മഹർ ഭാഗം 9 ഫിദ റാഷിയോട് ഓരോ വിശേഷങ്ങൾ ചോദിക്കുമ്പോൾ അവൻ ചിരിയോടെ മറുപടി പറയുന്നത് കണ്ട് നൂറ ഹാളിൽ നിന്ന് അടുക്കളയിലേക്ക് നടന്നു... നൂറ തന്നെ ചപ്പാത്തിയും ഇറച്ചി കറിയും ഉണ്ടാക്കി ടേബിളിൽ കൊണ്ട് വെച്ചു.. എല്ലാവർക്കും കഴിക്കാനുള്ള പത്രങ്ങൾ കഴുകി വെക്കുമ്പോൾ ആണ് സഫിയ അങ്ങോട്ട് വന്നത്... എല്ലാം റെഡിയായില്ലേ... ഫിദ മോൾക്ക് വിശക്കുന്നുണ്ട്...? റെഡിയാണ് ഉമ്മ... ഞാൻ ഈ പാത്രം കൂടി കഴുകി പെട്ടന്ന് വെക്കാം... മ്... ഒന്ന് മൂളി കൊണ്ട് അവര് പോകുമ്പോൾ നൂറ പെട്ടന്ന് കഴുകി എടുത്ത പത്രങ്ങൾ ടേബിളിൽ കൊണ്ട് ചെന്ന് വെച്ചു... അപ്പോഴേക്കും എല്ലാവരും കഴിക്കാൻ വന്നിരുന്നു.. ഉപ്പ പുറത്തു പോയത് കൊണ്ട് ഉപ്പ കഴിക്കാൻ ഉണ്ടായിരുന്നില്ല... റാഷിയുടെ കൂടെ ആണ് ഫിദ അങ്ങോട്ട് വന്നത്... റാഷിക്ക ഡ്രസ്സ്‌ എല്ലാം മാറ്റി ട്രാക്ക് പാന്റും ടീഷർട്ടും ആണ് ധരിച്ചിട്ടുള്ളത്.... ഫിദ റാഷിയുടെ കൂടെ അവന്റെ തൊട്ട് അടുത്ത ചെയറിൽ ഇരുന്നു... നീ എന്താ നോക്കി നിൽക്കുന്നത് ഫിദ മോൾക്ക് ഭക്ഷണം വിളമ്പ്... നൂറ പെട്ടന്ന് അവരിൽ നിന്ന് നോട്ടം മാറ്റി ഫിദയുടെ പ്ലെയ്റ്റിലേക്ക് ചപ്പാത്തിയും കറിയും ഒഴിച്ചു കൊടുത്തു... ഫിദയുടെ പ്രവർത്തി ഒന്നും ഇഷ്ടപ്പെടാതെ അഫ്സൽ നൂറയെ ഒന്ന് നോക്കി... ഇത്ത ഇരിക്കുന്നില്ലേ...? അഫ്സൽ പെട്ടന്ന് നൂറയോട് അത് ചോദിച്ചതും ഉമ്മയുടെ മറുപടി അപ്പോഴേക്കും എത്തിയിരുന്നു... അവൾ ഇരുന്നാൽ ആര് ഭക്ഷണം എടുത്ത് തരും... നമ്മുടെ കഴിഞ്ഞിട്ട് അവൾ ഇരുന്നോട്ടെ... അഫ്സൽ എന്തോ പറയാൻ തുടങ്ങിയതും നൂറ അവനോട് വേണ്ട എന്ന് തലയാട്ടി... ഈ വീട്ടിൽ ഉപ്പ കഴിഞ്ഞാൽ കരുണയോടെ സംസാരിക്കുന്നത് അഫ്സൽ ആണ്... അവൻ തനിക്ക് വേണ്ടി വാദിച്ചാൽ അത് കൂടുതൽ പ്രേശ്നങ്ങൾക്ക് കാരണം ആകും എന്ന് നൂറക്ക് അറിയാമായിരുന്നു... ടി... ആ കറി ഒന്ന് എടുത്ത് കൊടുക്ക് ഫിദക്ക്... ഹസി ഇത്തയാണ്... നൂറ കറിയുടെ പത്രം എടുത്ത് ഫിദയുടെ പ്ലെയ്റ്റിലേക്ക് ഒഴിക്കാൻ നിൽക്കുമ്പോൾ ഫിദ നൂറയുടെ കൈ കൊണ്ട് ഒരു തട്ട് വെച്ച് കൊടുത്തത്... കറി ആകെ ഹസി ഇത്തയുടെ ദേഹത്തേക്ക് പോയി... നൂറ പേടിയോടെ ഹസീനയെ നോക്കിയതും ഹസീന ചെയറിൽ നിന്ന് എഴുന്നേറ്റ് നൂറയുടെ മുഖത്തേക്ക് അടിക്കാൻ കൈ ഉയർത്തിയതും നൂറ കണ്ണ് അടച്ചു നിന്നു... തല്ല് കിട്ടാത്തത് കണ്ട് അവൾ കണ്ണ് തുറന്നു നോക്കിയതും ഇത്തയുടെ കൈ പിടിച്ചു നിൽക്കുന്ന രക്ഷിക്കാനെ ആണ് കാണുന്നത്... ഇത്ത അവൾ അറിഞ്ഞു കൊണ്ട് ചെയ്തത് അല്ലല്ലോ... അറിയാതെ കൈ തട്ടിയത് അല്ലെ... അതിന് എന്തിനാ അവളെ അടിക്കുന്നത്... റാഷിയുടെ നാവിൽ നിന്ന് വരുന്ന വാക്കുകൾ കേട്ട് ഹസീന ദേഷ്യത്തോടെ നൂറയെ നോക്കി... റാഷി ഇത് ഇവൾ മനപ്പൂർവം ചെയ്തത് തന്നെ ആണ്... അല്ലങ്കിൽ അവള് പറയട്ടെ... ഹസീന ചീറി കൊണ്ട് നൂറയുടെ അടുത്ത് വന്ന് പറഞ്ഞതും നൂറ പേടിയോടെ അവളെ നോക്കി... ഞാൻ... അറിയാതെ.. എന്റെ കയ്യിൽ നിന്നും പോയത് ആണ് ഇത്ത... അവൾ കണ്ണ് നിറച്ചു കൊണ്ട് എങ്ങനെയോ പറഞ്ഞു ഒപ്പിച്ചു.. അല്ലങ്കിലും ഇത്ത അങ്ങനെ ഒന്നും ചെയ്യില്ല... ഇത്ത ഇരുന്ന് കഴിക്കാൻ നോക്ക്... അഫ്സൽ ആണ്... അതും കൂടി കേട്ടതും ഹസീന ദേഷ്യത്തോടെ അവിടെ നിന്ന് പോയി.... റാഷി വേണ്ടായിരുന്നു... അവൾ ഒന്നും കഴിച്ചില്ല... ഉമ്മയാണ്... അതിന് ഞാൻ ഒന്നും പറഞ്ഞില്ലല്ലോ... നൂറ മനപ്പൂർവം ചെയ്തത് അല്ല എന്നല്ലേ പറഞ്ഞോള്ളൂ... നൂറ ഇവിടെ വലിഞ്ഞു കേറി വന്നത് ഒന്നും അല്ല... എന്റെ ഭാര്യ ആയി ഈ വീട്ടിലേക്ക് കയറി വന്നവളാ...അവളെ തല്ലാനും കൊല്ലാനും ഒക്കെ ഉള്ള അധികാരം എനിക്ക് മാത്രമേ ഉള്ളു... അത്രയും പറഞ്ഞു റാഷി അവിടെ നിന്ന് പോകുമ്പോൾ ഫിദ ദേഷ്യത്തോടെ വല്ലാത്ത പകയോടെ നൂറയെ നോക്കി നിൽക്കുന്നുണ്ടാട്ടിരുന്നു... 🔷🔷🔷🔷🔷🔷🔷🔷🔷🔷🔷🔷🔷🔷🔷 ഭക്ഷണം കഴിച്ചു കഴിഞ്ഞ് അടുക്കള വൃത്തിയാക്കുമ്പോൾ നൂറയുടെ മനസ്സ് ശാന്തമായിരുന്നു... അവളുടെ ചുണ്ടിൽ ഒരു പുഞ്ചിരി ഒളിഞ്ഞു കിടന്നിരുന്നു... റാഷി എന്നെ ഭാര്യയായി കാണുന്നില്ലെങ്കിലും തന്നെ വേദനിപ്പിക്കാൻ ആരെയും സമ്മതിക്കുന്നില്ല എന്നത് അവൾക്ക് ഒരു ആശ്യാസം തന്നെ ആയിരുന്നു.... നൂറ മുറിയിലേക്ക് ചെല്ലുമ്പോൾ റാഷി അവിടെ ഉണ്ടായിരുന്നില്ല... നൂറ ഫ്രഷായി കട്ടിലിൽ കയറി കിടന്നു... റാഷി അന്നേരം പുറത്ത് നിദയുമായി ഫോണിൽ സംസാരിക്കുകയായിരുന്നു.... ഫോൺ കട്ട് ചെയ്ത് റാഷി മുറിയിലേക്ക് നടന്നു... അവന്റെ മനസ്സ് മുഴുവൻ മുമ്പ് നടന്ന കാര്യങ്ങളിൽ കുടുങ്ങി കിടക്കുകയായിരുന്നു... ഞാൻ എന്തിനാണ് അവളെ സപ്പോർട്ട് ചെയ്ത് സംസാരിച്ചത്... തന്റെ ജീവിതത്തിൽ അവൾക്ക് ഒരു വഞ്ചകിയുടെ സ്ഥാനം ആണ് ഉള്ളത് എങ്കിലും മറ്റുള്ളവർ അവളെ വേദനിപ്പിക്കുന്നത് തനിക്ക് നോക്കി നിൽക്കാൻ ആവുന്നില്ല... ഓർമയുടെ കുത്തൊഴുക്കിൽ അവൻ കാട്ടിലിലേക്ക് ചാഞ്ഞു.... തുടരും....❣️ #📔 കഥ #കഥ #നോവൽ