Part 26 അടുത്ത ദിവസം… മാളവികയുടെ കല്യാണദിവസം. വീടാകെ കല്യാണത്തിരക്ക്. പുറത്തുനിന്ന് നോക്കിയാൽ സന്തോഷം നിറഞ്ഞൊരു വീട്. പക്ഷേ ആ വീട്ടിലെ ഒരു മുറിയിൽ, കല്യാണവേഷത്തിൽ ഇരുന്ന മാളവികയുടെ കണ്ണുകൾ മാത്രം നിറഞ്ഞിരുന്നു. അവൾക്ക് ഇന്നലെ പറഞ്ഞ വാക്കുകൾ അഭിയുടെ മനസ്സിൽ നിന്ന് പോയിരുന്നില്ല. “എനിക്ക് ഈ കല്യാണം വേണ്ട അഭി…” അവൻ കൂട്ടുകാരെ വിളിച്ചു. “എല്ലാവരും വാ.” കുറച്ചുസമയത്തിനുള്ളിൽ അവർ വീട്ടിലെത്തി. അഭി മാളവികയുടെ അടുത്തേക്ക് ചെന്നു. “ചേച്ചി… വാ.” അവൾ തല ഉയർത്തി നോക്കി. “എങ്ങോട്ട്?” “ഇവിടെ നിന്ന്. നമുക്ക് പോകാം.” മാളവിക ഉടനെ തലകുലുക്കി. “ഇല്ല അഭി… എനിക്ക് പറ്റില്ല.” “എന്തുകൊണ്ട്?” “എനിക്ക് മാമനെയും ആന്റിയെയും ഉപേക്ഷിക്കാൻ പറ്റില്ല. അവർ എന്നെ വളർത്തിയവരാണ്. ഞാൻ ഇറങ്ങി പോയാൽ… അവരെ എല്ലാവരും കുറ്റപ്പെടുത്തും.” “പക്ഷേ ചേച്ചിയുടെ ജീവിതം?” “എന്റെ ജീവിതം പോയാലും… അവരുടെ മനസ്സ് തകർക്കാൻ എനിക്ക് പറ്റില്ല.” അഭി കുറച്ചുനേരം അവളെ നോക്കി നിന്നു. “അപ്പോൾ ഇനി നിങ്ങൾ എന്ത് ചെയ്യും?” മാളവികയുടെ കണ്ണുകളിൽ നിന്ന് കണ്ണുനീർ വീണു. “ഒന്നും ചെയ്യില്ല… അവർ തീരുമാനിച്ചതുപോലെ ഞാൻ കല്യാണം കഴിക്കും.” അഭിയുടെ മുഖം മാറി. “ചേച്ചി…” “എന്നെ കൊണ്ടുപോകാൻ നോക്കണ്ട അഭി.” അവൾ കൈകൂപ്പി. “നീ എനിക്ക് വേണ്ടി പ്രശ്നത്തിൽ പെടുന്നത് എനിക്ക് കാണാൻ വയ്യ.” അഭി അവളുടെ കൈ താഴ്ത്തി. അപ്പോഴാണ് പിന്നിൽ നിന്ന് ഒരു ശബ്ദം. “എന്താ ഇവിടെ നടക്കുന്നത്?” ജീവൻ വാതിൽക്കൽ നിൽക്കുകയായിരുന്നു. തുടരും #📙 നോവൽ #📔 കഥ #തുടർകഥ