part 28 അഭിയുടെ വാക്കുകൾ കേട്ടതും ജീവനിന്റെ മുഖത്തെ ചിരി മാഞ്ഞു. “അവൾ നിന്റെ പെണ്ണല്ല.” “എന്താ പറഞ്ഞത്?” “മാളവികയ്ക്ക് നിന്നെ വിവാഹം കഴിക്കാൻ സമ്മതമില്ല.” അത് കേട്ടതും ജീവൻ അഭിയുടെ ഷർട്ടിൽ കുത്തിപ്പിടിച്ചു. “നിനക്ക് ഇത്ര ധൈര്യമോ?” അഭി കൈ വിടുവിക്കാൻ ശ്രമിച്ചു. “കൈ വിട്.” “എന്റെ കല്യാണം മുടക്കാൻ വന്നിട്ട് എന്നോട് ആജ്ഞാപിക്കുന്നോ?” അടുത്ത നിമിഷം ജീവൻ അഭിയെ തള്ളിയിട്ടു. അവന്റെ കൂട്ടുകാർ ഇടപെട്ടതോടെ കാര്യങ്ങൾ പെട്ടെന്ന് കൈവിട്ടു. ഒരാൾ അഭിയെ പിടിച്ചുവലിച്ചു. മറ്റൊരാൾ അവനെ തള്ളിയിട്ടു. “അഭി!” മാളവിക പേടിച്ച് എഴുന്നേറ്റു. “നിങ്ങൾ എല്ലാവരും പോകൂ… പ്ലീസ്!” പക്ഷേ ആരും കേട്ടില്ല. തല്ലിനിടയിൽ അഭിയുടെ കൈയിൽ ശക്തമായൊരു അടി കിട്ടി. “ആഹ്!” അവൻ കൈ പിടിച്ച് പിന്നോട്ട് മാറി. അത് കണ്ടതും മാളവികയുടെ മുഖം മാറി. “അഭി, മതി… നീ ഇപ്പൊ പൊയ്ക്കോ ” അവൾ അവന്റെ അടുത്തേക്ക് വരാൻ ശ്രമിച്ചപ്പോൾ ജീവൻ അവളുടെ കൈയിൽ പിടിച്ചു. “നീയും ഇവന്റെ കൂടെ പോകാണോ?” “കൈ വിട് ജീവൻ…” അവൾ കൈ വലിച്ചെങ്കിലും അവൻ വിട്ടില്ല. “ഇത്രയും നാൾ എന്നെ ഒഴിവാക്കി നടന്നിട്ട്, ഇന്ന് ഇവന്റെ കൂടെ പോകാനാണോ?” “ഞാൻ നിന്നെ വിവാഹം കഴിക്കില്ലെന്ന് പറഞ്ഞതല്ലേ!” അവളുടെ വാക്ക് കേട്ടതും ജീവന്റെ കൈ ഉയർന്നു. പളാർ! അടി കിട്ടിയതും മാളവികയുടെ മുഖം ഒരു വശത്തേക്ക് തിരിഞ്ഞു. അവിടെ നിന്നവരെല്ലാം നിശ്ചലമായി.#നോവൽ #തുടർകഥ