#📙 നോവൽ - നീലാംബരം..... 🔻 ഭാഗം _39 ✍️ രചന - Aysha akbar ഒഴിഞ്ഞു കിടന്നിരുന്ന ഒരു വിൻഡോ സീറ്റിലേക്ക് അവളിരുന്നു.... അവളുടെ എതിർ ദിശയിലെ വിന്റോ സീറ്റിൽ ഒരു പയ്യനുണ്ടെന്നതൊഴിച്ചാൽ അവിടെയും ഒഴിവ് തന്നെയായത് കൊണ്ട് അഭി അവിടെയാണിരുന്നത്...... തനിക്കെതിർ വശമായിരിക്കുന്ന വനെ അവളൊന്നു നോക്കി... ആ കണ്ണുകളിൽ തന്നോടുള്ളൊരു ഇഷ്ടം ഉണ്ടെങ്കിൽ കൂടി മറ്റെന്തൊക്കെയോ ആ നെഞ്ചിൽ പിടക്കുന്നത് അവൾക്കറിയാൻ കഴിഞ്ഞിരുന്നു..... മറക്കാൻ പറ്റാത്ത എന്തൊക്കെയോ കൈ പ്പ് അവന്റെ ചുണ്ടിൽ പറ്റി പ്പിടിച്ചിരിക്കുന്നത് പോലെ..... സാരമില്ല.... ഇത്രയെങ്കിലും അവനെ തന്നിലേക്ക് വലിച്ചടുപ്പിക്കാൻ കഴിഞ്ഞത് തന്നേ ഭാഗ്യം...... പോകെ പോകെ മറ്റെല്ലാം മറക്കാൻ മാത്രമുള്ള സ്നേഹവും പ്രണയവും നൽകി അവനെ താൻ മാറ്റിയെടുക്കും.... പക്ഷെ അതല്ല തന്റെ ഭയം..... താനാരെന്നറിഞ്ഞാൽ ആ ഇഷ്ടവും കൂടി അലിഞ്ഞു പോകുമോ എന്നതാണ്...... അവനെ വിഡ്ഢി യാക്കി കൂടെ കൂടിയൊരുത്തിയോട് അവന് തോന്നുന്ന വികാരമെന്താവുമെന്ന ഭയമുണ്ട് തനിക്ക്...... എന്തായാലും അവനോടുള്ള ഇഷ്ടം കൊണ്ട് മാത്രം ചെയ്തതാണല്ലോ.... അത് കൊണ്ട് തന്നേ നല്ലത് മാത്രം പകരം പ്രതീക്ഷിക്കാം..... ഇളം കാറ്റ് അവളുടെ മുടിയിഴളിൽ തട്ടി പാറി ക്കളിച്ചു.... ഏറെ കുളിര് നിറഞ്ഞൊരു അന്തരീക്ഷം...... ചെറു ചാറ്റൽ മഴ പതിയെ ജനലൊരം വന്ന് അവളുടെ കൈ വിരലുകളിൽ തട്ടി നിന്നു...... അടുത്ത സ്റ്റേഷനിൽ നിർത്തിയപ്പോഴേക്കും ഒരാൾ അവളുടെ അടുത്തേക്കിരിക്കാൻ തുടങ്ങിയ പ്പോഴാണ് അഭി അയാളെ അവനിരുന്നിടത്തേക്കിരുത്തി അവൾക്കരികിലേക്കിരുന്നത്..... ഒരു നിമിഷം ശ്വാസമൊന്നുയർന്നു പൊങ്ങിയവളുടെ..... ശരീരത്തിന് ഒട്ടും ഭാരമില്ലാത്തത് പോൽ അവളാ മേഘ ക്കീറുകൾക്കിടയിലേക്ക് പാറി പ്പോയത് പോലെ...... തന്റെ അരികിലേക്ക് ചേർന്നിരുന്നവന്റെ ഗന്ധം അവളൊന്നു നെഞ്ചിലേക്ക് വലിച്ചു..... വിടർന്ന മിഴികൾ അവളവനിലേക്കൊന്ന് നീക്കി..... ഒരിടത്തുറക്കാതെ തെന്നി നീങ്ങുന്ന കൃഷ്ണ മണികളിൽ നിന്നും അവളുടെയുള്ളിലെ ഭാവമെന്തെന്ന് അവനൂഹിച്ചെടുക്കാൻ കഴിഞ്ഞിരുന്നു.... അവന്റെ ചുണ്ടിലും ഒരിളം പുഞ്ചിരി പറ്റി പിടിച്ചിരുന്നു...... പുറത്ത് നിന്നും വീശുന്ന ഇളം കാറ്റിൽ അവളൊന്ന് കൂടി അവനോട് ചേർന്നിരുന്നു..... അതറിഞ്ഞെന്ന വണ്ണം അവനവളെയൊന്ന് കൂർപ്പിച്ചു നോക്കി.... നനയുന്നുണ്ട്..... ജനൽ കമ്പികളിൽ ഇറ്റി വീഴുന്ന ചെറു തുള്ളികളെ ചൂണ്ടി അവളത് പറയുമ്പോൾ ആ മുഖത്തൊരു ജാള്യത യുണ്ടായിരുന്നു...... ഷട്ടർ താഴ്ത്തി തരാം ... വേണ്ടാ... ഞാനിങ്ങനെയിരുന്നോളാം..... അവനതും പറഞ്ഞു കൊണ്ട് അല്പം മുമ്പോട്ട് ചാഞ്ഞതും അവളതും പറഞ്ഞവനെ തടഞ്ഞത് പെട്ടെന്നായിരുന്നു...... ഒരു നിമിഷം അവനാ കണ്ണുകളിലേക്കൊന്ന് നോക്കി.... തന്നേ കുരുക്കാൻ അവളൊരു വല നെയ്തു വെച്ചിട്ടുണ്ട്...... അവനും അവളിൽ നിന്ന് ഇമ തെറ്റിച്ചില്ല... അവന്റെ നോട്ടത്തിൽ അവൾക്കാകെ യൊരു പരവേഷം തോന്നി..... അവൾ പുറത്തേക്ക് മിഴികൾ നീക്കിയിരുന്നെങ്കിൽ കൂടി അവനരികിലേക്ക് ഒന്ന് കൂടി ചേർന്നിരിക്കാൻ അവൾ മറന്നിരുന്നില്ല..... അപ്പോഴാണ് ചായ യുമായി ഒരാൾ വരുന്നത്.... എനിക്കില്ലേ.... അഭി ഒരു ചായ വാങ്ങി ചുണ്ടോടു ചേർക്കാൻ തുടങ്ങിയപ്പോഴാണ് ദയനീയമായി അവളത് ചോദിച്ചത് ..... നിനക്കല്ലേ ഒന്നും വേണ്ടെന്ന് പറഞ്ഞത്..... അവൻ വളരേ ലാഘവത്തോടെ അത് ചോദിച്ചു ചായ ഗ്ലാസ്സ് ചുണ്ടോട് ചേർത്തതും അവളവന്റെ കയ്യിൽ നിന്നാ ഗ്ലാസ്സ് വാങ്ങിയത് പെട്ടെന്നായിരുന്നു...... അവൻ മുഖമുയർത്തി അവളെ നോക്കി...... വിഴുങ്ങിയ അമ്മി ദ്ദേ ഒരു മിനുറ്റ് മുന്പേ ദഹിച്ചു..... അവളവനെ നോക്കി അതും പറഞ്ഞു ചിറി കോട്ടുമ്പോൾ അവന് ചിരി വന്നിരുന്നു..... മറ്റൊരാൾക്ക് ചായ കൊടുത്തു കൊണ്ടിരുന്ന ആളുടെ കയ്യിൽ നിന്നും ഒരു ചായ കൂടി വാങ്ങിയവൻ.... ചായ ക്ക് നല്ല ചൂടായത് കൊണ്ട് തന്നേ അവളത് ഊതി കൊണ്ടിരിക്കുകയാണ്..... അതിങ്ങ് താ..... ഞാൻ കുടിച്ചതാ.... ഇതെടുത്തോ... അതും പറഞ്ഞു കൊണ്ടവൻ ഇപ്പൊ വാങ്ങിയ ഗ്ലാസ്സ് അവൾക്ക് നേരെ നീട്ടുമ്പോൾ അവൾ ചെവി കേൾക്കാത്ത വരെ പോലെ യിരിക്കൂന്നത് കണ്ട് അഭിക്ക് ശെരിക്കും ചിരി വന്നിരുന്നു..... അവൾ പുറത്തേക്ക് നോക്കി അതിലേക്ക് ഊതി കൊണ്ടേയിരിക്കുകയാണ്.... അഭിയവളെ യൊന്നു നോക്കുക മാത്രം ചെയ്തു..പിന്നെയവനൊന്നും പറയാൻ തോന്നിയില്ല...... അവൻ ചൂട് ചായ വീണ്ടും ചുണ്ടിലേക്ക് വെച്ചിരുന്നു.... അവൾ പതിയെ ഇടം കണ്ണാൽ അവനെ യൊന്നു നോക്കുമ്പോൾ ചായ കുടിക്കുന്നവൻ അവളെ തന്നേ നോക്കിയാണിരിക്കുന്നതെന്ന് കണ്ടതും അവൾ പെട്ടെന്ന് ചുണ്ടോന്ന് കടിച്ചു തിരിഞ്ഞിരുന്നിരുന്നു...... ആ യാത്രക്ക് വല്ലാത്തൊരു സുഗമുണ്ടായിരുന്നു.... ഇളം കാറ്റേറ്റ് അവന്റെ കൂടെയങ്ങനെ...... ഇങ്ങോട്ട് വരുമ്പോൾ വിചാരിച്ചിട്ടില്ല ഇങ്ങനെ ചേർന്നിരുന്നു പോകാൻ കഴിയുമെന്ന്..... പക്ഷെ ആഗ്രഹിച്ചിരുന്നു..... ഇന്നും ഇന്നലെയുമല്ല..... വർഷങ്ങളായി....... പുറത്ത് നിന്നും വീഴുന്ന തണുത്ത കാറ്റിൽ അവളുടെ മുടിയിഴകൾ അവന്റെ മുഖത്തേക്ക് പാറി വീണതും വകഞ്ഞു മാറ്റാതെ അവനങ്ങനെയിരുന്നു.... അതേ .... അവളുടെ സാമീപ്യം താനും ആഗ്രഹിക്കുന്നുണ്ടെന്ന തിരിച്ചറിവ് കൂടിയായിരുന്നത്..... അകന്ന് പോയാൽ നികത്താൻ പറ്റാത്തൊരു വിടവ് തീർക്ക തക്ക വിധമവൾ തന്നിൽ പറ്റി പ്പിടിച്ചിട്ടുണ്ടെന്ന ബോധ്യപ്പെടലായിരുന്നത്... ഗ്രാമങ്ങളും നഗരങ്ങളും തങ്ങൾക്ക് മുന്നിലൂടെ കടന്ന് പോയി....... കായലീനപ്പുറം അലയടിക്കുന്ന കടലിനെ ചൂണ്ടി കാണിക്കുമ്പോൾ ഒന്ന് കൂടി അവൾക്കടുത്തേക്ക് ചാഞ്ഞിരുന്നവൻ.... കടലിനേക്കാൾ ശക്തിയിൽ അവളുടെ ഹൃദയം അലയടിക്കുന്നത് അവന് കേൾക്കാമായിരുന്നന്നേരം...... അവരവിടെയെത്തുമ്പോൾ നേരം സന്ധ്യ യായി തുടങ്ങിയിരുന്നു..... നഗരത്തിന്റെ സുഖമുള്ള തിരക്കിൽ വെളിച്ചം പരന്ന നേരമായിരുന്നത്..... അവനവളെ നീലാംബരത്തിലേക്ക് കൂട്ടി കൊണ്ട് പോകാൻ തന്നെയായിരുന്നു കണക്ക് കൂട്ടിയത്..... തന്റെ കൂടെ തനിച്ചവളെ താമസിപ്പിക്കൂന്നത് ശെരിയല്ലല്ലോ...... റയിൽ വേ സ്റ്റേഷനിലേക്ക് കാറുമായി റിജിൻ വന്നിരുന്നു..... റിജി.... കുറച്ചു സാധനങ്ങൾ വാങ്ങണം.... ആ മൈഥിലി മാർട്ടിലൊന്ന് നിർത്ത് കേട്ടോ...... അഭി റിജിനോടത് പറഞ്ഞതും റിജിൻ തലയോന്ന് കുലുക്കി......... നീലാംബരി യാണെങ്കിൽ ഏറെ അസ്വസ്ഥയായി തുടങ്ങിയിരുന്നു.... താൻ.... വരുന്നുണ്ടോ..... കുറച്ചേറെ സാധനങ്ങൾ വാങ്ങാനുള്ളത് കൊണ്ട് തന്നേ അഭി പോകുമ്പോൾ അവളോടായത് ചോദിച്ചിരുന്നു...... ഇല്ലാ....... ഞാനിവിടെയിരുന്നോളാം..... അവളിൽ നിന്നാ ഉത്തരം അവൻ പ്രതീക്ഷിച്ചിരുന്നില്ല.... തന്റെ കൂടെയുള്ള നിമിഷങ്ങൾ അവൾ വിട്ട് കളയുമെന്ന് അവൻ കരുതിയിരുന്നില്ല..... അതിന്റെയൊരു നിരാശ അവന്റെ മുഖത്തും പ്രകടമായെങ്കിൽ കൂടി അവൻ നടന്നു...... അവളാകെ ക്കൂടി ഭയത്തോടെ ചുറ്റും നോക്കി അങ്ങനെയിരുന്നിരുന്നു..... സാധനങ്ങളെല്ലാം വാങ്ങി ക്കഴിഞ് അഭിയും റിജിനും വരുമ്പോൾ കാറിൽ ഇരുന്നിരുന്നവളെ കാണുന്നില്ലായിരുന്നു...... ഒരു നിമിഷം അവനൊന്നു ഞെട്ടി.... അവളെങ്ങോട്ട് പോയി ക്കാണും..... പരിചിത മല്ലാത്ത ഒരിടത്ത് അവളെന്തിന് പുറത്ത് പോകണം.... ഒരായിരം ചോദ്യം അവന്റെ തലയിൽ മുഴങ്ങി നിന്നു...... നിൽക്കുന്നതിനു ചുറ്റുമുള്ള വഴികളിലെല്ലാം തന്നേ റിജിനും അഭിയും അവളെ തിരഞ്ഞു.... അഭിയുടെ നെഞ്ചിടിപ്പ് കൂടി....... ആ കുട്ടിയെ ആരോ ഒരു കാറിൽ കയറ്റി കൊണ്ട് പോകുന്നത് കണ്ടല്ലോ.... അപ്പഴേ എനിക്കൊരു സംശയം തോന്നി..... അവസാനം കാർ പാർക്ക്‌ ചെയ്ത ഏരിയ യിലേ ഒരു കടക്കാരനാണത് പറഞ്ഞത്.... ഒരു നിമിഷം അഭി തറഞ്ഞു പോയി.... ഒരു പക്ഷെ അവളെ പിന്തുടരുന്നവരെന്ന് അവൾ ഭയന്നിരുന്ന വരാകുമോ...... അഭിക്കെന്ത് ചെയ്യണമെന്നറിയില്ലായിരുന്നു..... അവളെ കൂടെ കൂട്ടാത്തതിൽ അവന് അങ്ങേയറ്റം കുറ്റ ബോധം തോന്നി..... പിന്നയെല്ലാം പെട്ടെന്നായിരുന്നു...... ആ രാത്രി തീരാൻ അവൻ കാത്തു നിന്നിരുന്നില്ല... അവിടെയുള്ള സി സി ടീവി ക്യാമെറകളിൽ നിന്നും അവളെ കൊണ്ട് പോയ വണ്ടി കിട്ടി...... ആ വണ്ടിയുടെ ആർ സി ഓണറായി ചെന്ന് നിന്നത് മുൻ ആഭ്യന്തര മന്ത്രി പ്രകാശ് രാജിന്റെ മകൻ മനീഷ് രാജിലാണ്...... അവനാകെ കൂടി ആശങ്ക യിലായിരുന്നു..... ചോദ്യങ്ങൾ നീണ്ടു നീണ്ടു പോകുകയായിരുന്നു..... അവളും മനീഷ് രാജും തമ്മിലുള്ള ബന്ധമെന്തായിരിക്കും..... ഇത്രയും ആൾ തിരക്കുള്ള ഒരിടത്ത് നിന്ന് അവനവളെ കൊണ്ട് പോയതെന്തിനായിരിക്കും..... അവനൊന്നും അറിയുന്നില്ലായിരുന്നു.... എങ്കിലും അവനവിടം വരെ പോകേണ്ടതുണ്ടായിരുന്നു...... കാരണം അവനവളെ കണ്ടെത്തണമായിരുന്നു... അവൻ സ്വയം കാറെടുത്തു പ്രകാശ് രാജിന്റെ വീടിനെ ലക്ഷ്യമാക്കി പായുമ്പോൾ അവളെന്നല്ലാത്തൊരു ചിന്തയും അവനിലില്ലായിരുന്നു..... താനൊരു പാട് തവണ നേരിട്ട് കണ്ടിട്ടുള്ള മനുഷ്യ നാണ് പ്രകാശ് സർ..... ഒരുപാട് കാര്യങ്ങളിൽ തന്നെയേറെ സഹായിച്ചിട്ടുള്ള വ്യക്തിയാണ്..... ഇന്ന് മകന്റെ കാര്യത്തിൽ മോശമായി സംസാരിക്കണ്ടി വരുമോ യെന്നൊരു ആശങ്ക യുണ്ടായിരുന്നവന്റെ മനസ്സിൽ..... എങ്കിൽ കൂടി അവനവളെ കണ്ടെത്തുക എന്നതായിരുന്നു പ്രധാനം..... കൊട്ടാരം പോലെയുള്ള ആ വീടിന്റെ മുമ്പിൽ അവൻ കാറ് നിർത്തുമ്പോൾ ഉള്ളിൽ വല്ലാത്തൊരു പിടപ്പുണ്ടായിരുന്നു.... വലിയ ആ വീടിന്റെ ചുറ്റു മതിലിനു മുകളിൽ പതിപ്പിച്ച സോളാർ ലൈറ്റുകൾ അരണ്ട വെളിച്ചത്തിൽ കത്തി തുടങ്ങിയിട്ടുണ്ട്..... ഇരുട്ടിൽ ആ വീടേറേ പ്രകാശത്തോടെ എടുത്ത് കാണുന്നുണ്ട്....... മൂന്ന് നിലയെന്ന് തോന്നിക്കുന്ന ആ വീടിന്റെ വാതിൽ അവന് മുമ്പിൽ തുറക്കപ്പെട്ടതും അവൻ അകത്തേക്ക് കയറി.... ആരിത്..... അഭി മന്യു വോ.... വാടോ.... കണ്ടിട്ട് കുറച്ചായല്ലോ തന്നേ..... പ്രകാശ് സർ ഏറെ സ്നേഹത്തോടെ തന്നേ ക്ഷണിച്ചിരിത്തുമ്പോൾ പറയാനുള്ളത് അവന്റെ തൊണ്ട ക്കുഴിയിൽ കുരുങ്ങി നിന്നു.... സർ... ഞാനൊരു കാര്യം പറയാനാണ് വന്നത്.... സാറിന്റെ മകൻ മനീഷോരു പെൺകുട്ടിയെ കടത്തി കൊണ്ട് പോയിട്ടുണ്ട്..... അതും എന്റെ അടുത്ത് നിന്ന്... അവനേറെ പ്രയാസത്തോടെ അത് പറയുമ്പോൾ ആ മുഖമൊന്നു മാറി....... അതവൻ പ്രതീക്ഷിച്ചിരുന്നു.... അഭി മന്യു പറയുന്ന പെൺകുട്ടി ദ്ദേ അതാണോ...... പ്രകാശ് ഒരു നിമിഷം എഴുന്നേറ്റ് നിന്ന് ചുമരിലെ ഫോട്ടോ യിലേക്ക് ചൂണ്ടി യത് ചോദിക്കുമ്പോൾ അഭി തലയൊന്ന് ചെരിച്ചു... ചുമരിൽ തൂക്കിയിട്ട ആ ഫോട്ടോയിലേക്ക് നോക്കി അവനൊരു നിമിഷം തറഞ്ഞു പോയിരുന്നു...... നീലാംബരി.... അഭി യുടെ ചുണ്ടുകൾ മന്ത്രിച്ചു...... എന്റെ മോളാ.... മൈഥിലി...... അന്തിച്ചു നിൽക്കുന്ന വനെ നോക്കിയൊരു പുഞ്ചിരിയോടെ പ്രകാശതും കൂടി പറഞ്ഞതും അഭി ശ്വാസം പോലും വിലങ്ങി അങ്ങനെ നിന്നു പോയിരുന്നു..... (തുടരും) Aysha Akbar #💞 പ്രണയകഥകൾ #📔 കഥ