ദേവാ...... ആരോ വിളിക്കുന്നത് പോലെ തോന്നിയപ്പോൾ ആണ് ദേവ പ്രിയ കണ്ണുകൾ തുറന്നത്. ആരാ അത് . അമ്മേ അമ്മേ. എന്താ മോളെ എന്തിനാ വിളിച്ചേ. അമ്മേ ഈ റൂമിൽ ആരോ ഉള്ളത് പോലെ തോന്നുന്നു. ഇവിടെ ആരും ഇല്ലല്ലോ ഉണ്ടെങ്കിൽ നമുക്ക് കാണാൻ പറ്റില്ലേ. മോൾക്ക് തോന്നിയത് ആവും. ഇല്ല അമ്മേ ആരോ എന്നെ വിളിച്ചത് ഞാൻ കേട്ടതാ. മോള് ഭഗവാനെ പ്രാർത്ഥിച്ചിട്ട് കണ്ണടച്ച് കിടക്ക് അപ്പോൾ ഇങ്ങനെ ഒന്നും ഉണ്ടാകില്ല. ഏട്ടാ.. എന്താ ലക്ഷ്മി നീ എന്തിനാ ഇങ്ങനെ പരിഭ്രമിച്ചു വിളിക്കുന്നെ മോൾക്ക് എന്തെങ്കിലും വയ്യായ്ക ഉണ്ടോ. അതൊന്നും ഇല്ല മോൾ ഇപ്പോ റൂമിൽ ആരെയോ കണ്ടെന്ന്‌ പറഞ്ഞ് ഭയങ്കര കരച്ചിൽ. റൂമിൽ ആരെയോ കണ്ടെന്നോ നീ എന്തൊക്കെയാ ലക്ഷ്മി പറയുന്നത്. ഏട്ടാ ഏട്ടൻ ഒന്ന് ആ വിഷ്ണു നമ്പൂതിരിയെ കണ്ടിട്ട് വരൂ. എനിക്ക് എന്തോ പേടി തോന്നുന്നു. മം നീ മോളുടെ അടുത്ത് തന്നെ ഉണ്ടാകണം. ഞാൻ പോയിട്ട് വേഗം വരാം. 🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️ വിഷ്ണു നമ്പൂരിയെ ഒന്ന് കാണാൻ വന്നതാ. ഇരിക്കൂ. ഞാൻ അദ്ദേഹത്തെ വിളിച്ചിട്ട് വരാം. ആരിത് നാരായണനോ എന്തെ ഈ വഴിക്ക് പിന്നെയും എന്തെങ്കിലും പ്രശ്നം ഉണ്ടായോ. അതെ തിരുമേനി മോള് കുറച്ച് ദിവസമായി മുറിയിൽ ആരുടെയോ സാന്നിധ്യം അറിയുന്നു എന്ന് പറയുന്നു. ഞങ്ങൾ അദാത്യം കാര്യം ആക്കിയില്ല. പക്ഷെ ഇപ്പോൾ തുടരെ തുടരെ മോള് അത് തന്നെ പറയുന്നു. ഞാൻ ഒന്ന് പ്രശ്നം വച്ച് നോക്കട്ടെ എന്നിട്ട് പറയാം. തിരുമേനി വിശദമായി എല്ലാം പരിശോധിച്ചു. അദ്ദേഹത്തിന്റെ മുഖം വളരെ പരിഭ്രാന്തിയിൽ കാണപ്പെട്ടു. എന്താ തിരുമേനി എന്തേലും പ്രശ്നം ഉണ്ടോ. പ്രശ്നമോ വലിയൊരു അനർദ്ധം ആണ് വരാൻ ഇരിക്കുന്നത്. എന്താണ് അങ്ങ് പറയുന്നത്. എന്തനർദ്ധം ആണ് വരാൻ പോകുന്നത്. മുൻപ് ഒരിക്കൽ മകളെ ഇഷ്ടമാണെന്ന് പറഞ്ഞ് വന്ന പാവമൊരു ചെറുപ്പക്കാരനെ നിങ്ങൾ നിഷ്കരുണം കൊല്ലാൻ ഏല്പിച്ചില്ലേ. അതിന്റെ പരിണിത ഫലം നിങ്ങളെ തേടി വരികയാണ്. തിരുമേനി അങ്ങേക്കും അറിയാവുന്നത് അല്ലെ കാര്യങ്ങൾ. എന്ത് കാര്യങ്ങൾ ആണ് നാരായണ നിങ്ങളുടെ സ്വാർത്ഥ ലാഭത്തിന് വേണ്ടി നിങ്ങൾ കൊന്ന് തള്ളിയ ആര്യൻ തന്നെയാകും നിങ്ങളുടെ അന്തകനും. തിരുമേനി പ്രതിവിധി ഒന്നും ഇല്ലേ. ഞങ്ങൾക്ക് ഇനി രക്ഷ ഇല്ലെന്നു ആണോ. നിങ്ങളുടെ മകൾക്ക് ഒന്നും അറിയില്ലല്ലോ ഇങ്ങനെ ഒരു ചെറുപ്പക്കാരനെ കുറിച്ച് പോലും. ഇല്ല അവൾക്ക് ഇപ്പോഴും ഒന്നും അറിയില്ല. അവൻ ഞങ്ങളെ ആണ് ആദ്യം കാണാൻ വന്നത് അതിന് മുൻപ് മോൾക്ക് ഒരു സൂചന പോലും അവൻ കൊടുത്തിരുന്നില്ല. അത് നിങ്ങൾക്ക് എളുപ്പമായല്ലേ. തിരുമേനിയുടെ വാക്കുകൾ കേട്ടതും അയാൾ തല കുനിച്ചു കൊണ്ട് തന്നെ പറഞ്ഞു. ഞങ്ങളുടെ സ്വാർത്ഥത ഒന്ന് മാത്ര അവനെ ഇല്ലാതെയാക്കിയത്. മോൾ ഇതൊക്കെ അറിഞ്ഞാൽ ഒരിക്കലും ഞങ്ങളോട് പൊറുക്കില്ല. അവനെ വിവാഹം കഴിച്ചാൽ ഞങ്ങൾക്ക് മോളെ നഷ്ടപ്പെടുമെന്ന് അങ്ങ് പറഞ്ഞപ്പോൾ ഞങ്ങൾ സ്വാർത്ഥരായി പോയി. വിവാഹം കഴിച്ചാൽ അവളെ നഷ്ടപ്പെട്ടേക്കാം എന്ന് മാത്രമേ ഞാൻ പറഞ്ഞോളൂ. അതിന് അവനെ ഇല്ലാതെ ആക്കേണ്ട ആവശ്യം എന്തായിരുന്നു. മോളുടെ അടുത്ത് അവൻ എത്തിയാൽ പിന്നെ ഒരിക്കലും പിരിക്കാൻ കഴിയില്ലെന്ന് കരുതിയ അങ്ങനെ ഒരു കാര്യം ചെയ്യേണ്ടി വന്നത്. ഇനി ഒരു ന്യായികരണവും നടത്തണ്ട നിങ്ങൾ ചെയ്തതിന്റെ പാപം നിങ്ങളെ തന്നെ തേടി വന്നെന്ന് കരുതിക്കോളൂ. ആ പിന്നെ മോൾക്ക് ഒന്നും അറിഞ്ഞുകൂടാത്ത സ്ഥിതിക്ക് അവൾ സത്യം അറിയുന്നത് വരെ നിങ്ങൾക്ക് ഒന്നും സംഭവിക്കില്ല. എങ്കിലും അതിന് അധികം കാല താമസം ഇല്ല കാരണം ആര്യൻ അവന്റെ ആത്മാവ് അവളുടെ അടുത്ത് എത്തിക്കഴിഞ്ഞു. അതിന്റെ സൂചനയാണ് നിങ്ങൾക്ക് കിട്ടിയത്. ഇനി ഇരിക്കണമെന്നില്ല പൊയ്ക്കോളൂ. ഇനിയും ഞാൻ നിങ്ങൾക്ക് കൂട്ട് നിന്നാൽ ആ ആത്മാവ് പോലും എന്നോട് പൊറുക്കില്ല. തകർന്ന മനസ്സോടെ നാരായണൻ അവിടെ നിന്ന് തിരിച്ചു. ലക്ഷ്മി അല്പം വെള്ളം ഇങ്ങ് എടുക്കു. ഉമ്മറത്ത് ഇരുന്നുകൊണ്ട് നാരായണൻ ലക്ഷ്മിയേ വിളിച്ചു പറഞ്ഞു. ഇതാ ഏട്ടാ വെള്ളം. പോയ കാര്യം എന്തായി. തിരുമേനി എന്ത് പറഞ്ഞു. നമ്മുടെ നാശം അടുകാറായി ലക്ഷ്മി. ആര്യൻ അവന്റെ ആത്മാവ് ആണ് മോളുടെ കൂടെ റൂമിൽ ഉള്ളത്. എന്താ ഏട്ടാ ഈ പറയുന്നത്. അപ്പോൾ മോള് എല്ലാം അറിയുമെന്നാണോ. അതെ അതിന് ഇനി അധികം താമസം ഉണ്ടാകില്ലത്രേ. തിരുമേനി എന്താ പറഞ്ഞെ പ്രതിവിധി ഒന്നും പറഞ്ഞില്ലേ. ഇല്ല നമ്മൾ ചെയ്തതിന്റെ ഫലം നമ്മൾ തന്നെ അനുഭവിക്കണമെന്ന്. അദ്ദേഹം ഇനി നമ്മളെ സഹായിക്കില്ല. നമ്മൾ മോൾക്ക് വേണ്ടി അല്ലെ ഒക്കെയും ചെയ്തത്.. നമ്മുടെ സ്വാർത്ഥത അല്ലെ ലക്ഷ്മി. അവൻ ഒരനാഥൻ എന്ന് അറിഞ്ഞത് കൊണ്ടല്ലേ നമ്മൾ മാറി ചിന്തിച്ചത്. അല്ലെങ്കിൽ പ്രതിവിധി ഉണ്ടെന്ന് തിരുമേനി പറഞ്ഞതല്ലേ. നമുക്കെ ആരും ഇല്ല മോൾക്കും ആ വിധി വരാതെ ഇരിക്കാൻ അല്ലെ നമ്മൾ ഇങ്ങനെ ഒക്കെ ചെയ്തത്. എത്രയൊക്കെ ന്യായീകരിക്കാൻ ശ്രമിച്ചാലും നമ്മൾ പാപികൾ തന്നെ ലക്ഷ്മി. ഒരു പാവത്തിനെ കൊല്ലാൻ കൂട്ട് നിന്ന പാപികൾ. അയാൾ അത് പറഞ്ഞതും അവിടെ അതി ശക്തമായ കാറ്റ് വീശാൻ തുടങ്ങി. അവന്റെ വരവാണതെന്ന് അവർക്ക് രണ്ടാൾക്കും മനസിലായി. ഇതേ സമയം പ്രിയ തന്റെ മുറിയിൽ ആരാണ് വന്നതെന്ന ആലോചനയിൽ ആണ്. എന്നാലും ആരാകും എന്റെ അടുത്ത് വന്നത്. അമ്മയും അച്ഛനും കുറച്ചായി വളരെ അസ്വസ്ഥമായാണ് കാണപ്പെടുന്നത്. കാരണം ചോദിച്ചാലും പറയില്ല. കോളേജിൽ പോകുന്നതിനെ പറ്റി പറഞ്ഞിട്ടും രണ്ടാളും മൗനമായി തന്നെ തുടരികയാണ്. ഇന്നേക്ക് പത്ത് ദിവസമായി ഞാൻ ഈ വീട്ടിൽ തന്നെ ഇരിക്കാൻ തുടങ്ങിയിട്ട്. കൂട്ടുകാരികൾ ആരും തന്നെ എനിക്ക് ഇല്ല. അതുകൊണ്ട് തന്നെ കോളേജിൽ ചെന്നില്ലെങ്കിലും തന്നെ അന്വേഷിച്ചു വരാൻ ആരും ഇല്ല. ദേവാ...... പിന്നെയും തന്നെ ആരോ വിളിക്കുന്നതായി തോന്നി. ആരെയും അവിടെ ഒന്നും കാണാൻ സാധിച്ചില്ല. ആകെ കൂടെ എനിക്ക് പേടി ആകാൻ തുടങ്ങി. ആത്മാവിൽ ഒന്നും തന്നെ തനിക്ക് വിശ്വാസം ഇല്ല. പക്ഷെ ഇപ്പോൾ അത് സത്യം ആണോന്ന് തോന്നുകയാ. ദേവ നീ എന്തിനാണ് ഇങ്ങനെ പേടിക്കുന്നത്. ഞാൻ നിന്നെ ഉപദ്രവിക്കാൻ വന്നതല്ല. നിങ്ങൾ ആരാണ് എന്തിനാ എന്റെ പിറകെ ഇങ്ങനെ വരുന്നത്. ദേവ നിന്നെ ഞാൻ ഒത്തിരി സ്നേഹിച്ചിരുന്നു പക്ഷെ എന്റെ ഇഷ്ടം നിന്നെ അറിയിക്കാൻ പറ്റാതെ പോയി. നിങ്ങൾ എന്തൊക്കെയാ പറയുന്നത് നിങ്ങൾ ആരാണെന്ന് പോലും എനിക്ക് അറിയില്ല. നീ പേടിക്കില്ലെങ്കിൽ ഞാൻ നിന്റെ മുന്നിൽ പ്രെത്യക്ഷപെടാം. എനിക്ക് നിന്നോട് ഒരുപാട് സംസാരിക്കാൻ ഉണ്ട്. ഇല്ല ഞാൻ പേടിക്കില്ല നിങ്ങൾ വന്നോളൂ. പ്രിയയുടെ അനുവാദം കിട്ടിയതും ആര്യൻ അവൾക്ക് മുന്നിലായി പ്രത്യക്ഷപ്പെട്ടു. പ്രിയ മുന്നിലേക്ക് നോക്കുമ്പോൾ കുഞ്ഞി കണ്ണുകളും ചുണ്ടിൽ മനോഹരമായ പുഞ്ചിരിയുമായി ഒരു ചെറുപ്പക്കാരൻ നിൽക്കുന്നു. നിങ്ങൾ ആത്മാവ് തന്നെ ആണോ എനിക്ക് വിശ്വസിക്കാൻ പറ്റുന്നില്ല. വിശ്വാസം വരുന്നില്ലെങ്കിൽ തൊട്ട് നോക്കു. നിന്റെ ഈ കണ്ണുകൾ കൊണ്ട് എന്നെ കാണാനാകും എന്നല്ലാതെ തൊടാൻ ഒരിക്കലും സാധിക്കില്ല. ആര്യൻ പറഞ്ഞതും പ്രിയ ആര്യന്റെ അരികിലായി ചെന്ന് അവന്റെ കൈയിൽ ആയി പിടിച്ചു. തൊട്ടത് പോലും അവൾക്ക് അറിയാൻ സാധിച്ചില്ല. കൈ പിൻവലിച്ചിക്കൊണ്ട് അവൾ പിറകിലേക്ക് നീങ്ങി നിന്നു. ദേവ നീ എന്നെ പേടിക്കേണ്ട ഒരാവിശ്യവും ഇല്ല. ഞാൻ നിന്നെ ഒന്നും ചെയ്യില്ല. നിങ്ങൾ ആരാണെന്ന് പറയു. എന്തിനാ എന്നെ ദേവ എന്ന് വിളിക്കുന്നത്. എല്ലാരും എന്നെ പ്രിയയെന്നാണ് വിളിക്കുന്നത്. മറ്റുള്ളവരെ പോലെ അല്ല നീ എനിക്ക് നീ എനിക്ക് അത്രമേൽ പ്രിയപ്പെട്ടതാണ്. നിന്നോളം ഞാൻ മറ്റൊന്നിനേയും സ്നേഹിച്ചിട്ടില്ല. നീ അറിയണം ദേവ ഞാൻ എത്രയധികം നിന്നെ സ്നേഹിച്ചിരുന്നെന്ന്. അവനെ കേൾക്കാൻ എന്ന പോലെ പ്രിയ അവന്റെ അരികിലായ് ഇരുന്നു. എന്റെ പേര് ആര്യൻ. ആരോരും ഇല്ലാത്തൊരു അനാഥൻ ആണ് ഞാൻ. ഒറ്റപ്പെട്ട് ജീവിച്ചിരുന്ന എന്റെ ഒരു വസന്തം വന്നത് പോലെയാണ് നിന്നെ കാണുന്നത്. ഞാൻ ജോലി കഴിഞ്ഞ് ഇറങ്ങിയ ഒരു ദിവസം വഴിയരികിൽ ബസ് കാത്ത് നിൽക്കുകയായിരുന്നു നീ. ആദ്യം കണ്ടപ്പോൾ തന്നെ നിന്റെ ഈ കണ്ണുകൾ ആണ് എന്നെ ആകർഷിച്ചത്. അടുത്ത് വന്ന് നിന്നെ ശല്യം ചെയ്യാൻ എനിക്ക് തോന്നിയില്ല. ദൂരെ മാറി നിന്ന് തന്നെ ഒരുപാട് നേരം നോക്കി നിന്നു. പിന്നെ അതൊരു പതിവായി. ആദ്യം വിചാരിച്ചത് നിന്നോട് നേരിട്ട് വന്ന് ഇഷ്ടം പറയണമെന്ന് തന്നെയാണ്. പിന്നെ കരുതി നിന്റെ അച്ഛനോടും അമ്മയോടും പറഞ്ഞിട്ട് നിന്നോട് പറയാമെന്ന് കരുതി. കാരണം നിന്നോട് പറയുമ്പോൾ നീ ഇഷ്ടം അല്ലെന്ന് പറഞ്ഞാൽ എനിക്ക് അത് സഹിക്കാൻ പറ്റില്ലായിരുന്നു. അങ്ങനെയാണ് നീ കോളേജിൽ പോയൊരു ദിവസം ഞാൻ നിന്റെ വീട്ടിലേക്ക് വരുന്നത്. അത് പറഞ്ഞതും ദേവ എന്നെ കണ്ണുകൾ ഉയർത്തി നോക്കി. ഇതുവരെയും അവളുടെ അച്ഛനും അമ്മയും ഇങ്ങനെയൊരു കാര്യമേ സൂചിപ്പിച്ചിട്ടില്ലെന്ന് എനിക്ക് മനസിലായി. എന്താണ് ദേവ നീ ഇങ്ങനെ നോക്കുന്നത്.ഞാൻ പറയുന്നത് കള്ളം ആണെന്ന് തോന്നുന്നുണ്ടോ ഒരത്മാവായ എനിക്ക് കള്ളം പറയേണ്ട ആവശ്യം ഉണ്ടോ ദേവ. അതിന് പ്രിയ മറുപടി ഒന്നും പറഞ്ഞില്ല. ബാക്കി പറയു ആര്യൻ എനിക്ക് എല്ലാം അറിയണം. ഞാൻ നിന്റെ വീട്ടിൽ വന്ന് എല്ലാ കാര്യവും അവരോട് സംസാരിച്ചു. എല്ലാം കേട്ട് കഴിഞ്ഞ് അവർ എന്നെയും കൂട്ടി ഒരു ജ്യോൽസ്യന്റെ അടുത്തേക്ക് ആണ് ചെന്നത്. എന്റെ ജനന സമയവും എല്ലാം ചോദിച്ച് മനസിലാക്കിയിട്ട് എന്റെയും നിന്റെയും ജാതകം നോക്കി അദ്ദേഹം പറഞ്ഞു നമുക്ക് ഒന്നിച്ചു ജീവിക്കാൻ വിധി ഇല്ലെന്ന്. നിന്നെ ഞാൻ വിവാഹം കഴിച്ചാൽ നിനക്ക് മരണം വരെ സംഭവിക്കാൻ സാധ്യത ഉണ്ടെന്ന് പറഞ്ഞു. അതുകേട്ടപ്പോൾ ശെരിക്കും ഞാൻ ഞെട്ടി പോയി എനിക്ക് ആണ് എന്തെങ്കിലും സംഭവിക്കുക എന്ന് അദ്ദേഹം പറഞ്ഞിരുന്നേൽ പോലും സന്തോഷപൂർവം നിന്നെ കെട്ടിയേനെ ഇതു നിനക്ക് ആയോണ്ട് അത് എന്നെ ഒരുപാട് തളർത്തി. എന്റെ സങ്കടം കണ്ടപ്പോൾ ഒന്നുകൂടെ ആലോചിച്ചിട്ട് അദ്ദേഹം പറഞ്ഞു എന്തോ പ്രതിവിധി ചെയ്താൽ നമ്മുടെ ദോഷം മാറി നമുക്ക് ഒന്നിച്ചു ജീവിക്കാൻ പറ്റുമെന്ന്. പക്ഷെ അതൊന്നും കേൾക്കാൻ നിന്റെ അച്ഛനും അമ്മയും തയ്യാറായില്ല. അവർക്ക് ഞാനൊരു അനാഥൻ ആയത് ആയിരുന്നു പ്രശ്നം. എന്നോട് ഇനി ഒരിക്കലും നിന്നെ കാണാൻ ശ്രെമിക്കരുതെന്ന് പറഞ്ഞിട്ട് അവർ അവിടെ നിന്ന് പോയി. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/48495/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ