#📙 നോവൽ - കാശിയുടെ പെണ്ണ് 💐💐 🔻 പാർട്ട് 106 ✍️രചന -ജിഫ്ന നിസാർ 💥 "മിണ്ടരുത്..." തനിക്കരികിലെക്കൊരു വിശദീകരണത്തിനു വന്ന വിഷ്ണുവിന്റെ നേരെ നോക്കിയിട്ടത് പറയുമ്പോൾ കാശിയുടെ പല്ലുകൾ ദേഷ്യം കൊണ്ട് ഞെരിഞമ്മർന്നു. കത്തുന്ന അവന്റെ നോട്ടം സുഗന്തിക്ക് നേരെയും നീണ്ടു. അവനെ നോക്കാൻ ധൈര്യമില്ലാത്ത പോലെ അവരുടെ മുഖം കുനിഞ്ഞ് പോയി. എടാ.. കാശി ഞാൻ.. " മിണ്ടരുതെന്നല്ലേ നിന്നോട് ഞാൻ പറഞ്ഞത്.. വീണ്ടും വിഷ്ണുവെന്തോ പറയാൻ ആഞ്ഞു. പക്ഷേ അവിടെ കൂടിയ എല്ലാവരെയും ഞെട്ടിച്ചു കൊണ്ടവൻ ഒച്ചയിട്ടതും കാർത്തു കാശിയുടെ കയ്യിൽ അമർത്തി പിടിച്ചു. "എന്ത് നടന്നെന്നുള്ളത് അന്വേഷിച്ചു കണ്ടെത്തിയ ഈ ഓഫിസർ പറഞ്ഞതിലും കൂടുതൽ ഇനി നിനക്കെന്താ പറയാൻ.. ആ കള്ളം കേൾക്കാൻ തത്കാലം എനിക്ക് സൗകര്യമില്ല വിഷ്ണു നാദേ..കാരണം ഈ പറഞ്ഞതൊക്കെ നീ.. ചെയ്യും.. നിന്റെ കൂടെ നീ പറയുന്നത് കേട്ടിട്ട് നിന്റെ അമ്മയും ചെയ്യും. അതെനിക്ക് അത്ര മാത്രം ഉറപ്പുണ്ട്. പിന്നെയും നിനക്കൊക്കെ ഇനിയിപ്പോ അതിലെന്താ പറയാൻ.. ഏഹ്.." അങ്ങേയറ്റം വെറുപ്പും ദേഷ്യവും കൊണ്ടവന്റെ മുഖം ചുവന്നു.. വലിഞ്ഞു മുറുകി.. "പതിയെ.. പറയോ.." അവനരുകിൽ നിന്നവൾ യാചനയോടെ ആ കൈകൾ കൂട്ടി പിടിച്ചു കൊണ്ടത് പറഞ്ഞത് അവന്റെ നെറ്റിയിലെ മുറിവ് വേദനിക്കും എന്നറിയാവുന്നത് കൊണ്ടാണ്. കാശി ഒന്നും പറയാതെ അവളെ ഒന്ന് ചേർത്ത് പിടിച്ചു കൊണ്ട് സുഗന്ധിയുടെ മുന്നിൽ പൊയ് നിന്നു. "തല്ലാൻ പറ്റുന്ന ബന്ധമായിരുന്നു നിങ്ങൾക്കെങ്കിൽ... ഇപ്പൊ നിങ്ങളോടെനിക്ക് തോന്നുന്ന ദേഷ്യത്തിനുണ്ടല്ലോ..." ആ നോട്ടത്തിൽ ജ്വലിക്കുന്ന തീ ഉണ്ടാവും എന്നറിയാവുന്നത് കൊണ്ട് തന്നെ സുഗന്ധി അവനെ പിന്നെ നോക്കിയില്ല. എങ്കിലും ഭയമായിരുന്നു അവരുടെ ഉള്ളം നിറയെ. ഇത് വരെയും ചെയ്ത് കൂട്ടിയതിനൊക്കെ ഇനിയങ്ങോട്ട് താൻ അനുഭവിക്കേണ്ടി വരുമെന്ന് ഉള്ള് ഓർമ്മിപ്പിക്കും പോലൊരു നടുക്കം. "കൂടെ നിന്നേക്കണം.. എന്ത് വന്നാലും ഞാൻ നോക്കി കൊള്ളാം എന്നുറപ്പ് തന്നിട്ട് തന്നെ കൊണ്ട് ചെയ്യിക്കാവുന്നതൊക്കെ ചെയ്യിപ്പിച്ചവനിപ്പോ യാതൊരു അനക്കവുമില്ലാത്ത പോലാണ്. കാശിയെ കൂടി അവിടെ കണ്ടതോടെ രക്ഷപ്പെട്ടു പോകാം എന്നുള്ള വിഷ്ണുവിന്റെ ഇത്തിരിയുള്ള പ്രതീക്ഷകളും കൂടി അവസാനിച്ചു പോയിരിക്കുന്നു. ഭവ്യയോട് ചെയ്തത്.. അതിന്റെ നിഴലിൽ ശിവയെ കൂടി പെടുത്താൻ നോക്കിയത്.. ബിബിന്റെ കയ്യിൽ നിന്നും കാശ് വാങ്ങിയത്.. അങ്ങനെ തനിക്ക് നേരെ നീളുന്ന കുറ്റങ്ങൾ അനവധിയാണ്. അതിനെല്ലാം കാശി വിധിക്കുന്ന ശിക്ഷ.. വിഷ്ണുവിന് അതോർക്കേ തന്നെ ഉള്ള് കിടുങ്ങി.. ആരൊക്കെ വെറുതെ വിട്ടാലും ഇതൊന്നും അവന്റെ മനസ്സിൽ നിന്നും അത്ര പെട്ടന്നൊന്നും പോകില്ല. "താൻ ആരാടോ..?" പോലീസ് ഓഫീസർ ഗൗരവത്തോടെ കാശിയെ നോക്കി.. "കാശി നാഥൻ... ഭവ്യ എന്റെ കൂടി അനിയത്തിയാണ്.." കടുപ്പത്തിൽ തന്നെയാണ് അവനതും പറഞ്ഞത്. "ഇതെന്ത് പറ്റിയതാ.." അവന്റെ നെറ്റിയിലെ മുറിവിലേക്ക് ചൂണ്ടി അയാൾ ചോദിച്ചു. "ഇത്.. ഇതൊരു ആക്സിഡന്റ്.." അവൻ അലസമായി പറഞ്ഞോഴിഞ്ഞു.. "ഭവ്യയുടെ മാർഡർ അറ്റംറ്റിനെ കുറിച്ച് പറഞ്ഞതൊക്കെ... ഞാൻ കേട്ടു..." വിഷ്ണുവിന്റെ നേരെ വീണ്ടും തുറിച്ചു നോക്കി കൊണ്ടവൻ പറഞ്ഞു. ഇനിയൊന്ന് കൂടി കേൾക്കാൻ വയ്യെന്നുള്ള അസഹ്യതയുണ്ടവന്. "കാശിനാഥന് ഇനിയിപ്പോ ഇതിൽ എന്തേലും പറയാനുണ്ടോ.." ഇല്ല.. കുറ്റം ചെയ്തിട്ടിട്ടുണ്ടങ്കിൽ... ശിക്ഷ വേണം.. അതിപ്പോ ഏത് ഏട്ടൻ ആണേലും അമ്മയാണേലും... ഇയാൾക്കൊപ്പം ഇയാളിങ്ങനൊക്കെ ആയി തീരാൻ കാരണമായ ഇവന്റെ അമ്മയ്ക്ക് കൂടി കിട്ടുന്ന രീതിയിൽ വേണം നിങ്ങളീ കേസ് ഫയൽ ചെയ്യാൻ. അതിന് വേണ്ട എന്ത് ഹെല്പും ഞാൻ ചെയ്ത് കൊള്ളാം.. " അവന്റെ കണ്ണുകൾ ചോര ചുവപ്പാർന്നു കിടന്നു. വിഷ്ണുവിന്റെ ദയനീയമായ നോട്ടം. എന്നിട്ടും ആ മുഖം അടച്ചോന്നു കൊടുക്കാൻ തോന്നിയത്.. വളരെ പണിപ്പെട്ടു കൊണ്ടാണ് അവനടക്കി പിടിച്ചത്. കാർത്തു അവന്റെ കയ്യിൽ മുറുകെ പിടിച്ചു കൊണ്ടപ്പോഴും ആ അരികിൽ തന്നെയുണ്ട്. ശിവയുടെയും ശ്രദ്ധ കാശിക്ക് നേരെയാണ്. ഏത് നിമിഷവും പൊട്ടിതെറിക്കാൻ പാകത്തിനൊരു അക്നി പർവതം കാശിയുടെ ഉള്ളിലുണ്ടെന്ന് അവനറിയാമല്ലോ. "എനിക്ക്... എനിക്കവളെയൊന്ന് കാണാൻ.." കാശിയോന്നു ചുറ്റും നോക്കി. അതോടെ വിഷ്ണുവിന്റെ മുഖം വീണ്ടും ചുളിഞ്ഞു. ഭവ്യ കൂടി അവനോട് കുമ്പസരിച്ചാൽ പിന്നെ തീർന്നു.. "നീയിങ്ങ് വാടാ.. നമ്മുക്ക് ഡോക്ടറെ പോയെന്നു കാണാം.." അത് വരെയും അവനെ സൂക്ഷ്മമായി ശ്രദ്ധിച്ചു നോക്കിയിരുന്ന രാജശേഖരൻ അരികിലേക്ക് ചെന്നിട്ടു പറഞ്ഞു.. ഏട്ടത്തി...? അവൻ ചോദ്യം പോലെ അയാളെ നോക്കി. "മുറിയിലുണ്ട്.. കുഞ്ഞ് കരഞ്ഞിട്ട് മാറ്റി നിർത്തിയതാ.." മുന്നോട്ട് നടക്കുന്നതിനിടെ അയാൾ പറഞ്ഞു. ശിവയെ ഒന്ന് നോക്കി കണ്ണുകൾ കൊണ്ട് അവന് മനസ്സിലാവും പോലൊരു ആംഗ്യം കാണിച്ചിട്ട് കാർത്തുവിന്റെ കയ്യിൽ പിടിച്ചു കൊണ്ടവൻ അയാൾക്ക് പിന്നാലെ നടന്നു... അവർക്ക് പിന്നിലപ്പോഴും സുഗന്ധിയും വിഷ്ണുവും കൂടുതൽ വിചാരണയിലേക്ക് നീങ്ങുകയാണ്.. 💐💐 വാക്കുകൾ കൊണ്ടും പ്രവർത്തി കൊണ്ടും സഹിക്കാവുന്നതിലും അധികം വേദനയും വിങ്ങലും തന്നവളാണ്. നിങ്ങളെന്റെ ആരുമല്ല. എനിക്കെന്റെ വല്യേട്ടൻ മതിയെന്ന് മുഖത്തു നോക്കി പറഞ്ഞിട്ടുണ്ട്. ഒന്നല്ല... ഒരുപാട് തവണ. ആൾക്കൂട്ടത്തിനിടയിൽ വെച്ച് പോലും അപമാനിച്ചിട്ടുണ്ട്.. നിങ്ങളെന്റെ കാര്യം നോക്കാൻ വരണ്ടെന്ന് പറഞ്ഞു കൊണ്ട്.. പക്ഷേ... കണ്ണടച്ച് കിടക്കുന്ന ഭവ്യയുടെ നെറുകയിൽ വിറക്കുന്ന കൈകൾ കൊണ്ട് തലോടുമ്പോൾ കാശിയുടെ ഉള്ള് പിടഞ്ഞത് അനിയത്തിയെ കുറിച്ചോർത്തു തന്നെയാണ്.. അറിഞ്ഞു കൊണ്ട് തന്നെ ഒരുപാട് തെറ്റുകൾ ചെയ്തവളാണ്. അതിനുള്ള ശിക്ഷ കിട്ടാതെ പോകില്ലല്ലോ.. പക്ഷേ തന്റെ കൂടപ്പിറപ്പിന്റെ വേദന.. അതിപ്പോഴും തനിക്ക് സഹിക്കാൻ കഴിയുന്നില്ലെന്ന് അവനാ നിമിഷം മനസ്സിലായി. ചുവന്നു പോയ ആ കണ്ണുകളിലേക്കാണ് കാർത്തു നോക്കുന്നത്. അവൾക്കുമപ്പോൾ വല്ലാതെ നോവുന്നുണ്ട്. ഭവ്യയെ കുറിച്ച് ഡോക്ടർ പറഞ്ഞതെല്ലാമായിരുന്നു അപ്പോഴവന്റെ മനസ്സിൽ. അവളെ ഉണർത്തേണ്ടന്ന് കരുതി തന്നെയാണ് പിന്തിരിഞ്ഞു നടക്കാൻ തുനിഞ്ഞത്. പക്ഷേ... വിടാതെ മുറുകെ പിടിച്ച തന്റെ കൈകൾ. കാശി തിരിഞ്ഞു നോക്കുമ്പോൾ കണ്ണ് നിറച്ചു കൊണ്ട് ഭവ്യ അവനെ നോക്കി കിടപ്പുണ്ട്. "സോറി... കുഞ്ഞേട്ടാ.." എത്രയോ നാളുകൾക്ക് ശേഷം വന്ന ആ സ്നേഹം. കാശ്ശിക്കൊന്നും മിണ്ടാൻ കൂടി കഴിഞ്ഞില്ല. അവനോരെ നോട്ടം തന്നെയാണ്. ഭവ്യയുടെ കണ്ണുകൾ കൂടെ കൂടെ നിറഞ്ഞു തൂവന്നത് പ്രായക്ചിതം തന്നെയാണ്. കുറ്റബോധമുണ്ടവൾക്ക്.. അവനത് മനസിലായി. "കരയേണ്ട... പെട്ടന്ന് മിടുക്കിയായി വാ.. ഞാൻ.. ഞാനുണ്ട് കൂടെ..." കൂടുതലൊന്നും പറയാതെ അവൻ തിരികെ നടന്ന് വാതിൽ തുറന്നു.. പിറകെ ഭാവ്യയെ ഒന്ന് കൂടി നോക്കിയിട്ട് കാർത്തുവും. ഞാനുണ്ട്... ആ വാക്കുകൾ.. ഭവ്യക്കുള്ളിലേക്ക് പുതിയൊരു പുലരി വന്നു തെളിഞ്ഞത് പോലായി. എഴുന്നേറ്റ് വരാൻ അവൾക്കപ്പോൾ വല്ലാത്ത തിടുക്കമേറിയിരിക്കുന്നു.. അതാ കുഞ്ഞേട്ടന്റെ അനിയത്തിയാവാനാണ്.. 💥💥 കല്ലു മോൾക്കവൻ എടുക്കാത്തത് സങ്കടം തന്നെയാണ്. എപ്പോ കണ്ടാലും ആ നെഞ്ചിലേക്ക് പൊത്തി പിടിച്ചൊരു നിൽപ്പുണ്ട്. ഇന്നിപ്പോ അവനതിനു വയ്യ.. ഇതിപ്പോ അവന്റെ കൈ വയ്യെന്നത് കണ്ടിട്ടാണ് എങ്കിലും തന്നെ ചേർത്ത് പിടിച്ചിരിക്കുന്നവനോട്‌ ചാരി തന്നെയാണ് അവളുടെ ഇരിപ്പ്. സ്നേഹം നിറച്ചും കൊടുത്തു കൊണ്ടവൻ ആ കുഞ്ഞിന്റെ സ്നേഹം തിരികെ വാങ്ങുന്ന മനോഹരമായ കാഴ്ച.. കാർത്തുവിനെ അവളിടക്ക് നോക്കുന്നുണ്ട്. അത് വരെയുമുള്ള കാര്യങ്ങൾ... അതായത് പോലീസ് വരും മുന്നേ നടന്ന കാര്യങ്ങൾ രാജശേഖരൻ കാശിയോട് പറയുകയാണ്. "അവൾക്ക്.. ആരോടാ ഇഷ്ടമുണ്ടായിരുന്നത്.. ഏട്ടത്തിക്കറിയാമോ.." കാശി ഗായത്രിയെ നോക്കി. അവൾ രാജശേഖരനെയും. "അറിയാമെങ്കിൽ പറഞ്ഞു അത് അവന് കൊടുക്ക്..കിട്ടേണ്ടത് എല്ലാവർക്കും കിട്ടണം.. ഇനിയൊന്നും ഒളിച്ചു വെക്കേണ്ട.." അയാൾ പകർന്ന ധൈര്യം.. ഭവ്യ പറഞ്ഞു കൊടുത്ത എല്ലാതും ഗായത്രി കാശിയോട് പറഞ്ഞു കൊടുത്തു. അവന്റെ മുഖം കൂടുതൽ വലിഞ്ഞു മുറുകി. "ഇനിയെല്ലാം പോലീസ് നോക്കി കൊള്ളും കാശി.. നീ ഈ കയ്യും വെച്ച് പ്രശ്നത്തിനൊന്നും പോകല്ലേടാ.." ഗായത്രി അവന്റെ കയ്യിലൊന്നു തൊട്ടു കൊണ്ട് പറഞ്ഞു. ഒരിക്കൽ താൻ അവരോട് കാണിച്ച ഇത്തിരി ദയ... അതാ കണ്ണിലങ്ങനെ പെരുകി വളർന്നു നിൽക്കുന്നുണ്ട്. അതോടൊപ്പം തന്നെ.. അത്രയും പ്രശ്നങ്ങൾക്കിടയിലും അത് വരെയുമില്ലാത്തൊരു തിളക്കത്തോടെ നിൽക്കുന്ന അവളുടെ ചിത്രം... അതവന് നൽകിയ ആശ്വാസം കുറച്ചൊന്നുമല്ല. ഈ ആളെ ഓർത്ത്.. കുഞിനെ ഓർത്തിട്ട് വേദനിച്ചതിന് ഒരു കണക്കുമില്ല. എന്ത് സഹായവും ചെയ്തു കൊടുക്കാമെന്നു പറഞ്ഞിട്ടും തനിക്കൊരു ദോഷം വരാതിരിക്കാൻ വേണ്ടി തന്നെയാണ് അതെല്ലാം തടഞ്ഞതെന്നും അവനറിയാം. ഇന്നിപ്പോ അതിനെല്ലാം ഒരു പരിഹാരമായിരിക്കുന്നു.. കാർത്തുവിനെ കൂടി ഗായത്രി ചേർത്ത് പിടിച്ചു. അവർ തമ്മിൽ ആദ്യം കാണുകയാണ്. "അച്ഛമ്മയെ കൂടിയൊന്ന് പോയി കാണ് ട്ടോ കാശി.. എപ്പഴും നിന്റെ കാര്യം പറയാനേ നേരമുള്ളു.. ഇവരെല്ലാം ഹോസ്പിറ്റലിൽ ആയത് കൊണ്ട് അവരെ രണ്ടാമത്തെ മകന്റെ കൂടെ ആക്കിയിരുന്നു. "പോയിക്കൊള്ളാം ഏട്ടത്തി.. അത് ഞാനും കരുതിയിരുന്നു.." അവനുറപ്പ് കൊടുത്തു.. "ഇവിടെ ഉണ്ടാവോ.. എനിക്ക്.. എനിക്കൊന്നു വീട്ടിൽ പോണം..." കാശി രാജശേഖരനെ നോക്കി. "നീ ധൈര്യമായിട്ട് ചെല്ല്. ഇന്നിനി ഇങ്ങോട്ട് വരികയൊന്നും വേണ്ട... ഈ കയ്യ് വെച്ചിട്ട്.. ഞാനുണ്ടാകും ഇവിടെ.. ഇന്ന് വൈകുന്നേരം.. അല്ലേൽ നാളെ രാവിലെ ഡിസ്ചാർജ് ആണ്. അത് വരെയും ഞാൻ നോക്കി കൊള്ളാം.. ഇതിൽ എന്റെ മോള് കൂടി ചേർന്നിട്ടിട്ടുണ്ട്.. അത് കൊണ്ട് ഇതിപ്പോ സേഫ് ആക്കുക എന്റെ കൂടി ഉത്തരവാദിത്തമാണ്.." രാജ ശേഖരൻ അവന് ധൈര്യം കൊടുത്തു. കാശി പോകാൻ എഴുന്നേറ്റു. "വീട്ടിൽ പോണം കേട്ടോ..." അവന്റെ മുഖം കണ്ടതും ഗായത്രി ഒന്ന് കൂടി ഓർമ്മിച്ചു. കാശി അവളുടെ തോളിലൊന്നു തട്ടുക മാത്രം ചെയ്തു.. 💥💥 നീ ചെല്ല്.. ഞാൻ വന്നോളാം.. " പടി പ്പുരയോളം ചെന്നിട്ടു അവളെ ഇറക്കി ഡോർ ലോക്ക് ചെയ്തിട്ടാണ് കാശി പറഞ്ഞത്. ശിവയാണ് ഡ്രൈവിംഗ് സീറ്റിൽ.. "എങ്ങോട്ടാ.. ഞാനും കൂടി വരാം.." അവളാ ഡോർ തുറന്നു കൊണ്ട് അകത്തേക്ക് കയറാൻ തന്നെ ശ്രമിച്ചു. "പറയുന്നത് കേൾക്ക് കാർത്തു.. കയറി പോ.. ഞാനിപ്പോൾ വരും.." അവൻ വീണ്ടും പറഞ്ഞു. ശിവ ഒന്നും മിണ്ടാതെ മുന്നിലേക്ക് നോക്കി ഇരിപ്പാണ്. "എനിക്കറിയാം.. എന്തോ പ്രശ്നമുണ്ടാക്കാനാണ്.. പോവല്ലേ.. അതൊക്കെ പോലീസ് നോക്കി കൊള്ളും.. വയ്യാത്തതല്ലേ.. പോകല്ലേ.. പ്ലീസ്.." അവളവന്റെ കയ്യിൽ മുറുകെ പിടിച്ചു. "ഇല്ലെടി.. ഞാനൊരു പ്രശ്നത്തിനും പോകില്ല.. അല്ലേൽ തന്നെ ഈ ഒന്നര കൈ വെച്ചിട്ട് ഞാൻ എന്തോ ചെയ്യാനാ.. ഞാൻ... ഞാൻ അച്ഛമ്മയെ കാണാൻ.. പെട്ടന്ന് വരും.. ശിവാ.. അശോകേട്ടനെ വിളിച്ചേ.." കാര്ത്തുവിന്റ കവിളിൽ തട്ടി കുഞ്ഞൊരു ചിരിയോടെ പറയുന്നതിനൊപ്പം തന്നെ അവൻ ശിവയോട് കൂടി പറഞ്ഞു. കാർത്തു പിന്നെയും എന്തൊക്കെയോ പറയുന്നുണ്ട്. മുറിവ് വേദനിക്കും പഴുകും.. പോകല്ലേ എന്നൊക്കെ തന്നെയാണ്. ഇതിനോടകം ശിവ വിളിച്ചിട്ട് അശോകൻ പുറത്തെക്കിറങ്ങി നിൽക്കുന്നുണ്ട്. "ചെല്ല്.. ഞാൻ വരാതെ പുറത്ത് വരരുത്.. എന്തുണ്ടായാലും.. കേട്ടോ.." വണ്ടി എടുക്കാൻ ശിവയോട് പറയുയുന്നതിനൊപ്പം അവൻ ഒന്ന് കൂടി ആ കവിളിൽ തട്ടി.. കാർത്തു ദേഷ്യവും പരിഭവവും നിറച്ചൊരു നോട്ടമാണ്. അവനൊന്നുമ്മ വെക്കും പോലെ കാണിച്ചതും ആ മുഖം ഒന്ന് കൂടി വീർത്തു. ഗേറ്റിൽ നിൽക്കുന്ന സെക്യൂരിറ്റി ചേട്ടന് പോലും ചിരി വരുന്നുണ്ട്. ശിവ അവിടെയിട്ട് തന്നെ കാർ തിരിച്ചെടുത്തു. എങ്ങോട്ടെന്ന് കാശി പറഞ്ഞില്ല.. ശിവ ചോദിച്ചതുമില്ല.. ബിബിൻ ജോർജിന്റെ പോർച്ചിന് മുന്നിലേക്കാണ് അത് പിന്നെ ചെന്നു നിർത്തിയത്.. തുടരും.. ഓനെ അങ്ങനെയങ് പോലീസിന് കൊടുക്കാനൊക്കുമോ.. ല്ല്യോ പിള്ളേരെ 🤣 എന്തേയ്... അങ്ങനല്ലേ..🥰 സ്നേഹത്തോടെ നിങ്ങളുടെ സ്വന്തം jif💥 #📔 കഥ #💞 പ്രണയകഥകൾ

#📙 നോവൽ - നീലാംബരം..... 🔻 ഭാഗം _41 ✍️ രചന - Aysha akbar അഭിയുടെ ഹൃദയം ഞെരി പ്പൊടിലെന്ന പോൽ എരിഞ്ഞു...... അവളെന്തിനു തന്നിലേക്ക് വന്നു...... ഉറക്കം നടിച്ചു കിടന്ന തന്റെ ഹൃദയത്തെ യവൾ കുലുക്കിയുണർത്തി..... അറിയാതെ എപ്പോഴോ അവളിലേക്ക് ചാഞ്ഞു പോയി...... തെറ്റായിരുന്നു...... വൈശാലിയെ പ്രതിഷ്ടിച്ച ആ സ്ഥാനത്തേക്ക് മറ്റൊരുവളെ താൻ ക്ഷണിക്കാൻ പാടില്ലായിരുന്നു....... എങ്കിലും അവളെന്തിനു നീലാംബരി യെന്ന പേര് തിരഞ്ഞെടുത്തു... അത് വെറുമൊരു യാദൃശ്ചികത യായിരുന്നുവോ..... അറിയില്ലായിരുന്നവന്..... തിരികെ വീട്ടിലേക്കെത്തുമ്പോൾ റിജിൻ അവളെ കുറിച് ചോദിച്ചെങ്കിലും ഉത്തരം അവൻ അമിതമായ വാക്കുകളിൽ ഒതുക്കി .... ഒന്നും പറയാനോ ചികഞ്ഞെടുക്കാനോ മനസ്സിന് പറ്റുന്നില്ലായിരുന്നു..... ചിന്തകൾ കാട് കയറി തന്നേ ആകെ ക്കൂടി വരിഞ്ഞു മുറുക്കിയത് പോലെ..... ഇത്ര ദിവസം അവൾക്ക് മുമ്പിൽ താനൊരു വിഡ്ഢി യാവുകയായിരുന്നു എന്ന തിരിച്ചറിവ് അവനിലേറെ ദേഷ്യമുണ്ടാക്കി... അവളെ താൻ ശ്രദ്ധിക്കരുതായിരുന്നു.... ആ ട്രെയിൻ യാത്രയിൽ അവൾ വിരിച്ച വലയിൽ താൻ കുരുങ്ങരുതായിരുന്നു.... അവൻ ദേഷ്യത്തോടെ മുഷ്ടി യൊന്നു. ചുരുട്ടി..... അതും തന്റെ വൈശാലിയെ ഓർത്തു കൊണ്ട് തന്നെയായിരുന്നില്ലേ.... ആ സാഹചര്യവും നീല നിറവും എല്ലാം കൂടി അവളിലേക്ക് തന്നേ വലിച്ചടുപ്പിച്ചതല്ലേ.... ഓർക്കുമ്പോൾ ഹൃദയത്തിൽ വല്ലാത്തൊരു മുറിവ് വന്നു പോയിരുന്നവന്റെ...... വീട്ടിലേക്ക് വാങ്ങിയ സാധനങ്ങളെല്ലാം കവറിൽ തന്നെയിരുന്നു.... ഒന്നും എടുത്ത് വെക്കാൻ പോലും മനസ്സ് തയ്യാറായിരുന്നില്ല.... അത്ര മേലെന്തോ ഒരു ഭാരമുണ്ട് മനസ്സിന്..... അതവൾ തന്നേ വിഡ്ഢി യാക്കിയത് കൊണ്ടാണോ അതോ അവളിനി തന്റെ ജീവിതത്തിൽ ഇല്ലെന്ന തിരിച്ചറിവ് കൊണ്ടാണോ എന്നവനും വ്യക്‌തമായിരുന്നില്ല...... ഇനിയുള്ള കാലം കൂട്ടിനൊരാളും വേണ്ടെന്ന് കരുതിയിടത്ത് ഇനി ആരെങ്കിലുമൊക്കെ കൂട്ടിനു വേണമെന്ന് തോന്നിച്ചവളാണ്..... കൂടെയുള്ള നിമിഷങ്ങളിലെല്ലാം സന്തോഷം മാത്രം പകർന്ന് തന്നവളാണ്..... തനിക്ക് മാത്രമല്ല.... തന്റെ വീട്ടിലുള്ള ഓരോരുത്തർക്കും.... അതെല്ലാം അവളുടെ അഭിനയാമായിരുന്നു വെന്നറിയുമ്പോൾ അവരെങ്ങനെ പ്രതികരിക്കും... അവനാ കസേരയിൽ പുറത്തേക്ക് നോക്കി യങ്ങനെ യിരുന്നു.... മാനം അല്പം ഇരുണ്ട് കൂടി തുടങ്ങിയിട്ടുണ്ട്..... ചന്ദ്രനെ മറക്കുള്ളിലെവിടെയോ ഒളിപ്പിച്ചു മേഘങ്ങൾ ആകാശത്ത് കൂടി പരക്കം പായുന്നു..... തെളിഞ്ഞു കാണുന്നൊരു നീലാംബരം അവന്റെ മനസ്സെന്തിനോ കൊതിച്ചിരുന്നപ്പോൾ.... ചാരി കിടക്കാനുതകുന്ന ആ കസേരയിൽ തല ചാരി വെച്ച് അവനങ്ങനെ കിടന്നു ..... ഇട്ടിരുന്ന ഡ്രസ്സ്‌ പോലും മാറിയിട്ടില്ല..... വിശപ്പും ദാഹവുമില്ല...... അവളുടെ നിഷ്കളങ്കമായ ചിരിയും പരിഭവം നിറഞ്ഞ ആ മുഖവുമെല്ലാം മനസ്സിലേക്ക് കുത്തി യൊലിച്ചു വന്നു കൊണ്ടിരിക്കുന്നുണ്ട്..... അവൾ നീലാംബരി യായിരുന്നു.... മൈഥിലി യെന്ന് പേരിട്ട് വിളിക്കാൻ പോലും തനിക്ക് കഴിയുന്നില്ല..... വർഷങ്ങൾക്ക് ശേഷം മനസ്സ് ചാഞ്ഞ ആ ഒരുവൾ ഇത്ര വേദന ബാക്കിയാക്കുമെന്ന് കരുതിയിട്ടില്ല....... ചിന്തകൾക്കിടയിലെപ്പോഴോ അവന്റെ ഫോൺ റിങ് ചെയ്തിരുന്നു ...... എടുക്കാതെ തന്നേ അവൻ ഡിസ്പ്ലേയിലേക്കൊന്ന് നോക്കി..... അമ്മയാണ്....... എടുക്കാൻ തോന്നിയില്ലെന്നത് കൊണ്ട് തന്നേ ആ റിങ് ടോൺ കേട്ടങ്ങനെ കിടന്നു....... വീണ്ടും വീണ്ടും ആ റിങ് ടോൺ അലോസരം സൃഷ്ടിച്ചപ്പോഴാണ് അവനത് കയ്യിലൊന്നെടുത്തത്..... നിങ്ങൾക്ക് നിങ്ങളെ കുറിച് മാത്രമേ ചിന്തയുള്ളൂ.... കൂടെയുള്ളവരെ അറിയാൻ നിങ്ങളിത് വരെ ശ്രമിച്ചിട്ടില്ലെന്ന ഒരു പെണ്ണിന്റെ വാക്കുകൾ കാതിൽ അലയടിച്ചതും അവൻ പെട്ടെന്ന് കാൾ അറ്റൻഡ് ചെയ്ത് പോയിരുന്നു..... എന്താ അഭി.... എത്തിയ വിവരം പോലും ഒന്നറിയിക്കാതെ.... അമ്മയങ് ഉരുകി തീർന്നു..... മറു തലക്കൽ നിന്ന് ദേവിയത് പറഞ്ഞതും അഭിക്ക് നെഞ്ചിലെന്തോ ഒരു വേദന തോന്നി.... ഞാൻ.... ഞാൻ പെട്ടെന്നൊരു തിരക്കിലായി പ്പോയമ്മേ... അതാണ്‌...... അവനത് പറയുമ്പോൾ ശബ്ദമൊന്നിടറി യത് പോലെ .. നീലാംബരി യെ കൊണ്ടാക്കിയോ അതോ കൂടെയുണ്ടോ...... പെട്ടെന്ന് അമ്മയത് ചോദിച്ചതും അല്പ നേരത്തേക്ക് മറവിയിലേക്കാണ്ട് പോയവൾ ഉയർന്നു വന്നതും അവന് ദേഷ്യമോ സങ്കടമോ വന്നതെന്നറിയില്ല...... എന്റെ കൂടെയില്ലാ.... അവനത് മാത്രം പറഞ്ഞു നിർത്തുമ്പോൾ വാക്കുകൾക്ക് വല്ലാത്തൊരു കനമുണ്ടായിരുന്നു..... ആ കുട്ടി പോയതിന്റെ നല്ലൊരു കുറവിവിടെ കാണാനു ണ്ട്..... നീലു പോയെന്ന് പറഞ്ഞു ആനന്ദി ഉച്ചക്ക് ഭക്ഷണം കൂടി കഴിച്ചിട്ടില്ല.... എത്രയും പെട്ടെന്ന് നീ നീലാംബരിയെ കൂട്ടി...... അമ്മാ... സ്റ്റോപ്പ്‌ ഇറ്റ് ... ദേവി ഏറെ സ്നേഹത്തോടെ അത് പറഞ്ഞു മുഴുവനാക്കും മുന്പായിരുന്നു അവന്റെ ശബ്ദം ഉയർന്നത്..... എത്ര സ്നേഹത്തോടെയാണ് അവളെ ഒരോരുത്തരും നെഞ്ചിലേറ്റിയതെന്നോർക്കേ അവന് ദേഷ്യം അതിര് വിട്ടിരുന്നു.... നിഷ്കളങ്കമായി അവരോരുത്തരും അവളെ സ്നേഹിച്ചതിനെ അവൾ മുതലെടുത്തില്ലേ.... എല്ലാവരെയും പറ്റിച്ചില്ലേ....... എന്താ അഭി.... എന്തെങ്കിലും പ്രശ്നമുണ്ടോ...... ദേവിയുടെ ശബ്ദത്തിൽ ആധി കലർന്നിരുന്നു.... അവളെ കാത്ത് ആരുമിരിക്കേണ്ട...... അവളാ വീട്ടിലേക്ക് വന്നത് തന്നേ എല്ലാവരും മറന്നേക്ക്..... എല്ലാവരെയും പറ്റിക്കായിരുന്നു..... അവള്.....അവള് നീലാംബരിയൊന്നുമല്ല.... അറിയാം........ അഭി വളരേ രോഷത്തോടെ അതിലേറെ സങ്കടത്തോടെയും ഒരു കിതപ്പോടെ അത് പറഞ്ഞു മുഴുവനാക്കും മുന്പേ ദേവിയത് പറഞ്ഞതും അവനാകെ ഞെട്ടി പ്പോയി.... അവരുടെയൊന്നും സ്നേഹത്തിനു കള്ളം പറഞ്ഞു വന്നവൾ അർഹയല്ലെന്ന വിശ്വാസത്തിൽ എല്ലാം തുറന്ന് പറയാൻ തുനിഞ്ഞ അവനെ ദേവിയുടെ ശാന്തമായ സ്വരം അക്ഷരാർത്ഥത്തിൽ ഞെട്ടിച്ചിരുന്നു.... അഭി....... മറു തലക്കലുള്ള നിശബ്ദത യിലേക്ക് ദേവിയെന്ന് വിളിച്ചു..... എന്തറിയാം.... അമ്മക്കെന്താ അവളെ പറ്റി അറിയുക.... അവനത് ചോദിക്കുമ്പോൾ ആ ശബ്ദത്തിനൊരു തരം വിറയലുണ്ടായിരുന്നു.... അഭി...... നീ ടെൻഷനാവേണ്ട.... നീയിപ്പോ അറിഞ്ഞതെല്ലാം അവളായി ഞങ്ങളോടെന്നേ തുറന്നു പറഞ്ഞിട്ടുണ്ട്...... ദേവിയത് പറഞ്ഞതും അഭി ഇരുന്നിടത് നിന്ന് പെട്ടെന്ന് എഴുന്നേറ്റ് പോയിരുന്നു.... അവളാരെയും പറ്റിച്ചിട്ടില്ല അഭി....... അവളാരുടെ മുമ്പിലും അഭിനയിച്ചിട്ടുമില്ല.... അവൾ അവളായി തന്നേ യാണ്‌ നിന്നത്..... ഞങ്ങളോട് തുറന്ന് പറഞ്ഞത് പോലെ നിന്നോടും എല്ലാം പറയാൻ അവളൊരുങ്ങിയതിനെ തടഞ്ഞത് ഞാനാണ്.... കാരണം അതറിഞ്ഞാൽ നീയിപ്പോൾ അവളോട് കാണിക്കുന്ന അടുപ്പം നീ മനഃപൂർവം കൈ വിട്ട് കളയുമെന്ന് എനിക്കുറപ്പായിരുന്നു..... നിന്നേ പിടിച്ചു വാങ്ങാനൊന്നുമല്ല അവൾ വന്നത്..... ദൂരെ നിന്ന് മാത്രം കണ്ട് സ്നേഹിച്ച ആ ഒരുവനെ കുറച്ചു ദിവസമെങ്കിലും അടുത്ത് കാണാനായിരുന്നു.... നീ സ്വീകരിച്ചാലും ഇല്ലെങ്കിലും അവളുടെ സമയം കഴിഞ്ഞാൽ അവൾ മടങ്ങുമായിരുന്നു..... പക്ഷെ നിന്റെ കൂടെ ജീവിത കാലം മുഴുവൻ അവൾ വേണമെന്ന എന്റെ സ്വാർത്ഥത കൊണ്ടാണ് നീയിതറിയാൻ ഇത്രയേറെ വൈകിയത്.... അല്ലെങ്കിൽ അവളായി നിന്നോടെപ്പോഴേ പറയുമായിരുന്നു...... അത്ര പാവം കുട്ടിയാ അവള്........ ദേവി വളരേ വൈകാരികമായി അതും കൂടി പറഞ്ഞു നിർത്തുമ്പോൾ അഭി ജനൽ കമ്പിയിൽ വിരൽ മുറുക്കി...... അവളോട് തോന്നിയ വെറുപ്പ് അലിഞ്ഞു പോകും പോലെ തോന്നും തോറും മനസ്സിന്റെ വേദന ഇരട്ടിയാവുന്നത് അവനറിഞ്ഞു.... ഇത്ര സ്നേഹമുള്ള കരുണയുള്ള ഒരുവളെ വിധി നിനക്ക് വെച്ച് നീട്ടിയിട്ടും വേണ്ടെന്ന് വെക്കുകയാണെങ്കിൽ ഇനി നീയെന്താണെന്ന് വെച്ചാൽ ചെയ്തോ.... അമ്മയിനി ഇക്കാര്യം പറഞ്ഞു നിന്നേ ശല്യപ്പെടുത്തില്ല..... ദേവി അതും കൂടി പറഞ്ഞു ഫോൺ വെക്കുമ്പോൾ ആ വാക്കുകളിൽ ഒളിപ്പിച്ചു വെച്ചിരുന്ന അഗാദമായ ഒരാഴി അവനളക്കാൻ കഴിഞ്ഞിരുന്നു..... അഭി ആകെ ക്കൂടി തകർന്ന് പോയിരുന്നു.... എവിടെയാണ് ശെരിയെന്നോ തെറ്റെന്നോ അറിയാത്ത വിധം അവനാകെ കുഴഞ്ഞു പോയിരുന്നു.... വീട്ടുകാരെ മുഴുവൻ അവൾ വിഡ്ഢി കളാക്കിയിട്ടില്ല..... തന്റെ മുമ്പിൽ മാത്രമായിരുന്നു അവൾക്ക് മറയുള്ളത്.... ആ കുറ്റവും അമ്മ ഏറ്റെടുക്കുമ്പോൾ അവനേറെ നിസ്സഹായനായത് പോലെ തോന്നിയവന് ...... ഇത്രയേറെ ചുറ്റുമുള്ളവരെ വലിച്ചടുപ്പിക്കാൻ തക്ക എന്ത്‌ മാന്ദ്രികത യാണവൾക്കുള്ളത്..... അവളിലേക്ക് ചാഞ്ഞു പോകുന്ന തന്റെ മനസ്സും ഒരു നിമിഷം അവനെ കളിയാക്കി ചിരിക്കുന്നത് പോലെ തോന്നി പ്പോയിരുന്നവന്..... (തുടരും) Aysha Akbar #📔 കഥ #💞 പ്രണയകഥകൾ

#📙 നോവൽ - കാശിയുടെ പെണ്ണ് 💐 🔻പാർട്ട്_ 105 ✍️ രചന - ജിഫ്ന നിസാർ ❣️ കാർത്തുവിന്റെ മുറിയിൽ നിന്നുമുള്ള ബാൽക്കണിയിലെ ഊഞ്ഞാലിൽ അവൾ മുറിച്ചു കൊടുക്കുന്നാ ആപ്പിളും തിന്ന് കൊണ്ടവളോട് ചേർന്നിരിക്കുമ്പോഴാണ് ശിവയങ്ങോട്ട് കയറി ചെന്നത്... കാശിയുടെ തോളിൽ ചാരി അവനെ പറ്റിപിടിച്ചിരിക്കുന്നവൾ.. ആഹാ... ഇവിടിപ്പോ ആർക്കാ വയ്യായ്ക.." ആ കാഴ്ച നൽകിയ സന്തോഷത്തോടെ തന്നെയാണ് അവൻ അവർക്കടുത്തേക്ക് ചെന്നത്. നീ ജീവനോട് ഉണ്ടോ ഡാ നാറി.. " രണ്ടൂസമായിട്ടും അവനെ അങ്ങോട്ട് കാണാത്ത പരിഭവം കൊണ്ടാണ് കാശിയങനെ പറഞ്ഞത്. ഇല്ലെടാ..ഇന്നലെ ഞാൻ ചത്ത്..ഇന്ന് രാവിലെ കൂടി നിന്നെ വിളിച്ചു സംസാരിച്ചതെന്റെ പ്രേതമായിരുന്നു.." ശിവയുമൊരു ചിരിയോടെ അവർക്കിടയിലേക്ക് കയറി ചെന്നു. "ഇരിക്ക് ശിവേട്ട.. ദേ ഇത് കഴിക്ക്.." കാർത്തു ആ സംസാരങ്ങളൊന്നും തന്നെ ശ്രദ്ധിക്കാതെ അവനിരിക്കാൻ സ്ഥലം ചൂണ്ടി കാണിച്ചു കൊണ്ട് ആപ്പിൾ കഷ്ണം മുറിച്ചത് നീട്ടി. എനിക്ക് വേണ്ട കുഞ്ഞാറ്റ.. നീ അവന് തന്നെ കൊടുത്തേക്ക്... എങ്ങനെ ഉണ്ടെടാ ഇപ്പൊ.. വേദനയുണ്ടോ.. " രണ്ടു പേരോടുമായി സംസാരിച്ചു കൊണ്ട് തന്നെ ശിവ അവർക്കരികിൽ പോയിരുന്നു. വേദന.... അതൊക്കെ പോയെടാ.. ഇപ്പൊ ആകെയൊരു വലിച്ചിലും മടുപ്പും.. അത് മാറാൻ ഈ മരുന്നൊന്നും പോരാ.. " കാശുയുടെ മുഖം വലിഞു മുറുകി. മുഖം കടുത്തു.. അവനെന്താണ് ഉദ്ദേശിച്ചതെന്ന് ശിവക്കും മനസ്സിലായി. "നിങ്ങളെന്ന സംസാരിക്ക്. ഞാൻ താഴെ ഉണ്ടാവും.. ശിവേട്ടന് കുടിക്കാൻ എടുക്കാം.. കഴിച്ചിട്ട് പോയ മതി കേട്ടോ..ഞാൻ അമ്മയോട് പറയാം.."അടുത്ത ആരെയോ കണ്ട സന്തോഷമുണ്ടവൾക്ക്. കാരണം വന്നിരിക്കുന്നത് അവളുടെ പ്രിയപ്പെട്ടവന്റെ ഏറ്റവും പ്രിയപ്പെട്ട ഒന്നാണ്. ആ ഒരിഷ്ടം അവൾക്കും അവനോട് തോന്നുന്നുണ്ട്. എന്തേലും വേണേൽ വിളിച്ചോ ട്ടോ.. പോകും മുൻപ് അവൾ കാശ്യോടും ഓർമ്മിപ്പിച്ചു. "മ്മ്... ചെല്ല്. നിന്റച്ചനും അമ്മയ്ക്കും മോളെ നല്ലോണം മിസ് ചെയ്യുന്നുണ്ടാവും.. ഇവിടിപ്പോ ഏത് നേരവും എന്റെ കൂടെയല്ലേ.. അവർക്ക് അർഹമായ എന്തോ ഒന്ന് ഞാൻ നുഴഞ്ഞു കയറി കയ്യടക്കി വെച്ച പോലെ.. അത്‌ കൊണ്ടെന്റെ കുഞ്ഞാറ്റ കിളി പോയി കുറച്ചു നേരത്തെക്ക് അവരുടെ മോളായിക്കോ ട്ടോ.." തിരികെ പോകാൻ തിരിഞ്ഞവളോട് അവനല്പം കാര്യമായിട്ട് തന്നെ പറഞ്ഞു കൊടുത്തു. ശിവ സന്തോഷത്തോടെ ചിരിയോടെ അവരുടെയായ ആ സ്നേഹകാഴ്ചകളിലെക്ക് നോക്കിയിരുന്നു. കാശി അന്നങ്ങനെ ഒരു ധൈര്യം കാണിച്ചില്ലായിരുന്നെങ്കിൽ എന്ത് ദുരന്തമായേനെ രണ്ടിന്റെയും ലൈഫ്. അവനതാണ് ഓർത്തത്. മനസ്സ് നിറയാൻ ഇത് മതി ഇന്നിപ്പോൾ ഇണകിളികളെ പോലെ... കാർത്തു അതിന് ഉത്തരമൊന്നും പറയാതെ അവനെ നോക്കി ഒന്ന് ചിരിക്കുക മാത്രം ചെയ്തിട്ടിറങ്ങി പോകുകയും ചെയ്ത്.. എന്താടാ നിനക്കൊരു ചിരിയൊക്കെ.. " കാർത്തു പോയ വഴിയിൽ നിന്നും നോട്ടം മാറ്റിയ കാശി കാണുന്നത് തന്നെ നോക്കി ചിരിക്കുന്ന ശിവയെ. "ഒന്നുല്ല...! അതേ ചിരിയോടെ തന്നെ അവനൊന്നു തലയാട്ടി. മനസ്സിലായെന്ന പോലെ അതേ ചിരിയപ്പോൾ കാശിക്കുമുണ്ട്. "അവളില്ലാത്ത ഞാൻ ഭയങ്കര ബോറായി പോയേനെ... ശൂന്യമായി പോയേനെ.." പതിയെ അത് പറയുമ്പോൾ പോലും.. അന്ന് വരെയും അവന്റെ കണ്ണുകളിൽ മിന്നി മാഞ്ഞ ആ ഒരുവളോടുള്ള അടങ്ങാത്ത സ്നേഹമാണ് ശിവയറിഞ്ഞത്. "എന്നിട്ടാണോ ഡാ മഹാ പാപി.. ആ പാവം പെണ്ണിനെ നീ ചുമ്മാ കലിപ്പിട്ട് വെറുപ്പിച്ചത്.. മാനസ മൈന പാടി നടക്കാൻ പ്രാക്ടീസ് നടത്തിയ ആളാണ്‌.. എന്നിട്ടിപ്പോ അവന്റെയൊരു ഒലിപ്പീര്.." ശിവയത് അപ്പാടെ പുച്ഛിച്ചു വിട്ടു. പക്ഷേ കാശിക്കപ്പോഴും ചിരി തന്നെയാണ്. ശിവക്കത് സന്തോഷവും. "നാട്ടിലെന്താടാ വിശേഷം.. അത് പറയ്യ് നീ.. എനിക്കിങ്ങനെ ഇവിടെ ഇരുന്നിട്ട് എന്തോ പോലെ.." കാശി മുഖം ചുളിച്ചു. "ആഹ്.. തത്കാലം ആ എന്തോ പോലെ നീയങ്ങു വിഴുങ്ങിക്കോ.. അല്ലേൽ ശെരിയാവില്ല. മഹേഷിന്റെ കാര്യം ഒരു വശത്ത്.. പിന്നെ ഈ മുറിവും വെച്ചോണ്ട് ഇച്ചിരി അടങ്ങി ഇരിക്കാൻ നിനക്കിവിടാ സേഫ്.. അത് കൊണ്ട് മോൻ സഹിച്ചോ ട്ടാ.." "അവനെ ഞാൻ വെറുതെ വിടുമെന്നാണോ..." കാശി പല്ല് കടിച്ചു കൊണ്ടത് ചോദിച്ചു. വല്ലാത്തൊരു ദേഷ്യമുണ്ടപ്പോൾ അവന്റെ മുഖം നിറയെ.. മഹേഷിനെ ഓർക്കുമ്പോൾ പോലും അവന്റെ ഞരമ്പിൽ തീ പിടിക്കുന്നത് പോലാണ്. കയ്യോടെ അവന് കൊടുക്കാനുള്ളത് കൊടുത്തു തീർക്കാതെ അതിനി മാറില്ല. "ഇല്ലെന്നുറപ്പല്ലേ.. അത് കൊടുത്തു തീർക്കാൻ ഞാനും ഉണ്ടല്ലോ നിന്റെ കൂടെ.. പക്ഷേ ആദ്യം നീയൊന്ന് റെഡിയാവട്ടെ. അല്ലാതിപ്പോ തന്നെ വീര്യം കാണിക്കാനും പക തീർക്കാനും ഇറങ്ങി പോയാൽ നഷ്ടം നിനക്ക് തന്നെയാണ്.." ശിവ ഓർമ്മിപ്പിച്ചു. അച്ഛമ്മ അറിഞ്ഞോടാ..ഈ പുകിലൊക്കെ.വിളിയൊന്നും വന്നിട്ടില്ല..എനിക്കിത് വരെയും അങ്ങോട്ട്‌ വിളിച്ചാൽ വല്ലതും ചുഴിഞ്ഞറിയുമോ എന്ന് പേടിച്ചിട്ടാ.. ഞാൻ വിളിച്ചിട്ടും ഇപ്പൊ കുറച്ചായി.. വെറുതെ എന്തിന് അതിനെ കൂടി പേടിപ്പിക്കാൻ.. നീ വിശേഷം വല്ലതും അറിഞ്ഞോ... പിന്നെ " കാശി ചോദിച്ചപ്പോൾ ശിവ ഞെട്ടി കൊണ്ടവനെ നോക്കി. മനസ്സിലിരുന്ന് പുകയുന്നതെല്ലാം അവനോടായി പങ്ക് വെക്കാൻ ഒരവസരം കിട്ടിയത് പോലാണ് പിന്നെ തോന്നിയത്. അവനായിട്ട് തന്നെ ഒരു വഴി തുറന്നു തന്നിരിക്കുന്നു. എന്താടാ.." ശിവയുടെ മുഖഭാവത്തിൽ നിന്ന് തന്നെ കാശി എന്തൊക്കെയോ പ്രശ്നമുണ്ടെന്ന് ഊഹിച്ചെടുത്തു. അത്... ചെറിയൊരു പ്രശ്നമുണ്ട് കാശി.." ശിവയുടെ ശബ്ദം വല്ലാതെ നേർത്തു പോയിരിക്കുന്നു. "സസ്പെൻസ് ഇട്ട് കളിക്കാതെ നീ കാര്യം പറയുന്നുണ്ടോ ശിവ... കാശിക്ക് ടെൻഷനേറി തുടങ്ങി. അതിനൊപ്പം ദേഷ്യവും. ഒരൊറ്റ ശ്വാസത്തിൽ തനിക്കറിയാവുന്ന കാര്യങ്ങളെല്ലാം ശിവ പറയുബോൾ കാശി അവനെ മിഴിച്ചു നോക്കി. "ഇനിയിപ്പോ പേടിക്കാൻ ഒന്നുമില്ല കാശി. അവളിപ്പോ ഒക്കെയാണ്.." ആ ഇരിപ്പ് കണ്ടിട്ടൊരു സങ്കടത്തോടെ ശിവ പറഞ്ഞു. "അപ്പൊ.. ഇതൊക്കെ കഴിഞ്ഞിട്ട് കുറെ ദിവസം ആയോ ഡാ.." കാശിയുടെ നോട്ടം ശിവക്ക് നേരെ കൂർത്തു. "അല്ലടാ അത്...ഇതിനെ കുറിച്ചൊന്നും പറയാൻ പറ്റുന്ന അവസ്ഥയിൽ അല്ലായിരുന്നു നീയും. നിനക്കറിയാലോ..നിന്റെ ഡോക്ടർ തന്നെയാണ് ഇപ്പോഴൊന്നും നിന്നോട് പറയരുതെന്ന് നിർബന്ധിച്ചു പറഞ്ഞത്.." പറയാഞ്ഞതിൽ അവന് തന്നോട് നീരസം തോന്നുമോ എന്നൊരു ടെൻഷനുമുണ്ട് ശിവക്കും. "അത്രയും സീരിയസ് ആയിരുന്നു.. എന്നല്ലേ അപ്പോൾ അർഥം.." "എന്ന് ചോദിച്ചാൽ ആയിരുന്നു. പക്ഷേ പറഞ്ഞല്ലോ ഞാൻ.. ഇപ്പൊ ഒക്കെയാണ്..അവൾക്കൊരു കുഴപ്പവുമില്ല. ഇന്നോ നാളെയോ ഡിസ്ചാർജ് ആയേക്കും.. ഞാൻ ഹോസ്പിറ്റലിൽ പോയിരുന്നു.." "സമ്മതിച്ചു.. ഇപ്പൊ ഒക്കെയാണ്. പക്ഷേ അന്ന്.. അന്നെനിക്ക് കാണാൻ കഴിയാതെ...അവൾക്കെന്തെങ്കിലും പറ്റിയിരുന്നെങ്കിൽ.. എന്താവുമായിരുന്നു ശിവ.." അവനെന്താണ് ഉദ്ദേശിച്ചതെന്ന് ശിവക്ക് മനസ്സിലായി. "നീ വെറുതെ ടെൻഷൻ ആവാതെടാ.. അങ്ങനൊന്നും ഉണ്ടായില്ലല്ലോ.. അവളെയിപ്പോ മുറിയിലേക്ക് മാറ്റി.. പിന്നെ മറ്റൊരു ആശ്വാസം.. ഗായത്രിയെ അവളുടെ വീട്ടുകാർ അംഗീകരിച്ചു എന്നുള്ളതാ..." മറ്റൊന്നും ഓർക്കാതെ അവനൊരു ചിരിയോടെ പറയുമ്പോൾ വീണ്ടും കാശിയുടെ കണ്ണുകൾ ചുരുങ്ങി. "അതും ഇതും തമ്മിലെങ്ങനെ... സത്യം പറഞ്ഞോ ശിവ.. ഇനിയും എന്തൊക്കെയോ നിനക്ക് പറയാനുണ്ടല്ലോ.." കാശിയുടെ മുഖം വലിഞ്ഞു മുറുകി. ഭവ്യയുടെ ഗർഭം അടക്കം... അവൾ അമിത ഡോസിൽ ഗുളിക കഴിച്ചു ഹോസ്പിറ്റലിൽ ആയത് വിഷ്ണു ഗായത്രിയിൽ കുറ്റം ആരോപണം നടത്തിയത് അടക്കം ശിവക്ക് അവനു മുന്നിൽ പറയേണ്ടി വന്നു... "എനിക്ക്... ഹോസ്പിറ്റലിൽ പോണം ശിവ.. അവളെ കാണാൻ.." അതേ ഭാവത്തിൽ തന്നെ അവൻ എഴുന്നേറ്റു. "അല്ലെടാ... അവളിപ്പോ ഒക്കെയാണ്.. നീ ഈ തലയും വെച്ച്..." "പിന്നെ തലയിവിടെ ഊരി വെച്ച് പോകാനോക്കുമോ.. എടാ അവളെന്റെ അനിയത്തിയാണ്.ഇത്രേം ദിവസം ഞാനിതൊന്നും അറിഞ്ഞില്ലെന്നു പറയാമായിരുന്നു.. ഇനിയും എല്ലാം അറിഞ്ഞിട്ടും എനിക്കിവിടെ ഇങ്ങനെ തന്നെ ഇരിക്കാൻ കഴിയുമെന്ന് നിനക്ക് തോന്നുന്നുണ്ടോ ശിവ...." കാശി ഒച്ചയിട്ട് കൊണ്ടവനെ നോക്കി. മുൻപ് അവനോട് പറയാഞ്ഞത് എത്ര നന്നായി എന്നായിരുന്നു ശിവക്കാ നിമിഷം തോന്നിയത്. എന്താ.. എന്താ കാശ്യേട്ടാ.. പതിയെ പറ.. മുറിവ് വേദനിക്കും.." അവർക്ക് കുടിക്കാനുള്ളതുമായി വന്നിരുന്ന കാർത്തു പെട്ടന്നുള്ള ബഹളം കേട്ടിട്ട് ഓടി വന്നു. ഒന്നുല്ല കുഞ്ഞാറ്റ.. അവൻ ഹോസ്പിറ്റലിൽ പോകാൻ... അയ്യോ.. ന്ത്‌ പറ്റി.. വീണ്ടും വേദന വന്നോ.. തല എവിടേലും ഇടിച്ചോ.. " ശിവയത് പറഞ്ഞു മുഴുവനാക്കും മുൻപ് കാർത്തു കാശിയുടെ നെറ്റിയിലെ മുറിവിലേക്ക് നോക്കി വെപ്രാളത്തോടെ ചോദിച്ചു. "ഇവൾക്കറിയില്ലേ..." കാശി ശിവയോട് ചോദിച്ചു. "അവളറിഞ്ഞ പിന്നെയത് നീ അറിഞ്ഞത് പോലല്ലേ.." ശിവ തന്നെയാണ് കാർത്തുവിനോടും വിവരം പറഞ്ഞു കൊടുത്തത്.. ഞാനൂടി വരാ... കാശിയോട് പോകണ്ടാന്നൊന്നും പറഞ്ഞില്ല..കാർത്തു. പകരം പറഞ്ഞതങ്ങനെയാണ്. ഇതിനോടകം തന്നെ കാശി അവൾ കൊടുത്ത ജൂസും കുടിച്ച് കൊണ്ടകത്തേക്ക് കയറി പോയിരുന്നു.. 💥💥 സമ്മതിച്ചു വിഷ്ണു നാദ്.. താനും തന്റെ അമ്മയും ഇത്രയും നേരത്തെ കുമ്പസാരത്തിൽ ഗായത്രിക്ക് ഭവ്യയോടുള്ള വൈരാഗ്യവും അതിന്റെ പേരിൽ നടത്തിയ കൊലപാതകശ്രമവും. അതാണ് ഇവിടെ സംഭവിച്ചത്.എല്ലാം ഞങ്ങൾ സമ്മതിച്ചു.. പക്ഷേ.. അന്ന്.. അതായത് ഭവ്യ അബോധവസ്ഥയിൽ ഹോസ്പിറ്റലിൽ അഡ്മിറ്റ് ആയ അന്ന്.. അന്നവൾക്ക് മെഡിസിൻ കൊടുത്തത് വിഷ്ണു തന്നെയാണോ...? പോലീസ് ഓഫീസറുടെ ചോദ്യവും നോട്ടവും. ഭവ്യ അയാളോട് സത്യം പറഞ്ഞു കാണും. അതാവും ഈ ചോദ്യം.താൻ ഗുളിക പൊട്ടിച്ചു കൊടുക്കുമ്പോൾ അവൾക്ക് ബോധമുണ്ടായിരുന്നല്ലോ.. അത് കൊണ്ട് തന്നെ ഇനിയിപ്പോ കള്ളം പറഞ്ഞു കൊണ്ട് കൂടുതൽ പ്രശ്നമുണ്ടാക്കേണ്ട എന്നൊരു ഭാവത്തിൽ വിഷ്ണു ആണെന്ന് സമ്മതിച്ചു. " കൊടുത്തത് ഞാനാണ്. പക്ഷേ അതെനിക്ക് തന്നത് ദേ ഇവളാ.. ഇല്ലേൽ സാറ് ചോദിക്ക്..അപ്പോഴും ഞാൻ അറിഞ്ഞില്ല അതെനിക്കിങ്ങനേ നിൽക്കാനുള്ള ഒരു കാരണമാവുമെന്ന്.. " വിഷ്ണു ഗായത്രിയെ നോക്കി പല്ല് കടിച്ചു. അവൾ രാജശേഖരന്റെ കയ്യിൽ ചുറ്റി പിടിച്ചു നിൽപ്പുണ്ട്. "ഭവ്യ പറഞ്ഞത് പ്രകാരം.. ഞാൻ ആളെ വിട്ട് അവളുടെ റൂം സേർച്ച്‌ ചെയ്യിപ്പിച്ചു.. ആ വീട്ടിൽ ആരും അറിയാതെ ഭവ്യ സ്വന്തം മുറിയിൽ സിസിടിവി ക്യാമറ സ്ഥാപിച്ചത് ഇങ്ങനൊന്നും മുൻകൂട്ടി കണ്ടത് കൊണ്ടായിരിക്കുമല്ലോ .. ഇനിയിപ്പോ അതിനെ കുറിച്ച് വിഷ്ണുനാദെന്നാ ഏട്ടൻ എന്ത് പറയുന്നു..ഏഹ്.." അങ്ങേയറ്റം പരിഹാസം നിറഞ്ഞു നിൽക്കുന്ന ആ ചോദ്യത്തിൽ തന്നെ വിഷ്ണു അപകടം തിരിച്ചറിഞ്ഞു. സിസിടിവി.. അവളോ.. " അവൻ വിശ്വാസം വരാത്ത പോലെ എടുത്തു ചോദിച്ചു. "അതെ.. സിസിടിവി തന്നെ.. വിശ്വാസം വരുന്നില്ലേ നിനക്ക്.. എങ്കിൽ സംഭവം സത്യം തന്നെയാണ്.. കുരുട്ട് ബുദ്ധിയുടെ ആശാനായ വിഷ്ണുനാദിന്റെ അനിയത്തി തന്നെയാണ് ഭവ്യ ഈ കാര്യത്തിൽ.വിഷ്വൽ മാത്രമല്ല.. വോയ്‌സ് നോട്ട് അടക്കം നല്ലത് പോലെ പതിഞ്ഞു കിട്ടുന്ന അത്യാവശ്യം കോസ്റ്റലി ആയിട്ടുള്ള ആ സിസിടിവി പല സത്യങ്ങളും തുറന്നു കാട്ടിയിട്ട് തന്നെയാണ് വിഷ്ണു നാദേ ഞാനിപ്പോൾ നിന്റെ മുന്നിൽ...ഇങ്ങനെ നിവർന്നു നിൽക്കുന്നത്." ഓഫീസർക്ക് പരിഹാസ ചിരി തന്നെയാണ്. "നിങ്ങളെന്താ... ഈ കുറ്റം എന്റെ തലയിൽ കെട്ടി വെക്കാൻ നോക്കുന്നോ." ഉള്ളിലെ വിറയൽ അടക്കി കൊണ്ടവൻ ഉറക്കെ ചോദിച്ചതും ഓഫീസർ കൈ നിവർത്തി ഒരൊറ്റയടി.. വിഷ്ണു പിന്നിലേക്ക് ചാഞ്ഞു പോയി.. "കുറ്റം നല്ലത് പോലെ വെടിപ്പായി സാറ് ചെയ്തിട്ടും പിന്നെയും പൊട്ടൻ കളിക്കുന്ന നിന്റെ തലക്ക് ബെസ്റ്റ് ആക്ടർ അവാർഡ് തരികയാണ് വേണ്ടതെന്നു അറിയാഞ്ഞല്ലടാ പൊന്ന് മോനെ.. നീ എവിടം വരെയും പോകും എന്ന് നോക്കിയതല്ലേ..ഞാൻ " പൂർണ്ണമായും താനൊരു കെണിയിൽ വീണു കുരുങ്ങി പോയെന്നുള്ളത് വിഷ്ണുവിന് മനസ്സിലാക്കി കൊടുക്കുന്നത് കൂടിയായിരുന്നു ആ വാക്കുകൾ. അമിത ആത്മ വിശ്വാസമിപ്പോൾ തനിക്ക് പണിതന്നിരിക്കുന്നു. ഇത് വരെയും ചെയ്തു കൂട്ടിയതിൽ നിന്നും ലാഘവത്തോടെ ഊരി വന്നത് പോലൊരു രക്ഷ ഈ കാര്യത്തിൽ ഉണ്ടാവില്ല. കാരണം എതിരെ നിൽക്കുന്ന ശത്രു.. അത് പ്രബലനാണ്. ഭവ്യക്ക് വേണ്ടി കൊടുത്ത പരാതി എന്നാണ്. പക്ഷേ അതയാൽ അയാളുടെ മകൾക്ക് വേണ്ടി കൊടുത്തതാണ്. ഉറപ്പായും അയാളത് ചെയ്യും. കൂട്ടത്തിൽ തനിക്കുള്ള പണിയും. മകളെ ഉപദ്രവിച്ചു എന്നതും അവളുടെ ജീവിതം കരുതി കൂട്ടി നശിപ്പിച്ചു എന്നുള്ളതിനും കൂട്ടി ചേർത്ത് കിട്ടുന്ന ശിക്ഷ.. അത് ഒട്ടും ചെറുതാവില്ല. അവന്റെ കണ്ണുകൾ രാജശേഖരന്റെ നേരെയൊന്ന് പാളി.. കളി കാണുന്ന ലാഘവത്തോടെ മകളെയും ചേർത്ത് പിടിച്ചു കൊണ്ടുള്ള ആ നിൽപ്പ്.. അങ്ങനൊന്നും ഇനിയീ ജന്മത്ത് പ്രതീക്ഷിക്കുന്നില്ലാത്തവന് അതൊരു ഷോക്ക് തന്നെയാണ്. അതിന്റെ പരിണിത ഫലങ്ങൾ താങ്ങാനും പറ്റില്ല.. "നീയും നിന്റെ തള്ളയും കൂടി കുടുംബത്തിന്റെ സൽപ്പേര് മാങ്ങ തൊലി എന്നൊക്കെ പറഞ്ഞിട്ടിത് ഒതുക്കി തീർക്കാൻ നോക്കിയത് തന്നെ കള്ളത്തരമാണ്.അവിടെ മുതൽ ഡോക്ടർക്ക് നിങ്ങളെ സംശയമുണ്ടെന്ന് പറഞ്ഞു കഴിഞ്ഞു.. സൽപ്പേര് ഉള്ള കുടുംബത്തിനല്ലേ വിഷ്ണുനാദേ അത് നില നിർത്തേണ്ട കാര്യമുള്ളു. നീ കുടുംബം ഏറ്റെടുത്തതിൽ പിന്നെ എന്തോന്ന് പേര്.." പോലീസ് ഓഫീസർ ചുണ്ട് കോട്ടി കൊണ്ടത് പറയുമ്പോൾ വിഷ്ണു രക്ഷപ്പെട്ടു പോകാനുള്ള വഴികളെ കുറിച്ചാണ് ഓർത്തത് മുഴുവൻ. "ഇത് കേസാക്കിയ.. മകളെ നാണം കെടുത്തിയാൽ കെട്ടി തൂങ്ങി ചാവും എന്നല്ലേ നിങ്ങൾ ഡോക്ടറോട് പറഞ്ഞത്.. അന്വേഷിച്ചു വന്നപ്പോ നിങ്ങളെ പോലൊരു തള്ള ജീവിച്ചിരിക്കുന്നത് കൊണ്ടും പ്രതേകിച്ചു കാര്യമൊന്നുമില്ല.. അത് കൊണ്ട് ഇപ്പൊ വേണേലും അതാവാം കേട്ടോ സുഗന്ധി.. കാരണം ഇനിയങ്ങോട്ട് ഇതൊരു കേസാണ്.. അടപടലം പൂട്ടി ഞാൻ അന്വേഷിച്ചു സത്യം പുറത്ത് കൊണ്ട് വരും..ഉറപ്പ്.." അത് കൂടി കേട്ടതോടെ സുഗന്ധി വിറക്കാൻ തുടങ്ങി.. അവരുടെ നോട്ടം വിഷ്ണുവിന്റെ നേരെ നീണ്ടു. ആ മുഖത്തെ പതർച്ചയറിഞ്ഞതും അവരിൽ ബാക്കിയുള്ള ധൈര്യം കൂടി മാഞ്ഞു പോയി.. "ഇനിയെന്തേലും പറയാനുണ്ടോ ആവോ.." അങ്ങേയറ്റം പരിഹാസത്തോടെയുള്ള പോലീസിന്റെ ചോദ്യം. അതിന് ഉത്തരം പറയാൻ തിരിഞ്ഞ വിഷ്ണുവിന്റെ നോട്ടം ചെന്നു നിന്നത്.... വാതിൽക്കൽ ചാരി നിന്നിട്ടത് മുഴുവനും കേട്ടു എന്നൊരു ഭാവത്തിൽ.. മുറുക്കത്തിൽ നിൽക്കുന്ന കാശിയുടെ നേരെയാണ്.. തുടരും... നല്ല പഷ്ട് സീൻ.. ഈ കഥയിൽ ഞാൻ ഏറെ ആവേശത്തിൽ എഴുതിയത് ഇതാണ്.. ഈ സീൻ. എനിക്കേറെ ഇഷ്ടമുള്ളതും ഇത് തന്നെ.. കർമ.... വരിക തന്നെ ചെയ്യും.. തരിക തന്നെ ചെയ്യും.. റിവ്യൂ ഇടണേ.. സ്നേഹത്തോടെ jif❣️ #📔 കഥ #💞 പ്രണയകഥകൾ

Part 78 " എന്നാലും ഇവൾ ഇത് എവിടെ പോയിരിക്കുവാ " : കൊട്ടിയിട്ടും ബെൽ അടിച്ചിട്ടും തുറക്കാത്ത വാതിൽ കണ്ട് രോഷത്തോടെ സരസ്വതി തിരക്കി. " ചിലപ്പോൾ സാധനം വല്ലതും വാങ്ങിക്കാൻ പോയത് ആയിരിക്കും സരസ്വതി. നീ അവിടെ ഇരിക്ക് കുറച്ച് നേരം കൂടി നമ്മുക്ക് നോക്കാം " : ലതയാണ് അത് പറഞ്ഞത്. ഉച്ച ഭക്ഷണവും കഴിച്ച് ഒരു ഉറക്കവും കഴിഞ്ഞ് പ്രമാണത്തിന്റെ കാര്യത്തിനായി ഗൗരിയെ അന്വേഷിച്ച് വന്നതാണ് സതീഷനും കുടുംബവും. (ഗൗരിയെ അവിടുന്ന് പുറത്താക്കിയില്ലേ അപ്പൊ അവളെ നമ്മുക്ക് ഇനി ആ കുടുംബത്തിൽ ചേർക്കണ്ട 🫣 എന്ത് പറയുന്നു) കണ്ണൻ ഉച്ചക്ക് കഴിക്കാൻ വരും എന്ന് അറിയുന്നത് കൊണ്ട് തന്നെ അവൻ വന്ന് പോയിട്ട് ഇറങ്ങാൻ കാത്ത് നിന്നതാണ് അവർ. ഇവിടെ എത്തിയിട്ട് ഇപ്പൊ കുറച്ച് നേരമായി ഇത്രയും നേരമായിട്ടും വാതിൽ തുറക്കാത്തത്തിന്റെ രോഷമാണ് സരസ്വതി തീർത്തത്. ഒപ്പം എല്ലാം പെട്ടന്ന് നടത്തി കണ്ണൻ വരുന്നതിന് മുൻപ് തന്നെ അവർക്ക് ഇവിടുന്ന് പോകണം. ലത പറഞ്ഞതും സരസ്വതി വലിയ താല്പര്യം ഇല്ലാത്ത പോലെ ലതക്ക് അടുത്തായി ആ തിണ്ണയിലേക്ക് ഇരുന്നു. ലെച്ചുവും സതീഷനും പിന്നെ വീടിന്റെ പരിസരം കാണാൻ ചുറ്റും നടക്കുവാണ്. " നിങ്ങൾ എന്താ ഇവിടെ ഇരിക്കുന്നെ അവൾ ഇതുവരെ കതക് തുറന്നില്ലേ " : പരിസരം ഒക്കെ കണ്ട് വന്ന് തിണ്ണയിൽ ഇരിക്കുന്നവരെ കണ്ട് ലെച്ചു ചോദിച്ചു. സതീഷനും അതെ സംശയത്തോടെ അവരെ നോക്കി. " ഇല്ല, ആ പെണ്ണ് ഇവിടെ ഇല്ലെന്ന തോന്നുന്നേ. കൊട്ടിയിട്ടും ബെൽ അടിച്ചിട്ടും ഒന്നും വാതിൽ തുറന്നില്ല. അകത്തും ആളനക്കും ഒന്നും കണ്ടില്ല. ഇനി ചിലപ്പോൾ കടയിൽ വല്ലതും പോയതായിരിക്കും അങ്ങനെ ആണെങ്കിൽ തിരികെ വരാൻ സമയം ആയല്ലോ അതാ ഞങ്ങൾ ഇവിടെ ഇരുന്നേ. " : ലതയാണ് അവർക്ക് ഉള്ള മറുപടി നൽകിയത്. അത് കേട്ടതും സതീഷനും ലെച്ചുവും കൂടി അവർക്ക് ഒപ്പം വന്ന് ഇരുന്നു. " അവൾ കടയിൽ ഒന്നും പോയത് ആയിരിക്കില്ല ചിലപ്പോൾ അവന്റെ കൂടെ എങ്ങോട്ടെങ്കിലും പോയത് ആയിരിക്കും അല്ലെങ്കിൽ ഇപ്പോൾ വരേണ്ട സമയം കഴിഞ്ഞില്ലേ. " : ഏറെ നേരം കഴിഞ്ഞിട്ടും അവളെ കാണാതെ വന്നതും സതീശൻ അതും പറഞ്ഞ് അവിടെ നിന്ന് എണീറ്റു. " അവർ എവിടെ പോകാന " : സതീശൻ പറഞ്ഞത് കേട്ട് ഇരുണ്ട മുഖത്തോടെ ലെച്ചു തിരക്കി. " അത് ഇപ്പൊ നമ്മുക്ക് എങ്ങനെ അറിയാന അവർ ഭാര്യയും ഭർത്താവും പോകുന്ന ഇടം ഒക്കെ. നമ്മുക്ക് എന്ന ഇറങ്ങാം നാളെ രാവിലെ വരാം " : അതും പറഞ്ഞ് സതീശൻ ഓട്ടോയുടെ അടുത്തേക്ക് നടന്നു. അത് കേട്ടതും ലെച്ചുവിന്റെ മനസ്സിൽ മുൻപ് രണ്ട് തവണ ഗൗരിയെയും കണ്ണനെയും പുറത്തൊക്കെ വെച്ച് കണ്ടത് ആയിരുന്നു. ഓർമ്മ വെച്ച കാലം മുതൽ ഗൗരിയെ ഭരിച്ച് ജീവിച്ചവൾക്ക് എന്ത് കാരണം കൊണ്ട് ആയാലും ഗൗരിയുടെ ഈ പോക്ക് ഒന്നും ഇഷ്ടപ്പെടുന്നുണ്ടായിരുന്നില്ല. " കല്യാണം കഴിഞ്ഞെന്ന് പറഞ്ഞ് അവൾ അങ്ങ് കറങ്ങി നടക്കുവാണല്ലേ " : ഇഷ്ടക്കേടോടെ അവൾ സ്വയം പറഞ്ഞു. പോകാനായി തിണ്ണയിൽ നിന്ന് എണീറ്റവർ അത് കേൾക്കുകയും ചെയ്തു. അവർ പരസ്പരം ഒന്ന് നോക്കി പിന്നെ ലെച്ചുവിന്റെ നേരെ തിരിഞ്ഞു. " ലെച്ചു " : സരസ്വതി " എന്തൊക്കെ ആയിരുന്നു നിങ്ങൾ പറഞ്ഞെ കല്യാണം കഴിഞ്ഞ അവൻ അവളെ കൊണ്ട് പോയി അത് ചെയ്യും ഇത് ചെയ്യും അതോടെ അവളുടെ ജീവിതം നശിക്കും എന്നിട്ട് ഇപ്പൊ ഏത് നേരം നോക്കിയാലും രണ്ട് പേർക്കും കറക്കം മാത്രം " : ലെച്ചു എണീറ്റ് അവർക്ക് നേരെ ചീറി. " എന്റെ ലെച്ചു ഒന്ന് പതുക്കെ, സതീഷേട്ടൻ കേൾക്കും. എത്രെ ഒക്കെ പറഞ്ഞാലും സ്വന്തം ചോര തന്നെ അല്ലെ, കാശ് കിട്ടുന്നത് കൊണ്ട അല്ലെങ്കിൽ ഇങ്ങനെ ഒരു ആലോചനക്ക് സതീഷേട്ടൻ സമ്മതിക്കുമായിരുന്നോ.....? നീ ഈ പറയുന്നത് കേട്ട് എവിടെയെങ്കിലും അയാളുടെ മനസ്സ് ഒന്ന് ചാഞ്ഞാലോ. അത് കൊണ്ട് ഇനി നീ ഓരോന്ന് പറഞ്ഞ് ഇഷ്ടക്കേട് വരുത്താതെ. അറിയാലോ ആ വീടും കൂടി അവളുടെ കയ്യിൽ നിന്ന് വാങ്ങി എടുക്കാൻ ഉള്ളതാ, ഇനി ഇതെങ്ങാനും കേട്ടിട്ട് എവിടെ എങ്കിലും ഒരു അനുകമ്പ തോന്നി അവളുടെ ഭാഗം വേണ്ടെന്ന് സതീഷേട്ടൻ അങ്ങ് വെക്കും. അത് കൊണ്ട് ഒന്നും മിണ്ടാതെ വരാൻ നോക്ക് " : അതും പറഞ്ഞ് ലതയോടൊപ്പം സരസ്വതി മുന്നോട്ട് നടന്നു. അത് കേട്ടതും ലെച്ചുവിന്റെ മുഖം ഒന്ന് തണുത്തു. ഒരിക്കൽ കൂടി ആ വീട്ടിലേക്ക് നോക്കി അവളും ഓട്ടോയിലേക്ക് കയറി. ************************************* " നമ്മൾ എവിടെക്കാ കണ്ണേട്ടാ പോകുന്നെ " : ക്ലിനിക്കിൽ നിന്ന് ഇറങ്ങി ടൗണിലേക്ക് ഉള്ള ബസ്റ്റോപ്പിൽ നിൽക്കുമ്പോൾ ഗൗരിയിൽ നിന്ന് വന്ന ചോദ്യമാണ്. " അതോ എത്തുമ്പോൾ അറിയാം " : സ്വാതുവെ ഉള്ള ഗൗരവത്തിൽ അവൾക്ക് ഉള്ള മറുപടി കൊടുത്ത് കൊണ്ട് അവൻ ചുറ്റും നോക്കി. പിന്നെ ഒന്നും ചോദിക്കാതെ ഗൗരിയും അവനോപ്പം നിന്നു. പലരുടെയും നോട്ടവും അടക്കം പറച്ചിലും ഒക്കെ അവരെ തേടി എത്തുന്നുണ്ടായിരുന്നു. വ്യക്തമായ കാര്യം അറിയില്ലെങ്കിലും താനും കണ്ണേട്ടനും പ്രണയിച്ച് വിവാഹം കഴിച്ചവരാണെന്ന് ചെറിയമ്മ കല്യാണത്തിന്റെ അന്ന് ക്ഷേത്രത്തിൽ വെച്ച് പറയുന്നത് അവളും കേട്ടിരുന്നു. അത് കൊണ്ട് ആയിരിക്കും അവരുടെ നോട്ടം തങ്ങൾക്ക് നേരെ നീളുന്നത് എന്ന് ഗൗരി കരുതി. തെറ്റ് ചെയ്തില്ലെങ്കിലും അവരുടെ ഒക്കെ നോട്ടത്തിലെ വല്ലായിമയിൽ തല കുനിച്ച് കണ്ണനോട് ചേർന്ന് നിന്നു ഗൗരി ഒപ്പം മറവിക്ക് വിട്ട കഴിഞ്ഞ് പോയ പലതും വീണ്ടും അവളുടെ ഓർമയിലേക്ക് എത്തിയതും അവൾക്ക് ഉള്ളം സങ്കടം കൊണ്ട് വിങ്ങി. കണ്ണൻ എന്നാൽ തനിക്കോ ഗൗരിക്കോ നേരെ നീളുന്ന നോട്ടത്തിന് തിരിച്ച് അവരെ ദഹിപ്പിക്കും വിധമൊരു നോട്ടം നൽകി കൊണ്ട് അവൾക്ക് മറയായി നിന്നു. പലർക്കും ഗൗരിയെ പലതും പറഞ്ഞ് കുത്തി നോവിക്കണം എന്ന് ഉണ്ടങ്കിലും ഒപ്പം നിൽക്കുന്ന എന്തിനും പോന്ന ആണൊരുത്തനെ കണ്ടതും അവർ പലതും ഉള്ളിലൊതുക്കി. " എന്നാലും അവളെ സമ്മതിക്കണം എന്തൊരു തൊലി കട്ടി ആണെന്ന് നോക്കണേ കെട്ടി ഒരുങ്ങി നിൽക്കുന്നത് കണ്ടില്ലേ " " ചിലപ്പോൾ ഹോസ്പിറ്റലിൽ പോകുന്നതായിരിക്കും, ഞാൻ വരുന്ന വഴിയിൽ കണ്ടായിരുന്നു രണ്ട് പേരും കൂടി ക്ലിനിക്കിൽ നിന്ന് ഇറങ്ങി വരുന്നത്. ആ പെണ്ണിന്റെ വയറ്റിൽ ഉള്ളതല്ലേ. " ബസ്സ് വന്നതും ഗൗരിയെ ആദ്യം കയറ്റി പിന്നാലെ കയറാൻ നിന്നവന്റെ ചെവിയിൽ ബസ്റ്റോപ്പിൽ നിന്ന രണ്ട് സ്ത്രീകളുടെ സംഭാഷണം തേടി എത്തി. അത് കേട്ടതും അവൻ അവരെ രൂക്ഷമായോന്ന് നോക്കി കൊണ്ട് വണ്ടിയിലേക്ക് കയറി. ഗൗരിയും കണ്ണനും ബസ്സ് കയറുന്ന ധൈര്യത്തിൽ അവിടെ നിന്ന് അവരെ കുറ്റം പറഞ്ഞ് നിന്നവർ അവന്റെ നോട്ടത്തിൽ ഒന്ന് വിരണ്ടു കൊണ്ട് നോട്ടം മാറ്റി. " ഓ പിന്നെ അവന്റെ ഒരു നോട്ടം കണ്ടില്ലേ ഉത്സവം വരെയേ ഉള്ളു രണ്ടും ഇവിടെ അപ്പൊ കാണാം. ഹാ അത് വരെ സഹിക്കണമല്ലോ എന്ന് ഓർക്കുമ്പോഴാ " അവർ കയറിയ ബസ്സ് കണ്ണിൽ നിന്ന് മറഞ്ഞതും അവന്റെ നോട്ടം ഇഷ്ടപ്പെടാതെ കൂട്ടത്തിലൊരു സ്ത്രീ പറഞ്ഞു. പിന്നെയും അവരെ കുറിച്ചുള്ള ചർച്ചകൾ അവിടെ പുരോഗമിച്ച് കൊണ്ട് ഇരുന്നു. ************************************ ഉച്ച കഴിഞ്ഞെങ്കിലും സ്കൂളും കോളേജും ഒന്നും വിടുന്ന സമയം ആകാത്തത് കൊണ്ട് തന്നെ ബസ്സിൽ അധികം തിരക്കൊന്നും ഉണ്ടായിരുന്നില്ല. ഒരുവിധം സീറ്റും എല്ലാം ഒഴിഞ്ഞ് കിടപ്പുണ്ട്. കണ്ണൻ ബസ്സിലേക്ക് കയറിയതും അവന്റെ കണ്ണ് ഗൗരിയെ തിരഞ്ഞു. ലോങ്ങ്‌ സീറ്റിൽ വിൻഡോ സീറ്റിൽ ഇരിപ്പുണ്ട് കക്ഷി. നടുമധ്യത്തിൽ ഇരിക്കുന്നത് കൊണ്ട് തന്നെ അവൻ അവൾക്ക് അടുത്തേക്ക് ചെല്ലാതെ അവളെ നോക്കി കൊണ്ട് പുറകിലെ സീറ്റിലേക്ക് ഇരുന്നു. അവൻ വന്ന് ഇരുന്നത് തൊട്ട് അടുത്ത് ഇരുന്ന വെക്തി അവനെ പേടിച്ച് ഉടനെ അവിടെ നിന്ന് മറ്റൊരിടത്തേക്ക് മാറി ഇരുന്നു. അത് കണ്ടതും അയാളെ ഒന്ന് നോക്കി പിന്നെ അത് കാര്യമാക്കാതെ അഞ്ചാറു സീറ്റ്‌ മുന്നിൽ ഇരിക്കുന്നവളിലേക്ക് നീണ്ടു. നാട്ടിൽ നിന്ന് ടൗണിലേക്ക് പോകുന്ന ബസ്സ് ആയത് കൊണ്ട് തന്നെ ഒട്ടുമിക്ക ആളുകളുടെയും കണ്ണ് അവരിൽ പതിക്കുന്നുണ്ടായിരുന്നു. ആദ്യം ഒക്കെ അവന് നേരെ നീളുന്ന നോട്ടങ്ങൾക്ക് തിരിച്ച് കടുപ്പിച്ച് നോക്കുമെങ്കിലും പിന്നെ അവൻ ശ്രദ്ധിക്കാതെ ആയി. രണ്ട് പേർക്കും ഉള്ള ടിക്കറ്റും എടുത്ത ശേഷം കൈ രണ്ടും മാറിൽ പിണച്ച് കെട്ടി ജനലിലേക്ക് തല ചായ്‌ച്ച് ഇരുന്നു എങ്കിലും അവന്റെ കണ്ണ് ഗൗരിയിൽ തന്നെ തറഞ്ഞ് നിന്നു. അവിടെ ഒരു കൈ മുൻ സീറ്റിലെ കമ്പിയിൽ പിടിച്ച് ജനലിൽ തല ചെയ്ച്ച് ഇരിക്കുവാണ്. പിന്നി വച്ചിരിക്കുന്ന മുടി തോളിലൂടെ മുന്നിലേക്ക് ഇട്ടിട്ടുണ്ട്. ആ മുഖം കണ്ടില്ലെങ്കിലും അവൻ മനസ്സിലാകുന്നുണ്ടായിരുന്നു അവളുടെ ചിന്ത ഇപ്പൊ എന്തായിരിക്കും എവിടെ എല്ലാം സഞ്ചരിച്ച് കാണും എന്ന്. ഒരു വശം അവർ ഇനിയും അവളെ ഇട്ട് ദ്രോഹിക്കുന്നതിലും നല്ലതും താൻ ഒപ്പം കൂട്ടിയത് തന്നെ ആണെന്ന് മനസ്സ് വാദിക്കുമ്പോൾ. മറു വശം ഇന്നലെ വരെ സ്നേഹത്തോടെ നോക്കി കണ്ടിരുന്നവളെ ഇന്ന് വെറുപ്പോടെയും പുച്ഛത്തോടെയും അവക്ഞ്ഞതയോടെയും മറ്റുള്ളവർ നോക്കുന്നത് താൻ കാരണം ആണ് താൻ അവളെ പെണ്ണ് ചോദിച്ച് ചെന്നത് കൊണ്ട് അല്ലെ എന്ന് അവന്റെ കുറ്റപ്പെടുത്തി. ചിലപ്പോൾ ഇപ്പൊ പോലും മനസ്സ് കൊണ്ട് അവൾ തന്നെ കുറ്റപ്പെടുക ആയിരിക്കും അവൻ ഒന്ന് നിശ്വസിച്ചു. പരിഗണിക്കപ്പെടുന്നതിന്റെയും അവളെ കേൾക്കാൻ ആളെ കിട്ടിയതിന്റെയും സന്തോഷവും സ്നേഹവും ആണ് അവളിൽ തനിക്ക് കാണാൻ കഴിഞ്ഞത്. അതിൽ കവിഞ്ഞൊരു സ്നേഹം തന്നോട് അവൾക്ക് ഉണ്ടോ എന്ന് ചോദിച്ചാൽ ഇല്ല എന്ന് തന്നെയാണ് അവന്റെ മനസ്സ് അവന് നൽകിയ ഉത്തരം. പക്ഷെ തനിക്കോ....? ഒരിക്കലും ഒരു കൗതുകത്തിന്റെ പുറത്തോ അവളുടെ അവസ്ഥ കണ്ട് സഹതാപം തോന്നിയിട്ടോ അവൾ ആത്മത്യക്ക് ശ്രമിച്ചപ്പോൾ അതിന്റെ വാശി പുറത്തോ സ്വന്തം ആക്കിയതല്ല താൻ അവളെ. ആഗ്രഹിച്ചിട്ട് തന്നെയാ, ആദ്യ കാഴ്ചയിൽ തന്നെ തന്റെ മനസ്സ് കവർന്നവൾ. ഈ നാട്ടിലേക്ക് വന്നതിന് പിന്നിൽ രേവതിയുടെ മകൾ ഗൗരി നന്ദ എന്ന പെൺകുട്ടിയും തന്റെ ലക്ഷ്യം ആയിരുന്നു. പക്ഷെ അത് ഒരിക്കലും ഇത് പോലെ കല്യാണം കഴിച്ച് ഒപ്പം കൂട്ടാൻ ആയിരുന്നില്ല എന്ന് മാത്രം. ആദ്യ കാഴ്ചയിൽ തന്നെ തന്റെ മനം കവർന്നപ്പോൾ അതായിരിക്കും താൻ അന്വേഷിച്ച് വന്ന പെൺകുട്ടി എന്ന് ഒരിക്കലും കരുതിയിരുന്നില്ല. പിന്നീട് അറിഞ്ഞപ്പോൾ വലിയ ഞെട്ടൽ തന്നെ ആയിരുന്നു അത് തനിക്ക് സമ്മാനിച്ചത്. രണ്ട് പേരും ഒരാൾ ആണെന്ന് അറിഞ്ഞപ്പോൾ തന്റെ മനസ്സിൽ തോന്നിയ ആ ചെറിയ ഇഷ്ടം പോലും വേണ്ടെന്ന് വെക്കാൻ ആണ് ആദ്യം ശ്രമിച്ചത്. കഴിഞ്ഞതെല്ലാം ഒരു മനസ്സിൽ ഒരു മിന്നൽ പോലെ പാഞ്ഞ് പോയതും കണ്ണോന്ന് ഇറുക്കി അടച്ച് തുറന്ന് തിരിഞ്ഞ് ഇരുന്ന് തന്നെ നോക്കുന്നവളിൽ തന്നെ കണ്ണ് പതിപ്പിച്ചു. മോചിപ്പിക്കണം....! ഈ താലി ബന്ധനത്തിൽ നിന്ന് തന്നെ അവളെ മോചിപ്പിക്കണം....! അവൾ ഒരിക്കലും ആഗ്രഹിച്ച് കൊണ്ട് സ്വീകരിച്ചതല്ല ആ താലി അത് കൊണ്ട് തന്നെ അവളെ അതിൽ തന്നെ കുരുക്കി ഇടാനും താൻ ആഗ്രഹിക്കുന്നില്ല. ' എത്രയും പെട്ടന്ന് ഇവിടെ നിന്ന് എല്ലാം ഒതുക്കി തീർത്തിട്ട് വേണം അവളെയും കൊണ്ട് ഇവിടം വിടാൻ അന്ന് എല്ലാം അറിഞ്ഞതിനു ശേഷം അവൾക്ക് തീരുമാനിക്കാം ആ താലി അവൾക്ക് വേണോ വേണ്ടയോ എന്ന് '  അവൻ അവളിൽ നിന്ന് നോട്ടം മാറ്റാതെ തന്നെ ഉറച്ചൊരു തീരുമാനം എടുത്തിരുന്നു. ഇടക്ക് കണ്ണനെ നോക്കി തിരിഞ്ഞവൾ കണ്ണടച്ച് തുറന്ന് അവളിൽ നോട്ടം ഇട്ട് ഇരിക്കുന്നവനെ കണ്ട് കുറച്ച് നേരം അവളും നോക്കി ഇരുന്നു എങ്കിലും പിന്നെ ഒരു പതർച്ചയോടെ നോട്ടം മാറ്റി കൊണ്ട് മുന്നിലേക്ക് തിരിഞ്ഞ് ഇരുന്നു താളം തെറ്റിയ ഹൃദയമിടിപ്പ് വരുതിയിൽ വരുത്തുകയായിരുന്നു. തുടരും........ #പ്രണയം #love #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ

ആത്മഹത്യ ഭീരുത്വത്തിന്റെ ലക്ഷണമാണ്. കൊള്ളരുതായ്മയുടെയും ഭീരുത്വത്തിന്റെയും “ ”ഭീരുത്വം എന്നു പറഞ്ഞാൽ ഞാൻ സമ്മതിക്കില്ല. ഓടുന്ന തീവണ്ടിയുടെ മുൻപിൽ തലവയ്ക്കുന്നത് ഭീരുത്വമാണത്രെ,ഭീരുത്വം“ രാജലക്ഷ്മിയുടെ ആത്മഹത്യ എന്ന കഥ ആരംഭിക്കുന്നത് ഇങ്ങനെയാണ്. എഴുതിപോകുമെന്ന ഭയം രാജലക്ഷ്മിയെ കൊണ്ടെത്തിച്ചത് മരണത്തിലേക്കാണ്. അവരുടെ അവസാന നോവലാണ് ”ഞാനെന്ന ഭാവം “. ഇത്രെയേറെ ദുഖവും വിഷാദവും ഒരു മനുഷ്യന്റെ ഉള്ളിലെങ്ങനെ എന്ന തോന്നലാണ് ആ നോവൽ വായിച്ച് കഴിയുമ്പോൾ ബാക്കിയാവുക. ആഖ്യാനശൈലിയിലെ വ്യത്യാസവും കഥകളുടെ പ്രമേയവുമൊക്കെ വായനയോട് കൂടുതൽ ഇഷ്ടം തോന്നിപ്പിക്കും. ദുഖമാണെങ്കിലും രാജലക്ഷ്മിയുടെ കൃതികളും, എഴുത്തുകാരിയും എന്നോട് ചേർന്നിരിക്കും എന്നും. വളരെ കുറച്ച് കൃതികൾ മാത്രമേ ഉള്ളൂ നമുക്ക് രാജലക്ഷ്മി എന്ന എഴുത്തുകാരിയെ അറിയാൻ. മലയാള സാഹിത്യത്തിലെ ഈ അക്ഷര തേജസ്സിനെ മറന്നുപോകാതെ, വായനയിൽ കൂടെ കൂട്ടണം ❤️ #📙 നോവൽ #🕵️‍♂️ സാമൂഹിക വിഷയങ്ങൾ #💓 ജീവിത പാഠങ്ങള്‍ #🌃ശുഭരാത്രി സ്റ്റാറ്റസ് #🌃 ഗുഡ് നൈറ്റ്🥰 Krishnamritham❤️

#നോവൽ #😔 ഇമോഷണൽ സ്റ്റാറ്റസ് 😍 #🌟 താരങ്ങള്‍ #💞 നിനക്കായ് #💔 നീയില്ലാതെ

#📙 നോവൽ എല്ലാവരെയുമൊന്ന് നോക്കിയിട്ട് തന്റെ കഴുത്തിൽ കിടന്ന താലി ഊരി കിഷോറിന്റെ കയ്യിലേക്ക് വച്ച് കൊടുത്തു. അവൻ കൈ നിവർത്തി ആ താലിയിലേക്ക് ഒന്ന് നോക്കി. അത് തന്റെ കയ്യിലിരുന്ന് ചുട്ട് പൊള്ളുന്നത് പോലെ കിഷോറിന് തോന്നി. "കിഷോറേട്ടന് എന്നോട് ദേഷ്യം തോന്നരുത്. കിഷോറേട്ടന്റെ ജീവിതം ഞാൻ കാരണം തകർന്ന് പോകരുതെന്ന് ആഗ്രഹം ഉള്ളത് കൊണ്ടാണ് ഞാൻ ഇങ്ങനെയൊരു സാഹസത്തിന് മുതിർന്നത്. നല്ലൊരു പെൺകുട്ടിയെ കണ്ട് പിടിച്ച് കിഷോർ ഏട്ടന്റെ വിവാഹം ഞാൻ തന്നെ നടത്തി തരും." വേണിയുടെ വാക്കുകൾ കിഷോറിനെ തളർത്തി. "ഇത്രേം കടുത്ത തീരുമാനം എടുക്കണമായിരുന്നോ വേണി." അവൾ നിറഞ്ഞ കണ്ണുകളോടെ അവളെ നോക്കി. "സഹോദരനായി കണ്ടവനെ ഭർത്താവായി കാണാൻ ഈ ജന്മം എനിക്ക് കഴിയില്ല. അതുകൊണ്ടാണ് ഞാൻ ഇങ്ങനെയൊരു തീരുമാനം കൈകൊണ്ടത്." വേണിയുടെ സ്വരം ഉറച്ചതായിരുന്നു. "എനിക്കെന്റെ നിരപരാധിത്വം തെളിയിക്കണം. ശ്രീയേട്ടൻ ഇന്ന് മണ്ഡപത്തിൽ വച്ച് കാണിച്ച ഫോട്ടോയുടെ പിന്നിലെ സത്യാവസ്ഥ എന്താണെന്ന് എനിക്ക് കണ്ടെത്തണം. അങ്ങനെ ഒരു ഫോട്ടോ നിങ്ങളൊക്കെ പറഞ്ഞത് പോലെ കല്യാണം മുടക്കാൻ ശ്രീയേട്ടൻ മനഃപൂർവം കെട്ടിച്ചമച്ചതാണോ അതോ ആരെങ്കിലും ഞങ്ങളുടെ വിവാഹം മുടക്കാൻ അങ്ങനെയൊരു ഫോട്ടോ ക്രീയേറ്റ് ചെയ്ത് അയച്ചു കൊടുത്തതാണോ എന്നെനിക്ക് അറിയണം." വേണി ഉറച്ച സ്വരത്തിൽ പറഞ്ഞു. അവളാ പറഞ്ഞത് കേട്ട് കിഷോർ ഒന്ന് ഞെട്ടി. എങ്കിലും അവൻ തന്റെ ഞെട്ടൽ പുറത്ത് കാണിച്ചില്ല. "അത് വേണം വേണി. നമ്മുടെ നിരപരാധിത്വം തെളിയിക്കേണ്ടത് നമ്മുടെ ആവശ്യമാണ്." ഉള്ളിലെ ടെൻഷൻ പുറത്ത് കാണിക്കാതെ കിഷോർ പറഞ്ഞു. "എന്നാലും മോളേ നീ ഈ താലി ഊരരുതായിരുന്നു." വാസുദേവന്റെ സ്വരം ഇടറി. "ഞാൻ കിഷോർ ഏട്ടന്റെ ഭാര്യയായി ജീവിച്ചാൽ ശ്രീയേട്ടൻ പറഞ്ഞതൊക്കെ ശരിയായിരുന്നു എന്നല്ലേ കരുതു. അങ്ങനെ കരുതുന്നതിനപ്പുറം വിനീതേട്ടനെ പോലെ കണ്ട കിഷോറേട്ടനെ പെട്ടെന്നൊരു സുപ്രഭാതത്തിൽ ഭർത്താവായി കാണാനുള്ള ബുദ്ധിമുട്ട് ഉള്ളത് കൊണ്ട് കൂടിയാണ്. അതുകൊണ്ട് അച്ഛൻ ഇനിയെങ്കിലും എന്നെ മനസ്സിലാക്കണം. താലി കോർത്ത ഒരു മഞ്ഞ ചരട് കഴുത്തിൽ കെട്ടിയത് കൊണ്ട് കല്യാണം കഴിഞ്ഞൂന്ന് പറയാൻ കഴിയില്ല. മനസ്സ് കൊണ്ട് രണ്ടാൾക്കും അടുപ്പം വേണ്ടേ. ഞങ്ങടെ കാര്യത്തിൽ ഒരിക്കലും അതുണ്ടാവില്ല. അതിനാൽ ഒരേയൊരു ജീവിതം പരീക്ഷണത്തിന് വിട്ട് കൊടുക്കാൻ എനിക്ക് കഴിയില്ല." വേണി അച്ഛനെ പറഞ്ഞു മനസ്സിലാക്കാൻ ശ്രമിച്ചു. "എങ്കിൽ നിനക്കിത് മണ്ഡപത്തിൽ വച്ച് തന്നെ പറയാമായിരുന്നു. വെറുതെ കിഷോറിനെ പറ്റിച്ച പോലെ ആയില്ലേ. കല്യാണവും താലികെട്ടും ഒന്നും കുട്ടി കളി അല്ലല്ലോ. ഞാൻ നിർബന്ധിച്ചിട്ട അവൻ നിന്നെ താലി കെട്ടിയത്." വാസുദേവൻ ക്ഷോഭിച്ചു. "മണ്ഡപത്തിൽ വച്ച് കാര്യങ്ങൾ വിശദീകരിക്കാനോ പറയാനോ പറ്റിയൊരു മാനസികാവസ്ഥയിൽ അല്ലായിരുന്നു ഞാൻ. പ്രതീക്ഷിക്കാത്ത കാര്യങ്ങൾ കണ്മുന്നിൽ അരങ്ങേരിയത് കണ്ട് ആ ഷോക്കിൽ നിൽക്കുമ്പോഴാണ് അച്ഛൻ കിഷോറേട്ടനെ കൊണ്ട് എന്നെ വിവാഹം കഴിപ്പിക്കാൻ തയ്യാറായത്. ഞാൻ വേണ്ടെന്ന് പറഞ്ഞപ്പോ അച്ഛൻ ആത്മഹത്യാ ഭീഷണി മുഴക്കിയില്ലേ? പിന്നെ ഞാൻ എങ്ങനെയാണ് നിങ്ങളെ എല്ലാവരെയും എന്റെ അവസ്ഥ പറഞ്ഞു മനസിലാക്കുക." വേണി കിതച്ചു. അവൾ പറയുന്നത് ശരിയാണെന്ന ബോധ്യമുള്ളത് കൊണ്ട് വാസുദേവൻ മൗനമായി ഇരുന്നു. "നിന്റെ ഈ അഹങ്കാരം പിടിച്ച വർത്തമാനവും ആരെയും അനുസരിക്കാതെ തന്നിഷ്ടം കാട്ടിയുള്ള പെരുമാറ്റവും കാരണം ആയിരിക്കും ആ ചെറുക്കൻ നിന്നെ വേണ്ടെന്ന് വച്ചിട്ടുണ്ടാവുക." മകളുടെ പ്രവർത്തിയിൽ ദേഷ്യം വന്ന അംബിക അരിശത്തോടെ പറഞ്ഞു. "അമ്മേ... എപ്പോ എന്ത് സംസാരിക്കണമെന്ന ബോധമില്ലേ അമ്മയ്ക്ക്." അവരുടെ സംസാരം ഇഷ്ടപ്പെടാതെ വിനീത് ചോദിച്ചു. "പെൺപിള്ളേർ ആയാൽ കുറച്ചൊക്കെ അടക്കവും ഒതുക്കവും വേണം. വീട്ടുകാർ പറഞ്ഞാൽ അനുസരിക്കണം. ഞങ്ങൾ പറയുന്നത് കേട്ട് വളർന്നിരുന്നെങ്കിൽ ഇവൾക്കിപ്പോ ഈ ഗതി വരില്ലായിരുന്നല്ലോ. ഇനിയിപ്പോ നാട്ടുകാരും ബന്ധുക്കളും കല്യാണം മുടങ്ങിയതിന്റെ കാരണം കൂടി അറിഞ്ഞാൽ ആർക്കും പിന്നെ നാട്ടിൽ തലയുയർത്തി നടക്കാൻ പോലും കഴിയില്ല." കിഷോർ കെട്ടിയ താലി വേണി ഊരി കൊടുത്തതിന്റെ അരിശത്തിലാണ് അംബിക അത്രയും പറഞ്ഞത്. "അമ്മയോന്ന് നിർത്തുന്നുണ്ടോ. ഈ സമയത്താണോ ഇങ്ങനെ സംസാരിക്കുന്നത്." വിനീത് ഒച്ചയുയർത്തി. "എന്നെകൊണ്ട് ഇവൾ പറയിപ്പിച്ചതല്ലേ. Neeyum അച്ഛനും കൂടി ലാളിച്ചും കൊഞ്ചിച്ചും വഷളാക്കിയത് കൊണ്ട ഇവൾക്കിന്ന് ഈ ഗതി വന്നത്." അംബിക സാരിതുമ്പ് കൊണ്ട് വായ പൊത്തി പൊട്ടി വന്ന തേങ്ങൽ അമർത്തി പിടിച്ചു. "അമ്മ എന്ത് വേണമെങ്കിലും പറഞ്ഞോട്ടെ ഏട്ടാ. ഒക്കെ കേൾക്കാൻ ഞാൻ ബാധ്യസ്തയാണ്. ഞാൻ ശ്രീയേട്ടനെ സ്നേഹിച്ചത് കൊണ്ടല്ലേ എനിക്കിന്ന് ഇങ്ങനെ നാണം കെടേണ്ടി വന്നത്." വേണി സങ്കടത്തോടെ ചിരിച്ചു. ******* വൈകുന്നേരത്തോടെ വേണിയെ ഹോസ്പിറ്റലിൽ നിന്നും ഡിസ്ചാർജ് ആക്കി. അവരെ ശ്രീമംഗലത്ത് കൊണ്ട് വിട്ട ശേഷം കിഷോർ സ്വന്തം വീട്ടിലേക്ക് പോയി. അവന്റെ അച്ഛനും അമ്മയും അനിയനുമെല്ലാം ശ്രീമംഗലത്ത്‌ തന്നെയുണ്ടായിരുന്നു. സംഭവിച്ച കാര്യങ്ങൾ കിഷോർ ഹോസ്പിറ്റലിൽ വച്ച് തന്നെ അവരെ വിളിച്ചു പറഞ്ഞിട്ടുണ്ടായിരുന്നു. താൻ കെട്ടിയ താലി വേണി കിഷോറിന് തിരികെ നൽകിയതിനാൽ അവന് ശ്രീമംഗലത്ത് നിൽക്കാൻ ബുദ്ധിമുട്ടുണ്ടായിരുന്നു. കാരണം വേണി ഹോസ്പിറ്റലിൽ നിന്ന് തിരിച്ചെത്തിയത് കൊണ്ട് അധികം വൈകാതെ തന്നെ ഇക്കാര്യം എല്ലാവരും അറിയുമെന്ന് അവന് ഉറപ്പായിരുന്നു. ബന്ധുക്കൾക്കിടയിൽ ഒരു പരിഹാസ പാത്രമായി നിൽക്കാൻ കഴിയാത്തത് കൊണ്ട് കൂടിയാണ് കിഷോർ മുല്ലശ്ശേരിയിലേക്ക് പൊയ്ക്കളഞ്ഞത്. വീട്ടിലെത്തിയ കിഷോർ നേരെ പോയത് സ്വന്തം റൂമിലേക്ക് ആണ്. അതുവരെ മനസ്സിൽ അടക്കി വച്ച ദേഷ്യവും സങ്കടവും ആ നിമിഷം അവനിൽ നിന്നും അണപ്പൊട്ടി ഒഴുകി. ആ ദേഷ്യവും സങ്കടവും തീർക്കാൻ കിഷോർ മുറിയിലെ സകല സാധനവും അടിച്ച് തകർത്തു. എന്നിട്ടും അവന് കലി അടങ്ങുന്നുണ്ടായിരുന്നില്ല. "വേണീ.... എനിക്ക് നിന്നെ വേണം. നീ ഇല്ലാതെ എനിക്ക് പറ്റില്ല. എത്ര ആശിച്ചു മോഹിച്ച നിന്നെ ഞാൻ താലി കെട്ടിയത്. എന്നിട്ട് അതിനൊരു വിലയും കൽപ്പിക്കാതെ ഇങ്ങനെ ഊരി തരാൻ നിനക്ക് എങ്ങനെ മനസ്സ് വന്നു." തന്റെ ഉള്ളം കൈയ്യിൽ ചുരുട്ടി പിടിച്ച താലിയിലേക്ക് നോക്കി അവൻ അലറി കരഞ്ഞു. പെട്ടെന്നാണ് കിഷോർ എന്തോ ഓർത്തത് പോലെ ഫോൺ എടുത്ത് മീരയെ വിളിച്ചത്. നടന്ന കാര്യങ്ങൾ അവൻ അവളെ അറിയിച്ചിട്ടുണ്ടായിരുന്നില്ല. വേണി താലി ഊരി നൽകിയത് അവളോട് പറയുന്നതിനൊപ്പം ശ്രീഹരിയുടെ മൊബൈലിൽ നിന്ന് അവനെടുത്ത ഫോട്ടോ ശ്രീഹരി അറിയാതെ ഡിലീറ്റ് ആക്കാനും മീരയെ ഓർമ്മിപ്പിക്കണമെന്ന് കിഷോർ ചിന്തിച്ചു. ഫോട്ടോയിലെ ഡീറ്റെയിൽസ് നോക്കിയാൽ അത് എടുത്ത സമയം കൃത്യമായി കണക്കാക്കാനും അതുവഴി ആ ഫോട്ടോ മോർഫ് ചെയ്തതല്ലെന്നും വേണിക്ക് മനസ്സിലാക്കാൻ എളുപ്പമാണ്. അങ്ങനെ വന്നാൽ വേണിയുടെ സംശയം സ്വാഭാവികമായും കിഷോറിലേക്ക് തിരിയും. ആ ദിവസം ഒരു ഞായറാഴ്ച ആയതിനാൽ എക്സാം ടൈമിൽ താൻ അവളെ പഠിപ്പിക്കാൻ ശ്രീമംഗലത്ത്‌ പോയ ദിവസമാണ് അതെല്ലാം നടന്നതെന്ന് വേണിക്ക് ഓർത്തെടുക്കാൻ കഴിഞ്ഞേക്കുമെന്ന് കിഷോർ കണക്ക് കൂട്ടി. അതുകൊണ്ട് ആ ഫോട്ടോ ശ്രീഹരിയുടെ ഫോണിൽ നിന്ന് എന്നന്നേക്കുമായി ഡിലീറ്റ് ആക്കുകയോ അല്ലെങ്കിൽ ഫോൺ തന്നെ പൊട്ടിക്കുകയോ ചെയ്യേണ്ടി വരുമെന്ന് കിഷോർ ചിന്തിച്ചു. കുളിച്ചു വന്ന് ഡ്രസ്സ്‌ മാറ്റുമ്പോഴാണ് മേശപ്പുറത്തിരുന്ന മൊബൈൽ റിങ് ചെയ്യുന്നത് മീര കണ്ടത്. കിഷോർ ആണ് വിളിക്കുന്നതെന്ന് കണ്ടപ്പോൾ വാതിൽ അടച്ചിട്ടുണ്ടെന്ന് ഉറപ്പ് വരുത്തിയ ശേഷം മീര ഓടിച്ചെന്ന് കാൾ എടുത്തു. തുടരും

#💞 പ്രണയകഥകൾ #📔 കഥ #📙 നോവൽ MY DOCTOR ❤️40 കട്ടിയുള്ള കമ്പിളി പുതപ്പിനടിയിൽ ഇണ ചേരുന്ന നാഗങ്ങളെ പോലെ അഞ്ജുവിന്റെ ശരീരവുമായി കേട്ട് പിണഞ്ഞു കിടന്നിട്ടും തണുപ്പ് സഹിക്കാതെ ഏഥൻ മിഴികൾ തുറന്നു..... പുറത്ത് രാത്രി തുടങ്ങിയ മഴ ഇപ്പോഴും നിൽക്കാതെ അതിശക്തമായി പെയ്തുകൊണ്ടിരിക്കുകയാണ്.  ഹാളിലെ വെറും നിലത്തു കിടക്കുന്നത് കൊണ്ടുതന്നെ തണുപ്പ് പാതി നഗ്നമായ ശരീരം മുഴുവൻ ഐസ് പോലെ തണുപ്പിക്കുകയാണ്. അഞ്ജുവിന്റെ കുഞ്ഞു ശരീരം ഒരു വായുപോലും കടക്കാത്ത വിധം ഏഥനെ പുണർന്നു കിടന്നു. അതിൽ നിന്നുയരുന്ന നേരിയ ചൂട് ആ തണുപ്പിൽ ഏഥനൊരു സുഖം നൽകി. ഏഥൻ ഒന്നുമറിയാതെ ഉറങ്ങുന്ന അഞ്ജുവിന്റെ മുഖത്തേക്ക് സഹിക്കാനാവാത്ത സ്നേഹത്തോടെ നോക്കി. " നീ എന്തൊരു ലഹരിയാണ് ബേബി..... ഒരിക്കലും മടുക്കാത്ത, എന്നെ എന്റെ സന്തോഷത്തിന്റെ കൊടുമുടികളിൽ എത്തിക്കാൻ കെൽപ്പുള്ള കൂടിയ ഏതോ ലഹരി...." ഏഥൻ അവളുടെ നെറ്റിയിൽ അമർത്തി ചുംബിച്ചു. അഞ്ചു ഒന്ന് കുറുകി.... പുലർച്ചെക്കെപ്പോഴോ ഉറങ്ങിയത് കൊണ്ട് അവളിപ്പോഴൊന്നും ഉണരില്ലെന്നവന് തോന്നി. അവൾക്കപ്പുറത്ത് കിടക്കുന്ന ഹോട്ബാഗ് പൂർണമായും തണുത്തിട്ടുണ്ട്. ഏഥന്റെ ചിന്തകൾ ഒരു തരിപ്പോടെ ഇന്നലെയിലേക്ക് പോയി. മെർലിനോടുള്ള ദേഷ്യത്തിന് പുറത്ത് തുടങ്ങിയതെങ്കിലും അവസാനം രണ്ടു പേരുടെയും സിരകളിൽ തീ പോലെ പടർന്ന വികാരങ്ങൾക്കൊടുക്കം അവളെ പുണർന്നു കിടക്കുമ്പോഴാണ് അഞ്ചു വയറുവേദനിക്കുന്നെന്ന് പറയുന്നത്.  ഏഥൻ പ്രിസ്ക്രൈബ് ചെയ്ത മരുന്ന് 5 ദിവസത്തിനായിരുന്നു. 4 ദിവസം അവളത് കറക്റ്റ് കഴിച്ചിരുന്നു. പക്ഷെ തലേന്നത്തെ അപ്രതീക്ഷിത സംഭവങ്ങൾ കാരണം മരുന്നിന്റെ കാര്യം പോലും വിട്ട് പോയി. ഹോർമോൺ ടാബ്ലറ്റ്  ആയത് കൊണ്ട് മുടങ്ങാൻ പാടില്ല. മുടങ്ങിയാൽ പിറ്റേന്ന് ബ്ലീഡിങ് വരും. അതാണ് അഞ്ജുവിന് സംഭവിച്ചത്. അവൾക്ക് പിരിയഡ്‌സ് വന്നു. കയ്യിൽ ഒരു പാഡ് പോലും ഇല്ല. അഞ്ചു നിസ്സഹായയായി ഏഥനെ നോക്കി. ഏഥൻ വാതിൽ എല്ലാം ലോക്ക് ആക്കി അഞ്ജുവിനെ താഴെ സോഫയിൽ ഇരുത്തി അതിവേഗത്തിൽ പുറത്തേക്ക് പോയി.  10 മിനുട്ട് കൊണ്ടവൻ രണ്ട് മൂന്നു കവറുകളുമായി തിരികെ വന്നു. അഞ്ചു അതിശയിച്ചു പോയി. " പറന്നാണോ പോയത്? " വയറു വേദന കാരണം വയറ്റിൽ അമർത്തി പിടിച്ചു കിടക്കുന്നതിനിടയിലും അഞ്ചു ചോദിച്ചു പോയി. " ആണെന്ന് തോന്നുന്നു..... " ഓടി അവൾക്കടുത്തു വന്നിരുന്നവൻ പറഞ്ഞു. " ആദ്യം ഇത് കഴിക്ക് " ഏഥൻ ഒരു ഗുളിക അവൾക്ക് നേരെ നീട്ടി. " ആദ്യം വാഷ്റൂമിൽ പോണം ഏഥൻ.... " അതും പറഞ്ഞവൾ പുറകിലേക്ക് നോക്കിയപ്പോഴാണ്  ഇട്ടിരിക്കുന്ന വൈറ്റ് ഷർട്ടിലും ഡെനിംബ്ലൂ ജീൻസിലും നല്ല രീതിയിൽ രക്തകറ ഏഥൻ കാണുന്നത്. " ടാബ്ലറ്റ് കുടിച്ചത് കൊണ്ട് ഹെവി ബ്ലീഡിങ് ആയിരിക്കും...." ഏഥൻ നീട്ടിയ പാടുമായി അഞ്ചു താഴെ അവൾ കിടന്നിരുന്ന റൂമിലെ ബാത്‌റൂമിലേക്ക് നടന്നു. ഏഥൻ പുറകെ ചെന്ന് വാർഡോബ് തുറന്ന് ഒരു സ്ലീവ്ലസ് ക്രോപ് ടോപ്പും ട്രൗസറും ഇന്നർവെയേഴ്‌സും എടുത്തു. ബാത്രൂം ഡോർ മുട്ടി. അഞ്ചു ചെറുതായി തുറന്ന് കൊടുത്ത ഡോറിലൂടെ ഡ്രസ്സ്‌ കൊടുത്ത് ഏഥൻ അടുക്കളയിലേക്ക് പോയി ചൂടുവെള്ളം എടുത്തു. അവൻ വാങ്ങി കൊണ്ടുവന്ന ഹോട്ബാഗിൽ നിറച്ചു. പുറത്തു നിന്ന് വാങ്ങി വന്ന ഫുഡ്‌ ഒരു പ്ലേറ്റിലേക്കിട്ട് അടച്ചു വച്ചു. അഞ്ചു ഫ്രഷ് ആയി വരുമ്പോഴേക്കും എഥനും വേഗത്തിൽ പോയി ഫ്രഷ് ആയി. ഏഥൻ ഹാളിലെത്തിയപ്പോൾ അഞ്ചു സോഫയിൽ കമഴ്ന്നു കിടപ്പുണ്ട്. അവൻ ചെന്നവളെ എണീപ്പിച്ചു മരുന്ന് കുടിപ്പിച്ചു. അവൾ സോഫയിൽ തന്നെ കിടന്നു. ഏഥൻ ക്രോപ് ടോപ് പൊക്കി അവളുടെ കുഞ്ഞു വയറിലേക്ക് ഹോട്ബാഗ് വച്ചു. സുഖം കൊണ്ട് അഞ്ജു കണ്ണുകൾ അടച്ചു. ഏഥൻ എത്ര സമയം ആ ബാഗ് വയറ്റിൽ അവിടിവിടായി അമർത്തി ഇരുന്നെന്ന് അവൾക്കറിയില്ല. വേദനക്ക് നല്ല ആക്കം തോന്നി അഞ്ചു കണ്ണ് തുറന്നപ്പോഴും ഏഥൻ ഒരു മടുപ്പുമില്ലാതെ ആ പ്രവർത്തി തുടരുകയാണ്. " വേദന കുറഞ്ഞോ? " വാത്സല്യത്തോടവൻ ചോദിച്ചു. "ഹ്മ്മ്....." അഞ്ജുവിന്റെ മിഴികൾ പെയ്യാൻ വെമ്പൽ കൊണ്ടു. ഓർമവച്ച കാലം മുതൽ സ്വന്തം അമ്മ പോലും കൊടുക്കാത്ത പരിഗണനയാണീ മനുഷ്യൻ അവൾക്ക് നൽകികൊണ്ടിരിക്കുന്നത്. അഞ്ചു ഏഥന്റെ ഷോൾഡറിൽ പിടിച്ചു എണീറ്റിരുന്നു. "ഈ വേദന എനിക്ക് ശീലമാണ്..... " അവന്റെ ആകുലത നിറഞ്ഞ മുഖത്തുകൂടി കൈകൊണ്ട്  തഴുകി അഞ്ചു പറഞ്ഞു. ദിവസവും ഇതിനെക്കളേറെ വേദനകൾ കാണുന്ന ഏഥൻ ഡോക്ടർക്ക് ഈ പെണ്ണൊരുത്തിയുടെ ആർത്തവ വേദന പോലും സഹിക്കാനാകുന്നുണ്ടായിരുന്നില്ല. ഏഥൻ ഒന്നും പറയാതെ എണീറ്റ് സോഫയിലേക്കിരുന്നു. അഞ്ജുവിന്റെ അഴിഞ്ഞു കിടക്കുന്ന മുടിയിലൂടെ വിരൽ കടത്തി ജട കളഞ്ഞു തുടങ്ങി. നീണ്ട മുടി  മുഴുവൻ വൃത്തിക്ക് പിന്നിയിട്ടു. അഞ്ചു ഏഥന്റെ നെഞ്ചിലേക്ക് ചാരി കിടന്നു. അവളുടെ ഹൃദയം വിങ്ങിക്കൊണ്ടിരുന്നു. ഇത്രയും പരിഗണന ഇതിനു മുന്നേ അവളനുഭവിച്ചിട്ടില്ലല്ലോ. ഏഥൻ തന്നെ അവൾക്ക് ഭക്ഷണവും വാരി കൊടുത്തു. റൂമിലേക്ക് പോയി കിടക്കാമെന്നു ഏഥൻ പറഞ്ഞെങ്കിലും അഞ്ചു സമ്മതിച്ചില്ല. ആർത്തു പെയ്യുന്ന മഴയുടെ സംഗീതം ആസ്വദിച്ചു ഈ ഹാളിൽ കിടക്കാമെന്ന് പറഞ്ഞവൾ വാശി കാണിച്ചു. അവളുടെ വാടിയ മുഖത്ത് നോക്കി അതിനെ എതിർക്കാൻ അവനു തോന്നിയില്ല. അഞ്ചു ഏഥന്റെ ടീഷർട്ട് ഊരി. ആ തണുത്ത നിലത്തേക്കവൻ കിടന്നു.ഏഥന്റെ മുകളിൽ അവന്റെ വിരിഞ്ഞ നെഞ്ചിലേക്കവൾ  കമഴ്ന്നു കിടന്നു. ഏഥന്റെ ശരീരം വിറച്ചു പോയി. അവന്റെ നഗ്നമായ നെഞ്ചിലെ ചൂട് മുഴുവൻ വലിച്ചെടുത്തങ്ങനെ  ഒരുപാട് നേരം അഞ്ചു നിശബ്ദമായി കിടന്നു. " തണുക്കുന്നു..... " അവൾ പിറുപിറുത്തു. " റൂമിൽ പോവാം..... " അവളുടെ മുടിയിഴകളിലൂടെ തഴുകി ഏഥൻ ചോദിച്ചു. " വേണ്ട, പുതപ്പ് വേണം.... " അതും പറഞ്ഞവൾ ഏഥന്റെ ദേഹത്ത് നിന്നും നിലത്തേക്ക് കിടന്നു. ഏഥൻ പുതപ്പെടുത്തു വന്നു. അവളോട് ചേർന്ന് കിടന്ന് രണ്ടുപേരെയും തല മാത്രം പുറത്ത് കാണും വിധം മൂടി. അഞ്ചു കുറുകി കൊണ്ടവന്റെ ദേഹത്തേക്കവളുടെ ദേഹത്തെ മുറുകി പുണർന്നു. അഞ്ചു ഏഥന്റെ മുഖത്തേക്ക് ഉറ്റു നോക്കി. അവളുടെ നോട്ടം അവന്റെ ആത്മാവ് തുളച്ചു കയറി. " നമ്മൾ തമ്മിൽ എത്രയോ കാലമായി അടുപ്പമുള്ളതായി തോന്നുന്നു.... " അഞ്ചു പറഞ്ഞത് കേട്ട് ഏഥൻ ഒന്ന് മന്ദഹസിച്ചു. അതേ കാര്യം തന്നെയല്ലേ അവന്റെ മനസ്സിലും ഓടിക്കൊണ്ടിരിക്കുന്നത്. ഒരിക്കലും അവളുമായുള്ള കൂടിക്കാഴ്ച യാദൃശ്ചികം ആയിരുന്നില്ലെന്ന തോന്നൽ ഇപ്പോൾ ശക്തമാണ്. ഏഥൻ അഞ്ജുവിന്റെ ചുണ്ടിൽ അത്രയും കുഞ്ഞൊരു ചുംബനം നൽകി. അവന്റെ ഉള്ളിലെ സ്നേഹം പ്രകടിപ്പിക്കാൻ മറ്റൊരുവഴിയും അവൻ കണ്ടില്ല. അഞ്ജുവും അവനെ തിരിച്ചു ചുംബിച്ചു. കുഞ്ഞു കുഞ്ഞു ചുംബനങ്ങൾ. അവരുടെ ചുണ്ടുകൾ പോലുമത് തിരിച്ചറിയുന്നുണ്ടോ എന്ന് സംശയമാണ്. പതുക്കെ അത്രയും പതുക്കെ ഇരുവരും ചുണ്ടുകൾ നുണഞ്ഞു തുടങ്ങി. ഒരു പുതപ്പിനടിയിൽ ഇറുകെ പുണർന്നു തകർത്തു പെയ്യുന്ന പേമാരിയുടെ ചെവിതുളക്കുന്ന ശബ്ദത്തിൽ ഒരു മിട്ടായി കഴിക്കും പോലവർ പരസ്പരം അധരങ്ങൾ നുണഞ്ഞു........ കാമത്തിന്റ ഒരു കണിക പോലുമില്ലാത്ത, പ്രണയം കൊണ്ടു സൃഷ്ട്ടിച്ച ചുംബനത്തിന്റെ മാറ്റൊരു മുഖം മറ്റൊരു രൂപം മറ്റൊരു രുചി. ആ രുചിയിൽ  ലയിച്ചങ്ങനെ എപ്പോഴോ അവർ ഉറക്കത്തെ പുൽകി..... ഐഫോണിന്റെ റിങ്ടോൺ ആണ് ഏഥനെ ചിന്തകളിൽ നിന്നുണർത്തിയത്. സുഖമായുറങ്ങുന്നവളെ ശല്യപെടുത്താതെ ഏഥൻ കയ്യെത്തിച്ചു ഫോൺ എടുത്തു. " ഡോക്ടറെ.... " അപ്പുറത് നിന്നും മീരയുടെ ശബ്ദം മുഴങ്ങി. " പറ മീര.... " " ഹോസ്പിറ്റലിൽ വരെ വരാമോ? ഒരു എമർജൻസി ഉണ്ടായിരുന്നു.... ഒരു പ്രെഗ്നന്റ് ലേഡി സൂയിസൈഡിന് ശ്രമിച്ചു..... കുറച്ചു കംപ്ലിക്കേഷൻസ് ഉണ്ട്. ആളുടെ ലൈഫ് സേഫ് ആണ്. ബട്ട്‌ ബേബി.... സർ ഒന്ന് വേഗം വരാമോ? " " യെസ്. ഞാൻ ദാ വരാം.... " ഏഥൻ കാൾ കട്ട്‌ ചെയ്തു വേഗം അഞ്ജുവിനെ അവന്റെ ശരീരത്തിൽ നിന്നും അടർത്തി മാറ്റി. അവളെ കൈകളിൽ കോരിയെടുത്തു റൂമിൽ കിടത്തി  പുതച്ചു കൊടുത്തു. " ഹോസ്പിറ്റലിൽ ഒരു എമർജൻസി ഞാൻ പോയി ട്ടോ...... എണീറ്റിട്ടു വിളിക്ക്. Love you" ഇത്രയും ഒരു സ്റ്റിക്കി നോട്ടിൽ എഴുതി അവൾക്ക് കാണും വിധം വാർഡോബിന്റെ മുന്നിൽ ഒട്ടിച്ചു. നെറ്റിയിൽ അമർത്തി ഒരു ഉമ്മ കൊടുത്ത് ഏഥൻ ഡ്രസ്സ്‌ ചേഞ്ച്‌ ചെയ്യാൻ ഓടി. ******************* ഇങ്ങനെ സർവം മറന്നൊരു ഉറക്കം അഞ്ജു അവളുടെ ജീവിതത്തിൽ ഇന്നേവരെ ഉറങ്ങിയിട്ടില്ല. കണ്ണുകൾ തുറന്നപ്പോൾ എന്നുമില്ലാത്തൊരു ഉഷാറൊക്കെ തോന്നിയവൾക്ക്. അടുത്ത് ഏഥൻ ഇല്ലെന്ന് കണ്ട് അഞ്ജു എണീറ്റു. വാർഡോബിന് മുന്നിൽ മനോഹരമായ വാടിവൊത്ത കൈയക്ഷരത്തിൽ എഴുതി ഒട്ടിച്ചിരിക്കുന്ന നോട്ട് വായിച്ചതും അവളുടെ ചുണ്ടിൽ ഒരു ചിരി വിരിഞ്ഞു. ആ സ്റ്റിക്കി നോട്ടിൽ ഒന്ന് ചുണ്ടമർത്തി അത് ടേബിളിൽ ഇരിക്കുന്ന അവളുടെ ബാഗിലേക്ക് വച്ചു. ബാത്‌റൂമിൽ കയറി പല്ലുതേപ്പൊക്കെ കഴിഞ്ഞു പുറത്തിറങ്ങി. ഏഥൻ പിന്നിയിട്ട മുടി അഴിക്കാതെ ഒരു സെൽഫി എടുത്തു. എന്നിട്ടത് അഴിച്ചു വൃത്തിയിൽ ചീകി ചുറ്റികെട്ടി വച്ചു. ഏഥനെ അഞ്ജു വിളിച്ചു നോക്കി. പക്ഷെ കാൾ എടുത്തില്ല. ബിസി ആയിരിക്കുമെന്നവൾക്ക് തോന്നി. അഞ്ജു റൂമിൽ നിന്ന് പുറത്തിറങ്ങി,കിച്ചണിൽ എന്തൊക്കയോ ശബ്ദം കേട്ട് ചെന്ന് നോക്കിയപ്പോൾ സീമേച്ചിയാണ്. അവരെ കണ്ടപ്പോൾ അഞ്ജുവിന് ജാള്യത തോന്നി. അവരോട് എന്ത് പറയണമെന്ന് അവൾക്ക് അറിയില്ല...... തന്നെ കുറിച്ചവർ എന്ത് ചിന്തിക്കുമെന്നോർത്തായിരുന്നു അവളുടെ വേവലാതി. " ആ.... കുഞ്ഞ് എണീറ്റോ..... ടേബിളിലേക്കിരുന്നോ ഞാൻ കഴിക്കാനെടുക്കാം.. " യാതൊരു ഭാവവിത്യസവും ഇല്ലാതെ സീമ പറഞ്ഞു. " ഏഥൻ സർ കുഞ്ഞിനെ നോക്കണമെന്ന് പറഞ്ഞേൽപ്പിച്ചിട്ടാണ് പോയത്... " അവളുടെ നിൽപ്പ് കണ്ട് ഒരു മന്ദാഹാസത്തോടെ അവർ പറഞ്ഞു. അഞ്ജു അതിനൊന്ന് തലയാട്ടി. " ഏഥൻ സർ സിറി മോനെയല്ലാതെ മറ്റൊരാളെ ഇങ്ങനെ കൂടെ താമസിപ്പിക്കുന്നതും ശ്രദ്ധിക്കണം എന്ന് പറയുന്നതും ആദ്യമാണ്.... അതിൽ നിന്നുതന്നെ മനസിലാക്കാലോ  കുഞ്ഞദ്ദേഹത്തിന് എത്ര വേണ്ടപ്പെട്ട  ആളാണെന്നു... " അവരുടെ ശബ്ദത്തിൽ വല്ലാത്ത സന്തോഷം ഉണ്ടായിരുന്നു. മിനിഞ്ഞാന്ന് പോവുമ്പോൾ ഉള്ള പോലെയല്ല വീടും എഥനും അഞ്ജുവും ഒന്നും... അതായിരിക്കണം അവർക്കിത്ര സന്തോഷം. ഭക്ഷണം എടുത്തുവെക്കാൻ അഞ്ജുവും കൂടി. കഴിക്കാനിരുന്നപ്പോൾ അവരെയും വിളിച്ചു. പക്ഷെ സീമേച്ചി കഴിച്ചെന്നു പറഞ്ഞു. നല്ല ആവി പാറുന്ന മുട്ടക്കറിയും ഇടിയപ്പവും. " എനിക്ക് തരാതെ ഒറ്റക്കിരുന്നു കഴിക്കാണല്ലേ..... " ശബ്ദം കേട്ട് അഞ്ജു മുഖമുയർത്തി നോക്കി. മുന്നിൽ സിറി നിൽക്കുന്നു. " സിറി..... " വിടർന്ന കണ്ണുകളോടെ അഞ്ജു വിളിച്ചു. സിറി അഞ്ജുവിനെ അത്ഭുധത്തോടെ നോക്കി. ഇത്രയും കാലം കാണാത്ത വിധത്തിൽ നൂഡിൽസ്ട്രാപ് ക്രോപ് ടോപ്പും ട്രൗസറും  ധരിച്ചു അഞ്ജു. കഴുത്തിന്റെ പലയിടങ്ങളിലും purple കളറിൽ പാടുകൾ തെളിഞ്ഞു കാണാം. അവളത് ശ്രദ്ധിച്ചിട്ടില്ലെന്നവൻ ഊഹിച്ചു. ഇല്ലെങ്കിൽ അഞ്ജുവിന്റെ സ്വഭാവം വച്ചു അത് ഹൈഡ് ചെയ്തിട്ടുണ്ടാവും. പൊതുവെ  ചുവന്ന ചുണ്ടുകൾ ഒന്ന് കൂടെ വീർത്തു ചുവന്ന പോലെ. അവൻ വേഗം നോട്ടം മാറ്റി. സിറി അവൾക്കടുത്തുള്ള കസേരയിലേക്കിരുന്നു ചുറ്റി കെട്ടിവച്ച മുടി ഒറ്റവലിക്ക് അഴിച്ചു കളഞ്ഞു അതിൽ പിടിച്ചു താഴേക്ക് വലിച്ചു. അപ്പോഴേക്കും അഞ്ചു ഇടത്തെ കയ്കൊണ്ട് അവന്റെ പോണിറ്റൈൽ കെട്ടിയ മുടിയും പിടിച്ചു വലിച്ചിരുന്നു . വേദനയെടുത്തപ്പോൾ ഒരു പൊട്ടിച്ചിരിയോടെ പരസ്പരം അവർ മോചിപ്പിച്ചു. അഞ്ജുവിന്റെ മുഖത്ത് ഇന്ന് വരെ കാണാത്ത തിളക്കം..... അത് തന്റെ അപ്പൻ സമ്മാനിച്ചതാണെന്ന് അവനറിയാം. രാവിലെ ഇങ്ങോട്ട് വന്നു കയറുമ്പോൾ ഹോസ്പിറ്റലിലേക്ക് ധൃതിയിൽ ഇറങ്ങി പോവുന്ന അപ്പന്റെ മുഖത്തും അവൻ ഇന്ന് വരെ കാണാത്ത തിളക്കമുണ്ടായിരുന്നു. അവനെ മുറുകെ പുണർന്നു മെഡിക്കൽ എമർജൻസി ഉണ്ടെന്ന് പറഞ്ഞു അപ്പൻ പോയപ്പോൾ തന്റെ അപ്പനെ ഇത്രകാലത്തിനിടക്ക് ഇങ്ങനെ സന്തോഷവനായി കണ്ടിട്ടില്ലെന്നവൻ ചിന്തിച്ചു..... അല്ലെങ്കിലും പ്രണയം അങ്ങനെയാണല്ലോ , ഒരുമനുഷ്യനെ പൂത്തു കായ്ക്കാൻ പഠിപ്പിക്കുന്നത് ഭ്രാന്തനാക്കുന്നതും എല്ലാം ഈ പ്രണയത്തിന്റെ മായാജാലം തന്നെയല്ലേ....... അത്ര നേരം ഉള്ളിലുണ്ടായിരുന്ന ചെറിയ  സങ്കടം പോലും അപ്പന്റെയും അഞ്ജുവിനെയും തെളിഞ്ഞ മുഖം കണ്ടപ്പോൾ പൂർണമായും ഇല്ലാതായി.. " എപ്പോഴാ ഹോസ്റ്റലിലേക്ക് പോവുന്നെ.... ഞാൻ കൊണ്ടുവിടാം.... " സിറി ഭക്ഷണം കഴിച്ചു കൊണ്ട് പറഞ്ഞു. " കഴിച്ചു ഫ്രഷ് ആയിട്ട് പോണം.... ഐഷു പെണ്ണ് എന്നെ കാത്ത് കാത്തവിടെ ഇരിപ്പുണ്ടാവും. "  സിറിയതിന് ചിരിയോടെ തലയാട്ടി. " എന്നാലും എന്റെ അഞ്ജു കൊച്ചേ..... എങ്ങനെ നീ ആ ഹിറ്റ്‌ലെറുടെ മനസിലോട്ട് ഇടിച്ചു കയറി. "  സിറി ഒരു കളിയാക്കലോടെ ചോദിച്ചു. അഞ്ജു പൊട്ടി ചിരിച്ചു...... അവർക്കിടയിൽ വീണ്ടും എല്ലാം പഴയതിനേക്കാൾ മനോഹരമായി മാറുകയായിരുന്നു.... ആദ്യത്തെക്കാൾ മനോഹരമായ  സൗഹൃദം ഉരുതിരിയുകയായിരുന്നു........ തുടരും......... 😌😌

#📙 നോവൽ തികഞ്ഞ ഒരു മകൾ ഉണ്ട് എനിക്ക്.. ഇവളെ പോലെയുള്ളവളെ ഒക്കെ ഇവിടെ കേറ്റി താമസിപ്പിച്ചാൽ എന്റെ കുഞ്ഞിന്റെ ജീവിതം വഴിയാധാരമാകും. ഉമ പറയുന്നത് കേട്ടതും അനന്തന്റെ നെറ്റി ചുളിഞ്ഞു.. ഗംഗയ്ക്കും മനസ്സിലായി ഉമയും മാളവും ഒക്കെ കാര്യങ്ങൾ മനസ്സിലാക്കിയെന്ന്.. അവളുടെ മിഴികൾ നിറഞ്ഞു.. കള്ളക്കണ്ണീരൊന്നുമൊഴുക്കണ്ട കേട്ടോ.. അതിവിടെ ചിലവാകത്തുമില്ല... ഉമ തീർത്തു പറഞ്ഞു. ഞാൻ.... ഞാൻ നാളെ പോയ്കോളാം... നേരം വെളുക്കുമ്പോഴേ പൊയ്ക്കോളാം അമ്മേ. അതിനു മറുപടി പറയാതെ അവർ മകന്റെ നേർക്ക് തിരിഞ്ഞു. പെറ്റതള്ളയെ നീ വെറും മറ്റവളാക്കി കളഞ്ഞു അല്ലേടാ... അമ്മ വെറുതെ ആവശ്യമില്ലാത്ത വർത്താനം പറയരുത്.. നാട്ടുകാരെ കേൾപ്പിക്കാൻ ആണോ ഇങ്ങനെ ഒച്ച ഇടുന്നത്. ഒരു നാട്ടുകാരെയും കേൾപ്പിക്കാനല്ല, നാളെ ഒരിക്കൽ ആരും, ഉമയുടെ മകൻ എവിടെയോ കിടന്ന ഒരുത്തിയെയും കെട്ടി ജീവിക്കുന്നുവെന്ന് കേൾക്കാൻ ഇട വരരുത്.. അതിന് ഞാനിവളെ കല്യാണം കഴിക്കാമെന്ന് പറഞ്ഞൊ. നീ പറഞ്ഞില്ല... ശരി തന്നെ.. പക്ഷേ നിന്റെ ഉദ്ദേശം എന്താണ്.. ഈ പെൺകൊച്ചിന്റെ കല്യാണം കഴിഞ്ഞതല്ലേ, നിയമപരമായിട്ട് ഇവള് മറ്റൊരുത്തന്റെ ഭാര്യയല്ലേ, വയറ്റിൽ ഒരു കുഞ്ഞു കൂടി ഉണ്ടായിരുന്നത് അല്ലേ ഇവൾക്ക്,,, ഈ കാര്യങ്ങൾ എല്ലാം അറിഞ്ഞുകൊണ്ട് തന്നെയല്ലേ നീ ഇവളെയും കൂട്ടി ഇങ്ങോട്ട് വന്നത്. അതെ അറിഞ്ഞുകൊണ്ട് തന്നെയാ വന്നത്... എന്തു ഉദ്ദേശത്തിലാണ് നീ ഇങ്ങോട്ട് വന്നത്... നാളെ ഒരിക്കൽ എന്റെ പെങ്ങൾക്കാണ് ഈ ഗതി വരുന്നതെങ്കിൽ ഞാനെന്തു പ്രവർത്തിക്കും അത് തന്നെയാണ് ഇവളുടെ മേലും ചെയ്തത്. ആത്മഹത്യയുടെ വക്കിൽ നിന്ന ഇവളെ അവിടെ നിന്നും കൂട്ടിക്കൊണ്ടുവന്നത് ആരും പറയുന്നത് കേട്ട് ഇറക്കി വിടാൻ അല്ല.. പിന്നെ??? ഇവൾക്ക് സുരക്ഷിതമായി ഈ വീട്ടിൽ താമസിക്കാൻ പറ്റുമെന്ന് ഞാൻ കരുതി, അല്ലെങ്കിൽ കോൺവെന്റില്.. ഇവിടെ എവിടെയെങ്കിലും ഗംഗ സമാധാനത്തോടെ കഴിയണം.. കോൺവെന്റിൽ ഇപ്പോൾ സാഹചര്യം കുറച്ച് പ്രതികൂലമാണ്. കുറച്ചു ദിവസങ്ങൾ കൂടി കഴിഞ്ഞാൽ ഗംഗയ്ക്ക് അവിടെ താമസിക്കാം..അതുവരെ ഇവിടെ നിൽക്കും.. നടക്കില്ല... ഈ ഉമ ജീവിച്ചിരിക്കുമ്പോൾ അത് നടക്കില്ല.. അതെന്താ.... അത് പറ്റില്ല,, നാളെ പോലീസുകാര് നിന്നെ അന്വേഷിച്ചു ഇവിടെ എത്തും. കൈയ്യോടെ അവർ നിന്നെ പൊക്കിയെടുത്ത് കൊണ്ടുപോകും. എനിക്കും എന്റെ മോൾക്കും ഇവിടെ സമാധാനത്തോടെ കഴിയണം. അമ്മ പേടിക്കുന്നതുപോലെ ഒന്നുമുണ്ടാവില്ല.... പിന്നെ... ആരാ പറഞ്ഞെ,,, ഈ പെണ്ണിന്റെ വീട്ടുകാര് അടങ്ങിയിരിക്കുമെന്ന് നിനക്ക് തോന്നുന്നുണ്ടോ.. അനന്തേട്ടാ ഇവിടെ ഒരു തർക്കംവേണ്ട, ഞാൻ നാളെ പൊയ്ക്കോളാം.... ഗംഗ അവരുടെ ഇടയിൽ കയറി പറഞ്ഞു.. അപ്പോഴേക്കും അനന്തന്റെ വീട്ടിലേക്ക് അയൽ വീട്ടിൽ നിന്നും ആരോ എത്തി. പിന്നീട് ആരും ഒന്നും പറഞ്ഞതുമില്ല. സുശീലയും മാളുവും ഒക്കെ ഗംഗയെ ഇടക്കൊക്കെ നോക്കുന്നുണ്ട്.. ഒഴുകിവന്ന കണ്ണീർ തുടച്ചുകൊണ്ട് ആ പാവം അനന്തന്റെ മുറിയിലേക്ക് പോയി. ഉമേ... നിന്റെ പ്ലാൻ എന്താണ്, നീ എന്തിനാ ആ കുട്ടിയോട് ദേഷ്യപ്പെട്ട് പെരുമാറിയത്. ഇങ്ങനെയൊന്നും അല്ലല്ലോ ഉമേ നീ കുറച്ചു മുന്നേ പറഞ്ഞത്. സുശീല അടക്കിപ്പിടിച്ചുകൊണ്ട് പറയുകയാണ്. ചേച്ചി... അവള് ആളൊരു പാവമാണ്. കുടുംബക്കാരാലോചിച്ച് കെട്ടിച്ചു വിട്ടതല്ലേ. എന്നിട്ടും അതിനീ ഗതി വന്നല്ലോ.. ഒരു കാരണവശാലും അവളെ ഞാനിവിടുന്ന് പറഞ്ഞയക്കില്ല.. എന്റെ മകനെ സമ്മതമാണെങ്കിൽ ഞാൻ അവളെ അനന്തന്റെ ഭാര്യയാക്കും. ന്റെ കൃഷ്ണാ.... ഉമേ നീ എന്ത് അസംബന്ധമാണീ പറയുന്നത്... അനന്തൻ അറിഞ്ഞാൽ പിന്നെ തീർന്നുകാര്യങ്ങൾ. നോക്കാം ചേച്ചി ഏതു വരെ പോകുന്നു.. അവളുടെ സൗന്ദര്യവും വിദ്യാഭ്യാസവും ഒന്നും കണ്ടല്ല ഞാൻ ഇതൊക്കെ പറയുന്നത്. ആ പെൺകുട്ടി ഈ ചുരുങ്ങിയ നാളുകൊണ്ട് അനുഭവിച്ച വേദനയും വിഷമവും എത്രത്തോളമാണ്. എന്നാ പ്രായമുണ്ട് അതിന്.. അനന്തൻ പറഞ്ഞത് നേരാണ്, എന്റെ മകൾക്കാണീ ഗതി വരുന്നതെങ്കിലോ... സഹിക്കുവൊ ചേച്ചി നമ്മൾ ആരെങ്കിലും... ഉമ പറഞ്ഞതും സുശീല താടിക്ക് കൈയും കൊടുത്തു അനന്തന്റെ മുറിയിലേക്ക് നോക്കി. ഗംഗ ആണെങ്കിൽ സിസ്റ്ററിനെ കാണിക്കാൻ കൊണ്ടുപോയ സർട്ടിഫിക്കറ്റുകൾ ഒക്കെ അടുക്കി ബാഗിലേയ്ക്ക് വയ്ക്കുകയാണ്.. അങ്ങനെ ഈ വീട്ടിലെയും താമസം മതിയാക്കാൻ നേരമായിയെന്ന് അവൾക്ക് ഏറെക്കുറെ ബോധ്യമായി. തന്റെ ദുർവിധിയെ ശപിച്ചുകൊണ്ട് അവൾ അവിടെ കിടന്ന കസേരയിൽ ഇരുന്നു. താൻ മൂലം ഈ കുടുംബത്തിന് ഒരു ദോഷം ഉണ്ടാകരുതെന്ന് ഗംഗയ്ക്ക് നിർബന്ധമായിരുന്നു. അതുകൊണ്ട് എത്രയും പെട്ടെന്ന് തന്നെ ഇവിടെ നിന്നും മടങ്ങിപ്പോണമെന്ന് അവൾ കണക്ക് കൂട്ടി. അനന്തൻ പുറത്താരോടോ ഉറക്കെ സംസാരിക്കുന്നത് ഗംഗ കേൾക്കുന്നുണ്ട്. അനന്തന് ഇത്തിരി ശബ്ദം ഉള്ള കൂട്ടത്തിലാണ്.. എല്ലാവരോടും ഉച്ചത്തിലാണ് പറയുന്നത്. ഫോണിലൂടെ ആണെങ്കിലും നേരിട്ട് സംസാരിക്കുമ്പോഴാണങ്കിലും ശരി.... നാളെ ഇവള് പോകുവോടാ....അതോ പുതിയ അടവ് എടുക്കുമോ.. അമ്മ അമ്മേടെ കാര്യം നോക്ക്.. വെറുതെ എന്നെ ക്കൊണ്ട് ഒന്നും പറയിക്കല്ലേ. അവൻ ശബ്ദമുയർ.ത്തി ഉമയും മകനും തമ്മിൽ വീണ്ടും കൊമ്പ് കോർക്കുകയാണ് തുടരും

... എനിക്ക് അമ്മയോട് ഒരു കാര്യം പറയാനുണ്ടായിരുന്നു." കുറച്ചു ദിവസങ്ങളായി ഉള്ളിൽ കിടന്ന് വീർപ്പു മുട്ടുന്ന ചില സത്യങ്ങൾ ആരോടെങ്കിലും തുറന്ന് പറഞ്ഞില്ലെങ്കിൽ താൻ മാനസിക സംഘർഷം താങ്ങാൻ വയ്യാതെ മരിച്ചു പോകുമെന്ന് മീരയ്ക്ക് തോന്നി തുടങ്ങിയിരുന്നു. അതുകൊണ്ടാണ് അമ്മയോട് മനസ്സ് തുറക്കാൻ അവൾ തയ്യാറായത്. "എന്താ മോളേ വയ്യായ്ക വല്ലതുമുണ്ടോ?" മീരയുടെ മുഖത്തെ പരിഭ്രമം കണ്ടതും പത്മിനി ആശങ്ക പെട്ടു. "ഇല്ല... അമ്മ ഞാൻ പറയുന്നത് സമാധാനത്തോടെ ഒന്ന് കേൾക്കണം. ആരോടെങ്കിലും ഇതൊക്കെ ഒന്ന് പറഞ്ഞില്ലെങ്കിൽ എന്റെ മനസ്സിന് ഒരു സമാധാനവും കിട്ടില്ലമ്മേ." മീര കരഞ്ഞു. "ഈ സമയത്ത് ഇങ്ങനെ മനസ്സ് വിഷമിപ്പിക്കാൻ പാടില്ലെന്ന് ഡോക്ടർ പ്രത്യേകം പറഞ്ഞിട്ടുള്ളതല്ലേ മോളേ. നിനക്ക് പറയാനുള്ളത് എന്തായാലും അമ്മ കേട്ടോളാം. പക്ഷേ ഇപ്പോ മോളത് പറയണ്ട. അതൊന്നും ഓർക്കാതെ സമാധാനത്തോടെ കിടന്നുറങ്ങാൻ നോക്ക്. ഇപ്പോ നിനക്ക് നല്ല വിശ്രമമാണ് വേണ്ടത്." പത്മിനി അവളെ ആശ്വസിപ്പിക്കാൻ ശ്രമിച്ചു. "അമ്മയ്ക്കെന്താ ഞാൻ പറഞ്ഞത് മനസ്സിലായില്ലേ. ഇതിപ്പോ അമ്മയോട് എങ്കിലും പറഞ്ഞില്ലെങ്കിൽ എന്റെ തല പൊട്ടിത്തെറിച്ചു ഞാൻ ചത്ത്‌ പോകുമെന്ന എനിക്ക് തോന്നുന്നത്. അപ്പോ പിന്നെ എങ്ങനെയാ അമ്മ പറഞ്ഞ പോലെ സമാധാനത്തോടെ എനിക്ക് ഉറങ്ങാൻ പറ്റുന്നത്? എനിക്ക് സുഖമില്ലാതായ അന്ന് മുതൽ ഞാൻ ശരിക്കൊന്ന് ഉറങ്ങിയിട്ടില്ല. എന്നെ കൂടപ്പിറപ്പിനെ പോലെ കണ്ട വേണിയോട് തെറ്റ് ചെയ്ത് പോയല്ലോ എന്നോർത്ത് വിഷമിക്കാത്ത ഒരു ദിവസം പോലുമില്ല. അവളോട് ചെയ്ത ചതിക്ക് ദൈവം എന്നെ ഇങ്ങനെയായിരിക്കും ശിക്ഷിക്കാൻ തീരുമാനിച്ചിട്ടുണ്ടാവുക." മീര പറഞ്ഞു. "മോളേ... നീ എന്തൊക്കെയാ പറയുന്നത്. എനിക്കൊന്നും മനസ്സിലാകുന്നില്ല. നീ കാര്യം എന്താണെന്ന് തെളിച്ചു പറയ്യ്. വേണിയോട് നീ എന്താ ചെയ്തെ? അവളുടെ കല്യാണം മുടക്കിയത് നീ എങ്ങാനും ആണോ?" ആധിയോടെ പത്മിനി ചോദിച്ചു. "അതേ അമ്മേ... ഞാനും കിഷോറേട്ടനും ചേർന്നാണ് വേണിയുടെ കല്യാണം മുടക്കിയത്. എനിക്ക് ശ്രീയേട്ടനെ സ്വന്തമാക്കണമായിരുന്നു. കിഷോറേട്ടന് വേണിയെയും. ഞങ്ങൾ സ്നേഹിക്കുന്നവരെ ഞങ്ങൾക്ക് തന്നെ കിട്ടാൻ വേണ്ടി സ്നേഹിക്കുന്നവരെ തമ്മിൽ പിരിക്കുകയായിരുന്നു ഞങ്ങൾ. വേണി ശ്രീയേട്ടനെ സ്നേഹിക്കും മുന്നേ ശ്രീയേട്ടനെ സ്നേഹിച്ചു തുടങ്ങിയതാ ഞാൻ. അതുകൊണ്ട് ഏട്ടനെ അവൾ സ്വന്തമാക്കുന്നത് എനിക്ക് ചിന്തിക്കാൻ പോലും കഴിഞ്ഞില്ല. അതുപോലെ കുട്ടിക്കാലം മുതലേ വേണിയെ മനസ്സിൽ കൊണ്ട് നടക്കുന്നതാ കിഷോറേട്ടൻ. ആൾക്കും സഹിച്ചില്ല വേണിയെ മറ്റൊരാൾ സ്വന്തമാക്കാൻ വന്നത്." മീരയുടെ വാക്കുകൾ കേട്ട് പത്മിനി പകച്ചു നിൽക്കുമ്പോ അവൾ പറഞ്ഞതെല്ലാം കേട്ട് റൂമിന്റെ വാതിലിന് പുറത്ത് ഞെട്ടി തരിച്ചു നിൽക്കുകയായിരുന്നു വേണി. റൂമിനുള്ളിലേക്ക് കയറാനാഞ്ഞ വേണി മീര അമ്മയോട് സംസാരിക്കുന്നത് കേട്ട് പിന്തിരിഞ്ഞു പോകാൻ തുടങ്ങിയപ്പോഴാണ് അവൾ തന്റെ പേര് പറയുന്നത് കേട്ട് അവിടെ തന്നെ നിന്നത്. "നീ ആ കല്യാണം മുടക്കാൻ എന്താ ചെയ്തത് മോളേ?" പത്മിനിയുടെ ശബ്ദം വിറച്ചു. മീര താനും കിഷോറും ചെയ്ത് കൂട്ടിയ എല്ലാ കാര്യങ്ങളും വള്ളി പുള്ളി വിടാതെ അമ്മയോട് പറഞ്ഞു. "ഇങ്ങനെയൊക്കെ ചെയ്തത് കൊണ്ടാവും അമ്മേ ഒരു ദിവസം പോലും എല്ലാ അർത്ഥത്തിലും ശ്രീയേട്ടന്റെ ഭാര്യയാവാൻ ദൈവം സമ്മതിക്കാതെ എനിക്ക് ഇപ്പോ തന്നെ ഈ അസുഖം തന്നത്. അന്ന് ഞാൻ കിണറ്റിൽ വീണില്ലായിരുന്നെങ്കി എനിക്ക് ഇന്ന് ഇങ്ങനെ കിടക്കേണ്ടി വരില്ലായിരുന്നു. എല്ലാം എന്റെ പ്രവർത്തി ദോഷം കൊണ്ട് എനിക്ക് സംഭവിച്ചതാകും. എനിക്ക് ഈ ട്യൂമർ പണ്ട് വന്നത് അമ്മ പറഞ്ഞിരുന്നെങ്കിൽ ഞാൻ കിണറ്റിൽ ചാടുന്ന സാഹസത്തിനൊന്നും മുതിരില്ലായിരുന്നു. ചിലപ്പോ ശ്രീയേട്ടനെ സ്നേഹിക്കുക കൂടി ചെയ്യില്ലായിരുന്നു. ഞാൻ ഏട്ടനെ സ്നേഹിക്കുകയും ആഗ്രഹിക്കുകയും ചെയ്തത് കൊണ്ടാണല്ലോ ഞാൻ വേണിയെ ചതിച്ചത്. ഇപ്പോ ഒന്നും വേണ്ടായിരുന്നു എന്നും എനിക്ക് തോന്നുന്നുണ്ട് അമ്മേ. എന്നെ ഒരു കൂടപ്പിറപ്പിനെ പോലെ കണ്ട വേണിയെ ഒരിക്കലും ചതിക്കാൻ പാടില്ലായിരുന്നു. അതാവും ദൈവം ഇത്രയും വലിയൊരു തിരിച്ചടി തന്നിട്ടുണ്ടാവുക. ഇത്രയും ദിവസങ്ങൾ ഞാൻ ജയിച്ചു നിൽക്കുകയായിരുന്നു എന്നൊരു തോന്നൽ എനിക്കുണ്ടായിരുന്നു. എന്റെ അഹങ്കാരത്തിനും പ്രവർത്തികൾക്കും എനിക്ക് ശിക്ഷ കിട്ടി അമ്മേ. പാപിയാണ് ഞാൻ... മഹാ പാപി." മീര മുഖം പൊത്തി കരഞ്ഞു. "എന്നാലും ആ കൊച്ചിനോട് ഇത്രയും ക്രൂരത കാട്ടണ്ടായിരുന്നു മോളെ. നിന്റെ മനസ്സിൽ ഇങ്ങനെയൊക്കെ ഉണ്ടെന്ന് അറിഞ്ഞിരുന്നെങ്കിൽ പറഞ്ഞു തിരുത്തുമായിരുന്നു ഞാൻ. വേണി മോളേ കണ്ണീർ വീഴ്ത്തി കൊണ്ട് നേടി എടുത്ത ജീവിതമായത് കൊണ്ടാ ഈശ്വരൻ നിനക്ക് ഒരു നിമിഷം പോലും സ്വസ്ഥത തരാത്തത്." പത്മിനി മൂക്ക് പിഴിഞ്ഞു. "അമ്മ എന്നെ ശപിക്കരുത്. അന്നത്തെ മാനസികാവസ്ഥയിൽ ഒക്കെ പറ്റിപ്പോയി അമ്മേ. പഴയതൊന്നും തിരുത്താൻ പറ്റില്ലല്ലോ. പിന്നെ അമ്മയുടെ നാവിൽ നിന്ന് ഈ സത്യം മറ്റാരും അറിയരുത്. എനിക്കൊരു സമാധാനം കിട്ടാൻ വേണ്ടിയാ ഞാൻ അമ്മയോട് എല്ലാം പറഞ്ഞത്. ശ്രീയേട്ടൻ എങ്ങാനും ഇതറിഞ്ഞ പിന്നെ ആ നിമിഷം എന്നെ ഉപേക്ഷിച്ചു കളയും. ഈ അവസ്ഥയിൽ അങ്ങനെ കൂടി സംഭവിച്ച എനിക്കത് താങ്ങാൻ കഴിഞ്ഞെന്ന് വരില്ലമ്മേ. ചിലപ്പോ നെഞ്ച് പൊട്ടി ഞാൻ മരിച്ചു പോകും." മീര തേങ്ങി കരഞ്ഞു. "എന്റെ മോൾക്ക് എങ്ങനെ തോന്നി ഇങ്ങനെ ചെയ്യാൻ. ആ കൊച്ച് നിന്നെ കളങ്കമില്ലാതെ സ്നേഹിച്ചതിന് അത് എന്തൊക്കെ അനുഭവിക്കേണ്ടി വന്നു. സത്യമറിയാതെ ഞാനും വേണി മോളേ ഒത്തിരി പഴിച്ചിട്ടുണ്ട്. ആ കൊച്ചിന് കിട്ടേണ്ട ജീവിതമാണ് നീ തട്ടിപ്പറിച്ചെടുത്തത്." പത്മിനി പറഞ്ഞു. "വേണിയോട് ഞാൻ ചെയ്ത വഞ്ചന ഒരിക്കലും മാപ്പർഹിക്കാത്തത് ആണെന്ന് എനിക്കറിയാം. അതിനുള്ള ശിക്ഷയാണ് ഞാൻ ഇപ്പോ അനുഭവിക്കുന്നത്. ഇതൊക്കെ ഞാൻ സഹിക്കേണ്ടി വന്നത് തന്നെ ശ്രീയേട്ടന്റെ ഭാര്യായാകാൻ വേണ്ടിയല്ലേ അമ്മേ. വേണിക്ക് കിട്ടേണ്ട ജീവിതമാണെന്നും എനിക്കറിയാം. പക്ഷേ എനിക്ക് ശ്രീയേട്ടൻ കൂടെ ഇല്ലാതെ പറ്റില്ലമ്മേ. ഇത്രയൊക്കെ സഹിക്കേണ്ടി വന്നത് കൊണ്ട് ഇനി ശ്രീയേട്ടനെ കൂടെ നഷ്ടപ്പെടുത്താൻ എനിക്ക് വയ്യ. അതുകൊണ്ടാ അമ്മയുടെ നാവിൽ നിന്നും ആരും സത്യം അറിയരുതെന്ന് ഞാൻ പറഞ്ഞത്. ആരോടും ഒന്നും പറയില്ലെന്ന് അമ്മ എനിക്ക് സത്യം ചെയ്ത് തരണം." മീര കെഞ്ചി. "നീ എന്റെ മോളായി പോയില്ലേ. അതുകൊണ്ട് ഇതൊന്നും എനിക്ക് ആരോടും പറയാൻ കഴിയില്ലല്ലോ. ഒക്കെ മനസ്സിൽ തന്നെ അടക്കി വയ്ക്കണ്ടേ." പത്മിനിക്ക് മകളുടെ അവസ്ഥ ഓർത്ത് സങ്കടവും അതേസമയം തന്നെ അവളുടെ പ്രവർത്തികൾ ഓർത്ത് ദേഷ്യവും മീരയോട് ദേഷ്യവും തോന്നി. "ഞാൻ ആരോടും ഒന്നും പറയില്ല. പക്ഷേ നിന്റെ അസുഖമൊക്കെ മാറി കഴിഞ്ഞാൽ വേണിയോട് എല്ലാം ഏറ്റ് പറഞ്ഞ് മാപ്പ് ചോദിക്കണം നീ. ആ കുട്ടി നിന്നോട് ക്ഷമിച്ചാലേ നീ ചെയ്ത തെറ്റുകളുടെ ശിക്ഷ ഇനിയും നിന്നെ തേടി വരാതിരിക്കു. അത്രയെങ്കിലും നീ ചെയ്യണം." പത്മിനിയുടെ വാക്കുകൾ കേട്ട് മീര ഞെട്ടി. "വേണിയോട് ഞാൻ എല്ലാം പറഞ്ഞെന്ന് കിഷോറേട്ടൻ അറിഞ്ഞാൽ ഞാൻ ചെയ്തതിനെ കുറിച്ച് കിഷോറേട്ടൻ ശ്രീയേട്ടനോട് പറഞ്ഞ് കൊടുക്കില്ലേ. സത്യങ്ങൾ അറിഞ്ഞു കഴിഞ്ഞാൽ അതോടെ എന്റെ ദാമ്പത്യം തകരില്ലേ അമ്മേ." മീര ചോദിച്ചു. "അങ്ങനെ സംഭവിച്ചാൽ നിനക്ക് അത്രയേ ദാമ്പത്യ ജീവിതം വിധിച്ചിട്ടുള്ളു എന്ന് കരുതി സമാധാനിക്കേണ്ടി വരും. അല്ലാതെ പിന്നെ വേറെന്ത് ചെയ്യാനാ." പത്മിനിയുടെ വാക്കുകൾ മീരയെ തളർത്തി. അവൾ ഒന്നും മിണ്ടാതെ നിശബ്ദം കണ്ണീർ വാർത്തു. ഈ സമയമൊക്കെ വാതിലിന് പുറത്ത് നിൽക്കുകയായിരുന്ന വേണി ഹൃദയത്തിൽ നിന്നും ആർത്തിരമ്പി വന്ന് കൊണ്ടിരുന്ന വിങ്ങലടക്കാൻ വളരെ കഷ്ടപ്പെടുന്നുണ്ടായിരുന്നു. മാധവിൽ നിന്നും മീരയുടെ അസുഖ വിവരമറിഞ്ഞ് അവളോടുള്ള ശത്രുത മറന്ന് മീരയെ ആശ്വസിപ്പിക്കാൻ വന്നതായിരുന്നു വേണി അവിടേക്ക്. എന്നാൽ മീര തന്നോട് ചെയ്തതും പറഞ്ഞതുമൊക്കെ കേട്ടതോടെ വേണിക്ക് അവളോട് തോന്നിയ സഹതാപം ദേഷ്യത്തിന് വഴിമാറി. ആ ദേഷ്യത്തിൽ മീരയുടെ അടുത്തേക്ക് പോകാനായി വാതിൽ മുഴുവനായും തുറന്ന് റൂമിലേക്ക് കടക്കാൻ തുനിഞ്ഞ വേണി ആ കാഴ്ച കണ്ട് വിറങ്ങലിച്ചു നിന്നുപോയി. തുടരും #📙 നോവൽ