காலை சிவசிந்தனை =================== கருணையின் வடிவே சிவபெருமான் ===============÷=========== "இவ்வுலகிலும் ஒருவர் விரும்புவதை எல்லாம் அளிக்க வல்லவர் மஹேசனுக்கு நிகர் மகேசனே ” என்பதை மஹாகவி ஶ்ரீ நீலகண்ட தீக்ஷிதர் அவர்கள் ஶ்ரீ சிவோத்கர்ஷ மஞ்சரீயில் உள்ள இப்பாடல் மூலம் விளக்குகிறார். कस्मैचिद्विजबन्धवे कियदपि क्षीरं पुरा याचते दत्तो येन दयारसैकवपुषा दुग्धोद एवार्णवः श्रीश्रीवल्लभकल्पपादपसुधाचिन्तामणीभिः समं स स्वामी मम दैवतं तदितरो नाम्नापि नाम्नायते ॥ கஸ்மைசித்³விஜப³ந்த⁴வே கியத³பி க்ஷீரம் புரா யாசதே த³த்தோ யேன த³யாரஸைகவபுஷா து³க்³தோ⁴த³ ஏவார்ணவ꞉ ஶ்ரீஶ்ரீவல்லப⁴கல்பபாத³பஸுதா⁴சிந்தாமணீபி⁴꞉ ஸமம் ஸ ஸ்வாமீ மம தை³வதம் ததி³தரோ நாம்னாபி நாம்னாயதே || பால் வேண்டிய அழுத பாலகனுக்காக பாற்கடலையே அளித்தல் ========================= முன்பு எவ்வகையிலும் பால் வேண்டிய ஒரு அந்தணசிறுவனுக்கு எந்த கருணாமூர்த்தியான சிவபெருமானால் மஹாலக்ஷ்மி, விஷ்ணு, கற்பகதரு, அமிர்தம், சிந்தாமணி ஆகியவைகளுடன் பாற்கடலே அளிக்கப்பட்டது. விளக்க உரை: பரமேச்வரனுடைய எல்லையற்ற கருணையை விளக்கும் உபமன்யு உபாக்யானம் இங்கு சுருக்கமாகக்‌ குறிப்பிடப்படுகிறது. சிவபுராணம்‌ வாயவீய ஸம்ஹிதை பூர்வபாகம்‌ 34-35 ஆகிய அத்யாயங்களில்‌ இந்த உபாக்யானம்‌ விரிவாகக்‌ கூறப்பட்டுள்ளது. முன்னொரு காலத்தில்‌ பால்‌ பருக வேண்டும்‌ என்ற ஆசையினால்‌ அழுது கொண்டிருந்த உபமன்யு, தாயின்‌ உபதேசப்படி பரமேச்வரனைக்‌ குறித்துத்‌ தவமிருந்தார்‌. தவத்தின்‌ பயனாய்‌ நேரில்‌ தோன்றிய இறைவனிடம்‌ தன்‌ விருப்பத்தைத்‌ தெரிவிக்க, தயாநிதியாகிய ஈசன்‌, லக்ஷ்மி, விஷ்ணு, கற்பகவிருக்ஷம்‌, அமிருதம்‌, சிந்தாமணி ஆகியவைகளுடன்‌ பாற்கடலையே அவருக்கு அளித்தார்‌. இவ்வாறு அன்பர்களின்‌ விருப்பத்திற்கு அதிகமாகவே அளித்து அருளும்‌ இறைவன்‌ சிவபெருமான்‌ ஒருவரே. எனவே, இவரே முழு முதற்கடவுளாவார்‌. அதனாலேயே இவரே எனது தெய்வம்‌. வேதங்களும்‌' சிறப்புடைய இறைவனையே புகழ்கின்றன. (இப்பாற்கடல் தீர்த்தம் சிதம்பரத்தில் உள்ளது.) உபமன்யு மஹரிஷி =========/======= வசிஷ்ட முனிவர் சிவபெருமானின் அருள் பெற்று அவரை நேரடியாக தரிசனம் பெற்று இருந்த வியாக்கியபாதரின் புகழைக் குறித்த உண்மைகளைக் கண்டறிந்தப் பின், தனது சகோதரியை அவருக்கு மணமுடிக்க விரும்பினார். ஆகவே மாபெரும் முனிவரான வசிஷ்ட முனிவரின் விருப்பத்தை ஏற்று வசிஷ்ட முனிவரின் சகோதரியை மணம் செய்து கொண்டு அவள் மூலம் ஒரு சத் புத்திரனை பெற்றெடுத்தார். அந்த சத்புத்திரனை வசிஷ்டரின் மனைவி அருந்ததி தன்னுடைய ஆஸ்ரமத்துக்கு அழைத்துச் சென்று காமதேனுப் பசுவின் பாலைக் கொடுத்து சில நாள் வளர்த்தாள். சிறிது காலத்துக்குப் பின்னர் வியாக்கியபாதரின் மனைவி தனது புதல்வனை தன்னிடம் அழைத்து வந்து கிழங்கு பழம் போன்றவற்றை கரைத்த மாவுடன் அதற்குக் கொடுக்கத் துவங்க அந்தப் பிள்ளையோ தனக்கு காமதேனுப் பசுவின் பால்தான் வேண்டும் என்று அழத் துவங்கியது. அவர்கள் காமதேனுப் பசுவின் பாலுக்கு எங்கே போவார்கள்? தாயின் அறிவுரைப்படி சிவபிரானை நோக்கி தவம் இருந்து பாற்கடலைப்பெற்றான். பிறகு மஹரிஷியும் ஆனார் 🚩🕉🪷🙏🏼 #🙏🏼ஓம் நமசிவாய #🙏ஆன்மீகம் #சிவன் பக்தி #🙏🏼சிவ பெருமான் பாடல்கள் #தெய்வீக சிந்தனைகள்