Part 65 " അതെന്താ അറിയാത്തെ....? " : കണ്ണൻ അതെ സംശയത്തോടെ തിരക്കി. ഇനി ഇതിനും ഗൗരിയുടെ വീട്ടുകാർ എന്തെങ്കിലും എതിർപ്പ് കാട്ടിയോ എന്ന് അറിയില്ലല്ലോ. അത് ഓർത്തതും അവന്റെ മുഖം ഗൗരവത്തിലായി. എന്നാൽ കണ്ണന്റെ ആ ചോദ്യം കേട്ട് ഇരുന്നവളുടെ കണ്ണിൽ പ്രതീക്ഷയുടെ ഒരു തിളക്കം വന്നു. അത് ഉറപ്പിക്കാൻ എന്ന വണ്ണം അവൾ പറഞ്ഞു : " അത്... അത് പിന്നെ കല്യാണം ഒക്കെ കഴിഞ്ഞില്ലേ " : പറഞ്ഞ് തുടങ്ങിയാപ്പോഴേക്കും സ്വരം നേർത്ത് പോയിരുന്നു. " അതിനെന്താ കല്യാണം കഴിഞ്ഞിട്ട് അതൊന്നും പാടില്ലെന്ന് നിന്റെ അച്ഛൻ എന്ന് പറയുന്ന അയാൾ പറഞ്ഞോ. " : ഗൗരിയുടെ മറുപടിയിൽ സംശയം തോന്നി കണ്ണൻ ഗൗരവത്തിൽ തിരക്കി. സതീശനെ അവളുടെ അച്ഛനായിട്ട് കണക്കാകാൻ പോലും അവന് തോന്നിയില്ല അതാണ് അവൻ അങ്ങനെ ചോദിച്ചത്. കണ്ണന്റെ ഗൗരവം കണ്ടതും അത് വരെ ഉണ്ടായിരുന്ന ഉത്സാഹം ഒക്കെ പോയി ഗൗരി ചെറുതായിട്ട് പതറി. ഒപ്പം പെട്ടെന്ന് തന്നെ ഇല്ലെന്ന പോലെ തലയാട്ടി. " പിന്നെ...? " : ഇതൊന്നും അല്ലെങ്കിൽ പിന്നെ എന്താ എന്ന അർത്ഥത്തിൽ അവന്റെ പിരുകക്കൊടികൾ നന്നായി ചുളിഞ്ഞ് പോയി. " അത് പിന്നെ കല്യാണം ഒക്കെ കഴിഞ്ഞിട്ട് നൃത്തം ഒക്കെ ചെയ്യാൻ.... " : അവനെ നോക്കാതെ അത്രയും പറഞ്ഞ് കൊണ്ട് അവൾ പാത്രവും കൊണ്ട് അവിടെ നിന്ന് എണീറ്റ് അവന് എതിരെ തിരിഞ്ഞ് നിന്ന് ബാക്കി പണി ചെയ്യാൻ തുടങ്ങി. എങ്കിലും മനസ്സ് അവന്റെ പ്രതികരണം എന്താകും എന്ന് ഓർത്ത് ചെറിയൊരു ടെൻഷനിൽ ആയിരുന്നു. ഗൗരിയുടെ മറുപടി കേട്ടപ്പോഴാണ് അവൾ എന്താണ് ഉദ്ദേശിച്ചത് എന്ന് അവന് മനസ്സിലായത്. അത് വരെ ഉള്ളിൽ പുകഞ്ഞ് കൊണ്ട് ഇരുന്ന പല ചിന്തകളും നിമിഷ നേരം കൊണ്ട് ഇല്ലാതെയായി. ഗൗരവം ഒന്ന് മയപ്പെട്ട കണ്ണ് കൊണ്ട് അവൻ അവളെ നോക്കി. തനിക്ക് മുഖം തരാതെ ഉള്ള നിൽപ്പാണ് അതെന്നും ഒപ്പം തന്നിൽ നിന്ന് ആഗ്രക്കുന്ന ഒരു മറുപടി പ്രദീക്ഷിച്ചുള്ള നിൽപ്പാണ് അതെന്നും അവന് മനസ്സിലായി. " ഹാ ശെരിയാ കല്യാണം ഒക്കെ കഴിഞ്ഞില്ലേ. അപ്പൊ ഇനി എങ്ങനെയാ നൃത്തം ചെയ്യുക അല്ലെ " : കണ്ണൻ അവളെ കളിപ്പിക്കാൻ വേണ്ടി അതും പറഞ്ഞ് അരി നോക്കാൻ തുടങ്ങി. അവന്റെ മറുപടി കേട്ടതും അത്രയും നേരം അവളിൽ ഉണ്ടായിരുന്ന പ്രദീക്ഷ ചില്ല് പോലെ ഉടഞ്ഞ് പോയി. അവൾ മെല്ലെ തല ചെരിച്ച് കണ്ണനെ നോക്കി. അവിടെ തനിക്കുള്ള മറുപടിയും തന്ന് അരി നോക്കുന്നവനെ കണ്ടതും പിന്നെ ഒന്നും മിണ്ടാതെ അവളുടെ പണിയിലേക്ക് തിരിഞ്ഞു. അല്ലെങ്കിലും ഇത് താൻ കല്യാണം കഴിക്കുന്നതിന് മുന്നേ പ്രദീക്ഷിച്ചിരുന്നതല്ലേ അവൾ സ്വയമേ ചോദിച്ചു കൊണ്ട് ഒന്ന് നിശ്വസിച്ചു. എങ്കിലും കണ്ണന്റെ അവളോട് ഉള്ള പെരുമാറ്റം അവൾക്ക് ചെറുതല്ലാത്തൊരു പ്രദീക്ഷ നൽകിയിരുന്നു. ഗൗരിയുടെ ഒരു പ്രതികരണവും കാണാതെ വന്നതും കണ്ണൻ മെല്ലെ തല ഉയർത്തി നോക്കി. അവിടെ ഒന്നും മിണ്ടാതെ അവളുടെ ജോലി ചെയ്യുവാണ്, പക്ഷെ ആ മുഖം വിളിച്ച് ഓതുന്നുണ്ടായിരുന്നു അവന്റെ മറുപടി അവളെ എങ്ങനെ അലട്ടി എന്ന്. " അല്ല അതും ഈ നാട്ടിലെ ആചാരം ആണോ...? എനിക്ക് അറിയില്ല അതാ " : കണ്ണൻ അവളെ ഒന്ന് ഇടങ്കണ്ണിട്ട് ഇട്ട് നോക്കി കൊണ്ട് പറഞ്ഞു. " എന്ത് ആചാരം.....? " : ഗൗരി സംശയത്തോടെ അവന് നേരെ തിരിഞ്ഞ് കൊണ്ട് തിരക്കി. " ഈ വിവാഹം കഴിഞ്ഞവർ നൃത്തം ചെയ്യാൻ പാടില്ല എന്നൊക്കെ ഉള്ളതെ. അല്ല അത് ഈ നാട്ടിൽ മാത്രം ഉള്ള ആചാരം ആണോ ഞാൻ വേറെ എവിടെയും അങ്ങനെ കേട്ടിട്ടില്ല. പിന്നെ എനിക്ക് ഈ ആചാരങ്ങളെ കുറിച്ച് ഒന്നും അറിയില്ല. " : കണ്ണൻ സ്വഭാവികം എന്ന പോലെ പറഞ്ഞു. അവന്റെ പറച്ചിൽ കേട്ട് കണ്ണും മിഴിച്ച് നിൽക്കുവാണ് ഗൗരി. താൻ അങ്ങനെ ആണോ പറഞ്ഞെ അല്ലല്ലോ അപ്പൊ കേട്ടതിന്റെ കുഴപ്പം ആയിരിക്കും ഗൗരി ഓർത്തു. " അയ്യോ അങ്ങനെ ഒരു ആചാരം ഒന്നും ഇല്ല " : കണ്ണൻ അവളെ കളിയാക്കിയതാണ് എന്ന് പോലും മനസ്സിലാകാതെ ഗൗരി പറഞ്ഞു. " ഏഹ്ഹ് അപ്പൊ അങ്ങനെ ഒരു ആചാരം ഇല്ലേ പിന്നെ ഗൗരി നന്ദ നേരത്തെ പറഞ്ഞതോ.... " : അവൾ പറഞ്ഞ അതെ ഭാവത്തിൽ തന്നെ അവനും തിരികെ കാര്യമായി തിരക്കി. " അത് ആചാരം ഒന്നും അല്ല കല്യാണം കഴിഞ്ഞ ഭർത്താക്കന്മാർ അവരുടെ ഭാര്യമാരെ അങ്ങനെ നൃത്തം ചെയ്യാൻ ഒന്നും അനുവദിക്കില്ലല്ലോ അതാ പറഞ്ഞെ. എന്റെ അമ്മയുടെ കാര്യം തന്നെ ഞാൻ പറഞ്ഞില്ലേ " : കണ്ണന് മനസ്സിലാകുന്ന വിധം അവൾ വിവരിച്ച് കൊടുത്തു. " ഹ്മ്മ് അതാണോ ഉദേശിച്ചേ..... " : എന്തോ ചിന്തിക്കുന്ന പോലെ കാണിച്ച് കൊണ്ട് കണ്ണൻ തിരക്കി. അതിന് അവൾ അതെ എന്ന് തലയാട്ടി കാണിച്ചു. " അല്ല ഗൗരി നന്ദക്ക് ഒരു ഭർത്താവ് അല്ലെ ഉള്ളു " : കണ്ണൻ അവളെ കണ്ണിൽ നോക്കി കൊണ്ട് ചോദിച്ചു. അത് കേട്ടതും ഞെട്ടി കണ്ണ് ഇപ്പൊ പുറത്ത് വരും എന്ന അവസ്ഥയിൽ ആയിട്ടുണ്ട് ഗൗരി. " അ... അതെ " : സ്വബോധം വീണ്ടെടുത്ത് എന്നാൽ ചെറിയ പതർച്ചയോടെ അവൾ പറഞ്ഞു. " അതാരാ " : കണ്ണൻ കാര്യമായി തന്നെ തിരക്കി. ഗൗരി എന്നാൽ അവന്റെ ചോദ്യങ്ങൾ ഒക്കെ കേട്ട് മിഴിച്ച് നിൽക്കുവാണ്. ഇനി ആൾക്ക് മറവി വല്ലതും സംഭവിച്ചതാണോ എന്ന് പോലും അവൾ ചിന്തിക്കാതെ ഇരുന്നില്ല. " ക... കണ്ണേട്ടൻ " : അവൾ ഉമിനീർ ഇറക്കി കൊണ്ട് പറഞ്ഞു. " എന്നിട്ട് ഞാൻ ഗൗരി നന്ദയോട് നൃത്തം ചെയ്യണ്ട എന്ന് പറഞ്ഞോ...?  " : അത് വരെ ഉണ്ടായിരുന്ന കളി ഒക്കെ വിട്ട് കണ്ണൻ ഗൗരവത്തിൽ തിരക്കി. അതിന് ഇല്ലെന്ന പോലെ തലയനക്കി എങ്കിലും അവളിൽ മാഞ്ഞ് പോയ പ്രദീക്ഷ വീണ്ടും ഉണർന്നു. " പിന്നെ എന്തിനാ നേരത്തെ അങ്ങനെ പറഞ്ഞെ " : കണ്ണൻ അവളുടെ കണ്ണിലെ പ്രദീക്ഷ നോക്കി കൊണ്ട് ചോദിച്ചു. " അത് കണ്ണേട്ടൻ സമ്മതിച്ചില്ലെങ്കിലോ എന്ന് കരുതി " : ഗൗരി ഉള്ള കാര്യം അതെ പോലെ അങ്ങ് പറഞ്ഞു. " അതിന് ഗൗരി നന്ദ അതിനെ കുറിച്ച് എന്നോട് എന്തെങ്കിലും ചോദിച്ചിരുന്നോ...? " : ഗൗരവം വിടാതെ തന്നെ കണ്ണൻ തിരക്കി. " ഇല്ല.... പക്ഷെ എല്ലായിടത്തും അങ്ങനെ ഒക്കെ അല്ലെ അപ്പൊ ഞാൻ കരുതി കണ്ണേട്ടനും അങ്ങനെ ആയിരിക്കും എന്ന് അതാ ഞാൻ ചോദിക്കാഞ്ഞേ " : കണ്ണനുള്ള മറുപടി കൊടുക്കുന്നതിന് ഒപ്പം ഗൗരി അവളുടെ ഭാഗം വ്യക്തമാക്കി. " ആഹാ അപ്പൊ ഗൗരി നന്ദക്ക് ഈ ലോകത്തുള്ള എല്ലാരുടെയും ഭർത്താക്കന്മാരെയും അറിയാമോ....? " : ഗൗരി പറഞ്ഞത് ഇഷ്ടാപെടാതെ കണ്ണൻ പറഞ്ഞു. അത് കേട്ടതും ഗൗരി ഒരു വല്ലയിമയോടെ അവനെ നോക്കി. താൻ പറഞ്ഞതിന് അങ്ങനെ ഒരു അർത്ഥം ഉണ്ടായിരുന്നോ എന്ന അർത്ഥത്തിൽ. " ഞാൻ അങ്ങനെ ഒന്നും ഉദ്ദേശിച്ച് പറഞ്ഞതല്ല " : അത് പറയുമ്പോൾ അവളുടെ സ്വരം നന്നേ നേർത്തിരുന്നു. " ഹ്മ്മ്... നോക്ക് ഞാൻ മുന്നേയും പറഞ്ഞിട്ടുണ്ട് എന്ത് ഉണ്ടെങ്കിലും പറയണം അല്ലെങ്കിൽ ചോദിക്കണം അല്ലാതെ ഉള്ളിൽ വെച്ചിട്ട് ഞാൻ അങ്ങനെ പറയും ഇങ്ങനെ പറയും എന്ന് ഊഹിച്ചത് കൊണ്ട് എന്തെങ്കിലും കാര്യം ഉണ്ടോ...? ഇനി എന്നോട് ചോദിക്കാൻ മടി ഉണ്ടോ... എപ്പോഴെങ്കിലും ഗൗരി നന്ദ എന്തെങ്കിലും എന്നോട് ചോദിച്ച് വരുമ്പോൾ ഞാൻ ദേഷ്യപ്പെടുകയോ, വഴക്ക് പറയുകയോ ഇതൊന്നും അല്ലെങ്കിൽ കളിയാക്കുകയെങ്കിലും ചെയ്തിട്ടുണ്ടോ. " : കണ്ണൻ. അതിന് ഇല്ലെന്ന് തന്നെ ആയിരുന്നു അവളുടെ മറുപടി. " ഹ്മ്മ് പിന്നെ എന്താ.... ഇപ്പൊ തന്നെ ഗൗരി നന്ദക്ക് നൃത്തം ചെയ്യണം എന്നുള്ളത് എന്നോട് പറയാതെ ഞാൻ എങ്ങനെ അറിയും. എന്നിട്ടോ എന്നോട് പറയാതെ ഞാൻ അങ്ങനെ ആയിരിക്കും പറയുന്നേ ഇങ്ങനെ ആയിരിക്കും പറയുന്നേ എന്നൊക്കെ ഊഹിച്ച് ഒരു തീരുമാനം സ്വയം അങ്ങ് എടുക്കും. അങ്ങനെ ചെയ്യുമ്പോ എന്താ കിട്ടുന്നെ...? " : കണ്ണൻ കാര്യഗൗരവത്തിൽ തന്നെ അവളോട് തിരക്കി. അതിനൊരു ഉത്തരം കൊടുക്കാൻ കഴിയാത്ത പോലെ തലയും താഴ്ത്തി ഇട്ട് അവന് മുന്നിൽ നിന്നു. അവൻ പറയുന്നത് ഒക്കെ പൂർണമായും ശെരി ആണെന്നുള്ള ബോധ്യം അവൾക്ക് ഉണ്ട് എങ്കിലും സ്വന്തം ആഗ്രഹങ്ങൾ പറഞ്ഞ് അവന് മുന്നിൽ ചെല്ലാൻ ഒരു മടി, അല്ലെങ്കിലും അത്തരത്തിലേക്ക് അവരുടെ ബന്ധം വളർന്നിട്ടില്ലല്ലോ. ഇനി എന്തെങ്കിലും പ്രദീക്ഷിച്ച് ചെന്ന് ചോദിക്കുമ്പോൾ അവിടുന്ന് ആഗ്രഹിക്കുന്ന മറുപടി അല്ലെങ്കിൽ ഉണ്ടാകുന്ന വിഷമം വേറെ ഇതൊക്കെ ഓർത്തിട്ടാണ് അവനോട് അതെ കുറിച്ച് ഒന്നും ചോദിക്കാഞ്ഞത്. " എന്തേ ഇനി അടുത്തത് ഞാൻ എന്താ പറയാൻ പോകുന്നെ എന്ന് ഊഹിക്കുവാണോ....? " : താൻ ഇത്രയും പറഞ്ഞിട്ടും തിരിച്ച് മറുപടി ഒന്നും തരാതെ വേറെ എന്തോ ചിന്തയിൽ ആഴ്ന്ന് ഇരിക്കുന്നവളെ കണ്ടത് കണ്ണൻ അല്പം കടുപ്പത്തിൽ ചോദിച്ചു. " അല്ല... ഞാൻ ഇനി ചോദിച്ചോളാം " : അവന്റെ സ്വരത്തിലെ മാറ്റം തിരിച്ചറിഞ്ഞതും പെട്ടെന്ന് തന്നെ അതിനുള്ള മറുപടി നൽകി. " എന്ത് ചോദിച്ചോളാം എന്ന്....? " : അവൻ കണ്ണോന്ന് ചുരുക്കി kond ചോദിച്ചു. " അത് പിന്നെ എന്ത് ഉണ്ടെങ്കിലും ചോദിച്ചോളാം ഇനി ഒന്നും ഊഹിച്ചെടുക്കൂല്ല " :  അവൾ അവനെ നോക്കാതെ പറഞ്ഞു. " ഹ്മ്മ് എന്ത് ഉണ്ടെങ്കിലും പറയണം ഇനി ചോദിക്കാൻ ആണെങ്കിൽ ചോദിക്കണം. അതും അതിന്റെതായാ സമയത്ത് തന്നെ. അല്ലാതെ എല്ലാം സ്വയം അങ്ങ് ഊഹിച്ച് എടുക്കുകയല്ല വേണ്ടത്. അതെ പോലെ നമ്മൾ പറയാതെ തന്നെ എതിരെ നിൽക്കുന്ന വെക്തി എല്ലാം മനസ്സിലാകും അല്ലെങ്കിൽ മനസ്സിലാക്കണം എന്ന് കരുതരുത്. ഇപ്പൊ തന്നെ എനിക്ക് വെള്ളം വേണം എന്ന് ഞാൻ പറയാതെ ഗൗരി നന്ദക്ക് അറിയാൻ കഴിയുമോ എനിക്ക് ദാഹിക്കുന്നുണ്ട് എന്ന്.... ഇല്ലെല്ലോ. അതുപോലെ തന്നെയാ എല്ലാ കാര്യവും. നമ്മുക്ക് ആരുടേയും മനസ്സ് ചൂഴ്ന്ന് നോക്കാൻ കഴിയില്ലല്ലോ. അപ്പൊ എന്ത് ഉണ്ടെങ്കിലും അത് എതിരെ നിൽക്കുന്ന വ്യക്തിയോട് ചോദിക്കണം അല്ലെങ്കിൽ പറയണം അല്ലാതെ എന്തെങ്കിലും ഒക്കെ അങ്ങ് ഊഹിച്ചിട്ട് സ്വന്തമായി ഒരു നിഗമനത്തിൽ എത്തുകയല്ല വേണ്ടത്.... മനസ്സിലായോ....? ഹ്മ്മ്മ്....? " : അവൾക്ക് മനസ്സിലാകുന്ന വിധം വ്യക്താമാക്കി ചോദിച്ച് കൊണ്ട് അവൻ അവളെ നോക്കി കണ്ണ് ചിമ്മി. തുടരും........ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love #trending