part 27 C അന്തമില്ലാത്ത വരികൾ - സഖിയുടെ സഖാവ് - ലക്ഷ്മി കയ്യിലിരുന്ന നോട്ടീസ് ദേവിന്റെ മുന്നിലേക്ക് നീട്ടി. “ഈ… നോട്ടീസ്…” എന്ന് പറഞ്ഞ് അവൾ വാക്കുകൾ പാതിവഴിയിൽ നിർത്തി. അപ്പോഴാണ് താൻ എന്താണ് പറയാൻ വന്നതെന്ന് അവൾക്ക് ഓർമ്മ വന്നത്. പരിഭ്രമത്തോടെ അവൾ നോട്ടീസ് പെട്ടെന്ന് പിന്നിലേക്ക് മറച്ചുപിടിച്ചു. പിന്നെ “ഒന്നുമില്ല…” എന്ന അർഥത്തിൽ ഒരു ചെറുപുഞ്ചിരി വരുത്താൻ ശ്രമിച്ചുകൊണ്ട് പതിയെ തലയാട്ടി. അവൻ ചെറുചിരിയോടെ അവളുടെ മുഖത്തേക്ക് നോക്കി. നോട്ടീസിൽ എന്താ…? എന്തെങ്കിലും തെറ്റുണ്ടോ?” അവൻ മൃദുവായി ചോദിച്ചു. ഹേയ്… അതൊന്നുമില്ല. ഞാൻ… ഞാൻ…” ലക്ഷ്മിയുടെ വാക്കുകൾ തൊണ്ടയിൽ കുടുങ്ങി. എന്തൊക്കെയോ പറഞ്ഞൊപ്പിക്കാൻ അവൾ ശ്രമിച്ചെങ്കിലും, പരിഭ്രമം കാരണം വാക്കുകൾ ഒന്നും മുഴുമിപ്പിക്കാനായില്ല. വെറുതെയാണോ…?” അവൻ അവളുടെ കണ്ണുകളിലേക്ക് നേരെ നോക്കി ഗൗരവത്തോടെ ചോദിച്ചു. അവൻ അവളെ അത്ര പെട്ടെന്ന് വിടാൻ ഉദ്ദേശിച്ചിരുന്നില്ല. അവളുടെ മനസ്സിൽ എന്താണ് നടക്കുന്നതെന്ന്, അവളുടെ വായിൽ നിന്നുതന്നെ കേൾക്കണമെന്നൊരു ആഗ്രഹം അവനുണ്ടായിരുന്നു. എന്ത് പറയണമെന്നറിയാതെ അവൾ കുഴങ്ങിനിന്നു. ആദ്യമായിട്ടായിരുന്നു അവൾ ദേവിനോട് ഇത്രയും അടുത്ത് നിന്ന് ഇത്രയും നേരം സംസാരിക്കുന്നത്. പരിഭ്രമം കാരണം അവൾ വാക്കുകൾ തപ്പിത്തടയുന്നത് കണ്ടപ്പോൾ, അറിയാതെ തന്നെ അവന് ചിരി വന്നു. അത് മറച്ചുവെക്കാൻ അവൻ പാടുപെട്ടു. ദേവ് തന്നെ കളിയാക്കുകയാണെന്ന് തോന്നിയപ്പോൾ, അവൾക്ക് വല്ലാത്ത ജാള്യത തോന്നി. ഒന്നും മിണ്ടാതെ തലതാഴ്ത്തി അവൾ അവിടെ നിന്ന് നടന്നു. ദേവ് പിന്നിൽ നിന്ന് പലതവണ വിളിച്ചെങ്കിലും, അവൾ ഒരിക്കൽ പോലും തിരിഞ്ഞുനോക്കിയില്ല. നിറഞ്ഞ കണ്ണുകൾ മറച്ചുപിടിച്ച്, തലതാഴ്ത്തി അവൾ കോളേജിന്റെ പ്രധാന കവാടം കടന്ന് പുറത്തേക്ക് നടന്നു. ലക്ഷ്മി കോളേജിന് പുറത്തേക്ക് പോകുന്നത് കണ്ട അലിയും കൂട്ടുകാരും സംശയത്തോടെ പരസ്പരം നോക്കി. എന്തോ ശരിയല്ലെന്ന് അവർക്കും തോന്നി. അടുത്ത നിമിഷം അവർ ക്യാന്റീനിൽ നിന്ന് ഇറങ്ങി നേരെ ദേവിന്റെ അടുത്തേക്ക് നടന്നു. സഖാവേ, എന്തായി കാര്യങ്ങൾ?” അലി ആകാംക്ഷയോടെ ചോദിച്ചു. “ഇല്ലടാ… ഒന്നുമില്ല. അവളോട് പിന്നെ പറയാമെന്ന് കരുതിയതാ.” ദേവ് മറുപടി നൽകി. തുടരും part 27 D#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ