കഴിഞ്ഞ രണ്ടു ദിവസമായി മൈഥിലി ഒരു സ്വപ്നലോകത്തായിരുന്നു. കമ്പനിയിലെ ഒരു സാധാരണ ജീവനക്കാരിയായിരുന്ന അവളെ, പുതിയ സിഇഒ ചാർജെടുക്കുന്നതിന് തൊട്ടു മുന്നേയാണ് അദ്ദേഹത്തിന്റെ പേഴ്സണൽ അസിസ്റ്റന്റ് ആയി പ്രൊമോട്ട് ചെയ്തത്! കരിയറിലെ ആ വലിയ നേട്ടത്തിന്റെ സന്തോഷത്തിലും എക്സൈറ്റ്മെന്റിലുമായിരുന്നു അവൾ. പെർഫെക്റ്റ് ഫിറ്റായ ബ്ലാക്ക് കോട്ടും സ്യൂട്ടും ധരിച്ച്, ഹൈ ഹീൽസുമിട്ട് തികച്ചും മോഡേൺ ആയ ഒരു പ്രൊഫഷണൽ ലുക്കിലാണ് അവൾ അന്ന് ഓഫീസിലേക്ക് എത്തിയത്... കണ്ണുകളിൽ പുതിയ ഉത്തരവാദിത്തത്തിന്റെ തിളക്കവും, പുതിയ ബോസ്സിനെ മികച്ച രീതിയിൽ അസിസ്റ്റ് ചെയ്യണമെന്ന ആവേശവും അവൾക്കുണ്ടായിരുന്നു.. അന്ന് രാവിലെ മുതൽ തന്നെ കോർപ്പറേറ്റ് ഓഫീസ് മുഴുവൻ പുതിയ ബോസ്സിനെ വരവേൽക്കാനുള്ള തിരക്കിലായിരുന്നു. ജീവനക്കാരെല്ലാം വലിയ ഗ്ലാസ്സ് എൻട്രൻസിന് മുന്നിൽ നിരന്നു നിന്നു. പുതിയ സിഇഒയുടെ പേഴ്സണൽ അസിസ്റ്റന്റ് എന്ന നിലയിൽ, അദ്ദേഹത്തെ സ്വീകരിക്കാനുള്ള ചുവന്ന റോസാപ്പൂക്കൾ നിറഞ്ഞ വലിയ ബൊക്കെയുമായി ഏറ്റവും മുന്നിൽ നിന്നത് മൈഥിലി തന്നെയായിരുന്നു. അവളുടെ ഹൃദയം ഒരു പുതിയ തുടക്കത്തിന്റെ സന്തോഷത്താൽ ദ്രുതഗതിയിൽ മിടിക്കുന്നുണ്ടായിരുന്നു.... പെട്ടെന്നാണ് ആ കറുത്ത ആഡംബര ബെൻസ് കാർ കമ്പനി മുറ്റത്തേക്ക് ഇരച്ചു കയറി പോർച്ചിൽ വന്നുനിന്നത്. സെക്യൂരിറ്റി ജീവനക്കാർ ആദരവോടെ ഓടിച്ചെന്ന് കാറിന്റെ പിൻസീറ്റിന്റെ ഡോർ തുറന്നു... കാറിൽ നിന്നും പെർഫെക്റ്റ് ഫിറ്റായ നേവി ബ്ലൂ സ്യൂട്ടിൽ അതീവ ഗാംഭീര്യത്തോടെ ആ രൂപം പുറത്തേക്കിറങ്ങി. കണ്ണുകളിൽ കറുത്ത കൂളിംഗ് ഗ്ലാസ്സ് വെച്ചിരുന്നിട്ടും, ആ മുഖത്തിന്റെ ഘടന കണ്ടതും മൈഥിലിയുടെ ശ്വാസം അവിടെവച്ച് നിലച്ചുപോയി! കൈയിലെ ബൊക്കെ താഴേക്ക് വീഴാൻ പോയി.... അത് ധ്രുവ് ആയിരുന്നു...! ധ്രുവ് കൃഷ്ണ! തന്റെ ക്യാമ്പസ് കാലത്തെ ജീവനായിരുന്നു അവൻ. താൻ ജീവന് തുല്യം സ്നേഹിച്ച, ഒടുവിൽ ഹൃദയം തകർത്ത് താൻ തന്നെ ഉപേക്ഷിച്ചുപോന്ന തന്റെ ധ്രുവ്! പഴയ ആ തോളിൽ ബാഗുമിട്ട് ചിരിച്ചുനടന്ന പയ്യനിൽ നിന്നും ഒട്ടനവധി മാറി, ഇന്ന് ആരെയും വിറപ്പിക്കുന്ന ഒരു ബിസിനസ്സ് ടൈക്കൂൺ ആയി അവൻ മുന്നിൽ നിൽക്കുന്നു. അവളുടെ ഉള്ളിലെ എക്സൈറ്റ്മെന്റും സന്തോഷവുമെല്ലാം ഒരൊറ്റ നിമിഷം കൊണ്ട് ഇല്ലാതായി. ഭയവും ഞെട്ടലും അവളുടെ മുഖത്ത് നിഴലിച്ചു. അന്ന് അവൻ വിവാഹം കഴിഞ്ഞ് സുഖമായി ജീവിക്കുന്നു എന്ന് കരുതിയാണ് അവൾ ഒഴിഞ്ഞുമാറിയത്. പക്ഷേ ഇന്ന്... ധ്രുവ് പതുക്കെ തന്റെ കൂളിംഗ് ഗ്ലാസ്സ് മാറ്റി. ആ തീക്ഷ്ണമായ കണ്ണുകൾ ചുറ്റും നോക്കി. അവൻ അവളുടെ മുന്നിലേക്ക് നടന്നു വന്നു. മൈഥിലിക്ക് മുന്നിൽ ഇപ്പോൾ വേറെ വഴികളൊന്നുമില്ലായിരുന്നു. തന്റെ ഉള്ളിലെ കൊടുങ്കാറ്റ് പുറത്തുകാണിക്കാതെ, തകർന്നുപോയ മനസ്സ് കഷ്ടപ്പെട്ട് ഒതുക്കിപ്പിടിച്ച്, വിറയ്ക്കുന്ന ശബ്ദത്തിൽ അവൾ ഇംഗ്ലീഷിൽ സ്വയം പരിചയപ്പെടുത്തി... "Good morning, Sir. I am Maithili... your new Personal Assistant. Welcome to the company." അവളുടെ വാക്കുകൾ കേട്ടിട്ടും ധ്രുവിന്റെ മുഖത്ത് യാതൊരു ഭാവവ്യത്യാസവും ഉണ്ടായിരുന്നില്ല. ഒരു മുൻപരിചയവും കാണിക്കാതെ, തികച്ചും ഒരു അപരിചിതെയോടെന്നപോലെ അവൻ വളരെ തണുത്ത, ഔദ്യോഗികമായ ശബ്ദത്തിൽ മറുപടി പറഞ്ഞു.. "Thank you, Maithili. Bring today's schedule and all the pending files to my cabin within five minutes." അവളെ നോക്കുക പോലും ചെയ്യാതെ, വെറുമൊരു സാധാരണ പിഎയോട് സംസാരിക്കുന്ന കണിശതയോടെ അവൻ വലിയ ചുവടുകളോടെ അകത്തേക്ക് നടന്നുപോയി. ധ്രുവിന്റെ ആ പെരുമാറ്റം അവളുടെ ഉള്ളം പൊള്ളിക്കുകയായിരുന്നു. താൻ ജീവന് തുല്യം സ്നേഹിച്ചവൻ ഇന്ന് തന്നെ വെറുമൊരു ശമ്പളം വാങ്ങുന്ന ജീവനക്കാരിയായി മാത്രം കണ്ട് തള്ളിക്കളഞ്ഞത് അവളുടെ ഹൃദയത്തിൽ കനലായി എരിഞ്ഞു. എന്നാൽ, തന്നെ മനഃപൂർവ്വം പിഎ ആക്കി മാറ്റിയതിന് പിന്നിൽ അവന്റെ വലിയൊരു കെണിയുണ്ടെന്ന് അവൾ അപ്പോഴും അറിഞ്ഞിരുന്നില്ല... തണുപ്പുകാലത്തെ മൂടൽമഞ്ഞ് പോലെ എയർകണ്ടീഷണറിന്റെ തണുപ്പ് ആ വലിയ ക്യാബിനെയാകെ മൂടിയിരുന്നു. പുറത്തെ ബഹളങ്ങളൊന്നും അങ്ങോട്ട് എത്തിനോക്കാൻ പോലും ധൈര്യപ്പെടാത്തവിധം നിശബ്ദമായിരുന്നു ആ മുറി. ഗ്ലാസ്സ് വിൻഡോയിലൂടെ നോക്കിയാൽ താഴെ കൊച്ചി നഗരത്തിലെ തിരക്കുകൾ കാണാം... മൈഥിലി തന്റെ ഇടതുകൈയിലെ വാച്ചിലേക്ക് നോക്കി. കൃത്യം അഞ്ച് മിനിറ്റ്. ശ്വാസമെടുക്കാൻ പോലും മറന്നുകൊണ്ട് അവൾ ക്യാബിന്റെ വലിയ തേക്ക് തടിയുടെ വാതിലിന് മുന്നിൽ നിന്നു. അവളുടെ വലതുകൈയിൽ പുതിയ സി.ഇ.ഒയ്ക്ക് ഒപ്പിടാനുള്ള പ്രധാനപ്പെട്ട ഫയലുകളും ഐപാഡും ഉണ്ടായിരുന്നു. ബ്ലാക്ക് കോട്ടിന്റെ പോക്കറ്റിൽ കിടന്ന അവളുടെ വിരലുകൾ അറിയാതെ വിറയ്ക്കുന്നുണ്ടായിരുന്നു. പതുക്കെ ഒന്നു ശ്വാസം വിട്ട്, മനസ്സിനെ കഷ്ടപ്പെട്ട് നിയന്ത്രിച്ച് അവൾ വാതിലിൽ രണ്ടുതവണ മുട്ടി.... "കം ഇൻ..." അകത്തുനിന്നും കേട്ട ആ ശബ്ദത്തിന് ഒരൊറ്റ നിമിഷം കൊണ്ട് അവളെ വർഷങ്ങൾ പുറകോട്ട് കൊണ്ടുപോകാൻ കഴിഞ്ഞു. കോളേജ് ക്യാമ്പസിന്റെ കോണിലിരുന്ന് തന്റെ കാതിൽ പ്രണയം മന്ത്രിച്ചിരുന്ന അതേ ശബ്ദം.... പക്ഷേ ഇന്ന് അതിൽ പ്രണയമില്ല, മറിച്ച് ഒരു അപരിചിതത്വം മാത്രം.... അവൾ പതുക്കെ വാതിൽ തുറന്ന് അകത്തേക്ക് കയറി.... വലിയ ആഡംബര മേശയ്ക്ക് പിന്നിലെ ഉയർന്ന ലെതർ കസേരയിൽ ധ്രുവ് കൃഷ്ണ ഇരിക്കുകയാണ്. അവൻ തന്റെ ലാപ്ടോപ്പിലേക്ക് തന്നെ നോക്കിയിരിക്കുകയായിരുന്നു. അവൾ അകത്തേക്ക് വന്നത് അവൻ അറിഞ്ഞതേയില്ല എന്ന ഭാവം. പെർഫെക്റ്റ് ഫിറ്റായ നേവി ബ്ലൂ സ്യൂട്ടിൽ, വടിച്ചൊതുക്കിയ താടിയും, നെറ്റിയിലേക്ക് ചെറുതായി വീണുകിടക്കുന്ന മുടിയുമായി അവൻ കൂടുതൽ ഗാംഭീര്യമുള്ളവനായി തോന്നിപ്പിച്ചു.... മൈഥിലി മേശയ്ക്ക് മുന്നിലെത്തി നിന്നു. എന്നിട്ടും അവൻ തലയുയർത്തി നോക്കിയില്ല... "സാർ... ഐപാഡിൽ ഇന്നത്തെ ഷെഡ്യൂൾ അപ്ഡേറ്റ് ചെയ്തിട്ടുണ്ട്. 11 മണിക്ക് വിദേശ ക്ലയന്റ്സുമായി വലിയൊരു മീറ്റിംഗ് ഉണ്ട്. പിന്നെ... ഈ മൂന്ന് ഫയലുകൾ സാറിന്റെ അടിയന്തിര ഒപ്പിനായി കൊണ്ടുവന്നതാണ്." തന്റെ ഔദ്യോഗിക പദവി ഒട്ടും ചോർന്നുപോകാതെ, വളരെ പ്രൊഫഷണലായി ഇംഗ്ലീഷിലാണ് അവൾ സംസാരിച്ചത്. തന്റെ മുന്നിൽ നിൽക്കുന്നത് പഴയ കാമുകനല്ല, പുതിയ ബോസ്സ് മാത്രമാണെന്ന് സ്വയം വിശ്വസിപ്പിക്കാൻ അവൾ ശ്രമിക്കുകയായിരുന്നു.... അവളുടെ വാക്കുകൾ തീർന്നതും ധ്രുവ് പതുക്കെ ലാപ്ടോപ്പ് ക്ലോസ് ചെയ്തു. ലാപ്ടോപ്പ് അടഞ്ഞ ആ ചെറിയ ശബ്ദം പോലും ആ നിശബ്ദതയിൽ വലുതായി കേട്ടു.... അവൻ പതുക്കെ കസേരയിലേക്ക് ചാരിയിരുന്നു. എന്നിട്ട് കൺപീലികൾ പോലും അനക്കാതെ ആ രണ്ട് തീക്ഷ്ണമായ കണ്ണുകൾ അവളുടെ മുഖത്തേക്ക് തറപ്പിച്ചു. ആ നോട്ടത്തിൽ പഴയ പ്രണയത്തിന്റെ ഒരു തരിമ്പ് പോലും ഉണ്ടായിരുന്നില്ല. പകരം, അവളെയപ്പാടെ കരിച്ചുകളയാൻ പോന്ന പ്രതികാരത്തിന്റെ കനലുകൾ മാത്രമാണ് എരിഞ്ഞിരുന്നത്.... https://share.aksharathalukal.in/s/62348/view സ്റ്റോറി ഇവിടെ ഉണ്ടേ ♥️ ഇതുപോലെയുള്ള നിരവധി കഥകൾ പരസ്യങ്ങൾ ഒന്നുമില്ലാതെ വായിക്കുവാനും നിങ്ങളുടെ മനസ്സിലുള്ള കഥകൾ എഴുതിയ പണം സമ്പാദിക്കുവാനും അക്ഷരത്താളുകൾ ഡൗൺലോഡ് ചെയ്യാൻ മറക്കല്ലേ❤️ #💞 പ്രണയകഥകൾ #📔 കഥ #💖 മഴയും പ്രണയവും #📙 നോവൽ #😍 ആദ്യ പ്രണയം