శ్రీ సరస్వతి దేవి జయంతి / వసంత పంచమి విశిష్టత

🌿🌼మహా మహిమాన్వితమైన శ్రీ సరస్వతీ దేవి ద్వాదశ నామాలు🌼🌿 🌿🌼సరస్వతీ దేవి అంటే కేవలం చదువుకునే పిల్లలు మాత్రమే పూజించవలసిన శక్తి స్వరూపం కాదు, ఆవిడ జ్ఞానాన్ని ప్రసాదించే దేవత. బ్రహ్మ మేధస్సు సరస్వతీ దేవి, ఆయన సృష్టి రచన సమర్ధవంతంగా చేయడానికి కారణం ఆ తల్లి. చాలా మంది తమ విద్యార్థి దశలో సరస్వతీ దేవిని పుజుంచినా, తమ లౌకికమైన చదువులు పూర్తి కాగానే ఆవిడ పట్ల అంతటి భక్తి భావం కలిగి ఉండరు. సరస్వతీ దేవి అనుగ్రహం ఉంటేనే, మనిషి తనకు ఏది శ్రేయస్కరమో, ఏది హానికరమో గ్రహించగలిగే విచక్షణ కలిగి ఉంటాడు. కనుక మనకు ఆయుర్దాయం ఉన్నంతవరకూ సరస్వతీ దేవిని పూజిస్తూనే ఉండాలి. సరస్వతీ దేవి యొక్క ద్వాదశ నామాలు ప్రతిరోజూ అందరమూ పఠించాలి. అప్పుడే అమ్మ దయ వలన బుద్ధికుశలత కలిగి, జీవితంలో అభ్యున్నతి కలిగుతుంది.🌼🌿 🌿🌼శ్రీ సరస్వతి దేవి ద్వాదశ నామ స్తోత్రం🌼🌿 సరస్వతి యం తృష్ణ వీణా పుస్తక ధారిణి హంస వాహన సమాయుక్త విద్యాదాన కరీమమ ప్రథమం భారతీయ నామం ద్వీతియంచ సరస్వతి తృతీయం శారదా దేవి చతుర్థం హంస వాహిని పంచమం జగతీ ఖ్యాతం షష్ఠం వాగీశ్వరీ తథా కౌమారి సప్తకం ప్రోక్రమష్టకం నవమం భుద్ది ధాత్రి చ దశమం వరదాయిని ఏకాదశం క్షిద్రగుంట ద్వాదశం భువనేశ్వరి! బ్రాహ్మి ద్వాదశ నామ్న త్రిసంధ్య య పడెన్ నర సర్వ సిద్ధి కరి తస్య ప్రసన్న పరమేశ్వరి సామే వసతు జిహ్వాగ్రే బ్రహ్మ రూపి సరస్వతి! ఇతి శ్రీ సరస్వతి ద్వాదశ నామ స్తోత్రం సంపూర్ణం! #🕉️ శ్రీ సరస్వతీ దేవి 🪕 #శ్రీ పంచమి #📚 సరస్వతీ దేవి 🙏 #శ్రీ పంచమి శుభాకాంక్షలు. #శ్రీ సరస్వతి దేవి జయంతి / వసంత పంచమి విశిష్టత

వసంత ఋతువుతో పాటు విద్య, వాక్కు, కళలకు అధిష్టాత్రీ అయిన రాజ శ్యామల దేవి ఆశీర్వాదాలు మీ ఇంటిని నింపాలని కోరుకుంటూ… ఈ పవిత్ర వసంత పంచమి రోజున మీకు, మీ కుటుంబానికి హృదయపూర్వక శుభాకాంక్షలు. 🌼🙏 జ్ఞానం, శాంతి, శుభఫలాలు మీ జీవితంలో వికసించుగాక! #శ్రీ సరస్వతి దేవి జయంతి / వసంత పంచమి విశిష్టత #శ్రీ పంచమి శుభాకాంక్షలు. #📚 సరస్వతీ దేవి 🙏 #శ్రీ పంచమి #🕉️ శ్రీ సరస్వతీ దేవి 🪕

ఈ రోజు వసంత పంచమి శుభవేళ శ్రీ సరస్వతీ దేవి అలంకారంలో శ్రీ శృంగేరి శారదా మాత. మఠం నుండి శారదాంబ అమ్మవారి దివ్య దర్శనం.🙏🏻🙏🙏💐💐 #🕉️ శ్రీ సరస్వతీ దేవి 🪕 #శ్రీ పంచమి #📚 సరస్వతీ దేవి 🙏 #శ్రీ పంచమి శుభాకాంక్షలు. #శ్రీ సరస్వతి దేవి జయంతి / వసంత పంచమి విశిష్టత

సరస్వతీ నమస్తుభ్యం... 🍁🍁🍁🍁 పరాశక్తి తొలిగా ధరించిన ఐదు రూపాల్లో సరస్వతి ఒకటి. ఆ మాత కేవలం చదువులనే కాదు సర్వశక్తి సామర్థ్యాలను తన భక్తులకు ప్రసాదిస్తుందని దేవీ భాగవతం నవమ స్కంధం ఐదో అధ్యాయం వివరిస్తోంది. మహామాయ, భాషా జ్యోతిర్మయి, కళారస హృదయగా సరస్వతీ పూజలందుకొంటోంది జ్ఞాన ప్రదాతగా సరస్వతి - కొన్ని గాథలు... పూర్వం ఓసారి సనత్కుమారుడు బ్రహ్మ దగ్గరకు వెళ్ళి జ్ఞానాన్ని గురించి చెప్పమన్నాడు. శ్రీకృష్ణ పరమాత్మ సూచన మేరకు బ్రహ్మ సరస్వతిని స్తుతించి బ్రహ్మజ్ఞానాన్ని పొందాడు. ఆ తర్వాత ఆయన బ్రహ్మజ్ఞాన సిద్థాంతం చేసి సనత్కుమారుడికి చెప్పాడు. అలాగే పూర్వం భూదేవి అనంతుడిని తనకు జ్ఞానాన్ని ఉపదేశించమంది. అనంతుడు కశ్యపుడి ఆజ్ఞతో పలుకుల తల్లిని స్తుతించాడు. ఆ తర్వాతనే అనంతుడు నిర్మలమైన జ్ఞానాన్ని సిద్థాంతీకరించి భూమాతకు చెప్పగలిగాడు. పూర్వం వ్యాస భగవానుడు పురాణ సూత్రాల గురించి వాల్మీకిని అడిగాడు. వాల్మీకి జగదాంబను స్మరించాడు. అలా ఆయన సరస్వతి దయను పొంది పురాణసూత్ర జ్ఞానాన్ని పొందాడు. వ్యాసుడు కూడా నూరేళ్ళపాటు పుష్కర తీర్థంలో సరస్వతిని గురించి తపస్సు చేసి వరాన్ని పొంది సత్కవీంద్రుడయ్యాడు. ఆ తర్వాతే ఆయన వేద విభాగాన్ని, పురాణ రచనను చేశాడు. ఓసారి ఇంద్రుడు తనకు తత్వజ్ఞానాన్ని ఉపదేశించమని శివుడిని అడిగాడు. శివుడు పాటు దివ్వవాణిని తలచుకొని ఆ శక్తి ప్రభావంతో ఇంద్రుడికి జ్ఞానోపదేశం చేశాడు. ఆ ఇంద్రుడే బృహస్పతి దగ్గరకు వెళ్ళి శబ్ద శాస్త్రాన్ని చెప్పమన్నాడు. అప్పుడు బృహస్పతి వెంటనే పుష్కర క్షేత్రానికి వెళ్ళి వేయి దివ్వ సంవత్సరాల పాటు సరస్వతిని ధ్యానించి శబ్దశాస్త్రం పొందాడు. పొరపాటున గురువు ఆగ్రహానికి గురై ఓసారి తాను చదువుకున్న చదువునంతా కోల్పోయాడు యాజ్ఞవల్క్య మహర్షి. అప్పుడాయన శోకార్తుడై పుణ్యప్రథమైన సూర్యస్థానానికి వెళ్ళి సూర్యుడిని గురించి తపస్సు చేశాడు. సూర్యుడు ప్రత్యక్షమై ఆ మహర్షి భక్తికి మెచ్చి వేదవేదాంగాలను చదివించాడు. అయితే యాజ్ఞవల్క్యుడికి జ్ఞాపక శక్తి లేక పోవటానికి గమనించిన సూర్య భగవానుడు సరస్వతీ స్తోత్రాన్ని భక్తితో నిరంతరం పఠించమని చెప్పాడు. యాజ్ఞవల్క్య మహర్షి సూర్య భగవానుడు చెప్పినట్టు భక్తితో సరస్వతీ స్తుతి విడవకుండా చేశాడు. ఆ స్తుతిలో తాను గురుశాపం వల్ల విద్యాహీనుడుగా అయినట్లు, జ్ఞాపక శక్తి కోల్పోయినట్లు చెప్పాడు. తన మీద దయచూపి జ్ఞాన, జ్ఞాపక శక్తులను ప్రసాదించమని, విద్యను చక్కగా శిష్యులకు బోధించే శక్తిని, గ్రంథ రచనా శక్తి, ప్రతిభ గల శిష్యులను తనకు ప్రసాదించమన్నాడు. సత్సభలలో మంచి విచారణ శక్తిని, సత్య స్వరూపిణి, వ్యాఖ్యాన రూపిణి, వ్యాక్యాధిష్టాతృ రూపిణి అయిన సరస్వతిని పదేపదే స్తుతించటంతో ఆ మాత యాజ్ఞవల్క్య మహర్షిని మళ్ళీ సంపూర్ణ జ్ఞానవంతుడిగా, సుకవిగా వెలుగొందమని ఆశీర్వదించింది. ఈ సరస్వతి స్తుతి అంతా దేవీ భాగవతంలో కనిపిస్తుంది.. 🍁🍁🍁🍁🍁 #🕉️ శ్రీ సరస్వతీ దేవి 🪕 #📚 సరస్వతీ దేవి 🙏 #శ్రీ పంచమి శుభాకాంక్షలు. #శ్రీ పంచమి #శ్రీ సరస్వతి దేవి జయంతి / వసంత పంచమి విశిష్టత

#శ్రీ పంచమి శుభాకాంక్షలు. #శ్రీ సరస్వతి దేవి జయంతి / వసంత పంచమి విశిష్టత #🕉️ శ్రీ సరస్వతీ దేవి 🪕 #📚 సరస్వతీ దేవి 🙏 #శ్రీ పంచమి

#శ్రీ పంచమి #📚 సరస్వతీ దేవి 🙏 #🕉️ శ్రీ సరస్వతీ దేవి 🪕 #శ్రీ సరస్వతి దేవి జయంతి / వసంత పంచమి విశిష్టత #శ్రీ పంచమి శుభాకాంక్షలు.

వసంత పంచమి – జ్ఞాన వికాసానికి పిలుపు పండుగలు అనేవి కేవలం ఆచారాలకే పరిమితం కాకుండా, సమాజానికి ఒక దిశను చూపించే సాంస్కృతిక సందేశాలుగా నిలుస్తాయి. అలాంటి పండుగలలో వసంత పంచమికి ప్రత్యేక స్థానం ఉంది. మాఘ మాస శుక్ల పక్ష పంచమి నాడు వచ్చే ఈ పర్వదినం, ప్రకృతిలో వసంత ఋతువు ఆరంభాన్ని ప్రకటించడమే కాకుండా, మానవ జీవితంలో జ్ఞానం–వెలుగు–ఆశల ఆవిర్భావాన్ని సూచిస్తుంది. శీతాకాలపు నిర్జీవతను విడిచి ప్రకృతి మళ్లీ నవజీవనం పొందే సమయం ఇదే. చెట్లకు పూత వస్తుంది, పొలాలు పసుపు వర్ణంతో కళకళలాడుతాయి. ఈ సహజ మార్పే వసంత పంచమి యొక్క మౌలిక భావం. మనిషి జీవితం కూడా అలాగే నిరుత్సాహం, అజ్ఞానం నుంచి బయటపడి కొత్త ఆలోచనల వైపు నడవాలనే సందేశాన్ని ఈ పండుగ ఇస్తుంది. వసంత పంచమి ప్రధానంగా విద్యాదేవి సరస్వతి ఆరాధనతో అనుసంధానమై ఉంది. జ్ఞానం లేకుండా అభివృద్ధి అసాధ్యం అనే సత్యాన్ని భారతీయ సంస్కృతి వేల ఏళ్ల క్రితమే గుర్తించింది. అందుకే ఈ రోజున విద్యారంభం, అక్షరాభ్యాసం వంటి కార్యక్రమాలు నిర్వహించడం ఆనవాయితీగా మారింది. ఇది విద్యను కేవలం ఉపాధికి పరిమితం చేయకుండా, వ్యక్తిత్వ నిర్మాణానికి పునాదిగా భావించిన దృక్పథాన్ని తెలియజేస్తుంది. నేటి సమాజంలో సాంకేతికత వేగంగా అభివృద్ధి చెందుతున్నా, విలువల ఆధారిత విద్య మాత్రం క్రమంగా తగ్గిపోతోంది. ఈ నేపథ్యంలో వసంత పంచమి ప్రాధాన్యం మరింత పెరుగుతుంది. జ్ఞానం అంటే మార్కులు మాత్రమే కాదు; ఆలోచన, వివేకం, బాధ్యత అనే విషయాలను కూడా గుర్తు చేస్తుంది. సరస్వతి పూజ అనేది దేవిని మాత్రమే కాదు, జ్ఞానాన్ని గౌరవించే సంస్కారాన్ని పూజించడమే. పసుపు రంగు వసంత పంచమికి ప్రతీక. అది ఆనందానికి, సానుకూలతకు, ఆశావాదానికి సంకేతం. నేటి కాలంలో నిరాశ, ఒత్తిడి, పోటీ మధ్య చిక్కుకున్న యువతకు ఈ పండుగ ఒక మానసిక ప్రేరణగా నిలవాలి. జీవితంలో ప్రతిసారీ వసంతం రావాలంటే మన ఆలోచనల్లోనూ, ప్రవర్తనలోనూ మార్పు రావాల్సిన అవసరం ఉందని ఇది గుర్తుచేస్తుంది. అందువల్ల వసంత పంచమిని ఒక సంప్రదాయ పండుగగా మాత్రమే కాకుండా, జ్ఞాన వికాసానికి, ఆలోచనా పునరుజ్జీవనానికి, సమాజాన్ని వెలుగుమార్గంలో నడిపించే సందేశ దినంగా భావించాల్సిన అవసరం ఉంది. అజ్ఞానాన్ని తొలగించి, వివేకాన్ని అలవరచుకున్నప్పుడే నిజమైన వసంతం మన జీవితాల్లో నిలుస్తుంది. #శ్రీ పంచమి శుభాకాంక్షలు. #శ్రీ సరస్వతి దేవి జయంతి / వసంత పంచమి విశిష్టత #🕉️ శ్రీ సరస్వతీ దేవి 🪕 #📚 సరస్వతీ దేవి 🙏 #శ్రీ పంచమి

చదువులతల్లి అవతరించిన పరమపావన పర్వదినం విద్యకు అధిదేవత, జ్ఞానప్రదాయిని శ్రీ సరస్వతీ దేవిని స్మరించి, పూజించే రోజే శ్రీపంచమి. మాఘశుద్ధ పంచమి చదువులతల్లి జన్మదినం. సకల విద్యాస్వరూపిణి పరాశక్తి సరస్వతిగా ఆవిర్ధ వించిన తిథి. 'యాదేవీ సర్వభూతేషు విద్యారూపేణ సంస్థితా" అంటూ దేవీ భాగవతం ప్రస్తుతించింది. బ్రహ్మవైవర్త పురాణం ఆదిగా గల పురాణాలు ఆ అమ్మను అర్పించాలని సూచిస్తున్నాయి. మాఘ శుక్ల పంచమ్యాం విద్యారంభే దినేపి చ పూర్వేహ్ని సమయం కృత్యా తత్రాహ్న సంయుతః రుచిః ॥ మాఘ శుద్ధ పంచమినాడు ప్రాతఃకాలంలో సరస్వతీదేవిని అర్పించి విద్యారంభం చేయాలని శాస్త్ర వచనం. ఈ రోజునే క్షీరసాగర మథన సందర్భంగా మహాలక్ష్మి ఆవిర్భవించిన కారణంగా శ్రీపంచమిగా పేర్కొనడంతో, ఈరోజు మహా గణపతిని, శ్రీలక్ష్మిని కూడా షోడశోపచారాలతో పూజించాలనీ, సరస్వతిదేవి ప్రతిమతోపాటు, జ్ఞానానికి ప్రతీకలైన పుస్తకాలను, లేఖినులను పూజాపీఠంపై ఉంచి అర్పించాలి. "క్లోణి తలంబునన్ సుదురు సోకక మ్రొక్కి నుతింతు సైకత శ్రోణికి జంచరీకచయ సుందరవేణికి, రక్షితామర శ్రేణికి దోయజాతభవచిత వశీకరణైక వాణికిన్ వాణికి నక్షదామ శుక వారిజ పుస్తక రమ్యపాణికిన్" నల్లని అందమైన శిరోజాలు గల తల్లికి, దేవతలను రక్షించే మాతకు, బ్రహ్మదేవుని మనస్సు వశపరచుకున్న దేవికి, రుద్రాక్షమాల, చిలుక, పద్మం, పుస్తకాన్ని చేతులలో ధరించు వాణికి సరస్వతికి, నా నుదురు నేలను తాకేటట్లు వంగి, భక్తితో నమస్కరిస్తాను. ఈ సమస్త విశ్వం శబ్దమయం. నాదంతోనే జగత్ సృష్టి ప్రారంభమైంది. నాద శక్తికి ప్రతిరూపంగా సరస్వతీమాత బ్రహ్మవిద్యా స్వరూపిణియై శోభిస్తుంటుంది. విద్యకు అధిష్ఠాత్రి సరస్వతీదేవి ఆ తల్లి మాఘ శుద్ధ పంచమి నాడు ఆవిర్భవించిం దని శాస్త్ర వాక్కు. శ్రీపంచమి నాడు విధిగా సరస్వతీదేవిని ఆరాధించాలని దేవీ భాగవతం, బ్రహ్మవైపర్తపురాణాలు పేర్కొం టున్నాయి. శ్రీపంచమి నాడు సరస్వతీదేవిని పుస్తకాలు లేక విగ్రహరూపంలో ఆవాహన చేసి పూజిస్తే సర్వాభీష్టాలు నెరవేరుతాయని, జ్ఞాపక శక్తి మేధ, బుద్ధి వృద్ధి చెందుతాయని చెప్పబడింది. అందుకే ఆ రోజున జ్ఞానాభివృద్ధి కోసం దేవతలు సైతం సరస్వతీదేవిని పూజిస్తారట. సర్వజీవులలో చైతన్య స్వరూపిణిగా ప్రవహించే శక్తి స్వరూ పిణి సరస్వతి. 'శ్రీమాతా' అని కీర్తించబడిన ఆ తల్లి విశ్వేశ్వరుని వాక్, బుద్ధి, జ్ఞానాది ధీశక్తులకు అధిష్ఠాత్రి. సృష్టిలోని సమస్త జీవులకు ఆ తల్లి వల్లనే ఉలుకూ, పలుకూ ఎరుక ఏర్పడుతున్నాయి. "మాఘస్య శుక్ల పంచమ్యాం... మానవోమనవో దేవామునీంద్రాశ్చ ముముక్షవః వసవోయోగినస్పిజ్ఞానాగా గంధర్వ రాక్షసా! మద్వరేణ కరిష్యంతి కల్పే కల్పే లయావధి భక్తియుక్తిశ్చ దత్త్వావై చోపచారాణి షోడశ" మాఘ శుద్ధ పంచమి నాడు ఈ విశ్వమంతా మానవులు, మనువులు, దేవతలు, మునులు, ముముక్షువులు, వసువులు, యోగులు, సిద్ధులు, నాగులు, గంధర్వులు, రాక్షసులు అందరూ సరస్వతీదేవిని ఆరాధిస్తారని దేవీభాగవతం చెబుతోంది. మన బుద్ధి శక్తులను ప్రేరేపించే విద్యాస్వరూపిణి సరస్వతీదేవి. అందుకే సూర్యుడు. "సర్వ చైతన్య రూపాంతాం ఆద్యా విద్యాంచ ధీమహి బుద్ధిం యానః ప్రచోదయాత్" అని ప్రార్ధించాడు. ఏ విద్యను అనుగ్రహించాలన్నా అమ్మ అనుగ్రహం తప్పదు. "చత్వారి వాక్పరిమితా పదాని తానీ విదుర్భాహ్మణాయే మనీషిణిః గుహత్రీణి నిహితా నేజ్జయంతి తురీయం వాచో మనుష్యా వదంతి" అని సరస్వతీ సూక్తంలో వాక్ స్వరూపం గురించి చెప్పబడింది. వాక్యం యొక్క స్వరూపం నాలుగు విధాలుగా ఉంటుంది. 1. పరా 2. పశ్యంతి 3. మధ్యమా 4. వైఖరీ. మనలో మాట పలకాలన్న భావం స్ఫురింపజేసేదే 'పరా'. మాట పలికే ముందు 'పర' ద్వారా ప్రేరేపితమై భావాత్మకంగా గోచరించేదే 'పశ్యంతీ'. ఆ భావం మాటలుగా మార్చుకున్న స్థితి 'మధ్యమా', ఆ మాటలు శబ్దరూపంలో పైకి వినబడేదే 'వైఖరీ'! యోగ శాస్త్ర పరంగా వీటి ప్రయాణం గురించి చెప్పాలంటే మూలాధారం నుంచి నాభి, హృత్, కంఠ, నాలుకలు వీటన్నింటికీ మూలమైన నాదం కూడా సరస్వతీ రూపమే. ఇక భావ ప్రకటన కోసం చెట్లు 'పరా' వాక్కుని, పక్షులు పశ్యంతీ వాక్కును, జంతువులు ''మధ్యమా' వాక్కును, మనుష్యులు 'వైఖరీ' వాక్కును ఉపయోగిస్తున్నారు. ఆ తల్లి శ్వేతపద్మవాసిని కనుక 'శారద' అని అన్నారు. అందుకే పోతనామాత్యుడు- "శారద నీరదేందు ఘనసార పటీర మరాళ మల్లికా హార తుషార పేనరజతాచలకాశ ఫణీశకుంద మం వాల్మీకిని కవిని చేసిన మంత్రం నిరంతరం జపించవలసిన ఒకానొక సరస్వతీ మూల మంత్రాన్ని వేదాలు మనకందించాయి. ఆ మూలమంత్రం ఇది- "ఓం శ్రీం హ్రీం సరస్వత్యై స్వాహా" ఈ సరస్వతి మంత్రాన్ని పంచమినాడు కాని, లేదా అక్షరాభ్యాస సమయంలో కాని, లేదా ఏదైనా పవిత్రమైన తిథినాడు కాని గురువు ద్వారా ఉపదేశం పొంది జపిస్తే విద్యా జ్ఞాన సంపద లభిస్తుంది. ఈ మంత్రం కల్పవృక్షం వంటిదని దేవీ భాగవతం చెపుతోంది. సాక్షాత్తూ శ్రీమన్నారాయణుడే ఈ మంత్రాన్ని వాల్మీకి మహర్షికి ఉపదేశించాడు. దీనిని జపించి, ఆ ప్రభావంతో వాల్మీకి కవి అయ్యాడు. దార సుధావయోధిసిత తామర సామరవాహినీ శుభా కారత నొప్పు నిన్ను మదిగాన నెన్నడు గల్గు భారతీ". అని ప్రార్ధించాడు. సరస్వతీదేవి తెలుపుదనాన్ని సందర్శించి, అర్పించాలని కోరుకున్నారు పోతన, తెల్లని పద్మం పై కూర్చుని, ఒక కాలు నిలువుగా ఒక కాలు దానిపై అడ్డంగా ముడుచుకుని కూర్చున్నట్లు, లేక నిలబడి, ఒక చేతిలో వీణ, ఒక చేతిలో పుస్తకాన్ని పట్టుకుని ఉన్నట్లు పద్మపురాణంలో చెప్పబడింది. ఆ తల్లి తెల్లని గంధం పూతతో దర్శనమిస్తుంది. అందుకే ఆ తల్లిని కూచిమంచి తిమ్మకవి ఈ క్రింది విధంగా స్తుతించాడు. "బలుతెలివులు మరువము, బంగరు వీణీయ మిస్కుటం వెయిన్ జిలుక తుటారి బోటియును, జిందపు వన్నియమేను బొత్తమున్ జెలువపు వెల్లదమ్మి విరిసింగపు గజ్జెయు గల్గి యొప్పున ప్పలుకుల చాస, జాసలరు పల్కు లొసంగెడు గాతనిచ్చలున్" "బాగా తెల్లనైన పక్షి హంసనే గుర్రపు వాహనంలా చేసుకున్న తల్లి బంగారు వీణను. మెరిసే అందెలను, చిలుకను, పుస్తకాన్ని ధరించి, శంఖం వంటి తెలుపు మేనితో ప్రకాశిస్తూ, అందమైన తెల్లని పద్మాన్నే ఆసనంగా చేసుకున్న 'వాగ్దేవి' సరస్వతి, చక్కని పలుకులను నాకు నిత్యం అనుగ్రహించుగాక" అని ఆ కవీశ్వ రుడు వేడుకుంటున్నాడు. అందుకే ఆ తల్లిని ప్రతి శ్రీపంచమి నాడు భక్తిశ్రద్ధలతో పూజించుకోవాలి. శ్రీపంచమి నాడు విద్యార్థులు ఆ తల్లిని పూజించడం వల్ల, చదువుల్లో మంచి ప్రగతిని సాధిస్తారు. #శ్రీ పంచమి #📚 సరస్వతీ దేవి 🙏 #🕉️ శ్రీ సరస్వతీ దేవి 🪕 #శ్రీ సరస్వతి దేవి జయంతి / వసంత పంచమి విశిష్టత #శ్రీ పంచమి శుభాకాంక్షలు.

#శ్రీ సరస్వతీ దేవీ అష్టోత్తర శతనామావళి #ఈరోజు ఆధ్యాత్మిక విశిష్టత: వసంత పంచమి / మధన పంచమి / శ్రీ సరస్వతీ మాత జయంతి #శ్రీ సరస్వతి దేవి జయంతి / వసంత పంచమి విశిష్టత #ఆధ్యాత్మికం - ఆనందం 🚩 డైలీ విష్ 🚩 #ఈరోజు ఆధ్యాత్మిక విశిష్టత *సరస్వతీ అష్టోత్తర శత నామావళి* ఓం శ్రీ సరస్వత్యై నమః ఓం మహాభద్రాయై నమః ఓం మహామాయాయై నమః ఓం వరప్రదాయై నమః ఓం శ్రీప్రదాయై నమః ఓం పద్మనిలయాయై నమః ఓం పద్మాక్ష్యై నమః ఓం పద్మవక్త్రికాయై నమః ఓం శివానుజాయై నమః ఓం పుస్తకహస్తాయై నమః (10) ఓం జ్ఞానముద్రాయై నమః ఓం రమాయై నమః ఓం కామరూపాయై నమః ఓం మహావిద్యాయై నమః ఓం మహాపాతక నాశిన్యై నమః ఓం మహాశ్రయాయై నమః ఓం మాలిన్యై నమః ఓం మహాభోగాయై నమః ఓం మహాభుజాయై నమః ఓం మహాభాగాయై నమః (20) ఓం మహోత్సాహాయై నమః ఓం దివ్యాంగాయై నమః ఓం సురవందితాయై నమః ఓం మహాకాళ్యై నమః ఓం మహాపాశాయై నమః ఓం మహాకారాయై నమః ఓం మహాంకుశాయై నమః ఓం సీతాయై నమః ఓం విమలాయై నమః ఓం విశ్వాయై నమః (30) ఓం విద్యున్మాలాయై నమః ఓం వైష్ణవ్యై నమః ఓం చంద్రికాయై నమః ఓం చంద్రలేఖావిభూషితాయై నమః ఓం మహాఫలాయై నమః ఓం సావిత్ర్యై నమః ఓం సురసాయై నమః ఓం దేవ్యై నమః ఓం దివ్యాలంకార భూషితాయై నమః ఓం వాగ్దేవ్యై నమః (40) ఓం వసుధాయై నమః ఓం తీవ్రాయై నమః ఓం మహాభద్రాయై నమః ఓం మహాబలాయై నమః ఓం భోగదాయై నమః ఓం భారత్యై నమః ఓం భామాయై నమః ఓం గోమత్యై నమః ఓం జటిలాయై నమః ఓం వింధ్యావాసాయై నమః (50) ఓం చండికాయై నమః ఓం సుభద్రాయై నమః ఓం సురపూజితాయై నమః ఓం వినిద్రాయై నమః ఓం వైష్ణవ్యై నమః ఓం బ్రాహ్మ్యై నమః ఓం బ్రహ్మజ్ఞానైకసాధనాయై నమః ఓం సౌదామిన్యై నమః ఓం సుధామూర్తయే నమః ఓం సువీణాయై నమః (60) ఓం సువాసిన్యై నమః ఓం విద్యారూపాయై నమః ఓం బ్రహ్మజాయాయై నమః ఓం విశాలాయై నమః ఓం పద్మలోచనాయై నమః ఓం శుంభాసుర ప్రమథిన్యై నమః ఓం ధూమ్రలోచన మర్దిన్యై నమః ఓం సర్వాత్మికాయై నమః ఓం త్రయీమూర్త్యై నమః ఓం శుభదాయై నమః (70) ఓం శాస్త్రరూపిణ్యై నమః ఓం సర్వదేవస్తుతాయై నమః ఓం సౌమ్యాయై నమః ఓం సురాసుర నమస్కృతాయై నమః ఓం రక్తబీజ నిహంత్ర్యై నమః ఓం చాముండాయై నమః ఓం ముండకాంబికాయై నమః ఓం కాళరాత్ర్యై నమః ఓం ప్రహరణాయై నమః ఓం కళాధారాయై నమః (80) ఓం నిరంజనాయై నమః ఓం వరారోహాయై నమః ఓం వాగ్దేవ్యై నమః ఓం వారాహ్యై నమః ఓం వారిజాసనాయై నమః ఓం చిత్రాంబరాయై నమః ఓం చిత్రగంధాయై నమః ఓం చిత్రమాల్య విభూషితాయై నమః ఓం కాంతాయై నమః ఓం కామప్రదాయై నమః (90) ఓం వంద్యాయై నమః ఓం రూపసౌభాగ్యదాయిన్యై నమః ఓం శ్వేతాననాయై నమః ఓం రక్త మధ్యాయై నమః ఓం ద్విభుజాయై నమః ఓం సురపూజితాయై నమః ఓం నిరంజనాయై నమః ఓం నీలజంఘాయై నమః ఓం చతుర్వర్గఫలప్రదాయై నమః ఓం చతురానన సామ్రాజ్జ్యై నమః (100) ఓం బ్రహ్మవిష్ణు శివాత్మికాయై నమః ఓం హంసాసనాయై నమః ఓం మహావిద్యాయై నమః ఓం మంత్రవిద్యాయై నమః ఓం సరస్వత్యై నమః ఓం మహాసరస్వత్యై నమః ఓం విద్యాయై నమః ఓం జ్ఞానైకతత్పరాయై నమః (108) *ఇతి శ్రీసరస్వత్యష్టోత్తరశతనామావళిః సమాప్తా ॥* *🚩 ┈┉┅━❀~ ॐ డైలీ విష్ ॐ ~❀━┅┉┈ 🚩*

""సరస్వతి నమస్తుభ్యం వరదే కామరూపిణి | విద్యారంభం కరిష్యామి సిద్ధిర్భవతు మే సదా ||"" . వసంత పంచమి – వసంత పంచమి భారతీయ సంస్కృతిలో అత్యంత పవిత్రమైన పండుగ. ఈ రోజు విద్య, జ్ఞానం, కళలకు అధిష్ఠాత్రి అయిన శ్రీ సరస్వతీ దేవిని భక్తితో ఆరాధిస్తారు. వసంత ఋతువు ప్రారంభాన్ని సూచించే ఈ పండుగ ఆనందం, ఆశ, నూతన ఆరంభాలకు ప్రతీకగా నిలుస్తుంది. సరస్వతీ దేవి శ్వేతవస్త్రధారిణిగా, వీణను ధరించి, కమలాసనంపై విరాజిల్లుతుందని పురాణాలు వర్ణిస్తాయి. ఆమె చేతుల్లో ఉన్న వీణ సంగీతానికి, పుస్తకం విద్యకు, జపమాల ఆత్మజ్ఞానానికి ప్రతీకలు. తెల్లని వస్త్రాలు శుద్ధి, సాత్వికతను సూచిస్తాయి. ఈ రోజు విద్యార్థులు పుస్తకాలను పూజించి విద్యాభ్యాసాన్ని ప్రారంభిస్తారు. కళాకారులు తమ కళలకు ఆశీర్వాదం కోరుతారు. పసుపు రంగు వస్త్రాలు ధరించడం, పసుపు పుష్పాలతో దేవిని అలంకరించడం వసంత పంచమి ప్రత్యేకత. పసుపు రంగు సంతోషం, ఉత్సాహం, జ్ఞానానికి సంకేతం. సరస్వతీ దేవి ఆశీర్వాదం వల్ల మనకు సద్బుద్ధి, సద్విద్య, సత్ప్రవర్తన లభిస్తాయని విశ్వాసం. వసంత పంచమి మన జీవితాల్లో జ్ఞాన వెలుగును నింపే శుభదినం. #శ్రీ పంచమి శుభాకాంక్షలు. #శ్రీ సరస్వతి దేవి జయంతి / వసంత పంచమి విశిష్టత #🕉️ శ్రీ సరస్వతీ దేవి 🪕 #📚 సరస్వతీ దేవి 🙏 #శ్రీ పంచమి