#📙 നോവൽ സംസാരിച്ചിരിക്കെ ഉറക്ക ഗുളികയുടെ എഫക്ട് കാരണം വേണി എപ്പോഴോ കിഷോറിന്റെ തോളിലേക്ക് ചാഞ്ഞു കിടന്ന് ഉറങ്ങി പോയി. അവൾ ഉറങ്ങിയെന്ന് കണ്ടതും അവൻ വേണിയെ തന്റെ കൈകളിൽ കോരി എടുത്ത് മുറിയിൽ കൊണ്ട് പോയി കിടത്തി. കുറച്ചു സമയം അവൾ ഉറങ്ങുന്നത് നോക്കി കിഷോർ അരികിൽ തന്നെ ഇരുന്നു. "എന്റെ വേണി.... എനിക്ക് വേണമെങ്കിൽ ഈ നിമിഷം തന്നെ നിന്നെ സ്വന്തമാക്കാം. ഞാൻ കെട്ടിയ താലി ഊരി തന്ന് എന്നെ നീ ഒഴിവാക്കിയ ആ നിമിഷം ഞാൻ മനസ്സിൽ വിചാരിച്ചതാ നിന്നെ ഒരു ദിവസമെങ്കിലും അനുഭവിക്കണം എന്നത്. നിന്നെ എന്റെ ഭാര്യയാക്കിയ ശേഷം നിന്റെ സമ്മതത്തോടെ തന്നെ നമ്മുടെ കൂടിച്ചേരൽ വേണമെന്ന് തന്നെയായിരുന്നു എന്റെ ആഗ്രഹം. പക്ഷേ നീയൊരിക്കലും എന്റെ ഭാര്യയായി എന്റെ ജീവിതത്തിലേക്ക് വരില്ലെന്ന് തറപ്പിച്ചു പറഞ്ഞപ്പോ നിന്നെ എങ്ങനെയെങ്കിലും സ്വന്തമാക്കാനാണ് നിനക്ക് ഞാൻ ഇന്ന് ജ്യൂസിൽ ഉറക്ക ഗുളിക ചേർത്ത് തന്നത്. പക്ഷേ കുറച്ചു മുൻപ് നീ എന്നോട് പറഞ്ഞ കാര്യങ്ങൾ കേട്ട് സത്യമായും ഞാൻ ഞെട്ടിപ്പോയി വേണി. നിന്നിൽ നിന്ന് ഞാൻ ഇങ്ങനെയൊന്നും സത്യമായിട്ടും പ്രതീക്ഷിച്ചില്ല കേട്ടോ. എന്തായാലും എന്നെ അംഗീകരിക്കാനും സ്നേഹിക്കാനും എന്റെ ഭാര്യയായി ജീവിക്കാനും നീ മനസ്സ് കൊണ്ട് ആഗ്രഹിക്കുകയും അതിനായി മനസ്സിനെ പാകപ്പെടുത്തുകയും ചെയ്യുന്നുണ്ടല്ലോ. എനിക്ക് അതുമതി. നമ്മൾ ഒത്തിരി കൊതിച്ച സാധനം ആഗ്രഹിച്ചു കിട്ടുമ്പോ അതിനൊരു പ്രത്യേക സുഖമുണ്ട്. അത് ഞാൻ തട്ടിപ്പറിക്കും പോലെ എടുത്താൽ ഒരു സുഖമുണ്ടാവില്ല. അതുകൊണ്ട് മാത്രം നിന്നെ ഞാനിപ്പോ ഒന്നും ചെയ്യില്ല വേണി. നീ എന്റെ ഭാര്യ ആകുമെന്ന് ഇപ്പോ എനിക്ക് ഉറപ്പ് തന്നിട്ടുള്ളത് കൊണ്ട് മാത്രം ഇങ്ങനെ എനിക്ക് നിന്നെ അനുഭവിക്കണമെന്നില്ല. നിന്റെ മനസ്സ് എത്രയും പെട്ടെന്ന് മാറാനായി എന്തൊക്കെ എന്നെ കൊണ്ട് ചെയ്യാൻ പറ്റോ അതൊക്കെ ഞാൻ ചെയ്യും. അതുവഴി എത്രയും പെട്ടെന്ന് തന്നെ നിന്നെ ഞാൻ മുല്ലശേരിയിലെ മരുമകളായി കൊണ്ട് വന്നിരിക്കും." വേണിയുടെ നെറ്റിയിൽ മൃദുവായി ചുംബിച്ചു കിഷോർ.. "നീ ഇങ്ങനെ കിടക്കുന്നത് കണ്ടുകൊണ്ട് ഇവിടെ ഇങ്ങനെ ഇരുന്നാൽ ചിലപ്പോൾ ഞാൻ നിലവിട്ട് എന്തെങ്കിലും ചെയ്ത് പോകും." വേണിയെ അടിമുടി ഉഴിഞ്ഞു കൊണ്ട് കിഷോർ സ്വയം പറഞ്ഞു. അവളെ ഒന്നൂടെ ഒന്ന് നോക്കിട്ട് അവൻ വേണിയുടെ റൂമിൽ നിന്നിറങ്ങി സോപാനത്തിൽ പോയി നീണ്ടു നിവർന്ന് കിടന്നു. ആ കിടപ്പിൽ അവനും എപ്പോഴോ ഉറങ്ങി പോയി. വേണി ഉറക്കം ഉണരാൻ ഒത്തിരി വൈകിയിരുന്നു. ഉച്ച മയക്കം കഴിഞ്ഞു എണീറ്റ് വന്ന മുത്തശ്ശി അവളെ താഴേക്ക് കാണാത്തത് കൊണ്ട് അടുക്കളയിൽ പോയി ഒരു കട്ടൻ ചായ ഇട്ട് കുടിച്ചിട്ട് ഹാളിൽ ടീവി കണ്ട് ഇരിപ്പായി. വേണി ഉറങ്ങുക ആകുമെന്ന് അവർ ഊഹിച്ചിരുന്നു. പക്ഷേ കിഷോർ വന്നത് അവർ അറിഞ്ഞില്ല. കാരണം മുറ്റത്തു അവന്റെ കാർ കിടക്കുന്നത് അവർ കണ്ടിട്ടുണ്ടായിരുന്നില്ല. നേരം അഞ്ചര കഴിഞ്ഞ നേരത്താണ് വേണി എന്തോ സ്വപ്നം കണ്ട് ഞെട്ടി ഉണരുന്നത്. അവൾ എഴുന്നേറ്റ് ചുറ്റിനും ഒന്ന് നോക്കി. താൻ റൂമിൽ തന്റെ കട്ടിലിൽ ആണ് ഉള്ളതെന്ന് കണ്ടതും വേണി ഒന്ന് അമ്പരന്നു. അവളുടെ ഓർമ്മയിൽ താൻ കിഷോറിനൊപ്പം സോപാനത്തിൽ ഇരുന്ന് സംസാരിച്ചിരുന്നതേ ഓർമ്മയുള്ളു. പിന്നെ എങ്ങനെ താൻ റൂമിൽ എത്തിയെന്നു അവൾക്ക് മനസ്സിലായില്ല. അപ്പോഴാണ് റൂമിൽ ഇരുട്ട് പരന്ന് തുടങ്ങിയിരിക്കുന്നത് വേണി ശ്രദ്ധിച്ചത്. നേരം ഒരുപാട് ആയോ എന്നോർത്ത് കൊണ്ട് മൊബൈൽ എടുത്തു സമയം നോക്കിയിട്ട് അവൾ അഴിഞ്ഞു കിടന്ന മുടി വാരി കെട്ടി കൊണ്ട് മുറിയിൽ നിന്ന് പുറത്തിറങ്ങി. അപ്പോഴാണ് സോപാനത്തിൽ നീണ്ടു നിവർന്ന് കിടക്കുന്ന കിഷോറിനെ അവൾ കണ്ടത്. "കിഷോറേട്ടൻ ഇവിടെ കിടക്കുകയാണോ?" ചിന്തിച്ചു കൊണ്ടവൾ അവനരികിലേക്ക് വന്ന് തട്ടി വിളിച്ചു. "കിഷോറേട്ട.... എണീക്ക്." രണ്ട് മൂന്ന് തവണ അവൾ കുലുക്കി വിളിച്ചപ്പോൾ കിഷോർ മെല്ലെ കണ്ണ് തുറന്നു. "എന്താ വേണി?" ഉറക്കപ്പിച്ചിൽ ചോദിച്ചു കൊണ്ട് കിഷോർ എഴുന്നേറ്റു ഇരുന്നു. "കിഷോറേട്ടൻ എന്താ ഇവിടെ കിടന്ന് ഉറങ്ങിയത്. ഇവിടെ എത്ര റൂമുണ്ട്. അതിൽ എവിടെയെങ്കിലും കയറി കിടന്നൂടായിരുന്നോ?" വേണി ചോദിച്ചു. "ഞാൻ ഉറങ്ങാൻ വേണ്ടി വന്ന് കിടന്നതൊന്നുമല്ല ഇവിടെ. ഓരോന്ന് ഓർത്ത് ഇരുന്ന് ഉറങ്ങി പോയതാ. നീ എന്റെ തോളിൽ ചാഞ്ഞു കിടന്ന് സംസാരിച്ചു കൊണ്ട് ഉറങ്ങിയപ്പോൾ നിന്നെ നിന്റെ റൂമിൽ കൊണ്ട് കിടത്തിയിട്ട് ഇവിടെ വന്നിരുന്നതായിരുന്നു ഞാൻ. ആ ഇരിപ്പിൽ ക്ഷീണം കാരണം കണ്ണടഞ്ഞു പോയത് അറിഞ്ഞില്ല. "മ്മ്മ്... ശരി... ശരി... ഞാൻ പോയി മേല് കഴുകി വിളക്ക് വച്ച് വച്ചിട്ട് കിഷോറേട്ടന് ചായ ഇട്ട് തരാം. അതുവരെ പോയേക്കല്ലേ. അത് പറഞ്ഞിട്ട് അവന്റെ മറുപടിക്ക് കാക്കാതെ വേണി ദാവണി തുമ്പ് ഉയർത്തി പിടിച്ചു പടി ഇറങ്ങി താഴേക്ക് പോയി. കിഷോർ വേണിയും ഒത്തുള്ള സുന്ദരമായ ജീവിതം സ്വപ്നം കണ്ട് കൊണ്ട് സോപാനത്തിൽ ചാരി ഇരുന്നു. പതിനഞ്ച് മിനിറ്റ് കഴിഞ്ഞപ്പോൾ കയ്യിൽ ചായ കപ്പുകളും സ്നാക്സും വച്ച ട്രെയുമായി വേണി അവിടേക്ക് വന്നു. "കിഷോറേട്ടൻ ഇവിടെ ഇരുന്നത് കൊണ്ട് എന്റെ ചായ കൂടി ഞാൻ ഇങ്ങോട്ടേക്കു എടുത്തു. അവന് ചായ നൽകി കൊണ്ട് വേണി കിഷോറിന് അരികിലായി ഇരുന്നു. അവൾ അടുത്ത് വന്നപ്പോൾ അവളിൽ നിന്നും വമിച്ച ചന്ദന സോപ്പിന്റെ സുഗന്ധം കിഷോറിനെ വല്ലാതെ മത്തു പിടിപ്പിച്ചു. ഒരു വിധത്തിലാണ് വികാരം ഉള്ളിലടക്കി അവൻ അവൾക്കരികിൽ ഇരുന്നത്. ചായ കുടി കഴിഞ്ഞു ഒരു അര മണിക്കൂർ കൂടി ശ്രീമംഗലത്ത് ചിലവഴിച്ചിട്ടാണ് കിഷോർ മടങ്ങി പോയത്. ******* ഒരാഴ്ചയ്ക്ക് ശേഷമുള്ള ഒരു വൈകുന്നേരം.... ശ്രീഹരി ജോലി കഴിഞ്ഞു വരുമ്പോ മീര ഉമ്മറത്ത് കട്ടൻ ചായയും കുടിച്ചു ഇരിക്കുന്നുണ്ടായിരുന്നു. ഇക്കഴിഞ്ഞ ഒരാഴ്ചയോളം കഞ്ഞി മാത്രമായിരുന്നു അവളുടെ ഭക്ഷണം. വേറൊന്നും കഴിക്കരുതെന്ന് ഡോക്ടർ പറഞ്ഞത് കൊണ്ട് മറ്റൊന്നും അവൾ കഴിച്ചിരുന്നില്ല. ഛർദി പതിയെ മാറി എങ്കിലും ക്ഷീണവും ദേഹ വേദനക്കും വലിയ മാറ്റം ഉണ്ടായിരുന്നില്ല. അത് കാരണം മീര എപ്പോഴും ഒരേ കിടപ്പായിരുന്നു. ഇന്നാണ് അവളൊന്ന് എഴുന്നേറ്റ് ഉമ്മറത്ത് വന്നിരിക്കുന്നത്. "ഇന്ന് ഡോക്ടറെ പോയി കാണേണ്ട ദിവസമല്ലേ മീര. നമുക്ക് ഇപ്പോ തന്നെ പോയി കണ്ടാലോ. വൈകുന്നേരം 5 ടു 8 മണി വരെ ഉള്ള ടൈമിൽ ഞാൻ സ്ലോട് ബുക്ക് ചെയ്തിട്ടുണ്ട്. ഇപ്പോ മണി 5 ആയി. നമുക്ക് പോയൊന്നു കണ്ട് വന്നേക്കാം. ശ്രീഹരി അവളോട് പറഞ്ഞു. "എനിക്ക് ഓർമ്മയുണ്ട് ശ്രീയേട്ടാ. ഈ ഡ്രസ്സ്‌ ഒന്ന് മാറ്റിയ മതി. "ഞാൻ സഹായിക്കാം. നിനക്ക് നല്ല ക്ഷീണമുണ്ട് ഇപ്പോഴും. പഴയ പോലാകാൻ രണ്ടാഴ്ച എങ്കിലും പിടിക്കും. ശ്രീഹരി അവളെ മെല്ലെ റൂമിലേക്ക് കൊണ്ട് പോയി. മീരയെ റെഡിയാക്കി ഇരുത്തിയ ശേഷം ശ്രീഹരി പോയി കൂട്ടുകാരന്റെ കാർ വാങ്ങി വന്നു. മീരയെയും അതിൽ കയറ്റി അധികം വൈകാതെ തന്നെ അവർ ഹോസ്പിറ്റലിലേക്ക് തിരിച്ചു. പോകുന്ന വഴി ടൗണിൽ പതിവില്ലാത്ത ബ്ലോക്ക്‌ കണ്ടതും ശ്രീഹരി കാറിന്റെ വിൻഡോ ഗ്ലാസ്‌ താഴ്ത്തി മുന്നിൽ കണ്ട ആളോട് ബ്ലോക്കിന്റെ തിരക്കി. "കുറച്ചു മുൻപാ ഇവിടെ കാറും ലോറിയും കൂട്ടിയിടിച്ചു വലിയൊരു ആക്‌സിഡന്റ് നടന്നത്. ലോറി ഡ്രൈവർ റോങ്ങ്‌ കേറി വന്നതാ. അതുകൊണ്ട് ആൾ അപ്പോ തന്നെ ഓടി സ്ഥലം വിട്ടു. കാറിന്റെ ഡ്രൈവർ ഉള്ളിൽ കുടുങ്ങിയ നിലയിലാണ് പോലിസ് രക്ഷ പ്രവർത്തനം നടത്തുന്നുണ്ട്. "മീര... ഞാനൊന്ന് പോയി നോക്കി വരാം. എന്തായാലും ഈ ബ്ലോക്ക് തീരാൻ കുറച്ചു സമയം പിടിക്കും. ഇതിന്റെ നടുവിൽ വന്ന് പെട്ടത് കൊണ്ട് ഇനി തിരിച്ചു വേറെ വഴി പോവാനും നമുക്ക് പറ്റില്ല. ശ്രീഹരി പറഞ്ഞത് കേട്ട് മീര തല കുലുക്കി. അവൻ അപ്പോൾ തന്നെ ഡോർ തുറന്ന് പുറത്തിറങ്ങി ആക്‌സിഡന്റ് ആയ കാർ കിടക്കുന്ന ഭാഗത്തേക്ക്‌ പോയി. അവിടെ എത്തിയതും ലോറിയുടെ ഇടിയിൽ മുൻഭാഗം ഭാഗികമായി തകർന്ന് കിടക്കുന്ന കാർ കണ്ട് ശ്രീഹരി ഞെട്ടി. "ഈശ്വരാ... ഇത്... ഇത് കിഷോറിന്റെ കാറല്ലേ. ശ്രീഹരി ഞെട്ടി തരിച്ചു ഒരു നിമിഷം അവിടെ തറഞ്ഞു നിന്നുപോയി. തുടരും കിഷോറിനോട് സംസാരിച്ചിരിക്കെ ഉറക്ക ഗുളികയുടെ എഫക്ട് കാരണം വേണി എപ്പോഴോ കിഷോറിന്റെ തോളിലേക്ക് ചാഞ്ഞു കിടന്ന് ഉറങ്ങി പോയി. അവൾ ഉറങ്ങിയെന്ന് കണ്ടതും അവൻ വേണിയെ തന്റെ കൈകളിൽ കോരി എടുത്ത് മുറിയിൽ കൊണ്ട് പോയി കിടത്തി. തുടരും