കൺമഷി
1K views • 4 days ago
മിഴിയിൽ നിന്നും മിഴിയിലേക്ക് ✨♥️ (ഭാഗം - 7)
കല്യാണത്തിന് ഇനി മൂന്നു ദിവസം മാത്രം. കല്യാണ വസ്ത്രങ്ങൾ എടുക്കാനായി നഗരത്തിലെ വലിയൊരു ടെക്സ്റ്റൈൽ ഷോപ്പിൽ വിഷ്ണുവിന്റെയും നിധിയുടെയും കുടുംബം രാവിലെ തന്നെ എത്തി. ആദ്യം തന്നെ നിധിക്കുള്ള കല്യാണ സാരി നോക്കാനായി അവർ സാരി സെക്ഷനിലേക്ക് പോയി. ഓരോന്നായി നോക്കാൻ തുടങ്ങി.എല്ലാവരും ചിരിക്കുകയും സംസാരിക്കുകയും ചെയ്യുന്നുണ്ടെങ്കിലും നിധിയുടെ
മനസ്സ് അസ്വസ്ഥമായിരുന്നു
അതെ സമയം വിഷ്ണു മനഃപൂർവ്വം അവൾക്ക് അരികിലേക്ക് വന്നു. അവൻ ഒരു കടും ചുവപ്പ് സാരി അവൾക്ക് നേരെ നീട്ടി കൊണ്ട് പറഞ്ഞു.
'ഇത് നിനക്ക് നന്നായി ചേരും നിധി... '
നിധി ഒന്നും മിണ്ടിയില്ല. പെട്ടന്ന് നിധിയുടെ അമ്മ ഗംഗ അത് വാങ്ങി കൊണ്ട് പറഞ്ഞു.
' വിഷ്ണു മോന്റെ സെലെക്ഷൻ കൊള്ളാം. ഇത് നിധിക്ക് നല്ലപോലെ ചേരും.'
ഗംഗയുടെ കയ്യിൽ നിന്നും വിഷ്ണുവിന്റെ അമ്മ കാർത്തിക അത് വാങ്ങി കൊണ്ട് പറഞ്ഞു.
' കൊള്ളാം... എല്ലാവർക്കും ഇഷ്ടമായ സ്ഥിതിക്ക് ഇത് അങ്ങ് എടുക്കാം. അല്ല നിധി മോൾ ഒന്നും പറഞ്ഞില്ലല്ലോ... ഇഷ്ടമായോ ഇത്? '
'മ്...'
നിധി ഒന്ന് മൂളി എന്ന് വരുത്തി... ബാക്കിയുള്ളവർ മറ്റ് വസ്ത്രങ്ങൾ വാങ്ങുന്ന തിരക്കിലായപ്പോൾ നിധി അവർക്കിടയിൽ നിന്നും മാറി നിന്നു.അങ്ങോട്ടേക്ക് വിഷ്ണു വന്നു.
' ഹേയ് നിധി.... എന്താ മാറി നിൽക്കുന്നെ?..'
'ഒന്നുമില്ല...'
' ഞാൻ നിധിക്ക് ഒരു ഷോക്കിങ് സർപ്രൈസ് തരാൻ പോകുവാ....'
'എനിക്ക് ആരുടേയും ഒന്നും വേണ്ട.'
'അങ്ങനെ പറയരുത് നിധി....'
നിധി അവിടെ നിന്നും പോകാൻ തുടങ്ങിയപ്പോഴേക്കും പുറകിൽ നിന്ന് വിഷ്ണു വിളിച്ചു പറഞ്ഞു.
'നീ എന്റെ ലാപ്ടോപ്പിൽ കളിച്ച കളിയൊക്കെ ഞാൻ അറിഞ്ഞു മോളേ.'
നിധി ഞെട്ടി തിരിഞ്ഞു നോക്കി. വിഷ്ണു പരിഹാസത്തോടെ തുടർന്നു.
'എന്നെ തകർക്കാൻ നീയും ആ ധീരജും പ്ലാൻ ചെയ്തതെല്ലാം ഞാൻ കേട്ടു. എന്ത് ചെയ്യാം, ഈ വിഷ്ണു ഒരിടത്തും തോൽക്കാൻ പഠിച്ചിട്ടില്ല.പിന്നെ നിനക്കുള്ള ഷോക്കിങ് സർപ്രൈസ് പറയാം...നിന്നെ ഞാൻ വിവാഹം കഴിക്കാൻ തന്നെ തീരുമാനിച്ചു! നിന്റെ ചേച്ചി കാരണം ഞാനും എന്റെ കുടുംബവും നാണം കെട്ട പോലെ നീയും നിന്റെ ഫാമിലിയും നാണം കെടണം എന്നായിരുന്നു ആദ്യം തീരുമാനിച്ചേ. പക്ഷെ നിധി... നീ എന്റെ ഈഗോയെ ആണ് തൊട്ടത്. നിന്നെ വിവാഹം കഴിച്ച് എന്റെ വീട്ടിലെത്തിച്ചാൽ പിന്നെ നീ വെറും ഒരു കളിപ്പാവ മാത്രമായിരിക്കും. പുറംലോകം കാണാതെ, ഓരോ നിമിഷവും നീ അനുഭവിക്കാൻ തയ്യാറെടുത്തോ... നിന്റെ ജീവിതം ഇനി മുതൽ നരകമാകും, വെറും നരകം! അത് ആലോചിക്കുമ്പോൾ എനിക്ക് വല്ലാത്തൊരു ത്രില്ല് തോന്നുന്നുണ്ട്.'
വിഷ്ണുവിന്റെ കണ്ണുകളിലെ വന്യത കണ്ട് നിധി ഒന്ന് വിറച്ചു. പക്ഷെ അതിൽ തളരാൻ അവൾ ഒരുക്കമല്ലായിരുന്നു.
'ഭയപ്പെടുത്തേണ്ട വിഷ്ണു...ഇതിൽ ഒന്നും ഈ നിധി പേടിക്കില്ല...നിന്റെ തകർച്ച കാണാൻ ഞാൻ മുന്നിലുണ്ടാകും. ഇത് നിധിയുടെ വെല്ലുവിളിയാണ്!'
അവൾ അവന്റെ കണ്ണുകളിലേക്ക് നോക്കി ഉറപ്പിച്ചു പറഞ്ഞു.
എല്ലാവർക്കും ഉള്ള വസ്ത്രങ്ങൾ വാങ്ങി. കല്യാണത്തിന് ഇടാൻ ഉള്ള സ്വർണവും എടുത്ത് രണ്ട് കൂട്ടരും പിരിഞ്ഞു. പോകാൻ നേരം വിഷ്ണു അവളോട് പറഞ്ഞൂ.
' നിനക്ക് ഉള്ള കൗണ്ട് ഡൌൺ ഇവിടെ സ്റ്റാർട്ട് ആകുവാണ് നിധി... ഇനി വെറും 2 ദിവസം മാത്രം..'
എന്ത് ചെയ്യും എന്ന ടെൻഷനിൽ ആയിരുന്നു നിധി... ഇതിൽ നിന്ന് എങ്ങനെ രക്ഷപെടും എന്ന് പോലും അറിയാതെ അവൾ പുറത്തെ ജനലിലൂടെ ഇരുട്ടിലേക്ക് നോക്കി നിന്നു...
അതേസമയം റോഷന്റെ വീട്ടിൽ... 🏚️
ആരും കാണാതെ, ഇരുട്ടിന്റെ മറവിലൂടെ ധീരജ് റിയയുടെ മുറിക്ക് പിന്നിലെത്തി. ബാൽക്കണി വഴി അകത്തേക്ക് കയറുമ്പോൾ അവന്റെ ഹൃദയം വേഗത്തിൽ മിടിക്കുന്നുണ്ടായിരുന്നു. മുറിക്കുള്ളിൽ വെളിച്ചം കുറവായിരുന്നു. റിയ എന്തോ ആലോചനയിൽ കട്ടിലിൽ ഇരുപ്പ് ആയിരുന്നു..
'റിയാ...'
ധീരജിന്റെ വിളി കേട്ട് അവൾ ഞെട്ടിപ്പിടഞ്ഞെഴുന്നേറ്റു.
അവളുടെ കണ്ണുകളിൽ ഭയമായിരുന്നു.
'ധീരജ്! നീ ഇവിടെ... വേണ്ട, നീ പോ! അച്ചാച്ചൻ അറിഞ്ഞാൽ നിന്നെ കൊന്നു കളയും.'
'റിയാ, ഞാൻ നിന്നെ ഇവിടുന്ന് കൊണ്ടുപോകാൻ വന്നതാ. നമുക്ക് എങ്ങോട്ടെങ്കിലും മാറി താമസിക്കാം.'
ധീരജ് അവളുടെ കൈകളിൽ പിടിച്ചു.
'വേണ്ട! ഞാൻ വരുന്നില്ല ധീരജ് . നീ എന്നെ മറന്നേക്ക് ധീരജ്. നമുക്കിടയിൽ ഇനി ഒന്നുമില്ല.'
' റോഷൻ എന്നേ ഒന്നും ചെയ്യില്ല റിയ... അതുകൊണ്ട് നീ പേടിക്കണ്ട.. നീയില്ലാതെ ഒരു ജീവിതം എന്നെക്കൊണ്ട് അതിന് കഴിയില്ല റിയാ... നിന്നെ മറക്കണമെങ്കിൽ ഈ ധീരജ് മരിക്കണം.'
'എങ്കിൽ നീ മരിക്ക് ധീരജ്!'
പെട്ടെന്ന് റിയ മേശപ്പുറത്തിരുന്ന ചെറിയ കത്തി എടുത്ത് ധീരജിന്റെ നെഞ്ചിന് നേരെ കുത്താനായി ആഞ്ഞു. എന്നാൽ ആ സെക്കൻഡിൽ ധീരജ് തന്റെ ഇടതുകൈ കൊണ്ട് ആ കത്തിയുടെ മുനയിൽ പിടിച്ചു തടഞ്ഞു. കത്തി അവന്റെ ഉള്ളംകൈ ആഴ്ന്നിറങ്ങി. ചോര ചീറ്റിയൊഴുകി അവളുടെ കൈകളിലേക്കും വസ്ത്രത്തിലേക്കും തെറിച്ചു.
'റിയ... നീ...'
ധീരജ് അവളോട് ആയി ചോദിച്ചു.അവന്റെ കണ്ണുകളിൽ പ്രണയവും വേദനയും കലർന്ന ഒരു ഭാവമായിരുന്നു.
'ധീരജ് എന്നേ എന്റെ വഴിക്ക് വിട്... എന്നിട്ട് നീ ഇവിടുന്ന് പോ...'
യാതൊരു ഭാവമാറ്റം ഇല്ലാതെ റിയ അവനോട് ആയി പറഞ്ഞു.അവൻ അവിടെ നിന്നും ഇറങ്ങി... ഇതെല്ലാം മുറിക്ക് വെളിയിൽ നിന്ന് റോഷൻ കാണുമായിരുന്നു.
(തുടരും)
എഴുത്തുകാരിയുടെ കുറുപ്പ്🌸:
പ്രിയ വായനക്കാരെ,
വായിച്ചിട്ട് like നൽകാനും,
കഥയെക്കുറിച്ചുള്ള നിങ്ങളുടെ അഭിപ്രായം comment ആയി എഴുതാനും മറക്കല്ലേ. ♥️
നിങ്ങളുടെ ഓരോ comments -ഉം അടുത്ത Part എഴുതാനുള്ള ഒരു ചെറിയ motivation ആണ്. 🫶🏻 ഒപ്പം follow ചെയ്യാത്ത കൂട്ടുകാർ follow ചെയ്ത് കൂde😊കൂടാൻ മറക്കരുതേ ♥️
സ്നേഹത്തോടെ,😊
നിങ്ങളുടെ സ്വന്തം എഴുത്തുകാരി.🦋
#📙 നോവൽ #💑 സ്നേഹം #💞 നിനക്കായ് #❤ സ്നേഹം മാത്രം 🤗 #💝 ആശംസകള്
