Part 69 ഗൗരിയുടെ ശബ്ദം ആണ് പിന്നെ അവനെ ചിന്തയിൽ നിന്ന് ഉണർത്തിയത് " കട്ടൻ.... നല്ല ചൂട് ഉണ്ടെ.... ഈ ചൂടിൽ തന്നെ കുടിച്ചോ പനിക്ക് നല്ലതാ... അതാ അധികം ചൂട് ആറ്റാതെ കൊണ്ട് വന്നേ... അതിന്റെ ചൂട് ആറും മുന്നേ കുടിക്കണേ " : അതും പറഞ്ഞ് കട്ടൻ അവന് നൽകി തിരികെ സമ്മതം എന്ന പോലെ അവന്റെ തലയാട്ടാൽ കണ്ടതും അവൾ തിരികെ കയറി പോയി. ആ പോക്ക് കണ്ടതും അവൻ ഒന്ന് നിശ്വസിച്ചു. 'പോണം, എത്രയും പെട്ടന്ന് തന്നെ വന്ന ജോലി തീർത്തിട്ട് തിരികെ കയറണം....!!! ' അവനൊരു ദൃഡനിശ്ചയം പോലെ മനസ്സിനോട് പറഞ്ഞു. ************************************ " എന്തായി.....? Any updates....? " : മറുവശത്ത് ഫോൺ എടുത്തെന്ന് തോന്നിയ നിമിഷം കണ്ണൻ തിരക്കി. " No, ഇപ്പോഴും എല്ലാം പഴയത് പോലെ തന്നെയാ. നമ്മുടെ ആളുകൾ അവർക്ക് ചുറ്റും ഉണ്ട് " : unknown " ഹ്മ്മ് നിരീക്ഷിച്ചാൽ മാത്രം മതി, ഞാൻ പറയാതെ യാതൊരു മൂവ്മെന്റ്സും നമ്മുടെ ഭാഗത്ത്‌ നിന്ന് ഉണ്ടാകാൻ പാടില്ല.  " : കണ്ണൻ " Don't worry, അവരുടെ ജോലി എന്താണെന്നും, അവർ എങ്ങനെ പെരുമാറണം എന്നും എല്ലാം ഞാൻ പറഞ്ഞ് ഏൽപ്പിച്ചിട്ടുണ്ട്. അതിനപ്പുറം അവർ പോകില്ല. You can trust me!! " : unknown " ഞാൻ പറഞ്ഞത് അന്വേഷിച്ചോ..? " : എതിരെ നിൽക്കുന്ന വെക്തി പറഞ്ഞതിന് ഒന്ന് കടുപ്പിച്ച് മൂളി കൊണ്ട് അവൻ തിരക്കി. " ഹ്മ്മ് നന്ദന കൂടാതെ ഇരുപത്തി നാല് വിദ്യാർത്ഥികളെ ആണ് Mr. മുരളീധരൻ  നിലവിൽ സ്പോൺസർ ചെയ്തിരിക്കുന്നത്. പത്ത് ആൺ കുട്ടികളും പതിനാല് പെൺ കുട്ടികളും. എല്ലാവരും ഏകദേശം ഒരേ ബാക്ഗ്രൗണ്ടിൽ നിന്ന് വരുന്നവർ. ചിലർ വീട്ടിൽ സാമ്പത്തിക പ്രശ്നം നേരിടുന്നവർ ആണെങ്കിൽ മറ്റ് ചിലർ അനാഥരാണ്. ഇവർ എല്ലാവരും നമ്മുടെ നിരീക്ഷണത്തിൽ ഉള്ളവർ തന്നെയാണ്. ഇതിൽ ആറ് പേർ മാത്രമാണ് നീ നിൽക്കുന്ന നാട്ടിൽ നിന്ന് ഉള്ളവർ ബാക്കി ഒക്കെ പല ഇടങ്ങളിലേയും പല അനാഥാലയങ്ങളിലേയും കുട്ടികൾ ആണ്. " : unknown " ഹ്മ്മ് എപ്പോഴും എല്ലാരിലും ഒരു കണ്ണ് വേണം. അറിയാലോ ഒരു അശ്രദ്ധ പോലും നമ്മുടെ ഭാഗത്ത് നിന്ന് ഉണ്ടാകാൻ പാടില്ല. " : കണ്ണൻ. " ഞാൻ ശ്രദ്ധിച്ചോളാം. അവിടെ എന്തായി...? എന്ന നീ തിരിച്ച് വരുന്നേ...? " : unknown " ഇപ്പോഴും ജോലി ഒന്നും ശെരി ആയില്ല. അന്ന് പറഞ്ഞത് പോലെ ചെറിയ ചെറിയ സഹായത്തിന് വിളിക്കും എന്നിട്ട് ദിവസക്കൂലി തരും. രണ്ട് ആഴ്ച കഴിഞ്ഞാൾ മില്ലിൽ എന്തെങ്കിലും ജോലി തരപ്പെടുത്തി തരാം എന്ന പറഞ്ഞെ. അതിനാ ഞാനും കാത്തിരിക്കുന്നെ. എന്തായാലും ഒന്നര മാസം, കൂടി പോയാൽ രണ്ട് അതിൽ കൂടുതൽ എന്തായാലും പോകില്ല. അപ്പോഴേക്കും ഞങ്ങൾ അങ്ങ് എത്തും. " : കണ്ണൻ " ഹാ One more thing.... ആ കാശ് ഇല്ലേ അത് " : unknown " Black Money, Right...? " : മറു വശം നിൽക്കുന്ന വ്യക്തിയെ പറയാൻ അനുവദിക്കാതെ കണ്ണൻ ചോദിച്ചു. " നിനക്ക് അറിയാർന്നോ....? " : unknown " No, I guessed it...!! " : കണ്ണൻ കുറച്ച് സമയം അവർക്ക് ഇടയിൽ മൗനം മാത്രം തളം കെട്ടി. " ഗൗരി...? " : unknown " She is fine. ഇപ്പൊ ഒക്കെ ആയി വരുന്നു. പഴയത് പോലെ അല്ല ഇപ്പൊ നന്നായി സംസാരിക്കാൻ തുടങ്ങിട്ടുണ്ട്. കരച്ചിലിന് മാത്രം ഒരു കുറവും ഇല്ലെങ്കിലും എന്ത് ആവിശ്യം ഉണ്ടെങ്കിലും പറയും. മുൻപത്തെ ആ പേടിയും അകൽച്ചയും ഒക്കെ കുറഞ്ഞ് വന്ന് തുടങ്ങി. " : കണ്ണൻ " എടാ നാളെ അവൾ സത്യം അറിയുമ്പോഴോ...? എന്തിന് സ്വന്തം ഭർത്താവിന്റെ ഐഡന്റിട്ടിയോ, നീ എന്തിന് ആ നാട്ടിൽ വന്നു എന്ന് പോലും അവൾക്ക് അറിയില്ലല്ലോ. എപ്പോഴായാലും അവൾ അറിയേണ്ടത് തന്നെ അല്ലെ. നിനക്ക് സാവധാനം കാര്യങ്ങൾ അവളെ പറഞ്ഞ് മനസ്സിലാക്കിക്കൂടെ. അതാ.... " : unknown " No, ഞാൻ എന്റെ ജോലി തീർത്ത് ഞങ്ങൾ രണ്ട് പേരും ഈ നാട് വിടുന്നത് വരെ അവൾ ഒന്നും അറിയാൻ പാടില്ലേ. ഇനി അങ്ങനെ എന്തെങ്കിലും സാഹചര്യം വരികയാണെങ്കിൽ അപ്പൊ ഞാൻ പറഞ്ഞോളാം. ഇനി ഇന്ന് പറഞ്ഞാലും നാളെ പറഞ്ഞാലും അവളുടെ റിയാക്ഷൻ എന്തായിരിക്കും എന്ന് എനിക്ക് ഇപ്പൊ അറിയാം. So അത് ഞാൻ മാനേജ് ചെയ്തോളാം. " : കണ്ണൻ " പക്ഷെ അവൾ ആ നാട് വിട്ട് വരാൻ തയാറക്കുമോ...? എന്തൊക്കെ പറഞ്ഞാലും   അവളുടെ അച്ഛൻ അവിടെ അല്ലെ ഉള്ളത് അപ്പൊ..... " : unknown " പൈസക്ക് മകളെ വിറ്റിട്ട് നാട്ടുകാരുടെ മുന്നിൽ അതെ മകളെ തന്നെ കരി വാരി തേച്ച് ജീവിക്കുന്ന തന്തയെ അവൾക്ക് വേണ്ട " : എതിരെ നിൽക്കുന്ന വെക്തി പറഞ്ഞ് പൂർത്തിയാക്കുന്നതിന് മുന്നേ കണ്ണന്റെ ശബ്ദം അവിടെ ഉയർന്നു ഒപ്പം സതീശൻ നാട്ടുകാരോട് പറഞ്ഞ് നടക്കുന്നതും കൂടി അവൻ പറഞ്ഞു. " ച്ചെ.. അയാളൊരു അച്ഛനാണോ സ്വന്തം മകളെ നാട്ടുകാർക്ക് മുന്നിൽ കരി വാരി തേക്കാൻ എറിഞ്ഞിട്ട് കൊടുത്ത് ആണോ അയാൾ വല്ലവന്റെയും മകളെ വളർത്തുന്ന. ഇയാളെ പോലെ ഉള്ളവരാണ് അച്ഛൻ എന്ന നാമത്തിന് തന്നെ അപമാനം. " : unknown " കർമ എന്ന ഒന്ന് ഉണ്ടല്ലോ. സ്വന്തം ചോരയെ തഴഞ്ഞിട്ട് അയാളെ രണ്ടാം ഭാര്യക്ക് ഉണ്ടായത്തിനെ വിത്തിനെ നോക്കാൻ പോയെങ്കിൽ. അയാൾക്ക് ഉള്ള പണി ആ വിത്ത് തന്നെ കൊടുത്തോളും. നമ്മൾക്ക് കാത്തിരിക്കാം " : അതും പറഞ്ഞ് ഗൗരി പറഞ്ഞ് അറിഞ്ഞ കാര്യങ്ങളും കണ്ണൻ പറഞ്ഞു. " ഇത് ഒക്കെ കേട്ടിട്ട് എനിക്ക് തോന്നുന്ന് അവൾ ഇനിയും അവിടെ കിടന്ന് അനുഭവിക്കാതെ ഇരിക്കാൻ ആയിരിക്കും നീ ഇത്ര പെട്ടന്ന് ഗൗരിയുടെ മുന്നിൽ എത്തിയത് എന്ന്. " : unknown " എന്ന് എന്റെ കയ്യിൽ നിന്ന് പണം വാങ്ങി അവളെ എനിക്ക് തരാം എന്ന് പറഞ്ഞോ അന്നേ അവളുടെ തന്തയെ എനിക്ക് മനസ്സിലായതാ. എന്റെ സ്ഥാനത് മറ്റൊരാൾ ആയിരുന്നു എങ്കിൽ പോലും അയാൾ ഇത് തന്നെ ചെയ്തേനെ. അത് ഇനി എത്ര കൊടും കുറ്റവാളി ആണെങ്കിൽ പോലും. എങ്കിലും അവളുടെ മുഖം കാണുമ്പോൾ എനിക്ക് ഒരു കുറ്റബോധം ഉണ്ടായിരുന്നു. പക്ഷെ ഓരോന്ന് അറിയും തോറും ഞാൻ അവളുടെ മുന്നിൽ എത്താൻ വൈകി പോയി എന്ന് ഒരു തോന്നലാണ് എനിക്ക് വരുന്നത്. " : കണ്ണൻ ഒരു നിശ്വാസത്തോടെ പറഞ്ഞ് നിർത്തി. " എല്ലാം ശെരി ആകും ഡാ അല്ലാതെ എവിടെ പോകാൻ. എല്ലാം ഒരു നിയോഗം ആട അല്ലെങ്കിൽ ഇപ്പൊ നീ അവിടെ ചെല്ലാനും അവളെ കാണാനും ഒന്നും ആയിട്ട് തീരുമാനിച്ചത് അല്ലെ. അപ്പൊ എല്ലാം അതിന്റെ വഴിക്ക് വിട്ടേക്ക്. അത് വിട് നിനക്ക് ഇപ്പൊ പനി എങ്ങനെ ഉണ്ട്....? " : unknown " കുറവുണ്ട്.... അത് കൊണ്ട് ഇന്ന് ഉച്ചക്ക് കഞ്ഞി ആയിരുന്നു. പിന്നെ ആകെ പ്രശ്നം ഉള്ളത് കയ്യിലെ ഈ കേട്ട് ആണ് " : കയ്യിലെ കെട്ടിനെ നോക്കി നെടുവീർപ്പ് ഇട്ട് കൊണ്ട് കണ്ണൻ പറഞ്ഞു. " ഗൗരിക്ക് അറിയില്ലല്ലോ വടിവാൾ കൊണ്ട് വെട്ട് കിട്ടിയാൽ പോലും ടിഷ്യൂ കൊണ്ട് തുടച്ച് കളയുന്നവനാണ് അവളുടെ ഭർത്താവ് എന്ന് " : അപ്പുറം നിൽക്കുന്ന വെക്തി ചെറു ചിരിയോടെ പറഞ്ഞു. തന്റെ കൈ മുറിഞ്ഞപ്പോൾ കണ്ണും നിറച്ച് നിന്നവളെ ഓർമ വന്നതും അവന്റെ ചൊടിയിലേക്കും ആ ചിരി പടർന്. " ശെരി എന്ന അവൾ ഇപ്പൊ കഴിക്കാൻ വിളിക്കാൻ വരും. അതിന് മുന്നേ ഞാൻ അങ്ങോട്ട് ചെല്ലട്ടെ. പിന്നെ പറഞ്ഞതെല്ലാം ഓർമ ഉണ്ടല്ലോ ഇത്തവണ ഒരു അബദ്ധവും  നമ്മുടെ ഭാഗത്ത് നിന്ന് ഉണ്ടാവാൻ പാടില്ല " : കണ്ണൻ " ഇല്ല, ഞാൻ ശ്രദ്ധിച്ചോളാം. നീ എന്ന ചെല്ല്. Ok bye " : unknown അതും പറഞ്ഞ് മറുപുറം കാൾ കട്ട്‌ ആയതും കണ്ണൻ ഫോൺ പല കഷണങ്ങൾ ആക്കി എല്ലാം ഇരുന്നിടത്ത് വെച്ച് കൊണ്ട് കതക് തുറന്നു. എന്നാൽ കതക് തുറന്നത് മുന്നിൽ നിൽക്കുന്നവളെ കണ്ടതും അവൻ ഒരു നിമിഷം സ്റ്റക്ക് ആയി. താൻ പറഞ്ഞത് വല്ലോം അവൾ കേട്ട് കാണുമോ എന്ന സംശയവും ചെറിയ പേടിയും അവനിൽ നിറഞ്ഞു. " ഹാ കണ്ണേട്ടാ കഴിക്കാൻ എടുത്ത് വെച്ചിട്ടുണ്ട് ഞാൻ വിളിക്കാൻ വന്നതാ " : അവനെ കണ്ട് അതും പറഞ്ഞ് അവൾ പോയി. അവൾ അതും പറഞ്ഞ് പോയപ്പോഴാണ് അവന് ശ്വാസം നേരെ വീണത്. ഒരിക്കൽ കൂടി മുറിയിലേക്ക് തിരിഞ്ഞ് നോക്കി അവൻ ഒരു ആശ്വാസത്തോടെ അവൾക്ക് പിന്നാലെ നടന്നു. രാത്രിയിലെ ആഹാരം കഴിക്കുമ്പോൾ അവന് പതിവിലും സന്തോഷവും വിശപ്പ് തോന്നിയിരുന്നു. അത് പക്ഷെ തന്നെ ഊട്ടാൻ ആ ഒരുവൾ ഉണ്ടായത് കൊണ്ട് മാത്രം ആണെന്ന് സാരം. ആഹാരം വാരി തരുമ്പോഴും അവൻ ഓരോന്ന് ചോദിച്ച് അടുത്തൊരു സംസാരത്തിന് തുടക്കം കുറിച്ചു. അവനുള്ള മറുപടി കൊടുക്കുന്നതിന് ഒപ്പം അവനെയും ഊട്ടി അവളും കഴിച്ച് എണീറ്റു. എന്നത്തേയും പോലെ അവൾ കഴിച്ച് എണീക്കുന്നത് വരെ അവനും അവൾക്ക് കൂട്ടിരുന്നു. കഴിച്ച് കഴിഞ്ഞ് കയ്യൊക്കെ കഴുകി ടി വി കണ്ട് കൊണ്ട് ഇരുന്നവൻ മരുന്നും കൊടുത്ത് അടുക്കള ഒതുക്കി മുറിയിൽ പോകാൻ നിന്നവളെ അവൻ ഓരോന്ന് ചോദിച്ച് ടി വി കാണാൻ പിടിച്ച് ഇരുത്തി. സോഫയുടെ രണ്ട് ദ്രുവംങ്ങളിൽ ഇരിക്കുന്ന രണ്ട് പേർക്കും ഇടയിൽ മൗനം തളം കെട്ടി നിന്നുവെങ്കിലും ഇരു ഹൃദയത്തിലും സമാദാനം നിറഞ്ഞിരുന്നു. ************************************ " ഗൗരി നന്ദ " രാവിലെ പ്രാതൽ എല്ലാം കഴിഞ്ഞ് ഉച്ചക്ക് ഉള്ളത് തയ്യാറാക്കി തുടങ്ങുമ്പോഴാണ് അവളെ തേടി കണ്ണന്റെ വിളി വന്നത്. നനഞ്ഞ കൈ ഇട്ടിരുന്ന ടോപ്പിൽ തുടച്ച് കൊണ്ട് അവൾ ഹാളിലേക്ക് നടന്നു. " ഹാ ഞാൻ ഒന്ന് പുറത്തോട്ട് പോകുവാ... ഉച്ചക്ക് മുന്നേ വരാൻ നോക്കാം " : കണ്ണൻ ഇട്ടിരുന്ന ഷർട്ടിന്റെ കൈ തെരുത്ത് കൊണ്ട് പറഞ്ഞു. " പനി പൂർണമായിട്ട് മാറിയില്ലല്ലോ. ഇന്നും കൂടി റസ്റ്റ്‌ എടുത്ത് പോയാൽ പോരാരുന്നു. എന്താണെങ്കിലും നാളെ കയ്യിലെ കെട്ട് അഴിച്ചിട്ട് പോകാം കണ്ണേട്ടാ ഇന്നും കൂടി റസ്റ്റ്‌ എടുക്ക്. പോരാത്തതിന് പുറത്ത് നല്ല വെയിലും ഉണ്ട് ഇതൊക്കെ കൊണ്ട കുറഞ്ഞ പനി വീണ്ടും കൂടും. " : ഗൗരി അവനെ നോക്കി ഒരു ആകുലതയോടെ പറഞ്ഞു. അവളുടെ സംസാരം കേട്ടതും ഒരു നിമിഷം അവൻ അവളെ തന്നെ നോക്കി നിന്ന് പോയി. അവളുടെ കരുതൽ ഹൃദയം ആർദ്രമാക്കിയത് പോലെ തോന്നി അവൻ. " ഇന്ന് പോണം എന്ന് കരുതിയത് അല്ല പക്ഷെ അത്യാവിശം ആയത് കൊണ്ടാ. ഞാൻ പെട്ടെന്ന് വരാം. ദേ ഉച്ചക്ക് ചോറ് കഴിക്കുന്ന സമയം ആകുമ്പോൾ ഞാൻ ഇവിടെ എത്തും പോരെ " : ആകുലതയോടെ നിൽക്കുന്നവളെ നോക്കി കണ്ണ് ചിമ്മി കൊണ്ട് അവൻ പറഞ്ഞു. പിന്നെ ഒന്നും പറയാൻ ഇല്ലാത്ത പോലെ അവൾ സമ്മതം എന്ന പോലെ തലയനക്കി കൊണ്ട് പുറത്തേക്ക് ഇറങ്ങിയവന്റെ പിന്നാലെ ചെന്നു. എങ്കിലും മുഖത്ത് അത്ര തെളിച്ചം ഇല്ലായിരുന്നു. അവൻ കണ്ണിൽ നിന്ന് മറയുന്നത് വരെ ഗൗരി അവനെ തന്നെ കണ്ണിൽ നിറച്ച് വാതിലിൽ ചാരി നിന്നു. പിന്നെ ഒരു നിശ്വാസത്തോടെ കതകും അടച്ച് അടുക്കളയിലോട്ട് പോയി. ചോറിനുള്ള അരി കഴുകി കലത്തിലാക്കി അടുപ്പിൽ വെച്ച്, സാമ്പാറിനുള്ള മലക്കറിയും അരിഞ്ഞ് ഗൗരി കണ്ണന്റെയും അവളുടെയും കഴുകാൻ ഉള്ള തുണിയും എടുത്തിട്ട് വന്നു. ഇപ്പൊ കൈ വയ്യാത്തത് കൊണ്ട് അവന് എന്തായാലും കഴുകാൻ കഴിയില്ലല്ലോ അപ്പൊ താൻ കഴുകി കൊടുക്കുന്നതിന് കുഴപ്പം ഒന്നും കാണില്ല എന്ന ധൈര്യത്തിലാണ് എടുത്തോണ്ട് വന്നത്. തുണികൾ എല്ലാം തിരിച്ച് അതുമായി പുറത്തേക്ക് ഇറങ്ങാൻ നിന്നതും കാളിങ് ബെല്ലിന്റെ ശബ്ദം അവിടെ മുഴങ്ങി. കണ്ണൻ ഇത്ര പെട്ടന്ന് തിരിച്ച് വന്നോ എന്ന സംശയം അവൾക്ക് തോന്നിയെങ്കിലും കഴിക്കുന്നതിനു മുന്നേ എത്താം എന്ന അവന്റെ വാക്ക് ഓർമ വന്നതും അവൾ ഒരു ചിരിയോടെ തുണി എല്ലാം അവിടെ ഉണ്ടായിരുന്ന കസേരയിൽ വെച്ച് പോയി കതക് തുറന്നു. എന്നാൽ മുന്നിൽ നിൽക്കുന്ന വ്യക്തിയെ കണ്ടതും അവൾ ആകെ സ്തംഭിച്ച് പോയി. പതിയെ ശബ്ദം പുറത്ത് വാരാത്ത വിധം ആ പേര് അവൾ ഉച്ഛരിച്ചു. " ഉണ്ണി മാഷ് " തുടരും...... #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love