അനുരാഗം 6️⃣8️⃣ ബസിന് വേണ്ടി ഇരുവശവും മാറി മാറി നോക്കി നിന്നു കണ്മണി..... പോസ്റ്റായി കറക്റ്റ് ടൈമിൽ കോളേജിൽ എത്തില്ലേ... ഫ്ലാഗ് ഓഫ് രാവിലെ തന്നെ മതിയായിരുന്നു... അത് വൈകുന്നേരം ആക്കിയതാണ് ഈ പ്രശ്നം.... കണ്മണി മനസിൽ ഓരോന്ന് കണക്ക് കൂട്ടി നിൽക്കുമ്പോഴാണ് പിറകിൽ കേട്ട് പരിചയമുള്ള ശബ്ദം... " കണ്മണി താൻ എന്താ ഇവിടെ നിൽക്കുന്നത്...? " " ഞാൻ ബസ്സിന്‌... " മറുപടി പറയാൻ താല്പര്യമില്ലെങ്കിലും മിസ്സ്‌ അല്ലേ എന്ന് കരുതി പറഞ്ഞവൾ.... " കുട്ടി വരൂ... ഞാനും കോളേജിലേക്കാ... വാ ഞാൻ ഡ്രോപ്പ് ചെയ്യാം... " പൗർണമി അവളെ നിർബന്ധിച്ചു.... " വേണ്ടാ മിസ്സേ... " കണ്മണി ഒഴിഞ്ഞു മാറി... പൗർണമിയെ കാണുംതോറും മനസിന്റെ നീറ്റല് കൂടുകയേ ഉളളൂ... "അത് പറ്റില്ല... വരൂ..." പൗർണമി സ്വാതന്ത്ര്യത്തോടെ കണ്മണിയുടെ കയ്യിൽ കയറി പിടിച്ചു.... " ഞാൻ ഇല്ലെന്ന് പറഞ്ഞില്ലേ... " ശബ്ദം ഇത്തിരി കൂടി പോയി കണ്മണിയുടെ.... ചുറ്റുമുള്ളവർ ശ്രദ്ധിക്കുന്നു എന്ന് മനസിലായതും കണ്മണി സ്വയം നിയന്ത്രിച്ചു.... " കുട്ടി ബസ്സില്ല ഇന്ന്... സിദ്ധു ഉച്ചക്കെ ഇറങ്ങൂ എന്ന് രാവിലെ വിളിച്ചപ്പോൾ പറഞ്ഞു... ഇവിടെ ഒറ്റക്ക് നിന്ന് നീ ബുദ്ധിമുട്ടും.... " അവളുടെ കൈ പിടിച്ചു വലിച്ചു കൊണ്ടു പൗർണമി വീണ്ടും പറഞ്ഞു... ഇതൊരു ശല്യം പോലെയാണ് കൺമണിക്ക് തോന്നിയത്.... പക്ഷെ പൗർണമിയുടെ മുഖത്തെ അപേക്ഷ ഭാവം എന്തിനെന്ന് മനസിലായില്ലെങ്കിലും അത്രേം പേരുടെയും മുന്നിൽ വെച്ച് പൗർണമിയെ ഇൻസൾട്ട് ചെയ്യണ്ടല്ലോ എന്ന് കരുതി കണ്മണി തല കുലുക്കി.... പൗർണമി സന്തോഷത്തോടെ അവളെയും കൂട്ടി കാറിന്റെ അരികിലേക്ക് ചെന്നു..... ബാക്ക് ഡോർ ഓപ്പൺ ചെയ്തു അവളെ കയറ്റി.... " ഇത്രേം പെട്ടൊന്ന് പർച്ചെയ്‌സ് കഴിഞ്ഞൊ...? " ഡ്രൈവിംഗ് സീറ്റിലിരുന്ന ചെറുപ്പക്കാരൻ പൗർണമിയെ നോക്കി ചോദിച്ചു... " ഹേയ്... ഞാൻ വഴിയിലെനിക്ക് വേണ്ട പെട്ടൊരാളെ കണ്ടപ്പോൾ കൂടെ കൂട്ടിയതാ.... എന്റെ പർച്ചെയ്‌സ് കഴിയുന്ന വരെ നിനക്ക് കമ്പനിക്ക് ആളാകും.... വിഷ്ണുവിന് ആളെ മനസ്സിലായോ....? " പൗർണമി വളരെ സന്തോഷത്തിലാണ് എന്ന് തോന്നി കണ്മണിക്ക്..... " പിന്നെ.... ഞങ്ങൾ പരിചയപ്പെട്ടോളാം... താൻ പോയി വേഗം വാ... " വിഷ്ണു സീറ്റ്‌ ബെൽറ്റ്‌ അഴിച്ചു കൊണ്ടു ഇത്തിരി ചെരിഞ്ഞു ഇരുന്നു പൗർണമിയോട് പറഞ്ഞു... " വേഗം വരാട്ടോ... " കണ്മണിയെ നോക്കി പറഞ്ഞു കൊണ്ടു അവൾ വേഗത്തിൽ നടന്നു.... കണ്മണി ആ പോക്ക് നോക്കി നിന്നു..... " ഹലോ... എന്താ ഒന്നും മിണ്ടാത്തെ... ഞങ്ങടെ ചെക്കന്റെ തപസിളക്കിയ മേനക ഒരു വായാടിയും തല്ലുകൊള്ളിയും ആണെന്നാ ഞാൻ കേട്ടത്.... " വിഷ്ണു ചിരിയോടെ പറഞ്ഞു.... കണ്മണി മറുപടിയായി ഒന്ന് ചിരിച്ചു.... " ഞാൻ വിഷ്ണു.... ഫസ്റ്റ് ടൈം ആണ് മീറ്റ് ചെയ്യുന്നതെങ്കിലും ഒരുപാട് കേട്ടിട്ടുണ്ട്.... നോക്കണ്ട ഞാൻ സിദ്ധുവിന്റെ ഫ്രണ്ട് ആണ്... പൗർണമിയുടെ ഹസ്ബന്റും.... " "ആര്....?" കണ്മണി മുഖം ചുളിച്ചു.... "വിഷ്ണു.... സിദ്ധുവിന്റെ ഫ്രണ്ടും ... പൗർണമിയുടെ ഹസ്ബന്റും......" " അതിന് മിസ്സിന്റെ കല്യാണം... " കണ്മണി സംശയത്തോടെ ചോദിച്ചു.... " കോളേജ് ടൈം തൊട്ടുള്ള ലവ് സ്റ്റോറി ആണ്... മാര്യേജ് അധികം ആർക്കും അറിയില്ല... നിന്റെ കണവനും പിന്നെ ഞങ്ങൾക്കും മാത്രം അറിയുന്ന കാര്യം... വൈകാതെ എല്ലാവരെയും വിളിച്ചു പബ്ലിക് ആക്കാം.... " വളരെ നേർത്ത ചിരിയിൽ കാര്യം പറഞ്ഞവൻ.... " എന്നാലും നിന്നെ ഞാൻ സമ്മതിച്ചു... എങ്ങനെ അവന്റെ തപസ്സിളക്കി.... ഒരുപാട് കാലമായി അവനെ അറിയാം... ഒരുത്തിക്കും പിടി കൊടുത്തിട്ടില്ല... നിന്നെ പോലെ ഒരു ചട്ടമ്പി പെണ്ണിന്റെ മുന്നിൽ മുട്ട് മടക്കി എന്ന് പറഞ്ഞപ്പൊ കരുതി വെച്ച ഷേക്ക്‌ ഹാൻഡ് ആണ്... ഇതാ പിടിച്ചോ.... " കണ്മണിക്ക് നേരെ വിഷ്ണു കൈ നീട്ടി.... വിഷ്ണു പറയുന്നതെല്ലാം അവൾക്ക് പുതിയ പുതിയ കാര്യങ്ങളായിരുന്നു.... " നിനക്ക് അറിയോ... അച്ഛനും അമ്മയും ഒരു പെണ്ണിനെ കണ്ട് വെച്ചിട്ടുണ്ട്... അവളെ കെട്ടിയില്ലെങ്കി പിന്നെ അമ്മയും അച്ഛനും പിണങ്ങും എന്ന് പറഞ്ഞപ്പോഴും എനിക്ക് എന്റെ കണ്ണിനേ മതി എന്ന് പറഞ്ഞു അലറിയവനാ.... എന്തൊക്കെ ബഹളമായിരുന്നു... നീയല്ലാതെ വേറെ ഒരുവളെയും കെട്ടില്ലെന്ന് പറഞ്ഞു.... ഒടുവിൽ ചെന്നപ്പോ നീ... ചെക്കന്റെ മനസ്സിൽ ലഡ്ഡു പൊട്ടിയോ.... " വിഷ്ണു ചിരിയോടെ പറയുമ്പോൾ ശരിക്കും ലഡ്ഡു പൊട്ടിയത് കണ്മണിയുടെ ഉള്ളിലായിരുന്നു... കാലങ്ങൾക്ക് മുൻപേ നമ്മളെ ഒരാൾ സ്നേഹിച്ചിരുന്നു എന്ന് തിരിച്ചറിയുന്ന നിമിഷം നമുക്ക് തോന്നുന്ന സന്തോഷത്തിലാണ് കണ്മണിയും.... "നിനക്ക് ഞാൻ ഒരു രസം കാണിച്ചു തരാം...." ഒരുപാട് കാലമായി തമ്മിൽ അറിയാവുന്നവരെ പോലെയാണ് വിഷ്ണുവിന്റെ സംസാരം.... അവൻ ഫോൺ എടുത്തു സിദ്ധുവിനെ വിളിച്ചു... കണ്മണിയോട് മിണ്ടരുത് എന്ന് ആക്ഷൻ കാണിച്ചു... ഫോൺ ലൗഡ് സ്പീക്കറിൽ ഇട്ടു... " ആഹാ സിദ്ധു നീ എവിടെ...? " " ഞാൻ വീട്ടിലാഡാ...." " എപ്പോഴാ ഇറങ്ങുന്നത്... ഞങ്ങൾ ഇറങ്ങി.... " " ആഹാ നീ വിട്ടോ... ഞാൻ പെണ്ണിനേം കൂട്ടി വന്നോളാം.... ". സിദ്ധു പറഞ്ഞു.... " ആഹടാ... അത് പറയാനാ വിളിച്ചേ... നിന്റെ പെണ്ണിവിടെ വഴിയിൽ നിൽക്കുന്നുണ്ട്... അവളേം കൂട്ടി ഞങ്ങൾ അവിടെ വരാം... നീ നേരെ പോര്.... " വിഷ്ണു പൊട്ടി വന്ന ചിരി മറച്ചു പിടിച്ചു പറഞ്ഞു... " ഡാ... ഡാ.. വിച്ചു... .. അവളെ കയറ്റണ്ട... അവള് അവിടെ നിന്നോട്ടെ.... ഞാൻ ദേ ഇറങ്ങി... ഞങ്ങൾ ഒരുമിച്ച് വന്നോളാം.... ". സിദ്ധു ദൃതിയിൽ പറഞ്ഞു.... " ഹേയ്... നീ ഇനി ലേറ്റ് ആകണ്ട... അവള് വണ്ടിയിൽ കയറി.... " "ഡാ.. ഡാ.. മോനെ നീ അവിടെ നിൽക്ക്... ഒരു പത്തു മിനിറ്റ് ഞാൻ ഇപ്പൊ എത്താം...." സിദ്ധു ദൃതി കൂട്ടി... " ഇനി നിന്നാൽ എനിക്ക് ഇങ്ങോട്ട് തിരിച്ചു പോരണ്ടെ... തത്കാലം നീ പതിയെ വാ... " " എടാ കാലമാടാ... ന്റെ പെണ്ണിനെ കണ്ടിട്ട് രണ്ടു ദിവസമായി... അല്ലെങ്കിൽ തന്നെ അവള് പിണങ്ങി കാണും... ഞങ്ങടെ സ്വർഗത്തിലെ കട്ടുറുമ്പ് ആവാതെ അവളെ വഴിയിൽ ഇറക്കി വിട്.... " ദേഷ്യവും നിസ്സഹായതയും കൂടി ചേർന്ന വാക്കുകൾ.... കണ്മണിക്ക് അതൊക്കെ അതിശയമായിരുന്നു... ഇത്രേം സ്നേഹിക്കുന്ന സിദ്ധു... അവന്റെ ഓരോ അണുവിലും താനാണ് എന്ന് തിരിച്ചറിഞ്ഞ നിമിഷം.... ... " നീ ചെയ്തു തന്നതൊന്നും മറന്നിട്ടല്ല സിദ്ധു... അവളെ എങ്ങനെ ഇനി ഇറക്കി വിടും.... നീ വാ... ഞങ്ങൾ പോയി.... പോവാം കണ്ണേ.... " വിഷ്ണു ചോദിച്ചു... " ഡാ.. കണ്ണോ... അതെന്റെ കണ്ണാ... ഞാൻ അങ്ങനെ വിളിച്ചാൽ മതി... നീ അങ്ങനെ വിളിക്കണ്ട.... " പറഞ്ഞു തീരുമുന്നേ വിഷ്ണു കട്ടാക്കി ഉറക്കെ ചിരിച്ചു... " ചെക്കന് കുശുമ്പ് കയറി... നീ എന്ന് വെച്ച അല്ലേലും ഇത്തിരി ഭ്രാന്ത് കൂടുതലാണ് അവന്.... ഇരിക്കപൊറുതി പോയി കാണും.... പാവാ.... " വിഷ്ണു ചിരിയോടെ പറഞ്ഞു.... " അവൻ വരട്ടെ... എന്നിട്ട് പോവാലെ.... " വിഷ്ണു സിദ്ധുവിനോടുള്ള സ്നേഹത്തിൽ പറഞ്ഞു... " അത് വേണ്ടാ... എന്താ റിയാക്ഷൻ എന്നറിയാലോ... നമ്മുക്ക് പോകാം... ഇതൊക്കെ ഒരു ത്രില്ലല്ലേ.... " കണ്മണി ഉഷാറോട് കൂടി പറഞ്ഞു... " ആഹാ ഇപ്പൊ കറക്റ്റ് അവന്റെ തല്ലുകൊള്ളി പെണ്ണായി നീ... നിന്നെ കുറിച്ച് അവൻ പറയുമ്പോൾ അവന്റെ കുട്ടിയാണ് നീ എന്ന് തോന്നും.... " വിഷ്‌ണു അവളോട് പറഞ്ഞു.... കണ്മണിക്ക് സന്തോഷം കൊണ്ടു കണ്ണ് നിറയുപോലെ... എന്നാലും എന്നെ കുറെ വിഷമിപ്പിച്ചില്ലേ... പിടി കൊടുക്കില്ല ഞാനെന്ന വാശിയും.... നിമിഷ നേരം കൊണ്ടു അവളുടെ ഫോൺ റിങ് ചെയ്തു... " സിദ്ധു ഏട്ടനാ.... " കണ്മണി ചിരിയോടെ പറഞ്ഞു.... " എടുക്ക്... എന്താ പറയാ എന്നറിയാലോ.... " വിഷ്ണു കാര്യമായി പറഞ്ഞു... " കണ്ണേ.... നിന്നോട് ഞാൻ വരാതെ ആരാ വീട്ടിൽ നിന്നു ഇറങ്ങാൻ പറഞ്ഞെ...." ഗൗരവക്കാരൻ സിദ്ധു.... " എന്നോട് പറയാതെ സിദ്ധു ഏട്ടന് പോകാമെങ്കിൽ എനിക്കും ആവാം.... " കണ്മണി വെല്ലുവിളിക്കുമ്പോലെ പറഞ്ഞു..... " കണ്ണേ.... " സിദ്ധുവിന്റെ വിളി കേൾക്കാൻ കാത്തുനിൽക്കാതവൾ ഫോൺ കട്ടാക്കി.... " പൊന്നു പെങ്ങളെ... ഞങ്ങടെ ചെക്കനൊരു പാവാട്ടൊ.... " വിഷ്ണു ചിരിയോടെ പറഞ്ഞു... " അത്ര പാവമൊന്നും അല്ല വിഷ്ണു ചേട്ടാ... അറിയോ എന്നോട് ഇങ്ങനെ ഒരു പ്രേമമുള്ള കാര്യം ഇന്നേവരെ എന്നോട് പറഞ്ഞിട്ടില്ല.... ദുഷ്ടൻ.... " കണ്മണി വിഷമത്തോടെ പറഞ്ഞു... " എന്താ.... " കേൾക്കാൻ പാടില്ലാത്തതെന്തോ കേട്ടത് പോലെ വിഷ്ണു ചോദിച്ചു..... " ഇന്നേവരെ ഏട്ടന്റെ കൂട്ടുക്കാരൻ എന്നോട് ഇഷ്ടമാണ് എന്ന് പറഞ്ഞിട്ടില്ല.... അറിയോ....? " കണ്മണി പറഞ്ഞതും വിഷ്ണു ഒന്ന് ഉമിനീര് ഇറക്കി... അപ്പൊ ആ കാര്യത്തിൽ ഒരു തീരുമാനമായി.... കാത്തിരിക്കുക.... #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ