#📙 നോവൽ നോക്കിയപ്പോൾ ഗംഗ അവനെ നോക്കി ചെറുതായി ഒന്ന് പുഞ്ചിരിക്കുവാൻ ശ്രമിച്ചു. മോനേ, അനന്ത, ഈ കൊച്ച് പോകാൻ തീരുമാനിച്ചില്ലേ, എന്തായാലും ഗംഗ മോളുടെ ഇഷ്ടം പോലെ ചെയ്തോട്ടെ,,, കാരണം അനുഭവിച്ചത് മുഴുവൻ ഈ കുഞ്ഞാണല്ലോ, വേറെ നാട്ടിലേക്ക് പോകുന്നതാണ് നല്ലതെങ്കിൽ പോയി ജീവിക്കട്ടെ,, ഇനിയെങ്കിലും സമാധാനം കിട്ടട്ടെ എന്റെ കുഞ്ഞിന്,,,, അതിനുമുൻപ് വൈകുന്നേരം അമ്പലത്തിൽ ഒന്നു പോണം മോനെ,,,, ഭദ്രകാളിയെ തൊഴുതു പ്രാർത്ഥിക്കണം,, ജീവിതം ഭദ്രമാക്കുന്നവളാണ് ഭദ്രകാളി, ഇനി ഒരിക്കലും ഗംഗമോൾക്ക് കണ്ണ് നനയാൻ ഇടയുണ്ടാവരുത്. . നിനക്ക് വൈകിട്ട് എന്തെങ്കിലും പരിപാടി ഉണ്ടോ മോനെ,,, അവർ ചോദ്യ ഭാവത്തിൽ മകനെ നോക്കി.. അമ്മേ,,, ലോഡ് എടുക്കാൻ നാളെ വെളുപ്പിനെയാണ് പോകേണ്ടത്,, വൈകിട്ട് എനിക്ക് പ്രത്യേകിച്ച് പരിപാടിയൊന്നുമില്ല.. അമ്മയും കൂടി ഒരുങ്ങിക്കോളൂ നമുക്ക് പോയിട്ട് വരാം.. കുടുംബശ്രീയുടെ ഒരു കമ്മിറ്റിയുണ്ട് മോനെ,, ചെന്നില്ലെങ്കിൽ ആ ലതിക കിടന്ന് ബഹളം കൂട്ടും,,, എങ്കിൽ പിന്നെ മാളു കൂടി പോരട്ടെ.. അവളാണ് ആശംസകൾ പറയുന്നത്.. പഞ്ചായത്ത് പ്രസിഡന്റ് ഒക്കെ വരുന്ന പരിപാടിയാ. നിങ്ങൾ രണ്ടാളും കൂടി പോയിട്ട് വന്നാൽ മതി. മ്മ്... നോക്കട്ടെ.. പറഞ്ഞുകൊണ്ട് അനന്ദൻ അവന്റെ മുറിയിലേക്ക് പോയി.. ഗംഗ രേണുവിനെ വിളിച്ചിട്ട് ജോലിക്ക് വരുന്ന കാര്യത്തെക്കുറിച്ച് ഒക്കെ കാര്യമായിട്ട് സംസാരിക്കുന്നുണ്ട്. എല്ലാം കേട്ടുകൊണ്ട് അകത്തെ മുറിയിലെ കട്ടിലിൽ കിടക്കുകയാണ് അനന്തൻ. അനന്തേട്ടനെ ഞാൻ എന്റെ സഹോദരൻ ആയിട്ടാണ് കണ്ടിരിക്കുന്നത്... അൽപ്പം മുൻപ് അവൾ പറഞ്ഞ വാചകങ്ങൾ ഓർത്തുകൊണ്ട് അനന്തൻ അങ്ങനെ കിടന്നു. പാവം.... എവിടെയാണെങ്കിലും സമാധാനത്തോടെ ജീവിച്ചാൽ മതി. അപ്പോഴേക്കും വാതിൽ തുറന്നിട്ട് ഗംഗ മുറിയിലേക്ക് വന്നു.. വലംകൈ മടക്കി വെച്ചുകൊണ്ട് കണ്ണുകൾ മറച്ചുപിടിച്ച് കിടക്കുകയാണ് അനന്തൻ. അനന്തേട്ടാ... ഗംഗ വിളിച്ചതും അവൻ കിടക്കയിൽ നിന്നും എഴുന്നേറ്റു. ഉറങ്ങുവായിരുന്നോ... അല്ലടോ.. ഞാൻ വെറുതെ കിടന്നതാ.. ഇവിടുന്ന് എറണാകുളത്തേക്ക് ചെല്ലാനാണ് പറഞ്ഞത്. അവളും ഒപ്പം പോരാമെന്ന് ഏറ്റിട്ടുണ്ട്. അല്ലെങ്കിലും എനിക്ക് ഒറ്റയ്ക്ക് പോകാനും ഒരു ബുദ്ധിമുട്ടുണ്ടായിരുന്നു. ഹമ്.. നാളെ എപ്പോൾ ചെല്ലാനാണ്... എനിക്ക് രണ്ടു മണിയാകുമ്പോഴേക്കും എറണാകുളത്ത് എത്തണം. അഞ്ചിന്റെ ബസ്സിന് ബാംഗ്ലൂർക്ക് തിരിക്കാം എന്നാണ് അവൾ പറഞ്ഞത്. ഇവിടുന്ന് ആറുമണിക്ക് ഒരു സൂപ്പർഫാസ്റ്റ് ഉണ്ട് അതിനു പോകാം.... രണ്ടു മണിയാകുമ്പോഴേക്കും എത്തുമോ അനന്തേട്ടാ... ആഹ് അതിനു മുന്നേ ചെല്ലും... അലക്ഷ്യമായി പറഞ്ഞുകൊണ്ട് അവൻ വീണ്ടും കട്ടിലിലേക്ക് കിടന്നു. അനന്തേട്ടന് എന്തെങ്കിലും ക്ഷീണം ഉണ്ടോ....? അവൻ വീണ്ടും കിടക്കുന്നത് കണ്ടുകൊണ്ട് ഗംഗ ചോദിച്ചു.. ഇല്ല..... അതും പറഞ്ഞുകൊണ്ട് അവൻ കിടന്നു ഇത്തിരി നേരം കൂടി അവൾ മുറിയിൽ നിന്നിട്ടും അനന്തൻ ഒന്നും ചോദിക്കാതെ വന്നപ്പോൾ ആകെ കൂടി സങ്കടം. അനന്തേട്ടന് തന്നോട് എന്തെങ്കിലും ദേഷ്യമോ വെറുപ്പ് ഉണ്ടോ എന്നൊക്കെ അവൾ ചിന്തിച്ചു. എന്തായാലും ഈ ചുരുങ്ങിയ ദിവസങ്ങൾ തനിക്ക് അഭയം തന്ന ആളാണ്.. ഈ മനുഷ്യന്റെ സ്ഥാനം തന്റെ ഉള്ളിൽ എത്രത്തോളം ആണെന്നുള്ളത് തനിക്ക് മാത്രമേ അറിയൂ.. അതുപോലെ തന്നെയാണ് ഇവിടുത്തെ ഓരോരുത്തരും.. ഇവരെയൊക്കെ വെറുതെ തന്റെ പേരിൽ ബുദ്ധിമുട്ടിപ്പിക്കുന്നത് ഒരുപാട് സങ്കടമുള്ള കാര്യമാണ്. അതുകൊണ്ടാണ് ബാംഗ്ലൂരിലേക്ക് ആണെങ്കിലും പോകുന്നത്. ഓർത്തു കൊണ്ട് ഇത്തിരി നേരം കൂടി മുറിയിൽ നിന്നിട്ട് അവൾ പുറത്തേക്ക് ഇറങ്ങിപ്പോയി. അവൾ പോയ വഴിയെ അനന്തൻ ഒന്നു നോക്കി. എന്തിനാണ് തനിക്ക് ഇത്രയ്ക്ക് വിഷമം... ഇവള് പോകുന്നെങ്കിൽ പോട്ടെ... അല്ലെങ്കിലും ഇവള് തന്റെ ആരുമല്ലല്ലോ.. അവൻ എഴുന്നേറ്റ് ഒരു ഷർട്ടും എടുത്തിട്ട് കൊണ്ട് പുറത്തേക്ക് ഇറങ്ങി. ബൈക്ക് സ്റ്റാർട്ട് ചെയ്യുന്ന ശബ്ദം കേട്ട് ഉമ ഓടി വന്നപ്പോൾ ചെമ്പരത്തി വേലിയും പിന്നിട്ട് അനന്തന്റെ ബൈക്ക് ഇരമ്പി പോകുന്നുണ്ടായിരുന്നു. അവൻ എങ്ങോട്ടാണ് പോയത്? മാളു... അനന്തൻ എവിടെ പോയതാ പെണ്ണെ. അറിയില്ല അമ്മേ... ഞാൻ അകത്തു ആയിരുന്നു.. മാളു ആണെങ്കിൽ ഗംഗ പോകുന്ന കാര്യങ്ങൾ വിഷ്ണുവിന് മെസ്സേജ് അയച്ച് അറിയിക്കുകയാണ്. അതെന്താ പെട്ടെന്ന് പുള്ളിക്കാരി പോകുന്നത്? ചേച്ചിയുടെ പരിചയത്തിലുള്ള ഒരു ഫ്രണ്ട് ബാംഗ്ലൂരിൽ വർക്ക് ചെയ്യുന്നുണ്ട്. അവർ ഒരു ജോലി ശരിയാക്കി കൊടുത്തു. ചേച്ചിയുടെ പോരാൻ പറഞ്ഞിട്ടുണ്ട്..ഓൺലൈൻ ആയിട്ട് ഇന്റർവ്യൂ ഒക്കെ കഴിഞ്ഞു.. മ്മ്.... പോകാൻ തന്നെ തീരുമാനിച്ചു അല്ലേ.. അതെ,,, ഇവിടെ നിന്നിട്ടുണ്ടെങ്കിൽ ചിലപ്പോൾ ചേച്ചിയുടെ വീട്ടുകാര് അന്വേഷിച്ചു വരാൻ ചാൻസ് ഉണ്ടെന്നു പറഞ്ഞു.. ഹേയ്.. അത് വെറും തെറ്റിദ്ധാരണയാണ്, യാതൊരു കാരണവശാലും ആ വീട്ടുകാര് വരില്ല. ആ തന്തയൊക്കെ ഇതിനിട്ട് അടിക്കുന്നത് ഞാൻ എന്റെ കൺമുമ്പിൽ വച്ച് കണ്ടതല്ലേ.. ബസ്റ്റോപ്പിൽ വച്ച് ആദ്യമായി കണ്ട കാര്യങ്ങളും അവളുടെ അച്ഛന്‍ വന്നിട്ട് അടിച്ചതും ഒക്കെ വിഷ്ണു ഒന്നുകൂടി മെസ്സേജ് അയച്ചു അവളോട് പറഞ്ഞു. എന്തൊരു കഷ്ടമാണ് വിഷ്ണുവേട്ടാ... ഇങ്ങനത്തെ അച്ഛനെയും അമ്മയെയും ഞാൻ എന്റെ ജീവിതത്തിൽ കണ്ടിട്ടില്ല.. എന്നാ പറയാനാ... ആ തന്ത വെറും ചെറ്റയാണ്.. അതെനിക്ക് ഉറപ്പാ.. മ്മ്.... അപ്പോൾ അവർ വരില്ലെന്ന് ഉറപ്പാണോ... നൂറിൽ നൂറ്റൊന്നു ശതമാനം ഉറപ്പാണ്.. ആരും ഈ പെൺകുട്ടിയെ തിരക്കി വരില്ല. ശോ... എന്നാൽ പിന്നെ ചേച്ചി യെ വിടണോ.. വളരെ പാവമാണ്,, എനിക്കും അമ്മയ്ക്കും ഒക്കെ ഒരുപാട് ഇഷ്ടമായി. അതുകൊണ്ടല്ലേ നിന്റെ അമ്മ ഈ നേരം കൊണ്ട് കല്യാണം വരെ ആലോചിച്ചത്. ഇനി അതാണാവോ ചേച്ചി പോകുന്നത്...? ഹേയ്.... അതല്ല വിഷ്ണുവേട്ടാ ചേച്ചിക്ക് അമ്മ പറഞ്ഞപ്പോൾ മുതൽ ആകെക്കൂടി വെപ്രാളമായി... അതല്ല വിഷ്ണുവേട്ട, ചേച്ചി എന്നിട്ട് ഞങ്ങളോട് പറയുവല്ലേ എന്നെ സഹോദരി ആയിട്ടും അനന്തേട്ടനെ സഹോദരന്റെ സ്ഥാനത്തുമായിട്ടാണ് ചേച്ചി കാണുന്നതന്നു. ബെസ്റ്റ്...... നിന്റെ അമ്മയ്ക്ക് എന്തിന്റെ കേടാണ്... ചില നേരത്ത് അമ്മയുടെ സ്വഭാവം ഇങ്ങനെയൊക്കെയാണ്. എനിക്ക് കൂടി പിടിക്കത്തില്ല. നിന്നോട് ഇക്കാര്യങ്ങളൊക്കെ ഞാനാണ് പറഞ്ഞതെന്ന് അറിഞ്ഞപ്പോൾ അമ്മയും അനന്തേട്ടനും എന്തു പറഞ്ഞു. പ്രത്യേകിച്ചൊന്നും ചോദിച്ചില്ല.. ചോദിക്കാനുള്ള അവസരംമൊത്തു വന്നില്ല. ഇനി എപ്പോഴാണോ ചർച്ച തുടങ്ങുന്നത് എന്ന് എനിക്കറിഞ്ഞുകൂടാ.. ഏതാണ്ടൊക്കെ അറിയാമെന്ന് തോന്നുന്നു അല്ലേടി.. ഹമ്... അനന്തേട്ടന് സംശയമൊക്കെയുണ്ട്, പിന്നെ എന്റെ സീനിയർ ആയിരുന്നതുകൊണ്ടും, നമ്മള് ഒരേ കരയോഗം ആയതുകൊണ്ട് ഒക്കെ അത്രക്കങ്ങട് ചോദ്യങ്ങളൊന്നും വന്നിട്ടില്ല. മ്മ്.... എന്നാൽ ശരി..ഞാൻ പിന്നെ മെസ്സേജ് അയക്കാം കേട്ടോ.. അമ്മ വിളിക്കുന്നുണ്ട്. അവൾ ഫോൺ വച്ചിട്ട് എഴുന്നേറ്റ് അടുക്കളയിലേക്ക് പോയി. അന്നത്തെ ദിവസം ഊണ് കഴിക്കുവാൻ നേരമായപ്പോഴാണ് അനന്തൻ എത്തിയത്. അവന്റെ ഒപ്പം സെൽവവും ഉണ്ടായിരുന്നു. ഗംഗ പോകുന്ന കാര്യങ്ങൾ അറിഞ്ഞ് വന്നതാണ് സെൽവം. അവനെ കണ്ടതും ഗംഗ പരിചിതഭാവത്തിൽ ചിരിച്ചു. ചേച്ചി എവിടേക്കും പോകണ്ട കേട്ടോ,, അണ്ണൻ ജോലിയൊക്കെ റെഡിയാക്കി തന്നിട്ടില്ലേ, ലീനാമ്മ ആകുമ്പോൾ യാതൊരു കുഴപ്പവുമില്ല.. ധൈര്യമായിട്ട് അവിടെ ജോലി ചെയ്യാം. ഈ നാടും നാട്ടുകാരും ഒക്കെ നല്ല ആളുകളാ ചേച്ചി. ഇവിടേ ചേച്ചിയുടെ ദേഹത്ത് കൈവെക്കാൻ ആരും ധൈര്യത്തോടെ വരില്ലന്നേ.. സെൽവം പറയുന്നത് കേട്ടുകൊണ്ട് അനന്തൻ ഉമ്മറത്തേക്ക് കയറിയത്. പോകുന്നവരൊക്കെ പൊയ്ക്കോണം.. ഇനി നാളെ ഒരിക്കൽ ഇവിടെ ഒരു ബാധ്യതയാകരുത്. ഗൗരവത്തിൽ പറഞ്ഞുകൊണ്ട് അനന്തൻ കയറി വന്നതും ഗംഗ സങ്കടത്തോടെ മുഖമുയർത്തി അവനെ നോക്കി. തുടരും. ഇഷ്ടമാകുന്നുണ്ടെങ്കിൽ സപ്പോർട്ട് തരണേ. ഗംഗ പോകുമോ,,, പുതിയ നായകൻ വരുമോ,,, അതോ അനന്തേട്ടന് അവളെ ഉപേക്ഷിക്കാൻ ബുദ്ധിമുട്ടാവുമൊ... എല്ലാം കണ്ടറിയാം തുടരും