Part 68 തനിക്ക് മറുപടി നൽകാതെ കടുപ്പിച്ച് നോക്കുന്നവനെ കണ്ടും ഗൗരി ഒന്ന് പരുങ്ങി പോയി. പിന്നെ ഒന്നും പറയാതെ അവൻ തിരികെ പോയത് കണ്ടപ്പോഴാണ് അവൾക്ക് ആശ്വാസം ആയത്. ' ഞാൻ അതിന് കാര്യം അല്ലെ ചോദിച്ചേ അതിന് എന്തിനാ എന്നെ ഇങ്ങനെ നോക്കുന്നെ ' അപ്പോഴും അവൻ എന്തിനാ തന്നെ അങ്ങനെ നോക്കിയിട്ട് പോയെ എന്ന് മനസ്സിലാകാതെ ഗൗരി സ്വയം ചോദിച്ചു. പിന്നെ അത് മനസ്സിൽ നിന്ന് വിട്ട് ഇന്ന് അവർക്ക് ഇടയിൽ നടന്ന ഓരോ സംഭാഷണവും ഓർത്തതും അവളുടെ ഇളം പിങ്ക് നിറത്തിലെ ആദരം മനോഹമായി ഒന്ന് വിടർന്നു. അത് പക്ഷെ സന്തോഷം കൊണ്ട് ആയിരുന്നില്ല മറിച്ച് സംതൃപ്തി കൊണ്ട് ആയിരുന്നു എന്ന് മാത്രം. കുക്കേറിന്റെ ശബ്ദം വീണ്ടും അവളെ തേടി എത്തിയതും ചിന്തകളെ എല്ലാം മനസ്സിന്റെ ഒരു കോണിലേക്ക് മാറ്റി കൊണ്ട് അവൾ വീണ്ടും പണിയിലേക്ക് കടന്നു. കണ്ണൻ ഫോൺ കാൾ എല്ലാം കഴിഞ്ഞ് തിരിച്ച് വരുമ്പോൾ കാണുന്നത് ആഹാരം എല്ലാം ടേബിളിന് പുറത്ത് വെക്കുന്നവളെ ആണ്. തനിക്ക് പണി ആയത് കൊണ്ട് തന്നെ പൊടിയരി കഞ്ഞിയും ചമ്മന്തിയും അച്ചാറും പപ്പടവും ഒക്കെയാണ് ഇന്നത്തെ ഭക്ഷണം. സാധാരണ ദിവസങ്ങളിലും ചോറും കറിയും കൂടാതെ രണ്ട് കൂട്ടം വേറെയും കാണും. " ഹാ കണ്ണേട്ടാ ഇരിക്ക് ഞാൻ പോയി കുടിക്കാൻ ഉള്ള വെള്ളം കൂടി എടുത്തിട്ട് വരാം. " : എല്ലാം എടുത്ത് വെച്ച് വെള്ളം എടുക്കാനാത്തി തിരിഞ്ഞവൾ വാതിലിൽ കണ്ണൻ നിൽക്കുന്നത് കണ്ട് അതും പറഞ്ഞ് അടുക്കളലേക്ക് പോയി. ഭക്ഷണം എല്ലാം നോക്കി നിന്നവനെ ഉണർത്തിയത് അവളുടെ ശബ്ദം ആണ്. കൈ കഴുകാനായി പോകാൻ തുണിഞ്ഞവൻ കയ്യിലെ കേട്ട് ഒന്ന് നോക്കി, തന്നെ ഇപ്പോൾ ഊട്ടുന്നത് അവളുടെ ജോലി ആണെന്ന് ഓർമ വന്നതും ഒരു ഉൽഹാസത്തോടെ കസേര വലിച്ച് അവിടെ ഇരുന്നു. " നോക്കി ഇരിക്കാതെ കഴിക്ക് കണ്ണേട്ടാ... എന്തെങ്കിലും വേണം എങ്കിൽ പറഞ്ഞ മതി " : വെള്ളവും ആയി വന്നവൾ ഇപ്പോഴും കഴിക്കാതെ മറ്റെന്തോ ചിന്തയിൽ ഇരിക്കുന്നവനോട് പറഞ്ഞു. അവളുടെ പറച്ചിൽ കേട്ട് മുന്നോട്ട് നോക്കിവന്റെ മുഖത്ത് അത്രയും നേരം നിലനിന്നിരുന്ന ഉത്സാഹം ഒക്കെ എങ്ങോ കേട്ട് പോയി. കഞ്ഞിയിൽ സ്പൂൺ ഇട്ട് വെച്ചിട്ടുണ്ട് കൂടാതെ എല്ലാം തനിക്ക് എടുക്കാൻ പാകത്തിന് കുഞ്ഞ് കുഞ്ഞ് കിണ്ണിയിൽ ആക്കി വെച്ചിട്ടുണ്ട്. " എന്ത് പറ്റി കണ്ണേട്ടാ... എന്താ കഴിക്കാതെ  എന്തെങ്കിലും വേണോ....? " : ഇപ്പോഴും കഴിക്കാതെ മുന്നിലുള്ള ഭക്ഷണം നോക്കി ഇരിക്കുന്നവനെ കണ്ടതും ഗൗരി തിരക്കി. " ഏയ്യ് ഒന്നും വേണ്ട ഞാൻ എല്ലാം ഒന്ന് നോക്കിയതാ " : ഉള്ളിൽ നല്ല നിരാശ തോന്നിയെങ്കിലും അതൊന്നും പുറത്ത് കാണിക്കാതെ അവളോട് അത്രയും പറഞ്ഞ് പതിയെ കഞ്ഞി കോരി കുടിക്കാൻ തുടങ്ങി. ഇടക്ക് മുന്നിലിരിക്കുന്നവളെ നോക്കിയതും അവളുടെ ശ്രദ്ധ മുഴുവനും ഭക്ഷണത്തിലാണെന്ന് കണ്ടതും അവനൊരു നിരാശയോടെ കഞ്ഞി കുടിച്ചു. ************************************ " ഉച്ചക്ക് കഴിക്കാൻ മരുന്ന് ഒന്നും ഇല്ല. രാവിലെ കഴിഞ്ഞ പിന്നെ രാത്രിയിലെക്കെ ഉള്ളു. അതും രാവിലത്തെ പോലെയാ ആഹാരത്തിന് അര മണിക്കൂർ മുൻപ് ഒരെണ്ണം പിന്നെ ആഹാരം കഴിച്ച് കഴിഞ്ഞ് ഒരെണ്ണം പിന്നെ പണി പിടിച്ചത് കൊണ്ട് അത് കൂടാതെ ഡോളോയും ഉണ്ട്. ഇനി രാത്രി കഞ്ഞി കുടിക്കുന്നതിന് മുന്നേ എടുത്ത് തരാം. " : ഗൗരി മരുന്ന് എടുത്ത് കൊണ്ട് വന്ന് ഹാളിൽ അവന്റെ മുന്നിൽ നിന്ന് ഓരോന്ന് നോക്കി കൊണ്ട് പറഞ്ഞു. എന്നാൽ അവൾ പറയുന്നത് ഒക്കെ കേൾക്കുന്നുണ്ട് എങ്കിലും ടി വിയിൽ ശ്രദ്ധ കൊടുത്ത് ഇരുന്നവൻ അവളുടെ അവസാന വരി കേട്ടതും പെടുന്നനെ നോട്ടം അവളിലേക്ക് എത്തി. " രാത്രിയും കഞ്ഞി ആണോ " : അവനൊരു വല്ലയിമയോടെ ചോദിച്ചു. " ഹാ കണ്ണേട്ടന് പനിയല്ലേ അപ്പൊ ഈ സമയത്ത് കഞ്ഞി കുടിക്കുന്നതാ നല്ലത്. " : അവൾ പൊടുന്നനെ തന്നെ അവനുള്ള മറുപടിയും നൽകി. " അപ്പൊ കഞ്ഞി രാത്രിയിലേക്കും കൂടി ഉണ്ടാക്കി വെച്ചിട്ടുണ്ടോ...? " : ഉള്ളിൽ നിറയെ നിരാശയോടെ അവൻ തിരക്കി. " ഇല്ലില്ല രാത്രിയിലേക്ക് അപ്പൊ തയ്യാറാക്കാം എന്ന് കരുതി ഇപ്പൊ ഉച്ചക്കത്തേക്ക് ഉള്ളത് മാത്രമേ ഉണ്ടാക്കിയൊള്. " : അവൾ മരുന്ന് അടങ്ങുന്ന ഡെപ്പ ടേബിളിന് മുകളിൽ വെച്ച് കൊണ്ട് പറഞ്ഞു. " എനിക്ക് രാത്രി കഞ്ഞി വേണ്ട " : അവളുടെ മറുപടി കേട്ടതും അവളിൽ നിന്ന് മുഖം വീണ്ടും ടി വിയിലേക്ക് തിരിച്ച് കൊണ്ട് അവൻ പറഞ്ഞു. " കഞ്ഞി വേണ്ടേ അതെന്താ... പനി അല്ലെ ക്ഷീണം മാറാൻ ഒക്കെ കഞ്ഞി നല്ലതാ. " : അവൾ അവനെ ഒരു സംശയത്തോടെ നോക്കി കൊണ്ട് തിരക്കി. " എനിക്ക് എന്തായാലും കഞ്ഞി വേണ്ട... വേറെ എന്തെങ്കിലും മതി. എന്തോ വായിക്ക് ഒന്നും ഒരു രുചി കിട്ടാത്ത പോലെ " : അവൻ  അവൾക്ക് മനസ്സിലാകും വിധം സ്വരത്തിൽ വല്ലായിമ വരുത്തി കൊണ്ട് പറഞ്ഞു. " ആണോ... എങ്കിൽ ഇപ്പൊ എന്താ ഉണ്ടാകുക... പനി ആയിട്ട് ഇരിക്കുമ്പോൾ കട്ടി ഉള്ളത് ഒന്നും അങ്ങനെ കഴിക്കണ്ട " : അവന്റെ വല്ലായിമ മനസ്സിലായത് പോലെ അവളും പറഞ്ഞു. " ചോറ് ആക്കിയ മതി, ഉച്ചക്ക് അരച്ച ചമ്മന്തി ഇരുപ്പുണ്ടല്ലോ പിന്നെ അച്ചാറും മതി. അതാകുമ്പോൾ അത്ര കട്ടി ഉള്ള ഭക്ഷണവും അല്ല " : ഒരു വഴി കണ്ടെത്തിയത് പോലെ അവൻ തന്നെ അവളെ നോക്കി കൊണ്ട് പറഞ്ഞു. " അത് മതിയല്ലേ... എങ്കിൽ ഞാൻ പോയി അരി ഇടട്ടെ " : ഒന്ന് നിശ്വസിച്ച് കൊണ്ട് അടുക്കളയിലേക്ക് തിരിഞ്ഞ് നടക്കാൻ ഒരുങ്ങി. " ഏയ്യ് ഇനി ഇപ്പൊ ഇടാൻ നിൽക്കണ്ട... പോയി കുറച്ച് നേരം ഒന്ന് കിടക്കാൻ നോക്ക്. ഇന്നലെ രാത്രിയും നേരെ ചൊവ്വേ ഉറങ്ങാൻ പറ്റിയില്ലല്ലോ. ചെല്ല് പോയി കുറച്ച് നേരം ഒന്ന് കിടന്ന് ഉറങ്ങിക്കോ. അരി ഒക്കെ വൈകിട്ട് ഇടാം " : വീണ്ടും തിരിഞ്ഞ് നടക്കാൻ ആഞ്ഞവളെ തടഞ്ഞ് കൊണ്ട് അവൻ പറഞ്ഞു. ഒരു നിമിഷം ഒന്ന് ചിന്തിച്ച് പിന്നെ മെല്ലെ മുറിയിലേക്ക് നടന്നു. " കണ്ണേട്ടൻ കിടക്കുന്നില്ലേ....? " : മുറിലേക്ക് കയറി വാതിൽ അടക്കാൻ നേരം അവൾ തിരക്കി. " ഹ്മ്മ് കിടക്കാം കുറച്ച് നേരം കഴിയട്ടെ " : അവളെ നോക്കി ഒന്ന് കണ്ണ് ചിമ്മി കൊണ്ട് പറഞ്ഞ് വീണ്ടും ടി വിയിലേക്ക് നോട്ടം എയ്തു. അതിനൊന്ന് തലയാട്ടി വാതിൽ അടക്കാൻ നിന്നതും പിന്നെ വേണ്ടെന്ന് വെച്ച് വാതിൽ ചാരി കൊണ്ട് കട്ടിലിലേക്ക് കിടന്നു. ഇന്നലെ വരെ ആയിരുന്നു എങ്കിൽ ഇങ്ങനെ ഒരു ചിന്തയ്ക്ക് പോലും ഇടം കൊടുക്കാതെ വാതിൽ പൂട്ടിയെഞ്ഞേ എന്തിന് വാതിൽ പൂട്ടി കിടക്കുവാണോ എന്ന് കണ്ണിൽ ഉറക്കം വരുന്നത് വരെ ഇടക്ക് ഇടക്ക് നോക്കിയേഞ്ഞേ. എത്ര പെട്ടെന്ന താൻ ആ വ്യക്തിയെ വിശ്വസിക്കാൻ തുടങ്ങിയെ അവൾ ചിന്തിക്കാതെ ഇരുന്നില്ല അപ്പോഴും അവളുടെ അദരങ്ങളിൽ ഒരു ചെറു ചിരി ഉണ്ടായിരുന്നു. ഉറക്കം കണ്ണിലേക്ക് വീഴുന്നത് വരെ അവളുടെ മനസ്സിൽ മുഴുവൻ ആ ഒരുവനും അവന്റെ വാക്കുകളും മാത്രമായിരുന്നു. ഇതേ സമയം അവൾ ചാരി വെച്ച വാതിൽ കണ്ടതും കണ്ണന്റെ ചുണ്ടിലും ഒരു ഇളം ചിരി വിരിഞ്ഞു. അവനും മനസ്സിലായി തുടങ്ങിയിരുന്നു അവളിലെ മാറ്റങ്ങളെ. അതെ പോലെ പരിഗണിക്ക പെടാൻ ആഗ്രഹിക്കുന്ന ഒരു മനസ്സും അവൻ തിരിച്ചറിഞ്ഞു. പിന്നെയും കുറെ നേരം പിന്നിട്ടതും അവന് ക്ഷീണം തോന്നി, പുറത്തേക്ക് ഉള്ള കതകടച്ച് അവൻ അവിടെ സോഫയിൽ തന്നെ കിടന്നു. ************************************ ഉറക്കം എല്ലാം കഴിഞ്ഞ് മുടിയും വാരി കെട്ടി മുറിയിൽ നിന്ന് പുറത്തേക്ക് ഇറങ്ങിയവൾ കാണുന്നത് സോഫയിൽ ചുരുണ്ട് കൂടി കിടക്കുന്നവനെയാണ്. പനി ആയത് കൊണ്ട് തന്നെ ശരീരം തണുക്കുണ്ടാകും എന്ന് അവൾക്ക് അവന്റെ ചുരുണ്ട് കൂടി ഉള്ള കിടപ്പ് കണ്ട് മനസ്സിലായി. പിന്നെ അവന്റെ മുറിയിൽ പോയി ഒരു ഷീറ്റ് എടുത്ത് കൊണ്ട് വന്ന് അവനെ പുതപ്പിച്ച്, നെറ്റിയിൽ തൊട്ട് നോക്കി ചൂട് അറിഞ്ഞ് ഒരിക്കൽ കൂടി അവനെ ഒന്ന് നോക്കി കൊണ്ട് അവിടെ നിന്നും അടുക്കളയിലേക്ക് നടന്നു. രാത്രിയിലേക്ക് ഉള്ള അരി കഴുകി കലത്തിൽ ആക്കി അവൾ മുറ്റത്തേക്ക് ഇറങ്ങി. സമയം അപ്പോഴേക്കും അഞ്ചു മണി കഴിഞ്ഞിരുന്നു. രാവിലെ മുറ്റം അടിച്ച് വാരിയത് ആണെങ്കിലും വൈകിട്ട് ആകുമ്പോൾ പിന്നെയും കരിയിലകൾ നിറയും. അത് നോക്കി ഒന്ന് നിശ്വസിച്ച് കൊണ്ട് അവൾ മുറ്റം അടിക്കാൻ തുടങ്ങി. മുറ്റം അടിക്കുന്ന ശബ്ദം കേട്ടാണ് കണ്ണൻ ഉണർന്നത്. ശരീരത്ത് കിടക്കുന്ന ഷീറ്റ് കണ്ട് ആദ്യം ഒന്ന് സംശയിച്ചു എങ്കിലും പിന്നെ അതിന് പിന്നിലെ ആളെ മനസ്സിലായതും ഒരു മന്ദാഹാസത്തോടെ അതും എടുത്ത് കൊണ്ട് മുറിയിലേക്ക് നടന്നു. മുറ്റം എല്ലാം അടിച്ച് വാരി അകത്തേക്ക് കയറാൻ നിന്നപ്പോഴാണ് സിറ്റ് ഔട്ടിൽ ഇരുന്ന് കൊണ്ട് തന്നെ വീക്ഷിക്കുന്നവനെ അവൾ കണ്ടത്. പ്രധീക്ഷിക്കാത്തത് ആയതിനാൽ അവൾ ഒന്ന് അമ്പരന്ന് പോയി. " കണ്ണേട്ടൻ എപ്പോഴാ എണീറ്റെ... ഒത്തിരി നേരം ആയോ.... എന്നെ വിളിച്ചൂടാർന്നോ... ഞാൻ കട്ടൻ ഇട്ട് തന്നേനെലോ " : ഗൗരി ചൂലിന് തട്ട് കൊടുത്ത് കൊണ്ട് പറഞ്ഞു. " ഏയ്യ് ഞാൻ ഇപ്പൊ എണീറ്റെ ഉള്ളു. വന്നപ്പോ താൻ ഇവിടെ മുറ്റം അടിക്കുന്നത് കണ്ടു " : ഉറക്കം എണീറ്റപ്പോൾ ഉള്ള കടുപ്പം നിറഞ്ഞ സ്വരത്തിൽ അവൻ പറഞ്ഞു. " ആണോ ഞാൻ എന്ന കട്ടൻ ഇട്ട് തരാം " : അതും പറഞ്ഞ് അവൾ പിൻവശത്തേക്ക് നടക്കാൻ ഒരുങ്ങി. " ഏയ്യ് തന്റെ ജോലി ഒക്കെ കഴിഞ്ഞിട്ട് മതി. " : കണ്ണൻ അവളുടെ കയ്യിൽ ഇരിക്കുന്ന ചൂൽ നോക്കി കൊണ്ട് പറഞ്ഞു. " എന്റെ ജോലി ഒക്കെ കഴിഞ്ഞു.... ഞാൻ മുറ്റമടിച്ച് കഴിഞ്ഞ് പോകാൻ നിന്നതാ " : അവന്റെ നോട്ടം മനസ്സിലായത് പോലെ അതും പറഞ്ഞ് അവൾ ചൂൽ അവിടെ സൈഡിൽ ഇട്ട് കയ്യും മുഖവും ഒക്കെ കഴുകി അടുക്കള വാതിൽ വഴി അകത്തേക്ക് കടന്നു. അവളുടെ പ്രവർത്തികൾ എല്ലാം നിരീക്ഷിച്ച് അവളുടെ പോക്കും നോക്കി അവൻ അവിടെ തിണ്ണയിലേക്ക് ഇരുന്നു. ഗൗരവം കണ്ണിൽ നിന്ന് മറഞ്ഞതും അവന്റെ മുഖം ഗൗരവത്തിലായി, ഒപ്പം ചിന്തകൾക്ക് കനം വെച്ചു. എല്ലാം ഓർത്ത് കൊണ്ട് അവൻ കണ്ണ് ഇറുക്കി അടിച്ചിരുന്നു. തുടരും...... #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love #💞 പ്രണയകഥകൾ