శ్రీ విష్ణు సహస్రనామ స్తోత్రం

అన్ని సమస్యల నుండి రక్షించే శ్రీమహావిష్ణువు యొక్క 16 నామాలు..........!! శ్రీ విష్ణు షోడశనామ స్తోత్రభాష్యం..!! ఔషధే చింతయేద్విష్ణుం: ఔషధం స్వీకరించే సమయంలో సర్వ వ్యాపకుడైన విష్ణువుగా స్మరించాలి! భోజనే చ జనార్ధనం: భోజనం చేసే సమయంలో జగద్రక్షకుడైన జనార్ధనుడిగా స్మరించాలి! శయనే పద్మనాభం చ: నిద్ర పోయే సమయంలో పద్మనాభుడిగా స్మరించాలి! వివాహే చ ప్రజాపతిమ్: వివాహ సమయంలో ప్రజాపతిగా స్మరించాలి! యుద్ధే చక్రధరం దేవం: యుద్ధంలో సుదర్శన చక్రం ధరించిన చక్రధారిగా స్మరించాలి! ప్రవాసే చ త్రివిక్రమమ్: ప్రయాణ సమయంలో త్రివిక్రముడుగా స్మరించాలి! నారాయణం తనుత్యాగే: అంత్య కాలంలో జ్ఞానమనే వాసముగా గల నారాయణుడిగా స్మరించాలి! శ్రీధరం ప్రియసంగమే: ఇష్టమైన వారిని కలిసేటప్పుడు లక్ష్మిదేవిని వక్షస్థలం నందు గల శ్రీధరుడిగా స్మరించాలి! దుస్స్వప్నే స్మర గోవిందం: పీడ కలలు వచ్చినప్పుడు గోవర్ధన గిరిధారి అయిన గోవిందుడుగా స్మరించాలి! సంకటే మధుసూదనం: సమస్యలలో ఉన్నప్పుడు రాక్షసులైన మధుసూదనులను వధించిన మధుసూదనడుగా స్మరించాలి! కాననే నారసింహం చ: అడవులలో ఉన్నప్పుడు నారసింహుడుగా స్మరించాలి! పావకే జలశాయినం: అగ్ని ప్రమాదం ఏర్పడినప్పుడు నీటిపై పవళించే జలశాయిగా స్మరించాలి! జలమధ్యే వరాహం చ: నీటి వల్ల సమస్య ఏర్పడినప్పుడు భూమిని నీటి నుండి రక్షించిన యజ్ఞవరాహమూర్తిగా స్మరించాలి! పర్వతే రఘునందనం: కొండలలో, పర్వతాలలో ఉన్నప్పుడు కోదండరాముడిని రఘునందనుడుగా స్మరించాలి! గమనే వామనం చైవ: బయటకు వెళ్ళేటప్పుడు రెండు అడుగులతో విశ్వాన్ని కొలిచిన వామనమూర్తిగా స్మరించాలి! సర్వ కాలేషు మాధవం: సర్వకాలసర్వావస్థల యందు శ్రీకృష్ణ పరమాత్మను మాధవుడిగా స్మరించాలి! ఇవి పరమ పవిత్రమైన శ్రీమహావిష్ణువు యొక్క 16 నామాలు. ఈ విష్ణు షోడశనామాలను ప్రతీరోజూ ఉదయం భక్తి శ్రద్ధలతో ఎవరు పలుకుతారో, వారి సర్వ పాపాలు తొలగి విష్ణులోకం లభిస్తుంది. #🪐 శ్రీ మహావిష్ణు 🔱 #శ్రీ మహావిష్ణు స్తుతి #శ్రీ మహావిష్ణు 🪐 #🙏🕉️శ్రీ మహావిష్ణువు🕉️🙏 #తెలుసుకుందాం

విష్ణు సహస్రనామం విశిష్టత..............!! ఆర్ధిక ఇబ్బందులను దూరం చేయాలన్నా.. పిల్లలు మనమాట వినాలన్నా.. (ఎంతవయసు వచ్చినా సరే) ఈ స్తోత్రం పఠించాల్సిందే..! సమస్త మానవాళి ఉద్ధరింపబడడానికి వచ్చినది విష్ణు సహస్రనామము. ఇది అందరూ చేయవచ్చు. ఏదైనా కామ్యము కొరకు పారాయణగా చేసేవారు పూర్వోత్తర పీఠికలు చదవాలి. కాసేపు కూర్చొని విష్ణు సహస్రనామం చదువుకుందాం, భగవంతుని నామం చెప్పుకుంటాను అనుకునే వారికి అవి అవసరం లేదు. ఆనంద భారతీ తీర్థ స్వామిగా పిలువబడే మల్లాది దక్షిణామూర్తిగారు వారే ఈ విషయాన్ని తెలియజేశారు. నామము అందరూ చెప్పవచ్చు. మంత్రజపం చేసేవారు స్థాణువులాగా ఉండి చేయాలి. కానీ నామం మాత్రం అటూ ఇటూ తిరుగుతూ, నిలబడి, కూర్చొని, పనిచేసుకుంటూ చేయవచ్చు. స్వప్న, సుషుప్తులకు అధిదేవత పరమశివుడు. అందుకని రాత్రి నిద్రపోయేముందు మూడుమార్లు శివనామం చెప్పి పడుకోవాలి. జాగృతికి అధిదేవత శ్రీ మహావిష్ణువు. అందువల్ల ఉదయం లేస్తూనే శ్రీహరీ శ్రీహరీ శ్రీహరీ అంటూ లేవాలి. శాస్త్రంలో మంచంమీద పడుకొని ఏది చేయడాన్నీ అంగీకరించదు. కానీ.. విష్ణు సహస్రనామానికి ఆ నిబంధన లేదు. ఏకవస్త్రగా ఉన్న ద్రౌపదికి రక్షణ కల్పించింది శ్రీమహావిష్ణువు ప్రార్థన. అనారోగ్యంతో ఉన్న వ్యక్తి మంచంమీద ఔషధం కూడా సేవించకూడదు. గజేంద్ర మోక్షం ఉదయం లేవగానే ఎవరు భావన చేస్తారో దుస్స్వప్న ఫలితాలు తొలగిపోతాయి. కానీ మంచంమీద నుంచి లేస్తూనే.. విష్ణు సహస్రనామం చదవాలని ఉంటే చక్కగా చదువుకోవచ్చు. నిబంధనలు లేవు. దుఃస్వప్నే స్మర గోవిందం సంకటే మధుసూదనమ్! కాననే నారసింహం చ పావకే జల శాయినమ్!! విష్ణు సహస్ర నామాన్ని ఎవరు పట్టుకుంటారో ఇహమునందు రక్షణ. పరమునందు పరమేశ్వరుని చేరుకొనే మార్గము సుగమం అవుతుంది. శంకరులకు ఒకసారి సరస్వతీదేవి సాక్షాత్కరించి కలి ఉద్ధతి పెరిగిపోయిన రోజులలో లోకాన్ని రక్షించగలిగిన అద్భుతమైన సహస్రనామ స్తోత్రం విష్ణు సహస్రనామ స్తోత్రమే. అది సంజీవనీ ఓషధి వంటిది. కాబట్టి నీవు దీనికి భాష్యం వ్రాయాలి..అని పలికింది. విష్ణు సహస్రనామానికి శంకరులు భాష్యం చెప్పారు. ఆ తరువాత ఉత్తరభారతదేశంలో దానిని రామస్వామి వారు వ్రాశారు. భీష్మాచార్యుల అనుశాసనమే.. విష్ణు సహస్ర నామ స్తోత్రం. ఆచార్యుడైన భీష్ముడు చెప్తుండగా ఆచార్యులకే ఆచార్యుడైన శ్రీకృష్ణ పరమాత్మ వింటూండగా వచ్చి, మరొక గురువైన శంకర భగవత్పాదులచే భాష్యాన్ని పొంది విష్ణు సహస్రనామం త్రివేణీ సంగమం అయింది. విష్ణు సహస్రనామం చదవడం అంటే పరమేశ్వరుని చేరుకొనే మార్గంలో ప్రయాణం చేయడం. భగవంతునికి సహస్ర నామాలతో పూజ చేయాలి. కుదరని పక్షంలో 108 నామాలతో చేయాలి. 108 రక్షణ హేతువు. గురువుకు 116 పేర్లతో పూజ చేయాలి. లోకంలో ఏప్రాణియైనా 27 నక్షత్రములలో పుడుతుంది. ఒక్కొక్క దానికి నాలుగు పాదాలు. 27 X 4 = 108. పూజకు సమయంలేనప్పుడు.. కేశవ, మాధవ, నారాయణ, గోవింద, మధుసూదన, విష్ణు, త్రివిక్రమ. వామన, శ్రీధర, హృషీకేశ, పద్మనాభ, దామోదర అనే ఈ పన్నెండు నామాలతో చేస్తే పూర్తి అవుతుంది. అలా అని ఆలస్యంగా లేవమని కాదు. ఈనామాలు చెప్తూ విష్ణు భక్తులు ఊర్ధ్వపుండ్రములను ధరిస్తారు. ఓం నమో భగవతే వాసుదేవాయ నమః..!! లోకాన్ని సమస్తా సుఖినోభవంతు..!! #తెలుసుకుందాం #🙏🕉️శ్రీ మహావిష్ణువు🕉️🙏 #శ్రీ మహావిష్ణు 🪐 #🪐 శ్రీ మహావిష్ణు 🔱 #శ్రీ మహావిష్ణు స్తుతి

#హాయ్ అందరికీ నమస్తే 🕺🤝🌺 #🌅శుభోదయం #విష్ణు సహస్రనామం విష్ణు సహస్రనామ స్తోత్రంలో "మహాస్వనః" అనే నలభై మూడవ నామం తర్వాత వచ్చే నలభై నాలుగవ నామము: ౪౪. "అనాదినిధనః" (అనాదినిధనః) పుట్టుక, మరణం అనే బంధాలు లేనివాడై, ఎల్లప్పుడూ సత్యమై నిలిచే శాశ్వత పరబ్రహ్మ నామం ఇది. ౧. నామ అర్థం (సాధారణ అర్థం) అనాది: అనగా ఆది (మొదలు/పుట్టుక) లేనివాడు. నిధనః: అనగా అంతము, నాశనము, లేదా మరణము. అ-నిధనః: అనగా అంతము లేదా వినాశనము లేనివాడు. అర్థం: ఆది (ప్రారంభము) గానీ, నిధనము (అంతము/మరణము) గానీ లేనివాడై, కాలానికి అతీతుడై విలసిల్లేవాడు అనాదినిధనః. ౨. నామ విశ్లేషణ & విశేషార్థం శ్రీ మత్ శంకరాచార్యులవారి భాష్యం ప్రకారం ఈ నామానికి ఉన్న గంభీరమైన అంతరార్థాలు: జనన-మరణాతీతుడు: సమస్త ప్రాణులకు జననం, వృద్ధి, క్షయం, మరణం అనే షడ్భావ వికారాలు ఉంటాయి. కానీ శ్రీమన్నారాయణుడు వీటన్నింటికీ అతీతుడు; ఆయనకు పుట్టుక లేదు, వినాశనమూ లేదు. కాలాతీత తత్త్వం: కాలాన్ని సృష్టించినవాడే ఆ పరమాత్మ. అందువల్ల భూత, భవిష్యత్, వర్తమాన కాలాలు ఆయనను ఏ విధంగానూ పరిమితం చేయలేవు. శాశ్వత ఆశ్రయం: పుట్టి గిట్టే ప్రాపంచిక వస్తువులు శాశ్వత రక్షణను ఇవ్వలేవు. ప్రారంభమూ ముగింపూ లేని నిత్య సత్యమైన భగవంతుడే జీవునికి అంతిమమైన శాశ్వత ఆశ్రయం. ౩. పరమార్థం & ఆధ్యాత్మిక ప్రాముఖ్యత ఈ నామం గీతాశాస్త్రంలోని శాశ్వత ఆత్మతత్త్వాన్ని చాటిచెబుతుంది: "న జాయతే మ్రియతే వా కదాచిత్ | నాయం భూత్వా భవితా వా న భూయః | అజో నిత్యః శాశ్వతోఽయం పురాణో | న హన్యతే హన్యమానే శరీరే ||" (ఆత్మ ఎన్నడూ పుట్టదు, మరణించదు; పుట్టి తర్వాత లేకుండా పోయేది కాదు. ఇది పుట్టుక లేనిది, నిత్యమైనది, శాశ్వతమైనది, సనాతనమైనది; శరీరము నశించినా ఇది నశించదు - భగవద్గీత 2.20) మనం నశించే దేహాన్ని చూసి భయపడుతుంటాం. కానీ మనలో అంతర్యామిగా ఉన్న ఆ 'అనాదినిధనుడైన' పరమాత్మను గుర్తించినప్పుడు మరణ భయం పూర్తిగా సమసిపోతుంది. ౪. భక్తి భావన (సాధకునికి అనుభూతి) ఈ నామాన్ని జపిస్తున్నప్పుడు భక్తుని హృదయంలో జనించవలసిన పరమ భక్తి భావం: "స్వామీ! జనన-మరణాలనే సంసార చక్రంలో తిరుగుతున్న నన్ను కరుణించి, నిత్య శాశ్వతమైన నీ దివ్య సాక్షాత్కారాన్ని ప్రసాదించు." "ఆది అంతాలు లేని ఓ అనాదినిధనా! అశాశ్వతమైన లౌకిక వ్యామోహాల నుండి నా దృష్టిని మరల్చి, శాశ్వతుడవైన నీ పాదపద్మాలలో భక్తిని స్థిరం చేయి తండ్రీ!" సమస్త జగత్తుకు ఆద్యంతాలు నిర్ణయిస్తూ, తాను మాత్రం అనాదినిధనుడై ప్రకాశించే ఆ శ్రీమన్నారాయణునికి శరణాగతి వేడుకుందాం. "ఓం అనాదినిధనాయ నమః" తమ విశ్వసనీయ @కప్పాటి పాండురంగా రెడ్డి #శ్రీకృష్ణ #కప్పాటి పాండురంగా రెడ్డి (Kappati Panduranga Reddy)

#హాయ్ అందరికీ నమస్తే 🕺🤝🌺 #🌅శుభోదయం #విష్ణు సహస్రనామం విష్ణు సహస్రనామ స్తోత్రంలో "పుష్కరాక్షః" అనే నలభై రెండవ నామం తర్వాత వచ్చే నలభై మూడవ నామము: ౪౩. "మహాస్వనః" (మహాస్వనః) సమస్త జగత్తుకు ఆధారమైన వేదనాదమై, గంభీరమైన దివ్య ధ్వనితో ధర్మాన్ని నిలబెట్టే పరమాత్మ నామం ఇది. ౧. నామ అర్థం (సాధారణ అర్థం) మహా: అనగా గొప్పదైన, గంభీరమైన, అత్యున్నతమైన. స్వనః: అనగా శబ్దము, నాదము, ధ్వని, కంఠస్వరం. అర్థం: సకల వేద ఘోషగా వినిపించే పరమ పవిత్రమైన, గంభీరమైన మరియు అనంతమైన దివ్య ధ్వని కలవాడు మహాస్వనః. ౨. నామ విశ్లేషణ & విశేషార్థం శ్రీ మత్ శంకరాచార్యులవారి భాష్యం ప్రకారం ఈ నామానికి ఉన్న గంభీరమైన అంతరార్థాలు: వేద స్వరూప నాదం: 'మహాన్ పూజితః స్వనః నాదః అస్య ఇతి మహాస్వనః' — సకల వేదాలు ఆ పరమాత్మ యొక్క ఉచ్ఛ్వాస నిశ్వాసాల నుంచే వెలువడ్డాయి. అందువల్ల సమస్త వేద నాదములకు మూలకేంద్రం ఆయనే. శంఖారావ గంభీరత: కురుక్షేత్ర రణరంగంలో పాంచజన్యం పూరించినప్పుడు మరియు అవతార లీలల్లో రాక్షసులను భయకంపితులను చేయడానికి వెలువరించిన సింహనాదం వంటి దివ్య ధ్వని కలవాడు. ప్రణవ నాదం (ఓంకారము): సృష్టిలోని సమస్త ధ్వనులకు, అక్షరాలకు మూలమైన 'ఓంకార' పరబ్రహ్మ స్వరూపుడు. ౩. పరమార్థం & ఆధ్యాత్మిక ప్రాముఖ్యత ఈ నామం ఉపనిషత్తుల శబ్ద బ్రహ్మ తత్త్వాన్ని చాటిచెబుతుంది: "తస్యైతే నిఃశ్వసితమేతదృగ్వేదో యజుర్వేదః సామవేదః..." (ఋగ్వేదము, యజుర్వేదము, సామవేదము... సమస్తమూ ఆ పరమ పురుషుని శ్వాస వంటి దివ్య శబ్దాలే - బృహదారణ్యకోపనిషత్తు) మన మనస్సు ప్రాపంచిక రొదలలో చిక్కుకుని అలసిపోయినప్పుడు, భగవద్గీత లేదా వేద మంత్రాల రూపంలో ఉన్న ఆ "మహాస్వనుని" దివ్య శబ్దాన్ని ఆలకించడం ద్వారా అంతరంగంలో నిశ్శబ్దం, పరమ శాంతి సిద్ధిస్తాయి. ౪. భక్తి భావన (సాధకునికి అనుభూతి) ఈ నామాన్ని జపిస్తున్నప్పుడు భక్తుని హృదయంలో జనించవలసిన పరమ భక్తి భావం: "స్వామీ! ప్రాపంచిక కోరికల శబ్దాల మధ్య అలసిపోయిన నా మనస్సుకు, నీ దివ్య వేద ప్రణవ నాద అమృతాన్ని వినిపించు." "ఓ మహాస్వనా! నా వాక్కును పవిత్రం చేసి, నిరంతరం నీ దివ్య నామాలను మాత్రమే సంకీర్తించేలా అనుగ్రహించు తండ్రీ!" వేదనాద రూపమై, సకల లోకాలకు మార్గదర్శకమైన ఆ "మహాస్వన" శ్రీమన్నారాయణునికి ప్రణమిల్లుదాం. *"ఓం మహాస్వనాయ నమః"* తమ విశ్వసనీయ @కప్పాటి పాండురంగా రెడ్డి #శ్రీకృష్ణ #కప్పాటి పాండురంగా రెడ్డి (Kappati Panduranga Reddy)

#😇My Status #శ్రీ విష్ణు సహస్ర నామ స్తోత్రం

#😇My Status #శ్రీ విష్ణు సహస్ర నామ స్తోత్రం

#😇My Status #శ్రీ విష్ణు సహస్రనామ స్తోత్రం

# జ్ఞాన జ్యోతి #( ఉచిత ఆధ్యాత్మిక విద్యా కేంద్రం ) # వైజాగ్ #🎶భక్తి పాటలు🔱 #విష్ణు సహస్రనామం #విష్ణు. #శ్రీ విష్ణు #విష్ణు మూర్తి

#🌇శుభ సాయంకాలం #ఆధ్యాత్మిక జ్ఞానామృతం #భక్తి -జ్ఞానం-ఆధ్యాత్మికత #🙏శ్రీ వెంకటేశ్వర స్వామి #విష్ణు సహస్ర నామాలు పారాయణం