#📙 നോവൽ ഒരുപാട് പ്രതീക്ഷയോടെയാണ് വിവാഹ കാര്യങ്ങളെക്കുറിച്ച് സംസാരിക്കുന്നത് എന്ന് ഗംഗയ്ക്ക് തോന്നി. അനന്തനെ എന്തെങ്കിലുമൊക്കെ പറഞ്ഞ് നമുക്ക് സമ്മതിപ്പിക്കാം. പെങ്ങടെ കല്യാണം നടത്താതെ ഒരിക്കലും താനോരു പെണ്ണിനെ കൊണ്ട്വരില്ലെന്ന് ശപഥം എടുത്തു നടന്നവനാ... ഒടുവിൽ മോളെ കണ്ടപ്പോൾ അവൻ മുട്ടുമടക്കി ചിരിയോടെ ഉമ ഗംഗയെ നോക്കി.. അമ്മേ.... അത് പിന്നെ... ഇപ്പൊ പെട്ടെന്ന് മോൾക്ക് എന്തെങ്കിലും എതിർപ്പ് ഉണ്ടോ... ഇല്ല .. എനിക്ക് അങ്ങനെയൊന്നുമില്ല. ആഹ്.. എന്നാലേ നമ്മൾക്ക് ബാക്കി കാര്യങ്ങളൊക്കെ നോക്കാം.. നന്ദൻ പറയും പോലെ... അവൾ പതിയെ പറഞ്ഞു. അവനെക്കൊണ്ട് സമ്മതിപ്പിക്കുന്ന കാര്യമൊക്കെ നമ്മൾക്ക് വിട്ടേയ്ക്ക്. മോളുടെ കാര്യം അറിയാനാണ അമ്മ ചോദിച്ചത്. പിന്നെ മോൾക്ക് ഡേറ്റ് എന്നാണ്. അമ്പലത്തിൽ വെച്ചു വേണം ചടങ്ങ് നടത്താന്. അത് പിന്നെ.. എനിക്ക്... ഗംഗ ഒരു നിമിഷം ആലോചിച്ചു. സത്യത്തിൽ പീരീഡ്സ് മിസ്സായിട്ട് രണ്ടുമാസം കഴിഞ്ഞിരുന്നു. പ്രഗ്നന്റ് ആണെന്നുള്ളത് താൻ ഒരിക്കലും ഓർത്തത് പോലുമല്ല.. രണ്ടുമൂന്നു തവണ മാത്രമേ അയാളുമായി ഫിസിക്കൽ റിലേഷൻഷിപ്പിൽ ഏർപ്പെട്ടിരുന്നുള്ളൂ. ഒരു നെടുവീർപ്പോടെ അവൾ അങ്ങനെ ഇരിക്കുകയാണ്. മോളെ..... ഉമ തോളിൽ കൈവെച്ചതും ഗംഗ ഒന്ന് ഞെട്ടി മുഖം തിരിച്ചു.. മോൾ എന്താ ആലോചിക്കുന്നത്.. ഹേയ് ഒന്നുല്ല... എനിക്ക് പീരീഡ്സിന്റെ ഡേറ്റ് കറക്റ്റ് ആയിട്ട് വരില്ല മ്മേ.. അതുകൊണ്ട്.... അതൊക്കെ എല്ലാ പിള്ളേർക്കും അങ്ങനെയാ... ഇവിടുത്തെ മാളുനു ഇതുപോലെ തന്നെയാണ്.... അവളേ നെറ്റിന്റെ അകത്ത് എന്തൊക്കെയോ നോക്കിയിട്ട് പരീക്ഷിക്കുന്നത് കണ്ടു. ഈ കറുവപ്പട്ടയുടെ വെള്ളമൊക്കെ വെറും വയറ്റില് കുടിച്ച്.... മോള് കേട്ടിട്ടുണ്ടോ അങ്ങനെ വല്ലതും.. ഹമ്.. കേട്ടിട്ടുണ്ട്. പക്ഷേ ചെയ്തു നോക്കിയിട്ടില്ല. ആഹ് അവളെഴുന്നേൽക്കട്ടെ.. എന്നിട്ട് ചോദിച്ചു മനസ്സിലാക്കിയ്ക്കോ കെട്ടോ. ഹമ്.... മോൾക്ക് വിശക്കുന്നുണ്ടോ.. ഇല്ലമ്മേ.... ഒട്ടുമില്ല.... ഇത്തിരി തടി കൂടി വേണം കെട്ടോ.. അനന്തനെ കുറച്ച് വണ്ണം ഒക്കെയുള്ള കൂട്ടത്തിലല്ലേ. ചിരിയോടെ അവർ തുടർന്നു. ഇഡലിയും സാമ്പാറും ഒക്കെ ഉണ്ടാക്കുവാൻ ഗംഗ അവരെ സഹായിച്ചു. അപ്പോഴാണ് മാളു ഉണർന്നു വരുന്നത്. അവള് കാലത്തെ കുളിച്ചിട്ട് ഒന്നുമില്ലായിരുന്നു.നേരെ വന്നിട്ട് അടുക്കളയിൽ ഇരുന്ന്. ചേച്ചി നാളത്തെ ഉണർന്നോ...? അവൾ ഗംഗയെ നോക്കി ചോദിച്ചതും ഉമയാണ് മറുപടി കൊടുത്തത്. അഞ്ചു മണിയായപ്പോൾ ഈ കൊച്ച് എഴുന്നേറ്റ് അടുക്കളയിൽ വന്നതാ. ഗംഗമോള് കൂടി സഹായിച്ചത് കൊണ്ട് ഇഡലിയും സാമ്പാറും ഒക്കെയായി.ഇങ്ങോട്ട് നോക്കെടി... ഒരു സ്റ്റീൽ പാത്രത്തിന്റെ അടപ്പ് പൊക്കി മകളെ കാണിക്കുകയാണ് ഉമ. ചേച്ചിയെന്തിനാ ഇത്രയും കാലത്തെ ഉണർന്നത്... കിടന്നു ഉറങ്ങിക്കോളാന് മേലായിരുന്നോ. അനന്തൻ പോയപ്പോൾ എഴുന്നേറ്റത് ആവും ല്ലേ മോളെ... അവനിത് പതിവാണ്. ഇനി വന്നിട്ട് ഉച്ചയ്ക്ക് ഊണും കഴിഞ്ഞ് അവൻ ഒരൊറ്റ കിടപ്പാണ്. പിന്നെ എഴുന്നേൽക്കുന്നത് മൂന്നര മണി കഴിയുമ്പോഴാണ്. അതുകഴിഞ്ഞ് കടയിലോട്ട് പോകും, എന്നിട്ട് രാത്രി ഏഴര ആകുമ്പോൾ കടയടച്ചു വരും. അമ്മേ,,, ഇതൊക്കെ ചേച്ചിക്ക് അറിയാവുന്ന കാര്യമാണ്.. എന്തിനാ അമ്മ വെറുതെ പറയുന്നത്.. മാളു ആണെങ്കിൽ ഉമയെ കളിയാക്കി ചിരിച്ചു. പറഞ്ഞപോലെ ഞാനത് മറന്നുകെട്ടോ.. എടി മാളു, നമ്മടെ കോവിലിൽ വെച്ചു പിള്ളേരുടെ കെട്ടു നടത്താനാണ് സജീവ് അമ്മാവനൊക്കെ പറയുന്നത്.. അനന്തൻ വന്നിട്ട് കാര്യങ്ങളൊക്കെ തീരുമാനിക്കണം കെട്ടോ. ഉമ പറഞ്ഞപ്പോൾ മാളു തല കുലുക്കി. ശരിയാ.... അനന്തേട്ടൻ അണിയിച്ച താലി കഴുത്തിൽ ഉണ്ടെങ്കിൽ പിന്നെ എനിക്ക് ഈ ചേച്ചിയെയും കൂട്ടി സർക്കീട്ട് പോകാം ല്ലേ അമ്മേ.. ഒരാഴ്ചക്കുള്ളിൽ കല്യാണം നടത്തണം മോളെ... ദിവസം മുന്നോട്ടു പോകും തോറും ആളുകൾ എന്തെങ്കിലുമൊക്കെ പറഞ്ഞുണ്ടാകും. ഇതിപ്പോ നേരം വെളുത്തോട്ടെ, കര lക്കാര് മുഴുവൻ വരിവരിയായി ഇങ്ങു വരും. പറഞ്ഞു കൊണ്ട് ഉമ അരി കഴുകിക്കൊണ്ട് അടുക്കളയിലേക്ക് വന്നു. അവർ പറയുന്നതൊക്കെ കേട്ടുകൊണ്ട് ഒരു മറുവാക്കു പോലും ഉരിയാടാതെ ഗംഗ ഇരുന്നു. ഭാഗം 23 അമ്മയുടെയും മാളുവിന്റെയും ധാരണ അനന്തനും ഗംഗയും തമ്മിൽ പ്രണയത്തിലാണെന്ന് തന്നെയായിരുന്നു. അതുകൊണ്ട് അവർ വിവാഹ കാര്യത്തെ കുറിച്ച് ഏറെനേരം ചർച്ച ചെയ്തു. അപ്പോഴാണ് പ്രസന്നന്റെ പെങ്ങളായ സുശീലയുടെ വരവ്.. ഗംഗ ആ സമയത്ത് മുറിക്കകത്ത് ആയിരുന്നു. അവളുടെ സർട്ടിഫിക്കറ്റ് ഒക്കെ എടുത്തു പരിശോധിച്ചു നോക്കുകയാണ്. പുറത്താരോ വന്നതും ഉമയുടെ ഉറക്കെയുള്ള വിളിയും കേട്ട് ഗംഗ ഇറങ്ങി ചെന്നു.. വിടർന്ന മിഴികളോടെ അവളെ നോക്കി നിൽക്കുന്ന ഒരു സ്ത്രീയെയാണ് കണ്ടത്. മോളെ ഇത് നമ്മുടെ അപ്പച്ചിയാണ് കേട്ടോ.. അമ്മ പറഞ്ഞില്ലേ ചിലപ്പോൾ വരുമെന്നുള്ള കാര്യം. അവര് പറയുന്ന കേട്ട് ഗംഗ തല കുലുക്കി.. മോളെ.... ഞാൻ സുശീലഅപ്പച്ചി.. അവര് വന്നിട്ട് ഗംഗയുടെ കയ്യിൽ പിടിച്ചു. സുന്ദരിയാണ്കേട്ടോ.. അപ്പച്ചിക്ക് ഒരുപാട് ഇഷ്ടമായി.. അവർ ഗംഗയുടെ കവിളിൽ തലോടി.. മാളു അപ്പച്ചിക്ക് കുടിക്കാൻ വെള്ളം എടുക്കുവാനായി അടുക്കളയിലേക്ക് കയറിപ്പോയിരുന്നു. എത്രയും പെട്ടെന്ന് വിവാഹം നടത്തണം എന്നതാണ് എല്ലാവരുടെയും തീരുമാനം. സുശീലയ്ക്കു കൂടി പെൺകുട്ടിയെ ഇഷ്ടമായ സ്ഥിതിക്ക് ഉമ ഉടനെ തന്നെ ഫോൺ എടുത്ത് സജീവിനെ വിളിച്ചു. കാര്യങ്ങളൊക്കെ അവനോടു പറഞ്ഞു. എങ്കിൽ പിന്നെ ഉടനെതന്നെ നമുക്ക് അമ്പലത്തിൽ വച്ച് കെട്ട് നടത്താമെന്ന് അയാളും പറഞ്ഞു. എല്ലാം കേട്ടുകൊണ്ട് യാതൊരു ഭാവഭേദവുമില്ലാതെ ഗംഗ തറഞ്ഞു നിൽക്കുകയാണ്. അനന്തൻ വന്നശേഷം എന്താണെന്ന് വെച്ചാൽ തീരുമാനിക്കാം എന്ന് അവൾ ഓർത്തു. എങ്ങനെയെങ്കിലും അവൻ ഒന്ന് വേഗത്തിൽ വരാനും അവൾ പ്രാർത്ഥിച്ചു. ഉച്ചയ്ക്ക് 12 മണിയായി അന്ന് അനന്തൻ മടങ്ങി വീട്ടിലെത്തിയപ്പോൾ.. പിക്കപ്പ് വാൻ കൊണ്ടുപോയി ഒതുക്കി നിർത്തിയിട്ട ശേഷം അവൻ പുറത്തേക്കിറങ്ങിയിട്ട് ഒന്ന് ഞെളിഞ്ഞുകുത്തി കൈകൾ രണ്ടും മേൽപ്പോട്ട് വലിച്ചു കുടഞ്ഞു. അകത്തേക്ക് വന്നപ്പോഴാണ് അപ്പച്ചിയെ കാണുന്നത്. അപ്പച്ചിയോട് വിശേഷങ്ങളൊക്കെ ചോദിച്ചുകൊണ്ട് നിന്നപ്പോൾ സജീവമ്മാവനും എത്തി.. അനന്ത,,, കാര്യങ്ങളൊക്കെ എങ്ങനെയാണ്... ഈ കൊച്ചിന്റെ വീട്ടുകാര് കല്യാണം നടത്തി തരുമോടാ. സജീവ് ചോദിച്ചതും അനന്തന്റെ മുഖം മാറി. ഉടനെ കല്യാണം ഒന്നും വേണ്ട അമ്മാവാ,, നമ്മുടെ ലീനാമ്മ സിസ്റ്ററിന്റെ ഒക്കെ മടം സ്കൂളിലേക്ക് ഇവൾക്ക് ടീച്ചർ ആയിട്ട് ജോലി കിട്ടിയിട്ടുണ്ട്. തൽക്കാലം അവിടെ ജോലിക്ക് കയറട്ടെ, എന്നിട്ട് മാളുവിന്റെ കല്യാണശേഷം നമുക്ക് ആലോചിക്കാം. അനന്തൻ എങ്ങും തൊടാതെ മറുപടിയും കൊടുത്തു. ടാ... നീയെന്താ മോനെ ഇങ്ങനെയൊക്കെ സംസാരിക്കുന്നത്, ഈ കൊച്ചിന് അവിടെ കൊണ്ട് നിർത്താൻ ഞാൻ സമ്മതിക്കില്ല. ഏറ്റവും അടുത്ത മുഹൂർത്തം നോക്കി നിങ്ങളുടെ വിവാഹം നടത്തണം. ഞങ്ങളെല്ലാവരും തീരുമാനിച്ച കാര്യമാണത്. ഉമയുടെ ശബ്ദം ഉയർന്നതും അനന്തൻ വല്ലാത്തൊരു ഭാവത്തോടെ അമ്മയെ നോക്കി.. നീയെന്താ ഇങ്ങനെ നോക്കുന്നത്... ഞാൻ പറഞ്ഞതിൽ എന്താണ് തെറ്റ്.. അമ്മേ ഇപ്പൊ കല്യാണം ഒന്നും വേണ്ട.. മാളുവിന്റെ കഴിയാതെ ഞാൻ സമ്മതിക്കുകയും ഇല്ല. അവൻ തന്നെ തീരുമാനത്തിൽ ഉറച്ചുനിന്നു. ഒരു കാര്യം ചെയ്യ ചേച്ചി.. ഗംഗയുടെ വീട് എറണാകുളത്താണെന്നല്ലേ പറഞ്ഞത്. ഈ കൊച്ചിനെ അങ്ങോട്ട് തിരിച്ച് അയക്കാം. അല്ലാണ്ട് മഠം സ്കൂളിൽ ഒന്നും തൽക്കാലം പഠിപ്പിക്കാൻ ആയി പോകേണ്ട കാര്യമില്ല. ഇവളുടെ വീട്ടിലേക്ക് പൊക്കോട്ടെ. മാളുവിന്റെ കല്യാണ ശേഷവും ഇവള് ഇവളുടെ വീട്ടിൽ ഉണ്ടെങ്കിൽ അന്നിവനെ കൊണ്ട് വിവാഹം കഴിപ്പിക്കാം. അതാ നല്ലത്. അമ്മാവൻ പറയുന്ന കേട്ടതും ഗംഗ അനന്തനെ ഒന്നു നോക്കി. ഗംഗയുടെ അഭിപ്രായവും ഇതുതന്നെയാണോ.. പിന്നെന്തിനാ ഇവന്റെ കൂടെ ചാടി പുറപ്പെട്ടു പോന്നത്. കുറച്ചൂടെ വീട്ടിൽ നിൽക്കാൻ വയ്യായിരുന്നൊ. സജീവ് ശബ്ദമുയർത്തിയതും ഗംഗയുടെ കണ്ണ് നിറഞ്ഞു.. അവൾ കരയുകയാണെന്ന് കണ്ടതും എല്ലാവരും ഒരു നിമിഷം വല്ലാതെ ആയിപ്പോയി. ഗംഗ വിഷമിക്കുവാനായി പറഞ്ഞതല്ല.. സാഹചര്യങ്ങൾ ഒന്ന് ചിന്തിച്ചു നോക്കുമോളെ. മാളു ഇപ്പോൾ ഡിഗ്രി ചെയ്യുന്നതേയുള്ളൂ, ഇനി ഇതൊക്കെ പൂർത്തിയാക്കിയ ശേഷം ഇവളുടെ വിവാഹം എപ്പോ നടത്തി വിടാനാണ്. അതുവരെയും നീ മഠം സ്കൂളിൽ നിൽക്കുമോ കുട്ടി. സജീവ് ഒരു ക്ലാരിഫിക്കേഷൻ ഒക്കെ വരുത്തി. കവിളിലൂടെ ഒലിച്ചിറങ്ങിയ കണ്ണീർ തുടച്ചു കൊണ്ട് ഗംഗ അനങ്ങാതെ നിൽക്കുകയായിരുന്നു. എന്തെങ്കിലും ആലോചിച്ചു ചെയ്യാ അമ്മാവാ.. ഇപ്പൊ നമുക്ക് ഇതിനെക്കുറിച്ച് സംസാരിച്ചിട്ടും പ്രത്യേകിച്ച് ഗുണമൊന്നുമില്ല.. നിങ്ങൾ ഇരിയ്ക്കു കെട്ടെ ഞാൻഒന്ന് കുളിച്ചിട്ട് വരാം.. എന്തൊക്കെയായാലും ശരി ഈ കുട്ടിയെ ഞാൻ ഇവിടുന്ന് പറഞ്ഞയക്കില്ല. നിന്നെ മാത്രം വിശ്വസിച്ചു ഇറങ്ങി വന്നവൾ അല്ലേ അതുപോലും നീയൊന്നും മനസ്സിലക്കുന്നില്ലല്ലോടാ.. ഉമ പറയുന്നത് കേട്ടുകൊണ്ട് അനന്തൻ തന്റെ മുറിയിലേക്ക് പോയി. ഓഹ് ഇനി എന്തെല്ലാം പൊല്ലാപ്പാണോ വരാൻ പോകുന്നത്,, അവന് ദേഷ്യം വന്നു.. വഴിയിൽ കിടന്നു ഒരു വയ്യാവേലി കുരിശിനെ എടുത്ത് തലയിൽ വെച്ചു പോയല്ലോ... ഇവളെ കെട്ടിയെടുക്കേണ്ടി വരുമോ എനിക്ക്.. പിറു പിറുത്തുകൊണ്ട് അവൻ ഷർട്ടിന്റെ ബട്ടണുകൾ ഒന്നൊന്നായി അഴിച്ചു. അനന്തേട്ടാ..... ഗംഗ വിളിക്കുന്നത് കേട്ട് അവൻ തിരിഞ്ഞു നോക്കി. ഞാൻ തിരിച്ചു പോയിക്കോളാം.. ഇവിടെ ഒരിക്കലും എനിക്ക് സേഫ് ആയിട്ട് നിൽക്കാൻ പറ്റില്ല. അവൾ ശബ്ദം താഴ്ത്തി പറയുകയും അനന്തൻ തന്റെ വലംകൈ അവളുടെ നേർക്ക് ഉയർത്തിയതുംഒരുമിച്ച് ആയിരുന്നു. ഒരു നിമിഷം കൊണ്ട് അവൻ കൈ താഴ്ത്തുകയും ചെയ്തു. തിരിച്ചു പോകാൻ ആയിരുന്നെങ്കിൽ പിന്നെ ആരുടെ അമ്മേകെട്ടിക്കാനായിട്ടാടി നീ ഇങ്ങോട്ട് വന്നത്.. അവൻ ചോദിച്ചതും ഗംഗയുടെ മുഖം താന്നു. തുടരും