ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6XVDdx9?d=n&ui=v64j8rk&e1=c#ബൊമ്മലാട്ടം ((14)) മദ്യവും മദിരാക്ഷിയും കൊണ്ട് സമ്പന്നമായ മാദകിയില്‍ വേഷപ്രച്ഛന്നരായി റാസാഖും സഞ്ജനയും കടന്ന് രണ്ടാം നിലയിലെത്തി. തുടയോളം നീളമുള്ള കസവ് ജുബ്ബയണിഞ്ഞ റസാഖ് മൂക്കിനു താഴെ ചുണ്ടന്‍ വള്ളം പോലെയൊരു മീശയും ഒട്ടിച്ചു നിര്‍ത്തിയിരുന്നു. മാദകിയുടെ നടത്തിപ്പുകാരിയായ അന്‍പത്തിയഞ്ചടുക്കേ പ്രായമുള്ള കാമിനി ദീദിയുടെ മുന്നില്‍ റസാഖ് അമിതവിനയം നടിച്ച് നിന്നു. വലിയൊരു ദിവാനിയിന്മേല്‍ കാലില്‍ കാല് കയറ്റി വെച്ചിരുന്ന് ദയയില്ലാത്ത കണ്ണുകളോടെ കാമിനി ദീദി റസാഖിനെയൊന്നുഴിഞ്ഞു നോക്കി. വായില്‍ കുമിഞ്ഞ മുറുക്കാന്‍ താഴെയുള്ള പാത്രത്തില്‍ തുപ്പി അവര്‍ ചോദിച്ചു : "എന്താ നിന്‍റെ പേര്? നീ എവിടെ നിന്നു വരുന്നു?" "ദീദി ഞാന്‍ രാജസ്ഥാനില്‍ നിന്നുമാണ്. പേര് അര്‍ണവ്. എന്‍റെ പക്കല്‍ ഒരു പെണ്‍കുട്ടിയുണ്ട്. അവളെ ദീദിയ്ക്കൊന്നു കാണിക്കാന്‍........." റസാഖ് തല ചൊറിഞ്ഞതും കാമിനി ഇടയില്‍ കയറി : "ങ്ഹാ.. ങ്ഹാ.. കൊണ്ടു വാ അവളെ. ഞാനൊന്നു നോക്കട്ടെ." "ബേട്ടീ., ഇങ്ങോട്ടു പോന്നോളൂ." റസാഖ് അല്‍പ്പം ഉച്ചത്തില്‍ വിളിച്ചതും മന്ദം മന്ദം സഞ്ജന കടന്നു വരികയായിരുന്നു. ത്രിലോക സുന്ദരിമാര്‍ പോലും തോറ്റു പോകുന്ന ആ അപ്സരസിനെ കണ്ട് കാമിനി വാ പൊളിച്ചു പോയി.! ഉരുണ്ട വലിപ്പമുള്ള മാറിനെ തിളക്കമാര്‍ന്ന ബ്ലൌസുകൊണ്ട് മറച്ചിരുന്നെങ്കിലും കൊളുത്ത് പൊട്ടിച്ച് മുന്നോട്ട് കുതിക്കാന്‍ അവ വെമ്പുന്ന പോലെ.! ഒതുക്കമുള്ള അരക്കെട്ടും ആലില വയറും അല്‍പ്പം പോലും വണ്ണം തോന്നിച്ചില്ല. തിളക്കമുള്ള കീഴ് വസ്ത്രവും. അഴിച്ചിട്ട അവളുടെ മുടിയിഴകള്‍ കാറ്റില്‍ നൃത്ത ചുവടുകള്‍ വെയ്ക്കുന്നു. ദേവന്മാരെ പ്രീതിപ്പെടുത്തും മട്ടില്‍ അവള്‍ മനോഹരമായി പുഞ്ചിരി തൂകി. "ഇവള്‍ ഇപ്പോഴേ തയ്യാറായോ??! ഒരാണിന്‍റെ പോരാട്ട വീര്യമറിയാന്‍ ഇവള്‍ക്കെന്താ അത്രയ്ക്കും മുട്ടി നില്‍ക്കുവാണോ?!" കാമിനിയുടെ കണ്ണുകള്‍ ചുരുക്കിയുള്ള ചോദ്യത്തിന് കൈ തരിച്ചെങ്കിലും സഞ്ജന സംയമനം പാലിച്ചു. ജീന്‍സും ടീഷര്‍ട്ടും ധരിച്ച് മാദകിയുടെ താഴെ നിലയിലിരിക്കുന്ന കരണ്‍ ഇയര്‍ ബഗ്ഗിലൂടെ രംഗം ശ്രവിച്ച് തന്‍റെ പ്ലാനിനെ ചെറുതായെങ്കിലും ശപിച്ചു. അവര്‍ക്കു മുന്നില്‍ മറ്റു ഉപായമില്ലാത്തതിനാല്‍ കോപം കടിച്ചമര്‍ത്തുകയായിരുന്നു. "Sanjana Stay Calm..! എടുത്തുചാടി ഒന്നും പറയുകയോ പ്രവര്‍ത്തിക്കുകയോ ചെയ്യരുത്. അത് ആപത്താണ്." കരണിന്‍റെ ഓര്‍ഡറില്‍ കാമിനിയറിയാതെ സഞ്ജന ചെറുതായി മൂളി. "ഇവള്‍ നിന്‍റെയാരാ?!" സഞ്ജനയെ നോക്കി റസാഖിനോടായി കാമിനി ചോദിച്ചു. "ഇത് എന്‍റെയൊരു സൃഹൃത്തിന്‍റെ മകളാണ്. ഇവിടെ പനാജിയില്‍ കോളേജിലാണ് ഇവള്‍ പഠിക്കുന്നത്. ഒരു പ്രാരാബ്ധക്കാരിയാ ദീദി. കോളേജ് ഫീസും ഹോസ്റ്റല്‍ വാടകയും ഒരുപോലെ കൊടുക്കാന്‍ നിവൃത്തിയില്ലാതെ വന്നപ്പോള്‍ ഇവള്‍ക്ക് വേറേ......" അത്രയും പറഞ്ഞ് റസാഖ് നിര്‍ത്തിയതും കാമിനി കൈ ഉയര്‍ത്തി തടഞ്ഞു. "ഉം.. മതി മതി.. മനസ്സിലായി. എന്താടി കൊച്ചേ നിന്‍റെ പേര്?!" "ലക്ഷ്മി.!" സഞ്ജന പേര് പറഞ്ഞു. "ഉം.. ടാ ബെടുവാ, സൃഹൃത്തിന്‍റെ മകളെ നീ എന്നു മുതലാ കൂട്ടിക്കൊടുക്കാന്‍ തുടങ്ങിയത്???!" കാമിനിയുടെ പുഴുത്ത വര്‍ത്തമാനത്തില്‍ തന്‍റെ നിയന്ത്രണം കെട്ടുകള്‍ പൊട്ടിച്ചു തുടങ്ങുന്നുവെന്ന് റസാഖ് മനസ്സിലാക്കി. തന്‍റെ കൈ പാങ്ങിന് അല്‍പ്പം പോലും തികയാത്ത കാമിനിയെന്ന സ്ത്രീ രൂപത്തെ കാലിൽ തൂക്കി ഭിത്തിയലടിക്കാന്‍ ആ കൈകള്‍ തരിച്ചു. "Rasak, Please Control yourself.! നിയന്ത്രണം കൈവെടിയരുത്." കരണ്‍ വീണ്ടും അറിയിച്ചു. മനസ്സിനെ നിയന്ത്രിക്കാന്‍ പാടുപെട്ട് റസാഖ് നിശബ്ദം നിന്നു. കാമിനി തുടരുകയായിരുന്നു : "ഉം.. ഇന്നത്തെ ദിവസം ഈ മഹാ ലക്ഷ്മിയെ കൊണ്ടു വന്നത് ഏതായാലും നന്നായി. ഇന്ന് ഒരു പ്രത്യേക ദിവസമാണ്. അവനെത്തുന്ന ദിവസം." "ആര്?!" റസാഖിന്റെ കണ്ണുകൾ ഇടുങ്ങി. "ഈ സംരംഭത്തെ മുന്നോട്ട് നയിക്കുന്ന, ഇവിടെയുള്ള മദാലസകളുടെ നായകന്‍.! അവന് താല്‍പ്പര്യം ആരും ഭക്ഷിക്കാത്ത കനിയെയാണ്. ആദ്യം അവനൊന്നു രുചിക്കും. അതുകഴിഞ്ഞേ മറ്റുള്ളവര്‍ക്ക് ഒന്നു മണക്കാന്‍ കൂടി കഴിയൂ. അവന്‍റെ വരവിന് വേണ്ടിയാണ് എന്‍റെയും കാത്തിരിപ്പ്." കമിനി കീഴ്ച്ചുണ്ട് കടിച്ചു. "അവന്റെ വരവാണ് എനിക്കും ആവശ്യം. വിടില്ല ഞാന്‍ ആ നായകനെ!" കരണ്‍ മനസ്സില്‍ പറഞ്ഞത് ആരും കേട്ടില്ല. "ഇവള്‍ക്ക് മറ്റെന്തൊക്കെ അറിയാം?!" കാമിനി ചോദിച്ചു. "ലക്ഷ്മി നന്നായി നൃത്തം ചെയ്യും, സംഗീതം ആലപിക്കും. ആരെയും മയക്കുന്ന വശ്യത മുഖത്തു വരുത്തി ഇവള്‍ വെയ്ക്കുന്ന ഓരോ ചുവടുകളും അരങ്ങിനെ സ്വര്‍ഗ്ഗ ലോകത്തേക്ക് കൊണ്ടുപോകും. കാണികളെ വിസ്മയിപ്പിക്കും..." റസാഖ് മറുപടി കൊടുത്തു. "ഉം.. നല്ലത്. ഇതെല്ലാം ഒത്തിണങ്ങിയ ഒരുത്തിയെ തന്നെയാണ് എനിക്കും വേണ്ടത്. അവന്‍ വരുമ്പോള്‍ ഇവിടെ നൃത്ത പരിപാടികള്‍ തുടങ്ങും. നിന്‍റെ ചുവടുകളിലും ആലാപനത്തിലും അവന്‍ ആകൃഷ്ടനായാല്‍ നീ രക്ഷപ്പെട്ടു കുട്ടീ. അവന്‍റെ കൂടെയുള്ള ആദ്യാനുഭവം നീ ജീവിതത്തില്‍ ഒരിക്കലും മറക്കില്ല. പിന്നെ രാജ്ഞിയെ പോലെ നിനക്ക് കഴിയാം. കോളേജില്‍ വിലസാം." "മതി.. അതുമതി.." റസാഖ് കൈ കെട്ടി അറിയിച്ചതും ഒരു നോട്ടു കെട്ട് കാമിനി അവനു നേരെ എറിഞ്ഞു കൊടുത്തു. "ഇതൊരു അഡ്വാന്‍സായി കണ്ടാല്‍ മതി. ഇവളുടെ പെര്‍ഫോമണ്‍സ് ഗംഭീരമാവുന്നതനുസരിച്ച് പണം നിന്നെ തേടി എത്തിക്കൊണ്ടേയിരിക്കും. വേശ്യാലയം നടത്തുകയാണെങ്കിലും കാമിനി അന്തസ്സും ന്യായവും വിട്ടു കളിക്കില്ല. പറഞ്ഞ വാക്ക് തല പോയാലും തെറ്റില്ല." ഉം.. റസാഖ് ശിരസ്സാട്ടി. "ഞാന്‍ വിളിക്കുമ്പോഴൊക്കെ നീ ഇവിടെ വരണം. ചെയ്യേണ്ടതെല്ലാം ചെയ്യണം. പ്രായ വ്യത്യാസമൊന്നും നോക്കാതെ പ്രവര്‍ത്തിക്കണം. ചിലപ്പോള്‍ നിനക്ക് കിട്ടുന്നത് പടു കിഴവന്മാരെ ആയിരിക്കും. അവരാകുമ്പോള്‍ ജോലി അല്‍പ്പം കുറവായിരിക്കും. എന്നാലോ ഇരട്ടിയിലധികം തുകയും കിട്ടും. വേശ്യവൃത്തി മറ്റുള്ള വ്യാപാരങ്ങളെ പോലെയല്ല. തുടക്കക്കാർ കൂടുതൽ സമ്പാദിക്കും. അനുഭവസമ്പന്നർ കുറച്ചും. അതുകൊണ്ട് എന്നും ഒരു തുടക്കക്കാരിയാണെന്ന് നടിക്കുക. ഇതിനൊക്കെ സമ്മതമാണോ നിനക്ക്??!" അതെയെന്നര്‍ത്ഥത്തില്‍ സഞ്ജന തലയാട്ടി. കാമിനി ഉറക്കെ വിളിച്ചു : "ഹോയ് മാധുരീ.??" അകത്തു നിന്നും സുന്ദരിയായ ഒരു സ്ത്രീ പാദസരം കിലുക്കി മുന്നോട്ട് കടന്നു വന്നു. കാമിനി സഞ്ജനയെ നോക്കി: "ഇവള്‍ക്കൊപ്പം അകത്തേക്ക് പൊക്കോളൂ. ബാക്കിയുള്ളവ ഇവള്‍ നിനക്ക് പറഞ്ഞും പഠിപ്പിച്ചും തരും. അവന്‍ വരാന്‍ സമയമാകുന്നു. നൃത്തത്തിന് തയ്യാറായിക്കോളൂ." സഞ്ജന വീണ്ടും തലയാട്ടി മാധുരിയോടൊപ്പം അകത്തേക്കു പോയി. "ഇനിയെന്താ തന്‍റെ കാര്യം? അല്‍പ്പ നേരം കൂടി ക്ഷമിക്കുകയാണെങ്കില്‍ അവളുടെ നൃത്തം തനിക്കും കാണാം. ഇനിയതിന് താല്‍പ്പര്യം ഇല്ലെങ്കില്‍ വന്ന വഴിയേ തിരിച്ചു പോകാം." തിരിച്ചു പോകാനല്ല ഇത്ര കഷ്ടപ്പെട്ട് ഇങ്ങോട്ട് ഞാന്‍ കയറി വന്നത്. റസാഖിന്‍റെ മനസ്സിലെ മന്ത്രണം മുഖത്ത് പുച്ഛമായി നിഴലിച്ചു. "എന്താടോ താന്‍ ഒന്നും പറയാത്തേ?" "ഏയ് ഒന്നുമില്ല ദീദി. ഈ നൃത്ത ചുവടുകള്‍ കണ്ട് കഴിഞ്ഞു ഞാന്‍ മടങ്ങിക്കോളാം." "ശരി, അങ്ങനെയാവട്ടെ. എങ്കില്‍ താഴേക്കിറങ്ങിക്കോളൂ. എല്ലാം ഇപ്പോള്‍ തുടങ്ങും." "അതെ, എല്ലാം ഇപ്പോള്‍ തന്നെ തുടങ്ങണം." മനസില്‍ പിറുപിറുത്ത് റസാഖ് കോണിപ്പടികളിറങ്ങവേ ബഗ്ഗിലൂടെ അറിയിച്ചു : "Sir, Success..!" കരണ്‍ ഒന്നു മൂളി. ഇതേ സമയം സഞ്ജനയെ മാധുരി വിശിഷ്ടമായ ഒരു മുറിയിലേക്കാണ് കൊണ്ടു പോയത്. "ഇവിടെ ആദ്യം വരുന്നവര്‍ക്കു മാത്രം കൊടുക്കുന്ന ഒരു പ്രത്യേക മുറിയാണിത്. അടുത്തയാള്‍ വരുന്നതു വരെ ഈ മുറി നിന്‍റേതാണ്. ഇതിനകത്ത് നിനക്കു വേണ്ട വസ്ത്രങ്ങളും ആഭരണങ്ങളും മറ്റുമൊക്കെ തയ്യാറാക്കി വച്ചിട്ടുണ്ട്. അതണിഞ്ഞു വേണം അവനുമേല്‍ നൃത്തമാടാന്‍. നിന്‍റെ കഴിവ് ഈ കടഞ്ഞെടുത്ത മേനിയില്‍ പരമാവധി കൊണ്ടുവന്ന് അവനെ നീ വിസ്മയിപ്പിക്കണം." സഞ്ജനയുടെ തലയുഴിഞ്ഞ് മാധുരി കൈ വിരലുകളിലെ ഞൊട്ടയൊടിച്ചു. "ഞാന്‍ വന്നപ്പോള്‍ മുതല്‍ കേള്‍ക്കുന്നു. ആരാണ് ഈ അവന്‍?" സഞ്ജന സംശയിച്ചതിന് മാധുരി ഒന്നു വശ്യമായി പുഞ്ചിരിച്ചു. "ധൃതി പിടിക്കാതെ കുട്ടീ. അവനെ നീ ഉടന്‍ തന്നെ കാണും, അറിയും. ഇനി ഏതാനും നിമിഷങ്ങള്‍ മാത്രമേ നിന്‍റെ മുന്‍പിലുള്ളൂ. അതുവരെ നീ ക്ഷമിച്ചേ പറ്റൂ." പുഞ്ചിരി മായ്ക്കാതെ മാധുരി തന്‍റെ അധരങ്ങള്‍ സഞ്ജനയുടെ ചെവിയില്‍ ചേര്‍ത്ത് സ്വകാര്യമൂതി : "അവന്‍ നിന്നെ സ്വര്‍ഗത്തിന്‍റെ കവാടം വരെ കൊണ്ടുപോയി നിര്‍ത്തി താഴേക്കിടും. നിന്‍റെ മിഴികളില്‍ വര്‍ണ്ണശഭളമായ ഇരുള്‍ വന്ന് മൂടപ്പെടും. ഒരോ നിമിഷവും നീ ആനന്ദിക്കും. നീ കാറ്റില്‍ പറന്നൊഴുകും." അത്രയും ചെവിയിലൂതി മാധുരി തിരിഞ്ഞു നടന്നു. സഞ്ജന ആ മുറിയില്‍ കടന്ന് കതക് അകത്തു നിന്നും ബോള്‍ട്ട് ചെയ്ത് ബഗ്ഗിലൂടെ അറിയിച്ചു : "Sir Im In..!" "Good..!!" കരണ്‍ വീണ്ടും ഒന്നു മൂളി. മൂവരും മൂന്ന് ഭാഗങ്ങളിലായി കാത്തു നിന്നു മി. എക്സിന്‍റെ വരവിനായി. സഞ്ജന തന്‍റെ പാവാടയുടെ പോക്കറ്റിലെ ഗണ്‍ എടുത്ത് ലോഡ് ചെയ്തു വച്ചു. റസാഖും കരണും തങ്ങളുടെ അരയിലെ ഗണ്‍ എളുപ്പത്തിലെടുക്കാന്‍ പാകത്തില്‍ ഉറപ്പു വരുത്തി ഒരു പോരാട്ടത്തിനായി ക്ഷമയോടെ തയ്യാറായി നിന്നു. താഴെ നിലയില്‍ ഒരുപാട് ആളുകള്‍ വന്നു പോകുന്നുണ്ട്. മദ്യപിക്കാന്‍ എത്തിയവരും, സ്ത്രീകളുമായി സമയം ചിലവിടാനെത്തിയവരും. പ്രായഭേദമന്യേ അവര്‍ ഉല്ലസിച്ചു. കരണ്‍ അവര്‍ ഓരോരുത്തരിലും ചൂഴ്ന്നു നോക്കി. ഏതാനും സമയം കടന്നു പോകവേ മൂന്ന് വണ്ടികള്‍ മാദകിയുടെ മുന്നില്‍ വല്ലാത്ത ശബ്ദത്തോടെ പൊടി പറത്തി പാഞ്ഞു വന്ന് നിശ്ചലമായി. കരണിന്‍റെ കണ്ണുകള്‍ വെളിയിലേക്ക് പാഞ്ഞു. രണ്ട് കറുത്ത സ്കോര്‍പ്പിയോയുടെ മധ്യത്തില്‍ ലേറ്റസ്റ്റ് വണ്‍ ചുവന്ന താര്‍! സ്കോര്‍പ്പിയോയില്‍ നിന്നും ഒരാള്‍ ഇറങ്ങി താറിന്‍റെ ഡോര്‍ തുറന്നു കൊടുത്തതും തങ്ങള്‍ കാത്തിരുന്ന ആ രൂപം പുറത്തേക്കിറങ്ങുകയായിരുന്നു. മിസ്റ്റര്‍ എക്സ്.!! കരണിന്‍റെ കണ്ണുകള്‍ വിടര്‍ന്നു. കൈയ്യിലാത്ത ബ്ലാക്ക് ബനിയനും, ബ്ലാക്ക് ജീന്‍സും, ബ്ലാക്ക് ബൂട്ടും ധരിച്ച ആ വെളുത്ത ചര്‍മ്മത്തിന് തലയില്‍ പേരിന് പോലും മുടിയില്ലായിരുന്നു. ഇടതു കാതിലെ റിംഗ് ഓരോ കാല്‍വെയ്പ്പിലും നന്നായി ആടുന്നുണ്ടായിരുന്നു. തന്നോളം പൊക്കമില്ലാത്ത മിസ്റ്റര്‍ എക്സിനെ കണ്ട് കരണിന്‍റെ കൈ തരിച്ചു. റസാഖ് പല്ലിറുമ്മി. "സഞ്ജന അവന്‍ എത്തി." ബഗ്ഗിലൂടെ കരണ്‍ അറിയിച്ചതും സഞ്ജന മൂളലോടെ തയ്യാറെടുത്തു. അപ്പോഴാണ് കതകില്‍ മൂന്നു തവണ തട്ടല്‍ കേട്ടത്. "ലക്ഷ്മീ, തയ്യാറാവൂ..! അവനെത്തി." മാധുരിയുടെ ശബ്ദമായിരുന്നുവത്. സഞ്ജനയുടെ ചുണ്ടില്‍ ക്രൂരമായ ചിരി വിടര്‍ന്നു. അവള്‍ തന്‍റെ ഗണ്ണില്‍ ഒന്നു നോക്കി. മിസ്റ്റര്‍ എക്സിന്‍റെ പുറകില്‍ കറുത്ത വേഷധാരികളായ എട്ടോളം ബോഡീഗാര്‍ഡ്സും ഉണ്ടായിരുന്നു. അവരെല്ലാം എക്സിനോടൊപ്പം അകത്തേക്ക് പ്രവേശിച്ചതും തങ്ങളെ കാണാതിരിക്കാന്‍ കരണും റസാഖും മറഞ്ഞു നിന്നു. "ആയിയേ ബേട്ടാ.. ആയിയേ..!" കാമിനി സന്തോഷവതിയായി എക്സിനെ പുണര്‍ന്നു. "കാമിനി.. നിനക്ക് സുഖമാണോ?!" എക്സ് ചോദിച്ചതിന് അതെയെന്ന മൂളല്‍ മാത്രം കാമിനി കൊടുത്തു കൊണ്ട് പറഞ്ഞു : "ദേഖോ ബേട്ടാ, ഇന്ന് പുതിയൊരതിഥിയെയാണ് ഞാന്‍ നിനക്ക് നല്‍കുന്നത്. പൂമ്പാറ്റ നുകരാത്ത ഒരു തേന്‍ പുഷ്പത്തെ! നിന്നിലൂടെ ആദ്യ പാപം രുചിച്ചവര്‍ എന്നും ജീവിതത്തില്‍ വിജയിച്ചിട്ടേയുള്ളൂ. ഇവളേയും നീയൊരു ധനികയാക്കണം." "അതിനെന്താ കാമിനീ! എനിക്കൊപ്പം നില്‍ക്കുന്നവരെ എന്നും ഞാന്‍ ധനികരാക്കിയിട്ടേയുള്ളൂ. നീ വേണ്ട ഒരുക്കങ്ങള്‍ കൂട്ടൂ കാമിനി. ആ പുഷ്പത്തിന് ചുറ്റും ഒരു വണ്ടെന്ന പോലെ പാറി പറക്കാന്‍ എനിക്ക് കൊതിയാവുന്നു." ഇരുവരും അകത്തേക്ക് പ്രവേശിച്ചു. "കരുതിയതു പോലെ ഇവനൊരു സാധാരണക്കാരനല്ല. ഒരോ ചുവടും വളരെ സൂക്ഷ്മതയോടെ മുന്നോട്ട് വെക്കണം." കരണ്‍ പറഞ്ഞതിന് ഇരുവരും തലയാട്ടി. "Sanjana Now Your Turn..!" ഉം..! സഞ്ജന ശ്വാസമെടുത്ത് ഒന്നു മൂളുകയായിരുന്നു. മാദകിയിലെ താഴെ നില എക്സിന്‍റെ വരവോടെയൊരുങ്ങി. കരണും റസാഖും രണ്ടിടങ്ങളിലായി നിന്നു. വലിയൊരു സോഫയില്‍ രാജാവിനെ പോലെയിരിക്കുന്ന എക്സിനെ തൂക്കിയെടുത്ത് പെരുമാറാന്‍ തോന്നിയെങ്കിലും കരണ്‍ നിയന്ത്രണം പാലിച്ചു. അവന്‍ ഇതുവരെ തങ്ങളെ കണ്ടിട്ടില്ല. "ഹരേ ബേട്ടീ.., ആവോനാ..?" കാമിനി അകത്തേ അറയില്‍ നോക്കി നീട്ടി വിളിച്ചതും ഏതാനും സുന്ദരികള്‍ പാദസരം കിലുക്കി നടന്നു വരുന്നു. എക്സിന്റെ കണ്ണുകളിൽ ആകാംക്ഷ മുറ്റി. സുന്ദരികളുടെ മധ്യത്തിലായി മേനി കുലുക്കി വരുന്ന സഞ്ജനയെ കണ്ട് എക്സ് രോമം എഴുന്നേറ്റ് കോരി തരിച്ചു. ഇവളൊരു ദേവത തന്നെ. ഞാനെത്ര ഭാഗ്യവാന്‍. എക്സ് കൊതിയോടെയിരിക്കേ സഞ്ജന ഗാനവും നൃത്തവും ആരംഭിക്കുകയായിരുന്നു. 🎵Piya more bhole bhole Move your body haule haule Le chale jahan tu Sang sath jaana hai Meri aakhein mere khwaab awara Mere din, meri raat awara Yaara meri har baat awara Awara awara Tere neele neele naina Din raat mujhe chhedein Yeh nasheele tere naina Chalein aar-paar dil ke mere Piya more bhole bhole Move your body haule haule Le chale jahan tu Sang sath jaana hai🎵 ആരെയും മയക്കുന്ന തരത്തിലെ സഞ്ജനയുടെ ചുവടുകളില്‍ എക്സ് ആര്‍ത്തിയോടെയിരുന്നു. കരണും തെല്ലൊന്നു അമ്പരന്നു. സഞ്ജന ഒരു തില്ലാല്ലങ്കിടി തന്നെയെന്ന് അവന്‍റെ മനസ്സും ഊഹിക്കുകയായിരുന്നു! എക്സിനെ പരമാവധി ആകര്‍ഷിക്കാന്‍ സഞ്ജന ശ്രമിച്ചു കൊണ്ടേയിരുന്നു. അയാളും അവള്‍ക്കൊപ്പം നൃത്ത ചുവടുകള്‍ വെച്ചു. 🎵Haaye piya tohre bhole bhole Move your body haule haule Le chaloon jahan main Sang sath jaana hai Sharam kyun, sharam kyun Sharam kyun tujhko hai aati Yahan to, yahan toh Yahan to saare hi naughty🎵 അവളുടെ മേനിയഴകിലും നൃത്തത്തിലും ഇപ്പോള്‍ പകുതിയിലേറെ അവന്‍ വീണു കഴിഞ്ഞിരുന്നു. കരണും റസാഖും അത് മനസ്സിലാക്കി. സഞ്ജനയാവട്ടെ തന്ത്രപരമായി എക്സിനെ മറ്റൊരു മുറിയില്‍ കൊണ്ടു പോയി കതക് ബോള്‍ട്ട് ചെയ്ത് നൃത്തമാടി. 🎵Samajhna, samajhna Samajhna humko tu kuchh kamm Legendary, legendary Legendary aashiq thehre hum Tere neele neele naina Din raat mujhe chhedein Yeh nasheele tere naina Chalein aar-paar dil ke mere🎵 അവളുടെ അരക്കെട്ടില്‍ ഉന്മാദത്തോടെ തഴുകി എക്സും വിട്ടു കൊടുത്തില്ല. തങ്ങള്‍ക്ക് വേണ്ടി പ്രത്യേകം തയ്യാറാക്കിയ കിടക്ക വിരിയില്‍ സഞ്ജന അയാളെ തള്ളിയിട്ടു. റോസാപുഷ്പ്പ ഇതളുകള്‍ വായുവില്‍ ഉയര്‍ന്നു താഴ്ന്നു. സഞ്ജന അയാള്‍ക്കു മുന്നില്‍ മേനി കുലുക്കി വല്ലാതെ നൃത്തമാടി. ക്ഷമ നശിച്ച എക്സ് മുന്നോട്ട് വന്ന് അവളെ തന്നിലേക്ക് ചേര്‍ത്തു പിടിച്ചു. അവളുടെ ആലില വയറില്‍ അയാളുടെ കൈകള്‍ അരിച്ചു കളിച്ച് താഴേക്കിറങ്ങി. 🎵Piya more bhole bhole Move your body haule haule Le chale jahan tu Sang sath jaana hai Haaye piya tohre bhole bhole Move your body haule haule Le chaloon jahan main Sang sath jaana hai🎵 പാവാട പോക്കറ്റില്‍ നിന്നും ഗണ്ണെടുത്ത് സഞ്ജനയുടെ നേര്‍ക്കു തന്നെ എക്സ് ചൂണ്ടുകയായിരുന്നു. തീര്‍ത്തും പ്രതീക്ഷിക്കാത്ത രംഗം. ഇടിത്തീ വീണ പോലെ സഞ്ജന സ്തബ്ധമായി. "Why Gun..??!!" ക്രുരമായ ചിരിയുടെ അകമ്പടിയോടെ എക്സ് ചോദിച്ചതിന് അവള്‍ ഉമിനീരിറക്കി.. "ഞാന്‍ അഞ്ചു മുതല്‍ പുറകോട്ട് എണ്ണും. അതിനുള്ളില്‍ എന്തായിരുന്നു നിന്‍റെ ഉദ്ധേശമെന്ന് പറഞ്ഞില്ലെങ്കില്‍ തീര്‍ച്ചയായും ഞാന്‍ കാഞ്ചി വലിക്കും. നിന്‍റെ ശിരസ്സ് രണ്ടായി പിളരും. ചെയ്തു തീര്‍ത്ത കൊലപാതകങ്ങളില്‍ ഒന്നു കൂടി. അത്രയേ ഞാന്‍ കരുതൂ.. ശരി, നിന്‍റെ സമയം ഞാന്‍ എണ്ണാന്‍ പോകുന്നു." "അഞ്ച്.!" സഞ്ജന എന്തു ചെയ്യണമെന്നറിയാതെ പകച്ചു. "നാല്.!" ഭീതിയോടെ അവള്‍ ചുറ്റും നോക്കി. "മൂന്ന്.!" അവളുടെ ശ്വാസം വേഗത്തിലായി. "രണ്ട്.!" തൊണ്ട വരണ്ടു. അവള്‍ ഉമിനീരിറക്കി. "ഒന്ന്.! ശരി. നിനക്കിനി ഈ ഭൂമിയില്‍ നിന്നേ വിട പറയാം." അയാള്‍ കാഞ്ചി വലിക്കാന്‍ മുതിര്‍ന്നതും പൊടുന്നനെ സഞ്ജനയുടെ ചുണ്ടില്‍ ചിരി വിടരുകയായിരുന്നു. ((തുടരും)) കണ്ണൂർകാരൻ 🌹🌹🌹🌹 #📔 കഥ #📙 നോവൽ #✍ തുടർക്കഥ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ!