മധ്യപ്രദേശ് സർക്കാർ വികസന പദ്ധതികൾ നടപ്പാക്കുന്ന ഉജ്ജയിനിൽ മുഖ്യമന്ത്രിയും ബിജെപി നേതവുമായ മോഹൻ യാദവും കുടുംബവും സ്വാധീനം ഉപയോഗിച്ച് വാങ്ങിക്കൂട്ടിയത് 168 ഏക്കർ ഭൂമിയെന്ന് റിപ്പോർട്ട്. സർക്കാർ വൻ വികസന പദ്ധതികൾ നടപ്പാക്കാൻ ഉദ്ദേശിക്കുന്ന ഭൂമിയാണ് മുഖ്യമന്ത്രിയും കുടുംബവും സ്വന്തമാക്കിയത്. മോഹൻ യാദവ്, ഭാര്യ, മകൻ്റെ ഭാര്യ, മറ്റ് അടുത്ത ബന്ധുക്കൾ എന്നിവർ ചേർന്ന് 2023 മുതൽ കോടിക്കണക്കിന് രൂപ വിലമതിക്കുന്ന 168 ഏക്കർ ഭൂമിയാണ് വാങ്ങിക്കൂട്ടിയത്. വിവരങ്ങൾ പുറത്തുവന്നതോടെ മധ്യപ്രദേശിൽ വൻ പ്രതിഷേധമാണ് അരങ്ങേറുന്നത്. ഔദ്യോഗിക പദവി ഉപയോഗിച്ച് സർക്കാർ പദ്ധതികളെക്കുറിച്ചുള്ള മുൻകൂട്ടി ലഭിച്ച വിവരങ്ങൾ വ്യക്തിപരമായ നേട്ടങ്ങൾക്കായി മുഖ്യമന്ത്രി ഉപയോഗപ്പെടുത്തിയെന്നാണ് റിപ്പോർട്ടിൽ പറയുന്നത്. മുഖ്യമന്ത്രിയുടെ അടുത്ത ബന്ധുക്കൾ ഇതിനകം തന്നെ ഈ ഭൂമികളിൽ പലതും വൻകിട ഹൗസിംഗ് പ്രൊജക്ടുകളാക്കി മാറ്റി വലിയ ലാഭം കൊയ്യാനുള്ള നടപടികൾ ആരംഭിച്ചിട്ടുണ്ടെന്നു റിപ്പോർട്ടിൽ പറയുന്നു. എന്നാൽ റിപ്പോർട്ടിനോട് മുഖ്യമന്ത്രിയും ബന്ധുക്കളും പ്രതികരിച്ചിട്ടില്ല. . . . . . . . #🗳️ രാഷ്ട്രീയം #🔵 യുഡിഎഫ് #👴 മോദിജി #🔶 BJP #🔴 എൽഡിഎഫ്