#గణేష్ చతుర్థి ... #ఈరోజు ఆధ్యాత్మిక విశిష్టత: మాఘ శుక్ల పక్ష చతుర్థి మాఘి శ్రీ గణేష్ జయంతి 🔱🕉️🙏 #గణేష్ చతుర్థి #గణపతి ఆరాధన #గణపతి పూజ 🔔 *విశేషం* 🔔 ఈరోజు ఆధ్యాత్మిక విశిష్టత: మాఘ శుక్ల పక్ష చతుర్థి మాఘి శ్రీ గణేష్ జయంతి 🔱🕉️🙏 *నేడు శ్రీ గణేష్ జయంతి సందర్భంగా...* *మాఘ శుక్ల పక్ష చతుర్థి, అంటే మాఘి శ్రీ గణేష్ జయంతి* *శ్రీ గణేశుని తరంగాలు మొదట భూమిని చేరుకున్న రోజు, అంటే శ్రీ గణేశుడు జన్మించిన రోజు, మాఘ శుక్ల పక్ష చతుర్థి. కాబట్టి, మాఘ శుక్ల పక్ష చతుర్థిని శ్రీ గణేష్ జయంతిగా జరుపుకుంటారు.* *శివుడు జ్ఞానమూర్తి- శక్తి ఆనంద స్వరూపిణి. జ్ఞానానందాలు విడిగా ఉండవు. "అతని సంతతానందశక్తి ఆ సరసిజాక్షి" అని శ్రీనాథ మహాకవి మాట. ఈ శివశక్తుల ఏకతత్త్వమే గణపతి- అంటే - జ్ఞానానంద సమాహార స్వరూపం.* *ఈ తత్త్వాన్నే వివిధ ఉపాసనా పద్ధతులుగా, కథలుగా, రూపాలుగా వివరించాయి పురాణాది శాస్త్రాలు. గణపతి ఎక్కడ ఎప్పుడు ఎలా ఆవిర్భవించినా శివశక్తిమయునిగానే వ్యక్తమవుతాడు.* *ధర్మగతికి, దేవకార్యాలకీ ఆటంకాలు ఎదురై, జగత్ స్థితికి అవరోధాలు కలిగినప్పుడు ఆ విఘ్నాలను పరిహరించడానికై పలు రూపాలతో వినాయ కుడు ఆవిర్భవించినట్లుగా ఎన్నో కథలున్నాయి. అందుకే ఆ స్వామికి ఎన్నో అవతారాలు.* *ఒకప్పుడు జగదంబ భండాసురునితో యుద్ధం చేస్తుండగా ఆ రాక్షసుని సోదరుడు విశుక్రుడు ఒక విఘ్నయంత్రాన్ని తయారుచేసి ప్రయోగించాడని బ్రహ్మాండ పురాణ గాథ. ఆ యంత్రం పేరు 'జయవిఘ్నశిల'. దానిలో ఎనిమిది విఘ్నశక్తులున్నాయని ఆ కథ చెబుతోంది.* *అవి 1. అలస (సోమరితనం), 2. దీన, 3. కృపణ (బేలతనం), 4. నిద్ర, 5. తంద్ర (కునుకు పాటు), 6. క్లీబ, 7. ప్రమీలిక, 8. నిరహంకార.* *ఈ నామాల ఆంతర్యాన్ని పరిశీలిస్తే- ఈ శక్తులు ప్రగతికి అడ్డుతగిలే గుణాలేనని స్పష్టమవుతుంది. దీని బట్టి పురాణకథల సంకేతవాదం మనకు చెప్పే పాఠాలు అవగతమవుతాయి.* *ఏ కార్యరంగంలోనైనా పై ఎనిమిది అడ్డంకులు.* *సోమరితనం, దిగులు, బేలతనం, నిద్ర, కునుకు, కర్తవ్యందాకా వచ్చేట ప్పటికి వెనుదీయడం (క్లీఐ), సంకోచించడం (ప్రమీలిక), 'నావల్ల ఏమి కాదు' అంటూ తనపై తనకు నమ్మకం లేని తనం. వ్యక్తిత్వ వికాసానికి ఇవి శత్రువులు. వీటిని ప్రయోగించగానే శక్తి సేనలు జడమయ్యాయి. నిర్వీర్యమయ్యాయి.* *మనలో నున్న అఖండ ఆత్మచైతన్యం వలన పని చేసే అంతర్గత శక్తులే శక్తిసేనలు. అవి పై ఎనిమిది దుర్గుణాల వల్ల స్తంభించబడడమే ఈ గాథలో ఆంతర్యం.* *ఆ సమయంలో అమ్మవారు (లలితాదేవి) పరమేశ్వరు ని చూసి, ఆ దర్శనం వల్ల కలిగిన స్పందనతో మంద హాసం చేసిందిట. వెంటనే ఆ మందహాస తేజం నుండి గణపతి ఆవిర్భవించాడని ఆ పురాణ కథ.* *శివశక్తి స్పందన వల్ల కలిగిన ఒక ఆనందచైతన్యమే విఘ్నేశ్వరుడు. అదే “నవ్వు” నుండి ఉద్భవించడంలోని ఉద్దేశం.* *అలా వెలువడిన మహాగణపతి అవలీలగా విఘ్న యంత్రాన్ని పిండి చేశాడు. ఎనిమిది విఘ్నశక్తుల్నీ సంహరించాడు. - ఈ ప్రాచీనగాథలోని గొప్ప భావాల్ని పరికిస్తే గణపతి భావం అవగతమవుతుంది.* *జ్ఞానానంద శక్తి నుండి ఉత్సాహం, కార్యశీలత వంటి దివ్యశక్తులు కలుగు తాయి. ఇవి ఎలాంటి విపరీతా లనైనా తొలగించి, సిద్ధిని ప్రసాదిస్తాయి. తేటపడిన సారాంశం: గణపతి ఆనందరూపుడు. సంతోషాన్ని ప్రసాదించడమే ఆయన అనుగ్రహం.* *హాస్యరసానికి గణపతిని అధీశునిగా చెప్పడంలోనూ ఇదే ఆంతర్యం. అలాగే 'మోదకం' ఆయనకు నైవేద్యం... అనడంలోనూ ఇదే భావం. ఆమోదం, ప్రమోదం, ఋద్ధి, సిద్ధి, పుష్టి, తుష్టి, కాంతి, సుముఖ (మంచి పనులకు అనుకూలత), దుర్ముఖ (చెడు పట్ల విముఖత)...* *ఇవన్నీ గణపతి శక్తులుగా శాస్త్రం వర్ణిస్తోంది.* *"మోదం' అంటేనే ఆనందం.* *ఒక కార్యం ప్రారంభించేటప్పుడు 'భయం, సంశయం, సంకోచం, ఉద్వేగం' వంటి వికారాలు లేకుండా; ఉత్సాహంగా, ‘తప్పక సిద్ధి లభిస్తుంది' అనే సకారాత్మక (Positive) భావనతో కూడిన ఆనందాన్ని 'ఆమోదం' అనవచ్చు. సిద్ధి కలిగాక లభించే ఆనందాన్ని ‘ప్రమోదం' అని భావించవచ్చు.* *ఆనందపు ఈ రెండు భావాలే గణపతి శక్తులు. 'పూర్ణ'త్వానికి సంకేతా లుగా మోదకాలు, ఉండ్రాళ్ళు, లడ్లు... వంటివి గణపతికి నైవేద్యాలుగా-ఆయన వలన మనకి ప్రసాదాలుగా లభిస్తాయి. పరిపూర్ణానంద తత్త్వమే గణపతి స్వరూపం... ఆ అనుభవమే మనకు ప్రసాదం.* *పంచభూతాలలో భూమియందున్న ఈశ్వరశక్తిని గణపతిగా ఆరాధిం చడం మరియొక శాస్త్రకథనం.* *ఈ పృథ్వీతత్త్వంలోని చిచ్ఛక్తినే 'మూలాధారశక్తి'గా యోగశాస్త్రం చెబుతోంది. ఈ 'మూలమై'న చక్రానికి అధిష్ఠానం గణపతి. యోగపరంగా ఆది దైవమితడే. ఈ భూతత్త్వ ప్రతీకగానే మట్టితో స్వామి ప్రతిమను చేయడమనే సంప్రదాయం వచ్చింది. ఈ పుడమిలోనే మిగిలిన నాలుగు భూతతత్త్వాలు లీనమై ఉన్నాయి. ఈ భూమిపై, భూమివలన- పార్థివ శరీరంతో బ్రతికే మనం, ఈ తత్త్వంలోనే ఈశ్వరతత్త్వాన్ని ఆవిష్కరించు కోవాలి. ఆ ప్రక్రియే గణపతి ఉపాసన.* *వేదాంత పరంగా... బ్రహ్మజ్ఞానాన్ని గ్రహించకుండా అడ్డుకునే 'వక్ర'మైన మాయాశక్తే ‘విఘ్నం'. దానిని తొలగించి, తన పరతత్త్వాన్ని ప్రత్యక్షం చేసే విఘ్న నాశకుడు, మాయకి నాయకుడు విఘ్నేశ్వరుడు.* *అతడు సచ్చిదానందమూర్తి, నిర్మలమైన, పూర్ణమైన అఖండానందాన్నే తన స్వరూపంగా వ్యక్తం చేస్తున్న గణేశునికి వందనం.* *┈┉━❀꧁జై గణేశాయా꧂❀━┉┈* https://whatsapp.com/channel/0029VaAAuIn1NCrYXdsBqn2B           🙏🏻🙏🏻🙏🏻🔔🔔🔔🙏🏻🙏🏻🙏🏻

#🌅శుభోదయం #శుభగురువారం 🙏 #గణపతి #ఈరోజు ఆధ్యాత్మిక విశిష్టత: సంకటహర చతుర్థి / సంకష్టహర చతుర్ధి #సంకటహర చతుర్ధి శుభాకాంక్షలు

AD #bjpindia

#శ్రీ సోమనాథ్ / గిర్ సోమనాథ్ (గుజరాత్) మొట్ట మొదటి జ్యోతిర్లింగ క్షేత్రం 🙏🕉️🔱🕉️🙏 #🛕శివాలయ దర్శనం #ఈరోజు ఆధ్యాత్మిక విశిష్టత: మహా శివరాత్రి /మహాశివరాత్రి పర్వదినం శివపార్వతుల కళ్యాణం 🔱🕉️🙏 #ఈరోజు ఆధ్యాత్మిక విశిష్టత #ద్వాదశ జ్యోతిర్లింగ దర్శనం🙏🙏🔱🔱🕉️🕉️ భవసాగర తారక సోమేశ్వర మహాదేవ (భవబంధాలను తొలగించే సోమనాథుడు) మహాశివరాత్రి ఉదయపు ఆరతి, భగవంతుని జ్యోతిర్లింగ స్వరూపాన్ని స్మరిస్తూ, సంసార సాగరాన్ని దాటించే శివునికి భక్తితో చేసే ఆరాధన. [1] భవసాగర తారక సోమేశ్వర మహాదేవ - మహాశివరాత్రి ప్రాతః ఆరతి జై సోమేశ్వర మహదేవ, జై భవసాగర తారక: సంసార సాగరాన్ని దాటించే సోమేశ్వర మహాదేవా, నీకు జయం. భవబంధ విమోచన, నీవే దిక్కు మాకు: జన్మ జన్మల బంధాలను తొలగించే దేవా, మాకు నీవే శరణ్యం. మహాశివరాత్రి శుభవేళ, హర హర మహాదేవ: మహాశివరాత్రి పవిత్ర సమయంలో, శివ శివా అంటూ నిన్ను పూజిస్తున్నాము. ఓంకార రూపా, శివ శంభో, కరుణాకర సోమేశ్వరా: ఓంకార స్వరూపుడవు, శంభువువు, కరుణా మయుడవైన సోమేశ్వరా. ప్రాతః ఆరతి అందుకుని, దీవించు ప్రభూ: ఈ ఉదయపు ఆరతిని స్వీకరించి, మమ్మల్ని అనుగ్రహించు. (భావం: భవబంధాలను తెంచే, సోమనాథుని (సోమేశ్వరుని) మహాశివరాత్రి ప్రాతఃకాలంలో ఆరాధించి, మోక్షాన్ని ప్రసాదించమని వేడుకోవడం).