part 7 ടേബിളിൽ എല്ലാവരും തന്നെ കാത്തു നിൽക്കുന്നത് കണ്ടതും ഉപ്പ പറഞ്ഞിട്ടാവും റാഷി തന്നെ വിളിക്കാൻ വന്നിട്ടുണ്ടാവുക എന്ന് അവൾക്ക് മനസ്സിലായി... എല്ലാവരുടെയും ഭക്ഷണം കഴിഞ്ഞ് പത്രങ്ങൾ എല്ലാം കഴുകി വെച്ച ശേഷം ആണ് നൂറ മുറിയിലേക്ക് വന്നത്... അവൾ വരുമ്പോൾ റാഷി ഉറങ്ങിയിരുന്നു.. അവളും കട്ടിലിന്റെ ഒരു സൈഡിൽ കയറി കിടന്നു.... പിറ്റേന്ന് ജോലി എല്ലാം കഴിഞ്ഞ് നൂറ കുളിക്കാനായി പോയി... കുളി കഴിഞ്ഞു വന്നപ്പോൾ ആണ് അടുക്കള ഭാഗത്തു നിന്ന് ഉറക്കെ ഉള്ള ആരുടെ സംസാരം കേട്ടത്... നൂറ ഹാളിൽ നിന്ന് കൊണ്ട് അവിടേക്ക് ഒന്ന് എത്തി നോക്കി.. ഒരു തടിച്ച സ്ത്രീ ഉമ്മയോടും ഹസി ഇത്തയോടും എന്തൊക്കെ സംസാരിക്കുകയാണ്... അവൾ അങ്ങോട്ട് പോകാതെ തിരിഞ്ഞു നടക്കാൻ ഒരുങ്ങുമ്പോൾ ആണ് ആ സ്ത്രീ അവളെ കണ്ടത്.... തന്നെ കണ്ടു എന്ന് മനസ്സിലായതും നൂറ അടുക്കളയിലേക്ക് നടന്നു... ഞാൻ വന്ന് ഇത്രയും നേരം ആയിട്ട് എന്നെ കാണാൻ ഇപ്പോൾ ആണോ വരുന്നത്... ആ സ്ത്രീ ദേഷ്യത്തോടെ അവളോട് അത് ചോദിച്ചതും നൂറ ഒന്ന് അമ്പരന്നു... തന്നെ ഇത് വരെ കാണാത്ത ഈ സ്ത്രീ എന്തിനാണ് എന്നോട് ഇങ്ങനെ ദേഷ്യപ്പെടുന്നത്... ഞാൻ കുളിക്കുകയായിരുന്നു... നൂറ പറയുമ്പോൾ അവളെ തറപ്പിച്ചു ഒന്ന് നോക്കി അവര്.... റാഷിയെ ഈ കൈവെള്ളയിൽ ഇട്ടു നടന്നതാ... അത് കൊണ്ട് ആണ് അവന് ഇന്നും ഈ അമ്മയുടെ വാക്ക് മറികടക്കാൻ വയ്യ.... ഇതൊക്കെ തന്നോട് എന്തിനാണ് പറയുന്നത് എന്ന ഭാവത്തിൽ നൂറ അവരെ നോക്കിനിൽക്കുകയായിരുന്നു നൂറ... അതൊക്കെ ഇന്നലെ കയറി വന്ന ഇവൾക്ക് അറിയോ അമ്മായി... അകന്ന ബന്ധു അല്ലെ അത്ര ഒക്കെ ബഹുമാനം മതി എന്ന് കരുതിയിട്ടുണ്ടാവും അവൾ... അതിന്റെ ഇടയിൽ കൂടി ഹസി ഇത്ത തനിക്ക് ഒരു കഴിക്കുന്നത് നൂറ അറിഞ്ഞെങ്കിലും അവൾ മിണ്ടാതെ നിന്നു.... ഹോ... അപ്പൊ നിനക്ക് അങ്ങനെ ഒരു ചിന്ത കൂടി ഉണ്ടായിരുന്നല്ലേ... നീ ആൾ കൊള്ളാലോ... അവര് നൂറയുടെ അടുത്തേക്ക് വന്ന് ദേഷ്യത്തോടെ അവളോട് പറയുമ്പോൾ സഫിയ മിണ്ടാതെ നിൽക്കുന്നുണ്ടാട്ടിരുന്നു... ഹസീനക്ക് സന്തോഷം അടക്കാൻ ആയില്ല... അവൾ ചിരിയോടെ നൂറയെ നോക്കി... നൂറ തലതാഴ്ത്തി നിലത്തേക്ക് നോക്കി നിന്നു... എന്റെ റാഷി മോന്റെ അവസ്ഥ ഓർക്കുമ്പോൾ ആണ് എനിക്ക് സങ്കടം... എത്ര ഭംഗി ഉള്ളവനാണ് അവൻ..അവന് കിട്ടിയ പെണ്ണോ കറുമ്പിയും..... അവൻ അവളെ കൊണ്ട് എങ്ങനെ പുറത്തേക്ക് ഒക്കെ പോകും..... ആളുകൾ കളിയാക്കുക എന്റെ റാഷി മോനെ ആയിരിക്കില്ലേ കേട്ട് തഴമ്പിച്ച വാക്കുകൾ ആണെങ്കിലും നൂറക്ക്‌ സങ്കടം വരുന്നുണ്ടായിരുന്നു... അങ്ങനെ പറഞ്ഞു കൊണ്ടിരിക്കുമ്പോൾ അവരെ പിടിച്ചു നിറുത്തിയത് ആ വാക്കുകൾ ആയിരുന്നു... അതിന് അമ്മായി അവളെ പുറത്തു കൊണ്ട് പോകുന്നത് ഞാൻ അല്ലെ... എന്റെ കൂടെ അല്ലെ അവൾ ഉണ്ടാവുക.. ആളുകൾ എന്തെങ്കിലും ചോദിച്ചാൽ ഞാൻ മറുപടി കൊടുത്തോളാം... അവൾ കറുമ്പി ആണെങ്കിൽ ഞാൻ അത് സഹിച്ചു.... എല്ലാവരെ ശബ്ദം കെട്ടഭാഗത്തേക്ക് നോക്കിയതും വാതിൽ പടിയിൽ ചാരി റാഷി നിൽക്കുന്നുണ്ടായിരുന്നു... വിടർന്ന മിഴിയോടെ നൂറ അവനെ നോക്കുമ്പോൾ അമ്മായി എന്ത് പറയണം എന്ന് അറിയാതെ നിൽക്കുന്നുണ്ടായിരുന്നു.... തുടരും....❣️ #നോവൽ #കഥ #📔 കഥ