ചു കേൾക്കണം. കൃത്യായിട്ട് എന്റെ ഇൻസ്ട്രക്ഷൻസ് ഫോളോ ചെയ്താൽ നിനക്കൊരപകടോം ഒണ്ടാകാതെ ഞാൻ നോക്കിക്കോളാം.” അമർ തലയാട്ടി. “അധികം ടെൻഷനടിക്കണ്ട കാര്യമൊന്നുമില്ല. ജസ്റ്റ് നീ നിന്റെ ഫോണെടുത്ത് വാൾട്ടറിനെയൊന്ന് വിളിക്കണം. എന്നിട്ട് ‘ബഡി’ നിന്റെ കൂടെയുണ്ടെന്നു പറയണം. അത്രേയുള്ളൂ കാര്യം. പറയണ്ടതെല്ലാം ഞങ്ങൾ എഴുതിവെച്ചിട്ടുണ്ട്.” സൂപ്പർ സ്റ്റാർ ഞെട്ടി മുഖമുയർത്തി. “ഞങ്ങൾക്കാർക്കും അവനെ വിളിക്കാൻ നിർവ്വാഹമില്ലെന്നറിയാമല്ലോ. അതുകൊണ്ടു മാത്രമാണ് നിന്നെ കൊണ്ടുവന്നെ. അവൻ നിന്റെ വല്യ ദോസ്താണെന്ന് നീ തന്നെ പറഞ്ഞല്ലോ.” “ഞങ്ങളു തമ്മി ഇപ്പ പഴയപോലെ...” അമർ കിതച്ചു. “അതൊന്നും ഇവിടെ പ്രസക്തമല്ല.” പോത്തൻ ഒന്നിളകികിയിരുന്നു. “അവരെ നമുക്ക് നമ്മുടെ സൗകര്യത്തിന് എവിടേയ്ക്കെങ്കിലും എത്തിച്ചേ മതിയാകൂ. ക്രേസി 9 ഗ്യാങ്ങ് ഇനി കേരളം വിട്ടു പോകരുത്! മനസ്സിലാകുന്നുണ്ടോ ?“ ”നിങ്ങളിത്രേം പേരെക്കൊണ്ട് എന്തുചെയ്യാൻ പറ്റും സർ ? ഡു യു നോ ഹൂ ദേ ആർ ?“ അവന്റെ കണ്ണുകൾ തുറിച്ചു വന്നു. ”അത് നീ ഞങ്ങക്ക് വിട്. രണ്ടും കൽപ്പിച്ചു തന്നെയാ. എന്തായാലും ഇത്രേയൊക്കെ ഒപ്പിച്ചില്ലേ ഞങ്ങള്? പിന്നെയെന്നാ മൈരാ ?“ ”ഞാൻ എന്തിനാ അവരുമായിട്ട് പിരിഞ്ഞേന്ന് സാറിനറിയോ ? ഒരു സ്റ്റെപ്പും കൂടി മുമ്പോട്ട് പോയാർന്നെങ്കി ഞാനും പെട്ടേനേ ആ ഗ്യാങ്ങിൽ. ഈ സിനിമേം ഫാൻസ് അസോസിയേഷനുമൊക്കെ ഉള്ളകൊണ്ട് മാത്രം രക്ഷപെട്ടതാ ഞാൻ. ഇനീം ഞാൻ അവരെ വിളിച്ചാ... ഒരുവട്ടം കൂടി ഇതിനാത്തൊക്കെ ചെന്നു പെടുന്നത് എനിക്ക് ചിന്തിക്കാൻ പോലും പറ്റണില്ല സർ.“ അമർ കരച്ചിലിന്റെ വക്കിലായിരുന്നു. ”നീ പെടുന്നില്ലല്ലോ... നമുക്ക് അവന്മാരുടെ ലൊക്കേഷൻ അറിഞ്ഞാ മാത്രം മതി. പിന്നെ നിന്നെ ഫ്രീയാക്കി വിടാം ഞാൻ.“ ”പക്ഷേ... എങ്ങാൻ നിങ്ങള് ഫെയിലായാൽ... പിന്നെ അവർ എന്റെ പുറകേ വരും.“ അമറിന്റെ സ്വരം വിറയാർന്നിരുന്നു. ”ഒറ്റ വെടിയ്ക്കങ്ങ് കൊല്ലുവാർന്നെങ്കിലും പ്രശ്നമില്ലാർന്നു. അവര് വെട്ടി മുറിച്ച് കഷണമാക്കി ഇട്ടേച്ചു പോവും. നരകിച്ചേ ചാവുവൊള്ളൂ. അങ്ങനത്തവന്മാരാ അത്. “ പോത്തൻ ഒരു ദീർഘനിശ്വാസത്തോടെ പുറകോട്ടു ചാഞ്ഞിരുന്നു. ”അതൊരു റിസ്ക് ആണ്. പക്ഷേ നീ ഞങ്ങളോട് സഹകരിച്ചില്ലെങ്കിൽ അതിലും വലിയൊരു റിസ്ക് വേറെയില്ലേ ? നിന്നെ ഞങ്ങളെല്ലാരും എടുത്തിട്ട് മെതിക്കും. അതും കഴിഞ്ഞ് നാളത്തെ സകല ചാനലിലും നിന്റെ വീഡിയോ ക്ലിപ്സ്! ചാവുന്നതാരുന്നു ഭേദമെന്നു നീ കരുതും. ഏതാ നല്ല ഓപ്ഷൻ ? നീ തന്നെ ആലോചിച്ചു നോക്ക്.“ അമർ വിറങ്ങലിച്ചു പോയി. “അവന്റെ ഫോണങ്ങ് കൊടുത്തേ!” പോത്തൻ തിരിഞ്ഞ് രൂപേഷിനെ നോക്കി. രൂപേഷ് പെട്ടെന്നു തന്നെ വിവേകിന്റെ കൈയ്യിൽ നിന്നും വാങ്ങിയെടുത്ത അമറിന്റെ ഫോണും അതോടൊപ്പം ഒരു പേപ്പറിൽ എഴുതിയിരുന്ന അമർ പറയേണ്ട സംഭാഷണങ്ങളും പോത്തനെ ഏൽപ്പിച്ചു. “ദേ, ഈ എഴുതിയിരിക്കുന്ന കാര്യങ്ങൾ കൃത്യം കൃത്യമായി അയാളോട് പറഞ്ഞാൽ, ബാക്കി കാര്യം രൂപേഷ് നോക്കിക്കോളും. എല്ലാം ഓക്കെയായാൽ പിന്നെ നിനക്ക് പോകാം.” അമർ നിസംഗതയോടെ ആ ഫോണും പേപ്പർ കഷണവും വാങ്ങി. “ഈ ഫോണിൽ വാൾട്ടറിന്റെ നമ്പറില്ല...” വളരെ താഴ്ന്നിരുന്നു അവന്റെ സ്വരം. പെട്ടെന്നു തന്നെ രൂപേഷ് തന്റെ ഫോണിൽ നിന്നും വാൾട്ടറിന്റെ കോണ്ടാക്റ്റ് ഇൻഫർമേഷൻ അവന് കൈമാറി. “അവർ ഒൻപത് പേരാണ്.. നിങ്ങള് വെറും-” “ഡയല് ചെയ്യടാ പട്ടി [BLEEP]മോനേ!” ഒരൊറ്റ അലർച്ചയായിരുന്നു പോത്തൻ! അമറിന്റെ കൈയ്യിൽ നിന്നും ഫോൺ താഴെ വീണുപോയി. “ടെൻഷനാകല്ലേ അമർ...” രൂപേഷ് അവനെ സമാധാനിപ്പിച്ചുകൊണ്ട് തറയിൽ നിന്നും ഫോണെടുത്തു കൊടുത്തു. “ഹെവി റിസ്ക് ആണെന്നറിഞ്ഞോണ്ടു തന്നെയാ. പക്ഷേ ഞങ്ങക്ക് പൊറകോട്ട് പോവാൻ പറ്റൂല്ലാന്ന് നിനക്കറിയാല്ലോ. കേരളത്തില് ഈ സാമാനം വിൽക്കുന്ന സകല എണ്ണത്തിനേം ഞങ്ങള് ഇന്നു രാത്രി കൊണ്ടു പൊക്കും. പക്ഷേ അപ്പളും മെയിൻ ഗ്യാങ്ങ് സ്റ്റിൽ അറ്റ് ലാർജ് ആണെങ്കിൽ കഷ്ടപ്പെട്ടതെല്ലാം വെറുതേയാവില്ലേ ? തനിക്കും ആഗ്രഹമില്ലേ അവന്മാരെ തീർക്കാൻ?” “ഇതൊക്കെ ഞാനെങ്ങനെ പറഞ്ഞൊപ്പിക്കും ? അവരെന്നെ വിശ്വസിച്ചില്ലെങ്കി-“ ”നിനക്ക് സിനിമേലെന്നാ പണീന്ന് പറഞ്ഞേ ?” പോത്തൻ കൈയ്യോങ്ങിക്കൊണ്ട് അടുത്തതും രൂപേഷ് അയാളെ പിടിച്ചു മാറ്റി. “രണ്ടേ രണ്ട് ഡയലോഗ് പറഞ്ഞ് വിശ്വസിപ്പിക്കാൻ പറ്റൂല്ലെങ്കി അവൻ പിന്നെ എന്നാ [BLEEP]ലെ സൂപ്പർ സ്റ്റാറാടാ ?“ പോത്തന്റെ കലി മാറിയിട്ടില്ല. ”ഇനി തല്ലണ്ട സർ. അവൻ വിളിച്ചോളും.“ ഒടുവിൽ, ദീർഘനിശ്വാസത്തോടെ... നിറഞ്ഞൊഴുകുന്ന കണ്ണുകളോടെ അമർ ഫോണിൽ ആ നമ്പറുകൾ ഡയൽ ചെയ്യാനാരംഭിച്ചു. ഓരോ നമ്പറുകൾ അമരുമ്പോഴും അവന്റെ മുഖത്തെ ഭീതി ഇരട്ടിച്ചുവന്നുകൊണ്ടിരുന്നു. കോൾ ബട്ടനമർത്തിയതും രൂപേഷ് കൈയ്യെത്തിച്ച് സ്പീക്കർ ഫോൺ ഓണാക്കി. മൂന്നു റിങ്ങുകളേ വേണ്ടിവന്നുള്ളൂ. അപ്പുറത്ത് ഫോൺ അറ്റൻഡായി. ” [ENGLISH] വാൾട്ടർ ഭായ്! ഇത് അമർ ആണ്!“ ” [KANNADA] ആഹാ! മഹാനടൻ എവിടെയായിരുന്നു ? എത്ര വട്ടം നിന്നെ വിളിച്ചെടാ ಬಾಸ್ಟರ್ಡ್!!“ അപ്പുറത്തെ സ്വരത്തിന് തീരെ സൗഹൃദഭാവമില്ലായിരുന്നു. “[ENGLISH] നിങ്ങൾകേരളത്തിലെത്തിയ വിവരം ബഡി പറഞ്ഞപ്പൊഴാ ഞാൻ അറിയുന്നെ വാൾട്ടർ.” “[KANNADA] ആഹാ! എന്നിട്ട് ബഡി ഇപ്പോ എവിടെയുണ്ട് ?” ചോദ്യം ഒരു വന്യമൃഗത്തിന്റെ മുരൾച്ച പോലെ തോന്നിച്ചു. ”ബഡി...“ അമർ തന്റെ കൈയ്യിലിരുന്ന പേപ്പർ കഷണത്തിലേക്കു നോക്കി. ”[ENGLISH] അതു പറയാനാ ഞാൻ വിളിച്ചത്. ബഡി ദാ ഇപ്പൊ എന്നെ കാണാൻ വന്നിട്ടുണ്ട്. പൊലീസ് പുറകേയുണ്ടെന്നു പറയുന്നു. മെറിനെ ആരോ കൊന്നുവത്രേ! അയാൾ പറയുന്നതൊന്നും എനിക്ക് മനസ്സിലാകുന്നില്ല. നിങ്ങൾ ഒന്നു വന്ന് സംസാരിക്കാമോ ? എനിക്കിപ്പൊ ഇതൊന്നും ഡീൽ ചെയ്യാൻ പറ്റാത്ത അവസ്ഥയാണ്. ഷൂട്ടിലാണ്.“ ” [KANNADA] റിയലി ? അവനിപ്പോൾ നിന്റെ കൂടെയുണ്ടോ ?“ വാൾട്ടറിന്റെ ആശ്ചര്യം പ്രകടമായിരുന്നു. ” [ENGLISH] യെസ്. ഫോൺ കൊടുക്കണോ ?“ “[KANNADA] നോ നോ നോ... ഞാൻ പറയുന്നത് ശ്രദ്ധിച്ചു കേൾക്കൂ.” വാൾട്ടറിന്റെ സ്വരത്തിൽ ജാഗ്രത കലർന്നു. “[KANNADA] നിന്റെ ലൊക്കേഷൻ അയക്കൂ. ഞങ്ങൾ കൊച്ചിയിൽത്തന്നെയുണ്ട്. ഉടനെയെത്താം. നീ ഞങ്ങളെ വിളിച്ചത് അവനറിയാമോ?” “നോ.” “[KANNADA] വെരി ഗുഡ്! ഒരിക്കലും അവൻ അറിയരുത്.” ആ സമയം കൊണ്ട് എഴുതിയുണ്ടാക്കിയ ഏതാനും ഡയലോഗുകൾ കൂടി രൂപേഷ് അമറിനു കൈമാറി. “[ENGLISH] അം... വാൾട്ടർ, ഇങ്ങോട്ടു വരണ്ട. പറഞ്ഞല്ലോ, ഞാൻ ഷൂട്ടിലാണ്. ഒരു ലൊക്കേഷൻ ലിങ്ക് അയക്കാം. നിങ്ങൾ അവിടേയ്ക്കു ചെന്നാൽ മതി. അര മണിക്കൂറിനുള്ളിൽ ബഡിയെ ഞാൻ അവിടെയെത്തിക്കാം.” ”ഉം...“ അപ്പുറത്തു നിന്നും തൃപ്തികരമല്ലാത്ത ഒരു മൂളൽ കേട്ടു. ഫോൺ കട്ടു ചെയ്ത അമറിന്റെ ശരീരം കിലുകിലെ വിറയ്ക്കുന്നുണ്ടായിരുന്നു. രൂപേഷിന് സഹതാപം തോന്നി. “യൂ ഡിഡ് ഗുഡ് അമർ!” അവന്റെ കവിളിൽ ചെറുതായി തട്ടിക്കൊണ്ട്, ഹൃദ്യമായി പുഞ്ചിരിച്ചുകൊണ്ട് രൂപേഷ് തിരിഞ്ഞ് മേശപ്പുറത്തിരുന്ന തന്റെ ലാപ്ടോപ്പ് നിവർത്തി. “എവടെയ്ക്കാ ഞാനവരെ കൊണ്ടുവരണ്ടത് ?” അമർ ചോദിച്ചു. മറുപടിയുണ്ടായില്ല. ഉദ്യോഗസ്ഥർ നാലു പേരും ബാൽക്കണിയിലേക്കിറങ്ങി തുടർനടപടികളെക്കുറിച്ചുള്ള ചർച്ചയാരംഭിച്ചു. അമർ കേൾക്കാത്തവിധം ശബ്ദം താഴ്ത്തിയായിരുന്നു സംസാരമെല്ലാം. “ഗയ്സ്... ഞാനൊരു അഭിപ്രായം പറയട്ടെ ?” വിൻസന്റ് എല്ലാവരേയുമൊന്നു നോക്കിക്കൊണ്ട് ചോദിച്ചു. “നമ്മൾ അവർക്കൊരു ലൊക്കേഷൻ അയച്ചുകൊടുത്ത് അവരെ ഇങ്ങോട്ടു കൊണ്ടുവരുന്നതിനേക്കാൾ ബെറ്ററല്ലേ നമ്മൾ അങ്ങോട്ടു ചെല്ലുന്നത് ? സർപ്രൈസ് അറ്റാക്കുകളിൽ അഡ്വാന്റേജ് എപ്പൊഴും നമുക്കായിരിക്കും.” “ഐഡിയ നല്ലതാണ്. പക്ഷേ അവരുടെ ലൊക്കേഷൻ നമുക്കറിയാമായിരുന്നെങ്കിൽ ഈ പണി മുഴുവൻ എടുക്കേണ്ട ആവശ്യമില്ലായിരുന്നല്ലോ.” പോത്തന് വിൻസന്റിന്റെ പ്ലാൻ മനസ്സിലായില്ല. “ഫോൺ നമ്പർ വെച്ച് നിങ്ങൾ പൊലീസുകാർക്ക് അയാളുടെ ലൊക്കേഷൻ കണ്ടുപിടിക്കാൻ പറ്റില്ലേ ?” രൂപേഷിന്റെ നേരെയാണ് എല്ലാവരുടേയും നോട്ടം. “ഇന്നിപ്പൊ ഇത്രയും സമയമായില്ലേ ? എളുപ്പമല്ല. ഈ നമ്പറുമായി സർവ്വീസ് പ്രൊവൈഡർക്ക് ഒരു റിക്ല്വസ്റ്റ് അയച്ച് വാൾട്ടറിന്റെ ഫോണിന്റെ ഐ പി ഒക്കെ എടുത്തിട്ടു വേണം. അതിനി ഇന്നു രാത്രി നടക്കില്ല. അഥവാ അങ്ങനെ കിട്ടിയാൽത്തന്നെ ഒരു ആക്യുറേറ്റ് ലൊക്കേഷൻ കിട്ടില്ല. ഏത് ടവറിന്റെ പരിധിയിലാണെന്നേ അറിയാനാകൂ.” രൂപേഷ് നിഷേധാർത്ഥത്തിൽ തലവെട്ടിച്ചുകൊണ്ടു പറഞ്ഞു. “നിങ്ങളെന്താ ഈ പറയുന്നത് ? ഇതല്ലാതെ പൊലീസിനു വേറേ മാർഗ്ഗമൊന്നുമില്ലേ ?” “ലീഗലായിട്ട് ഇതു തന്നെയേ മാർഗ്ഗമുള്ളൂ.” രൂപേഷ് തീർത്തുപറഞ്ഞു. “ഹോളിവുഡ് സിനിമയല്ല ഇത്.” “ഞാനൊരു ഐഡിയ പറയാം.” വിൻസന്റ് മുൻപോട്ടാഞ്ഞുകൊണ്ടു തുടർന്നു. “**GITHUBൽ എന്റെ അക്കൗണ്ടിൽ പോയാൽ ഒരു സാധനം കിട്ടും. ബ്രൗസറെടുത്ത് github/black_lagoon_27 എന്നു സെർച്ച് ചെയ്യൂ. റെപ്പോസിറ്ററിയ്ക്കുള്ളിൽ ‘ലൊക്കേഷൻസീക്കർ’ എന്നൊരു ടൂളുണ്ട്. അത് റൺ ചെയ്ത് വാൾട്ടറിന്റെ ഫോൺ നമ്പർ കൊടുത്താൽ മതി. ഒരു ലിങ്ക് കിട്ടും. ഗൂഗിൾ മാപ്സിന്റെ ലിങ്ക് പോലെ ഇരിക്കും. അയാൾക്ക് സംശയം തോന്നില്ല. ആ ലിങ്ക് അയാൾക്കയച്ചുകൊടുത്ത് അയാളത് ക്ലിക്ക് ചെയ്താൽ, നമുക്ക് അവന്റെ സകല ഡീറ്റയിൽസും കിട്ടും.” നിസ്സാരമായി അത് പറഞ്ഞവസാനിപ്പിച്ചു കഴിഞ്ഞാണ് വിൻസന്റ് മണ്ടത്തരം തിരിച്ചറിഞ്ഞത്. താൻ സംസാരിച്ചുകൊണ്ടിരിക്കുന്നത് പൊലീസുദ്യോഗസ്ഥരോടാണ്! രൂപേഷ് ചുണ്ടു കടിച്ചുപിടിച്ചു ചിരിച്ചുകൊണ്ട് പോത്തനെ നോക്കി. വിൻസന്റിനെ അടിമുടി ചുഴിഞ്ഞു നോക്കിക്കൊണ്ടു നിൽക്കുകയാണ് പോത്തൻ. തൽക്കാലം തങ്ങളോട് സഹകരിക്കുന്നുണ്ടെങ്കിലും, അതീവ അപകടകാരിയായ ഒരു ക്രിമിനൽ തന്നെയാണ് വിൻസന്റ് എന്നയാൾ മനസ്സുകൊണ്ടുറപ്പിക്കുകയാണെന്നു തോന്നി. “എനിക്കറിയാൻ പാടില്ലാഞ്ഞിട്ടു ചോദിക്കുവാ. ഇവൻ സത്യത്തിൽ ആരാ ?” പോത്തൻ തന്റെ സഹപ്രവർത്തകരെ നോക്കി ഒന്നു ചിരിച്ചു. “സ്കാമിങ്ങ് ഉണ്ട്. സ്മഗ്ലിങ്ങ് ഉണ്ട് ദേണ്ടിപ്പൊ ഹാക്കിങ്ങും! മ്മടെ കൈയ്യിലൊള്ളപ്പൊത്തന്നെ ഇവനെ പിടിച്ചകത്താക്കീല്ലെങ്കിലൊണ്ടല്ലോ... ഭാവിയിൽ എട്ടിന്റെ പണി കിട്ടും.” “അതൊക്കെ നമുക്ക് പിന്നെ സംസാരിക്കാം.” ജെയിംസ് ഇടപെട്ടു. “ലൊക്കേഷൻ കിട്ടുമോ എന്നു നോക്ക്. എന്നിട്ട് നമുക്കു പറ്റുന്ന അന്തരീക്ഷമാണെങ്കിൽ സർപ്പ്രൈസ് അറ്റാക്ക് തന്നെയാണ് ബെറ്റർ.” അവനും വിൻസന്റിന്റെ അതേ അഭിപ്രായമായിരുന്നു. പിന്നെ ഒട്ടും വൈകിയില്ല. തിരികെ റൂമിലേക്ക് കയറിയ രൂപേഷിന്റെ വിരലുകൾ ലാപ്ടോപ്പ് കീബോർഡിൽ അതിദ്ര്യുതം ചലിക്കാനാരംഭിച്ചു. വിൻസന്റ് പറഞ്ഞതിനേക്കാൾ നല്ല ടൂളുകൾ അവന്റെ കമ്പ്യൂട്ടറിൽ നേരത്തേ തന്നെ ഇൻസ്റ്റാൾ ചെയ്യപ്പെട്ടിരുന്നു. മൂന്നു നാലു കമാൻഡുകൾ മാത്രമേ വേണ്ടി വന്നുള്ളൂ. അവന്റെ ടെർമിനൽ വിൻഡോയിൽ Enter Phone Number: എന്നൊരു പ്രോംറ്റ് തെളിഞ്ഞു. അപ്പോഴേക്കും മനഃപാഠമാക്കിയിരുന്ന, വാൾട്ടറിന്റെ നമ്പർ അവൻ അടിച്ചുകൊടുത്ത് എന്റർ കീ അമർത്തിയതും, ഒരു ലിങ്ക് താഴെ തെളിഞ്ഞു. അടുത്ത നിമിഷം തന്നെ ആ ലിങ്ക് കോപ്പി ചെയ്ത് അത് അമറിന്റെ ഫോണിലേക്കയച്ചു അവൻ. “ഞാൻ ലിങ്ക് വാൾട്ടറിനയക്കാൻ പോവാ. മനം മാറ്റം വല്ലതുമുണ്ടെങ്കിൽ ഇപ്പൊപ്പറയണം.” ഫോൺ ഉയർത്തിപ്പിടിച്ച് രൂപേഷ് എല്ലാവരേയും നോക്കി. “അയക്കടാ... വന്നേടത്ത് വെച്ച് കാണാന്നേ!” പോത്തൻ അവന് ധൈര്യം പകർന്നു. ഒരു ദീർഘനിശ്വാസത്തോടെ, വാട്ട്സാപ്പ് ഓപ്പൺ ചെയ്ത രൂപേഷ് ആ ലിങ്ക് കോപ്പി ചെയ്ത് വാൾട്ടറിന്റെ നമ്പറിലേക്ക് പേസ്റ്റ് ചെയ്ത് സെൻഡ് അമർത്തി. “സർ...” അമർ ദയനീയമായ മുഖഭാവത്തോടെ പോത്തനെ നോക്കി. “ വീ കനോട്ട് അഫോർഡ് റ്റു ലൂസ് ഹിം!” എല്ലാവരുടേയും ശ്രദ്ധ അമറിലേക്കായി. വിൻസന്റിനുകൂടി മനസ്സിലായിക്കോട്ടെ എന്നു കരുതിയാകണം, ഇംഗ്ലീഷിലാണ് അമർ തുടർന്നത്. “ജീവനോടെ അവരെ പിടികൂടാൻ ശ്രമിക്കരുത്. ഇതോടെ അവർ ഒൻപതു പേരും തീരണം. അതിനു ശേഷിയില്ലെങ്കിൽ ദയവായി ഈ ഓപ്പറേഷൻ ഉപേക്ഷിക്കണം. ഞാൻ കാലു പിടിക്കാം.” “മാനേ...” പോത്തൻ അമറിന്റെ തോളിൽത്തട്ടി. “വീ വിൽ ട്രൈ ഔർ ബെസ്റ്റ്! അത്രേ ഇപ്പൊ പറയാനൊക്കൂ.” “ഒരു സംശയം ഞാൻ ചോദിച്ചോട്ടേ ?” അമർ നിർത്തിയിരുന്നില്ല. പോത്തൻ അവന്റെ മുഖത്തേക്കു നോക്കി. “ഒരു ജനക്കൂട്ടത്തിന്റെ ആക്രമണത്തിൽ അവർ കൊല്ലപ്പെട്ടാലോ ?” “മനസ്സിലായില്ല!” “എനിക്കു താൽപ്പര്യമുണ്ടായിട്ടല്ല... പക്ഷേ മറ്റു നിവൃത്തിയില്ല എന്നു കണ്ടാൽ... ഐ കാൻ മേക്ക് എ കോൾ.” “നിന്റെ ഫാൻസ് അസോസിയേഷനെയാണോ ?” രൂപേഷാണ് ചോദിച്ചത്. മറുപടിയുണ്ടായില്ല. അമർ തല താഴ്ത്തിയിരിക്കുകയാണ്. “കൊള്ളാമെടാ മാനേ!” പോത്തൻ അമറിന്റെ കവിളിൽത്തട്ടി. “നിന്റെ സ്വന്തം കുട്ടിക്കുരങ്ങന്മാരെക്കൊണ്ട് ചുടുചോറു വാരിക്കുന്ന പരിപാടി... ഇഷ്ടപ്പെട്ടു! ആ പാവങ്ങള് വെടി കൊണ്ടു ചത്താലും ജയിലിപ്പോയാലും വേണ്ടില്ല. നിന്റെ ഇമേജിനൊന്നും പറ്റരുത്!” അടുത്ത നിമിഷം രൂപേഷിന്റെ ലാപ്ടോപ്പിൽ നിന്നും ഒരു നേർത്ത നോട്ടിഫിക്കേഷൻ മുഴങ്ങി. “ഇര കുടുങ്ങി!” രൂപേഷ് ഒരു പുഞ്ചിരിയോടെ മന്ത്രിച്ചുകൊണ്ട് തന്റെ സ്ക്രീനിൽ തെളിഞ്ഞ കോ-ഓർഡിനേറ്റ്സ് അക്കങ്ങൾ കോപ്പി ചെയ്ത് ഗൂഗിൾ മാപ്സ് ഓപ്പൺ ചെയ്തു. “അവന്മാർ ഏലൂർ ചൗക്കയിലുണ്ട്!” (TBC) അടുത്ത ഭാഗങ്ങളിൽ... ഓപ്പറേഷൻ ബ്ലൂ ഐസ് - ഫൈനൽ ഹണ്ട്! ** GITHUB: Git ഉപയോഗിക്കുന്നഒരു ഇന്റർനെറ്റ് ഹോസ്റ്റിംഗ് സേവനമാണ് GitHub, Inc. സോഫ്റ്റ്വെയർ ഡെവലപ്പ്മെന്റിനു വേണ്ടിയുള്ള ധാരാളം ടൂളുകൾ ഫ്രീ ആയും, പൈസ കൊടുത്തും ഇവിടെനിന്നു കിട്ടും. PS: കൗതുകം കൂടുതലുള്ളവർ ഇതിനകത്തു ചെന്ന് വല്ലതും ഡൗൺ ലോഡ് ചെയ്ത് അപകടമുണ്ടാക്കിയാൽ എഴുത്തുകാരൻ ഉത്തരവാദിയാകുന്നതല്ല കണ്ണൂർകാരൻ 🌹🌹🌹🌹🌹🌹 #📔 കഥ #📙 നോവൽ #✍ തുടർക്കഥ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ! .