जेवणाची रंगत वाढवणारी चमचमीत शेंगदाणा आमटी शेंगदाणे - 2 वाटी कोथिंबीर - आवश्यकतेनुसार हिरवी मिरची - 4 लसणाच्या पाकळ्या - 7 ते 8 आल्याचा तुकडा कडीपत्ता - 10 ते 12 मोहरी - 1/2 चमचा जिरं - 1/2 चमचा हळद - 1/2 चमचा गरम मसाला -1 चमचा मीठ - चवीनुसार पाणी - गरजेनुसार तेल - गरजेनुसार कांदा लसूण मसाला- १ चमचा शेंगदाणे तासभर भिजत ठेवावेत. तासाभरानंतर भिजवलेले शेंगदाण्याची पेस्ट बनवून घ्या. आता एका भांड्यात कोथिंबीर, हिरव्या मिरचीचे तुकडे, लसणाच्या पाकळ्या, जिरं, आल्याचा तुकडा यांची पेस्ट बनवून घ्या. यानंतर एका कढईत थोडं तेल टाका. तेल तापलं की, त्यात मोहरी आणि जिरं घाला. जिरं, मोहरी तडतडली की त्यात कडीपत्ता आणि तयार केलेली मिरचीची पेस्ट घाला. थोडं तेल सुटायला सुरूवात झाली की त्यात तयार शेंगदाण्याची पेस्ट घाला आणि ढवळा. 2 चमचे पाणी घाला, हळद, कांदा लसूण मसाला आणि गरम मसाला टाका. गरजेनुसार मीठ घाला आणि एक वाफ आणा. वाफ आल्यावरचं पाणी ओता. आमटीला पुन्हा एक उकळी आणा. उकळल्यावर त्यार बारीक चिरलेली कोथिंबीर घालावी. तयार झाली आहे शेंगदाण्याची झणझणीत आमटी. #😋आम्ही खादाडी🥧