#ఏపి న్యూస్ ఏపీ పాలిటెక్స్🎯 *ఏపీ పెట్టుబడుల కథల్లో… లెక్కలకంటే ‘సంపాదన’ ప్రశ్నలే ఎక్కువ..❗* May 24, 2026🎯 ఏపీ పాలిటిక్స్ అంటే..? బూతులు, వ్యక్తిత్వ హననాలు, బురదలోకి మహిళల్ని కూడా లాగే వెగటు రాజకీయాలు, అనగా అగ్లీ అండ్ డర్టీ పాలిటిక్స్… వైసీపీ- టీడీపీ ఎవరూ తక్కువ కాదు.., ఏక్‌సేఏక్… ఇంత నీచమైన పాలిటిక్స్ బహుశా ప్రపంచంలోనే లేవేమో… ఇక జనసేన గురించి ఏళ్లుగా చెప్పుకుంటున్నదే కదా… జగన్ పాలన పక్కా అవినీతి యవ్వారాలు అనే విమర్శలు సరే… మరి చంద్రబాబు ప్లస్ ఎన్డీయే కూటమి పాలన..? గతంలో చంద్రబాబు పాలన వేరు… తను వృద్ధుడయ్యాడు, మొత్తం లోకేష్ చెప్పుచేతల్లోకి వచ్చేసింది… మొత్తం వ్యవహారాలన్నీ లోకేష్ టీమ్ ఆపరేట్ చేస్తోంది… ఐతే అదుపు తప్పిందా..? మరింత ఘోర సంక్షోభంలోకి ఏపీ నెట్టబడుతోందా..? ఇదీ ఇప్పుడు చర్చ… రీసెంట్ కొన్ని కథనాలను క్రోడీకరించి చెప్పుకుందాం… చంద్రబాబు నిజవారసుడు లోకేష్ జిందాబాద్… ఆంధ్రప్రదేశ్‌లో పెట్టుబడుల పేరిట జరుగుతున్న ప్రచారం, ప్రభుత్వ ప్రకటనలు, వాటి వెనుక ఉన్న రాయితీల లెక్కలు ఇప్పుడు పెద్ద చర్చకు దారితీస్తున్నాయి. ఒకవైపు “లక్షల కోట్ల పెట్టుబడులు వస్తున్నాయి”, “ఏపీ ఇండస్ట్రియల్ హబ్ అవుతోంది” అంటూ ప్రచారం జరుగుతుంటే… మరోవైపు ఆ పెట్టుబడులకు ప్రభుత్వం ఇస్తున్న సబ్సిడీలు, భూములు, విద్యుత్ రాయితీలు, పన్ను మినహాయింపులపై తీవ్రమైన సందేహాలు వ్యక్తమవుతున్నాయి. ముఖ్యంగా తాజాగా సోషల్ మీడియాలో వైరల్ అవుతున్న కొన్ని కథనాలు చూస్తే — ఏపీ పాలనలో ఎక్కడో ఒక చోట సీరియస్ అసమతుల్యత, తేడా ఉందేమో అన్న భావన కలుగుతోంది. “పెట్టుబడి” కంటే “ప్రభుత్వ భాగస్వామ్యం” ఎక్కువా? ప్రత్యేకించి కొన్ని కంపెనీలకు ప్రభుత్వం ప్రకటించిన సబ్సిడీలు ఆశ్చర్యపరుస్తున్నాయి. BPCL ప్రాజెక్ట్‌కు 75% వరకు సబ్సిడీ ఇండోసోల్ సోలార్‌కు దాదాపు 60% ఆర్సెలర్ మిట్టల్‌కు 50% ఎల్జీ ఎలక్ట్రానిక్స్‌కు 100% సబ్సిడీగా చూపిన లెక్క జేకే మైనీ ప్రాజెక్ట్‌కు 74% వరకు ప్రోత్సాహకాలు ఇవి సాధారణ “ఇండస్ట్రియల్ ఇన్సెంటివ్స్” కాదని విమర్శకులు అంటున్నారు. ఎందుకంటే, ప్రపంచవ్యాప్తంగా పెట్టుబడులు ఆకర్షించడానికి రాయితీలు ఇవ్వడం సహజమే అయినా… ఇక్కడ కొన్ని ప్రాజెక్టుల్లో ప్రభుత్వ భారం అసాధారణంగా పెరిగిందనే అభిప్రాయం వ్యక్తమవుతోంది. అత్యంత ఆసక్తికరమైన అంశం ఏమిటంటే — ఈ లెక్కల్లో “క్యాష్ సబ్సిడీ” కూడా భారీగా కనిపించడం. అంటే కేవలం భూమి, విద్యుత్, పన్ను మినహాయింపులు కాదు… నేరుగా ప్రభుత్వ ఖజానా నుంచే వేల కోట్లు వెళ్తున్నాయన్న సంకేతం….. పెట్టుబడుల దందాల్లో పీక్స్‌కు తీసుకుపోవడం… 99 పైసలకు ఎకరం టైపులో…! రిలయన్స్ డేటా సెంటర్ వివాదం ఈ ఆరోపణ మరింత తీవ్రమైంది. రిలయన్స్ డేటా సెంటర్ ప్రాజెక్టుకు ప్రభుత్వం భూమిని అత్యంత తక్కువ ధరకు కేటాయించిందని మాజీ ఐఏఎస్ అధికారి ఈఏఎస్ శర్మ ఆరోపించారు. ఆయన వాదన ప్రకారం…: విశాఖలో సుమారు 854 ఎకరాల భూమి ఎకరానికి మార్కెట్ విలువ కోట్లు కానీ అత్యంత తీవ్ర భారీ తక్కువ ధరకు కేటాయింపు 1.5 కి.మీ సముద్ర తీరం కూడా ప్రాజెక్ట్ పరిధిలోకి వెళ్లే అవకాశం…. అనే అంశాలు ప్రస్తావించబడ్డాయి. ఈఏఎస్ శర్మ వాదనలో ప్రధాన ప్రశ్న ఏమిటంటే — “పెట్టుబడులు రావడం మంచిదే, కానీ ప్రజా ఆస్తులను ఎంతవరకు రాయితీ పేరుతో వదులుకోవాలి?” ఇది కేవలం ఒక రాజకీయ ఆరోపణగా తీసేయలేని కారణం ఏమిటంటే, ఏపీ ఇప్పటికే భారీ అప్పుల్లో ఉంది. అలాంటి సమయంలో వేల కోట్లు విలువైన భూములను భారీ రాయితీలతో ఇవ్వడం భవిష్యత్తులో రాష్ట్ర ఆర్థిక స్థితిపై ప్రభావం చూపుతుందా అన్న సందేహం వస్తోంది. “ఒక్క ఉద్యోగానికి 20 కోట్లు” అన్న విమర్శ… “డేటా సెంటర్ పేరుతో ఏపీ సొమ్ము నాశనం”… ఈ కథనాల్లో ప్రధాన విమర్శ ఏమిటంటే…. వేల కోట్ల రాయితీలు కానీ ఉద్యోగాలు మాత్రం చాలా తక్కువ డేటా సెంటర్లు అధికంగా ఆటోమేటెడ్ స్థానిక నిరుద్యోగ సమస్యకు పెద్దగా ఉపయోగం ఉండకపోవచ్చు అనే వాదన. నిజమే… డేటా సెంటర్లు భారీ పెట్టుబడులు తీసుకొచ్చినా, వాటి ఉద్యోగ సృష్టి సామర్థ్యం సంప్రదాయ తయారీ పరిశ్రమలతో పోలిస్తే చాలా తక్కువ. ఒక స్టీల్ ప్లాంట్, టెక్స్‌టైల్ యూనిట్, ఆటో మొబైల్ ఫ్యాక్టరీ లక్షల కుటుంబాలకు ఉపాధి ఇస్తే… డేటా సెంటర్లు ప్రధానంగా హై-ఎండ్ టెక్నికల్ ఉద్యోగాలకే పరిమితం అవుతాయి. అంటే ప్రభుత్వం పెట్టుబడుల “విలువ” మాత్రమే చూస్తోందా? లేక ఉపాధి ప్రభావాన్ని కూడా లెక్కలోకి తీసుకుంటోందా? అన్న ప్రశ్న సహజంగానే వస్తోంది. కానీ మరో కోణం కూడా ఉంది… ఇక్కడ పూర్తిగా ఒకవైపు కథ మాత్రమే కాదు. ప్రభుత్వ వాదన ప్రకారం….. భారీ పెట్టుబడులు రాకపోతే రాష్ట్రానికి భవిష్యత్ లేదు గుజరాత్, తమిళనాడు, కర్ణాటకలతో పోటీ పడాలంటే భారీ ప్రోత్సాహకాలు తప్పవు డేటా సెంటర్లు భవిష్యత్ డిజిటల్ ఎకానమీకి బేస్ పోర్టులు, విద్యుత్, రోడ్లు, ఫైబర్ కనెక్టివిటీ వల్ల దీర్ఘకాల లాభాలు వస్తాయి ప్రపంచవ్యాప్తంగా కూడా ప్రభుత్వాలు సెమీకండక్టర్లు, AI, డేటా సెంటర్లు, గ్రీన్ ఎనర్జీ రంగాలకు భారీ సబ్సిడీలు ఇస్తున్నాయి. అమెరికా CHIPS Act నుండి యూరప్ గ్రీన్ సబ్సిడీల వరకు ఇదే ట్రెండ్. కానీ అక్కడ ఒక కీలక తేడా ఉంటుంది — స్పష్టమైన పారదర్శకత, పబ్లిక్ డిబేట్, లాంగ్ టర్మ్ రిటర్న్ లెక్కలు. అసలు సమస్య పారదర్శకత లోపమా? ఏపీ వ్యవహారంలో ఎక్కువగా వినిపిస్తున్న విమర్శ ఇదే. ఈ సబ్సిడీల పూర్తి షరతులు ప్రజలకు వెల్లడయ్యాయా? కంపెనీలు ఎన్ని ఉద్యోగాలు కల్పించాలి? లక్ష్యాలు చేరుకోకపోతే రాయితీలు వెనక్కి తీసుకునే క్లాజులు ఉన్నాయా? భూముల అసలు మార్కెట్ విలువ ఎంత? పర్యావరణ ప్రభావ అంచనాలు పూర్తయ్యాయా? ఇలాంటి ప్రశ్నలకు స్పష్టమైన సమాధానాలు ప్రజలకు అందడం లేదు. దీంతో “పెట్టుబడుల పండుగ” కంటే “ప్రజా సంపద బదిలీ” అన్న విమర్శ బలపడుతోంది. చివరికి… ఏ రాష్ట్రానికైనా పెట్టుబడులు అవసరం. పరిశ్రమలు రావాలి. ఉద్యోగాలు రావాలి. కానీ అభివృద్ధి పేరుతో ప్రభుత్వాలు ఎంతవరకు రాయితీలు ఇవ్వాలి? ప్రజా ఆస్తుల విలువ ఎలా నిర్ణయించాలి? ఉపాధి, పర్యావరణం, స్థానిక ప్రయోజనాలు ఎలా కాపాడాలి? — ఇవన్నీ సమానంగా ముఖ్యమైన ప్రశ్నలే. ఏపీ ప్రస్తుతం ఒక క్రాస్ రోడ్స్ వద్ద నిల్చుంది. ఒకవైపు “భారీ పెట్టుబడుల విజన్”… మరోవైపు “ప్రజా సంపద వినియోగంపై అనుమానాలు”. ఈ రెండింటి మధ్య సమతుల్యత ఎలా సాధిస్తుందన్నదే భవిష్యత్తులో అసలు పరీక్ష…. టైమ్ దొరికింది, రేపేమిటో తెలియదు, టైమ్ ఉన్నప్పుడే ‘తూర్పార పట్టుకుందాం’ అనుకుంటోందా ఎన్డీయే ప్రభుత్వం…? మోదీ భాయ్… వాటీజ్ దిస్..?! కొసమెరుపు :: రిలయెన్స్ అంబానీ చంద్రబాబుకు దీర్ఘకాలికంగా దోస్త్… ఎవరి ప్రయోజనాలు వాళ్లవి… ఏకంగా కేజీ బేసిన్ గ్యాస్‌ను, క్రూడ్‌ను అడ్డగోలుగా, అప్పనంగా అప్పగించాం… జగన్ మరీ ఎక్స్‌ట్రీమ్, ఏకంగా రిలయెన్స్ ప్రతినిధికి రాజ్యసభ సభ్యత్వమే ఇచ్చాడు… మహిలో ధనమేరా అన్నింటికీ మూలం… Who cares people..!! ఏపీలో ఎవడూ శుద్ధపూస కాదు..!!