*മധുവിധു* ഈ ആഴ്ച എത്തുന്നു വിഷ്ണു അരവിന്ദ് സംവിധാനം നിർവഹിക്കുന്ന, ഷറഫുദീൻ നായകനാകുന്ന 'മധുവിധു' വിന്റെ കഥ വികസിക്കുന്നത് സ്ത്രീകൾ വാഴില്ലെന്ന് പറയപ്പെടുന്നഅടൂരി നടുത്ത ആഞ്ഞിലിമൂട് തറവാട് കേന്ദ്രീകരിച്ചാണ്. ഡയലോഗ് കോമഡിയും സ്ലാപ്സ്റ്റിക്കും വേണ്ടപോലെ ഉപയോഗിച്ച് നമ്മളെ ചിരിപ്പിക്കുന്ന കുറേ നാളിന് ശേഷമുള്ള ഒരു ലൈറ്റ്ഹാർട്ടഡ് കോമഡി ചിത്രമായിരിക്കും മധു വിധു. പുരുഷന്മാർ മാത്രമുള്ള, സ്ത്രീകളില്ലാത്ത ഒരു കുടുംബത്തിന്റെ പശ്ചാത്തലത്തിലുള്ള സിനിമയിൽ നായികയായി നടി ബിന്ദു പണിക്കരുടെ മകൾ കല്യാണി പണിക്കർ അരങ്ങേറ്റം കുറിക്കുന്നു. ജഗദീഷ്, അസീസ് നെടുമങ്ങാട്, സായ്കുമാർ , ശ്രീജയ , അമൽ ജോസ് , സഞ്ജു മധു, എന്നിവരാണ് ചിത്രത്തിലെ മറ്റ് പ്രധാന താരങ്ങൾ. " മസ്തിഷ്ക മരണം- എ ഫ്രാങ്കെന്ബൈറ്റിങ് ഓഫ് സൈമൺസ് മെമ്മറീസ്" എന്ന ചിത്രത്തിന് ശേഷം അജിത് വിനായക ഫിലിംസിന്റെ ബാനറിൽ വിനായക അജിത് ആണ് ചിത്രം നിർമ്മിക്കുന്നത്. #🍿 സിനിമാ വിശേഷം #🎬സിനിമ കോർണർ