#📙 നോവൽ #📔 കഥ #💞 പ്രണയകഥകൾ MY DOCTOR❤️10                            "അപ്പൊ ഇന്ന് പോയാൽ പിന്നെ അടുത്ത വെള്ളിയാഴ്ചയെ നീ തിരിച്ചു വരൂ?"സങ്കടം കലർന്ന ശബ്ദത്തിൽ അഞ്ചു ഐഷുവിനെ നോക്കി ചോദിച്ചു. "അയ്യേ.....നീ എന്താ കൊച്ചു കുട്ടികളെ പോലെ.എടി ഒരാഴ്ചത്തെ ട്രിപ്പ് ആണ് .പോവാതിരിക്കാൻ പറ്റില്ല ,ഫുൾ ഫാമിലി ഉള്ളതാണ്." "ഹ്മ്മ് .................."അഞ്ചു മൂളി. "കൊഞ്ചാതെ ഫുഡ് കഴിച്ചേ നീ.....,ഞാൻ വേഗം ഇങ്ങു വരില്ലേ?" പരിചയപ്പെട്ടിട്ടിന്നോളം രണ്ടുപേരും ഇത്രയും ദിവസം അകന്നിരുന്നിട്ടില്ല.വെക്കേഷൻ സമയത്തു പോലും അഞ്ജുവിനെ തനിച്ചാക്കി പോവാൻ ഐഷുവിന് തോന്നിയിട്ടില്ല.ഇതിപ്പോൾ ഫാമിലി ആയി ഒരുമിച്ചൊരു ട്രിപ്പ് പ്ലാൻ ചെയ്തിട്ടുണ്ട് .അതിന് പോവാതിരിക്കാൻ ഐഷുവിനാവില്ലായിരുന്നു.അഞ്ജുവിനെ തനിച്ചാക്കുന്നതിലുള്ള വിഷമം നല്ല രീതിയിൽ ഐഷുവിന്റെ മനസിലുണ്ട്. അവളുടെ വാടിയ മുഖം കാണും തോറും ഐഷുവിനും വിഷമം കൂടി വരുന്നുണ്ടായിരുന്നു. "മര്യാദക്ക് വെള്ളിയാഴ്ച തന്നെ തിരിച്ചെത്തിയേക്കണം ,ഇല്ലെങ്കിൽ ഞാൻ മലപ്പുറത്തു വന്നു തല്ലും."പുരികം ഉയർത്തി പറയുന്ന അഞ്ജുവിനെ സ്നേഹത്തോടെ നോക്കി ഐഷു. "ശെരി മാഡം ,പിറ്റേന്ന് ഫ്രഷേഴ്‌സ് ഡേ അല്ലെ ഞാൻ എന്തായാലും വരും"നീട്ടി ചിരിച്ചു കൊണ്ട് ഐഷു പറഞ്ഞു. ഉച്ചക്ക് ഫുഡ് കഴിക്കാൻ ക്യാന്റീനിലേക്ക് വരികയായിരുന്നു സിറിയും വൈശാഖും ആരോണും. "നോക്കെടാ ....അഞ്ചു ചേച്ചിം ഐഷുത്തയും ."അവരിരിക്കുന്ന ടേബിളിലേക്ക് ചൂണ്ടി വൈശാഖ് പറഞ്ഞു. അവരെകണ്ടതും സിറിയുടെ ചുണ്ടിലൊരു പുഞ്ചിരി വിരിഞ്ഞു. മൂവരും അവർക്കടുത്തേക്ക് നടന്നു. അന്നത്തെ റാഗിങ്ങ് കഴിഞ്ഞിട്ടിപ്പോൾ രണ്ടാഴ്ച കഴിഞ്ഞിരിക്കുന്നു.ആ വീഡിയോ ഇട്ടതും , വൈറൽ ആയതും കാരണം അഞ്ജുവും സിറിയും തമ്മിൽ നല്ലൊരു ഫ്രണ്ട്ഷിപ് ഉണ്ടായിട്ടുണ്ട് . ഇടക്കവളെ ജോലിക്ക് കൊണ്ട് പോയി വിടുന്നത് പോലും സിറിയാണ് .കോളേജിലെ മൊത്തം സെൻസേഷണൽ കപ്പിൾസ് കൂടിയാണവരിപ്പോൾ.എങ്ങനെ സെൻസേഷണൽ ആവാതിരിക്കും ഡിഗ്രി ഫസ്റ്റ് ഇയർ പഠിക്കുന്ന സിറിയസും ,പിജി ഫൈനൽ ഇയർ പഠിക്കുന്ന അഞ്ജനയും തമ്മിൽ പ്രണയിക്കുന്നത് അത്ര നോർമൽ അല്ലല്ലോ. "love beyond age "എന്നും പറഞ്ഞു വാകമരചുവട്ടിൽ ഒരുമിച്ചിരിക്കുന്ന സിറിയുടെയും അഞ്ചുവിന്റെയും ഫോട്ടോ കോളേജിന്റെ ഇൻസ്റ്റാഗ്രാം പേജ് കത്തിച്ചതാണ്. ക്ലാസ് കഴിഞ്ഞു അഞ്ജുവിനോട് സംസാരിക്കാനായവൻ ആ വാകക്കു താഴെ കാത്തിരിക്കും. ഒരു 5 മിന്റ് മാത്രം നീളുന്ന സംഭാഷണങ്ങൾ.ആ സംസാരം പോലും സിറിക്ക് വളരെ വിലപ്പെട്ടതാണ്.വന്നുവന്നവളോട് സിറിക്ക് ഫ്രണ്ട്ഷിപ്പിലപ്പുറം ഒരടുപ്പം അവൻ പോലുമറിയാതെ തോന്നി തുടങ്ങിയിരിക്കുന്നു.അവൾ തന്റെ പ്രണയമായിരുന്നെങ്കിൽ എന്നവൻ ആത്മാർത്ഥമായി ആഗ്രഹിച്ചു തുടങ്ങിയിരിക്കുന്നു.നീണ്ട പീലികളുള്ള ആ  കണ്ണുകൾ കാണുമ്പോൾ അത് തന്നെ പ്രണയത്തോടെ നോക്കിയിരുന്നെങ്കിൽ എന്ന് തോന്നി പോകുന്നു.എല്ലാവരും പറയും പോലെ "the love beyond age limits" "ദാ....നിന്റെ കാമുകൻ വരുന്നു,അവനുള്ളപ്പോൾ പിന്നെ ഞാനില്ലെങ്കിലെന്താടി നിനക്ക്?"നടന്നു വരുന്നവരെ നോക്കി ഐഷു അഞ്ജുവിനെ കളിയാക്കി. അഞ്ചു അവരെ തിരിഞ്ഞ് നോക്കി പുഞ്ചിരിച്ചു.അവളുടെ പുഞ്ചിരിക്കൊരു തെളിച്ചക്കുറവുണ്ടെന്നു സിറി വേഗം മനസിലാക്കി. "എന്തുപറ്റി "അവൾക്കടുത്തുള്ള ചെയറിൽ ഇരുന്നുകൊണ്ട് സിറി അഞ്ജുവിനെ നോക്കി. ഐഷുവിനടുത്തുള്ള ചെയറിൽ ആരോൺ ഇരുന്നു.അടുത്തുള്ള ഒഴിഞ്ഞ ടേബിളിലെ ചെയർ ഒന്ന് അവരുള്ള ടേബിളിലേക്ക് വലിച്ചിട്ടതിൽ വൈശാഖും ഇരുന്നു. "ഞാൻ ഇന്ന് നാട്ടിൽ പോകുവാണ് ,അടുത്ത വെള്ളിയാഴ്ച വരുകയുള്ളു .അതിന്റെ മൂഡ് ഓഫ് ആണ് അവൾക്ക്."ഐഷുവാണ് പറഞ്ഞത്. "അത്രേയൊ ഒള്ളോ ,അഞ്ചു ചേച്ചിക്കിതാ തങ്ക കുടം പോലൊരു കാമുകൻ ഇല്ലേ"ആരോൺ പറഞ്ഞത് കേട്ടെല്ലാവരും പൊട്ടി ചിരിച്ചു. "ഈ തങ്കക്കുടം ചേച്ചിടെ തലയിലാകാതെ നോക്കിയാ മതി"വൈശാഖിന്റെ വകയാണ് അടുത്ത comment . അവരുടെ സാമീപ്യത്തിലും തമാശകളിലും ,അഞ്ചു, ഐഷു പോകുന്ന വിഷമം മറന്നു പോയി. വൈശാഖിന്റെയും ആരോണിന്റെയും ചളികൾക്ക് പൊട്ടിച്ചിരിക്കുന്ന അഞ്ജുവിനെ സിറി ഇടം കണ്ണിട്ടങ്ങനെ നോക്കി.ആ നോട്ടം കൃത്യമായി വൈശാഖ് കണ്ടു പിടിച്ചിരുന്നു. വൈകുന്നേരം ക്ലാസ് കഴിഞ്ഞിറങ്ങി വന്നതും അഞ്ചു ഐഷുവിനെ കെട്ടിപിടിച്ചു .  "നിന്നെ ഞാൻ ശരിക്കും മിസ് ചെയ്യും"വേദന നിറഞ്ഞ പുഞ്ചിരിയോടെ അഞ്ചു പറഞ്ഞു. "ഞാനും"ഐഷു നെടു വീർപ്പിട്ടു  "ഞാനും വരാം റെയിൽവേ സ്റ്റേഷനിലേക്ക് ,രാത്രി 8 മണിക്കല്ലേ ട്രെയിൻ." "അതിന്റെ ആവശ്യം ഒന്നുമില്ല ,ഞാൻ പൊക്കോളാം .നിനക്ക് വർക്ക് ഉള്ളതല്ലേ പോവാൻ നോക്ക്. ഒരുപാട് പറഞ്ഞെങ്കിലും ഐഷു അഞ്ജുവിനെ വർക്ക് മുടക്കാൻ സമ്മതിച്ചില്ല.അഞ്ജുവിനോട് ബൈ പറഞ്ഞവൾ ഹോസ്റ്റലിലേക് നടന്നു..നിറ കണ്ണുകളോടവൾ ഐഷു നടന്നു പോകുന്നത് നോക്കി നിന്നു.കണ്ണുകൾ അമർത്തി തുടച്ചു മുന്നോട്ട് നടക്കുമ്പോഴാണ് നിർത്തിയിട്ട ബുള്ളറ്റിൽ തന്നെ നോക്കി നിൽക്കുന്ന സിറിയെ അഞ്ചു കാണുന്നത്. "കയറ് "സിറി ബൈക്ക് സ്റ്റാർട്ട് ചെയ്തു. അവളൊന്നും പറയാതവന്റെ പുറകിൽ  കയറിയിരുന്നു. "അത്രക്കും ഇഷ്ടമാണോ ഐഷുവിനെ?''നിശബ്ദതയെ ഭേദിച്ച് സിറി ചോദിച്ചു. "അതേ....ആദ്യമായിട്ടാണ് ഇത്ര ദിവസം കാണാതിരിക്കുന്നത്." "അപ്പൊ വെക്കേഷൻ?" "ഞാൻ നാട്ടിൽ പോയില്ല ,അപ്പൊ അവളും പോയില്ല" "true friendship"സിറി വിടർന്ന ചിരിയോടെ പറഞ്ഞു. "എന്റെ എല്ലാ പ്രശ്നങ്ങളിലും എനിക്കുള്ള ഏക ആശ്വാസം അവളാണ്." "അതിനും മാത്രം പ്രശ്നങ്ങളൊക്കെ ഉണ്ടോ?"സിറി ആകാംഷയോടെ ചോദിച്ചു. ''അത് മാത്രം ഉള്ളു....."വേദനയോടൊരു പുഞ്ചിരി. അവൾക്ക് എന്തൊക്കെയോ കാര്യമായ വിഷമങ്ങൾ ഉണ്ടെന്നവന് മനസിലായി .ചോദിക്കാമെന്നോർത്തു .പക്ഷെ അപ്പോഴേക്കും റെസ്റ്റോറന്റിൽ എത്തിയിരുന്നു. അവൾ ബൈക്കിൽ നിന്നിറങ്ങി. "പോട്ടെ...." "മ്മ്....." അവൾ വലിയ ഗേറ്റ് കടന്നുള്ളിലേക്ക് പോയി.കാഴ്ചയിൽ നിന്ന് മറഞ്ഞതും സിറി ബൈക്കെടുത്തു. ****************************** ട്രിപ്പ് പോകാൻ ഉള്ളത് കൊണ്ട് തന്നെ എല്ലാ തവണയെക്കാളും കൂടുതൽ ല്ഗഗേജ് ഉണ്ടായിരുന്നു ഐഷുവിന്. 7 മണിക്ക് ഓൺലൈൻ ടാക്സി ബുക്ക് ചെയ്തിരുന്നവൾ.7 അരക്ക് മുന്നായി സ്റ്റേഷനിൽ എത്തും.8 മണിക്കാണ് ട്രെയിൻ.അരമണിക്കൂറോളം ട്രെയിനിൽ പോസ്റ്റ് ആവും,ടിക്കറ്റ് നേരത്തെ ബുക്ക് ചെയ്തിരുന്നു.അതുകൊണ്ട് സ്വസ്ഥമായി കിടന്നുറങ്ങി പോവാം.കൊച്ചുവേളിയിൽ നിന്നും നിലമ്പൂർ പോകുന്ന ട്രെയിൻ ആണ്.അവൾ അങ്ങാടിപ്പുറത്ത് ഇറങ്ങും .പെരിന്തൽമണ്ണ ആണ് ഐഷുവിന്റെ വീട്.വീട്ടിൽ നിന്നും കുറച്ചു സ്വാതന്ത്രം കിട്ടാൻ മനഃപൂർവമാണ് കാലിക്കറ്റ് യൂണിവേഴ്സിറ്റിക് കീഴിൽ പഠിക്കാതെ തിരുവന്തപുരത്തേക്ക് വച്ച് പിടിച്ചത് .ഇവിടം അവൾക്കൊരുപാടിഷ്ട്ടമാണ് .എല്ലാ ഞായറാഴ്ചയും അവളും അഞ്ജുവും കൂടി വെറുതെ ഒന്ന് കറങ്ങാൻ പോവും . അതെല്ലാം ഇവിടേക്കു വന്നത് കൊണ്ട് മാത്രം കിട്ടിയ ഭാഗ്യങ്ങളാണ്.ഓരോന്നോർത്തിരിക്കെയാണ് റൂമിലേക്ക് ഹോസ്റ്റൽ വാർഡൻ വരുന്നതവൾ കണ്ടത്. "ആയിഷ സുൽത്താന ,താഴെ ടാക്സി വന്നിട്ടുണ്ട്."അതും പറഞ്ഞവർ ധൃതിയിൽ ഇറങ്ങി പോയി. ഐഷു ബാഗുകൾ എടുത്ത് പുറത്തിറങ്ങി വാതിൽ പൂട്ടി ,താഴേക്കിറങ്ങി കീ വാർഡനെ ഏൽപ്പിച്ചവൾ ടാക്സിയിലേക്ക് കയറി. റെയിൽവേ സ്റ്റേഷനിൽ എത്തിയതും അവൾക്ക് പോകേണ്ട ട്രെയിൻ ഉള്ള പ്ലാറ്റഫോമിലേക്ക് ബാഗുകളുമെടുത്തവൾ നടന്നു.ട്രെയിൻ ട്രാക്കിൽ കിടക്കുന്നുണ്ടായിരുന്നു.ടിക്കറ്റ് നോക്കി ബോഗി കണ്ടെത്തി അതിൽ കയറി.ബോഗിയിൽ ആളുകൾ കുറവായിരുന്നു.ഐഷു അവളുടെ പ്ലേസിൽ പോയിരുന്നു.ബാഗുകൾ സീറ്റിന് താഴേക്ക് വച്ചു.ക്യാഷ് ഉള്ള ചെറിയ ബാഗ് ഷോൾഡറിൽ ഇട്ടു ട്രെയിനിന് പുറത്തിറങ്ങി.പ്ലാറ്റഫോമിൽ തിരക്ക് കുറവാണ്.സീസൺ അല്ലാത്തത് കൊണ്ടായിരിക്കുമെന്നോർത്തു .ഐഷുവിനൊരു ചായ കുടിക്കാൻ തോന്നി.അവൾ നിൽക്കുന്നിടത്തു നിന്നും കുറച് മാറി കാണുന്ന ടീ ഷോപ്പിലേക് നടന്നവൾ . "ചേട്ടാ.....രണ്ടു ചായ."അവളെന്തെങ്കിലും പറയുന്നതിന് മുന്നേ അവൾക്ക് പുറകിൽ നിന്നൊരു ശബ്ദം.ഐഷു തിരിഞ്ഞു നോക്കി. "സിദ്ധാർഥ്"അവൾ സംശയത്തോടെ പുരികം ചുളിച്ചു. സിദ്ധു അവളെ നോക്കി ഒറ്റകണ്ണിറുക്കി കാണിച്ചു.ഐഷുവിന് വല്ലാത്ത വെപ്രാളം തോന്നി.ചായക്കുള്ള പണം കൊടുത്തവൻ രണ്ടു ചായയുമെടുത്തു . "വാ...അങ്ങോട്ടിരിക്കാം"കുറച്ചു മാറി ആരുമില്ലാത്തൊരു ബെഞ്ചിലേക്ക് നോക്കി സിദ്ധു പറഞ്ഞു.ഇരുവരും ബെഞ്ചിലേക്കിരുന്നു.ഐഷുവിന്റെ കയ്യിലേക്കൊരു ചായ കൊടുത്തു ,രണ്ടുപേരും ചായ കുടിക്കാൻ തുടങ്ങി. നല്ലൊരു സുഗന്ധം പരത്തി ഇളം കാറ്റ് അവരെ തഴുകി കടന്നു പോയി.ചൂടു ചായ ഊതി കുടിക്കുന്ന ഐഷുവിനെ സിദ്ധു നോക്കി.ആ അധരങ്ങളുടെ ചലനങ്ങളെ നോക്കിയതും അവൻ വേഗം തല തിരിച്ചു. "ഐഷുമ്മ........................."ആർദ്രമായി സിദ്ദു വിളിച്ചു. ചായ കുടിക്കുന്നത് നിർത്തിയവൾ അവനു നേരെ തിരിഞ്ഞു . "പോയിട്ടിനി എന്ന് തിരിച്ചു വരും?" "അടുത്ത വെള്ളിയാഴ്ച" "മ്മ്...........കാണാൻ തോന്നുമ്പോ ,ഈ ശബ്ദം കേൾക്കാൻ തോന്നുമ്പോ ഇടക്ക് വിളിച്ചോട്ടെ ഞാൻ?"പ്രണയം നിറച്ച മിഴികളോടെയവൻ ചോദിച്ചു. ഐഷു ഒന്നും പറഞ്ഞില്ല.അല്ലെങ്കിലും എന്ത് പറയാനാണ് .ഒളിഞ്ഞും തെളിഞ്ഞും പ്രണയത്തോടെ തന്നെ നോക്കുന്ന അവൻ തന്റെ മനസ്സിനെ കുടുക്കി വച്ചിരിക്കുകയല്ലേ.ആ കുടുക്കിൽ അവൾ അവന്റേതാവാൻ കൊതിച്ചിരിക്കുകയല്ലേ. സിദ്ധു പുഞ്ചിരിയോടാവളെ നോക്കി.ആ മനസ്സിൽ ഇപ്പോൾ എന്തെന്ന് അവന് നന്നായറിയാം.അവളുടെ മടിയിൽ വച്ചിരിക്കുന്ന കൈകൾക്ക് മുകളിലവൻ കൈ വച്ചു.ഐഷു ഞെട്ടലോടെ അവനെ നോക്കി. "നിന്നെയെനിക്കെന്തു ഇഷ്ട്ടമാണെന്നോ?" "ആണോ?"അവളിൽ കുസൃതി നിറഞ്ഞു. "അതേ ,സംശയം ഉണ്ടോ"പുഞ്ചിരിച്ചു കൊണ്ടവൻ ചോദിച്ചു.അവളും ചിരിച്ചു ,അതിലൊരു സംശയവും ഇല്ലെന്നുള്ള പോലൊരു ചിരി. "എന്നെ കാണാൻ വന്നതാണോ ഇങ്ങോട്ട് ,ഞാൻ പോകുന്നുണ്ടെന്ന് എങ്ങനെ അറിയാം?" "നിന്നെ കുറിച്ച് എല്ലാം ഞാനറിയും.കോളേജിൽ വച്ച് സംസാരിക്കാൻ പറ്റില്ലല്ലോ ,ഏത് സമയവും നിന്റെ ഉയിർ നന്പി കൂടെ കാണുമല്ലോ". അവൻ പറഞ്ഞത് കേട്ടതും ഐഷു പുരികം ചുളിച്ചു. ''നിനക്കെന്താ അവളോടിത്ര ദേഷ്യം" "ദേഷ്യമൊന്നുമല്ലെടോ .....ഈഗോ ആണ് അവൾക്കും... എനിക്കും...."കയ്യിലിരുന്ന കപ്പ് ദൂരേക്കെറിഞ്ഞു പറഞ്ഞവൻ. "എങ്കിൽ ആ ഈഗോ തീർക്കാൻ നോക്ക്.ഇല്ലെങ്കിൽ .........." "ഇല്ലെങ്കിൽ????"അവൾ പറഞ്ഞു നിർത്തിയ താളത്തോടവൻ ചോദിച്ചു. "അവൾക്ക് ഇഷ്ടമില്ലാത്തതൊന്നും ഞാൻ ചെയ്യില്ല."പ്ലാറ്റഫോമിനറ്റത്തേക്ക് വെറുതെ നോക്കി കൊണ്ടവൾ പറഞ്ഞു. "ആയിക്കോട്ടെ....എന്റെ ഐശുമ്മ പറഞ്ഞാൽ പിന്നെ വേറെ സംസാരം ഇല്ല.നീ പോയി തിരിച്ചു വാ .വന്നിട്ട് ഈ ഈഗോ അങ്ങ് തീർത്തേക്കാം"സിദ്ധു പറഞ്ഞു. ഐഷു വിടർന്ന കണ്ണുകളോടവനെ നോക്കി.തനിക്ക് പ്രിയപ്പെട്ട രണ്ടുപേർ കൂട്ടാവുന്നതിലും സന്തോഷം മറ്റൊന്നുമില്ലല്ലോ ആ പെണ്ണിന് . ട്രെയിൻ എടുക്കാൻ പോകുന്നതിന്റെ അന്നൗൺസ്‌മെന്റ് മുഴങ്ങി.ഇരുവരും മുഖത്തോടു മുഖം നോക്കി. "താങ്ക്സ് "ബെഞ്ചിൽ നിന്നെണീറ്റു കൊണ്ട് ഐഷു അവനെ നോക്കി പറഞ്ഞു. "എന്തിന്"സിദ്ധുവും എണീറ്റു  "തനിച്ചാക്കാത്തതിന്" "അങ്ങനെയെങ്കിൽ എന്റെ ഐശുമ്മക്ക് ഇനി അങ്ങോട്ട് താങ്ക്സ് പറയാനേ നേരം കാണു."സിദ്ധു പറഞ്ഞു. ഐഷു ചുറ്റും നോക്കി.ആരും ശ്രദിക്കുന്നില്ലെന്നുറപ്പ് വരുത്തി.അവൻ അത്ഭുതത്തോടാവളുടെ ചെയ്തികൾ നോക്കി നിന്നു. ഐഷു പതുക്കെ അവനടുത്തേക്ക് വന്നവനെ ചെറുതായൊന്നു പുണർന്നു.അവന്റെ മുഖത്തേക്ക് പോലും നോക്കാതെ പ്ലാറ്റഫോമിലൂടെ ഓടി ട്രെയിനിൽ കയറി.സിദ്ധു രണ്ടു കയ്യും ഇടനെഞ്ചിൽ വച്ച് തല മലർത്തി ആകാശത്തേക്ക് നോക്കി പുഞ്ചിരിയോടവിടെ തന്നെ നിന്നു. *************************** "സിറി ....നീ സീരിയസ് ആണോ?"വൈശാഖ് അവനെ നോക്കി ചോദിച്ചു. കയ്യിലുള്ള ബിയർ കുപ്പിയിൽ നിന്നും ഒരു സിപ് എടുത്ത് സിറി അവനെ നോക്കി. "എന്ത് സീരിയസ് "അവൻ എന്താണ് ചോദിക്കുന്നതെന്ന് മനസിലാകാതെ സിറി ചോദിച്ചു. "അഞ്ചു ചേച്ചിടെ കാര്യമാണവൻ ചോദിക്കുന്നത്."നിലത്തു മലർന്നു കിടക്കുകയായിരുന്ന ആരോൺ പറഞ്ഞു. സിറി ഞെട്ടലോടെ ഇരുവരെയും മാറി മാറി നോക്കി. വൈശാഖിന്റെ വീടിന്റെ ടെറസിൽ ബിയർ കുടിച്ചിരിക്കുകയാണ് മൂവരും.വൈശാഖിന്റെ അച്ഛനും അമ്മയും പെങ്ങളും കൂടി പഴനിയിൽ പോയതായിരുന്നത് കൊണ്ട് വീട്ടിൽ ആരുമില്ലെന്ന് പറഞ്ഞു വൈശാഖ് വിളിച്ചതാണവരെ . "എടാ സിറിയസ് മോനെ നിന്നെ ഞങ്ങൾ ഓർമ വച്ച കാലം മുതൽ കാണുന്നതാണ്.നിന്റെ ഏതൊരു മാറ്റവും നിനക്ക് മുന്നേ ഞങ്ങൾക്ക് മനസിലാവും .അത് നീ ഓർത്തോ"ഞെട്ടലോടെ നിൽക്കുന്നവനെ നോക്കി വൈശാഖ് പറഞ്ഞു. സിറി ബിയർ ബോട്ടിൽ നിലത്തു വച്ച് നിലത്തേക്ക് മലർന്നു കിടന്നു  "പറ സീരിയസ് ആണോ നീ..."വീണ്ടും വൈശാഖ് ചോദിച്ചു. "അറിയില്ലെനിക്ക് ,but i think....i love her"സിറി ആകാശത്തേക്ക് നോക്കി പറഞ്ഞു. "എടാ തമാശ അല്ലാട്ടോ ഇത് .അവൾ നിന്നെക്കാൾ 4 വയസിന് മൂത്തതാണ് ."ആരോൺ ചരിഞ്ഞു കിടന്നവനെ നോക്കി. "അറിയാം .........പക്ഷെ അവളോടു സംസാരിക്കുമ്പോ ഞാൻ ഒരുപാട് ഹാപ്പി ആണ് .ഒരു പെണ്ണിൽ ഞാൻ ഇത്രയും കംഫോര്ട്ടബിൾ ആയിട്ടില്ല.പെണ്ണിന്റെ comfort അറിയാൻ എനിക്ക് അമ്മ ഉണ്ടായിരുന്നില്ലല്ലോ "ഇടറിയ ശബ്ദത്തോടെ സിറി പറഞ്ഞു. അവന്റെ ശബ്ദത്തിലെ ഇടർച്ച കേട്ടതും വൈശാഖും ആരോണും അവനിരുവശത്തുമായി വന്നു കിടന്നു.രണ്ടു പേരും കാലെടുത്തവന്റെ മേലേക്ക് വച്ചു ,നിനക്ക് ഞങ്ങളില്ലേ... എന്ന് പറയാതെ പറയും പോലെ. "അതൊക്കെ പോട്ടെ അഞ്ചു ചേച്ചിക്ക് അങ്ങനെ ഒന്നും ഉണ്ടെന്ന് എനിക്ക് തോന്നുന്നില്ല "ആരോൺ പറഞ്ഞു. "എനിക്കും"വൈശാഖ് ആണ്  ഹ്മ്മ്...........സിറി മൂളി. "ഇനി അഞ്ചു ചേച്ചി സമ്മതിച്ചാലും ഹിറ്റ്ലർ സമ്മതിക്കുമോ"ആരോൺ ആലോചനയോടെ ചോദിച്ചു. "മിക്കവാറും ഇവനെ എടുത്ത് പുറത്തു കളയും"വൈശാഖ് പൊട്ടി ചിരിച്ചു. "ഇനി സമ്മതിച്ചില്ലെങ്കിൽ നമുക്ക് ഹിറ്റ്ലറെ അങ്ങ് തട്ടി കളയാം " "പോടാ നാറികളെ ,എന്റെ അപ്പനെ ഒഴിവാക്കിട്ടൊരു പ്രണയം എനിക്ക് വേണ്ടെങ്കിലോ.അവളോ അപ്പനോ എന്നൊരു അവസ്ഥ വന്നാൽ എനിക്ക് എന്റെ അപ്പൻ ആയിരിക്കും വലുത്" "ആദ്യം നീ അവളെ സെറ്റ് ആക്ക് ,എന്നിട്ടല്ലേ ബാക്കി."ആരോൺ അവനോടു ഒന്നുകൂടി ചേർന്ന് കിടന്നു പറഞ്ഞു. മൂവരും അഞ്ജുവിനെ സെറ്റ് ആക്കാനുള്ള പ്ലാനിങ്ങുകൾ ആ രാത്രി തന്നെ തുടങ്ങുകയായിരുന്നു . തുടരും..............................