part 1 “ഇല്ലാ അമ്മേ…. അമ്മ എന്തൊക്കെ പറഞ്ഞാലും ഞാൻ ആ കോളേജിലേ പോകൂ! അവനാര എന്റെ കാര്യം തീരുമാനിക്കാൻ? ഞാൻ ഏത് കോളേജിൽ പഠിക്കണം എന്ന് തീരുമാനിക്കേണ്ടത് ഞാനല്ലേ, അല്ലാതെ അവനല്ലല്ലോ!” മുറിയിലെ മേശപ്പുറത്തിരുന്ന പുസ്തകങ്ങൾ ബാഗിലേക്ക് ശക്തിയായി വലിച്ചിട്ടുകൊണ്ട് മിത്ര പറഞ്ഞു. കവിളിലേക്ക് വീണുകിടന്ന മുടിയിഴകൾ ദേഷ്യത്തോടെ പിന്നിലേക്ക് ഒതുക്കുമ്പോൾ അവളുടെ വലിയ കണ്ണുകളിൽ വാശിയുടെ കനൽ തിളങ്ങുന്നുണ്ടായിരുന്നു. “നീ ഞാൻ പറയുന്നത് കൂടെ ഒന്ന് കേൾക്ക് മിത്രേ…” പിന്നിൽ നിന്ന് അമ്മ സരസ്വതി വന്ന് അവളുടെ തോളിൽ കൈവെച്ചു. അമ്മയുടെ സ്വരത്തിൽ വേവലാതിയും നിസ്സഹായതയും കലർന്നിരുന്നു. ആദി നിനക്ക് ദോഷമുള്ളത് ഒന്നും പറയില്ല. മോൻ പറയുന്നതിലും കാര്യമുണ്ട് ,ആ കോളേജിൽ ലഹരി ഉപയോഗവും റാഗിംഗും ഒക്കെ കൂടുതലാണെന്നാണ്. അതോണ്ടാണ് എനിക്കും വല്ലാണ്ട് പേടി.” മിത്ര അമ്മയ്ക്ക് നേരെ തിരിഞ്ഞു. അവളുടെ ചുണ്ടിൽ ഒരു പരിഹാസച്ചിരി വിരിഞ്ഞു. “ഓഹ്… വലിയൊരു ലോകരക്ഷകൻ! അമ്മേ, ഈ പറയുന്ന റാഗിംഗും ലഹരിയുമൊന്നും ഇല്ലാത്ത ഏത് കോളേജാണ് ഈ നാട്ടിലുള്ളത്? എന്നെ നോക്കാം എനിക്കറിയാം. അതിനുള്ള ധൈര്യം എനിക്കുണ്ട്.പിന്നെ അതിനെക്കാൾ നന്നായി അയാളെ എനിക്ക് അറിയാം. എന്നെ പ്രൊട്ടക്ട് ചെയ്യാനൊന്നുമല്ല അവൻ ഈ ഉപദേശം തടയുന്നത്, മറിച്ച് എന്നെക്കൊണ്ട് തോൽവി സമ്മതിപ്പിക്കാനാണ്!” യഥാർത്ഥത്തിൽ അവൾക്ക് ആ കോളേജിനോട് അത്ര വലിയ പ്രണയമൊന്നും ഉണ്ടായിട്ടല്ല ഈ വാശി. മറിച്ച്, അവളുടെ ജീവിതം മറ്റാരോ റിമോട്ട് കൺട്രോൾ വെച്ച് നിയന്ത്രിക്കാൻ നോക്കുന്നു എന്ന തോന്നലാണ് അവളെ ചൊടിപ്പിച്ചത്. പ്രത്യേകിച്ച് അവൻ —അവളുടെ സ്വന്തം ഏട്ടൻ മാധവന്റെ ഉറ്റസുഹൃത്ത്, ആദിദേവ്! #💞 പ്രണയകഥകൾ #novel #പ്രതിലിപി malayalam #പ്രതിലിപി...✍️