ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlNjGl6k?d=n&ui=v64j8rk&e1=c പെയ്തൊഴിയാതെ ഭാഗം... 31 ******** വാവോ... വാവാവോ.. ഉപ്പാടെ മുത്തല്ലേ.. ചാച്ചിക്കോ. വാവവുറങ്ങു മുത്തേ... കുഞ്ഞിനെ തോളിൽ കിടത്തികൊണ്ട് റഫീഖ് അങ്ങോട്ടും ഇങ്ങോട്ടും നടന്നു.. ******** റഫീഖേ.... റഫീഖേ.... സമയം എത്രയായി എണീറ്റില്ലേ ഇത് വരെ.. ഡാ..... റഫീഖേ.... റബ്ബേ... ഇവനെന്ത്പറ്റി എത്ര വിളിച്ചിട്ടും....ശബ്ദം ഒന്നും കേൾക്കുന്നില്ലല്ലോ.... റഫീഖേ.... റഫീഖേ.... അഹ്... എനിക്കറിയാം...ചിലപ്പോ.. എന്നോടുള്ള ദേഷ്യം കൊണ്ട് മിണ്ടാതെ കിടക്കുന്നതാവും. ഞാനിന്നലെ ഷെമിയെ നിക്കാഹ് കഴിക്കാൻ പറഞ്ഞത് നിനക്കിഷ്ടപെട്ടില്ലല്ലോ.. അവിടെ കിടക്ക് നിന്റെ വാശി എവിടെ വരെ പോകുമെന്ന് ഞാനും നോക്കട്ടെ.... അല്ല..പിന്നേ..എന്നോടാ കളി. ഞാനെന്തെങ്കിലും തീരുമാനിച്ചിട്ടുണ്ടെങ്കിൽ അത് നടത്തിയിരിക്കും... അത് ഉറപ്പാ... ഈ....വകവാശികളൊന്നും എന്റെടുത്ത് വില പോവില്ല..മോനെ റഫീഖേ... അതും പറഞ്ഞുകൊണ്ട് ഉമ്മ തിരിഞ്ഞു നടന്നു... അടുക്കളയിലേക്ക്... ***** മാഹിറ... എനിക്ക് ഒട്ടും വെയ്യ. ഞാനിവിടെ കാണുന്ന കസേരയിൽ ഇരിക്കാം ഇയ്യ് ലിസ്റ്റ് എടുത്തിട്ട് വേഗം വാ... മഹിറ ഉമ്മയെ ഡോക്ടറെ കാണിക്കാൻ ലിസ്റ്റ് എടുക്കാൻ വരി നിൽക്കുന്നതിനിടയിലാണ്‌ മോനുമായി ഓടിവരുന്ന റഫീഖിനെ കണ്ടത്... റബ്ബേ... എന്റെ കുഞ്ഞിനെന്താ.. അടുത്തേക്ക് ഓടിച്ചെന്നാൽ ആളുകൾ കേൾക്കുവിധം എന്നെ നാറ്റിച്ചാൽ ഞാനത് കേൾക്കണ്ടെ...അവൾ സമാധാനമില്ലാതെ അവരെ തന്നെ നോക്കിനിന്നു...ഉമ്മാനെ കാണിക്കാൻ എടുത്ത ലിസ്റ്റും കയ്യിൽ പിടിച്ചുകൊണ്ട്... മാഹിറ.... മോളെ കിട്ടിയില്ലേ.ലിസ്റ്റ്. എനിക്ക് തീരെ വെയ്യ... ഉമ്മ അവളെ വിളിച്ചപ്പോഴാണ് അങ്ങിനെ ഒരാളുമായിട്ടാണല്ലോ..അവൾ വന്നതെന്ന്..തന്നെ ഓർത്തത്...മോനെ കണ്ടതോടെ....അവളെല്ലാം മറന്നിരുന്നു....വേഗം ചെന്ന് ഉമ്മയെ ഡോക്ടറേ കാണിച്ച് ഉമ്മാക്കുള്ള മരുന്നും വാങ്ങി ഒരുഭാഗത്തായി ഉമ്മയെ കൊണ്ട് പോയി ഇരുത്തി.. ഉമ്മയോട് വിവരം പറഞ്ഞുകൊണ്ട്...അവൾ അവരുടെ അടുത്തേക്ക് നടന്നു... ഇവിടെയൊന്നും കാണാൻ ഇല്ലല്ലോ...റബ്ബേ.. അവരെ രണ്ട് പേരെയും അവൾ അന്വേഷിച്ച് നടക്കുന്നതിനിടയിലാണ് കുട്ടികളുടെ വാർഡിൽ നിന്നും ഒരു കുഞ്ഞിന്റെ കരച്ചിൽ നിർത്താതെ കേൾക്കുന്നത് അവളുടെ ശ്രദ്ധിയിൽ പെട്ടത്.....അവളാ.. ഭാഗത്തേക്ക്‌ ഓടി ചെന്നു.. അറിയാത്ത ആരുടെയോ കയ്യിൽ കിടന്ന് തന്റെ കുഞ്ഞ് പേടിച്ച് നിലവിളിക്കുന്നു... അവൾ അങ്ങോട്ടേക്കായി ഓടി ചെന്നു. ഇവന്റെ ഉപ്പയെവിടെ..? " അതിന്റെ കൂടെ ആരും വന്നിട്ടില്ല....കുഞ്ഞിനെ ഞങ്ങളെ കയ്യിൽ ഏല്പിച്ചിട്ട് അതിന് മരുന്ന് വാങ്ങാൻ പോയേക്കുവാ...അവിടെയുള്ള ഒരു സിസ്റ്റർ പറഞ്ഞു.. നിങ്ങൾ ആരാ...? " കുറച്ചുസമയം എന്ത് പറയണമെന്നറിയാതെ അവൾ പകച്ചു.... ഞാൻ..... ഞാ...ൻ അവരുടെ... തൊട്ടടുത്ത വീട്ടിലേയാ.. മോന്റെ കരച്ചിൽ കേട്ടപ്പോൾ വന്ന് നോക്കിയതാ.... ഇങ്ങ് തന്നെ ഞാനെടുക്കാമവനെ. അവൾ അവരുടെ കയ്യിൽ നിന്നും കുഞ്ഞിനെ വാങ്ങിയെടുത്തു.. കരഞ്ഞു തളർന്നകുഞ്ഞിന്റെ രണ്ട് കവിളിലുമായി മാറി മാറി ചുംബിച്ചു... റബ്ബേ... നല്ലോണം പനിക്കുന്നുണ്ടല്ലോ എന്റെ കൊച്ചിന്.... ഇക്ക അവനെ കൊണ്ട് പോയാൽ ശരിയാകുമോ.?! ഇക്കാനെകൊണ്ട് അവനെ നോക്കാൻ കഴിയുമോ...? " അവൾ കൊച്ചിനെ മടിയിൽ വെച്ചുകൊണ്ട്...അവിടുത്തെ ബെഡിലേക്കിരുന്നു. അവളൊന്ന് ചെറുതായി തോളിലിട്ട് കുലുക്കിയപ്പോ.. അവൻ ഉറങ്ങിപ്പോയി കുഞ്ഞിന് അത്രയും ക്ഷീണം ഉണ്ടായിരുന്നു....അപ്പോഴും പൊള്ളുന്ന പനിയായിരുന്നു. അവൾ മോന്റെ മുഖവും തലയിലൂടെയെല്ലാം പതിയെ തലോടികൊണ്ടിരുന്നു... കുട്ടിയുടെ മെഡിസിനും വാങ്ങികൊണ്ട് വരുമ്പോഴാണ് റഫീഖ് ആ..കാഴ്ച്ച കണ്ടത്. മാഹിറ കുഞ്ഞിനെയെടുത്ത് മടിയിൽ വെച്ച് തലോടികൊണ്ടിരിക്കുന്നു. അവളെ കണ്ടതും അവനൊന്നു ഞെട്ടി... ഇവളെന്താ..ഇവിടെ... ഞങ്ങൾ ഇവിടെയുള്ള കാര്യം അവളെങ്ങിനെ അറിഞ്ഞു. അവൾ മോനെ കൊഞ്ചിപ്പിക്കുന്നതും, മോനെ കൊച്ചുവർത്തമാനം പറഞ് തലോടുന്നതും, അവൻ നീരസത്തോടെ നോക്കിനിന്നു... മാഹിറ മോനെ നോക്കി പുഞ്ചിരിക്കുന്നുണ്ടെങ്കിലും അവളുടെ മുഖത്തും, കണ്ണുകളിലും ഉള്ളിൽ കിടന്ന് എന്തോ..എരിയുന്നത് പോലെ നിഴലിച്ചു കാണാമായിരുന്നു.. അവളുടെ മുഖത്തത് അത് പ്രകടമായിരുന്നു. എന്തായാലും അവളുടെ മുന്നിൽ ചെന്ന് ഇപ്പോ ചാടണ്ട. എന്തൊക്കെ പറഞ്ഞാലും അവനിപ്പോ ആഗ്രഹിക്കുന്ന ഒന്നാണ് അവൾ നൽകികൊണ്ടിരിക്കുന്നത്. അവന്റെ ഉമ്മയുടെ ലാളനയും കരുതലും...അവന്റെ ഉമ്മയെ പോലെ അത് മറ്റാർക്കും കൊടുക്കാൻ പറ്റില്ലല്ലോ. ഞാനാപരീക്ഷണത്തിൻ തോറ്റുപോയവനാണ്.. മാഹിറ കുഞ്ഞിനെ തോളിലിട്ട് തട്ടിക്കൊണ്ടിരിക്കുമ്പോഴാണ്. ഒരു സ്ത്രീ അങ്ങോട്ട് വന്ന് മാഹിറയോട് പറയുന്നത്. നിങ്ങളുടെ ഉമ്മയല്ലെ അപ്പുറത്ത് ഇരുന്നിരുന്നത്. "അതെ... എന്തെ..." അത്‌ തലകറങ്ങി നിലത്ത് വീണു...ഇപ്പോ ആരൊക്കെയോ താങ്ങി പിടിച്ചുകൊണ്ട്... അപ്പുറത്തെ വാർഡിലേക്ക് കൊണ്ട് പോയിട്ടുണ്ട്... ആണോ..." അവൾ മോനെയും കൊണ്ട് അവർ ചൂണ്ടിയ ഭാഗത്തേക്ക്‌ ഓടി... സിസ്റ്റർ ഉമ്മ... ഉമ്മാക്ക് എന്ത് പറ്റി...? " "നിങ്ങൾ ഒരു മകളാണോ പനിച്ച് വിറച്ചിരിക്കുന്ന ഉമ്മയെ തനിച്ചാക്കി നിങ്ങൾ എവിടെ പോയതാ..." "അത് പിന്നേ മോനെ കാണിക്കാൻ..." "മഹ്.... വീഴ്ച്ചയിൽ നെറ്റിയിൽ ചെറിയ മുറിവ് ഉണ്ട്...വേറെ കൊഴപ്പൊന്നും ഇല്ല...ഇനി അവിടെക്കും ഇവിടേക്കും പോവാതെ ഉമ്മാനെ ശ്രദ്ധിക്ക്. "മഹ്... അവൾ മൂളിക്കൊണ്ട് തലയാട്ടി..." "ഉമ്മാ.... ഇപ്പോ എങ്ങിനെയുണ്ട് കുറവുണ്ടോ തലകറക്കം." അതെ"യെന്ന് ഉമ്മ പതിയെ തലയനക്കി... ഇക്ക...കുഞ്ഞിനെ തിരയുമോ... അവിടെ ഉണ്ടായിരുന്ന സ്ത്രിയെ വഴക്ക് പറയുമോ....ഉമ്മാനെ ഒറ്റക്ക് വിട്ടിട്ട് അങ്ങോട്ട് പോവാനും വെയ്യ....അവളാകെ വിഷമത്തിലായി.. കുറച്ച് കഴിഞ്ഞ് റഫീഖ്‌ കുട്ടികളുടെ വാർഡിൽ ചെന്ന് നോക്കിയപ്പോ.. മഹിറയെയും കുഞ്ഞിനേയും കാണാതെ അവനാകെ പരിഭ്രമിച്ചു.. എന്റെ കുഞ്ഞിനേയും കൊണ്ടവൾ പോയോ.. ആരോടാ ഒന്ന് ചോദിക്ക. സിസ്റ്ററേ... ഇവിടെ ഉണ്ടായിരുന്ന ഇത്ത എവിടെ...? " എന്റെ മോനെയും കൊണ്ടവർ എവിടെക്കാ പോയത്.... നിങ്ങൾ പറഞ്ഞത് കൊണ്ടല്ലേ ഞാനവനെ ഇവിടെ ഏൽപ്പിച്ചിട്ട് പോയത്... നിങ്ങളെ മോൻ അപ്പുറത്തുണ്ട്. നിങ്ങളുടെ തൊട്ടടുത്ത വീട്ടിലെ ഇത്തയുടെ കൈകളിൽ... എത്ര നേരായി നിങ്ങൾ കുഞ്ഞിനുള്ള മെഡിസിൻ വാങ്ങാൻ പോയിട്ട് ഇപ്പോഴാണോ വരുന്നത്.. മോന്റെ കാര്യത്തിൽ നല്ല ശ്രദ്ധയാണല്ലോ...? " മ്മ്.. തൊട്ടടുത്ത വീട്ടിലെയൊ അതാരാ...? " മാഹിറയിനി അവരോട് അങ്ങിനെയൊ..മറ്റോ.. ആണോ..പറഞ്ഞിട്ടുള്ളത്. അവൻ സ്വയം പറഞ്ഞു. അവർ ഏത് വാർഡിൽ ആണന്നും അത് ഏത് ഭാഗത്ത്‌ ആണന്നും അവർ പറഞ്ഞു കൊടുത്തത് പ്രകാരം റഫീഖ് അവിടേക്ക് ചെന്നു... ഉമ്മയെ പരിചരിച്ചു കൊണ്ടിരിക്കുന്ന മാഹിറയെയും...അപ്പുറത്തെ ബെഡിൽ തളർന്ന് കിടന്ന് ഉറങ്ങുന്ന മോനെയും കണ്ടപ്പോൾ.. റഫീഖ്‌ ഒന്ന് പരുങ്ങി കൊണ്ട് അവിടേക്ക് ചെന്നു...മെല്ലെ തൊണ്ടയനക്കിക്കൊണ്ട് അവരെ നോക്കി.. "ഞാൻ എന്റെ മോനെ കൊണ്ട് പോവാ...."എന്ന് പറഞ്ഞുകൊണ്ട് അവൻ കുഞ്ഞിനെ എടുക്കാൻ ശ്രമിച്ചു... "ഇക്കാ.... രണ്ട് ദിവസം മോൻ എന്റെ കൂടെ നിന്നോട്ടെ... പനിമാറുവോളം... ഇങ്ങനെ അവനെ കൊണ്ട് പോയാൽ എനിക്കെന്ത് സമാധാനമാണ് കിട്ടുക..." അവൻ ഒന്നും മിണ്ടാതെ ദൃഷ്ടികൾ താഴ്ത്തി. കുഞ്ഞിനെയെടുത്ത് തോളിലിട്ട് പുറത്തേക്ക് ഇറങ്ങി നടന്നു ഒന്നുമെ പറയാനാവാതെ ഉള്ളിൽ ഉരുകുന്ന ചൂടുമായി മാഹിറ മിഴികൾ നിറച്ചുകൊണ്ട് നോക്കി നിന്നു. അവർ അവിടെ നിന്നും നടന്നു നീങ്ങിയപ്പോൾ ഒലിച്ചിറങ്ങുന്ന കണ്ണീരുമായി ഉമ്മയുടെ അടുത്ത് തളർന്നിരുന്നു അവൾ. ആയുസ് വേഗമങ്ങ് തീർന്നുപോയിരുന്നങ്കിൽ എന്നവൾ ആശിച്ചുപോയി. ****** ഫാസിലെ... എടാ....ഇയ്യ്തുവരെ റെഡിയായില്ലേ... ദാ... വരുന്നു. ഫൈസലേ... അവനെ ഇഷ്ടം ഇല്ലാതെയാണ് കൂട്ടികൊണ്ട് പോവുന്നത്... പെണ്ണ് കാണാൻ ആണെന്ന് ഞാനവനോട് പറഞ്ഞിട്ടില്ല... വേണ്ട പറയണ്ട... എല്ലാ അവിടെ എത്തുന്നതിനു മുൻപ് അറിഞ്ഞാൽ മതി... അതെ... അപ്പോഴേക്കും ഫാസിൽ ഒരുങ്ങി കാറിൽ കയറി... എവിടെക്കാ ഇക്കാ.. പെട്ടന്ന് മുന്നറിയിപ്പ് ഇല്ലാത്ത ഒരു യാത്ര.... എവിടേക്കുമില്ല..എന്റെ ഫ്രണ്ടിന്റെ വീട്ടിലേക്കാണ് അവിടെ ചെറിയ ഒരു പരിവാടി ഉണ്ട് അതിലേക്ക് നമ്മളെയും ക്ഷെണിച്ചിട്ടുണ്ട്... അയ്യേ....അതിന് നിങ്ങൾക്ക് പോയാൽ പോരെ... ഞാൻ എന്തിനാ.. വെറുതെ അവിടെപ്പോയി പോസ്റ്റായി നിൽക്കാൻ... "പോസ്റ്റൊന്നും ആവില്ല.. ഞങ്ങളൊക്കെയില്ലേ.." "മ്മ്... എവിടെയാ.. സ്ഥലം...." "പുഴക്കാട്ടിരി. അങ്ങാടിയിൽ തന്നെയാ." "എന്തായാലും നിങ്ങൾക്ക് നമ്മളെ ഒഴിവാക്കായിരുന്നു." "എടാ... ഫാസിലെ.. ഒരു കാര്യം പറഞ്ഞ ഇയ്യ് ചൂടാവോ..? "എന്താ.. ഉമ്മാ.." "നമ്മൾ പോകുന്നത് ഇവന്റെ ഫ്രണ്ടിന്റെ വീട്ടിലേക്ക് അല്ല." പിന്നേ..." "നമ്മുടെ അടുത്ത വീട്ടിലെ ബഷീർക്കയില്ലേ...അവരുടെ പെങ്ങളുടെ വീട്ടിലേക്കാ.." "അതെന്തിനാ നമ്മൾ എല്ലാവരും കൂടി അങ്ങോട്ട് പോകുന്നത്.അവിടെയെന്താ പെണ്ണ് കാണൽ മറ്റോ ആണോ...? " "അതെ... ബീഫാമിന് പഠിക്കാത്രെ അവരുടെ മോൾ.. നിനക്ക് ഇഷ്ടപ്പെടുകയാണേൽ.. നമുക്കത് നോക്കാം.." "അവർക്ക് മൂന്ന് മക്കളാ.. രണ്ടാണും ഒരുപെണ്ണും. മൂത്തത് ആൺകുട്ടിയാ. രണ്ടാമത്തേത് ഇവൾ.. പിന്നേ ചെറുത് ആൺകുട്ടി." "ഓഹോ എനിക്കപ്പഴേ ഡൌട്ട് അടിച്ചതാ..." "ആ... നിങ്ങളുടെ ആഗ്രഹം അല്ലേ പോയി കണ്ട് നോക്കാം." "ഓഹ്... സമാധാനം. നിന്റെ വായിൽനിന്ന് അങ്ങിനെയൊന്ന് കേട്ടല്ലോ." മഹ്..." "ഞാൻ കാരണം ഇനിനിങ്ങൾ നിരാശരാവണ്ട..." അവന്റെ മറുപടിയിൽ എല്ലാവരുടെ മുഖത്തും സന്തോഷം വിരിഞ്ഞു. അവർ...തമാശകളും ചിരികളുമായി യാത്ര തുടർന്നു.... ***-***** "എത്ര നേരായി റഫീഖേ ഇയ്യ് കുഞ്ഞുമായി പോയിട്ട്. ഇയ്യെന്താ ഫോൺ എടുക്കാത്തെ.. എത്ര വിളിച്ചു ഞാൻ..." അവൻ വന്ന് കയറിയതും ഉമ്മ പരാതികളുടെ കെട്ടഴിച്ചു. "എന്റെ ഉമ്മാ... ഹോസ്പിറ്റലിലേക്ക് അല്ലേ പോയത്.അവിടെ നമ്മുടെ സൗകര്യത്തിന് അനുസരിച്ചു പോയി വരാൻ പറ്റില്ലല്ലോ.. "മോനെ ഇങ്ങ്ത്തായൊ ഞാൻ കൊണ്ട് പോയി കിടത്താം..." "വേണ്ട.. ഉമ്മാ...അവൻ നല്ല ഉറക്കമാണ്... കൈമാറി അവനെ ഉണർത്തണ്ട.ഞാൻ തന്നെ കൊണ്ട് പോയി കിടത്താം... "മോനെ ബെഡിൽ കിടത്തി റഫീഖ്‌ കുളിക്കാനായി ബാത്‌റൂമിലേക്ക് കടന്നു. "എടി... ഷെമി... ഇവിടെ... വാ... ഞാൻ അവൻക്ക് എന്തേലും ഉണ്ടാകട്ടെ....രാവിലെ ഒന്നും കഴിക്കാതെ ഓടിയതാ.. എന്നോടുള്ള ദേഷ്യം തീർക്കാൻ...." "അതെന്തേ മൂത്തമ്മ നിങ്ങൾ രണ്ട് പേരും കൂടെ പിണങ്ങിയോ.....?" "അവൻ രാവിലെ എത്ര വിളിച്ചിട്ടും എഴുന്നേറ്റില്ല. ഞാൻ കരുതി എന്നോടുള്ള വാശിതീർക്കാൻ കിടക്കുകയാണെന്ന്.. അപ്പോ എന്റെ വായിൽ വന്നതൊക്കെ വിളിച്ച് പറഞ്ഞു. പിന്നെയാണ് അവൻ പറയുന്നത്..കുഞ്ഞിന് രാത്രി നല്ലപനിയായിരുന്നുവെന്നും. നേരം പുലരുവോളം അവൻ ഉറങ്ങിയിട്ടില്ല... പിന്നേ മോൻ ഉറങ്ങിയപ്പോഴാണ് അവനും കിടക്കുന്നത് എന്നൊക്കെ.. അല്ലേലും മൂത്തമ്മക്ക് കാര്യം അറിയാതെ റഫീഖിനോട്‌ ദേഷ്യപെടൽ കുറച്ചു കൂടുതലാ... ഇനിയതൊന്നും പറ്റില്ല... പറഞ്ഞേക്കാം... അമ്പടി... ഇയ്യ് ആള് കൊള്ളാല്ലോ.. "ചെല്ല് അവൻ കുളികഴിഞ്ഞു വരുമ്പോ..നിന്നെ കാണട്ടെ. അവന്റെ റൂമിൽ ചെന്നിരുന്ന് വല്ല..ബുക്കോ..മറ്റോയെടുത്ത് വായിച്ചിരിക്ക്..."മൂത്തമ്മയുടെ ഉപദേശപ്രകാരം അവൾ അവന്റെ ബെഡിൽ കുഞ്ഞിനരികിലായി ചെന്നിരുന്നു... റഫീഖ് കുളികഴിഞ്ഞു ഇറങ്ങിയതും... അവന്റെ മകന്റെ അടുത്തായി ഇരിക്കുന്ന ഷെമിയെ കണ്ടതും. അവനൊന്ന് അലറി.... "ഡീ......... എണീക്കടി അവിടെനിന്ന്...." "എന്റെ അനുവാദം ഇല്ലാതെ എന്റെ ബെഡ്‌റൂമിൽ കയറാൻ തന്നോടാരാടി...പറഞ്ഞെ.." "ഇക്കാ... ദെ... ഞാനും വല്ലതുമൊക്കെ പറഞ്ഞുപോവും.. പിന്നേ......എന്നെ കല്ലിയാണം കഴിക്കാൻ പോവുന്ന ചെറുക്കന്റെ റൂമിൽ കയറിയിരിക്കാൻ എനിക്ക് ആരുടേയും സമ്മതം ഒന്നും വേണ്ട...." എന്നവൻക്ക് മറുപടി കൊടുത്തതിനു ശേഷം റഫീഖിനെ ചുമ്മാ ദേഷ്യം പിടിപ്പിക്കാനായി അവൾ ബെഡിൽ നിന്നും എഴുനേറ്റ് ഡോറിനരികിലേക്ക് നടന്നു. അവനെ നോക്കി ഒന്ന് കണ്ണിറുക്കികാണിച്ചുകൊണ്ട് കതക് വലിച്ചടച്ചു.എന്നിട്ട് മുഖത്ത് പുഞ്ചിരി വരുത്തി ഡോർ ലോക്കിട്ടു... അവളുടെ പ്രവർത്തികൾ ഇഷ്ടപ്പെടാതെ...അവളെ അടിക്കാൻ എന്നോണം റഫീഖ് അവളുടെ അടുത്തേക്ക് പാഞ്ഞടുത്തു. (തുടരും.... കണ്ണൂർകാരൻ 🥰🥰🥰🥰 #📔 കഥ #✍ തുടർക്കഥ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ