പാചകം paachakam

+-----+------+-------+-------+ *🌶️ ഇന്നത്തെ പാചകം 🍳* *ചക്കപ്പഴം ഉണ്ണിയപ്പം* +-----+------+-------+-------+ ```കേരളത്തിന്റെ പരമ്പരാഗത നാലുമണിപ്പലഹാരങ്ങളിൽ എക്കാലത്തും മുൻപന്തിയിൽ നിൽക്കുന്ന ഒന്നാണ് ആവിപറക്കുന്ന ചായക്കൊപ്പം കഴിക്കുന്ന നല്ല നാടൻ ഉണ്ണിയപ്പം. ശർക്കരയുടെ മധുരവും നെയ്യുടെ സുഗന്ധവും തേങ്ങാക്കൊത്തിന്റെ കടിയും ചേരുമ്പോൾ ഉണ്ണിയപ്പത്തിന്റെ രുചി ഇരട്ടിക്കുകയായി. സാധാരണയായി അരിപ്പൊടിയും പഴവും ചേർത്താണ് ഉണ്ണിയപ്പം തയ്യാറാക്കാറുള്ളത്. എന്നാൽ നാട്ടുമ്പുറങ്ങളിൽ വേനൽക്കാലത്ത് സുലഭമായി ലഭിക്കുന്ന ചക്കപ്പഴം കൊണ്ട് ഉണ്ണിയപ്പം ഉണ്ടാക്കിയാൽ അതിന്റെ സ്വാദും മണവും തികച്ചും വേറിട്ട ഒന്നായിരിക്കും.``` _______________________ *ചേരുവകൾ* _______________________ പഴുത്ത ചക്കച്ചുള- 15-20 എണ്ണം പച്ചരി (അല്ലെങ്കിൽ വറുത്ത അരിപ്പൊടി)- 2 കപ്പ് ശർക്കര- 350 ഗ്രാം പഴുത്ത ചെറുപഴം- 1 എണ്ണം തേങ്ങാക്കൊത്ത്- ആവശ്യത്തിന് ഏലയ്ക്കാപ്പൊടി- 1 ടീസ്പൂൺ ചുക്കുപൊടി- 1/2 ടീസ്പൂൺ കറുത്ത എള്ള്- 1 ടീസ്പൂൺ നെയ്യ്- 2 ടീസ്പൂൺ വെളിച്ചെണ്ണ (വറുക്കാൻ ആവശ്യത്തിന്) ഉപ്പ്- ഒരു നുള്ള് _______________________ *തയ്യാറാക്കുന്ന വിധം* _______________________ ```ആദ്യം പച്ചരി 4-5 മണിക്കൂർ വെള്ളത്തിൽ കുതിർത്തു വെക്കാം. ശർക്കര അല്പം വെള്ളം ഒഴിച്ച് ഉരുക്കി അരിച്ചെടുക്കാം. ചക്കച്ചുളകൾ കുരുവും നാരും കളഞ്ഞ് ചെറുതായി അരിഞ്ഞ്, ഒരു പാനിൽ അല്പം നെയ്യൊഴിച്ച് നന്നായി വഴറ്റിയെടുക്കാം. (ഇത് ചക്കയുടെ പച്ചച്ചുവ മാറാൻ സഹായിക്കും). വഴറ്റിയ ചക്കയും ഒരു ചെറുപഴവും അല്പം ശർക്കരപ്പാനിയും ചേർത്ത് മിക്സിയിൽ നന്നായി അടിച്ചെടുക്കാം. ഇതിലേക്ക് കുതിർത്ത പച്ചരിയും ബാക്കി ശർക്കരപ്പാനിയും ഒരു നുള്ള് ഉപ്പും ചേർത്ത് ദോശമാവിന്റെ പരുവത്തിൽ (കൂടുതൽ വെള്ളം ചേർക്കാതെ) അരച്ചെടുക്കാം. ഈ മാവിലേക്ക് ഏലക്കാപ്പൊടിയും ചുക്കുപൊടിയും ചേർത്ത് നന്നായി ഇളക്കാം. മറ്റൊരു പാനിൽ നെയ്യ് ചൂടാക്കി തേങ്ങാക്കൊത്തും എള്ളും മൂപ്പിച്ചു മാവിലേക്ക് ഒഴിക്കാം. മാവ് ഒരു 3-4 മണിക്കൂർ മാറ്റിവെക്കുന്നത് ഉണ്ണിയപ്പം നല്ല സോഫ്റ്റ് ആകാൻ സഹായിക്കും. അതിനുശേഷം ഉണ്ണിയപ്പച്ചട്ടി അടുപ്പിൽ വെച്ച് കുഴികളിൽ പകുതിയോളം വെളിച്ചെണ്ണയൊഴിച്ച് ചൂടാക്കാം. എണ്ണ ചൂടാകുമ്പോൾ തീ ഇടത്തരമാക്കിയ ശേഷം ഓരോ കുഴിയിലേക്കും മാവ് ഒഴിക്കുക. ഒരു വശം മൂത്തു വരുമ്പോൾ ഒരു കമ്പി ഉപയോഗിച്ച് മറിച്ചിടുക. ഇരുവശവും ഗോൾഡൻ ബ്രൗൺ നിറമാകുമ്പോൾ എണ്ണയിൽ നിന്ന് കോരി മാറ്റാം.😋😋😋 #ചക്കപ്പഴം ഉണ്ണിയപ്പം #രുചി #പാചകം #പാചകം paachakam സ്വാദിഷ്ടവും മണവുമുള്ള ചക്ക ഉണ്ണിയപ്പം തയ്യാർ! നാരുകളാൽ സമ്പന്നമായ ചക്കപ്പഴം കൊണ്ടുള്ള ഈ പലഹാരത്തിന് സാധാരണ ഉണ്ണിയപ്പത്തേക്കാൾ പ്രത്യേക രുചിയാണ്.``` +-----+------+-------+-------+

കാടമുട്ട ബജി 😋😋😋😋😋 .-------------------------------------. *🥙𝐊𝐚𝐝𝐚 𝐌𝐮𝐭𝐭𝐚 𝐁𝐡𝐚𝐣𝐢😋* .-------------------------------------. #കാടമുട്ട ബജി #പാചകം #പാചകം paachakam #രുചി#രുചി*𝐥 𝐐𝐮𝐚𝐢𝐥 𝐄𝐠𝐠 𝐁𝐡𝐚𝐣𝐢 𝐥* .---------------------------. *✾𝐈𝐧𝐠𝐫𝐞𝐝𝐢𝐞𝐧𝐭𝐬* .-----------------------. 🥚 𝐐𝐮𝐚𝐢𝐥 𝐄𝐠𝐠𝐬 (𝐊𝐚𝐝𝐚 𝐌𝐮𝐭𝐭𝐚) – 𝟏𝟎–𝟏𝟐, 𝐛𝐨𝐢𝐥𝐞𝐝 𝐚𝐧𝐝 𝐩𝐞𝐞𝐥𝐞𝐝 🌾 𝐆𝐫𝐚𝐦 𝐅𝐥𝐨𝐮𝐫 (𝐁𝐞𝐬𝐚𝐧) – 𝟏 𝐜𝐮𝐩 🌶️ 𝐑𝐞𝐝 𝐂𝐡𝐢𝐥𝐢 𝐏𝐨𝐰𝐝𝐞𝐫 – 𝟏 𝐭𝐬𝐩 🍚 𝐑𝐢𝐜𝐞 𝐩𝐨𝐰𝐝𝐞𝐫 🟡 𝐓𝐮𝐫𝐦𝐞𝐫𝐢𝐜 𝐏𝐨𝐰𝐝𝐞𝐫 – ¼ 𝐭𝐬𝐩 🧂 𝐒𝐚𝐥𝐭 – 𝐭𝐨 𝐭𝐚𝐬𝐭𝐞 🌿 𝐂𝐮𝐫𝐫𝐲 𝐋𝐞𝐚𝐯𝐞𝐬 – 𝐟𝐢𝐧𝐞𝐥𝐲 𝐜𝐡𝐨𝐩𝐩𝐞𝐝 (𝐨𝐩𝐭𝐢𝐨𝐧𝐚𝐥) 🌱 𝐂𝐨𝐫𝐢𝐚𝐧𝐝𝐞𝐫 𝐋𝐞𝐚𝐯𝐞𝐬 – 𝐟𝐢𝐧𝐞𝐥𝐲 𝐜𝐡𝐨𝐩𝐩𝐞𝐝 (𝐨𝐩𝐭𝐢𝐨𝐧𝐚𝐥) 💧 𝐖𝐚𝐭𝐞𝐫 – 𝐚𝐬 𝐧𝐞𝐞𝐝𝐞𝐝 𝐟𝐨𝐫 𝐛𝐚𝐭𝐭𝐞𝐫 🛢️ 𝐎𝐢𝐥 – 𝐟𝐨𝐫 𝐝𝐞𝐞𝐩 𝐟𝐫𝐲𝐢𝐧𝐠 ⳼⳹⳼⳹⳼⳹⳼⳹⳼⳹⳼⳹⳼⳹

കറി ഇല്ലെങ്കിലെന്താ ? ലഞ്ച് ബോക്സിലേക്ക് ചപ്പാത്തിക്ക് പകരം ഇനി ഇത് മതി 😋😋😋😋😋😋 രാവിലെ സ്കൂളിലേക്കോ ഓഫീസിലേക്കോ പോകുമ്പോൾ തയ്യാറാക്കാൻ എളുപ്പമുള്ളതും എന്നാൽ വ്യത്യസ്തവുമായ ഒരു വിഭവമാണ് ഈ സ്പെഷ്യൽ പരോട്ട. ഗോതമ്പ് പൊടിയും ഉരുളക്കിഴങ്ങും പ്രധാന ചേരുവകളായി വരുന്ന ഈ പലഹാരം കറി ഇല്ലാതെ തന്നെ കഴിക്കാം എന്നതാണ് ഇതിന്റെ പ്രത്യേകത. അവശ്യ ചേരുവകൾ:- ഗോതമ്പ് പൊടി: 2 കപ്പ് (250 ml കപ്പിൽ) പാൽപ്പൊടി: അര കപ്പ് ഉരുളക്കിഴങ്ങ്: മീഡിയം വലിപ്പമുള്ള 2 എണ്ണം (നന്നായി വേവിച്ച് ഉടച്ചത്) ഏലക്കാപ്പൊടി: 1 ടീസ്പൂൺ ചില്ലി ഫ്ലേക്സ്: ആവശ്യത്തിന് മല്ലിയില: 1 ടേബിൾ സ്പൂൺ (അരിഞ്ഞത്) മഞ്ഞൾപ്പൊടി: 2 നുള്ള് ഓയിൽ: 1 ടേബിൾ സ്പൂൺ പഞ്ചസാര: അര ടീസ്പൂൺ ഉപ്പ്: ആവശ്യത്തിന് നെയ്യ്: ചുട്ടെടുക്കാൻ ആവശ്യത്തിന് വെള്ളം: മാവ് കുഴക്കാൻ ആവശ്യത്തിന് മാത്രം തയാറാക്കുന്ന വിധം:- ആദ്യം ഒരു വലിയ പാത്രത്തിൽ ഗോതമ്പ് പൊടി, പാൽപ്പൊടി, ഉപ്പ്, ഏലക്കാപ്പൊടി, ചില്ലി ഫ്ലേക്സ് എന്നിവ ചേർത്ത് നന്നായി ഇളക്കി മാറ്റി വെക്കുക. ഇതിലേക്ക് നന്നായി ഉടച്ചെടുത്ത ഉരുളക്കിഴങ്ങ് (കട്ടകൾ ഇല്ലാതെ), മല്ലിയില, മഞ്ഞൾപ്പൊടി എന്നിവ ചേർത്ത് കുഴക്കുക. വെള്ളം ചേർക്കുന്നതിന് മുൻപ് ഇവ നന്നായി യോജിപ്പിക്കണം. ഇതിലേക്ക് ഒരു ടേബിൾ സ്പൂൺ ഓയിലും പഞ്ചസാരയും ചേർക്കുക. ശേഷം അല്പം മാത്രം വെള്ളം ഒഴിച്ച് മാവ് നല്ല സോഫ്റ്റ് ആയി കുഴച്ചെടുക്കുക. ഉരുളക്കിഴങ്ങ് ഉള്ളതുകൊണ്ട് കൂടുതൽ വെള്ളം ആവശ്യമില്ല. തയ്യാറാക്കിയ മാവ് 5 മിനിറ്റ് അടച്ചു വെക്കുക. മാവ് ചെറിയ ഉരുളകളാക്കി മാറ്റി ചപ്പാത്തി പലകയിൽ വെച്ച് പരത്തുക. ഉള്ളിൽ നല്ല ലെയറുകൾ കിട്ടാനായി പരത്തിയ മാവിനു മുകളിൽ അല്പം ഓയിലും പൊടിയും തൂവി മടക്കിയ ശേഷം വീണ്ടും സ്ക്വയർ ആകൃതിയിൽ പരത്തിയെടുക്കുക. ചൂടായ പാനിൽ അല്പം നെയ്യ് തടവി പരത്തി വെച്ച പരോട്ട തിരിച്ചും മറിച്ചും ഇട്ട് ചുട്ടെടുക്കാം. മീഡിയം ടു ലോ ഫ്ലെയിമിൽ ഇട്ട് വേണം പാകം ചെയ്യാൻ, എങ്കിൽ മാത്രമേ ഉൾവശം നന്നായി വെന്തു കിട്ടുകയും പരോട്ട നന്നായി വീർത്തു വരികയും ചെയ്യുകയുള്ളൂ. 😋😋😋😋 #സ്പെഷ്യൽ പൊറോട്ട #പാചകം #പാചകം paachakam

ഫ്രൈഡ് ചിക്കനല്ല, ഫ്രൈഡ് പൊട്ടറ്റോ; 10 മിനിറ്റ് മതി, ടേസ്റ്റി സ്നാക്ക് റെഡി 😋😋😋😋😋😋 അടുക്കളയിൽ രണ്ട് ഉരുളക്കിഴങ്ങ് ഉണ്ടോ? എങ്കിൽ വെറും 10 മിനിറ്റിൽ തയ്യാറാക്കാം നല്ല ക്രിസ്പി പൊട്ടറ്റോ സ്നാക്സ്. ഫ്രൈഡ് ചിക്കൻ തോറ്റുപോകുന്ന നല്ല ഫ്രൈഡ് പൊട്ടറ്റോ എളുപ്പത്തിൽ ഉണ്ടാക്കാനാവും. വീട്ടിലുള്ള സാധനങ്ങൾ കൊണ്ടുതന്നെ ഈ ഈവ്നിങ് സ്നാക്ക് റെഡിയാക്കാം. ആവശ്യമായ സാധനങ്ങൾ ഉരുളക്കിഴങ്ങ്: 2 എണ്ണം മൈദ: 1 കപ്പ് ചിക്കൻ മസാല (1 ടീസ്പൂൺ) ചില്ലി ഫ്ലേക്സ് (1/2 ടീസ്പൂൺ) ഇഞ്ചി പേസ്റ്റ്/പൊടി (1/4 ടീസ്പൂൺ) വെളുത്തുള്ളി പേസ്റ്റ്/പൊടി (1/2 ടീസ്പൂൺ) കാശ്മീരി മുളകുപൊടി (1/2 ടീസ്പൂൺ) ചാറ്റ് മസാല (1 ടീസ്പൂൺ) സോയ സോസ് (1/2 ടീസ്പൂൺ) ചില്ലി സോസ് (1 ടീസ്പൂൺ) പഞ്ചസാര (1/4 ടീസ്പൂൺ) ഉപ്പ്, വെള്ളം, എണ്ണ – ആവശ്യത്തിന് കോൺഫ്ലേക്സ് (പൊടിച്ചത്) തയ്യാറാക്കുന്ന വിധം: 😋😋😋 ആ​ദ്യം ഉരുളക്കിഴങ്ങിന്റെ തൊലി കളഞ്ഞ് ഫ്രഞ്ച് ഫ്രൈസിന്റെ പരുവത്തിൽ കട്ട് ചെയ്തെടുക്കണം. ഇത് അഞ്ച് മിനിറ്റ് തണുത്ത വെള്ളത്തിലോ ഐസ് വെള്ളത്തിലോ ഇട്ടു‌വെക്കണം. ശേഷം ഉരുളക്കിഴങ്ങ് ആവിയിൽ 4-5 മിനിറ്റ് മാത്രം വേവിക്കുക. ഉരുളക്കിഴങ്ങ് പകുതി വേവ് മതി, അധികം വെന്തുപോകരുത്. ഇനി മാവ് തയ്യാറാക്കണം.: 😋😋😋 അതിനായി ഒരു പാത്രത്തിൽ മൈദയെടുത്ത് അതിലേക്ക് ചിക്കൻ മസാല, ചില്ലി ഫ്ലേക്സ്, ഇഞ്ചി-വെളുത്തുള്ളി പേസ്റ്റ്, മുളകുപൊടി, സോയ സോസ്, ചില്ലി സോസ്, പഞ്ചസാര, ആവശ്യത്തിന് ഉപ്പ് എന്നിവയും ചേർത്ത് നന്നായി യോജിപ്പിക്കണം. ഇതിലേക്ക് കുറച്ച് കുറച്ചായി വെള്ളം ഒഴിക്കാം. അത്യാവശ്യം കട്ടിയുള്ള ബാറ്ററാണ് വേണ്ടത്. ചാറ്റ് മസാല കൂടി ചേർത്താൽ രുചി കൂടും. ഇനി പകുതി വേവിച്ച ഉരുളക്കിഴങ്ങ് കഷ്ണങ്ങൾ ആദ്യം തയ്യാറാക്കിയ മൈദ ബാറ്ററിൽ മുക്കിയ ശേഷം കോൺഫ്ലേക്സ് പൊടിയിൽ നന്നായി പൊതിഞ്ഞെടുക്കണം. ഇനി ഇത് നല്ല ചൂടായ എണ്ണയിൽ ഇട്ട് വറുത്തെടുക്കുക. തീ ഹൈ ഫ്ലെയിമിൽ തന്നെ ആയിരിക്കും. നല്ല ഗോൾഡൻ നിറമാകുമ്പോൾ എണ്ണയിൽ നിന്നും മാറ്റാം. 😋😋😋😋 #ഫ്രൈഡ് പൊട്ടറ്റോ 😋😋 #രുചി #രുചി #പാചകം #പാചകം paachakam

ചക്കരമാങ്ങ 🥭🥭🥭🥭 മാമ്പഴക്കാലം എത്തിക്കഴിഞ്ഞാൽ മലയാളികളുടെ അടുക്കളയിൽ വിഭവങ്ങളുടെ പൂരമാണ്. സാധാരണയായി മാമ്പഴം പഴുത്തുകഴിഞ്ഞാൽ അത് നേരിട്ട് കഴിക്കുകയോ അല്ലെങ്കിൽ മാമ്പഴ പുളിശ്ശേരി പോലുള്ള വിഭവങ്ങൾ ഉണ്ടാക്കുകയോ ആണ് പതിവ്. എന്നാൽ പഴുത്ത മാമ്പഴം കൊണ്ട് വളരെ വേഗത്തിൽ തയ്യാറാക്കാവുന്ന, നാവിൽ കപ്പലോടിക്കുന്ന ഒരു തനത് വിഭവമാണ് 'ചക്കരമാങ്ങ'. പേരുപോലെ തന്നെ തേൻ കിനിയുന്ന മധുരമാണ് ഈ വിഭവത്തിന്റെ പ്രത്യേകത. കേവലം മൂന്ന് ചേരുവകൾ മാത്രം ഉപയോഗിച്ച് മിനിറ്റുകൾക്കുള്ളിൽ ഇത് തയ്യാറാക്കാം.``` ചേരുവകൾ:- 🥭🥭🥭 മാങ്ങ - 4 എണ്ണം_ ശർക്കര - 2 ചെറിയ കട്ട_ വെള്ളം - കാൽ ഗ്ലാസ്_ തയ്യാറാക്കുന്ന വിധം:- 🥭🥭🥭 നന്നായ് പഴുത്ത നാല് മാങ്ങ തൊലി കളയാതെ കഴുകി വരഞ്ഞെടുക്കാം. ഒരു പ്രഷർ കുക്കറിലേക്കു മാങ്ങയും രണ്ടു ചെറിയ കട്ട ശർക്കരയും കാൽ ഗ്ലാസ് വെള്ളവും ഒഴിച്ച് അടുപ്പിൽ വെക്കാം. രണ്ടു വിസിൽ അടിച്ചതിനു ശേഷം പ്രഷർകുക്കർ തുറന്നു വെച്ച് വെള്ളം വറ്റിച്ചു കുറുക്കിയെടുക്കാം. തേനൂറും ചക്കരമാങ്ങ തയ്യാർ. 🥭🥭🥭🥭 #ചക്കര മാങ്ങാ 🥭🥭 #രുചി #പാചകം #പാചകം paachakam

അവിയൽ 😋😋😋😋 കേരളീയ സദ്യയിലെ പ്രധാന വിഭവമായ അവിയൽ, വിവിധതരം പച്ചക്കറികൾ (ചേന, കായ, മുരിങ്ങയ്ക്ക, കുമ്പളങ്ങ, കാരറ്റ്, ബീൻസ്, പടവലം) നീളത്തിൽ അരിഞ്ഞ്, മഞ്ഞൾപ്പൊടിയും ഉപ്പും ചേർത്ത് വേവിച്ച്, തേങ്ങയും ജീരകവും പച്ചമുളകും അരച്ചതും തൈരും ചേർത്ത് വെളിച്ചെണ്ണയും കറിവേപ്പിലയും മണപ്പിച്ച് തയ്യാറാക്കുന്ന ആരോഗ്യകരമായ വിഭവമാണ്. അവിയൽ ഉണ്ടാക്കുന്ന വിധം 😋😋😋 (സ്റ്റെപ്പ്-ബൈ-സ്റ്റെപ്പ്): പച്ചക്കറികൾ തയ്യാറാക്കുക: ചേന, നേന്ത്രക്കായ, മുരിങ്ങയ്ക്ക, കാരറ്റ്, വഴുതനങ്ങ, കുമ്പളങ്ങ, പടവലം, പയർ, പച്ചമാങ്ങ (വേണമെങ്കിൽ) എന്നിവ കഴുകി 2 ഇഞ്ച് നീളമുള്ള കഷണങ്ങളായി (വടിപോലെ) അരിയുക. പച്ചക്കറികൾ വേവിക്കുക: 😋😋😋 ചുവടുകട്ടിയുള്ള പാത്രത്തിൽ (ഉരുളി) പച്ചക്കറികൾ, ആവശ്യത്തിന് ഉപ്പ്, മഞ്ഞൾപ്പൊടി, കുറച്ചു കറിവേപ്പില എന്നിവ ചേർക്കുക. കഷണങ്ങൾ വേകാൻ ആവശ്യമായ വെള്ളം (ഏകദേശം 1/2 കപ്പ്) മാത്രം ഒഴിച്ച് മൂടിവെച്ച് വേവിക്കുക. കുഴഞ്ഞുപോകാതെ പാകത്തിന് വേവിക്കാൻ ശ്രദ്ധിക്കുക. അരപ്പ് തയ്യാറാക്കുക: പച്ചക്കറി വേകുന്നതിനിടയിൽ, തേങ്ങ (ഒന്നര കപ്പ്), പച്ചമുളക് (4-5 എണ്ണം), ചെറിയ ജീരകം (1 ടീസ്പൂൺ) എന്നിവ മിക്സിയിൽ അധികം അരഞ്ഞുപോകാതെ ഒതുക്കി എടുക്കുക (തരുതരുപ്പായി). അരപ്പും തൈരും ചേർക്കുക: പച്ചക്കറി വെന്തശേഷം അതിലേക്ക് തേങ്ങാക്കൂട്ട് ചേർത്ത് നന്നായി യോജിപ്പിച്ച് 2-3 മിനിറ്റ് ചെറുതീയിൽ വേവിക്കുക. അതിനുശേഷം, അടിച്ചുവെച്ച തൈര് (1/2 കപ്പ്) ചേർത്ത് ഇളക്കുക. തൈര് ചേർത്ത ശേഷം കറി തിളച്ചുപോകരുത്. അവസാന ഘട്ടം: തീ ഓഫാക്കിയ ശേഷം, മുകളിൽ നല്ല വെളിച്ചെണ്ണ (2 ടേബിൾസ്പൂൺ) ഒഴിക്കുക. കുറച്ചു കറിവേപ്പില കൂടി ഇട്ട്, പാത്രം മൂടിവെച്ച് കുറച്ചുസമയത്തിന് ശേഷം വിളമ്പാം. പ്രത്യേക നുറുങ്ങുകൾ: 😋😋 പച്ചക്കറികൾ ഉടഞ്ഞുപോകാതെ ശ്രദ്ധിക്കുക. തൈരിന് പകരം പുളിയുള്ള മാങ്ങയോ, വാളൻപുളിയോ ഉപയോഗിക്കാം. വെളിച്ചെണ്ണ അവസാനമാണ് ചേർക്കേണ്ടത്. ഇത് അവിയലിന് പ്രത്യേക മണം നൽകും.😋😋 #സദ്യ അവിയൽ #രുചി #പാചകം #പാചകം paachakam

‘ദോശയ്ക്ക് നീതി വേണം’; ഭക്ഷണപ്രേമികളെ ഞെട്ടിച്ച് നാഗ്പൂരിലെ കറുത്ത മസാല ദോശ, വീഡിയോ വൈറൽ 🔴🔵🟤🟢🟠🟣🟡 ഭക്ഷണസാധനങ്ങളിൽ എപ്പോഴും വ്യത്യസ്തത പുലർത്തുന്നവരാണ് നമ്മൾ. പല സ്ഥലങ്ങളിൽ യാത്ര ചെയ്യുന്നവർ അത് കണ്ടിട്ടുണ്ടാവും. പല തരത്തിലുള്ള ഭക്ഷണങ്ങളാവും നമ്മളെ കാത്ത് അവിടെ ഉണ്ടാവുക. എന്നാൽ ചിലയിടങ്ങളിൽ ഭക്ഷണത്തെ ക്രൂരമായി ‘വധിക്കുന്നത്’ കാണാം. നമ്മൾ ഇഷ്ടത്തോടെ കഴിക്കുന്ന ഭക്ഷണത്തെ ആവും അവർ അവരുടേതായ രീതിയിൽ ‘ക്രൂരമായി’ മാറ്റുന്നത്. അത്തരത്തിൽ ഒന്നാണ് ഇപ്പോൾ സോഷ്യൽ മീഡിയയിൽ വൈറലായി മാറിക്കൊണ്ടിരിക്കുന്നത്. നാഗ്പൂരിലെ പാചകവിദഗ്ദ്ധർ ദോശയ്ക്ക് ഒരു പുതിയ ‘ലുക്ക്’ കൊടുത്തിരിക്കുകയാണ്. അതും കട്ട കറുപ്പ്. മഹാരാഷ്ട്രയിലെ നാഗ്പൂരിലുള്ള യെല്ലോ കഫേ ആണ് ഈ ‘മഹാത്ഭുതത്തിന്റെ’ പിന്നിലുള്ളത്. നമ്മുടെ പാവം ദോശയെ ആണ് അവർ ഇവിടെ കറുപ്പിച്ചിരിക്കുന്നത്. അത് അവരുടെ ‘ക്രിയേറ്റിവിറ്റി’ എന്നാണ് അവർ പറയുന്നത്. 5.5 ദശലക്ഷം ആളുകളാണ് ഈ ‘കറുത്ത ദോശ’യുടെ വീഡിയോ ഇതിനോടകം തന്നെ കണ്ടു കഴിഞ്ഞത്. കറുത്ത നിറത്തിലുള്ള ദോശമാവ് കല്ലിൽ ഒഴിച്ച് പരത്തുമ്പോൾ സാധാരണ ദോശ ഉണ്ടാക്കുന്ന അതേ ഫീൽ തന്നെയാണ്. അതിനുള്ളിൽ ഉരുളക്കിഴങ്ങ് മസാലയും ഇവർ ഫില്ലിങ്ങായി വയ്ക്കുന്നുണ്ട്. ദോശയുടെ നിറം കറുപ്പാണെങ്കിലും കൂട്ടിന് വിളമ്പുന്നത് നമ്മുടെ സാധാരണ സാമ്പാറും തേങ്ങാ ചട്ണിയും ഒക്കെ തന്നെ ആണ്. കറുത്ത ദോശയുടെ വീഡിയോ വൈറലായി മാറിയതോടെ യഥാർത്ഥ ദോശ പ്രേമികൾക്ക് അത് അത്ര പിടിച്ചിട്ടില്ല. ‘ദോശയോട് നീതി വേണം'(Justice for Dosa) എന്നാണ് വീഡിയോയ്ക്ക് താഴെ പലരുടെയും കമന്റുകൾ. ‘ദക്ഷിണേന്ത്യൻ ഭക്ഷണത്തെ എന്തിനാണ് ഇങ്ങനെ നശിപ്പിക്കുന്നത്?’ എന്നും ആളുകൾ ചോദിക്കുന്നുണ്ട്. ഇതിൽ വല്ല കരിയും (Charcoal) ചേർത്താണോ ഉണ്ടാക്കിയത് എന്ന സംശയവും ഉണ്ട് പലർക്കും. 🔴🔵🟤🟢🟠🟣🟡 #കറുത്ത ദോശ 😍 #പാചകം #പാചകം paachakam

ദാഹമകറ്റാൻ നെല്ലിക്ക സംഭാരം ബെസ്റ്റാ..! കിടിലൻ റെസിപ്പി ഇതാ 😋😋😋😋 വേനൽക്കാലം ആയത് കൊണ്ട് തന്നെ ധാരാളം വെള്ളം ശരീരത്തിന് ആവശ്യമാണ്. സാധാരണ വെള്ളം കുടിക്കുന്നതിനൊപ്പം തന്നെ, ഫ്രഷ് ജ്യുസുകളും, സംഭരവും ഒക്കെ ഉൾപ്പെടുത്തുന്നത് നല്ലതാണ്. ഈ വേനൽക്കാലം തണുപ്പിക്കാൻ നല്ല കിടിലൻ നെല്ലിക്ക സംഭാരം ഉണ്ടാക്കിയാലോ? ആവശ്യ സാധനങ്ങൾ: 😋😋😋 പച്ചനെല്ലിക്ക: 10 എണ്ണം ഇഞ്ചി: 1 കഷ്ണം ചെറുനാരങ്ങ: രണ്ടെണ്ണം കറിവേപ്പില: 1 ഞെട്ട് വെള്ളം: 5 ഗ്ലാസ് ഉപ്പ്: ആവശ്യത്തിന് ഉണ്ടാക്കുന്ന വിധം: ആദ്യത്തെ തന്നെ എടുത്ത് വെച്ചിരിക്കുന്ന നെല്ലിക്ക കുരു കളയുക. ശേഷം ഇത് ചെറിയ കഷ്ണങ്ങളാക്കി മാറ്റി വെയ്ക്കുക. ഒരു ജാറിൽ ഇഞ്ചിയും, കറിവേപ്പിലയും, എടുത്ത് വെച്ചിരിക്കുന്ന നെല്ലിക്കയും, ഉപ്പും, തൈരും ആവശ്യത്തിന് വെള്ളവും ചേർത്ത് നന്നായി അരച്ചെടുക്കുക. ശേഷം ഈ മിക്സ് അരിച്ചെടുത്ത് നാരങ്ങാ നീരും ആവശ്യത്തിന് ചേർത്ത് നന്നായി മിക്സ് ചെയ്യുക. ആവശ്യാനുസരണം കുടിക്കാം. ഫ്രിഡ്ജിൽ വെച്ച് ഉപയോഗിക്കുകയാണെങ്കിൽ രുചി കൂടും. 🔴🔵🟤🟢🟠🟣🟡 #നെല്ലിക്ക സംഭാരം 😋😋 #രുചി #രുചി #പാചകം #പാചകം paachakam

റാഗി സൂപ്പ് 😋😋😋😋 പോഷകങ്ങളുടെ കലവറ എന്ന് വിശേഷിപ്പിക്കാവുന്ന ഒന്നാണ് റാഗി. സാധാരണയായി കൊച്ചു കുട്ടികൾക്കുള്ള കുറുക്കായി മാത്രം റാഗിയെ കാണാറുണ്ടെങ്കിലും, മുതിർന്നവർക്കും ഒരുപോലെ പ്രയോജനപ്പെടുന്ന സൂപ്പർഫുഡാണിത്. കാൽസ്യം, ഇരുമ്പ്, നാരുകൾ എന്നിവയാൽ സമ്പന്നമായ റാഗി എല്ലുകളുടെ ബലത്തിനും ദഹനപ്രക്രിയ സുഗമമാക്കാനും ഏറെ സഹായിക്കുന്നു. പ്രമേഹം, കൊളസ്ട്രോൾ എന്നിവ നിയന്ത്രിക്കാനും ശരീരഭാരം കുറക്കാൻ ആഗ്രഹിക്കുന്നവർക്കും റാഗി മികച്ചൊരു ഉപാധിയാണ്. റാഗി വെറും കുറുക്കിയെടുക്കുന്നതിനു പകരം ഇന്ന് നമുക്ക് അതുപയോഗിച്ച് ഹെൽത്തിയായി ഒരു സൂപ്പ് തയ്യാറാക്കാം. ചേരുവകൾ:- 😋😋😋 _റാഗി - 1 കപ്പ്_ _വെള്ളം - 4 കപ്പ്_ _ഉപ്പ് - ആവശ്യത്തിന്_ _തൈര് - 1 കപ്പ്_ _ചുവന്നുള്ളി - 5-6 എണ്ണം_ _പച്ചമുളക് - 1 എണ്ണം_ തയ്യാറാക്കുന്ന വിധം:- 😋😋😋 ഒരു ബൗളിലേക്ക് ഒരു കപ്പ് റാഗിപ്പൊടി ചേർക്കാം. അതിലേക്ക് ഒരു കപ്പ് വെള്ളം ഒഴിച്ച് കട്ടപിടിക്കാതെ ഇളക്കിക്കൊണ്ടിരിക്കാം. ഒരു പാൻ അടുപ്പിൽ വക്കാം, മൂന്ന് കപ്പ് വെള്ളം അതിലേക്ക് ഒഴിച്ച് തിളപ്പിക്കാം. അത് തിളച്ചു കഴിയുമ്പോൾ റാഗിമാവ് ചേർത്തിളക്കാം. വെള്ളം വറ്റി കുറുകി വരുന്നതു വരെ ഇളക്കാം. കട്ടിയായി തുടങ്ങുമ്പോൾ തീ കുറച്ചു വക്കാം. ശേഷം 10 മിനിറ്റ് പാത്രം അടച്ചു വച്ച് വേവിക്കാം. ഇത് വെന്തു കഴിഞ്ഞാൽ ആവശ്യമായ അളവിൽ ഉപ്പ് ചേർക്കാം. അത് തണുക്കാൻ വക്കാം. തണുത്തു വരുമ്പോൾ ചുവന്നുള്ളി ചെറുതായി അരിഞ്ഞതും, പച്ചമുളകും, തൈരും ചേർത്ത് ഇളക്കി യോജിപ്പിക്കാം. ഇനി ഇത് കഴിച്ചു നോക്കൂ, ഒപ്പം അച്ചാറും കൂട്ടാവുന്നതാണ്. ``` 😋😋😋 #റാഗി സൂപ്പ് 😋💚❤️ #പാചകം #പാചകം paachakam #പാചകം #ആരോഗ്യം