*നെഞ്ചോരം നി മാത്രം 💞* ഭാഗം : 23 ✍️ ഇമ്മു അവർ എല്ലാവരും കൂടി അവനെ അകത്തേക്ക് സ്വീകരിച്ചിരുത്തി. ഞാനും കാറിൽ നിന്നു ബാഗും എടുത്ത് അവരുടെ പിന്നാലെ തന്നെ അകത്തേക്ക് കയറി. ഞാൻ അകത്തേക്ക് കയറുമ്പോൾ കാണുന്നത് അവന് വേണ്ടി ജ്യൂസും ഫ്രൂട്സും വിവിധ തരം എണ്ണ പലഹാരങ്ങൾ അവന് മുന്നിൽ ടേബിളിൽ ആയി നിരത്തി വെച്ചിരിക്കുന്നതാണ്. " ഓ ഇപ്പൊ എല്ലാവർക്കും മരുമോനെ മതിയല്ലോ... ഞാൻ ഇപ്പൊ പുറംപോക്ക് ആണല്ലേ.... ബ്ലഡി ഫൂൾസ്....  " അവൾ അതും മനസ്സിൽ ചിന്തിച്ചുകൊണ്ട് അവരെയെല്ലാം പുച്ഛിച്ച് അവരുടെ അടുത്തേക്ക് നടന്ന് അവളുടെ തോളിൽ കിടന്നിരുന്ന ബാഗ് സോഫയിൽ വെച്ച് ടേബിളിൽ ഇരിക്കുന്ന അവളുടെ പ്രിയപ്പെട്ട പലഹാരമായ ജിലേബിയും ലഡ്ഡുവും അടങ്ങുന്ന പാത്രം കയ്യിലെടുത്തു അവിടെ ഇട്ടിരിക്കുന്ന കസേരയിൽ ചെന്നിരുന്നു കഴിക്കുവാൻ തുടങ്ങി. എന്റെ തീറ്റ കണ്ടിട്ട് അവരെല്ലാവരും മൂക്കത്തു വിരല് വെച്ചു നിന്നെങ്കിലും ഞാൻ അതിനൊന്നും ശ്രദ്ധ കൊടുക്കാതെ തീറ്റയിൽ ഫുൾ കോൺസെൻട്രേഷൻ കൊടുത്തു. കഴിച്ചു കഴിഞ്ഞു ഞാൻ നേരെ അടുക്കളയിൽ പോയി കൈയും കഴുകി തിരികെ വന്ന് സോഫയിൽ നിന്നും എന്റെ ബാഗുമെടുത്ത് സ്റ്റെപ്പ് കയറി മുകളിലേക്ക് നടന്നു. " ഈ പെണ്ണിന് ഇതെന്ത് പറ്റി.... " അതും പറഞ്ഞ് അമ്മ താടിക്ക് കൈ കൊടുത്തു നിന്നു.ദേവുവും അവളുടെ അമ്മയും ഏകദേശം ആ അവസ്ഥയിൽ തന്നെയായിരുന്നു. " മോൻ അതൊന്നും കാര്യമാക്കണ്ട ട്ടോ... മോൻ കഴിച്ചോ... " അമ്മുവിന്റെ അമ്മ അതും പറഞ്ഞ് അവന് ജ്യൂസ്‌ എടുത്തു കൊടുത്തു. അവനും അവളുടെ പ്രവർത്തികൾ കണ്ട് കണ്ണു തള്ളി ഇരിക്കുന്ന നേരത്താണ് അമ്മ അവന്റെ അടുത്തേക്ക് വന്ന് അങ്ങനെ പറഞ്ഞത്. അവളുടെ പെരുമാറ്റം അവനിൽ ഒരു നോവ് ഉണർത്തിയെങ്കിലും അവൻ അത് മറ്റുള്ളവരുടെ മുന്നിൽ പ്രകടിപ്പിക്കാതെ അമ്മ കൊടുത്ത ജ്യൂസ്‌ കുടിക്കാൻ ആരംഭിച്ചു.അതിനിടയിൽ വീട്ടിലെ വിശേഷങ്ങളെല്ലാം അവരോട് പങ്കുവെക്കുന്നുമുണ്ട്. അമ്മു പോയതിനു പിന്നാലെ ദേവു കാശിക്കായി ചെറു പുഞ്ചിരി സമ്മാനിച്ചുകൊണ്ട് മുകളിലേക്ക് കയറി പോയി. അവൻ കുറച്ചു കഴിച്ചു ജ്യൂസ്‌ കുടിച്ചതിനു ശേഷം കൈ കഴുകി എവിടേക്ക് പോകും എന്നറിയാതെ ഹാളിൽ തന്നെ പരുങ്ങി നിന്നു.അത് കണ്ടതും അമ്മുവിന്റെ അമ്മയുടെ നിർദേശപ്രകാരം ദേവുവിന്റെ അമ്മ അവനെയും കൂട്ടി മുകളിലേക്ക് കയറി അമ്മുവിന്റെ മുറി അവന് കാണിച്ചു കൊടുത്തു.മുറിയെല്ലാം അവന് പറഞ്ഞു കൊടുത്തതിനു ശേഷം ദേവുവിന്റെ അമ്മ തിരികെ താഴെക്കിറങ്ങി ചെന്നു. _______________________________________________ മുകളിലേക്ക് കയറി പോയ അമ്മു നേരെ അവളുടെ മുറിയിലേക്ക് നടന്നു. അവൾ മുറിയിലേക്ക് കയറി ചെന്ന് നേരെ കിടക്കയിൽ പോയിരുന്നു. അവൾ അവിടെ ഇരുന്നുകൊണ്ട് തന്റെ ആകെ ഒന്ന് വീക്ഷിച്ചു. താൻ പോയപ്പോൾ ഉള്ളത് പോലെ തന്നെ. മുറിയെല്ലാം അടിച്ചു വാരി തുടച്ചു എല്ലാം ഒതുക്കി വെച്ചിരിക്കണം. അവൾ മനസ്സിൽ ഓർത്തു.അപ്പോഴാണ് അവിടേക്ക് ദേവു എത്തുന്നത്. കിടക്കയിൽ ഇരുന്ന് മുറിയെ ആകെമാനം വീക്ഷിക്കുന്ന അമ്മുവിന്റെ അടുത്തേക്ക് ചെന്ന് അവളുടെ കൈയും പിടിച്ച് ദേവു മുകളിൽ തന്നെയുള്ള ഒരു കുഞ്ഞു ബാൽക്കണിയിലേക്ക് നടന്നു. അമ്മുവും അനുസരണയുള്ള കുട്ടിയെ പോലെ അവളുടെ കൂടെ നടന്നു. " എന്താടി അവിടെ വല്ല പ്രശ്നവുമുണ്ടോ.....? " അവിടെ എത്തിയതിനു ശേഷം ബാൽക്കണിയുടെ കൈ വരിയിൽ കൈവിരലുകൾ മുറുകെ പിടിച്ചു നിൽക്കുന്ന അവളോട് ചേർന്നു നിന്ന് അവളുടെ രണ്ടു കൈയും അവിടെ നിന്നും വേർപെടുത്തി തന്റെ ഇരു കൈയിലും പൊതിഞ്ഞു പിടിച്ചുകൊണ്ടു ചോദിച്ചു. " പ്രശ്നങ്ങളേയുള്ളൂ.... " അതും പറഞ്ഞ് അമ്മു തലേ ദിവസം മുതലുള്ള കാര്യങ്ങൾ ദേവുവിനോട് പറഞ്ഞു. വരുന്ന നേരം കാശി അവളോട് പറഞ്ഞ കാര്യങ്ങൾ പറയുമ്പോൾ അവളുടെ ശബ്ദം ഇടറുന്നുണ്ടായിരുന്നു. അവളുടെ കണ്ണുകൾ ഈറനണിഞ്ഞതും അവൾ പതിയെ ദേവുവിൽ നിന്നും തന്റെ കൈകൾ വേർപ്പെടുത്തി നിറഞ്ഞു വന്ന കണ്ണീരിനെ ഒരുപാട് കൈയാൽ തുടച്ചു നീക്കി. ഇതെല്ലാം കേട്ട് കഴിഞ്ഞ  ദേവു അവളെ സമാധാനിപ്പിക്കാനെന്ന വണ്ണം അവളെ ചേർത്ത് പിടിച്ചു. __________________________________________________ മുറിയിൽ ചെന്ന കാശി നേരെ ബാത്‌റൂമിലേക്ക് ചെന്ന് മുഖമെല്ലാം കഴുകി അവൻ ബാത്‌റൂമിൽ നിന്നും പുറത്തേക്കിറങ്ങി. ഫ്രഷ് ആയി ഇറങ്ങി വന്ന അവൻ പതിയെ മുറിയിൽ നിന്നും പുറത്തിറങ്ങി താഴേക്ക് പോകാൻ ഒരുങ്ങുമ്പോൾ ആണ് ബാൽക്കണിയിൽ നിന്നും ദേവുവിന്റെയും അമ്മുവിന്റെയും സംസാരം കേൾക്കുന്നത്. അവൻ അത് കേട്ടയുടൻ എന്തോ ഒരുപാട് ഉൾപ്രേരണയാൽ അത് എന്താണെന്നറിയാൻ അവിടേക്ക് ചെന്ന് ചുമരിനോട് ചാരി നിന്ന് അവരുടെ വാക്കുകൾക്കായി കാതോർത്തു നിന്നു. ______________________________________________ " അവന് അങ്ങനൊരു പ്രണയം ഇപ്പോഴും മനസ്സിൽ ഉണ്ടെങ്കിൽ നീ അവന്റെ കടിച്ചു തൂങ്ങി നിൽക്കുന്നത്തിൽ പ്രസക്തിയില്ലെന്നു തോന്നുന്നു..... " തന്റെ നിറഞ്ഞു വന്ന കണ്ണുകളെ മറച്ചു പിടിക്കാനെന്ന വണ്ണം പുറത്തെ കാഴ്ചകളിൽ മുഴുകി നിൽക്കുന്ന അമ്മുവിനോടായി ദേവു പറഞ്ഞു. അത് കേട്ടതും അമ്മു മുഖം ചെരിച്ചു ദേവുവിനെ ഒന്ന് നോക്കി. " അല്ല നിനക്ക് അവനെ ഇഷ്ടമല്ലല്ലോ പിന്നെ നീ എന്തിനാണ് ഇങ്ങനെ കണ്ണും നിറച്ചു നിൽക്കുന്നത്....? " കണ്ണും നിറച്ചു നിൽക്കുന്ന അമ്മുവിനെ നോക്കി ദേവു പറഞ്ഞു. " അ....  അത്.... എനിക്ക് അറിയില്ലെടി അവനെ എനിക്ക് ഇഷ്ടമല്ല പക്ഷെ അവൻ ഇന്ന് ഡിവോഴ്സിന്റെ കാര്യം പറഞ്ഞപ്പോൾ എന്തോ മനസ്സിൽ വല്ലാത്തൊരു വേദന...പക്ഷെ ട്രെയ്നിൽ വെച്ചു കണ്ട അവനെ ഓർക്കുമ്പോൾ... അറിയില്ലെനിക്ക് എന്റെ ജീവിതത്തിൽ എന്തെല്ലാമാണ് സംഭവിക്കുന്നത് എന്ന്..... " നിറഞ്ഞു വന്ന കണ്ണുകളെ തുടച്ചു കൊണ്ട് അവൾ ദേവുവിനോട് പറഞ്ഞു. അവളുടെ കരഞ്ഞു കലങ്ങിയ കണ്ണുകൾ കാണുന്തോറും ദേവുവിന്റെ ഉള്ളിലും ഒരു നോവ് പടരുന്നത് അവൾ അറിഞ്ഞു. " ഇനി ഇവനായിരിക്കുമോ... അന്ന് നീ കണ്ട ആ പയ്യൻ....? " എല്ലാം കേട്ടു കഴിഞ്ഞപ്പോൾ ദേവുവിന്റെ ഉള്ളിൽ തോന്നിയ സംശയത്തിന്റെ വിത്തുകൾ അവൾ അമ്മുവിന്റെ മുന്നിൽ പാകി. അത് കേട്ടതും അമ്മുവിന്റെ കണ്ണുകൾ മിഴിഞ്ഞു വന്നു.ദേവുവിന്റെ സംശയത്തോടെയുള്ള വാക്കുകൾ  അമ്മുവിന്റെ ഉള്ളിൽ പ്രതീക്ഷയുടെ പുതുവസന്തം തീർത്തു. അവരുടെ സംസാരം കേട്ടുകൊണ്ട് നിന്ന കാശിയിൽ എന്തൊക്കെയോ സംശയങ്ങൾ രൂപപ്പെട്ടു തുടങ്ങിയിരുന്നു. അതിനാൽ തന്നെ അവൻ അവിടെ നിന്നും അമ്മുവിന്റെ മുറിയിലേക്ക് നടന്നു.അവിടെ എത്തിയ അവൻ പ്രതീക്ഷയോടെ അവിടെയെല്ലാം തിരയുവാൻ ആരംഭിച്ചു.ഒടുവിൽ കട്ടിലിനോട് ചേർന്നു നിൽക്കുന്ന അലമാരി അവൻ തുറന്നു. ഒരുപാട് പഴക്കമെത്തിയതിനാലാവണം കര കര ശബ്ദത്തോടെ അലമാരിയുടെ വാതിൽ അവന് മുന്നിൽ തുറന്നു വന്നു. അതിനുള്ളിൽ തിരഞ്ഞു കൊണ്ടിരിക്കുമ്പോൾ ആണ് അവളുടെ തുണികളുടെ ഇടയിൽ അവൻ ഒരു ആൽബം ശ്രദ്ധിക്കുന്നത്. ആകാംഷയിൽ വിടർന്ന കണ്ണുകളോടെ അത് കൈയിലേക്ക് എടുത്തു. അവൻ അതിന്റെ ആദ്യ താളുകൾ മറച്ചു നോക്കിയപ്പോൾ കാണുന്നത് അമ്മുവിന്റെ അമ്മയുടെയും അച്ഛന്റെയും കല്യാണത്തിന് എടുത്ത ചിത്രങ്ങളായിരുന്നു. പിന്നീട് മറച്ച താളുകളിലും അത് തന്നെയായിരുന്നെങ്കിലും അവൻ പ്രതീക്ഷ കൈവിടാതെ പിന്നെയും മറച്ചു കൊണ്ടിരുന്നു. അപ്പോഴാണ് അവന്റെ കണ്ണിൽ ആ ചിത്രം പതിയുന്നത്. കാലപ്പഴക്കം കാരണം അതിൽ അവിടെയും ഇവിടെയുമായി ചില പാടുകൾ കാണുന്നുണ്ട്. സൂക്ഷിച്ചു നോക്കിയപ്പോൾ അതിൽ പെൺകുട്ടികളുടെ ചിത്രമാണ് ഉള്ളത് എന്ന് അവന് മനസിലായി.പക്ഷെ അതിൽ ഒരാളുടെ മുഖം മാത്രം വ്യക്തമല്ല. അത് അവനിൽ നിരാശ പടർത്തി. അവനു തന്റെ കർത്തവ്യം പാതി വഴിയിൽ ഉപേക്ഷിക്കാൻ മനസ്സ് വന്നില്ല. അവസാന ശ്രമമെന്നോണം അവൻ ആ ആൽബം അലമാരിയിൽ തന്നെ തിരികെ വെച്ച് പിന്നെയും തിരയുവാൻ തുടങ്ങി.അപ്പോഴാണ് ആ അലമാരയിൽ തന്നെയുള്ള ഒരു ലോക്കർ അവന്റെ ശ്രദ്ധയിൽ പെടുന്നത്. പക്ഷെ അത് ലോക്ക് ആയിരുന്നു. ഇവിടുന്ന് പോകുന്നതിനു മുൻപ് അത് എങ്ങനെയെങ്കിലും കണ്ട് പിടിക്കണം എന്ന് അവൻ മനസിലുറപ്പിച്ചു.ഉദ്ദേശിച്ച കാര്യം നടക്കാത്തതിലുള്ള നിരാശയോടെ അവൻ അലമാരയും അടച്ചു വെച്ച് തിരികെ ബെഡിൽ ചെന്നിരുന്നു. കുറച്ചു സമയം അവൻ ഫോണിൽ  തോണ്ടി സമയം തള്ളി നീക്കി. അതിനു ശേഷം അവൻ അവളെ കണ്ടതേയില്ല. " ആ മോൻ ഇവിടെ ഇരിക്കുവായിരുന്നോ..... " അതും പറഞ്ഞ് അമ്മുവിന്റെ അമ്മ മുറിയിലേക്ക് കയറി ചെന്നു. അവരെ കണ്ടയുടൻ അവൻ കിടക്കയിൽ നിന്നും എഴുന്നേറ്റ് നിന്ന് അവർക്കായി ഒരു ചെറു പുഞ്ചിരി നൽകി. " മോൻ ഇവിടെ ഒറ്റക്കിരുന്നു നല്ലോണം ബോറടിച്ചിട്ടുണ്ടാകും അല്ലെ...ഈ പെണ്ണിനോട് ഞാൻ പറഞ്ഞതാണ് മോനെ ഒറ്റക്കിരുത്തി മുഷിപ്പിക്കല്ലേ.... ദേ എല്ലാവരും ഹാളിൽ ഉണ്ട് വാ ചായ എടുത്ത് വെച്ചിട്ടുണ്ട്..... " അമ്മ വന്ന് ചായ കുടിക്കാൻ വിളിച്ചപ്പോൾ അവൻ ഫോൺ കിടക്കയിൽ വെച്ച് അമ്മയുടെ കൂടെ താഴേക്ക് പോയി. താഴേക്ക് എത്തിയപ്പോൾ അവിടെ അച്ഛനും അമ്മുവും ദേവുവും അവളുടെ അമ്മയും നിൽക്കുന്നുണ്ടായിരുന്നു.അമ്മു അച്ഛനെയും ദേവുവിനെയും അവളുടെ അമ്മയെയും കസേരയിൽ പിടിച്ചിരുത്തി ചായ പകർത്തുവാൻ തുടങ്ങി. ഇഡലിയും സാമ്പാറും ചട്ണിയും ആയിരുന്നു ചായയുടെ കൂടെ കഴിക്കാനുണ്ടായിരുന്ന ഭക്ഷണം. ദേവുവിനോട് ആമിയെ കുറിചുള്ള വിശേഷങ്ങൾ സംസാരിച്ചുകൊണ്ടാണ് അവൾ പകർത്തുന്നത് .കാശിയുടെയും അമ്മയുടെയും ശബ്ദം കേട്ടപ്പോൾ അവൾ സ്റ്റെപ്പിലേക്ക് മുഖമുയർത്തി നോക്കി.സ്റ്റെപ്പ് ഇറങ്ങി താഴേക്ക് വരുന്ന കാശിയെ കണ്ടതും അവൾ ഒരു നിമിഷം സ്വയം മറന്ന് അവനെ നോക്കി നിന്നു.വന്നപ്പോൾ ഇട്ടിരുന്ന ഡ്രസ്സ് മാറിയിട്ടുണ്ട് .വൈറ്റ് കളർ ഫുൾ സ്ലീവ് ടി ഷർട്ടും ബ്ലാക്ക് ഷോർട്ടുമാണ് വേഷം. മുഖത്ത് എപ്പോഴും നിറഞ്ഞു nilkkunn ഗൗരവത്തിന് പകരം പ്രസ്സന്നമായൊരു പുഞ്ചിരി മുഖത്ത് തങ്ങി നിൽക്കുന്നുണ്ട്. ചിരിച്ചുകൊണ്ട് അമ്മയോട് ഓരോ വിശേഷങ്ങൾ പറഞ്ഞുക്കൊണ്ടാണ് അവൻ ഇറങ്ങി വരുന്നത്.അതിനാൽ തന്നെ അവൾ നോക്കുന്നതൊന്നും അവൻ ശ്രദ്ധിച്ചിരുന്നില്ല. എന്നാൽ ഒരു സമയം അവരുടെ കണ്ണുകൾ തമ്മിൽ ഉടക്കിയതും അവൻ താഴേക്ക് ഇറങ്ങാതെ അവളെ തന്നെ നോക്കി നിന്നു.അച്ഛന് കൊടുക്കാൻ  വെച്ചിരിക്കുന്ന കറി പത്രത്തിൽ നിന്നും  ഒരു സ്പൂൺ കൊണ്ട് അതെടുത്തു പിടിച്ചാണ് അവൾ അവനെ നോക്കി നിൽക്കുന്നത്. അവന്റെ കൂടെ ഇറങ്ങി വന്ന അമ്മയും ഭക്ഷണം കഴിക്കാനിരിക്കുന്ന അച്ഛനും ഒരു ചെറു പുഞ്ചിരിയാലെ അവരുടെ പ്രവർത്തികൾ വീക്ഷിച്ചു. സൂര്യപ്രകാശമേറ്റ് മഞ്ഞു ഉരുകി വീഴുന്നത് പോലെ ആ നിമിഷം അവരുടെ ഉള്ളിലെ മകളെ കുറിച്ചുണ്ടായിരുന്ന ആധിയും ഉരുകി ഇല്ലാതായി. " ഹുഹു... ഹുഹു...ഹുഹുഹു....ഹുഹു.... " എന്നാൽ ഭക്ഷണം കഴിക്കാനിരുന്ന ദേവു ഇത് കണ്ടതും അവരെ കളിയാക്കാനെന്ന പോലെ കള്ള ചുമ ചുമച്ചു.അത് കേട്ടതും പരസ്പരം നോക്കി നിന്നിരുന്ന ഇരുവരും തങ്ങളുടെ നോട്ടം പിൻവലിച്ചു. കാശി വേഗം അമ്മയുടെ ഒപ്പം താഴേക്ക് ഇറങ്ങി ചെന്ന് കൈ കഴുകി ഡൈനിങ് ടേബിളിൽ ചെന്നിരുന്നു.അവൾ ദേവുവിന് ഇഡലി എടുത്ത് അവളുടെ പ്ലേറ്റിലേക്ക് എടുത്ത് വെച്ചു  കൊടുത്തു.ചെന്നിരുന്നപ്പോൾ തന്നെ അവൻ അവളെ നോക്കിയെങ്കിലും അവൾ പരമാവധി അവനെ നോക്കാതെ ഇരിക്കാൻ ശ്രമിച്ചു കൊണ്ടിരുന്നു.എങ്കിലും തന്റെ കണ്ണുകൾക്കോ മനസിനോ അവനിൽ നിന്നും ദൃഷ്ടിയെ മറക്കണമെന്നാഗ്രഹമില്ലാത്തത് പോലെ അവനിലേക്ക് തന്നെ തന്റെ കണ്ണുകൾ പാറി വീഴുന്നത് അവൾ അറിഞ്ഞു. ഭക്ഷണം കഴിച്ചു കഴിഞ്ഞ് പാത്രം കഴുകാൻ അമ്മയെ സഹായിച്ചതിനു ശേഷം അമ്മു ദേവുവിനെ കൂട്ടി പുറകിലെ അവരുടെ പറമ്പിലേക്ക് പോയി. " എന്തായിരുന്നു... അകത്തു വെച്ച് മം മം.... അവന് നിന്നെ ഇഷ്ടപ്പെടാൻ സാധിക്കില്ല ഡിവോഴ്സ് വേണമെന്ന് പറയുന്നു... എന്നാൽ ഏത് നേരവും അവന്റെ കണ്ണ് നിന്റെ മുഖതും... നിന്റെയും എന്തായിരിക്കും ശെരിക്കും അവന്റെ മനസ്സിൽ....? " അവിടെ ഒരു കല്ലിന്മേൽ ഇരുന്നാണ് ദേവു അത് ചോദിച്ചത്.പക്ഷെ അവളുടെ ചോദ്യത്തിൽ അവനോടുള്ള പരിഹാസവും നിറഞ്ഞിരുന്നു. " അറിയില്ല ഡി.... എന്ത് ചെയ്യണം എന്നൊന്നും.... 6 മാസം സമയം ഉണ്ടല്ലോ.... അതിനുള്ളിൽ എനിക്ക് അവനോടുള്ള ഫീലിംഗ്സ് എന്താണെന്ന് മനസിലാക്കണം.... അറിയില്ല അവൻ അടുത്ത് വരുമ്പോൾ എനിക്ക് ആ പയ്യനെ ആണ് ഓർമ വരുന്നത്.... " തുടരും.... #📙 നോവൽ #💞 പ്രണയകഥകൾ #📔 കഥ