എസ്എസ്എൽസി പരീക്ഷാഫലം പ്രഖ്യാപിച്ചു; 99.07% വിജയം
🔴🔵🟤🟢🟠🟣🟡⚪⚫
എസ്എസ്എൽസി പരീക്ഷാഫലം പ്രഖ്യാപിച്ചു. പൊതുവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി ശർമിള മേരി ജോസഫ് ആണ് ഫലം പ്രഖ്യാപിച്ചത്. 4,10,456 വിദ്യാർഥികൾ ഉന്നത വിദ്യാഭ്യാസത്തിന് യോഗ്യത നേടി. വിജയ ശതമാനം 99.07% ആണ്.
കഴിഞ്ഞ വർഷത്തെക്കാൾ ഇത്തവണ വിജയ ശതമാനം ഉയർന്നു. 30516 വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി. 2105 സ്കൂളുകളിൽ 100% വിജയമുണ്ട്. ഏറ്റവും കൂടുതൽ വിജയം നേടിയ വിദ്യാഭ്യാസ ജില്ല കുട്ടനാട്.
സംസ്ഥാനത്തെ 3031 കേന്ദ്രങ്ങളിലായി 4,10,290 പേരാണ് ആകെ പരീക്ഷ എഴുതിയത്. ലക്ഷദ്വീപിൽ 9 കേന്ദ്രങ്ങളിലായി 386 കുട്ടികളും പരീക്ഷയെഴുതി. പ്രൈവറ്റ് ആയി 251 പേർ പരീക്ഷ എഴുതിയിൽ 189 പേർ വിജയിച്ചു.
99.93% ആൺകുട്ടികൾ ഉന്നത വിദ്യാഭ്യാസത്തിന് യോഗ്യത നേടിയപ്പോൾ 99.22% പെൺകുട്ടികളും യോഗ്യത നേടി. വിജയ ശതമാനം ഏറ്റവും കൂടുതലുള്ള റവന്യൂ ജില്ലാ പത്തനംതിട്ട (99.72%) ആണ്. ഏറ്റവും കുറവുള്ള റവന്യൂ ജില്ല തിരുവനന്തപുരം ആണ്.
ഏറ്റവും കൂടുതൽ വിദ്യാർഥികള് പരീക്ഷ എഴുതിയത് മലപ്പുറം പികെ എം എസ് എസ് എടരിക്കോട് സ്കൂളിലാണ്. കേരള കലാമണ്ഡലത്തിൽ 74 പേരിൽ 93 പേർ ഉന്നത വിദ്യാഭ്യാസത്തിന് യോഗ്യത നേടി.
ഏറ്റവും കൂടുതൽ എ പ്ലസ് നേടിയ ജില്ല കൊല്ലം ആണ്. എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികളുടെ എണ്ണത്തിൽ ഇത്തവണ ഗണ്യമായ കുറവുണ്ടായി. കഴിഞ്ഞ തവണ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികളുടെ എണ്ണം 61,449 ആയിരുന്നു.
സെ പരീക്ഷ ജൂൺ ആദ്യവാരം നടത്തി അവസനത്തോടെ ഫലം പ്രഖ്യാപിക്കും. പുനര്മൂല്യ നിര്ണയത്തിന് ഈ മാസം 16 മുതല് 21 വരെ അപേക്ഷിക്കാം.
🔴🔵🟤🟢🟠🟣🟡
#SSLC ഫലം അറിയാൻ #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ് 📯📯📯 #NEWS TODAY💢💢💢 #SSLC 99.07 ശതമാനം വിജയം